ممكن حل للشعر الخفيف

[imma]

ممكن حل للشعر الخفيف اي شئ مثلا قصات تبينه أكثر او خلطات لتكثيره . ..... وانا متأكده ان هذه مشكلة عند كثير من البنات :star:

[NaRnOoRa]

هلا اختي :) والله انا مو خبيرة بألامور بس اتوقع لو تحطين دهن واايد مره بالاسبوع او مرتين وبشكل مستمر هالشي يخلي الشعر يطول ويكثر وبالنسبه للقصات المدرج يكثر الشعر :yes:

[imma]

شكرا حبيبتي على الرد بجربها ان شاء الله وبقولك . :yes:

[$$$ خوخة $$$]

...


imma هلا فيك وانا بصراحه ما عندى هذى المشكله الحمدالله :confused: بس انا انصحه باستعمال الزيوت مثل ( زيت اللوز "يعطى لمعه حلوه للشعر") ( زيت الخروع " هذا معروف بانه يكثف الشعر ويمنع التساقط ويمكن وضعه بعد على الرموش لأنه يكثفها وتطلع كأنها تركيب) و( زيت الزيتون عاد عنى عن التعريف"له فوائد كثيييييييره)
اتمنى انك استفدتى :)

[emma_jsk]

[ :rose: والله انا اعاني من نفس المشكله imma شعري خفيف كثير و الي زاد الطين بله انو دهني :cry: يعني ماقدر احط عليه زيوت و المشكله الاكبر انو ميطول بسرعه و انا اموت في الشعر الطويل
يعني شعري كله على بعضه مشكله . :cry:

[imma]

شكــــــــــــــــــــــــــــ ــــــــــــرا حبايبي على الرد بجرب وبشوف . ان شاء الله يكثر شعري . :)

[صدى ذكرى]

انا أحب اوصف لك تجربتي مع شعري اللي تساقط بشكل فظيع..وطبيعته دهنية..تساقط بشكل مو طبيعي السنتين اللي طافوا..وصارت هالمشكله تؤرقني..لان كيف كان شعري وكيف صار,,

اللي سويته هو اني سويت خلطة زيوت..نقلا عن الدكتور القحطاني
وهي:زيت زيتون..وزيت خروع..وزيت اللوز المر..بمقدار متساوي..مثلا ملعقة من كل نوع..وهو يقول احفظيها في علبة عنبرية..انا كنت بس اسوي مقدار جديد لكل مرة وماحطيتها لابعلبة ولاشيء..
وتصيرين تسويها كل يوم قبل النوم لمدة شهر..ومو شرط تغسلين شعرك..
وقال لاتغسلينه بالشامبو بهالفترة..انا كنت اغسله بصابون الغار لان السوريين يستخدمونه للشعر..بس لما راح اطلع عن احد..كنت اغسله بالشامبو..

وبعد مايمر الشهر تصيرين تسوينه مرتين بالاسبوع..وانا صرت بعد الشهر استخدم الكثيرا..كنت ازيت شعري بهالزيوت الثلاث بالليل..واحط الكثيرا..وفعلا بنات كثيرا استفادوا من الكثيرا..والنتيجة مضمونة..

وفعلا شعري رجع زي زمان..وقصيته لانه من فوق صاير غزير ومن تحت صار ميت..

ويقولون ان عصير البصل ينبت الشعر..

وانا حبيت افيدك بتجربتي,,لاني عانيت من كثر الوصفات..والحنة طيحت شعري

والمايونيز ناسبني..كنت اسويه مرة بالاسبوع..

ومدحوا الحلبة بعد للشعر..وتصير زي الحنة وتضيفين عليها مويه فتصير عجينة زي الحنة بالضبط..

بس اهم شيء بالاول الاكل..لانه لو ماكنتي تاكلين..مافي وصفة بالدنيا راح تنفعك..وبعد لو كان عندك انيميا..لازم تعالجينها بكبسولات الحديد..لانه لما خفت الانيميا عندي تحسن شعري

[imma]

بس حبيت اسأل لازم احط الخلطة على شعري كله ولا بس على فروة الرأس ؟


وشكرا :)

[صدى ذكرى]

على الفروة..

ولاتنسي التدليك..

لانه جدا مهم..


وان شاء الله تستفيدي..

[imma]

مشكورة على الخلطة ان شاء الله تنفع :)