استفتاء عن الجمال في بنات دول الخليج [الأرشيف]

مشاهدة النسخة كاملة : استفتاء عن الجمال في بنات دول الخليج

المحزون

04-06-2004, 13:25

emma_jsk

06-06-2004, 15:14

والله يا محزون انا شايفه ان الاستفتاء كله يحتاج الي اعاده نضر و ليس بعض النقاط فيه و هده ليست طريق للحكم يعني في كل المجتمعات يوجد بنات متحررات و بنات ملتزمات و بنات جاهلات و اخريات متعلمات و مثقفات بغض النضر عن كونها سعوديه او كويتيه او حتى هنديه يعني استفتاء فاشل يبرايي رغم ان الموضوع لا يخصني شخصيا لاني لست من الخليج لكن رايت ان هدا الاستفتاء فيه ضلم لبعض بنات الخليج فاردت ان ابدي رايي و شكرا عالمواضيع اخ محزون و نحن بانتضار مقالاتك اين هي ؟ :rose:

LANA_20

09-06-2004, 02:03

اعتقد ان الاستفتاء اخطأ في ناحيه معينه الا وهي التعليم لان المعروف والمشاهد ان الكويتيه الاولى في ذلك ولا اقصد الاهانه لاحد لكن هذا هو الواقع وعلى العموم ليس الامر تعميم فمثل ما هو معروف لكل قاعده شواذ
وسللللللللام

NaRnOoRa

10-06-2004, 01:01

شكرا على الموضوع
بس انا اشوفه مو صح ومو واقعي :)

سااارااا

11-06-2004, 05:18

مساءكم ورد ...
الأستفتاء يحمل نوع من التعصب والمفروض كان طريقة طرحه بالتصويت بس أعتقد ان السعوديه أمتلكت الصداره لكبر مساحتها وكثرة أهلها وسكانها ومكانتها أقتصادياً وسياسياً ..... وكذلك الكويت أستحقت ذلك لأثباتها وجودها علمياُ وفنياً والمهم((انه لافرق بين عربي وأعجمي إلا بالتقوى))فنابالك أن نحن كلنا خليج واحد...........
مشكور أخوي ومع خالص حبي....سااراا

المحزون

19-06-2004, 16:37

emma_jsk
بطاقة بنت نت

شكرا لك في الحقيقه لا اعرف انت من اي دوله

طبعا فيه بنات اجمل من بنات الخليج بكثير

وليس في الجمال فقط بل في التعليم

والاخلاق

لكن هذا الاستفتاء لبنات الخليج فقط

دلع شمر

19-06-2004, 16:41

مشكوور اخوي على هالموضووع ..

الطير الاسير

19-06-2004, 22:12

مشكوووووووووووووور اخوي المحزون على الموضوع

وبصراحه الاستفتاءخاطا في بعض المجالات والاستفتاء

يحتاج الى اعادة نظر...........

*MissGurl*

19-06-2004, 22:43

الاستفتاء هذا يعتمد على آراء شخصية!
وطبعا مو بالضرورة تكون صحيحة!

التعليم في السعودية!!أنا أقوول...امحق تعليم :conf:
كيف صرنا المركز الأول؟
علشان المناهج المتطورة؟المحتويات اللي تتجدد؟؟
أو الأغلفه والطباعه؟؟؟؟
الأساليب الحديثة؟ والحاسب؟ أو حتى الانجليزية؟؟
التخصصات المتنوعة؟؟؟؟
هل تعليمنا يطور مهارات الطالبات؟؟أو الطلاب؟؟؟؟
أو انه يعتمد على الحشو الفارغ والتلقين!!
هل يقوم على ابحاث الطلاب/الطالبات؟
مهارات الحوار؟؟التفكير النقدي؟؟حل المشكلات؟؟؟
التعليم عندنا مـــ ــتـــ ـــخــ ـــ ـــلّــ ــف!!! وغبـــــي :roll:

الحساسة

19-06-2004, 22:57

شو هالاستفتاء

كل شي السعودية احسن الصراحة مب مقتنعة فيه

عنبو ولا شي حنا فيه توب!!!!!

