بكــــــل صراحه .. [الأرشيف]

مشاهدة النسخة كاملة : بكــــــل صراحه ..

Kushi

12-02-2005, 14:25

السلاااااام عليكم ..

ابغي آخذ رايكم في موضوع مهم ، بس ابا الرد يكون بكل بصراحه ، وهذا الموقف اللي بقوله يمكن كل واحد يمر فيه وبدون سابق انذار ....

تخيل نفسك من النوع اللي اذا حب يحب مره وحده ، بس للأسف استوت ظروف بعدتك عن حبيبك او صديقك الأول ... فعاهدت نفسك أنك بتكون وفيٌ لحبيبك او صديقك الأول ولكن ومع مرور الأيام ووجود الأصدقاء حواليك ، اكتشفت ان حب واحد منهم تسرب لك بكل عفويه ، يعني بدون احساس منك او منه وانته ما تدري ، بس اللي كنت تحس فيه ان حبه في قلبك يوم عن يوم يزيد. بس انت كنت رافض هالحب بسبب العهد اللي قطعته على نفسك بإنك ما تحب اي حد ثاني إلا الحبيب الأول ، لكن الحب ما يباله وقت في اي لحظه يستوي ، وفعلا استوى هالحب وحبيتوا بعض لمده 3 سنوات تقريبا ، وهالثلاث سنوات فيها الحلو وفيها بعد المر ، وعقب كل هالحب تكتشف ان حبيبك يبا ينسحب من المكان الوحيد اللي جمعك فيه ، يعني اتخيل المكان بدونه شي اكيد بتضايق وتحاول تقنع فيه ان يبقى بشكل مؤقت بس ما يرضي ويطلع

كيف بتتصرف مع هالإنسان ومع نفسك بكل صراحه ؟!

تحيـــــــــــــــــــــــــــ ــــــ Kushi ــــــــــــــــــــــــــــــ ـــــــاتي :rose:

BE ALONE

12-02-2005, 14:41

مع احترامي Kushi .. الافكار مشوشه في موضوعك !

الحين تتكلمين عن .. حب مره ثانيه !
ولا عن الفراق !

عن الحبيب الاول ..
ولا الحبيب الثاني !؟

على العموم .. اذا كان عن الحب مره ثانيه ..
ردي تلقينه في هذا الرابط ..
...

Kushi

12-02-2005, 14:45

اول شي ثانكس على الرد :)

وثاني شي ، اللي اقصده انك حبيت مره أولى بس استوت ظروف وفرقت بينكم بس انت اتعودت على هالشي ورديت تحب شخص ثاني بس بعد في ظروف فرقتك عنه

فشو بتسوي لو كنت انت هالشخص اللي حب مرتين وفي المرتين حبايبه يبتعدون عنه ؟!

وشكرا

بعيد الشوق

12-02-2005, 14:53

موقف صعب بس شو الفايدة ان كان الحب من طرف واحد يعني يمكن مايحبك نفس الحب الي انتي تحبينه في هالحالة المفروض انك تتشجعين وتنسين ولو كان يحبك مثل الي تحبينه او اكثر اممم في هالحالة حاولي انك تسوين المستحيل شان تخليه معك فلو رفض اقتنعي انه مايحبك لان الحب تضحية ودامه ماضحى لاجل حبك حتى لو بالقليل مااظنه يستاهل حبك او حتى العذاب الي راح ينتظرك من جراء هجره لك :)

أدووو

12-02-2005, 15:02

محدش يحووووووووش غير نصيبوووووووه

ومقدر ومكتووووب

وقولي له اللي يصبر...يظفر

تحياااتي

أدووووووو[u]

BE ALONE

12-02-2005, 15:03

كذا عدل .. Kushi
الحين فهمت اللي تقصدينه ..

شوفي انا قلتلك مستحيل احب مرتين ..
ليش قلبي .. شقه مفروشه .. كل من هب و دب .. سكن فيه !!

لكن ان تعلقت في شخص بعد حبيبي اللي فرقتنا الظروف ..
راح اخليه يروح .. وش اسويله بعد !

