المساعد الشخصي الرقمي

مشاهدة النسخة كاملة : ماهو حل مشكلة حب الشباب والبشرة الدهنية ؟؟؟؟

حزينة
19-01-2002, 21:28
ماهو حل مشكلة حب الشباب والبشرة الدهنية ؟؟؟؟



ممكن تجاوبوني ؟



:rose:
لولو الصغيرة
19-01-2002, 21:32
حطي ليمون على وجهك
بنت العرب
20-01-2002, 01:42
هلا الحزينه شحالج..

اتصدقين اول ماشفت عن البشره الدهنيه دخلت تحريتج كاتبه شي عنها لان انا بعد بشرتي دهنيه وعلى العموم بسأل لج وبخبرج باجر..

واسمحيلي

..بنت العرب..
خوخه
20-02-2002, 22:08
شوفي يالغالية فيه طريقتين ممكن انك تجربيها:
1_خميرة البيرة(خميرة الخبز): يؤخذ منها قدر50 جرام وتضاف ل50 جرام زعترو50 جرام حبة سوداء ويطحن كل ذلك ويعجن في نصف كيلو عسل وتؤخذ ملعقة صغيرة بعد الافطار وبعد العشاء مع تدليك خفيف للوجه بمبشور الخيار قبل النوم.
2_ يعصر حب الرمان ويخلط بمثله خل ويمسح به فوق الحبوب المتقرحة مرتين في اليوم
..........
وفيه كمان دواء يباع في الصيدليات اسمه (dalacin T) وهو عبارة عن سائل شفاف يمسح به الوجه وهذا نتائجه فعاله وحلوة (مجرب)
عاشقـة سـراب
21-02-2002, 23:49
كل عام وانتو بخير
دلوعة
22-02-2002, 17:12
مين قلك يا لولو الصغيره تحطي ليمون على وجهك؟

صح هو يجفف البشرة بس إذا كانت في وجهك حبوب وحطيتي عليها ليمون تسوي مكان الحبوب اثار وبعدين الأثار ماتروح0


أنا اقولك أحسن شي تسويه:

روحي للدكتور علشان انا كنت زيك وبعدين رحت للدكتور (خلدون) أكيد سمعتي عنه وأعطاني مراهم للبشرة الدهنيه وحبوب (إذا تبغي أسماء الأدويه أعطيكي هيا) وأنالي تقريباً أسبوعين بأستخدمها وشايفه نتيجه0
وآقعي
24-02-2002, 06:52
يقول اسئل مجرب ولا تسأل طبيب ..

هلا اختي حزينه .. طبعاً فيه مراهم وفيه ادوية كثيره وووو .. وهذا ماراح اتطرق له لكن راح اتطرق لأمر يمكن البعض يغفل عنه وخصوصاً اللي هالمراهم ماجايبه معهم نتيجه .. وانا اتكلم عن حب الشباب بالتحديد ..

روحي للطبيب وخليه يسوي لك تحليل وينصحك باللي تمتنعين عن أكله ..
واذا انتي مابغيتي تروحين .. تابعي عمرك متى تزيد حبوب الشباب ومتى تقل يعني تذكري هل انت هالايام مركزه على شي معين او لا في الاكل ..

انا اقولك من تجربة رحت لكذا دكتور وهالكلام من زمان وجربت كذا مرهم ولا لاقي فائده ورحت لدكتور والنعم فيه بالرياض .. وقال لي علمني وش تاكل قلت كذا وكذا وكذا .. قال شوف جرب بطل الشطه والحوار (الفلفل) والشيكولاته والبيض وابعد عن المايونيز .. وشوف النتائج .. وبصراحة وجدت نتيجة ابهرتني بعد مابطلت و خففت هالاشياء .. حتى أنا ملاحظ بالفعل ان بشرتي تزداد الدهنيات فيها كل ما اكلت شي فيه مايونيز .. او كثرت الحوار .

فنصيحة أخ لأخته لاتهملي هالجانب او تقللي منه وشوفي انتي وش اللي يزيد الدهون عندك من الأكل وقت تاكلينه . وبتدعين لي انشاءالله ..
حزينة
24-02-2002, 11:58
لولو الصغيرة ... الليمون يحرق وايد ...

بنت العرب ... تسلمي والله ...

خوخة ... طريقة الخميرة ...؟؟ احاول فيها ؟؟

دلوعة ... شكرا ...

عاشقة سراب ... وانتي بخير انشالله

واقعي ... شكرا على ردك على تساؤلي .. وانا فكرت استنتجت اني وايد اكل وجبات سريعة فيها مايونيز ...

والظاهر ان هي اللي تزيد الدهون في بشرتي .... احاول اخفف انشالله ...

والحمدلله حطيت لي موعد الأسبوع الياي ... للدكتور ...



شكرا جميعا ....


اختكم دائما
:rose: حزينة:rose: