شوشتس يابسة تسنه ليفة مواعين؟خشمك تقل عروة باب منكسرة؟تعالوا هنا

[أحبن]

يامرحبا ترحيبتن كلها لي تكسين من راسي الى رجلي...
...
مواضيعي نظام اخدم نفسك بنفسك فاللي وده يرحب بروحه يرحب منا قاعدتن ارحب باحد...بعد بعد
...
نجي لموضوعنا
مبطي يوم اني مهبوله<<<ولا اللحين ذابحتس العقل
المهم كنت بتله اروكض بهالمكتبات واشري من كتب تطوير الذات وهالبرابيس نسأل الله السلامه...
يالله كسف بالعدو تسانهن بيع حتسي ومالهن فايده
عاد قلت دام اني شريتهن وقضيت خل أسبحن عليكم...
اخبر حدا مدرساتي ايام الثانوي تسلطن عليه البنات يقولن حللي شخصيتنا المهم الضعيّفة قالت خل نفتك من السنهن واقولهن...
بكل صراحه صعقتنا وهبلتنا وخبصتنا وكلش يومه حللت شخصياتنا تقل انه تعرفنا من سنين وبيننا علاقات قويه ماهو تسننا مالنا علاقه به
الا من سنة وحدة... وبعد علاقه مدرسه وطالبات يعني نتهيبل عليه وتنقصنا درجات<<<تسمع بالعلاقات
المهم اني مسكت معي حماس ودرعمت للمكتبه وأطلقت كراعيني الرشيقه في أسياب المكتبة ولقيت كتابن من الماخوذات أعلاه اسمه:
بإمكانك قراءة لغة الوجوه لـ ناعومي آر تيكل...
الكتاب عن الفراسه...
عاد قعدت أسولف مع بنات أفكاري...
وحدتن تقولي: خوذيه...والثانيه تقول: لا وشوله الكلافه تسذوبه وبياعة حتسي من عرض هاللي يجون يقولون فكر بإيجابيه ويحطونتس تسنتس بالجنه همن تنصدمين بالواقع...وبنت افكاري الثالثه تقول: ان مبطي العرب يعرفون الفراسة شكله صدز ماهو برابيس خوذيه...
عاد عشاني ديموقراطيه شفت اكثر بنات افكاري يقولن خوذيه واخذته...
بعد كل هالبربره...الموضوع عن الفراسة...بكتب لكم وبحط لكم صور توضيحية من الكتاب إن شاء الله عشان تقزون وجيه خلق الله كوده ينفعكم هذا والله ولي التوفيق...
...
س/منين جت الفراسة ياأحبن ياأحسن وحدة بالعالم؟
ج/تقول بنت التيكل ان الناس مبطي وهم يهوجسون بعلاقة الملامح بالشخصيه وان هالحتسي من عصر ارسطو <ماحبه هالآدمي سبحان الله بوه ثقل دم ماهو باحد...
المهم تقول ان علم الفراسة معروف من ٢٧٠٠ عام وان الصينيين اول من قرا الوجيه وكانوا الصينيين يستخدمونه لتشخيص الحالات المرضية بعدين تطوروا الناس وصاروا يحاولون يستخدمونه لمعرفة الشخصية<<< ذابحتهم الفضاوة

س/طيب ياأحبن يامال الجنة الباردة هالحتسي ينطبق على كل الناس...يعني نتايج قراية الخشه تنطبق على كل الثقافات؟
ج/اي...وتقول بنت التيكل ان الاختلافات الجوهرية تكمن بحجم فتحة الخشم وامتداد الشفتين"البراطم لغير الناطقين بالعربية"واتساع العينين.
وانهم طول هالسنين وكلن ينشر كتب بالفراسه بس انه حتسين فاضي وجيت انا"إنت يابنت التيكل"وجبت الحتسي اللي يجمد على القذلة<<<وش هالثقه والله لو هي انا
وان زوجه صمم برنامج عشان يساعده... الله مير يخلف علينا يابنت التيكل رجالنا ماوراهم الا الدجه ماهو مثل رجلتس ياحظتس بوه <<<كود تهزبهم بكل موضوع


و.............
منا مكمله خلاص بشوف تسان تبون نكمل ولا ماشقي روحي لأنه يبي تصوير وتعب واخاف اتعب روحي على الفاضي...
علمون تسان تبونن أكمل...وتسان ماتبون بكيفكم خلاص نقلب الموضوع تشات وسباحين<<<وش حيث ابو رعد الفيفي يقطع موضوعه ويسوي تشويق وانا لا<<<منهبلينن على موضوعتس عاد
وانا من هالمنبر ارجو من مشرفات القسم انهن ماينقلن موضوعي لقسمن ثاني احس هالقسم تسنه بيتي وبعدين هنا اكثر ناس+ان الموضوع سباحين...
+
ماتخبرون كتب زينه؟"مابي روايات ولا كتب تطوير ذات"

[PRincess sense]

صوّت للأولى..احس انها تناسبك اكثر من الثانيهـ >>> منّاك بس..
.
.
.
حياني الله وياهلا ويامرحبا بي ..
نورت الموضوع من يوم دخلت وهو يبرق و يقول يا ارض اتهدي ما عليك أدي ..
هذي اشجان مو حيا الله ..
عاد انا شفت الموضوع فيه ليفه وعروة بابن منكسرة..
قلت وش فيها احبن تمدح عمرها.خل اجي اشوف وش الهرجه..
.
.
والله وانا اختك .. ان بنت التيكل هذي>> كن اسمها سبه ولا انا غلطانه..
المهم انها شكلها تعرف للناس .والدليل انها قالت ان الصينيين يميزون بشكل الوجه..
الله واكبر كانهم يفرقون بين وجيه بعض..
..
والكتب الزينه مبطيتن ماقريت كتابن زين..الا الحين ماسكه معي اقرا في كتاب بوصلة الشخصيه
بس عاد تقولين مابي حقين تطوير الذات..وش نسوي لك عآد..
.
.
انا اصوت انك تصورين صورة وحده وهمن نقرر نتعبك ولا مانتعبك.
.

[أحبن]

جت أشجان جت هيييه هييه

صوّت للأولى..احس انها تناسبك اكثر من الثانيهـ >>> منّاك بس..

حتى أهلي يقولونه
.
.
.

عاد انا شفت الموضوع فيه ليفه وعروة بابن منكسرة..
قلت وش فيها احبن تمدح عمرها.خل اجي اشوف وش الهرجه..

عاد انا حاطته تسذا عشان اجذبتس خابرتس تشكين من شوشتس
.
.

والله وانا اختك .. ان بنت التيكل هذي>> كن اسمها سبه ولا انا غلطانه..
المهم انها شكلها تعرف للناس .والدليل انها قالت ان الصينيين يميزون بشكل الوجه..
الله واكبر كانهم يفرقون بين وجيه بعض..

انا مثلتس قلت وشلون فرقت وجيه الصينيين خلق الله حسن كلهم مثل بعض بس استنتجت نتيجتين
ياانه تسذوبه ياانه ذهينه والله اعلم
..

والكتب الزينه مبطيتن ماقريت كتابن زين..الا الحين ماسكه معي اقرا في كتاب بوصلة الشخصيه
بس عاد تقولين مابي حقين تطوير الذات..وش نسوي لك عآد..

ودي تسوين لي جريش
.
.

انا اصوت انك تصورين صورة وحده وهمن نقرر نتعبك ولا مانتعبك.

