الأفضلية للسعوديين!!!

[صوره]

كل يوم اتصفح المجلات ...واقراء بعض العناويين وتشدني بعض المقالات واقراها كامله وامر علي بعضها مرور الكرام ..
لكن الاقي الاعلانات صارت كثيره وخانات متنوعة..
لفت نظري ان اغلب اعلانات طلب الوظائف ..تشترط شروط قياسية ..سنوات خبره بعشرات السنين..وشهادات لا تعد ولا تحصي..هذا في حالة الشركات المرموقه..ودايما تضاف كلمه في الزاوية((( الافضلية للسعوديين))
طيب ليش ما تنزل الاعلانات بصيغة((( للسعوديين فقط)))..
السؤال هنا :هل كل السعوديين عندهم وظايف ومستوعبتهم..هل كلهم لاقيين مداخيل..تساعدهم علي بناء اسر او علي الاقل تكفيهم شخصيا..هل هم عندهم ما يكفيهم لمستقبلهم (( نستثني وظائف الوسطات طبعا)))
انا اتكلم عن شباب طموح نفسه يعمل شي لمستقبله..
الجواب هو لا طبعا .. شباب كثير متخرج ومو لاقي وظايف..
اذن الغير سعوديين ايش يعملون ..
مين المحاسبين والمهندسين والدكاتره..هذول بالغالب جنسيات غير سعودية..
ايش يعملون... مدام ابن البلد مو لاقي وظيفة ..ناقصين اجانب معاهم ..
بتقولون السعودي يترفع عن مهن كثيره ولا يقبل العمل فيها ..لانه مميز وكائن راقي..
بس الكلام هذا مو صحيح..
طيب مدام السعودي ماراح يشتغل ..ليش يدرس من اصلة ولا بس هي مصاريف علي الفاضي..
الفكره اللي عندي تقول.. ليش ما يتم طرح وظائف للسعوديين فقط ..
بتقولون ان السعودي دمه ثقيل بالشغل ولا تقدر تامره ولا تنفخ عليه..طيب هو يتطلب من رب العمل انه ينفخ ..
ويعلي صورته ويقل ادبه..
ليش ما يكون التعامل بالحسني..
بتقولون السعودي غير مدرب((( طيب حطو دورات تدريبيه للموظفين ))
بتقولون السعودي كسول(( ما اتوقع انه اكسل ولا ارزل من الهندي..وغيره )))
بتقولون السعودي ما يحترم مواعيده (( حط انظمة معينه تجبره علي احترام المواعيد ))
يتقولون وبتقولون ..
والنتيجة شباب زي الورد مرمي بالبيوت ...
شاب =طاقة..لابد انه يفرغها بالعمل والهوايات والحياه الاجتماعيه ..
لكن اذا وجد شباب +فراغ راح تكون النتيجه ..ادمان ..هستره.. جريمة..حقد علي المجتمع..
طيب والحل ..
ياريت تشاركوني بارائكم ونفتح باب للنقاش..

اختكم صوره

[عيون الريم]

الحقيقه هذي مشكلة من جذور التعليم عندنا ...
بمعنى انو اكثر العاطلين عن العمل ومو محصلين لهم وظائف هم ناس متخرجين من تخصصات معينه أكتفى بها المجتمع ووظائف الدولة....
بمعنى لما يكون فيه اكتفاء في الكادر التعليمي لتخصصات الجغرافيا مثلاً ...ليه تدرسون هالتخصص بالجامعات ويفوق عدد الطلاب بالمئات ... والمساكين لما يتخرجوا ما يحصلون لهم وظيفة إلا ما ندر
اعتقد هذا سبب أول ورئيسي وتتحملة التخطيط التعليمي المستمر "هذا اذا كان فيه "
لكن لما تشوفي التخصصات الدقيقه أمثال الحاسب الآلي وبرمجته وهندسة الشبكات والتخصصات الطبية والمهنيه ... اللي فعلا يحتاجها البلد ويغطي بها السعودة المفروضة فنادراً تلاقين خريجي هالتخصصات اللي يحتاجها سوق العمل عاطلين عن العمل ...
وبالنسبة للإعلانات يا وخيتي هذي لعبه معروفة ....
يعلن عن 10 وظائف بإسم ما ... ويشترط خبره 10 سنوات ..والافضلية للسعوديين ...خخخخ اصلاً هالعشره موظفين متواجدين في مكاتبهم قبل نشر الإعلان ...ولكن الإجراءات والقوانين تقول كذه ....:)
ويا بحر ما يردك مرسى ....
وبصراحه عندي تساؤل بتخصص ميت حيل لازال يدرس حتى الآن ...اللي هو " آثار " ؟؟؟ الله يالآثار اللي عندنا ومستغلينها ...والله انها اربع سنوات تعب للطالب ومصاريف للحكومة لو يعلمونه كيف يمارس الكمبيوتر انه افضل له ..مع احترامي لطلاب هالتخصص ولكن الحق يقال ...
بالعربي يجب أن تكون هناك لجان وخطط تنمويه ومستقبلية لدراسة وضع الطالب في المكان المناسب وتوفير وظيفة له من دخولة للجامعة بالسنه الاولى ..كما هو الحال في بعض الدول ....
والله يسمع منك يا وخيتي ونغطي على هالأجانب اللي مالين هالبلد ....
ونكون يد وحدة ...
وشكراً اختي صورة على هالموضوع اللي يعوّر قلبي دائماً ...
لكن من يسمع صيح العصفور وهو ميت ...:(
وتحياتي الحيه <---:D

[صوره]

حياك الله اختي عيون الريم...
اثرك ممتره ...بس موب كثري..
بس انا عرفت هالتخصصات الغريبة اللي يفتحونها ليش..
يكون في طلبة بعثات رايحيين وعندهم واسطة وجابو شهادات بمجالات غريبه مالها داعي .. وفتحولهم فصول بالجامعه (( هذا طبعا من قوي الواسطة)) وصارت لهم وظايف ..ومش مهم مين يتخرج ولا مين يستفيد..

والتخصصات اللي موجوده ومالها قيمة ..هذي لان مدرسينها اكثر من الهم علي القلب.. وفارضين وجودهم بالجامعه ...
انا ما اقول العلم شين.. كل العلم زين ... لكن لا يكثر...
الشي لا يزودونها ..يعملون اشياء متنوعه وكلن يشوف ميوله ..


هذا رائ فقط

اختكم صوره

[كبرياالجرح]

يالغاليه....
وربي ..موضوعك زين اللي لقيته..
عشااااااااااااااان ابي اطلح حرتي...
وربي تخصصي...مو هين..
ودفعت قيمته ..عمري..
وسهر..
وبكاء.
ومستشفيات..
ورحلااااااااااااااات....
ويالليــــــــــــــــــــــــ ــــــــــل ..مطولك..
وقسم بالله اني ابصم بالعشره..اني لاتخرجت..بصفط شهادتي..
وادخل المطبخ ..
وبفقد الذاكره...
وبندم على تعبي وسهري وراحت بالي ..
وربي ..تحطيم عقووووووووووول ..تدمر..والسبب..(..........!!! !!؟)
لازلنا نجهله...
انا قولي مشكلتي..يمكن نخليها على جنب شوي..
لاني بنوووووووته..يجي يوووم واعرس..:o :o :o
والتهي في بيتي ..وعيالي............!!؟
لكن المشكله ...في الشباب ملاييييييييييييييييييييييييييي يين وربي حاطين رجل على رجل ونصهم بالاسواق والنص الثاني بالنت..... هذه الحقيقه..
وربي انا ماودي اجرح احد لكن سوووووووووووري انا صريحه..
طيب...هم وشلوووووون بيفتحون بيوووت وهم كذا....!!؟
وربي ظلم....؟
خلكم واقعين شوي... هالحين اغلب طلاب الثانويه (طبعا هم شايفين اخوانهم وعيال خالاتهم وووو القبيله كل ابوها...)لاوظيفه ولايحزنون...
اخذوها من قاصرها.........شهادة الثانويه بنسب خايسه ...ليه مانسأل....؟
لانهم عارفين وشهي نهايتهم.....؟
ياربيييييييييييييييييييييييييي يييييييييييييييييييييييييييييي ييييييييييييييه....:mad: :mad: :mad: :mad:
طيب الين متى.....؟
المفرووووووووض وربي هالاجئين بالسعوديه الي صارو اكثر من عدد سكانها الاصلييين ...
يدحدرووووووووووووووووووووووونه م...ويدربون الشباب السعودي....
انا ادري ان كلامي............(ماكنك....فيه ).؟
لكن وربي حرقه بقلبي وابي اطلعها......
يالله بااااااااااااااااااااااااااااا اااااااااااااااااااااااااااااا اااااااااااااااااي:cry:
تقبلو تحياتي....
اختكم.
كبـــــ(الجرح)..؟ـــــــــــــ ــــرياء:bh: :bh:

[أدووو]

سلااااااام

تسلمين صورة ...

وموضوعك مهم...وانشالله ينحل بالزمن القادم...

انتي تدرين لو تظل العماله على توافدها في المستقبل
راح يصير في السعوديه بالخمس سنوات القادمه اكثر من 15 مليون وافد!!!

هذا غير الارهاب. والفساد...والافكار اللي بتهجم على عقول الشبااب ..الفاضين...

.....انا مرة اطالع برنامج يتحدثون على هذا الموضوع...
وقالوا اشيااء مروعه عن المستقبل ان ظل على هذا الحال...

وانشالله مايظل على هذا الحاال...

وربي يستر علينا وعلى حبايبنا انشالله

اختك

أدووو
:rose: :rose:

[*MissGurl*]

المشكلة ماهي في الشركات الخاصة....
لأنهم ماينلاامون...كيف يوظفون شاب ماهو مؤهل؟
مايعرف انجليزي؟
مايعرف كمبيوتر؟
علشان كذا يحطون الخبرة كــ تصريفة من أولها...
المشكلة في مدارسنا...وفي جامعاتنا...لا مناهج ولاتأسيس صحيح،،وحتى الدورات في حالات كثيرة تكون تجارية!
ويمكن أحياناً تكون غالية على بعض الشباب!

لاتدريب ولاتوعية على احترام الأوقات ...,ولا النظام..وحب العمل،،الإخلااااص والاتقااان...أعتقد الوافدين -في حالات كثيرة - أفضل منا في هالنواحي هذي:( ..ورواتبهم يمكن أقل!

بما إن الشباب اليوم عرفوا العلة...لاينتظروا أحد يتحرك يعطيهم حقوقهم...لأن بكذا يمكن مايشتغلوا أبد! لازم يعتمدوا بشكل تاام على أنفسهم...ويتوكلوا على ربهم!
واذا الواحد يبي وظيفة يدور وظيفة مناسبة لمؤهلاته....إذا مالقى أو رفض يشتغل شغل أي كلام...
يبادر بنفسه...ينمي مواهبه...يطورنفسه في مجال تخصصه...ياخذ دورات تدريبيبة...وبكذا مالأحد حجة بعدين يرفض يوظفه!

في المقاابل...لاحظت انا ان في جهات سعودية خاصة توفر فرص توظيفية بالشباب ويشجعونهم..ويوفرون أيضاً دورات تدريبية!
مو كثيرة طبعاً...لكن بداية خير!

تحيــــااتي:rose: