°°° •الشعب السعودي أفقر شعب ؟• °°° [الأرشيف]

مستر مهستر

20-08-2005, 02:29

مساكم الله بالخيـر .,,

بصراحه تفاجأت مرة وأكثر من الناس الحاقدين على السعووديه وعلى الشعب السعودي .. :no:
دخلت اكثر من شات عربي وخليجي ,, ودائم القى الشتائم بين العرب .. كالعاده لاجديد هذا يسب دوله وشعبها وهذا يرد عليه ..
هذا متفقين عليه من زمان من الاسلوب العربي ., والخليجي خاص ,,

صراحه ومريت على شات خليجي .. والشتائم بين الكويت والسعوديه ..< حشى صارت مباراة

المهم والكويتين معلقين يقولو " اسكتوا يالسعوديين انتم افقـر شعب " .. تبون بيزات نعطيكم ؟ ( بيزات = فلوس )

وصراحه حزت بخاطري هالكلمة..

فـ مادري هل الشعب الخليجي بنظرهم الشعب السعودي فقيــر ؟؟؟

واذا كان هالتفكير بنظرهم .. فـ أقول لكم ترى الشعـب غني بدينه .. مو بفلوسه :)

أتمنى اسمع ارائكم ,,

ورد الياسمين

20-08-2005, 02:34

لا واللة لا فقير ولا شي
الي يقول كذا اكيد في شي مابي اغلط بس انا اسفة من ناحيتهم بما ان ماسمعت عمري عن هالشي
واخوي المسبه صارت عادية الحين عند بعذ الناس يعني بدال مابقول يا حلو يقول يا حمار يا ولد يعني الناس استبدلت الكلام الراقي بكلامات مادري من وين ايبونها على العموم انا اقولك اسفة مره ثانيه على هالشي واللة مافي مثلكم يالسعودية جارتنا وحبيبتنا

DaLoo3a KuwaiT

20-08-2005, 02:41

المهم والكويتين معلقين يقولو " اسكتوا يالسعوديين انتم افقـر شعب "

الصراحه زعلت منك ياخوي لما قريت هالجمله اللي فوق ^^

يعني مو معقوله انت بتصدق واحد من الكويتيين قال هالحجي ..

تقعد تجمع وتقول الكويتين ..

والله لو كل واحد بياخذ راي شعب كامل على راي واحد جان

العالم كله صار بينهم خصاامات ومشاكل !!

يعني الحين لو اسمع واحد سعودي يقول ..

اكره الكويتيين يعني كل الشعب السعودي العزيز على قلوبنا

يكرهنا .. !!

يعني بالعقل هذا الشخص الكويتي او ان كانو مجموعه ..

ماقالو جذي مني والطريج !!

يعني بالعقل !!

اكيد سمعو كلمه من سعودي او مجموعه سعوديين معاهم بالشات

وردو عليكم بهالطريقه عشان يغيضونهم ...

لان انا باسمي وباسم كل الشعب الكويتي

اللي كلنا عارفين مستحيل يطلع منه هالحجي المبتذل

عن اقرب شعب لنا السعوديين ..

ولا تنسى الكويت والسعوديه ديره وحده واهل ..

يعني مابينهم هالحجي البايخ ..

والمفروض احنا مانهتم بهالكلام ونعطيه اكبر من حجمه ..

احنا عارفين الكويت والسعوديه اقرب شعبين من الخليج ..

يعني كلام الحاقدين ما يأثر المفروض علينا ..

انا قلت كل اللي عندي ..

واتمنى لو تفهمني عدل ياخوي مهستر ..

واخر كلام عندي ..

الله يرحم بابا فهد وتغمد روحه الجنه يارب ..

تحياتي لك ..

ورد الياسمين

20-08-2005, 02:44

واللة كلامك ميه بالميه صح دلوعة الكويت :yes: :yes: :yes:

DaLoo3a KuwaiT

20-08-2005, 02:51

تسلمين ورد حبيبتي :kiss: ..

بس عاد وين اللي يفهم كلامي :confused: ..

اغلبيه السعوديين يشيلون بخاطرهم علينا ..

ان كان هني ولا اي مكان ثاني ..

بسبب ناس متخلفين قالو كلام فااضي :confused: ..

الله يهديهم يارب :h:

مستر مهستر

20-08-2005, 02:58

ورد الياسمين

اشكرك اختي على تواجدك ..
وصحيح اللي يتكلمون بالسب والشتم عندهم ضعف بالشخصية ,,
وماعندهم ذوق أبد:conf:

وتسلمي على كلامك ..

دلوعة الكويت

مراحب اختي ..
ادري ومعروف ان الشعب الكويتي مو حاقد
بالعكس اكثرهمـ فيهم خير وماينسون جميل ,’
و انا مو قصدي الشعب عامة !!
قصدي الحثاله الي طلع منها الكلام ..
وتفكيرهمـ بأن الشعب السعودي فقير <-- بس هالنقطه الي حبيت استفسر فيها
يعني حبيت استفسر ليش قالو هالحكي ,, بالذات يعني
ولاتزعلي علينا ياكويتيـه ’, اناماتكلم بأسم الكويت , بالعكس فيهم الصالح والطالح ( الطالح = فاسد )
وكل ديره فيها كذا ,, ,,
والله لا يجيب الزعل , بينك/وبيني :confused:

وتبقى السعوديه عزّ..رغم أنف الحاقدين :cool:

مسروق قلبي

20-08-2005, 03:14

:yes:
:yes: :yes:
:yes: :yes: :yes:
:yes: :yes: :yes: :yes:
:yes: :yes: :yes: :yes: :yes:

يسلموا كل الاخوات الكويتيات الي ردوا
جوابكم انعشني جدا لاني اعرف الحقيقه واعرف انه بين الشعب الكويتي والسعودي وكل الشعوب الخليجيه حب واحترام وعادات متشابها

وصح في شات وبمواضيع ببعض المنتديات ومن ضمنها هذا تسي وتحاول تثير النعرات بس لو تنتبهوا للي يكتبها :no: صراح بعضهم يدخل على انه سعودي او كويتي ويسب ويعرف لهجة السعوديين والكويتين لانه للاسف عاش بينهم واكل من خيراتهم بس ما اثمر فيه وبدال ما يحملها جميله امتلء قلبه كره وحقد وانا ما اعمم لكن هذا الي حاصل

لكن الي يسيء اكثر انه البعض يتفاعل معه ويرد وهو يكون حقق هدفه

ومن بداية التاريخ الى الان كل الامور الي تحصل بين السعوديين والكويتين مشرفه للطرفين من بداية انطلاقة الملك عبدالعزيز من الكويت لتوحيد السعوديه الى الان وما ابي اذكر حوادث علشان ما اثير النعرات لكن
اذا شي يمكن فيه خلاف بين كل الشعوب فهي كرة القدم بس وهالشي غلط انك تزعل من شعب كامل علشان لعبه مجرد منافسه حتى بالدوله يصير خلاف بين مشجعي الفريقين من دوله واحده غير كذا مافي

على فكرة ما تلاحظوا المواظيع الي جالسة تسيء للشعب السعودي وتبون الصدق اكشتفت كذا اسم من الي متفاعلين معها غير سعوديين لاني رجعت لمواضيعهم السابقه بس للاسف يعيشون بينا والان بردوده يحاولون يبينون انهم سعوديين وانهم يقلون رايهم بصراحه ومنطقيه
عمركم شفتم احد يسب اهله الا قليل الاصل
ولكم تحياتي جميعا :brose:

DaLoo3a KuwaiT

20-08-2005, 03:20

مابينا زعل ياامهستر وانت على عيني وعلى راسي وردك

اهو اللي فرحني حييل الصراحه

وهذا دليل على روحك الطيبه ..

بس احنا ماعلينا من الحاقدين مثل ماقلت ..

والسعوديه والكويت على راسنا ..

بس الله يلعن من كان السبب بهالمشاكل الصغيره

اللي قاعده تطلع لنا ..

عشان تفرق لا اكــثــر

وانتو كلكم على راسي ..

ولا تخافون ترا فيني عرج سعودي هههههههههه..

واهل الماما سعوديين :p

مسروق قلبي: حياك ياخوي :p

مستر مهستر

20-08-2005, 03:21

الله يديم المحبه .بين الشعبين ,,

مشكور مسروق على المشاركه: )

ورد الياسمين

20-08-2005, 03:23

مسروق قلبي صح كلامك بالنسبة لكرة القدم

انا دخلت اليوم صفحة الرياضة بالمنتده لاول مره عشان اشوف شنو في ولقيت

موضوع صج نرفزني وما يستحق ان يتواجد يعني ليش جذي يسوون

بس المهم انشاللة ماتنعاد

سلمان لي

20-08-2005, 03:33

مرحبااااااااااااااااااااااا اخوي
احنا ليش نعطي هالناس اكبر من حجمهم مو كل من قط كلمه بالشات رح تكون صحيحه كل انسان يمثل نفسه مو ديره بكاملها وللاسف ان في ناس ماعندهم شغله الا انهم يتبلون على خلق الله
طيب لنفرض جدالا اننا فقر شعب واننا نحتاج بيزات مثل ماقال اجل شولن تكون السعوديات اكثر النساء صرفا على مساحيق التجميل وان الشعب السعودي اكثر الشعوب العربيه اكثر اقبال ع الساحه الخارجيه

احب اقولك اخوي المفروض انا مانحط عقلنا بعقل ناس تفكيرهم محدود احنا والكويت اهل وشعب واحد
ومفروض مانفكر بعنصريه احنا يجمعنا الدين والنسب والاصل المشترك

مستر مهستر

20-08-2005, 03:41

سلمان لي ,

اشكر تواجدك , ومشاركتـك

وكلامك صحيح 100%

والله يديم الخير علينا ,, ويبعد الحاقدين :confused:

miss leen

20-08-2005, 04:02

هلا اخوي مهستر .. موضوعك واقعي ,, انا احيانا اشوف سباب بين الشباب على هالاشياء ,, بس طبعا مو كلهم ..
يعني تلاقي اكثرهم مراهقين ,, صغار ,, سطحيين .. وبعدين صار هالشيء ظاهره طبيعيه :confused:
انا مع دلوعة الكويت واشكرها كل الشكر على هالكلام العسل :h: :yes:
واحنا بعد نحب الكويت .. ونعزها ,, ولاتهون باقي دول الخليج ,, والعربيه :)
بس الكويت لها معزه ,, ولها ايام :brose:

يسلموو مهستر :h:

hudhod

20-08-2005, 04:10

انا اظن انو نحن في الخليج نعتبر شعب واحد وما يصدر من راي عن فرد واحد لا يعمم على الشعب كله والله يبعد عننا شر الحاقدين :h:

ألوان

20-08-2005, 04:31

رايي من راي دلوعـه كويت و آنا معاها بكل حرف قالته .. و بعدين أنت غلطت يومـ قلت الكويتيين و هذا معناته أن الشعب الكويتي كله يكرهـ السعودية ! بـ معنى ثاني أنت أتهمت الكويت كلها ! :eek:

(( غـلـط ))

و الحمدالله تراني ما أهتمـ للي يقولونه عن السعودية لأنهمـ ما راح يغيرون شي ولا من محبتي لها .. أهل أبوي (( الله يرحمه )) كلهمـ سعوديين و أحبهمـ كثير .. وايد طيبين و ما شفت منهمـ إلا كل خير و ع ماعتقد أنو صفاتهمـ من صفات الشعب السعودي (( ما نقول كلهمـ لكن يمكن توجد نسبة قليله جداً من الحاقدين و اللي كارهين الكويت و آنا أساساً مو مهتمه لهمـ كلش )) بـ الأخير أحب أقول ما عليكمـ منهمـ ولا تخلونهمـ تتؤثرون فيهمـ .. كلنا شعب واحد ما فرقت بين كويتي و سعودي .. الله يحفظنا لـ بعض ! :h:

شكراً :star:

*!*cRaZy DeViL*

20-08-2005, 04:53

:roll:
مادري متى بتخلص الحرب !
,,
ليش معطي الموضوع اكبر من قدره !
كلااام نااس حاقده ..
والا الكويتيـن عسسسل :confused:
خالتي تدّرس هناك صح انها تتعرض لكلام زي كذا
بس كله من بنااات :no: ..
يعني كل الكلاام ذا يطلع من ناس :no:
,,
وعندنا بعد الله يهديهم :roll:
يعني الناااس المتخلفه في كل مكاااااااان :D

رايق جدا

20-08-2005, 04:54

يا سيدي : الغنى غنى النفس ... عمر الفلوس ما تقييم شخص واي بني آدم بالوجود فلوس الارض كلها ما تسوى تكوينه .
اما عن بعض الفئات التي تتكلم عن جنية او اخرى فهي فئات عبيطة غبية لا تسيئ لنفسها فقط للاسف بل تسيئ الى مجتمعها عموما ... بس لازم اللي يسمع مثل هذا الكلام يتأكد ان هذه الفئات تمثل شخصها ونفسها فقط ... كل الشعوب في العالم فيهم الطيب وفيم الخبيث ونسبة الطيبة في الناس اكثر من نسبة الخبث ...
عندي قاعده لما اشوف او اسمع عن هذه الفئات او غيرها من عيوب بعض الاشخاص او المجتمعات ... اقول الله يهديهم .. لان لو ما هداهم ترى بيكثروا وبيكثر اذاهم

تحياتي ...

ابو داحم

20-08-2005, 05:04

الحمد لله رب العالمين

ليش نصير أفقر شعب وبعدين حنا يا السعوديين فزعنا لهم

وحرب الخليج أكبر برهان

شكرا:)

الملتاع-A7mad

20-08-2005, 05:10

احبك ياوطن ..
والجبال الروسيات ماهزك ريح الباعوض..
عموما الكل يعرف منهي السعوديه.. مانكبر انفسنا لكن الحقيقه تقال لو على قطع اللسان والاذان بعد..

(كـــــــــــــــــــلام الشات ينشات)

تحيتي للجميع المسافر(4)
(A7mad)

Mshare

20-08-2005, 05:37

فووووووووووووووووووووووووووووو ووووووووووووووق هام السحب اني كنتي بلد

فووووووووووووووووووووووووووووو وووووووووووووق هام السحب

مجدك لك قدام وامجادك ورى

انتي مامثلك والله مامثلك بها الدنيا بلد

والله مامثلك بها الدنيا بلد

( mshare )
مس مس 3

DaLoo3a KuwaiT

20-08-2005, 10:07

الحمد لله رب العالمين

ليش نصير أفقر شعب وبعدين حنا يا السعوديين فزعنا لهم

وحرب الخليج أكبر برهان

شكرا:)

ماله داعي هالحجي

واللي صار من

السعوديه

لنا طيب منها

مو فضل يا فاهم !

رايق جدا

20-08-2005, 15:00

دلوعة الكويت : معلش انتي ردودك كلها توحي انك انسانه راقية وطبيعية .... بس أكيد بعض الناس اللي علقوا ما يمثلوا الكل باعتقاداتهم ... هذا كلامك يا دلوعة ... ولا ..... خليكي كول مررررررررة والناس اللي ما تعرف ترد او اللي ردودهم جلفه ما نقول غير الله يهديهم ....
باي..

بنت بلدها

20-08-2005, 16:21

سيدي الفاضل .. مو كل أخواننا كذا,,,
الكويتين شعب طيب ...
وبس فيه ناس قلوبها سوداء تحاول تخرب بين الأهل ..

