المساعد الشخصي الرقمي

مشاهدة النسخة كاملة : مصائب الازواج ....

المستبدة
28-01-2002, 10:25
اسمعوا هذا الخبر ....

في مقولة تقول ان وراء كل زوج يلعب بذيله زوجة عظيمة تكشف الاعيبه ....
( بتقولون وش المناسبة اقرؤ القصة )

شكت احدى ربات البيوت بان خادمتها الفليبينية هي التي تسرق بعض محتوياتها لدى خروجها من الشقة التي تقطنها مع زوجها ... فقررت وضع كاميرا خفية في الشقة لكشف السارق ...
والمسكينة ولعت اعصابها عندما شاهدت زوجها الذي صورته الكاميرا دون ان يعلم وهو مع الخادمة ... الذي دعاها الى شد الخادمة من شعرها وتبادل الضرب معها نزولا من الشقة حتى باب العمارة ....
وكانت الزوجة تنوي الذهاب الى الشرطة لكنها نُصحت بعدم فعل ذلك حفاظا على الحياة الزوجية ... حيث ضحت بالشكوى من اجل زوجها الذي خانها .... وعاد الى الشقة بعد يومين من انكشاف امره ...


وش رايكم عاد ... كل وحدة تقرأ الموضوع تقول لو كانت محلها وش بتسوي بهالرجال :)

الله لا يبلانا
نجلاء
28-01-2002, 10:46
يووووووووووووووووووه
سبحان الله انكشف والله لو انه شافها هي مع السواق كان ذبحها بس وش اقول مغير الرجال اناينين
شوف كيف صبرت

معليش يالمستبدة الحمد الله اني ماني مكانها
لو انا ماكانها والله ما ادري ايش اسوي :roll:
يمكن اطلب الخلع يمكن الله وعلم بس كل الي اعرفه اني ماراح اطيقة بعد كذا :roll:
المستبدة
29-01-2002, 23:09
تسلمين والله على الرد ...
بس ليش انت طيبة معه كذا بس بتطلبين الخلع .... حرام عليك
المستبدة
29-01-2002, 23:10
وين البقية ... ليش ما رديتوا على الموضوع ..

والا انتم لين الحين تحت تاثير الصدمة من الموضوع :)
نجلاء
29-01-2002, 23:41
وش تبيني اسوي فيه يالمستبدة اذبحه مايسير

ما اقدر قلبي مايطاوعني
على العموم الخلع افضل ويا دار ما دخلك شر
واله الاحزان
30-01-2002, 00:25
والله لو إني محله لأعلم أم هلال أخليها تشرشحه عند اللي يسوي واللي مايسوا ....

وبعدين الحرمه مالها إلا بيت زرجها لو لعب بذيله ....عادي .....لو لعب بذيله من الللي قالها تطلب خدامه ...

وداعية$عابرسبيل......واله الاحزان
نجلاء
30-01-2002, 00:30
من قالك انه عادي لا مو عادي
وليش الرجال عادي يلعب بذيله في رأيك قولي تراني عصبت :mad: :mad: :mad:
بكرة يجيبلها امراض هي في غنى عنها ثم هو حرام
واله الاحزان
30-01-2002, 00:34
تراني قصدي شريف علاء وصفي ....هذا لاعب مصري يلعب في الصعايده وصلوا...

أنا أقول هي تتحمل النتائج ....يعني جيبوا لنا زوجات زي الناس ....يقومون بواجبات بيوتهم ......ولايجبون خدمات حتى ما ينحجر ولا يلقى إلا الشغاله ...

وبعدين أي عندك أهون يتزوج عليك وإلا يلعب بذيله...
نجلاء
30-01-2002, 00:56
والله انا قلت حرام سواء ما لقى الا الشغاله او غيرها

ثم احيانا لما يكون الاولاد كثيرين يكون شغل البيت كثير على الام وما تقدر عليه خصوصا لما يكون خلفتها كلهم اولاد

ثم لو فيه خير كان تزوج ثانيه على الاقل هو حلال مو حرام

ثم افرض انه هو الي لقاها مع السواق وش يكون موقفك انت :mad:
المستبدة
31-01-2002, 02:36
بصراحة انا جايه احل المشكلة اللي بينكم ...

ليش الهواش والنقار ....

واله والله يتزوج ثانية ارحم .... بعدين اذا لم تستحي فاصنع ماشئت ...
وهذا مو بس ما استحى ماخاف ربه باللي يسويه ... يعني بصراحة ذلفته والكلب واحد ..

بس اقول الله لا يبلانا ...

بعدين ليش نجيب خدمات ... لان الله يسلمك رياجيلنا غير الرياجيل ... مشاء الله عليه من يدخل مع الباب ويبغى له احد يلم وراه ... يفسخ الجزمة ( وانت بكرامة ) عند الباب ... يجلس بالصالة ويفسخ شرباته ...

يقرا الجريدة وينطلها ... ثيابه يرميها جنب المعلاق .. ( طيب الله لا يهينك وصلت للمعلاق علقها )
هذا غير الثياب اللي تتغير كل شوي ..هذا مكبوب عليه شاهي وهذا فيه بقعة كتشب والا مايونيزا (كرما حتى ثيابكم تاكل معكم ) .....
عرفت ليه نطلب خدمات ... والا ازيدك ترى فيه اشياء واجد ...:p
المستبدة
31-01-2002, 02:40
نجولتي ....
تدرين ليه قلت انك حنونه .... لاني لو كنت مكانها (لا سمح الله ) كان قطعته بسكين المطبخ مية قطعة ...ووزعته على خدامات الحارة ....

والا اسوي زي اللي قفلت عليه الباب وكلمت له الهيئة ;)