المساعد الشخصي الرقمي

مشاهدة النسخة كاملة : التفاصيل الصغيره

ام مثايل
11-06-2005, 17:08
هذي علومي وجاتج خبريني ع.....تفاصيل الصغيره
وش لبستي ..وش اكلتي وين رحتي ..وين جيتي؟!
وشهي آخر اغنيه..دندنتي فيها؟
كيف امورج..وكيف(.....)؟
وكيف أخبار الحديقه هي باقيا للحين ..
تشمشم عطورج؟!
وشهي أخبار الدرسه باقيه طفشانه من (التاريخ) مثلي!!
باقيه طفشانه من (التعبير) مثلي!!
وش علوم أخبار شعرج أنتي قصيتيه ولا مثل أحزاني طويـــــــــل..
كيف همج! قبل م أنسى كيف أمج؟
هي باقيه لين للحين تتجسس عليج
هي باقيه للحين تتحسس أيديج
تكشفج مره وانتي غارقه و أعذب قصيده
تكشفك و أنتي تبوسي صورتي فذيك الجريده!!
تضربج.. تسبج.. تهينج..
أستحي صرتي صبيه بعدج منحطه وغبيه..
خبريني عن أخوج يوم يتشرد ويسهر ف الشارع
يوم يمنحناالفرص للهرج وأعناق الأصابع
سولفي لي عن عيال الحاره
بنفاس المواجع
ما يطيب لهم قاعد إلا على (دجت) حياتي
ما يروق لهم دعاء إلا ع سجاد صلاتي
ما يزين لهم سهر إلا
إذا تأكدوا...
إذا تأكدوا...
على صدرج مباتـــــي. :mail:

منقول....من مجلة فواصل.
حتوم
12-06-2005, 19:07
موضوع في قمة الحلاوه يسلموووووووووووووووووووو ام مثايل :conf:
ام مثايل
13-06-2005, 02:18
مشكور اخوي على المرور الحلو.
ابو سعود
13-06-2005, 21:09
هلابك ام مثايل

وحياك الله في بيت القصيد


ماقصرتي وتسلمين على هالاختيار الموفق

قصيده من الشعر الحر الخفيف رقيقه عذبه فيها عفويه

وقصه لم يكن لها نهايه

تحياتي لك ....ابوسعود
ام مثايل
13-06-2005, 23:23
مشكور على المرورالحلو
KTKOTA
10-07-2005, 09:47
حلوه في معانيها وفكرتها جديده
لكن ,,, أحس انها سواليف شوي على قولتهم :roll: ,, يمكن فيها أخطاء :confused:
اذا ممكن اسم الشاعر اختي ام المثايل لاهنتي ..

وتسلمين على هالنقل حبيبتي