هو الخسران .. !

Kushi

12-02-2005, 15:10

BE ALONE : ثانكس على الرد ، بس اتخيل انك انت اللي متعلق فيه وما تباه يطلع وعلى فكره ترا هو حب من طرفين

:star: :star:

أدووو : شكرا على مشاركتك وابداء رايك :yes:

:star: :star:

بعيد الشوق : بالأحرى هي تستاهل إني احبها واااايد لأنها وقفت وياي في اوقات كنت انا محتاجه حد يوقف وياي ، وبعدين انا احبها وهي تحبني وعلى فكره نحن ربع وبعدين هي طلعت من المكان الوحيد اللي يجمعني فيها لظروف يعني مب بكيفها بس في حل انها اتم وياي بس كانت هالحل فوق طاقتها :roll:

Kushi

BE ALONE

12-02-2005, 15:20

والله شوفي .. يا .. Kushi ..
حتى لو كنت احبها مووت ..
وهي تخلت عني ..وانا محتاجها ..
راح اتركها .. زي ما تركتني!

ادري صعب ..
لكن فيه طرق ممكن تساعدني انساها ..

بأقعد ..اتذكر عيوبها .. عشان يخف شوي حبها !
راح ادور غيرها .. او من يحل مكانها .. !
صحيح محد يحل مكان الثاني ..
لكن الفراغ .. سواء العاطفي .. او الزمني ..
راح يساعد على ذكراها ..!
وانا ابي انساها !!

اذا كنتي Kushi .. تقصدين .. فراقي من الاثنين .. ضعف فيني !
او يسبب لي هزه نفسيه .. وزعزعه في الشخصيه ..
اقولك .. ممكن الانسان يعرف .. واحد .. واثنين .. وثلاثه ..
ليمن يلقى اللي يستاهله .. وهو يستاهله !
الناس اجناس .. ممكن يكون شخصيات هذولا .. يمكن ما تصلح لي !
ليش اتمسك فيهم !
بيجي اليوم اللي القى احسن منهم ..

ثقتي في نفسي المفروض تكون كبيره ..
وما يهزها .. احد ..
ولو كان حبيب صحيح .. كان ما تركني .. !

Kushi

12-02-2005, 15:39

اخوي Be Alone

مشكوووور على رايك بس المشكله البنيه ما فيها عيوب ، راح تقولي ان محد كامل والكامل الله وكلامك بيكون صح بس شو اسوي ما اقدر ، مهما كان هي ربيعتي و صديقتي وحبيتي وزميلتي بس طلعت عشان ظروف بس بقولك شي ، ترا في حل كان ممكن يخليها اتم وياي بس رفضته ، انا هذا اللي معذبني :(

BE ALONE

12-02-2005, 16:24

اذا هالشيء اللي رفضتيه ..
رفضتيه بأقتناع ..
ووذحتي لها رأيك ..ووجهه نظرك

المفروض .. تحترم رغبتك !

ولا تساومك بين علاقتها .. وشيء ما تبينه !

المساومه .. ما تصير من الحبيب
الحبيب او الصديق .. يضحي .. مو يساوم !!

أم عيون القطاوه

12-02-2005, 22:14

^^
طير بس طير :confused:

حبيبتو هالحاله حصلت مع احسن العائلات وكل محب لازم يقطع عهد على نفسه انه ما يحب بعد هجران حبيبه

بس وش يسوي .. دوم نسمع انو (( البعيد عن العين بعيد عن القلب )) .. وبعد سمعنا انو (( وما الحب الا للحبيب الاول )) بس القلب يسكنه الهوى والهوى يتغير مع الزمن اجل ليه الانسان يحركه هواه ؟؟ لانو الهوى مايبقى على حاله ودوام الحال من المحال ..

