اسمي احلى من اسمك .....

[ذات الخال]

السلام عليكم ورحمه الله وبركاته

في اول سنه لك في جميع المراحل الدراسيه اول شيء نقوم به التعرف على بعض فيبدأ كل واحد ويقول اسمه
انا اسمي هديل وانا اسمي وداد وانا اسمي (........) تخيلوا ما قالت اسمها مع انها صغيره في العمر بس عارفه وفاهمه ان اسمها مو حلو او بمعنى اصح ما ينطق
يا ترى ليش ما قالت اسمها من هنا حبيت اوضح نقطه مهمه وهو اختيار الاسماء للابناء من زمان كان ابائنا وامهاتنا يسمون اسامي لها معاني عندهم صح هي غريبة في النطق بس لها معنى ونحترم هذا الشي لكن مع تغير الحياه وكثره الاطلاع على ثقافات الغير تغيرت معها ا بسط الامور منها تسمية الابناء
موضوعي هذا جا فجاءه لما سمعت مجموعه من البنات الصغار يتكلمون مع بعض وكل وحده تقول اسمي احلى منك كانت بينهم وحده اسمها صالحه ما تكلمت معاهم زعلانه من اسمها تخيلوا مع ان اسمها حلو
الي حابه اقوله
ليش الي الان يسمون باسم الجد والاب والام حتى ولو كان (...) كل هذا بر بهم ؟
لمايسمون اسامي مش ولا بد ليش ما اخذوا في اعتبارهم نفسيه الابناء لما يكبروا ويزعلون من اسمائهم ؟

اتمنى الفكره تكون وصلت لان تعبيري سيء للغايه ونصه بالعامية

[بعيد الشوق]

هههههههههههههههههههههههه الله يرجك ذكرتيني يوم قلتي اسم صالحه على واحد من اصحابي اسم امه صالحة دايم ذب عليها ويقول لها لغاية تاريخ كم لووووووووووووووووووووووووووول هههههههههههههههههههههههههههههه هههههههههههههه بس مايمنع ان الاسم حلو :)

[سلمان لي]

مرحبا ذات الخال
انا لي تجربه مع اسمي لما كنتباول ابتدائي لين خامس كنت البنت الوحيده بالمدرسه المسميه بهالاسم
واسمي ماكان مشهور ابدا مع انه مو قبيح او صعب لكن ماكان متداول كنت اكرهه جدا بس بعدين لماكبرت شوي الزضع تغير وصرت اتقبل اسمي وما صرت بالمتوسطه وعرفت معنى اسمي صرت فخوره بيه واحسه جزء مكمل من شخصيتي ****************تحكي قصة حياتها

المهم من اهم حقوق الابناء على الاباء اختيار الاسم
والرسول صلى الله عليه وسلم وصى بكذا (خير الاسماء ماحمد وعبد )وله حديث بمعناه ان الانسان يختار الاسم ويامل ان يكون لمولده نصيب منه مثل حكيم يتمنى ان يكون مولوده يتمتع بالحكمه
وذا على صالحه فالاسم هين في اسماء صعبه جدا لو ولد الامر يهون بس تخيلي بنت اسمها جراده <مومبالغه
جمعه -حمامه وغيرها من الاسماء الغريبه

[ذات الخال]

بعيد الشوق
الله يرجك مره وحده انا مرجوجه من غير ما تقول الله يبسطك ياشيخ وشكرا على المرور

سلمان لي
انتي كبرتي وعرفتي معنى اسمك ومشى الحال بس غيرك الى اليوم ناقمين على اساميهم حتى لو معناها حلو الحمد لله اسمي حلو (ذات الخال)
جمعه _ حمامه ما اقول الا الله يعينهم وشكرا على الرد

[رايق جدا]

ذات الخال : تعرفي ان من حقوق الابن على والدية هو اختيار اسم مناسب وهذا حق على الوالد ... يعني ربنا سبحانة وتعالى اعطى الابن حقوق على ابوه قبل حتى ما ينولد ... بس بعض الاباء كما تفضلتي يسمون اولادهم على اسماء ابائهم كنوع من البر ... ويتناسوا حق هذا الابن بان يسمى باسم يفخر به او على الاقل لا يستحي منه ...
اسمي احلى من اسمك ههههه هه هههه ( رايق جدا )

