الملف الشخصي
مشاهدة مشاركات النادي
مشاهدة مقالات المدونة
مبنشر وجوانتنااموو<مايعرف يكتب موضوع
اهلن اهلن ومرحب مرحب بكل مبنشر ومبنشرهـ
السالفه ومافيهاسلمكم الله انه في يومن من الايام يوم قامت الشمس من النوم وفرشت اسنانها وتمغطت لها شويه وقعدت تهرول وتسوي بُش أب تسعين مره <لزوم اللياقه. وجا دورها تطلع لنا دقت على القمر
وقالت بالله يالحبيب لو سمحت دحدر ولاعليك امر الحين دوري امسك خفاره :D قال:لا منيب نازل.. قالت: الا لازم.. قال: لا.. قالت: الا قال:لا قالت تكفى الا ..قال لاتقولين تكفى
فإنّا تكفى تهزّو الرجاجيلو وأخِيرن إقتنعا القمرو :D وذبّا الجوّالو إلى زُحلو وأخذهو زُحلو واتصلا على الزهرتو ولااااكنهو وجدهو مُقفَلُن وقالا ياليلو مااطولكو
<خلك بالعاميه اصرفالمهم نزل عقب كلمة تكفى وهي جت مكانه ودبت الحياه في أجساد الكائنات(يعني صحصحت) وقامت الفيله بفرد اجنحتها الخلاّبه
وانتعش الكون بزقزقة البعارين الحالمه وإنشاد الضفادع لـ ألحاان تأسر الألباب
لاتستغربون انا استغربت قبلكم وش هالمياانه ياربيبس تذكرت اني سولفت معها كذا مره وطاحت ام الميانه لاعادت من ميانه ..عاد مابغيت اجادلهاخابرها حرك تبلش
يعني لو قلت ضفي وجهس بتزعل تخبرون ما احد يحتمل شي على الصباح (إلا أنا )
زين زين انا بقول لكم قصتي واطب وياكم بكرش الموضوع واللي يبي يطلع للتسلا والتسبد كيفه بس يخلي لنا شي ناكله
< الله يحوّم تسبدك لعد تكتب موضوع ..
تـاااابعوا لاخليت منكم
هذا سلمكم الله في يومن ما في سحلتن ما خخخخ اقصد في شهرن صـا (يعني فرقت ما والا صا .. تابع الموضوع فديتك) المهم في هاليوم طب علي اخوي وانا اتابع احدى حلقات ليالي الصالحيه والدمع ابد على شفا حفره من الخد كنت متأثر لحظتها ما ادري بأي حلقه والله(عشان محد يقول أي حلقه)بصراحه لحظتها ماسمعت غير كلمتين (نروح وأمريكا) .. انا ماصدقت خبر ..من جد ياولد؟..قال أي والله بنروح بس جهز أغراضك .. بغيت اقول ياليته كل يوم يمرض خخخخ استغفر الله ..... قمت من النوم < اقول اعقل عاد
قمت من الصاله ونسيت ام الحلقه والحزن اللي فيها ورتبت اغراضي
وحشيت الشنطه من هالخلاقين انوااع الألوان تحلفون اني من
من ربع ويل سميث خخ.. طلعنا المطار وركبنا االطايره وقاام الكابتن يلوف الطايره لوف من واحد في اثنين ويعطيها نِمَر وترووس :D
<يسمع بالطيران خخ
إلين قلنا سلام يالندن مدري واشنطن مالكم بالطويله نزلنا المطار الا ويستقبلنا بوش براسه واذانيه اللي تقول مغرافة فوّال.. ويقول هاي كيفكون (زمان كنت احسب أي واحد يقول كيفكن يعرف انقليزي خخ)
بيني وبينكم قبصني ابوي وقال والله لو مااتعقل يالحلف الأطلسي اني لأعلقك بخشم اولبرايت ..تبي تودينا بداهيه انت
سكتّ انا وبوش انكسف ودرى انه غلطان ولا ودي احرجه بزياده .. ضيّفنا الزلابه (بوش) ولاقصّر ..جا وقت زيارة العم الله يشفيه زرناه وتطمنّا عليه..وش سالفة عمي؟؟(نسيت اقول لكم من العجله)هذا سلمكم الله عمي كان يلعب مع خوياه بالمزرعه اللي جنب مزرعتهم(عمي ذا اصغر منّي عمره19) والشباب اللي هو عندهم حاطين لهم تزليب(قليب=حفره لكم عليها) ابو الشباب يطرد الكوره ولادرى بعمره الا وهو لازقن بقاع الحفره :D .. يحلفون انهم مطلعينه بلووح حديد .. من قو ماهو لازقن بالقاع غادن تقول مصلّى عجوز(سجادة الصلاة)
بس الحمدلله تعافى ولاعليه باس ( لا احد يقول وشوله مودينه امريكا.؟ يمكن ربي كاتب لنا زياره لأمريكا والسبب هو ؟؟ يمكن ماتدرون؟ ايه عاد زرناه وقضينا .. قلت لأبوي وأخوي يلا عاد انا استاذنكم بطس قالو :وين يالحبيب ولاكأنك جيت معنا ؟ ضحكت عشان هالنكته اللي قالوها قلت: لاوالله مير المقصد زياره وزرناه وانا الحين معزوم عند واحدن من خوياي في ولاية مونتغمري ملّزم علي لازم ازوره(بيني وبينكم ودي اهيت لي شويه بواشنطن ما اخذت راحتي وهاللزقات معي)
عاد عشت عيشه رايقه لمدة شهر وخبري بخوياي (ابوي وسامي) بأول زياره لعمي خخخ مالي خاتمه خخ المهم وأنا في عز تسكعي مادريت الا والموبايل يرن (موبايل=يعني تراي بأمريكا) رديت:هلوو مين ذا متصل ..الاوذاك الصوت الخشن النشّاز: هلوو ماي فرند معك الإف بي آي اناوالله وانقز للمطار .. تقول مقروص ياكافي لا أنا اللي استفسرت وش يبون ولا انا اللي تصرف زين
صكني بطراق لو يصكه لكافر أسلم قلت: يحول تراي امزح وش فيك عصبي سكت برهتن من الزمن وقال روح الغرفه ذيك شوف فيها كمبيوتر لك خمس دقايق وتطلع ترانا مهربينه نقزت على الكمبيوتر الا والقى صفحة بنت نت والله وأدز لكم هالموضوع ... النجده هيلب مي يا أهل بنت نت .. ياليت تسعفونن
مايسـتـفـاد من القصـه:
1_يازين السياحه الداخليه .. ولا احد يطري عليه يكون مصطاف عند الاجانب حنّا أولا< تحلفون انه مدفوعن له على هالحتسي.
2_ ان كان ولابد من الطلعه كلّن يلزم تي شيرت ابوه ولايتعدا مكان العايله. :D
3_كررو الزياره بالله عليكم .. ولاتقاطعون البشكه.
4_مو اشوف المشاهدات 500 والردود 4 قويه بيني وبينكم خخ.
5_ارغص(كلك) على اضافة رد الله لايهينك خخ.
6_عليك بالمجامله ان كان الموضوع ماجاز لك خخ مالي خلق للتحطيم.
7_تراه ثاني موضوع لي لاتحطمونن بليزززززز خخخ.
8_والله لحالي طفشان ولاعندي سالفه قلت ادزز لكم هالسالفه نونسكم (والله من واحدن بيقول مالت بس) خخ :D
9_ انزل لرقم عشرهـ رجائاً.
10_ماتحسون اني طولتها ..بس حبينا نجيب لكم شئٌ بطريقتن فتساهيه
(فكاهيه)..يلا عاد ضفّو وجيهكم لاهنتم ..<افلقني ان احد رد خخ
على الحب نلتقي..
ياحليله :D 
الف عافيه.. ونستنا :D يخليك ربي .. والى الأمام دوم 
.gif)
.gif)
.gif)
مواقع النشر (المفضلة)