وبعدين السعودية الاولى بالتعليم!!
الامارات و الكويت احسن من ناحية التعليم

مشكور المحزون ع الموضوع

emma_jsk

20-06-2004, 14:43

:rose: انا جزائريه يا محزون و اظن ان هذا الشء واضح جدا في البروفايل والله يا اخي الجمال موجود في كل مكان و التعليم ايضا و اظن ان المرأه تجاوزت مرحله الجهل من سنوات عدبدة و استطاعت ان تثبت وجودها كمحرك للمجتمع و في جميع المجالات زياده عن كونها جميله و هذا ينطبق على كل الدول العربيه سواء كان هذا في الخليج المشرق او المغرب العربي و كذلك اعتقد ان كوني لست خليجيه فهذا لا يمنع من ان ابدي رايي فبالنهايه كلنا عرب و مسلمين و لا توجد بيننا حدود جغرافيه .
:rose: شكرا محزون و دائما في انتضار مقالاتك :rose:

المحزون

28-06-2004, 16:58

emma_jsk
بطاقة بنت نت

بابنت ا لمليون شهيد

اوقع علي ماذكرتي واشكراك علي حسن اسلوبك الجميل

تحياتي

لك

emma_jsk

29-06-2004, 17:44

:rose: كن اتمنى ان تظل معنا يا محزون نبء محزن نبء اعتزالك انا كنت في انتضار مقالاتك بفارغ الصبر == اتمنى ان تعود عن قرارك و ان تستمر في الكتابه رغم كل الظروف :rose:

احلى عنيدة

29-06-2004, 22:54

وبعدين السعودية الاولى بالتعليم!!
الامارات و الكويت احسن من ناحية التعليم

مشكور المحزون ع الموضوع

اهلييين يالحساسه لا ما اظن
لأن لو لاحظتي ان الكويت تتطبق كل شي تجيبه السعووديه تقريبا والدليل ان معظم الطلاب الكويتين جاايين عندنا بالشرقيه يدرسووون كثر النمل ولما سألت قالولي التعليم بالكويت مش على مستوي..
اما الامارات انا والله مادري عنها

LANA_20

30-06-2004, 00:31

عفوا يا جماعه اللي مو مصدقني بان الكويت تحتل الصداره في التعليم خل يراجع الاحصائيات المعتمده ويشوف انجازات المراه الكويتيه وووصولها للدراسات العليا الدكتورات عندنا بالحامعه اكثر من الدكاتره وهذا دلبل كبير وشكرا :happy:

د مو ع الفرح

30-06-2004, 01:01

حتي بالشيااكه السعووديه أكشخخخ :confused:
ويسلموووا على الموضوووع

مجنونة بوليوود

30-06-2004, 01:20

شكرا على الموضوع بس الاستفتاء فيه ظلم
و مو صحيح :) :brose:

بالبهارات

01-07-2004, 06:52

انا ما اتدخل في اي راي واحد منكم بس انا اقول
انا الاستفتاء صحييييييح مليون بالميه
واحس انا بعد ان بنات السعوديه اكثر من بنات الكويت وباقي المدن الخيجيه جمالا
((((مع احترامي لباقي المدن الخليجيه )))
وهذا رايي وبس
محبتكم:
بالبهارات :h: :h: :h: :h:

CANDEL

01-07-2004, 14:37

ثانكس اخوي عالموضوع

المحزون

14-07-2004, 12:53

لك كل الود والاختلاف هو اساس النقاش الجاد

هندية 7

15-07-2004, 20:51

بصراحة راي مختلف وهذا الستفتاء مو عدل من وجه نظري
راي مختلف جداا
وخاصة بالتعليم
تعليم البحرين و الكويت
ويقال ان مناهج البحرين صعبة
تاتي في المركز الثالث في الدول العربية ( طبعا المدارس)

واناا اشوف واايد من السعوديين ايون البحرين لدراسة الجامعة منفجرة منهم

مهيّه

16-07-2004, 21:04

:) :)
أنا عندي ان الاحصائيلت صح 100%

السعوديه أحلى بنت في الخليج <<<مداح نفسه كذاااب :confused:

ملكة العالم

24-07-2004, 01:36

مرررحبااااا
ليه وش فيهم السعوديات ؟؟
ليه حاقرينهم ؟؟؟
علشانهم متمسكين بحجابهم خلاص طلعوا مايستاهلون
الله المستعان ...
بس كلنا نعرف السعوديات الاحلى والاثقف بدون منافس
والكلام هذا مو من عندنا .. هو بالاول والاخير نتيجة الاستفتاء :yes:

حبيبة شاروخان

29-07-2004, 07:53

في استفتاء اجرته مجلة زهرة الخليج الاماراتية عن بنات الخليج

وكاااااانت النتائج هي

جمال الوجه والشكل احمممممممم

الاولى : السعودية
الثانية : الكويتية
الثالثة : القطرية
الرابعة : الاماراتية
الخامسة : البحرينية
السادسة : العمانية

***التعليم

الاولى : السعودية
الثانية : الكويتية
الثالثة : البحرينية
الرابعة : الاماراتية
الخامسة : العمانية
السادسة : القطرية

***الشياكه

الاولى : الكويتية
الثانية : السعودية
الثالثة : الاماراتية
الرابعة : البحرينية
الخامسة : القطرية
السادسة : العمانية

***الالتزام الديني

الأولى : السعودية
الثانية : العمانية
الثالثة : القطرية
الرابعة : البحرينية
الخامسة الاماراتية
السادسة : الكويتية

***التحرر من العادات والتقاليد

الاولى : الكويتية
الثانية : الاماراتية
الثالثة : البحرينية
الرابعة : العمانية
الخامسة : القطرية
السادسة : السعودية

ــــــــــــــــــــ ــــــــــــــــــــــــــــــ ـ

طبعا لي راي خاص عن هذا الاستفتاء خصوصا عن المراة

السعوديه واعتقد ان الاستفتاء في بعض نقاطه يحتاج الي اعاده

النظر فيه

ولي عوده عن هذا الموضوع قريبا بعد مايكون هناك مشاركات

من النساء

خالد

الرياض والقصيم
...

السلام عليكم
بصراحة الأستفتاء غلطانيين فيه انه من رايي البحرين أتيي المركز الثاني من ناحيه الجمال وعلى فكرة تره البحرين فيهه ناس مخلوطيين يعني في عجم(الشيعه), وهولة (سنة) مادري اذا اتعرفون شنو معنى هولة انتو جنه اتقولون عيم سنة المشكلة ماتعرفون اتفرقون وعندنه عرب عرب هاذيله سمر وملامحهم مو لي هناك في حلوين منهم وفي بحارنة
أحله بنات البحرين العجم والهولة معروفين فيعني لاتقولون البحرين مافييه بنات حلوين, وبصراحه انه اسمع انه السعوديات حلوين بس نادرا آلقه حلوين لاتزعلون هاذي الحقيقة لأنه اجوف وجوهم في الحرم في مكة ومدينه اشكالهم عاديه وعله طاري الكويت فيهه بنات حلوين الكويت أكثر ناس يهتمون بالمظر الخارجي وهاذي اللي اميزهم

ومن ناحيه التعليم من قال اصلا بنات البحرين في التوب لأن عندنه الحريه الشخصية هاذي مو معناته انه الدول الثانيه تعليمهه مو عالي بس البحرينيات مثقفات ماشاء الله عليكم ومن ناحيه الدنيه امممممممممممم مو لي هناك للأسف يعني والتحرر من العدادات والتقاليد اصلا نادرا اتلاقون ناس متمسكين بعاداتهم :)

معه أحترامي لآرائكم
وشكرا

المحزون

01-08-2004, 12:14

مشكوره علي تعقيبك الجميل

المحزون

23-08-2004, 01:36

مشكوره علي مشاركتك

شجون الهاجري

26-08-2004, 06:16

انه اوافق رايemma_jsk

استفتاء فاشل في كل مكان الحلوة والجيكرة والمتثقفه والجاهلة لو خليت خربت
بعدين هو استفتاء يعني برايي ناس اوادم اكيد كانو متحيزيين مابصوتون بعقلانية
وإذا بنتكلم عن العقل في كل مكان الزين والشين

ويمكن السعودية تتطلع بالمركز الأول بكل شي فهو تحصيل حاصل اهي اكبر دولة بالخليج واكثر سكان فالأكثر لها
على العموم آنه اشوف الجمال نسبي فشلون تنحط السعودية اول شي والجمال نسبي يختلف من شخص لاخر :confused: :confused:

على العموم الغرب ولا العرب غير الخليج مايقولون البحرين ولا السعودية يقولون خليج يجمعون :) :) :)

مرجوجه بس حبوبه

26-08-2004, 06:31

أنا مع الأستفتاء
واقوووووووووووول انو صحيح 100 % :p

ومافيه أحلى من السعودياااااااااااااااات

فديت بنات بلادي كلهااااااااااااااااااا :p :p :p

المحزون

10-09-2004, 17:06

هندية 7
بطاقة بنت نت

لك تحياتي علي المشاركه

blue_girl

11-09-2004, 04:24

مشكور اخوي المحزون على الاستفتاء ...ولكن هلا ذكرت لي المصدر؟؟؟ هل الاستفتاء انت اللي عملتو ولا من مكان آخر؟؟؟ ارجو ذكرالمصدر..
وبعدين من قال لك ان السعوديات هم الاكثر جمالا وتعليما ؟؟؟
لو كان كلامك صحيح لما اتت السعوديات يدرسن في البحرين وفي جامعاتها...و
أما بالنسبة للجمال ... فيكفي البحرين انها وطن ملكة جمال الخليج زينب العسكري... والجميلات شيماء سبت وهيفا ء حسين وريتا قاسم .. واميرة محمد وحورية عرفاتومنى فيروز وسراء ...وووو..أنا لا اقو ل هذا لأني من البحرين ولكن هذي شهادة الجميع ممن يزور البحرين حتى السعوديين انفسهم..

واحترم ( وجهة نظرك)

:d :d :d :d :d :d

HaDoOoLa

12-09-2004, 01:09

أمممممممممممممم

أنا ماخذيت هالاستفتاء بعين الاعتبار

لأنه مو صحيح

يعني مثلا مايصير نحكم على ان الالتزام بالدين والعادات(السعودية) هي المتصدرة

لأن بكل دولة في المتحررة وفي الملتزمة

وبكل دولة في الشين وفي الزين

* تحياتي*

المحزون

23-09-2004, 12:22

مشكوره علي التعقيب

المحزون

21-10-2004, 01:04

تحياتي لك علي التعقيب

Moshoo

21-10-2004, 05:14

السلام

حبيت اقول ان الاستفتاء غلط

اولا جمال الوجه بكل مكان بنات حلوات وين ما تسير بتلقى ويوه حلوه

ثانيا التعليم انا اشوف عندنا بالجامعات واااايد بنات كويتيات وسعوديات وبحرينيات وخاصه الكويت لان ما عندهم جامعات وااايد ومب كل المجالات موجوده

ثالثا الشياكه بعد غلط لان بكل مكان البنات يكشخون ويتعدلون

رابعا الالتزام الديني انا اشوف وااااااااايد بناتنا ملتزمات دينيا

خامسا التحرر من العادات بس ما فهمت قصدك بالضبط قصدك يعني البنات ما يلبسون عبي وشيل اذا كان هذا قصدك انا اعتقد ان بنات الامارات ما يطلعن بدون عبيهم وشيلهم يمكن فيه بنات مب متحجبات تلقى نص شعرهم ظاهر او الوقايه على الجتف بس على الاقل يحطونها ويلبسن عبي