ماعندي رد للبضاعه ولا استبدال ياابدا ياماابدا...
.
شوفي ذا عشان تفائلين""<<<طايحتن به

[ليـــــديــا]

مرحبن بك..
انا اقول كملي..<من ربع تطوير الذات
انا نفسك بالمكتبات سيدا ع علم النفس والخرابيط هذي
الين ماانهبلت وسرت نص عقل الا ربع عقل..
لما قولت خلاص بأسير اقتصاديه وبأدخر مالي <
سرت احملهم من النت..
اذا تبغي مواقع كتب انطيج..عندي كتاب لسه مافتحتو..
بس صاحبتي تقول حلو وخفيف و اللي مترجمه بنقالي بس ينفهم خخخخ..
على طاري الفراسه
اختي من عرفتها بالمتوسط لوقتك مجننتني بورقتها وقلمها وتقابلني وتقعد تحلل
بوجهي ..
انا احسبها معجبه وتبغى توقيع مني..طلعت تطبق علي اللي تقراه
الا تعالي..
يقولو العرب قديما مايثقو باللي عيونهم ملونه..وفراستهم تقولهم انهم خبيثين وخونه..
كملي يابعدي..ومن ناحية التصويت ترا احترت بيناتهم وتركتهم كلهم ..

[فتافيت سكر]

أحبن :
أخيرا" كحلتي عيني بموضوع من يدياتس الحلوين >>> ماتقلد أبد
كملي
كملي بس ولا أحد يهمك
لو ماقرو أنا أكفي >>> ماخذه مقلب بعمرها

هالكتب اللي أنت تهذرين بها أناتي وبنات أفكارك بصراحه ماأقتنعت فيها والمشكله تجيك كثيره صفحاتها وغلافها مايساعد <<< جيل يسمع بالثقافه
وأختي الكبيره تقدر هالخرابيط وتجيب من هالكتب وحتى تشوف حلقات صلاح الراشد اللي باليوتيوب المختص الأكبر بالهاخوزعبلات وماسكه علينا غيرت نظرتي وماأدري كيف

الزبده وأخرة الهذره
أستمري استمري

أن شالله على ايدين موضوعك أنسى أبو فيفي

[miss`jojo]

اهلآ احبن ..
ياااختي كلآمج صعب شوي افهم والبآقي اسلك شوي
لمآاذا لا تتكلمين العربي الفصيح او اللهجه البيضاء

اللي فهمت انتي تبين كتب زينه .. ؟
والإجآبه للأسف ماعندي انا ابي كتآب نسيآن كوم ماوصل الكويت
و روآيه سقف الكفايه بس اروح المكتبه

توني مخلصه خواطر 2 و 3

وسلآمـتج ..
امكن ارجع اسولف مره ثآنيه

[PRincess sense]

.
شفتي كلهم صوتوا للأولى يقلدوني ..
فديت اللي نظرتها ماتخيب : )
..
ياآآآآآآجماعه
الغدا عندي بكرة على شرف احبن وبنت التيكل ..
الحاضرين يعلمون الغايبين..
واللي محتمية بس تجي ترى ماني مسويه غير الجريش حاجه..
و عقب الغداء محاظرة عن اخر الكتب الحديثه وانطباعاتنا عنها >>> النادي الثقافي على غفله..
.
.
جوجو تعالي نسولف واترجم لك *_^
.

[خبله^بس^حساسه]

هههههههههههههههههههه
عليك عنوان مدري وش يبي
يوم قريت كتب وماكتب
قلت عندها كتب لتصليح الكشهـ والخشهـ
طلعتي ياحياتي من كثر القراءهـ انلحس مخك خخخخخخخخ

أنا ابنصحك نصيحهـ لوجه الله
لاتشترين كتب ولاعاد تقرين
ترى القراءهـ مضرهـ بالصحهـ
وشوفي الآثار اللي ظهرت عليك
وترى بنات أفكارك مايحبونك ويبون يودونك أبو زعبل انتبهي منهم عاد

:: :: ::

أنا أحب كتب علم النفس
من تحليل شخصيات وتطوير الذات وبطيخ
بس مو أي كاتب اقتنع بكلامهـ
وفي كتب معقد أبو جدها تسبب غباء في المخيخ

:: :: ::

وكملي الله لايهينك ولا اقولك لاتتعبين عمرك
انتي اقريهـ كلهـ وان جاز لك كلامهـ علمينا واحنا نشتريهـ

[أحبن]

مرحبن بك..

مرحبن بتس أكثر

انا اقول كملي..<من ربع تطوير الذات
انا نفسك بالمكتبات سيدا ع علم النفس والخرابيط هذي
الين ماانهبلت وسرت نص عقل الا ربع عقل..
لما قولت خلاص بأسير اقتصاديه وبأدخر مالي <
سرت احملهم من النت..
اذا تبغي مواقع كتب انطيج..عندي كتاب لسه مافتحتو..
بس صاحبتي تقول حلو وخفيف و اللي مترجمه بنقالي بس ينفهم خخخخ..

وهـ ماشاء الله ياصبرتس عليهن انا من اقراهن يمغصن بطني...عطين الموقع تسانه ماهو عن تطوير الذات...
مع اني ماحب الكتب الالكترونيه يبرمن راسي...الا تسانهن صغيرات اقراهن...

على طاري الفراسه
اختي من عرفتها بالمتوسط لوقتك مجننتني بورقتها وقلمها وتقابلني وتقعد تحلل
بوجهي ..
انا احسبها معجبه وتبغى توقيع مني..طلعت تطبق علي اللي تقراه

وش طلع معه عسى اكتشفت انتس سنعه؟

الا تعالي..
يقولو العرب قديما مايثقو باللي عيونهم ملونه..وفراستهم تقولهم انهم خبيثين وخونه..

براي لله ماسمعت شي عنهم...والكتاب ذا للحين ماقريته بس قلت بشوف تسان في احد يبي عشان نكمل

من ناحية التصويت ترا احترت بيناتهم وتركتهم كلهم ..

ماحبتس

[أحبن]

يادي النور يادي النوووور
ولكمن ينطحتس <<<ترا ذا ترحيب

أحبن :
أخيرا" كحلتي عيني بموضوع من يدياتس الحلوين >>> ماتقلد أبد

ودي استحي بس ماعندي هالقدره ذي

هالكتب اللي أنت تهذرين بها أناتي وبنات أفكارك بصراحه ماأقتنعت فيها والمشكله تجيك كثيره صفحاتها وغلافها مايساعد <<< جيل يسمع بالثقافه

بعذرتس اجل يقول صفي سيارتس على جنب وتعرسين؟!:D

وأختي الكبيره تقدر هالخرابيط وتجيب من هالكتب وحتى تشوف حلقات صلاح الراشد اللي باليوتيوب المختص الأكبر بالهاخوزعبلات وماسكه علينا غيرت نظرتي وماأدري كيف

اختس يحول تتمسك بقشة الامل الوحيدة لتحقيق الأمنيات...يعني الضعيّفة تشم رائحة الأماني بهالكتب...لمنتس بغيتي شين وعيا يحصل لتس،،،تبدين تتمسكين باي شي تحسين انه ممكن يكون له دور بتحصيل الشي اللي تبينه...أو على الاقل حتى لو كنتي متيقنه انه ماهو حاصل تحسين انتس قاعده تقطعين الخطوات له"وهم يعني"
اقضبوا ايده لطريق الصواب... هذا والله اعلم<<<حللت نفسية البنت خخخخخ<<<من زين التحليل خخخخ

الزبده وأخرة الهذره
أستمري استمري

أن شالله على ايدين موضوعك أنسى أبو فيفي

ابو فيفي جُرح لايندمل...لن ننساك ياأبو فيفي...ولن يأخذ أحد مكانك

[أحبن]

اهلآ احبن ..
ياااختي كلآمج صعب شوي افهم والبآقي اسلك شوي
لمآاذا لا تتكلمين العربي الفصيح او اللهجه البيضاء

عمتِ مساء ياأخت العرب...
اللهجة البيضاء!
لاأحبها...
وهاأنا أتحدث الفصحى...والله أعلم...

اللي فهمت انتي تبين كتب زينه .. ؟
والإجآبه للأسف ماعندي انا ابي كتآب نسيآن كوم ماوصل الكويت
و روآيه سقف الكفايه بس اروح المكتبه

توني مخلصه خواطر 2 و 3

الموضوع يتحدث عن الفراسة...ونعم أريد كتب جيدة...
سقف الكفاية بايخه عجزت لااقراه...رواية صوفيا"لنفس الكاتب"حلوه
نسيان كوم ماطفت لي"يعني مانويت على الرواية"
خواطر وشو حق الشقيري؟

وسلآمـتج ..
امكن ارجع اسولف مره ثآنيه

الله يسلمتس...حياتس الله تعالي كل يوم

[أحبن]

.

شفتي كلهم صوتوا للأولى يقلدوني ..
فديت اللي نظرتها ماتخيب : )
..

اي بديت أحس اني شي مهم ماحد صوت على الخيار الثاني<<<بزعم اني حاطتن خيارات عاد

ياآآآآآآجماعه
الغدا عندي بكرة على شرف احبن وبنت التيكل ..
الحاضرين يعلمون الغايبين..
واللي محتمية بس تجي ترى ماني مسويه غير الجريش حاجه..

وانا علي البيبسي ماودنا تكلفين بكلش عاد... عشان تحطينه مشروب...
بيبسي وجريش...استغفر الله الله يكرم النعمه

و عقب الغداء محاظرة عن اخر الكتب الحديثه وانطباعاتنا عنها >>> النادي الثقافي على غفله..

اي انا حاجزه موضوع مجلة ماجد
.
.

جوجو تعالي نسولف واترجم لك *_^

تسنتس فارشتن سجادتس بموضوعي عاد ترا ماهو حلى


تعالي كل يوم بس لاتجين خالية اليدين جيبي معتس شي ينوكل
.

[أحبن]

خبله بس حساسه...انت ذيك ماغيرتس؟انت هي؟<<<تحرولت البنت من الصدمه خخخ

هههههههههههههههههههه
عليك عنوان مدري وش يبي

وش بوه عنواني...
ولد حمايل راعي جمايل...

يوم قريت كتب وماكتب
قلت عندها كتب لتصليح الكشهـ والخشهـ
طلعتي ياحياتي من كثر القراءهـ انلحس مخك خخخخخخخخ

اي من قراية كتب الطفاقه بتوع تطوير الذات...

أنا ابنصحك نصيحهـ لوجه الله
لاتشترين كتب ولاعاد تقرين
ترى القراءهـ مضرهـ بالصحهـ
وشوفي الآثار اللي ظهرت عليك
وترى بنات أفكارك مايحبونك ويبون يودونك أبو زعبل انتبهي منهم عاد

بنات افكاري داريتن ان ابليس ينغزهن احيانا بس اني مالي صديقات غيرهن
وشو ابو زعبل ذا
:: :: ::

أنا أحب كتب علم النفس
من تحليل شخصيات وتطوير الذات وبطيخ
بس مو أي كاتب اقتنع بكلامهـ
وفي كتب معقد أبو جدها تسبب غباء في المخيخ

اجل هي وحده من الثنتين...ياإما ان كل كتب الذات برابيس...
ياإما اختياراتي برابيس...
وانا ارجح ان الاولى هي الصح

:: :: ::

وكملي الله لايهينك ولا اقولك لاتتعبين عمرك
انتي اقريهـ كلهـ وان جاز لك كلامهـ علمينا واحنا نشتريهـ

منا قاريته متعيجزه تسان تبونه قريته ونزلته وتسان ماتبون نكمل خلاص ماهو كود ولا انا قاريته


دوتس <<<من جريش أشجان

[sunny_500]

حسبت موضوعك يتكلم عن عمليات التجميل
الا على طاري التجميل يااختي هالبنات مجنن ,, هذاك اليوم رحت مع اختي المستشفى
والعيادة اللي تتعالج فيها جنبها بالزززبط عيادة التجميل
لو تشوفي البنات قد ايش حسيت اني في محل ملابس عليه تخفيضات
كل وحدة مدهرة في خشمهـآ ,, عاد فكرت اذا كل مرة بروح ذا العيادة الشيطان رح يلعب
بعقلي واسوي مثلهم ,, الله يخزيك يا شيطان < تتفل

نرجع لموضوعك < مابغيتي
الحين الصينين كيف قرو وجيه بعض ؟ هو فيه فرق
يحط سره في اضعف خلقه سبحانه
واصلي واحنا وراكي واصلي والله يحميكي يحميكي <
بس ياليت فيه صور توضيحـية للملامح والله ترا مااعرف عيوني صغيرة والا كبيرة والا لوزيـة
والا الخشم النحيف الطويل القصير المطعج
والا يقهرو يوم يقولو وجه بيضاوي او دائري او الماسي ,, حليها ذي !!!

[silent rose]

بناات مين جابت قهوه معها !!

أحبن حتى أنا احبك انتي وسوالفك ولو انه مهنا علاقه بيننا

صوت الخيار الثاني تعرفين ككسر روتين <-- تسمعين فيه =\ !!


المهم على طاري عنوانك اللي قاعد يطلطل ويأشر ويغمّز خلق الله

ألحين فله الجزائريه وش تبي يوم تطلع قبل شوي في صدى الملاعب بشوشتها وتخربط مدري وش تقول

نرجع لك ..

علبالي سامعه عن شي جديد يهجد الكشش والا اختراع تعديل الخشم بدون عمليه


المهم الفراسه علم جمييل جدا وممتع ..

خصوصا اذا جلستي تتطبقين عاللي حواليك .. انواع العيارات والتعليقات الحفله

اذكر مره قريت كتاب رهيييب عن الفراسه وتعابير الوجه وتغيراتها حسب البيئه اللي عاشت فيها !!
بس ما ادري وينه ولا ادري هو حقي والا من مكتبة البيت

شوفي مدري هي يالكتب تغيرت وصار كل من هب ودب يكتب
والا انا عقليتي تغيرت ومايعجبني أي شي


فيه كتاب حلو مره من اخر مجموعه شريتها .. عنوانه : قوة الذكاء الكلامي .. توني بوازن

وكتاب اختبارات الذكاء والقياس النفسي لفيليب كارتر .. ممتع ومفيد جدا وتكتشفين قد ايش انتي ذكيه


و خذي كتيب كالوري كاونتر calorie counter كل مايخطر على بالك موجوده معلوماته بالكالوري بالقرام وكاربوهيدرات .. الخ ، والكالوري مع الاضافات ومثل الكريما ووووو .. الخ .. ومختلف الشركات الي تنتج اطعمه واشربه !!
<-- دب صغير وتقسيمه خطير ومفيد جدا وبشنطتي غالبا

واذا ودك بخرابيط الإقتصاد فيه كتاب ممتع درسته في وحده من موادي
اسمه النقود والبنوك والأسواق الماليه وجهة نظر شموليه تأليف د. يوسف الزامل


كملي موضوعك وكلنا عيونن مبحلقه

[خشيف الريـــــم]

اما العنوان توووحفه خخخخخ

وواصلي متشووقه اقراء باقي السالوفه

اقصد بنات افكارك وسوالفهم

احبن بصراحه عليك اسلوب رهيب ههههه

وبعدين احترت بالتوصيت !!

مافي خيار ثالث O_o