[*ســالـــي*]

يا شيخه اذا على كذا تهوون ..المشكله ان في ناس يسمون عيالهم اسامي يخجل الواحد يقولهاااا ..! :eek: :o

وبعضها مالها داعي ابد :eek:

الي مسمي ولد كهرباء :conf: قال ايش علشان كانت الكهرباء مقطوعه ويوم انولد جت الكهرباء :conf:

وموزه :conf: مع انه في بعض دول الخليج مالوف وعادي بس انا ماحس انه مو عادي :conf:

للاسف ان بعض الاهل يحطون غلهم على العيال اذا جاته بنت وهو مايبي يسميهم اسم مو كويس :(

بس الحمد لله ان الفئة هذي قليله :D

موضوع جميل :cool:

يعطيك العافية :)

[ريال مدريد]

شكرا على الموضووع الحلوو

انا مااحب اسمي لكن الحين انا متقبلته وما اتخيل اسمي غير هالاسم

لان اسمي غريييييييييييب لكن له معنى حلووو

وغالبا ينطقون الاسم غلط :roll:

وانا شخصيا احب الاسامي القديمه والمعروفه

وماحب الموضه الجديده بالاسامي :roll:

[miss leen]

وعليكم السلام ورحمة الله وبركاته..
اختي الغاليه موضوعك مره رائع .. وواقعي ..
الاسم عنوان الشخصيه .. وشيء مهم جدا .. حنا اللحين لو نبي نسجل في منتدى نجلس نفكر بإسم مناسب وجيد .. فكيف بإختيار اسم سيظل دائما مقترن بك .. :confused:
وبصراحه مازال الكثير يعاني من اسمائهم .. وياليت على الاسماء اللي ذكروها بعض الاعضاء كان يهون وربي :)
فيه اسماء تخجل وانا للحين مستغربه كيف وافقت الجهات المختصه على تدوينها :confused:

ليش الي الان يسمون باسم الجد والاب والام حتى ولو كان (...) كل هذا بر بهم ؟
انا اعتقد البعض يعتبرونه نوع من البر .. لكن برأيي لا طبعا .. البر يكون في اشياء ثانيه وكثيره امر بها الله سبحانه وتعالى ورسوله عليه افضل الصلاه والسلام غير الاسماء ..
وهنا بعض الاسباب لتسمية اسماء مو زينه :
البعض يكون زعلان مايبي المولود انثى او العكس فيسميه اسم مش حلوو..
او يكون فيه خلاف بين الوالدين على اسم معين .. وعلشان يقهر الاب الام يسمي اسم مو زين ..!! :confused: (من الواقع اتكلم ) <-- هم يتهاوشون والضحيه الطفل ..

لمايسمون اسامي مش ولا بد ليش ما اخذوا في اعتبارهم نفسيه الابناء لما يكبروا ويزعلون من اسمائهم ؟

بعضهم يقوول بيكبر ويسنع نفسه :p


شكرا يالغاليه .. ولاتحرمينا ابداعك :h:

[طالبة الجنه]

الحمد لله اسمي مقبول.......المصيبه جدتي اللي مسميه بنات بناتها بسمها الا ابوي عيا ورفض يسمينا بسمها ..........

[ذات الخال]

رايق جدا
مشكور على الرد والمشاركه

بس اسمي احلى من اسمك (ذات الخال) :p :p


*ســالـــي*
اشكرك لك ردك ومشاركتك في الموضوع نورتي يا حلو
والله انك صادقه ركزي على خلفة البنات عشان ما يبونهم يسمون اسامي غريبة
فكرهم اذا سموها (موته) يعني حالتموت الله يهدهم

ريال مدريد
مشكوره عيوني على الرد
انا معاك في ناس ما يعرفون نطق الاسم بس المهم اسمك عاجبك والاسامي القديمه مو مره شينه

miss leen
مشكوره عزيزتي على الرد
ومشكوره على اجابتك لاسئله بوضوح

[ذات الخال]

طالبة الجنه
مشكوره علىالرد والله يعينكم

[الباسـم]

اهلا اختي الكريمة...


الاسم شيء جميل وهبنا الله هو والاجمل ان يحسن كل اب اختيار اسم ابناءه

لاكن مع الاسف بعض الاباء وكأن الاسماء الجميلة بفلوس..فتجده يتفنن في اختيار الاسماء القبيحة لأبناءه..

الحمد لله ان اسمي جميل واشكر والدي بأستمرار على اختيارهم هذا الاسم لي ..

نقطة طريفة:

اسمع انه بنات القرى عندما يحضرون للمدن يشعرون بالضيق من اسماءهم
لأنها غريبة على اهل المدن وقد تبدو مثار للسخرية .. فما يحدو بكثير منهم الا تغير اسمهم رغبة في مسايرة التمدن :)

مثلاً معيضة تخليه مي :)

ومنيفة تخليه سوسن :)

وهكذا..

الطريف هو انه فرق شاسع بين الاسم قبل التعديل وبعده :) ،،

[ذات الخال]

اشكرك اخي الباسم على المشاركه





اسمع انه بنات القرى عندما يحضرون للمدن يشعرون بالضيق من اسماءهم
لأنها غريبة على اهل المدن وقد تبدو مثار للسخرية .. فما يحدو بكثير منهم الا تغير اسمهم رغبة في مسايرة التمدن




لا تلومهم معذورات انتوا اولاد ما عليكم من التريقه بس البنات شي ثاني

[ناز نازي]

انا امي سمتني على اسم جدتي .........والاسم وايد حلو (بالنسبة لي) اهو اسم وردة و بقول لكم اسمي لاول مرة........
<
<
<
<
<
<
<
<
<
<
<
<
<
<
<
<
<
<
<< نرجس

[DaLoo3a KuwaiT]

ناز نازي>>اسمج واايد حلوو :p

والله مشكله اللي اساميهم صعبه او غريبه ..

وانا استغرب من بعض الاسامي .. !!

اللي يسمي .. فاره واللي يسمي دوله .. واللي يسمي

صحن !! شدعوه عليكم :roll:

لو كانت الاسامي تشترا لــ سميت ابني (....) :happy:

والحمدالله انا اسمي عادي او بمعني ثاني حلو لان ماكو مكان يخلى

من اسمي .. دلال :h:

و ثلاث ارباع النادي عارفينه .. ههههه :roll:

الف شكر عالموضوع الحلوو .. :p :h:

[Sabra]

و عليكم السلام و رحمة الله وبرتكاته

عندك حق يا أختي .. يوجد أباء يسمون أبنائهم أسامي غريبة أو بدون معنى .. غير مبالين بحالة ابنائهم النفسية في المستقبل و ما اذا كان اسمهم يسببلهم احراج او شيء ..

و أنا إسمي مثل ما هو مكتوب أعلاه صبرة مش صابرة .. و كل مرة أسأل والديا عن هذا الإسم و لا أجد إجابة شافية .. و خصوصاً أنو نادر (صبرة) و انا ما اعرف و لا نص وحدة اسمها على اسمي.. لكن هذا الموضوع لا يزعجني لأن إسمي مميز شوية...

مشكورة جبيبتي :h: ذات الخال :h: على الموضوع الحلوووووووووو زيك

[ذات الخال]

نرجوسه او نار نازي
تسلمين على المرورياعسل

DaLoo3a KuwaiT
تصدقين قبل كنت ما اقرا اسمك لاني استصعب قرايتها اتريك اسمك دلول
ذكرني اسمك بصديقه عزيزه على قلبي تسلمين على الرد


Sabra
مشكوره يا حلوه

[Be.Mine]

الأخوان ما قصروا في الإضافات الرائعة وكذلك صاحبة الموضوع بالعكس فهمنا هدفك وأسلوبك بسيط :star:
اليوم وانا اقرا الجريدة لقيت واحد اسمه شيلويح :conf: <<نطقه حلوه
ولقيت شخبوط :roll:
لما تجي حركة نقل المعلمين او نتائج الطلبة اقعد اتكي على الأسماء في بعضها محزن وبعضها غريب وبعضها طريف جداً :confused:
اذكر بنت كان اسمها مرعبة :roll:

[Roll Mall Girl]

هااي


انا متلك بنقهر لما الجد والجده يسمو ع اساميهم او اسامي قديمه وحشه

حلوه الجديده بس مو كلها

احب القديممم القوي ومعناه حلووو

زي اسم شهلاا كتير يعجبني
واسم آن جديد بس غريب
راين اجنبي بس روعه

بس سماهر احلى بالنسبالي مع اني بستنكرووو كنت ومابحبووو لاني الوحيدة بالمدرسه من للمتوسط محد متلي

ع العموم حلو التغير بالأسامي وعدم التكرار احيان تيجي عيله بحالها كل وحده مسميه بناتها نفس اسم معين يفقدوو ميزة الاسم بالبنت

[Busy Girl]

بعض الناس يعتقدو انه اللي يسمي
على امه او ابوه ... يصير بار فيهم
يعني هذا نوع من بر الوالدين :confused:

..............

اما انا ... بالنسبه لي عادي عندي
اللي يسمي على امه او ابوه ,, هذا اذا كانت اساميهم لها معنى :confused:
ومعناها حلووو وقديم ,,, ((احب الاسامي القديمه )) :h:

.............

انا اسمي غريب وجديد وحلو ;) ... حتى من عرفت نفسي ماقد شفت احد بـ اسمي ;)
بس اذكر مره شفت بنت عمرها 3 سنوات بالطايف :happy: فـ حديقة الملك فهد
اسمها زي اسمي ,,, اخوي جااااااء يررررركض :happy: يقول شوفي زي اسمك
هههههههههههههههه ,,, ماانساه هالموقف :p

تحياتي

[Busy Girl]

...............

[ذات الخال]

Be.Mine
اقدر واشكر ردك على الموضوع
اختي طلعت مثلك تموت في قراية الاسامي بالجريده وتقعد تعدد الاسامي الغريبه اما انا ادور اسمي بس :p


Roll Mall Girl
شكرا يااقمر على مرورك :)


abuot me
شكرا يا اقمر على الرد بعدين روحي حديقة ثانيه يمكن تلاقين وحده اسمها مثللك :D :D

[الإسلام]

ولقيت شخبوط :roll:
:roll:

يسلم عمرج مو غريب ..في شخبوط بن سلطان ال نهيان اخو الشيخ زايد الله يرحمه..
يمكن اول مره تقرينه.. :)
شكرا ذات الخال على الموضوع..استمتعت بقراءته

[Sultan]

هااااااااااااااااااااااي شباب وصبايا
كم تتوقعون من اسم بنت في هاذي القصيده


سلام على الحسن حيث يحل ............ على شعر ليلى وطرف أمل

على وجه سلوى وجيد ابتسام .....ونوره هناك كبدر نـزل

وهاجر ريحانة قد بدأت ......وغـادة تضـي بـورد الخجـل

وسارة قد زينت بالنجوم ...... وكوثر مـن حسنهـا لا تمـل

حنان كدفء الشتاء الجميل .... وطيف أميرة كغيـث هطـل

سهام تصوب نحو القلوب .... .وأمـال تشفـي جـروح الرجل

سهيلة كصبح بهي السنة ..... .وريم كالشمـس حيـن تطـل

وأسماء يقاوتة هل تقدر .... وأحلام كنـز فهـل مـن يطـل

وهذه رباب وتلك خلـود ..... وعـذب الكـلام ونهـر المقل

منال تهل تذيـب القلـوب ..... وخصـر نـوال قليـل المثـل

وتبدو ثريا كقطر النـدى .... والريم زهـرة وعطـراً وعسـل

وعليا تعلو على كـل وصـف ..... وإلهـام كـم بهـواه ثمـل

ونجلاء تخطو بحلو الدلال ..... أفاتن جميلـة ؟ قالـوا أجـل

وهاموا مع نظرات ابتسام ..... ومالوا وذابـوا بشهـد العسـل

ونرجس تميل مع الياسمين .... وهالة كنجمة تنيـر السبـل

وسحر العيون وبسمة نجوى ..... وجفن هويدى كسيف يسـل

ومن شفتي غزال تفوح وروداً .... فيحلو الغرام ويحلو الغزل

عواطف تعبر حدود الجمال ..... وايمـان كالقمـر المكتمـل

على البعد لائحة عيون رجاء .... فحيت وفاء فقلـب سـأل

وماجدة فاستدارت وجوه ..... .ونسرين مرت كريـم iiالجفـل

وجاءت صباح فغـرد طيـر .... وبانـت عبيـر كباقـة فـل

وقامت دينا حديث الجميع ..... وحسـن سعـاد يثيـرالجـدل


يالله ورونا شطارتكم

تحياتي :cool:

[الفاهم1]

ذات الخال
موضوعك اكثر من ممتاز ويعالج موضوع شائك يعاني منه غالبية الشابات و الشباب ممن قام احد والديهم بتسميتهم على اسم احد اجداده متناسياً الظروف والعصر الذي يعيشون فيه
لكِ مني خالص الشكر على هذا الموضوع
ودمتي بود

[ذات الخال]

المـسـافـر (4)
52 بس البنات وبدون الاسامي المكرره يمكن صح ويمكن خطأ
الله يسامحك عيوني طلعت منكثر القرايه يعني الا بتعموني
شاكره لك مشاركتك


لفاهم1
مشكور على الرد (ايش هذا التوقيع ما اخ........الا عس.......) وياقلب لاتحزن

الإسلام
مشكور على الرد واكرر اسفي انشديت مع القصيده ونسيت اشكرك

[يورو تريب]

هلا ذات الخال

طيب لو اقترحنا اننا نخلي الولد او البنت اذا كبر او كبرت تختار اسمها او اسمه

انا انولت وسماني ابوي هيثم طنقر جدي :mad:

قال اذا ماتسميه محمد تراك لاانت ولدي ولاانا ابوك

ايش رايك وتقولين نغير اسامينا وليه

اقولك اتوماتيكي هي ماشية كذا يا ستي :yes:

مشكورة على الموضوع وتحياتي لكي :kiss: وتسلم يدك :yes:

[رايق جدا]

ذات الخال : اسم جميل صحيح









































بس الاصح : اسمي احلى من اسمك ( رايق جدا)

[بـــــحـــــر]

ذااات الخاال مووضووعك بالمره حلووووووووووو :D :D :D

زي اسمي بحر بالمره اسم حضااري وحلوو ومميز وحتى اذا وااحد انطقه نطقه سهل ;) ;) ;) وخفيف على السااان ...

صاالحه .... :cool:

اخوك بـــــــــــــــــحـــــــــــ ـــر

[ذات الخال]

مشكور يا عازف نغم على ردك
اصلا الله يعيننا على جداننا ويخليهم لنا

مشكور اخوي بحر على الرد


طبعا اسمي انا الاحلى لا تتحدى ترا اجي الحيل وادلق ابريق الشاهي على راسك ههههههههههه هيو

[بـــــحـــــر]

اتحداااااااااااااااااااااااااا اااااااااااااااااااك ;) ;) ;) ;) ;) ;)


هههههههههههههههههههههههه ماتقدرين :happy: :happy:


اخوك بــــــــــــــــحــــــــــــ ر

[Busy Girl]

بعدين روحي حديقة ثانيه يمكن تلاقين وحده اسمها مثللك

:confused: :confused: :confused: :confused:

[رايق جدا]

عن جد يا ذات الخال : اسمك له رنه حلوه ويدل على البنت العربية ... مو مجامله ... انا على فكرة اشوف الاسماء اللي كاتبة مواضيع والاسم اللي يعجبني احاول اني اتابع مواضيعة وانتي من ضمن هذي الاسماء وكمان الاخت هرجه ... على فكره مواضيعها حلوة .. حاولي تشوفيها


































بس اسمي احلى من اسمك ... واروق .... وتدلقي الشاهي علي .. حرام ... ادلقية في البيالة احسن
تحياتي وتقديري