هذا راي واعتقد راي أي بنت من الامارات

باتشيه

21-10-2004, 19:16

انا اشوف ان الإستفتاءصحيح
وهذا كله والسعوديه ماهي دوله منفتحه مثل باقي دول الخليج اجل لو بنفتح وش بيصير مركزها في الإستفتاء !!!!!!!!!!! :yes: :yes: :yes:

alondra

29-10-2004, 04:03

ايش هدا الاستفتاء بالله عليك مابتحس انه :no: كل بلد فيها الحلوة والبشعة والمتدينة والانيقة واللي لا.... يالله بتشغل نفسك في مواضيع ما لها اي لزمة :roll:

شوق عيون

30-10-2004, 12:14

لا تعليق على موضوع

المحزون

17-11-2004, 04:35

شكرا علي المشاركه

عمانية وبس

22-11-2004, 22:06

]بصراحة السعوديات مو ملتزمات بدين
وقطر وعمان والبحرين ملتزمين بدين
والامارات و الكويت صح ملتزمي بدين و الامارات اكثر من الكويتين ملتزمين بدين الاسلام
ومن ناحية الجمال ان الجمال جمال النفس وليس جمال الخارجي
ومن ناحية التعليم لكل شخص حر بنفسه يريد يتعلم يتعلم ومايريد يتعلم ما يتعلم
ومن ناحية الشياكة السعوديات مالهن شيكة مش كلهن بعضهن وصح الكويتيات شيكاكة واجد بصراحة
:star:
:star:
ــــــــــــــــــــــــــــــ ــــــــــــــــــــــــــــــ ـــــــــــــ

فهودي2004

23-11-2004, 01:57

الاستفتاء غير صحيح ومنحاز لبعض الدول وبعدين وين مصدر الاستفتاء

ونوعيه المستفتين ومنهم ووين صار ومن اللي وافق عليه بالشكل النهائي

اعتقد ان الموضوع مكتوب من قبل واحد جالس ببيتهم ويحط على مزاجه

وانا ابحاول احط رايي اللي اتوقع انه صحيح اوقريب للصح بدون انحياز

السعوديات فيهن شياكه بس الجمال نص ونص لان الكويتيات اجمل

واقل شياكه العمانيه والقطريه

واقل جمال العمانيه والامارتيه

من ناحية التعليم يمكن الكويت سبقوا الخليج بالتعليم

ناحية الالتزام الديني السعوديه ثم الامارات

والاقل التزام الكويتيه

ولاتنسو ان مجتمعاتنا متقاربه الفكر والعادات يعني كل شي متقارب فيهن من

كل ناحيه بس تزود بمجتمع وتقل بغيره :rose:

عمانية وبس

24-11-2004, 22:24

:D :D :D :happy: :happy: :happy:ولا تعليق

مـرح

27-11-2004, 23:33

سلاااااااااااااااااااااااااااا اااااااااام...كيف الحال؟؟؟؟
الصراحه الاستفتاء فيه نص صح والنص الثاني غلط...
يعني زي أجمل البنات اكيد السعوديات ...بس التعليم مو السعوديات....والشياكه زي ماقلت الكويتيات.....
شكرا
مـــــــــــــ :bh: ــــــرح

شوق عيون

01-12-2004, 13:48

حرااااااااااااااام عليكم العمانية اشكثر تعاااااااااااااااااااااااااااا اني

المحزون

21-12-2004, 16:15

مشكوره علي تعقيبك

الهاويه

21-12-2004, 17:21

احممممممممممم

السعودية
بس فيه غلط واضح التعليم

امحق تعليييييم يا شين التعليييم في السعودية أول ما يخلص الأختبار تتبخر كل المعلومات مالت علينا كل شي حفظ

المحزون

10-03-2005, 11:04

الهاويه لك تحياتي

zina

10-03-2005, 12:00

يغلق الموضوع !
...