هل انت مقبول اجتماعيا ؟؟!!

[صوره]

السلام عليكم اعضاء نادي النقاش ..

خطر هالموضوع ببالي وانا اتامل الناس من حولي ..
لقيت ناس مقبولين اجتماعيا جدا جدا وناس لا ..طيب ليش لا..

واللي لاحظتة اكثر ان فية ناس كثير مقبولين اجتماعيا بالرغم من سوء اخلاقهم وردائة طبعهم ..

طيب ايش هي المقومات عندنا لكي تكون مقبول اجتماعيا ؟؟؟؟
-----------------------------------------------------------------
لا بد أن تكون :

1- علي الفضوة ( لابد انك تكون انسان فاضي .. وعلي الفضوه طول الوقت ..ومستعد للخروج واحيانا للسفر (( للشرقية ولا غيرها )) باي وقت .. لان اصحابك ما يعرفون باي وقت يمرون ولا كيف ..

2-الاغاني(( لابد انك تكون متابع جيد للاغاني وللفيديو كليب ومتابع لاخر اصدرات الاغاني وتحفظ الكلمات حتي لو الاغنية مالها الا يوم صادرة ..وياريت تعرف اسم الشاعر والملحن حق الاغنية .. لان جهلك غنائيا راح ينفر منك الناس ..ويكون عندك رأي خاص فيك علي الفيديو كليب ..

3-البلوتوث ..اذا ماعندك بلوتوث فتاكد انك غير مقبول اطلاقا وخارج من القائمة بالتالي اشتري جوال فيه بلوتوث بعدين نتفاهم ..

4- رسائل الجوال (لابد ان يكون عندك مخزون رهيب من الرسائل وعلي استعداد للارسال وللاستقبال بأي وقت لان ممكن ينطلب منك رسايل من اي احد من الربع لاي سبب كان ..فخليك مستعد .. وياريت تتعرف علي مبزره من سن 14 و15 جاهزين لارسال احدث الرسائل .. و لابد انك تكون حريص علي احدث الصور واجملها وادقها تفاصيل .. ولا بيقولون عليك ابو رسايل قديمة .. وطبعا عيب يقولون كذا .. فخليك جاهز ..

5-ياريت تكون عند اهلك ديوانية سواء لك ولا الحد من اخوانك بحيث انك تضف فيها كل من هب ودب ..وكل من زهق من لف الشوارع يلاقي مكان يضفة عندك ..وياريت تكونون تصلحون عشاء فيها ..وعندكم صبي حتي لو انتو مو موجودين يفتح لهم ويباشر عليهم ..(( هذي بتخليك اقلط واحد بالشلة كلها ))..

6-الكمبيوتر ..اذ1ا ماعندك اخر انواع الاب توب فانت قديييييييييييييم ومالك داعي .. فروح جيب لاب توب واحسن نوع حتي لو ماعرفت تشغلة ..ارمية بالديوانية (( ذكرت بالفقرة الخامسة )) يستخدمونة ربعك وقت اللزوم ..

7-المطاعم ..يفضل ان تكون عندك خبره لاباس بها بالمطاعم خصوصا النوع اللي يبيع شاورما وعصير طبقات ..علشان وانتو تفرفرون بالسياره وجعتو تكون المسعف بذكر اقربها لكم ..وكذا بتنال رضي الجميع ..

8-ياريت يكون والدك من اصحاب الوسطات ..لانك بتحل نص مشاكل الربع ..

9-من المفضل انك تحضر حفلات خارج البلاد ..حتي تكون علي اطلاع باشكال المطربين وياريت تتصور معاهم ..

10- خليهم يقولون عليك خبل ولا مهوي .. وهذا افضل شي علشان محد يشره عليم ويتم قبول اغلب الكلام الصادر منك من باب (( ماعليك شرهه))..

11- لاتفرق بالصداقات بين كبير وصغير وصادق الكل ..سواء عمره 50 ولا 12 ..خلهم كلهم اصدقاك ..ولا تسال احد عن عمره ولا وين بيتهم القديم ..

12-الكاش ..قد ماعندك كاش ..قد ماراح تلاقي ناس حولك ..احرص علي وجود الكاش ..وهذا اهم بند للقبول الاجتماعي ..