يمكن انا ما جربت والله لا يوريني اليوم اللي اصير فيه بهالحاله

وانا معك يا بنت يمكن الحال صعب انك تحبي مره ثانيه بس الاصعب انك تعاندي وتكابري .. في كلا الحالات المشاعر و القلب راح يكون ميت معه وبلاياه .. يعني ايش ؟؟ تخلي حياتك توقف والا تكمليها ؟؟!! هذا هوا السؤال اللي لازم تجاوبي عليه؟؟

*LoOoOnely*

13-02-2005, 05:53

انا من رايي الحب الحقيقي الصادق 100% من جهتي...
حتى لو افترقنااا...وعرفت احد جديد...وتزوجت....وعجزت.....
لايمكن لاااااااايمكن تنسين حبك الاول اللي انتي اخترتيه.....
مهما صااار ومهما قابلتي ناس احسن...
كذا سبحان الله بدون اسباب...
انا هذا رايي وكل مين ومدى حبه...
لكن الذكريات قاتله..بصراحه مو سهله... :no:

Kushi

13-02-2005, 11:38

*LoOoOnely*: مشكووووووووووووووووره اختي ع الرد :yes:

:brose: :brose:

أم عيون القطاوه: تسلمين اختي على كلامج :yes: بس القول اصعب عن الفعل :roll:

:brose: :brose:

BE ALONE : مشكووووووووووووور اخوي على الرد مره ثانيه :rose:

*المغروره*

13-02-2005, 16:38

البعيــد عن العين بعيد عن القلب

مثل ما تفضلت اختي الغاليه ام عيون

و لكن .. يبقى حب الحبيب الأولي بالقلب

لا ينسى فما الحب الا للحبيب الاولي

الثاني يمكن تحبينه للان فراغ كبير تركه الأولي لج بالقلب

و مثل ما قلتي مع مرور الايام ثبت حبه و لكن

مهما .. تحبينه راح تتمنين انه يكون الحبيب الأول ..

تجربه صعبه جدا جدا و لكن مستحيل ينسى اول حبيب

ولو مرت السنين و لا حبينا غيره و لا و لا ..

و تبقى ذكريات تعذذذذذذذذذب كل ما شفت غيره اتذكره

و لكن اني انســاه هذا شي من سابع المستحيلات ..

بتبقى بقايا ذكرياته ما تنمحي لا بالذاكره و لا بالقلب !

هذا رأي الشخصي و على السريع

تحياتي لج

اوريانتيا

13-02-2005, 17:16

اهلييييييينKushi

انا ماتعرضت لهيك موقف وماادري لو صار لي شلون راح اتصرف
بس رايي الحالي انوو:

بعد رحيل الحبيب الاول الحياة ماتوقف
واظل مستمره يعني مو معقولة اني أعيش على
اطلال وذكرى الحبيب الي هجرني
واخلي حياتي تجمد
بالعكس لازم أمضي في حياتي
مااوقفهاعلى حساب شخص
تركني واشوف من يستحقني

يمكن يكون الشي.. صعب
وخصوصا إذاكان هو الحب الاولي وآنه اخلصت في حبه
أكيد ماراح اقدر انساه وبيظل على طول في بالي
بس ليه اعيش على ذكرى شخص ما يستاهلني??
في غيره احسن منه راح يعوضني عنه

وإذا تعرضت الى هالموقف مرتين
بعد راح اقول نفس الكلام
اكيد راح الااقي الي احسن منهم

يمكن هالموقفين يخليني افقد الثقة
وامتنع عن اكمال حياتي بالشكل الطبيعي
بس لسة الدنيا بخير يعني اكيد في الافضل منهم

مو معنى هالكلام أنه أي واحد اشوفه بعدين احبه
لازم اتأكد منه وما أسمح حق اي احد انه يتجاوز حدوده معاي
واتعلم من اخطائي السابقة في تكوين العلاقة الجديدة

ثاانكس حبيبتي على الموضوع

Kushi

14-02-2005, 11:13

اوريانتيا

*المغروره*

كلامكم اسعدني واااااااااااااااااااايد ، بس يا ترا هل عندي الجرأة إني اسويه !!

مشكوووووووووووووووووورين

تحيـــــــــــــــــــــــــــ ـــــ Kushi ــــــــــــــــــــــــــــــ ـاتي :rose: