ياضايق الصدر,,,,,,

[ناقه]

ياضايق الصدر بالله وسع الخاطر .........دنياك يازين ماتستاهل الضيقة
الله على مايفرج كــــــــربتك قادر ..........والله له الحكم في دبرة مخاليقه
حلو العيون استهانت دمعها الحادر.........كف العباير حزين الدمع ماطيقه
حسايف الحزن يغشى وجهك الطاهر ........والورد في وجنتك حرام تغريقه
يفداك قلب على ما تشتهي حاضــر ........ .يفداك باللي بقالي من معاليقه
مافات خله ولا تهتم من باكــــــــر ...........واغنم من اليوم ماساقت توافيقه

خالد الفيصل .....

[*بنت_القبايل*]

الله عظمه على عظمه ياست:D

وش هالحلى وش هالذوق ولك تأبرني عيونك الحلوه;)

تسلمين يا احلى ناقه شفتها الصراحه زين ما اخترتي

وهذي من روائع دايم السيف واكيد صح لسان الشاعر

ياضايق الصدر بالله وسع الخاطر .........دنياك يازين ماتستاهل الضيقة

من جد والله مافي شيء في هالدنيا يستاهل ضيق الصدر

وجعل ربي يجعل صدرك وسيع دوووووووم يالغالية

مثل ماوسعتي صدورنا بذوقك اللي يخقق وخققنا معاه:) :rose:

[ماريا]

مشكور
:) :)

[متفائل]

تسلمين على اختيارك الراقى
ويعطيك العافية

[ناقه]

هلااااااااااااااا والله ببنت القبايل .....يختي لا تغيبين عنا وتخيلينا نشتاق ....:)
يالله حيها واحيها .......:star:
لا وغناها .....أبونورة .....تعور القلب .....بس مالقيتها في النت والا كان رزيتها ....:rose:
تسلمين يا حبيبة قلبي ....:o


هلا ماريا .....العفو يالغالية ....انشالله أعجبتك ....:rose:

هلا والله متفائل .....مشكور يالغالي ....ويعطيك الف عافية .....
:rose:

[وآقعي]

الله يبعد عنك وعنا ضيقة الصدر يالغالية ..

ويازين ماخترتي بصراحة .. ودعوة ما احوجنا لها في كل وقت وفي هالايام بالذات ..

وهذي بداية خاطرة لم تنتهي ماهي بعيده عن الموضوع .. اتمنى مدخلها يعجبكم ..

مثلك أنتي
حزينة الدنيا لو تبكين
واذا تحكين بنبرة حزن ..
ليه بالدنيا سعادة ..
لا تبكين ..
لا تحكين ..
امهليني وقت .. بغيب عنك وأعود
من شرق وغرب وكل اتجاه بقطف لك ورود
واجيبها تستسمحك ..
من غلطة حزن ضيع العنوان ..


ووشلون مالقيتيها ياناقه .. لو ماهي على الانترنت .. جبنا محمد عبده بنفسه يغنيها لك هنا .. وش دعوه ياناقه ..

وتفضلي الأغنية وكامل الموقع .. غالية والطلب رخيص ..

ياضايق الصدر بالله وسع الخاطر (...
)


موقع محمد عبده .. وكل اغاني ابو نوره (...
)

[rshrsh]

الله الله الله الله الله يا ناقة ..
يسعد مساك .. وينور عليكي ..اسعدتيني بقراءة شاعري المفضل ..
يعطيكي العافية يا عمري ..
حسايف الحزن يغشى وجهك الطاهر ........والورد في وجنتك حرام تغريقه
يفداك قلب على ما تشتهي حاضــر ........ .يفداك باللي بقالي من معاليقه
يا سلاااااااااااااااااااام في احلى من هذا الكلام ..
وسلام ..رشا ..

[لمحة حب]

هلا عيوني ناقه

وش هالحلا والاختيار الرائع يالغاليه

خالد الفيصل اشعر الشعراء احساسه المرهف صعب نوصفه

وكلماته الراقيه صعب نرد عليها

القصيده مره حلوة وواقعيه لان كثير منا بيحتاج لمثل هالكلمات في حياته

لما يسكنها من حزن وهموم


حلو العيون استهانت دمعها الحادر.........كف العباير حزين الدمع ماطيقه
حسايف الحزن يغشى وجهك الطاهر ........والورد في وجنتك حرام تغريقه


اي والله حرام نضيع عمرنا بالاحزان ونرهق عيونا بالدموع واحاسيسنا بالحزن

تسلمي ناقه على اختيارك الاكثر من رائع

[ناقه]

يا هلا والله وغلا بواقعي .....
يسلم قلبك وعمرك يارب ....:h:

امهليني وقت .. بغيب عنك وأعود
من شرق وغرب وكل اتجاه بقطف لك ورود
واجيبها تستسمحك ..
من غلطة حزن ضيع العنوان ..

ياقلبييييه ياوقعي ....تراك جبت روسنا ....سويت ولا عدلت ....أخاف نتعود على هالكلام اللي زي الشهد ....
ياجعل أيامك كلها شهد .....:rose:
مشكور على الأغنية .....وعلى الموقع .....يسلم قلبك


هلا والله برشرش ...مشكورة يالشيخة ....كلك ذوق:rose:
الكلام الحلو كثير ......بس أهم شي يكون من القلب ......للقلب:h:
وحاضرين يالشيخة .....والله يقدرنا نسعدك بعد وبعد ....

هلا والله بدمعه .....مشكورة يالغالية والله يجعل أيامك كلها هنا وفرح ياربي ....
وخالد الفيصل مايختلف عليه اثنين ....
كلك ذوق ....يا أرق دمعة .....:rose:

[خيّال]

حسايف الحزن يغشى وجهك الطاهر ........والورد في وجنتك حرام تغريقه
يفداك قلب على ما تشتهي حاضــر ........ .يفداك باللي بقالي من معاليقه
مافات خله ولا تهتم من باكــــــــر ...........واغنم من اليوم ماساقت توافيقه

تسلمين يا ناقه على هالاختيار الروعه


حرام عليك مالقيتها في النت وانا حاط موقع ابو نوره وكل اغانيه في موضوع سابق


تسلمين :rose: :rose: :rose: :rose:

[ناقه]

هلا والله خيال .....
مهو المشكلة اني حوطيه .....ونسيت ادور في موقع محمد اللي حطيته لنا ....
وواقعي جعله يسلم ما قصر .....حطها .....وأنا وياه واحد ....:o

عموما ...ولا يهمك القصيدة الجاية بحطها وبحط أغنيتها من موقع محمد عبده ....

المهم ان القصيدة أعجبتك .....:) والجايات أكثر انشالله

[خيّال]

مشرفتنا تسلمين انا كنت امزح معك وانتي والاخوان والاخوات في المنتدى ما تقصرون


واحنا في انتظار الجديد

خيّال