هذا راي ..ويمكن يكون راي ساخر شوي ..لكن ودي اخفف عليكم من المنقول اللي هلكتونا فيه الله يهلك العدو ..

ترا هذا الموضوع تحفظ حقوقة لصوره فقط ..وتراه غير منقول .. ياهل المنقول استحو علي وجيهكم ...

صوره :)

[DaLoo3a KuwaiT]

ههههههههههه :p

الله يعطيج العافيه ..

والله المظاهر تلعب دوور وايد وايد كبير ..

عندك هذا وعندك هذاك ..

اذاً .. انت محبوب وانت مقبول اجتماعياً :conf: من الدرجه الاولى ..

حتى لو مو مقبول من قبل الناس ..

تصير مقبووول غصبن عليك :p

وشكراً :h: :p

[نـواف]

اهلين صورة ..

موضوعك مرررة حلو

بصراحة اغلب كلامك صحيح ..

في هالزمن اصبحت الامور تسير بالعكس

اعطيك مثال : الموظف المتخاذل الكسول المتسيب يصبح الأفضل والموظف النشيط المتحمس المنتظم يصبح الأسوأ !!!!:no:

عجبي عليك يازمن !!! :conf: :confused:


اخوك .. نـواف

[خياله]

موضوع حلو صوره ،،
بعلق على كلامك :confused: حتى لو كنتي مشرفه .. ترى ما اخاف :p
الاغاني(( لابد انك تكون متابع جيد للاغاني وللفيديو كليب ومتابع لاخر اصدرات الاغاني وتحفظ الكلمات حتي لو الاغنية مالها الا يوم صادرة ..وياريت تعرف اسم الشاعر والملحن حق الاغنية .. لان جهلك غنائيا راح ينفر منك الناس ..ويكون عندك رأي خاص فيك علي الفيديو كليب ..
وانتي الصادقه.. حتى لو ما كان لامها داعي ..
ولا وقت الصدور .. ما شاء الله الاغاني نسمعها قبل لاينزل الشريط :conf:
المطاعم ..يفضل ان تكون عندك خبره لاباس بها بالمطاعم خصوصا النوع اللي يبيع شاورما وعصير طبقات ..علشان وانتو تفرفرون بالسياره وجعتو تكون المسعف بذكر اقربها لكم ..وكذا بتنال رضي الجميع
لا الموضه الحين المطاعم الصينيه .. اكشخ .. وتعرفين بعد الشباب يحبون الاكل الصحي :confused: من المفضل انك تحضر حفلات خارج البلاد ..حتي تكون علي اطلاع باشكال المطربين وياريت تتصور معاهم ..
هههههههههههههههه
هذي احلى شي .. وخاصه تتصور معاهم :)
لكن من جد شبابنا وبناتنا .. صاروا سطحيين وتافهين..
مالهم هدف الا الكشخه والمظاهر الكذابه ..
والتنافس بينهم محصور فقط في الكماليات :confused:

هذا راي ..ويمكن يكون راي ساخر شوي ..لكن ودي اخفف عليكم من المنقول اللي هلكتونا فيه الله يهلك العدو ..
ترا هذا الموضوع تحفظ حقوقة لصوره فقط ..وتراه غير منقول .. ياهل المنقول استحو علي وجيهكم
تصدقين يوم قريت العنوان فكرته منقول مابغيت افتحه :conf: << بتذبحها الحين :happy:
لا من جد المنقول عقدني في الحياه :roll: اقرا الموضوع عشرين مليون مره .. هنا وفي المنتديات الثانيه
صايره المنتديات تتشابه .. واخر صرعه انه ينقل الموضوع ولا يكتب منقول :confused: يقاله هو اللي كاتبه :confused:
لكن موضوعك حلو :star:
يعطيك العافيه

[صوره]

هلا اختي DaLoo3a KuwaiT..والحمدلله ان الموضوع عجبك ولك مني كل تحية حلوه ..بس ترا الناس هاليومين مصخوها بالمظاهر والshow off ..

هلا اخوي نواف ..ترا مو بس المظاهر هي السبب علشان الانسان يكون مقبول اجتماعيا ..كمان التفاهه الزايدة والصرف علي الناس يخليه مقبول اجتماعيا جدا ..كل من صار الانسان عميق بفكره ونظرتة للحياة قد ما يواجة سخرية من الاخرين وتقليل من شانة تعرف ليش ..لان ودهم يصيرون زية وبعقلة ورزانتة بس مو قادرين لان هذي قدرات ومهارات من الصعب ان الانسان يكتسبها ..
بالعربي اخونا اللبنانين فسروها بكلمة (( مشتغل علي حالو )) ولو شافو انسان مو قادر يسوي شي يقولون لة (( اشتغل علي نفسك)) هذا هو المهاره اللي اقصدها ..ان الانسان علي ما يوصل لشي وخصوصا تطوير عقلة يحتاج وقت وجهد ..وفيه ناس كثير ما تبي تتعب نفسها فتاخذ اقصر الطرق وهو المظاهر الكذابة والتعامل السطحي والامور الوقتية ..بس لما مجتمع يصير اغلبة بالشكل هذا مصيبة ..يمكن بتقولون هذي موضه العصر ..صحيح ..انا اشوف ان المظاهر اقترنت بالكشخة والرزه وتقييم الاخرين من هذي الناحية فقط بدون النظر لاعتبارات اخري (( هل هو يشتغل ولا لا -هل هو مثقف - هل هو واعي ومدرك للامور اللي حوله او مغيب ذهنيا )) وغيرها وغيرها كثير ..وشكر لردك ..واهتمامك بالموضوع ..

خيالة ..يابوي ردي ولا يهمك سواء كنت مشرفة ولا لا ..خذي راحتك وهذا ناديك ..
لكن بذمتك مشرفة نادي واكتب منقول ..ما يصير ... اللحين اقولكم لاتكتبون منقول واقوم اسويها .. حشي والحشي عن الف يمين لاهو منقول ولا شي الا من بنات افكاري ..وهذا اللي ابية منك ياعضاء نادي النقاش الطيبين انكم تكتبون رائيكم ..وافكاركم ..حتي لو كتبتو منقول اضيفو رائيكم وفكركم مش ينقل حرفيا ..
وشكر لردك وحياك الله اخت وعزيزه وغالية ..

ترا انا لاحظت ان اللي يكتبون منقول هو همهم الاستظراف وخفة الدم ..لانهم يكتبون منقول ويعلقون بكلمتين بايخة مالها داعي ..وهذي هي السطحية بعينها وعلمها ..

اختكم صوره

[Be.Mine]

أعترض وبشدة .. :conf:

برأيي هذا لا يسمي " قبول إجتماعي " ممممم بل هو " نفاق إجتماعي " و علاقة قائمة على تبادل مصالحة مشتركة يناسبه أكثر شئ المثل الشعبي " امسك لي واقطع لك " :confused:
علاقات مهما كانت فهي تبدو جميلة فقط في الواجهة امام الناس لذلك لا يمكن اعتبار ما ذكرتيه اختي صورة مقياس لمدى قبول الفرد إجتماعياً :conf:
يعني علشان الناس تحبني يكون عندي بلوتوث !! او مممم احفظ كل الاغاني !!
بصرااحة ما تدش المخ على قولة اخواننا في الخليج :roll:

[UNBREAKABLE]

اعتمادا على رايك...

انا ولله الحمد غير مقبووووووله....ولاابي اصير مقبوله..

[صوره]

بي ماين ..وش جاك علي الصبح ..
اولا السلام عليكم ..ثانيا .. انا اقصد القبول الاجتماعي السائد ..
خلينا نكون شوي واقعيين ..المجتمع الان ..مجتمع في الجامعة مثلا ..
يجمعهم طلب العلم ..مجتمع وظيفي يجمعهم طلب الوظيفة ..
لكن اللي قصدتة هو المجتمع الخارج عن اطار التعامل اليومي..
المجتمع اللي مش مفروض ....ويمكن كونك بنت الموضوع هذا ما يكون بمجتمع البنات كثير ..لان معايير البنات مختلفة شوي ..

عموما انا طرحت شريحة ..وممكن تكون موجوده بالواقع وممكن تكون لا وممكن تكون فانتازيا من عندي ..

عموما اعتبريها سيناريو مسلسل وعاملية علي الاساس هذا ..

اختكم صوره

[صوره]

احلف لك بالله ياunbreakable..اني انا غير مقبولة اكثر منك

..وانا ما طرحت هذا الموضوع الا الني اكتشفت ان المعيير السائده في قبول الناس بالمجتمع تختلف اختلاف كلي عن اللي انا فيه ..
بعطيك ثلاث امثلة بسيطة وتقدرين تفهمين وش اقصد من خلالها :
1- انا ما اعرف للشعر وخصوصا النبطي ..ولا اهتم للاغاني ونادر ما اسمعها ..
2-احب اخذ الامور بمنطقية ..
3- عندي انتماء اسري عائلي ..

هذي ثلاث امثلي بسيطة طرحتها لك وبقولك وش حصلت من وراها ..

1- كثير علقو علي اني ماعرف نانسي عجرم ولا هيفاء وهبي ..ولا شفت اخر فيديو كليب لاصاله وكيف اني ماقريت ديوان خالد الفيصل واعتبرو من الجهل الاجتماعي لان اغلب الناس يدور((( جزء))) من حديثهم بهذا المجال ..وهذي صادفتها كثير وخصوصا مع البنات الصغار من 21 لحد 28....
هم ما فهمو ان الموضوع اهتمامات ..بس لاحظت ان الموضوع مره طاغي .. ويقولك من علامات الساعة ظهور الضجيج الغنائي ..

2-انا بطبيعتي منطقية ..واحد +واحد + اثنين ..
لقيت ان هذا الشي يلاقي تعليقات ساخره جدا .. لان المنطقية بالامور غير مقبولة ..لازم من شوية زوغان وخروج عن المنطق في اشياء كثيرة (( وهذي الفقره للاذكياء فقط ))..

3-الانتماء الاسري .. انا بطبيعتي ما اشكي اموري العائلية برا حياتي الخاصة ..
لقيت ان المجتمع يفضل التحدث بالخصوصيات ..فصرت ادور بحلقة مفرغة ..
لان اغلب الناس مافي ثقافة عامة ولا طرح لمستجدات الساحة ولا شي اطلاقا ..غير (( اذا كانت ببيت اهلها (((( اهلي سو فيني امي خانقتني - تطاقيت مع اختي - سفرنا شغالتنا - خلصت مذاكره - بيمرون علي بنات عمي ))) وكانها تسرد مذكرات يومية ..
واذا كانت متزوجة (((( زوجي سافر -زوجي راح يتغدي برا تعالي تغدي معاي ((( شايفتني سبير )))-بودي الاولاد للتطعيم-الشغاله الجديده قليلة ادب - حماتي حاطتني براسة وناوية مشاكل ) وغيرها كثير من الامثلة كانها تدون مذكراتها ..

الناس اللحين معد تفكر وش يجمعها .. التواجد اصبح جسدي وليس فكري ولا عقلي ..

المعايير اختلفت وطغت المادة ..

اختكم صوره

[black_tt_140]

يعني انا مقبول انا ووجهي :conf:

ماشاءالله كل شي عندي وش حييلييي

بعد ما قلتي يا صورة ان لازم تكون حلو عشان تصير مقبول اجتماعيا ولا الشكل مهوب ضروري؟!!

الحين يبيلي ارتز بكل لمة شباب اقولهم انا مقبول اجتماعيا بشهادة صورة :confused:

تحياتي الك

[فرح الصغيره]

ههههههههههههههههه ان اتكون مقبوا اجتماعيا...لازم ايكون عندك بلو توث...الخ...مرررره روعه..

اقول احنا وين عايشين !؟

ترى فعلا الدنيا صايره هيج !!

اهم شي السياره..والموبايلات...والهدوم ..والماركات !

الله يهدي عباده..

وسن راحت الاخلاق...الادب..جمال الجسد..والروووووووووووووح.. :no: ؟!؟؟؟؟

صارت الدنيا فلوس بفلوس...عندك..فلس تسوى فلس ما عندك ما تسوى شي !!!

بنسبه اللي كيف ممكن اصنف حد انه ايكون مقبول اجتماعيا !؟

عن طريق..شهادته..علمه..ادبه...وطب عا...الماده ما تغيب..لكن بشكل معقول..مو جانا ومضاهر كاذبه !

يسلموا !