مشكلتي مشكله

[الوافي]

مشكلتي مشكله الصراحه هي ماهي مشكلتي بس مشكلتي انا واحد من اعز اصدقائي
اذا تبوني اقولهه لكم وتعطوني الحلول مابي حل من شخص واحد ابي من عدة اشخاص اذا موافقين ردوا وباي.:(

[منار]

أخوي الوافي........



قول مشكلتك وان شا الله بنلقا الحل.

[..+¶لومية¶+..]

اسلام عليكم
اقووولكم انا يديده في ها المنتدى و ما اعرف فيه شي
يا ليت حد يعلمني عليه
:(

[هلا]

انا اقولك وش مشكلته انك صديقه ههههههههههههه

<---------- امزح معك :)

[المهموم]

شف ياخوي قل مشكلتك يمكن نلقالها حل .....بس لاتكون مثل مشكلتي

والله ماتلقا لها حل لو تموت


=====********يالله قلها ولاتطولها وهي قصيرة


:D أمزح معك مداعبه


أخوك المهموم

[طراره وتتشرط]

مررررررحبا


انت قول المشكله وان شالله تلقى الحل عندنا:)

[الفرعونه سارونه]

مرحبااااا
هلا الوافي
شنووووووو مشكلتك قولها يمكن نساااااااعدك


يالله شنووو مشكلتك
بااااي:confused:
:confused:

[ملاك]

يا الوافي ما في مشكلة ما له حل 000 مثل ما يقولون كل عقده ولها حلاّل 000 وبعدين تعال انت تقدر تحلها بنفسك 000 لو تقعد مع نفسك شوي بتحلها نشاء الله بتحلها 000

هونها وتهون 0000:p

[كراعين نمله]

يوووووووووووووه
ومسحبنا هنا وعلى بالي عبقريه ابلقى لك حل وفي الاخير مالقيت مشكله ياخي قلها بسررررعه

[لي لي]

قول يا الوافي ............
الفضول يقتلني .........يرضيك كذا يا شيخ ............:(

[ملاك]

بصراحة عرفت ايش مشكلتك 000 آسفة مشكلة صديقك هو ما يقدر يعبر عن نفسة 000 بس لا تعبر عنها آسف يعبر صديقك عنها عن طريق الرسائل الخاصة 00

اوكي :mad:

[الوافي]

اقولكم بعد طول انتضار
يا اخوان ويا الربع

خويي اول شي توفا اخوه الكبير وكان يوده كثير المهم بعد وفاة اخوه تدهورت حالته النفسيه كثير وصار مايطلع من البيت اذا انا بغيته اروح له للحكايه سنه كامله وهو تععبان ماخليت شي وانا اقوله ابيه يطلع من حزنه
ومعي ناس ساعدوني ولا في فايده
المهم انا بغيت المساعده منكم ترون كلامي كله جد وانا ابي منكم المساعه الجديه
على فكره اانا ابغى حححححل منكم يساعد في الاقناع هذا الشخص

وشكرا لكم على تواصلكم
معي وحنا اخوان على في الخير وعلى الشر انشاء الله


اما بالنسبه لك يا ملاك تريك فهمتي غلط والله يهديك
ومالهها داعي كلامك الاستهتاري هذا وانا اسف اني ارسلت لك رساله
ماكنت اتوقع انه يكون ردك كذا
والعموم شكرا لكم يا شباب على تواصلكم معي.

[كوكا كولا]

لا حول ولا قوة الابالله

مسكين الله يكون في عونه انا اعتقد الحل انك تذكره بالله وتفهم ان مو بس هو الي فقد شخص عزيز عليهااااااا وتحاول ان تخرجه من عزلته صحيح راح تواجه صعوبه في البدايية لكن الله راح يوفقك لان غرضك نبيل......


الله يكووووووون في عونك...........

[لي لي]

اخ وافي .......
اولا ....المفروض قبل كل شي ...احترام الحاله النفسيه والاضطراب بعد فقدان اخيه ....والاكيد ان اخوه كان متواصل معاه في كل تفاصيل حياته اليوميه ....الصغيره والكبيره .....يعني بكون على قولهم فقدان عزيز ....
الاهم هو ان رفيقك ....يتقبل قصة فقدانه لاخيه ...ومن ثم بالتدريج راح يقدر يواجه الواقع .....الشي الاكيد انه معظم طباعه بتتغير وسلوكياته .....
انا نصيحتي لك ولصديقك ...هي انك تكون دائما معاه ....يعني حسسه بوجودك ......
ثانيا ......انك تحاول تتفهم مشاعره وتحترمه يعني لاتفكر في انه يكون مثلك ويطلع ويروح ويرجع ..والخ ....
ثالثا ...محاولة ايصال المعلومه اليه بان والديه اكيد يفتقدون اخوه ...فالواجب عليه انه يخفف من مصيبتهم ويعوضونهم عن فقدان اخيه ......
رابعا .........يهتم بعمل الصادق من الاعمال ....التي توهب وتنزر لصالح اخيه ...من الاعمال الخيريه ....وهو بعد يهتم بالعمل اللي يفيده في الدنيا والاخره ......
خامسا ......اتمنا اني ما اكون اطلت عليك في الكلام .................
وتحياتي لك ولصديقك ..................:)
ملحوظه ....تجربة فقدان شخص عزيز ...تهز قناعات وتفكير اي شخص ..
واصعب ما فيها هو تقبل فكرة انك ما راح تشوف هالشخص ولا تسمع صوته ولا انه يكون بقربك في فرحك او حزنك ........فصديقك معزور .......

[كراعين نمله]

الله يكون ف عون صديقك
مالك الا انك تقول له لو انت بتفضل على هالحال اخوك ماراح يرجع لك وحاول تذكره بالايات القرانيه اللي عن الصبر وقله خلك مؤمن وخل ايمانك قوي ولازم ترض بقضاء الله وقدره وا كلنا لاحقين اخوك وكلنا بنوت ومن هالكلام ضني انك تعرف تعبر

[التشكيلي القطري]

اقنع أهله إن يزوجونه بنت الحلال .

[ملاك]

اولا : آسف على ما بدر مني يمكن كنت فاهمه غلط 0
ثانياً : المشكلة لي يمر فيها صديقك 000 يمر فيها ناس كثير 000 لو ان كل واحد قعد يفكر في لي راح بيوصله إلى الجنون 000 لازم يتأقلم مع وضعه ويرضى بلي كتبه رب العالمين وهو اختبار له يبتلي فيه رب العباد عبادة 000 انا اعرف انه حالة النفسية صعبة جدا لانه مهما كان اهو اخوه واعز الناس 000 اجل ايش بيسوي لو احد من اساس البيت وعماده ( الاب والام ) اهم اكثر اثر على النفس 000 والله يعينه ما يطلب له لا رحمة 000 ولازم تكون معه دائما انت وربعه لجل يطلع من هل المحنه لانه قربكم له تحسونه انا الدنيا قدامة لازم يشوفه بنضرة التفائل 000 وحاولوا انكم تساعدونه وتصبرونه على بلوه لانه ما دايم لا وجه الله 000 وذكروه انه هذه دنيا زايلة ما بدوم حق احد 000 خلوه يقرب من الناس ويبعد عن الوحدة 000 قوى صلته بالدين اكثر بلاقي راحته النفسية فيها 000 ربي صبره على بلواه 000:(

[الوافي]

مشكورين يا اخوان على تواصلكم معي وهذا ان دل فهو يدل على طيبتكم وتفانيكم في خدمة الغير انا اشكركم من كل قلبي

من دون اي تمييز كلم كل راسي
اما بالنسبه لك يا ملاك فانتي الغاليه وماحصل شي وكلنا اخوان وانا احبكم من كل قلبي وشكرا لكم مره ثانيه وباي.

[منار]

مرحبا أخوي الوافي....

آسفه جدا على التأخر في الرد......

بالنسبة لمشكلة صديقك زي ما قالوا الي قبلي ذكره بالله وحاول تقوي ايمانه ولازم تعرفه ان الموت حق .....والي أحب أضيفه.....

ذكره ان اخوه ولو كان في قبره يدري عن حزنه .....وأكيد هالحزن والعزله ماراح ترضي اخوه بالعكس لازم يمارس حياته ويدعي له ويحمد الله على النعمة الي هو فيها .

ذكره بموقف الرسول صلى الله عليه وسلم عندما توفي ابنه ابنه ابراهيم . وكيف كان صبره ومواصلته قيادة هذا الدين العظيم بالرغم من حزنه العميق..

قد يكون اهتمامكم الزائد بالمشكله أمامه يزيدها لديه فحاولوا تبسيط الأمر..

أخيرا : أحيانا يستمتع الإنسان بالحزن والعزله ويعتاد الهم فيصبح عالمه...قد يكون صديقك من هذا النوع ....وان زاد الأمر فلا مفر من الطبيب النفسي...

شفاه الله.