تعالوا نصنع من نفسنا الابداع

[كرزه]

هلا وغلا

شخباركم ياحلوين


اليومك جيتكم بفكره حلوة

وهي انه اي شخص عنده خبره بالرسم او اخذ دورة بارسم والاعمال

الفنية..يتفضل ويقدم اكثر الاشياء الي استفادها

وبكذا تتجمع عندنا اساسيات الرسم ونستطيع ان نبدع ونجرب الاشياء الجميله

التي طالما رغبنا ان نصنعها بأناملنا


واكيد الي عنده خبره ماراح يبخل علينا... ويعلمنا... بس اتمنى انه الي يشارك يكتب الي يعرفه عن تجربه عشان نتعلم بشكل صحيح


بليز نبغى تفاعل بالموضوع


تحياتي لكم وشكرا مقدما

اختكم الكتكوته كروزه هانم :)

[Little Star]

ما ابي أقول ان عندي خبرة بالرسم لأن اللي عندي موهبة لسا ما استغليتها بالطريقة اللي ترضيني,,,,

لكن لما جربت ارسم البورتريهات ما رسمتها على طول بشكل خلينا نقول مقبول بالنسبة لي..
ليش لأني أصلا ما كنت أعرف أرسم :confused:
واللي يبي الشي يقدر يسويه بنفسه أهم شي عنده شي بداخله يقول له أنا أقدر أرسم وأنا وأنا وأنا ..تقدرون تقولون يكذب على نفسه حتى يشجعها ,,,
لأنه اهو اذا ما تشجع أول وحاول وعرض محاولاته ,,ماراح أحد يشجعه لأن هذي الموهبة لسا مكبوتة بحاجة لدف..

أنا راح أعطيكم طريقة ما أقول انها سهلة بس مملة شوي في بدايتها بس نتايجها مضمونة وحلوة أذا كان في تركيز وشوية دقة و سمعت بعد ان ليوناردو ديفينشي وغيره فنانين.. :)
صحيح ان نقدر نقول انها كنسخ للصورة أو تكبير للصورة ..بس تدرب اليد شوية تخليها تتقن على الأقل التظليل :yes:

الطريقة هي باستخدام المربعات...
الأدوات اللي راح تحتاجونها:
_ورقة بلاستيك شفافة من اللي موجودين بألبومات الصور..أو تقدروا تستغنوا عنها إذا كانت الصورة مطبوعة بالكمبيوتر..
_قلم رصاص خلينا نقول درجة H حتى تكون الخطوط خفيفة..
- قلم حبر جاف..
والكراسة أكيد..

المطلوب انكم ترسموا مربعات على الورقة الشفافة أو على الصورة المطلوب رسمها ..المربعات راح تكون صغير 5, سم مثلا وتبدأو تكبروها شوي شوي لين ما تقدر تنسخوا الصورة بلا مربعات...
راح تحطوا الورقة الشفافة وتثبتوها بالصورة,,

...


راح ترسموا مربعات أكبر شوي على حسب انتو قد ايش تبغوا تكبروا الصورة مرتين ثلاث ...وبالتأكيد نفس عدد المربعات اللي في ورقة البلاستيك الشفافة.
...


وراح تبدأوا ترسموا كل جزء في المربع اللي مثله..

يعني الثامن مثلا في الصورة الأصلية راح يكون المربع الثامن في الكراسة وهكذا لي ما تخلصوا..
...


بعد كذا راح نمسح الخطوط علشان كذا استخدمنا قلم خفيف حتى ما تكون واضحة

...


راح ننسخ كل صغيرة وكبيرة من الصورة الأصلية..بس هذا الشي راجع للي يرسم إذا كان يبي يختبر قدرته على الرسم فنصيحة يرسم خطوط العين الأنف الفم الأذن الشعر الرقبة الأساسية فقط بدون خطوط داخل الأذن أو الخد ..يعني بدون ما يهتم بالتفاصيل بس مثل ما قلت راجع لكم..

لما تبدأو في التظليل ظللوا من فوق لتحت حتى ما تخترب عليكم الرسمة ويروح تعبكم بلاش..

اهتموا بالظلال والضوء الساقط على الوجه لأنها تعطي الوجه بروز أكثر..
...



والأفضل ترجعوا للصورة الأصليه حتى تاخذوا التفاصيل..
والنتيجة مضمونة وعلى مسؤليتي بس لازم يكون شغلكم فيه دقة تركيز وشعور بمتعة كبيرة وانتو تشتغلون و حبيت أقول لكم ان البداية كانت يدي ثقيلة وايد بس الحين صارت خفيفة جدا ومع التدريب المتواصل والمستمر أكيد راح يكون رسم البورتريهات كأنه رسم شجرة..


والنتيجة النهائية كانت
...







ملاحظة: لا تتخرعون هذا مو رسمي ياليته رسمي هذا رسم فنان..عقبال ما اصير مثله واحسن :)


انشاء الله استفدتوا..
تحياتي لكم
ليتووول

[Little Star]

:star: ^UP^ :star:


= :star: = :star: = :star: = :star: = :star: = :star: = :star: = :star:=


لم لا أرَ تفاعلا بالموضوع؟؟؟ لدينا آرلس مثلا...لم لا تشاركنا ؟؟أعتقد أن لديها أبداع وفن وهواية رائعة تكفي لأن تسطر كلماتها هنا....ألا تشاركوني الرأي ? :confused:

8
8
8
نيابة عن كرزه :)


= :star: = :star: = :star: = :star: = :star: = :star: = :star: = :star: =


حدثتنا استاذتي الأسبوع الماضي عن عدد من المواضيع سأسطر لكم ما أتذكره أو بالأحرى الزبدة من هذه الدروس :star:


أولا يجب أن يكون لديك جرأة فنية حتى ترسم ويكون في لوحتك التي قمت برسمها روح :star: يعني ما تكون رسمة مستحية :star:

في أحيان تمتلك هذه الجرأة الفنية في اسبوع أو شهر أو شهران أو سنة أو ربما بعد سنين ..

الجرأة الفنية كأن((( تاخذ هاذيك الفرشاة أو قلم الرصاص وتكون الاسكتشات* مرسومه في عقلك بحيث انك التاخذ الاسكتش أو اللون وتحطه بخط قوي جدا ما تقول اوه أنا غلطت وبمسح ويعدل لا يواصل في الرسمه برغم قوة الخط أو اللون اللي رسمه ويبين اللون هذا اللون كذا وكذا..نقدر نشوف هالجرأة في لوحات فنانين مثل فان جوخ و غيره )))*الاسكتش: عبارة عن خط سريع باهت يكاد لا يرى .يمكن أن نقول أنه خطوط أساس اللوحة..

في القديم كان الفنانين مهتمين بالرسم الواقعي الحي إذ كان الملك او الوزير أو... يتخذ له رساما ليقوم برسمه :star: إذ لم يكن في ذلك الوقت كاميرات :star: في ذلك الوقت شاع هذا النوع من الفن ألا هو رسم البورتريه* ...

*البورتريه: كلمة فرنسية الأصل تعني رسم الأشخاص :star:


كيف ظهرت المدرسة الإنطباعية...

أيضا ظهر هذا النوع من الفن الذي انتقد في بداية الأمر بشكل كبير ..إذ كانت مجموعة من الشباب( معاها الستاندات حقه.وكل واحد حامل في الشنطة عدة الرسم ويتنقل من مكان لمكان يرسم ويرسم.... :star: يمكن هذا يذكرنا بمارك اللي بساندي بيل بالرغم انه من اسره غنية اللا انه كان يسافر ويرسم وانتو تعرفوا القصة :) :star:
المهم في الموضوع بالرغم أن هؤلاء وبالرغم من الإنتقادات القوية_والشرشحة_
اللا أنهم استمروا في الرسم بل وازدات لديهم الجرأة الفنية..
وبالرغم من الإنتقادات أصبح هذا النوع من الرسم أحد مدارس الفن..ألا وهي المدرسة الإنطباعية... :star:


يتبع....... :star: