المساعد الشخصي الرقمي

مشاهدة النسخة كاملة : شبيه الريح-------> اهداء لبنت نت القصيد000غير:)

شرشبيل000غير
05-08-2001, 12:57
قصيدة شبيه الريح للشاعر(عبدالرحمن بن مساعد) هي اسم البوم ابو نورة الجديد


شبيه الريح ..

وش باقي.. من الآلام ..

والتجريح

وش باقي من الأحلام..

وش باقي من الأوهام..

غير إني.. ألاقي في هجيرك في..

ألاقي في ظلامك ضي..

وأوقد شمعتي في الريح

شبيه الريح..

إذا تسمح بغيب شوي..

أبجمع همي الباقي..

وأدفن صبري الذابل.. في أوراقي..

وابرجع لك..إذا باقي في نفسك شي

شبيه الريح

أنا مقدر أكدر صفوك العاصف

شبيه الريح ..

أنا من لي سوى إحساسك الجارف..

بقايا زيف أشواقي..

سما أمطار أحداقي..

شبيه الريح.. وش باقي ؟

أبي أعرف..

متي تسكن رياحك؟

وابي أعرف ..

غرورك هو متي يطلق سراحك؟

وابي أعرف..

متى تعصف..

متى تعطف..

متى تترف جراحك؟

وابي اعرف إذا باقي في بحرك..موج..

أكسر فيه مجدافي..

وأبي أعرف ..

إذا باقي في همك .. هم ..

ماشا لته أكتافي

وابي أعرف ..

إذا باقي في هالدنيا..حزن ..

مامرني واستوطن أطرافي

وابي اعرف..

إذا باقي من المعجز في هالدنيا ..

سوى ((العنقاء))..

والا ((الغول))..

والا خلك الوافي؟!!

بقايا زيف أشواقي ..

سما أمطار أحداقي..

شبيه الريح.. وش باقي ؟!!

سنيني يم..

وقلبي المركب المتعب..

وأنت الريح..

مجاديفي عذاب وهم..

وزادي الوجد والتبريح..

وصبري صبر بحاره..

بغوا في البحر محاره..

غشاهم موج.. كان من الغضب أغضب..

وكانوا للهلاك أقرب..

لولا كثروا التسبيح..

شبيه الريح..

حبيب الأصدق الأكذب..

عجزت أوصل شواطي.. طبعك الكذاب..

تعبت أنظر .. في وسط العاصفه..

قلب وشعور وعاطفه..

تعبت أجمع ألم كل الموادع..

في المواني..

واحضن أطيافك

تعبت السهد في ليل الشوارع..

والثواني ..

تنظر إنصافك..

تعبت الظلم.. واجحافك..

شبيه الريح

أنا ودي أكدر صفوك العاصف ..

شبيه الريح

أنا كني نسيت إحساسك الجارف..

بقايا زيف أشواقي..

سما أمطار أحداقي

شبيه الريح..

كيف أسألك : وش باقي ؟!

وأنا الباقي من إحساسي...

ذرته الريح











شرشبيل000غير

مملكة السنافر000والله غير
موعد
05-08-2001, 14:23
وأبي أعرف ..
إذا باقي في همك .. هم ..
ماشا لته أكتافي

وابي أعرف ..
إذا باقي في هالدنيا..حزن ..
مامرني واستوطن أطرافي



الله الله اختيار جميل تسلم ايديك

اخوي شرشبيل عندك معلومات عن ملحن الكلمات ؟
كراعين نمله
05-08-2001, 14:41
شرشبيل
تجنننننننننننننننننننننننننننن نننننننننننن
رووووووووووووووووووووووووووووو وووووووعه
مشكور تسلم
موعد ياخي والله مشاتقه لك
الارملة السوداء
05-08-2001, 17:29
تسلم يالذوق


الصراحه احسنت الاختيار

جناااااااااااااااااان

بس عاد لاتحرمنا من اختياراتك الحلوه

تحياتي

الارمله السوداء
شرشبيل000غير
06-08-2001, 06:34
شكرا لكم جميعاٌ:)

اخوي موعد للاسف مااعرف من ملحنها..بس اشتر الشريط وراح تلقاه على الشريط:D والا بعد؟:)

بس ماانصحك تدفع15 ريال على شريطه ....اسمعه في الام بي سي والله احسن لك..ابو نورة ماهو ابو نورة:(

الحان بايخه:mad: تجيب المرض:cool:

واذا حبيت اعطيك نسختي اللي تحسفت اني شريتها...ارسلتها لك ;)






شرشبيل000غير
والله مملكة السنافر000غير
طراره وتتشرط
06-08-2001, 06:38
مرررحبا






وابي أعرف ..

غرورك هو متي يطلق سراحك؟

وابي أعرف..

متى تعصف..

متى تعطف..

متى تترف جراحك؟

وابي اعرف إذا باقي في بحرك..موج..

أكسر فيه مجدافي..

الللله الللله


لا تعليق على الأبيييات:rolleyes: :rolleyes:

ولاتحرمنا من اختياراتك الروووووووووووعه
** ديـــــم **
06-08-2001, 09:11
كلام رووووووووووعة و الشاعر اروع و ما في اثنين يختلفون عليها
و مشكور يا شرشبيل000غير على مشاركتك الحلوة


حبيب الأصدق الأكذب..

عجزت أوصل شواطي.. طبعك الكذاب..

تعبت أنظر .. في وسط العاصفه..

قلب وشعور وعاطفه..

تعبت أجمع ألم كل الموادع..

في المواني..

واحضن أطيافك :)
موعد
06-08-2001, 09:26
اخوي شرشبيل
شكرا لردك على سؤالي ..

والله انك صادق تغير بونوره ماهو بونوره الاولاني .. اذا سمعته يغني على البال ولا المعازيم ولا مجموعة انسان اضرب اخماس باسداس .. مش بس اختياراته اللي تخلي جمهوره "وانا واحدمنهم" نضرب اخماس باسداس .. حتى سلوكه تغير واحترامه لذاته تغير ..

الله يجازي الفلوس

موعد
سكوبي دو
07-08-2001, 09:22
الأخ شرشبيل صراحه القصيده اكثر من رائعه بس مو هذا الشي اللي
خلاني اكتب لك اللي خلاني اكتب لك بصراحه خطك لأنه كان اكثر
من رائع ، صراحه اهنيك على هذا الخط وعيني عليك بارده .
المهموم
08-08-2001, 14:00
تسلم يمينك وختيارك كان حلوا للهدية ...... أما بالنسبة لــ ابونورة وكلامكم عنه أنا أقول أسمحولي عاد ماأرضى على ابونورة والله لو يطلع شريط يسولف فيه بنسمعه ... عطوني وش الشين في شريط ابونورة .....قولولي

من نسمع له قولولي
ماني فيه
08-08-2001, 15:14
ان كانت الهدايا منك انت ياايها الانسان العزيز

فنحن جميعا نتقبلها ونضعها فيما بين تلك وذاك ..

عزيزي وانا اهديها بدوري الى كل من له ذوق وله حس تواق الى تلك الجماليات التي يهديها الينا انت شرشبيل..

شكرا مرة اخرى ...




...
هلا
08-08-2001, 15:23
هلا والله بشرشبيل .... كيف الأحوال وأنا اختك ....

تسلم الأيادي ياشرشبيل على القصيدة

بس الأغنية ما توفق فيها عبده ابد

وعبدالرحمن بن مساعد جنى عليه يوم عطاه ذا الكلمات ... بصراحه حلوه تسمعها شعر مو اغنيه

وكله بكوم ودخلة الأغنيه بكوم وصوته فيها كنه احد غاصبه على الغنا شكله حايمه كبده

لا ماتوفق ... صدقت ياشرشبيل
كحيلان
17-08-2001, 14:26
مرحبا .............



شرشبيل غير ... الموعد :

ابي افهم علي اي اساس ابو نوره ما يحترم جمهوره ؟؟؟

باالعكس الرجل هذا ما يختار الا الاغاني الجميله يمكن فيه شريط واحد هو اللي اعتبره سيئ ومستغرب علي ابو نوره والله ما يحظرني اسمه بس الشريط اللي طلع من كلمات شخص واحد ما اذكره .

المهم انه يظل فنان العرب الاول والاخير لاني ما اظن ان فنان بيطلع مثله مثل ام كلثوم وعبد الحليم في مصر

الاخت بنت نت اداء محمد عبده في شبيه الريح سيئ ؟؟؟؟؟؟ غريبه اجل من اللي بيكون اداه حلو اذا كان أداء محمد سيئ يمكن فرقه ميامي ؟؟؟




عموما القصيده والاداء جدا رااااااااااااااااااااائع





تحياتي



واختلاف الراي لا يفسد للود قضيه
الناي الحزين
19-08-2001, 06:10
مرحبا بكم

بصراحه هذه الاغنيه غير

جيده كذلك القصيده

والكلمات غير جيده يمكن

الشاعر والفنان خدمهم

الاعلام قليلا بحكم اقترانهم

الحميم بوسائل الاعلام:D
شرشبيل000غير
23-08-2001, 06:36
فوق...........الين يرجعون الغايبين عن النادي...الله يرجعهم بالسلامه:)









شرشبيل000غير
**قطرة_ندى**
26-08-2001, 04:03
سلام اخوي شرشبيل:)

وكانك تسكب فوق روؤسنا زجاجة من العطر الفاخر

وتمنحنا الجمال الابداعي والروعه المتناهيه

فقط تذكروا هذا الاسم جيدا(عبدالرحمن بن مساعد)

اما بالنسبه لمحمد عبده مو لحاله اللي تغير اغلب الفنانين تغيروا طبعا للاسوا

ما ادري وش السبب :confused:

ولكن البقاء لاافضل

مشكووووووووووور اخوي على اهدائك الاكثر من رائع:)

على المحبه نلتقي
شرشبيل000غير
28-08-2001, 06:19
شكراٌ للجميع على مشاركته.....

بس ماتحسون ان الام بي سي ازعجونابشريط ابو نوره على انه يجيب الهم:(

ولو الامل ضاع في ابو نوره:rolleyes:





شرشبيل
شرشبيل000غير
03-09-2001, 02:07
:o



شرشبيل
مملكة السنافر
شرشبيل000غير
07-09-2001, 03:51
ماعندي الا موضوعين في منتداكم:o وابرفعهم الى...ماادري الى متي!!:confused:




شرشبيل
مملكة السنافر
شرشبيل000غير
09-09-2001, 03:04
Up
شرشبيل000غير
12-09-2001, 09:30
Up فرحان بذا القصيده كني انا اللي كاتبها:rolleyes:





شرشبيل
مملكة السنافر
شرشبيل000غير
15-09-2001, 03:03
:o :confused: :o :rolleyes:
شرشبيل000غير
22-09-2001, 10:05
:rolleyes: :rolleyes: :rolleyes: :rolleyes:





:rolleyes: شرشبيل:rolleyes:

:rolleyes: مملكة السنافر:rolleyes:
شرشبيل000غير
23-09-2001, 13:21
:rolleyes: :rolleyes: :rolleyes: