المساعد الشخصي الرقمي

مشاهدة النسخة كاملة : هذي قصيده كتبها عمي لما مات جدي قبل شهر

al banootah
15-05-2005, 23:00
فرقاك يااعز غالي !!


اكتب قصيدي بحبر من دمع عيوني
على فرقاك يابوي يا اعز غالي

انا والله ماهنالي النوم وتعبت جفوني
افكر فيك وانت دايم في بالي

بخبر وفاتك والله فاجاوني
وبعد فرقاك يابوي ربي عالم بحالي

كيف لا وانت الغلا وانت لي كل كوني
كيف لا وانت في الدنيا لي راس مالي

يابوي ربيتني على افضل مايكوني
وعلى تربيتك تضربك الامثالي

علمتني كيف الوفاء اذا الناس جفوني
وعلمتني كيف اكرم الضيف اذا جالي

يابوي علمتني كيف اخلي الرجال يحترموني
ويحسبون الف حساب اذا جو لسوالي

علمتني كيف الصدق وصاروا يصدقوني
و علمتني كيف احترم عمي وخالي

علمتني ان كل شي في الدنيا صعب يهوني
علمتني على الصبر مهما جرالي

ومنسى يابوي دفى حظنك الحنوني
يابوي والله صورتك ماتفارق خيالي

يابوي احبك حب وصل لحد الجنوني
يابوي والله ماانساك بالدعاء مهما الزمن طالي

بس الحقيقه ان الناس فيك عزوني
بس غيرك محد في بالي ولا احد طرالي

الله يرحمك ويجعلك من اللي بالجنه يفوزوني
ويثبتك ربي على الصراط وعند السوالي


الله يرحمك ويسكنك فسيح جناته يارب

وادعوله بالرحمه وجزاكم الله الف خير

تحياتي لكم

الله يرحمك يا جدي :cry:
ابو سعود
16-05-2005, 11:59
كيف لا وانت الغلا وانت لي كل كوني
كيف لا وانت في الدنيا لي راس مالي

السلام عليكم ورحمة الله وبركاته

هلابك al banootah وحياك الله في بيت القصيد

ومشكوره على مشاركتك وصح لسان عمك على هذه القصيده

فلاشك قصيده فيها احاسيس الالم والحزن والفراق

وتعابير شعريه رثائيه تدمع منها العين ولكن الموت

مصير كل حي والبقاء لله وحده

اللهم ارحم جدك وادخله فسيح جناتك انك سميع مجيب

واحسن الله عزاكم وعظم الله اجركم

لاهنتي ولك تحياتي..................ابوسعو د
همس القوافي
17-05-2005, 22:34
al banootah

هلا فيك،،،،

فعلا أبيات رائعة بمعنى الكلمة ،،،،، "صح لسانه"

حملت كل معاني الوفاء ،،، ومعاني الحزن على الفراق

الفراااق صعب وحزنه أصعب ،،،

رحم الله جدك وادخله فسيح جناته ،،،

دمتــــي بخـــــير ،،