(كـــــــــــــــــــلام الشات ينشات)

عين العقل ... :h:

هلا

20-08-2005, 16:39

لو كان الفقر رجلاً ... لقتلته !!!

bag

20-08-2005, 17:49

ممكن تشرحولي هل كلمة فقير صارت شتيمة في بعض الدول ؟ :confused: :confused: :conf: :conf: :conf: :confused: :conf: :confused:

فرح الصغيره

20-08-2005, 18:04

^

نفس سؤالي..
ايش يعني اذا قالوا انكم بلد فقير؟
وين المشكله ؟
!!!!!!!!!!!!!!!!!!!!!!!

^SiLaNt^

20-08-2005, 19:06

مثل ماقالوا اللي قبلي موضوع مايستاهل
ومشكله ماتسوى الواحد يتناقش فيها لأن أي بلد طبيعي ينقال عنه من بعض الناس فقير
وإذا كانت اهيا فقيره فاهيا غنيه بشعبها
يعطيج العافيه

ملحوووووس

20-08-2005, 20:57

سعودي وهذي امجادي

ياسألني عن بلادي وعن تاريخي وامجادي وانا بكل فخر سجل سعودي وهذي امجادي

سعودي والمعاني شهود وتاج عزت آل سعود ابن اطهر بلاد الله بلاد المصطفى الهادي

انا النخله انا السيفين مليكي خادم البيتي انا نبظه سلام وحب وشوكه بعين
حسادي
اول مره اسمع ان الشعب السعودي فقيرر

شف سوق الاسهم اقو وارفع الارباح السعوديه ( فقيره)

يمكن عندنا المتوسطيييين كثير ولكن عندنا تجااااااااااار كثير

وبعدين مايحتاج اتكلم عن السعوديه :brose:

واشكر اخواتي الكويتيات على الردود

واحد قال كلمه تلقاه هو الي محتاج بيزاااااات ;)

مستر مهستر

20-08-2005, 22:13

مساء الخيـر ,,

بصراحه ماكنت ابي اثير كل هالفتن والزحمه والمهاوشات..

كل الحكاية حبيت استفسر هل تفكير الشعب الخليجي ان الشعب السعودي فقير !

بس

الظاهر ان شبّت حرب الخليج مرة ثانيه

فـ ياليت ماحد يتكلم بالاسلوب العدوّي

كلنا شعب واحد ,

ومهما صار من حثالة المجتمع , مايفرقونا ,

:) :)

DaLoo3a KuwaiT

20-08-2005, 22:21

راايق جدا ..

انته حدك راايق وعلطوول راايق ;)

بسوي نصيحتك وتسلم يااخوي ..

ياليييييييت الكل مثلك .. :confused:

pink_girl

20-08-2005, 23:49

بصراحه هاذي تفاهات مراهقين ويدعون انهم خليجيين

انا عمري ماالتفت لها الكلام البايخ اللي ينكتب حتى على القنوات

لأني عارفه انهم ناس حاقدين يبون يفرقون بين الكويت والسعوديه

بس حامض على بوزهم

وبعدين اخوي احنا مو افقر شعب با العكس احنا اغنى دوله في العالم

بايماننا اول وبفلوسنا ثانيا وببترولنا ثالثا

ومشكور اخوي مره ثانيه

يتيم الحب

21-08-2005, 00:38

ومازالت المعركة مستمرة ................... ! :confused:

ورد الياسمين

21-08-2005, 00:45

.
.
.
.
.
.
.
.

شنو قصدك اخوي يتيم الحب؟؟؟

ألوان

21-08-2005, 05:11

ومازالت المعركة مستمرة ................... ! :confused:

صدقت خيو و راييـ من رايكـ والله ! :(

ورد الياسمين .. يتيمـ يقصد أنو أكثر من مرة في ناس جالسة تكتب مواضيع عن الكويت و السعودية و بعدها يتطور الموضوع إلى هوشة مرهـ كبيرهـ و عاد حنا نقولهمـ خلاص اسكتوا و ماكو فايدة يظلون يتهاوشون و كل واحد يروح يقول عيوب كل دولة للثاني يعني صارت مصخرة و حنا أساساً ما نبي هالشي يصير .. فهمتي خيتو ؟! :roll:

سجايا الروح

21-08-2005, 11:00

:confused:
الحمدلله عايشين بعز

والسعوديه والكويت .. :h:

Sultan

21-08-2005, 12:07

ليه فقير الشعب السعودي
لانه يعتمد على البترول فقط
وبس يستورد
والعيب الوحيد عدم استغلال الشباب في اشياء في محلها
وتشوفون اغلب الشباب يا دوران في الشورارع يا قعده في البيت يا
اهتمامه في الكوره والتعصب
وبعضهم في الموضه وتي شيرت نزل وتي شيرت طاح كرته
:)

DaLoo3a KuwaiT

21-08-2005, 12:14

^

^

لوووول ضحكني ردك ..

بس حراام عليك ياخوي ..

ظلمت شبااب السعوديه ..

ترا كل الشباب الحين هذه اهتماماتهم ولازم تعمم ..

مو بس السعوديه ..

منو يهتم بديرته اكثر من نفسه واكثر من لبسه وكشخته :confused:

وسلامي لك :p :h:

شخبوطة خربوطة

21-08-2005, 12:27

عااااااديه الكلمه الواحد وهو يتهاوش يخربط من عقله
وبعدين السعودية بالعكس غنية..
اللي حاط الموظوع شكلك حساااااس جدا بس سوري نسيت أسمك

طحيااااطي
شخبوطة خربوطة

رايق جدا

21-08-2005, 13:35

ها ها ... علقت بين يتيم الحب وورد الياسمين ... الله يستر

عاد يتيم الحب الله يهيديك مالها داعي الكلمة هذي ( شعللها شعللها ... شعللها )

رد أشوف على ورد الياسمين ... ايش قصدك ..... رد اشوف

يا ويلك لو ما ترد ...

ورد الياسمين

21-08-2005, 21:30

امم رايق انا فهمت قصده من الوان تسلمين عمري
بس ابي اعرف الجواي منه اذا بكون نفس الشي ولا لا

باااااي وناطره ردك

رايق جدا

21-08-2005, 22:16

ورد الياسمين .... شكلها بتعلق بيني وبينك ... ايش تقدي بـ ( تسلمين عمري ) هذه العبار موجه لي انا ..

تراني منيب منكم ... انا مو سحلية ..... انا تمساح رايق

ربيع اكسبرس ولا بعده شاي ....

^.. فرفوشه ..^

21-08-2005, 22:33

موضوع ماله داعي من الاساس.... وماله أي هدف

ومستغربه انه خذ أكثر عن صفحه .... الجواب على استفسار صاحب الموضوع في كلمه وحده بس... لا

وياريت استفساراتنا تكون أرقى عن هالمستوى

يتيم الحب

21-08-2005, 23:58

صدقت خيو و راييـ من رايكـ والله ! :(

ورد الياسمين .. يتيمـ يقصد أنو أكثر من مرة في ناس جالسة تكتب مواضيع عن الكويت و السعودية و بعدها يتطور الموضوع إلى هوشة مرهـ كبيرهـ و عاد حنا نقولهمـ خلاص اسكتوا و ماكو فايدة يظلون يتهاوشون و كل واحد يروح يقول عيوب كل دولة للثاني يعني صارت مصخرة و حنا أساساً ما نبي هالشي يصير .. فهمتي خيتو ؟! :roll:

^^^
ريحتيني يا ألوان ورديتي باللي كنت ناوي اقولها لـ الاخت ورده ..

مستر مهستر

22-08-2005, 01:15

:roll: :roll:

صدق من سمّى النقاش .. هواش

:roll: :roll:

ورد الياسمين

22-08-2005, 01:41

لا رايققققققق مو معقوله نونو عاد كله ولا تعلق
انا قلت تسلمين يا عمري حق الوان مو لك كلش ماني بصوبك
لا تفهم غلط
يتيم الحب اشوه ان نفس الجواب!!

