المساعد الشخصي الرقمي

مشاهدة النسخة كاملة : مسجـــــون

BE ALONE
30-01-2005, 13:20
يقالكم .. كان فيه واحد راع مشاكل ويقطع الطرق .. في عهد الملك سعود
الله يرحمه
بعد فتره من مطاردته طاح بيد .. الشرطه !
فحكم عليه بالسجن ..15 سنه

أمه بعد ما سمعت الخبر .. ما جاها النوم
وصارت كل ليله ما غير تتذكر ولدها وتبكي ...!

فصارا لناس يتعالمون فيها .. ومن حزنها
فوصل خبر لواحد من الناس اللي كثير سفريات
وراعي علم وحكمه

فراح هالرجال لام المسجون .. وقالها محد يقدر يساعدك الا
رجال .. اسمه .. محمد القرني
وهو احد اتباع الملك سعود
اذا نخيتيه .. ماراح يردك وبيسوي المستحيل عشان يساعدك
فقالت المرأه.. وشولون اعرفه؟
قالها .. بيكون اقصر القوم واسمرهم !!

راحت الرياض .. وجلست حدود الاسبوع تنتظر خروج الملك
والحراس يسألونها عن حاجتها .. يحسبونها جايه طلب رزق
وهي ما تكلم احد
ولا ترد على احد!

وفي عصر يوم .. طلع الملك ومعه قومه .. وبينهم .. القرني
فراحت تنصاه .. مثل ما قالها الرجال ... وقالتله طالبتك يا ابو فلان
في ولدي المسجون!!
فمن..حميه وشجاعه ..القرني ..
ما امداه يثبت اسم ولدها !
رجع يم الملك .. وصار بين الحراس ما يشوف الا الملك !

فقال للملك سعود ...
يا ابو عبدالرحمن .. طلبتك ..
فيبي يتذكر اسم ولد المرأه .. ما قدر!
وسلوم القبايل .. تحدد مطلبها .. اذا جت تطلب
ان وافق على طلبه .. وبيض وجيهم
ولا ردوه .. وعيبه في حق الشيوخ!

فتلاحق عمره .. بحنكته
وقال طالبك في جميع مساجين المملكه!!
وكان في شهر شعبان !

فقاله الملك سعود .. وهو يغليه .. ولا ينزله قاع
جاك طلبك .. ويفرج عن جميع المساجين .. اللي ما عليهم دم!
وطلع ولد المرأه ..
وصارت هاذي عاده سنويه عند الحكومه السعوديه ..
وصارت بعض الدول العربيه .. تقتدي بالسعوديه ...!

وهاذي قصه الافراج السنوي عن مساجين المملكه
قمر الشرقيه
30-01-2005, 13:49
والله رهيبه القصه
اول مره اسمع بهــا
رهيب الرجـال والله :confused:


يسـلمو بي الوني على القوصـه :h:
ولاتعدمنا :confused:
BE ALONE
30-01-2005, 14:47
مشكوره قمر ..
كل ردك حلو .. واحلى شي فيه .. القوصه !!

لازم يكون الموضوع جديد ..
عشان تصير عندك اخبار .. غير .. عن غيرك
تسولفين فيها ..

هالقصه قايلها ابوي .. الله يحفظه .. عن جدي!
لانه كان حاضر القصه .. فعلياَ !!

في الحقيقه قليل اللي يعرف القصه .. او سمع فيها ..
لان بعض القبايل .. يحسدون حب الشيخ لفرد في قبيله
ودهم يكون الحب كله لهم ..
وما ودهم يعتلي شان فلان .. ويكون صيته عالي بين الرياجيل!

ومثل هالقصه .. فخر كل رجال ...

حياك الله قمر ..
نورتي ..واتمنى تكون القصه اعجبتك ..!
عمانية وبس
27-06-2005, 04:25
مو في السعودية وبس حتى عندنا في عمان
في العيد او رمضان يفرجون عن المسجونون وتكون عيدية من السلطان قابوس يحفظه الله للمسجونين وانا مو متاكدة :confused:
لان جيرانا كل سنة يكونون في السجن و السلطان بفرج عنهم في العيد
وهذه القصة غريبة اشوي :conf:
وشكرا