الملف الشخصي
مشاهدة مشاركات النادي
مشاهدة مقالات المدونة
زيارة الصفحة الرئيسية
فوكره وسيناريو وحوار : قمر الشرقيــه
اصبحنا واصبح الملك للــه ..
يا فتاح يا عليم يا رزاق يا كريم..
وش ذا الصوت وش ذا الازعاج من الصباح<<اخــتي توكس الي تهرج بهــذا الحديث
>>انــا :D ابد والله جالستن اسمع لي ميوزك وطربانه بالمرة
باللهي مصحيتني وصاجتن راسي قومي تقلعي لا اتوطى في بطنك و اضيــع مستقبل مصرانك الاعور<<توكس تتحدث
وبعــد جدل طويــل بيني وبينها وتكلكل بانها طردتني من الغرفـه وقالت ان شفتك نوبت ثانيــه جايه صوب الغرفه يا ويلك ياسواد ليلك
طلعت وانا اجر اذيال الخيبــه ياربيــه غرفتي وتاخذها وش هالحيــاة
والله اني اكســر الخاطر<<منقهرة على نفسها
بما انــي عارفه اني دلوعة الباباقلت ابي اشتكي لووه ..وكانت طيــحة الوجه
ويا فشلتن ما بعدها فشلة
طردني
فقررت اني اهرب من البيت
وجهــزت اغراضي اخذ سيكــل محيميــد اخوي و..و..سرقت لاب توب اخوي الكبير وماي موبابيلوالميك اب
وبعــد من ضمن الاغراض الي اخذتها كيس ابوي العمل لانه اثمن شي عند ابوي ونوع من الانتقام طبعا كيس البابا يعتبر منزل منتقل فيــه جمــيع متطلبات الرفاهيــه :D (مناديــل ..ملاعق..شوك..سكاكين..علك غندور..مصاص لشرب..عطر..مجلات سيدتي..
وقبل اخرج
قفلت عداد الكهربا
مشـــيت ومشــيت
الى ان شفت لوحــه مكتوب عليها..
ديار بني عبس 5 كلم
ديار بني عبس وش السالفــه يعني يعني يعني
<<بالله احد جاب سيرته
وابــد مشيــت مشــيت الا بلووووووحــه كبيرة
ومكتوب ...
اهلا وسهلا بكم في مضارب بني عبس
welcome to bine 3abs houses
^^
امحـــــــــــــق
المــهم دخلـــــــت ذا المضارب اشوف وش جابني هنا وليــه ومين ولماذا وكلا وربما انا هنا
وانا مدرعــمه بسكيلي :D والجوع اخذ مني مأخذ لا بأس بــه<<تراني مثقفــه
مشــيت وحسيت انه حيغمــى عليا من التعب والجوع..
واذا بي ارى مجموعه بنات لابسات ملابس غريبه انا افااا يا ذا العلم الموضــه تتغير وانا ماعندي خبر<<لابسه برمودا وفانيله سبورت
واروح عندهم واقول هاي قيرلز
البنات:ماذا..؟ ماذا تقوليــن؟؟
<<هع وش ماذا تقوليــن..
البنات:ماذا بك يبدون انكِ لستي من مضاربنا ..من اي العرب انتِ؟
<<امحق وشذا الهرج اقول بلا دلع وتكلموا مثلي عربي وانا من عرب السعوديه اخلصوا
البنات:يا قوم هلموا هنا لتروا هذا المخلوق الغريب..
<<اقول انثبري انتي وياها تراني بنت حالي من حالكم
البنات:يا قوم يا جحدل يا هجرس يا عنتر يا انطوينو<<وش يبي ذا
هلموا وانظروا ما قد وجدنا.. يبدوا انها من عرب تميم .. الذين غزونا بالأيام السابقه
>>هي بنت رجعي البكله وانتي اتركي يدي دوختونييا مال الطاعون الي يفجعكم
ويجي رجاجيل برضووو لابسين غريب
رجال:ماذا حل بكن يا فتيات القبيله تصرخن
البنات:ان هذا المخلوق الغريب الذي عثرنا عليه .. يتحدث بطريقه غريبه .. لم نفهمها
رجال ثاني:ابتعدن لأراه
وجا وبدا يتمقل فيني ويدور ويدور
<<بليز تمقل على كيفك بس هات لي مويا اشرب
فجاءة صرخ :يا ربيعه ، يا عتبه.. هل خرجت قافلة العبيد.. اذاً لتتبعهم ..
<<هع يا بو الشباب وين قلنا لك نبي كأس مويا ما يحتاج تجيب عبيدك
واحنا في هالاجواء تجي بنت ..
غير باقي البنات..يعني شكلها بنت عز وحركتات وكذا وبس جات بعد الكل عن طريقها..
وقال واحد من الرجاجيل..يا مرحبا بك يا عبلــه بنت مالك انظر ما وجدنا..
عبلــه :بكم ستبيعها..؟
<<يبيع مين وين هي مضيــعه انتي ..
عبله:سأدفع لك ما تريد ..
الرجال: سأبيعها بثمن زهيــد لانها تبدوا سيئه
<<سيئه في عينك يا قليل الادب تراني صحيح ما افهم الا شويه من هرجتكم
بس ماني بوقيرة عشان تسبني قدامي ولا افهم ايه تفوووووو عليك قليل ادب
عبله:هيا يارجل الحق بي لأعطيــك ثمنـها...
الرجال:حـاظر ياسيدتي..
ايها المخلوق الغريب الحق بي
>>وين بنروح نشرب مويا
وبعدين حملت اغراضي بنفسي والله ثقيلين ولحقته الا يدخلووني قصر>>امحق قصر حدهم خيمه ام دورين
المهم جلست وانا اقول حر وجع شغلوا الكنديشن..
وبعد جايــعه بــدقعلى ماكدونالدز والحساب عليك يا اخت هبله :D اقصد يا عبلة تراني امزح<<هع
عبله:يا حميراء خذي هذه الجاريه واطعميها..
>>لا ثانكس دقيت على ماكدونالدز وهالحين جايين بس عطيني عنوانكم عشان اوصف لهم
حميراء:سيدتي اني لا افقه شي مما تقول..
<<ايه لانك بوقيره
عبله:دعكِ منها ياحميراء الآن واخبريني هل رأيتي عنتره اليوم..
<<ايوا يا بنت يا حركتات
عنتــرة وعبــلـه وقبيله بني عبس
المهم عرفت وضعيوتحسرت على شبابي
واتصلت على ماكدونالدز وكنسلت الطلب
..
وقطع حبل افكار<<حلوة صح
عبله يوم قالت لي :سأخرج الى غدير الماء أتأتين معنا..
<<لا والله انني احس بصداعن في رأسي وسابلعو فيفادولن ثمن سأنخمدو وانامو<<يقال لها تتكلم فصيح
عبله: حسناً<<والله اني خطيرة فهمت وش قلت
وعيي النــوم يجيني ياربيــه وش اسوي قلت اقوم اللعب واحط لي ميك آب
اشوي الا اسمع صوت جاي من بعيــد صوت خيــل
يا دار عبلــه بالجوى تكلمي...وعم صباح دار عبلة وسلمي
<<يا هو يا الحبيب يالطيب وين وين عمن يعميك
الرجال:اين هي حبيبتي عبله
<<الله اكبر يعني انت الي يقال لك عنترة
عنتره:اجل انا عنتره..وانتِ ايتها الحسناء من تكونين<<اول واحد ينطق بالحق
<<انني انني قمرن بنت الشرقيتو
عنتره :والنعــم
<<ينعم بحالك يالطيب :D
فــاصــــل
^^ابد ما تقلد كتكوتا
الآن جديـد سوق الكاسيــت الفنـان الشاب الرائـع عبــاس ابراهيم
في ألبومه الثاني حبيبي
لسمــاع الاغنــيـه تكرم وارعص هنا
نعــود معكــم من جديــد
^^
ماهيب كاتبه عـــدنا عشان ما يقال انها تقلد كتكوتا
وبدينا نسولف انا والاخ عنترة
<<اقول هل تدري انك مشهور في ديرتنا
عنترة:حقاً وما اسمها ديرتكم يا حلوتي
<<اقول لا تغازل لا افقعن خشتك بـ بوكسنواعلمن عليك عبلتو
عنترة:آه يا من تولع القلب بحبكِ لقد سحرتيني
<<هع استح على وجهكا يا عبد يالمال البعيــرو الذي ينطحك
عنترة:لدي سؤال..؟
<<تفضل..
عنترة:لماذ شفتيك حمراوين هل اكلتِ كبده نيئه
<<
عنترة:هيــا نذهب لنحتسي الخمر
<<لا يا شــيخ اذهب وحتسي خمر بكيفك انا ابي عصير البقرة القويــه
عنتره:لكِ ما تردين ..
وتونا معيــين من الله خيــر نريد ان نطلع من الخيمــه قلت لعنترة..
<<اسبقني انت عند باب الخيمتوو وانا سأقفل باقي بيبانو البيت وسأتي
عنترة:حسناً لا تتاخريــن عزيزتي<<وش يبي ذا
دخلت واخــذت موبايــلي والاب توب قلت كود اني اشوفنلي مقهى
وادخل اشيك عالايميل واشوف الشله في بنط نط<<امحــق شله والله
طلعت لــه وشفته واقف عند باب الخيــمه وينتظرني..
عنتره:هيــا بنا نتنزهــه قليلاً
<<لا عيــب وش يقولوا الناسو في القبيلتي عني وعنك وبعدينو انت خاطبن لعبلــه بنتو عمك
عنترة:لم تعــد لي لقــد خطبها ابو الاسود الخزامي من سادة بني خزام
<<طيبن طيبن وانت الا تحوبها وهي تحبوكا ..
عنترة:كنت احٌبها اما الان فانتــِ من احب
<<ماذا تقول واللهي هذا الناقصوو ان يحبني عبدن مالتو عليك
عنترة
ولربما زعمت حروفي,, انني
أغشى الوغى,,
واعف عند المغنم
لكنني يا قمر<<غيرنا الابيات
يغشى علي من الوغى
وغنيمتي في المغنم
<<اقول انطم وامشــي ندور على مقهى عشانو اقول لاختي البعيرة توكسن لانها جالستن على المسنجري لتقول لابويا يجيوا الى هنا وياخذوني
عنترة:اوكي
نكمل مشينا انا وهو ..كان يقول كلام وشعر اشوي الا
,,,,
قطيع اغنام
وانا الي ما يرعبني شييماااه يماااه عنترة انقذنــي
عنترة:لبيك سترين ما افعل بهن ان ماقلبتهم مظبي لعيونك هين
وعنترة كنه يبي ذي الفرصــه عشان يثبت لي شجاعته وحبه<<الي يسمع قايله له قاتل بعير ولا اسد كلها غنم
وتجمهر اهل القبيلة ليروا قتال عنترة مع الغنم
اما انا فكانت مهمتي التشجيــع
وحبيبكم مين .. عنتر
حبيب الملايين..عنتر
^^تقلد اجمل احساس
بصشوف
وكنت حاطــه البرقعوارفعــه<<يقال لها تقلد طاش ما طاش واقول بغنج:|<<قويه الكلمة عنتره
ويتحمس عنتره في الهواشويفوز ...
اول ما فاز جاني بروؤس ثلاث غنمات وقال ..
عنترة:يا حبيبتي اطبخيها لي لانني احب مخ الغنم
وطبعا هذا الحديث دار على مرأى من عبله<<كني دخلت جو وبيدت اهرج مثل هرجهم
جات الاخت عبــله وهي معصبــه..
عبله:ايتها الجاريه الشمطاء ثكلتكِ امك ..لقد اخذتي مني حبيبي..
<<اقول لا تسبين امي لا ابطحــكي واللعبو اونو على بطنكي وما ادري من زينهو هذا الذي تقولين انهو حبيبك مالت عليكي وعليو و تفووووو
عبله:بالفعل انكِ حمقاء اما تعلمين ..مع من تتحدثين..
عنترة:ماذا بك يا عبلــه..هل جننتي..انها ضيــفه..]
فاصــــــــل..
الو نورة رحتي سوق الكاسيت
لا مارحت يا ساره ايش عندهم
يقولوا انه عباس ابراهيم نزل الألبوم الجديد حقووو
باللهي..
ايوا حتى اسمعي
الو نوره فينك
يا ساره انا في سوق الكاسيت والحقيني
رجعنالكم
عنتره :قلت لك يا عبله ما بيننا قد انتهى منذ رفضني ابيك..
<<عنترة عنتره حوبي>>يقال تبي تقهر عبله
عنترة:لبيك غاليتي
<<انني ارد ان اذهب الى (الباث روم)وانت بالكرامه
عبله: تباً لك ولها لتحل عليكما لعنت العرب الى الحرب يا قوم فعنترة ضرب بـ عاداتنا عرض الحائط
<<عنتورتي اتركها عنك وتعال معي عشانني اريد ان اروح الباث روم وانت بالكرامه
عنترة:تريدين ان تذهبين الى اين
<<كحن كحن>>نكح بالفصحى ..قلت لك اريد ان اذهب الى الباث روم..توليت..حمام :D
عنترة:الحمام اجل لقد فهمتك
<<زيــن
مشى ومشيت وراه اشوي الا واقفين عند عشت حمام
<<ما هذا؟؟
عنترة :انتِ قلت تريدين حمام
<<ياربيه وش هالحاله ابي اروح ضروري..وافتح لاب توب اخويا..عشان اشوف وش يسمون الباث روم بالفصــيح..وبعد ان يأست قلت
<<اقول عنترة اقلبو وجهك هناك لا اعطينك كف
وقلب وجهه و...
وكنت جايــعه بالحيــل قلت لعنترة بليز اقرب بوفيــه وجيب لي تشكن برجر
عنترة:لا يوجد لديهم الا منــدي
<<باللهي
لكنني جوعانتن حدي حدي لذلك جيبوهو
عنترة :حسناً
وجابه وطلعت الملعقه وبديت اكل
عنترة:هل تعلميــن يا قمر كم انتِ رائعــه وانتِ تأكليــن
<<لحووووووول حتى الواحد ما يتهنى في اكلوه قوم واكل معي :D
عنترة:كلا كلا انني ..انني..اح..اح
<<ماذا بك هل دخلت قزازتن في رجلك
عنترة:كلا ..هل اعجبك الطعام..
<<يمشي الحال
عنترة:من الشموسُ عزيزةَ الأحداج ....... يطلعنَ بينَ الوشيِ والديباجِ
منْ كلّ فائقةِ الجمال كدميةٍ ....... منْ لؤلؤ قد صورتْ في عاجِ
تمشي وترفلُ في الثيابِ كأنها ....... غصنٌ ترنحً في نقاً رجاجِ
حفتْ بهن مناصلٌ وذوابلٌ ....... ومشتْ بهنَّ ذواملٌ ونواجِ
فيهن هيفاءُ القوام كأنها ....... فلكٌ مشرَّعةٌ على الأمواجِ
خطفَ الظلامُ كسارقٍ من شعرها...... فكأنما قرنَ الدُّجى بدياجِ
ابصرتُ ثمَّ هويتُ ثمَّ كتمتُ ما ........ ألقى ولمْ يعلم بذاكَ مناجِ
فوصلتُ ثمَّ قدرتُ ثمَّ عففتُ من ....... شرفِ تناهى بي إلى الإنضاجِ
<<هع لا تقول اعربيها
ياربيه ياربيه يا عنترة يا ماما انا فاهمتك وادري انك تحبنيوذا شي طبيعي <<وحده مغرورة
عنترة:عذراً على مقاطعتك لكن أحقاً تفهمينني
<<يا عجـــل لا تقاطع ..ايــه اقول لك ان عبلتو تحبوكا وانت تحبوها اما انا فأنني احبوو عباس ابراهــيم وسأقول لك شيء
عنترة:ماذا؟؟
<<كل ما اقول لك كلمة قل لــه
عنترة:
<<يا عنترة..
عنترة:لبيك
<<يا بوقيرة قل له
عنترة: اجل اجل حسناً..
<<يا عنترة..
عنترة:له
<<حلفتك..
عنترة:له
<<ان تحب عبـ
عنترة: ـله
<<..
هع هع قمرووووه يا النصابه<<مين ذا
هاه توكسووونه
توكس:يا بعــــــيره اصحــي من النوم
ما يســتفاد...
1-الحب من طرف واحـــــــــد شيــــــن ويتعب صاحبه
2-لا تأكل مندي وتنام لانك بتصير عرضه لكوابيس
3-عنترة اطيــب انسان شفته
4-خل ثقتك في نفســك فوق كل شي..
5-يا ويــلك من الحريــم(ان كيدهن عظيم)
6-الي يحــب عباس ابراهيــم يرفع يدوووه
ختاماً:
تشكرات افندم لسارونه ولأجمــل احساس على المساعدات والدفع المعنويه
<<توكس ماني قايله لك شكراً
كما نشكر الفنان عباس ابراهيــم لمساهمتــه بأغانيه
رد مع اقتباس
هــــــــــــ*بالحــــــل ا كــــله*ــــــــــــــلا 
عبله 
يالله ياقمر هلمي لتكملي القصه 
يمكن خيمة بطوب مسلح 
مواقع النشر (المفضلة)