*قطعة بسبوسه*

22-08-2005, 01:57

أجل الشعب السعودي أفقر شعب :conf: >>>زين علمتوني أحسبه من أغنى الشعوب بالعالم :p >>أقول قم بس قم.. :p

مهستر والله انك مهستر :yes: >>>وشذا العلووووم :conf: >>وانت مصدق?? :conf: >>هاذي سالفه :confused: >>لا تخاف انت تاج روسهم ;)

والكوايته حبايبنا..الله يديم عزنا.. :h: :h: :h:

DaLoo3a KuwaiT

22-08-2005, 03:25

^
^

بعدجبدي .. ;)

ملحوووووس

22-08-2005, 03:28

:roll: :roll:

صدق من سمّى النقاش .. هواش

:roll: :roll:

:confused: :confused: :confused: :confused: :confused: ما كذبت

الباسـم

22-08-2005, 04:28

اهلا اخوي مستر مهستر،،

وانا اخوك اذا كل كلمة بالتشات راح تشغلك بالك فما راح تخلص :)، اسخف خلق الله تلقاهم في التشاتات، ماهمهم الا استعراض سخافة عقولهم واخراج امراضهم عليه بحكم انه ماحد شايفهم ولايعرف من هم ، والسعودين والكويتين عينين في راس وخلك من كلام الحساد :)،،

الاســـــــطوره

22-08-2005, 08:02

هلااااااا بك اخوي هستور ...
ويسعد ايااااااامك بكل خيراته يا رب ...
طرحك غريب نوعا ما ...لأني اعتبره وجهة نظر بحته لا غير ...
وأنا ما أقول هالشيء لعصبيه أو غيره ... بالعكس ...
ممكن راح يكون رأيي محايد نوعا ما ...
أنا أرى ان الفقر مو عيب ...اولا ...
وثانيا ... الكلام اللى ما يستدل به على كلام مثبت واحصائية مثبته كلام في مهب الريح ... يروح مثل ما يجي .. ;) ;)

اللى نعرفه أكيد ... ان كل شعب لابد أن تكون فيه نسبة فقر وهذا شيء طبيعي...ولا ننكره ...مثل ما فيه طبقات راقيه ... وطبقات متوسطة الحال .. علشان يكون المجتمع سوي ... لذلك لا نبالغ بقول كلمة (لا) او ايضا كلمة (نعم) ;)

بس .. ما اتوقع ان أي دولة تتمتع بنعمه كبيررره الا وهي نعمة الأمن والأمان مثل دولتنا الغاليه :yes: :yes: وهالكلام مو أقوله علشاني سعوديه ;) لا بالعكس أنا أقوله على أساس بحث تم :yes: :yes: :brose:

والله يديك الف عافيوووووووو خيو هستور على هالطرح :yes:

والاختلاف في وجهات النظر لا يفسد للود قضيه :p

وجهة نظر خاصه ;)

سطسط ;)

s3od!@h c00L

22-08-2005, 08:10

السـ ع ـوديه و الـ كـ ـويت أخوان مهما يكووووووووووووون,,

ومشكوور مهخستررر على هيك مودوووع :)

حبيبة قلبي

26-08-2005, 15:44

يا جماعة احنا كلنا لازم نعرف اننا عرب مسلمين من المحيط الي الخليج
وبعدين ممكن يا أخي اللي كلمك من دولة أخري فعلا وحاقد
أنا بقول كده عشان عارفة أنو ما في عاقل يشتم أخوه
بس في ملحوظة : هل في كلمة السعودية أفقر شعب عيب المفروض أن السعوديين ما يزعلوش لأن الفقر عمره ما كان عيب أنما العيب أن احنا نتكلم في تفاهات ونترك قضايانا (عروبتنا واسلامنا)