المحلات الجميله

[صوره]

ودى افتح موضوع بصراحه انتبهت له جدا ..
فى محل بالعليا العام رائع واكثر من رائع ومهتم بالاغذيه الصحيه ..منتجات قيمه ..ديكور جميل جدا ..
لكن ؟؟؟؟؟؟
وفيه محل ثانى بشارع التحليه كمان بنفس الجوده ..يهتم بالطعام الايطالى ..منتجات شيك ..وديكور جذاب ..لكن ؟؟؟؟؟؟؟؟؟
وفيه محل برضه اخر العليا العام بنفس الدرجه ..بديكورات جدا مميزه ومنتجات عظيمه ..لكن؟؟؟؟؟؟؟؟

انهم ما انتبهو ان نوعيه المحلات هذى ما تناسب دول السيارات ..
يعنى نوعيه المحلات هذى نلاحظ انتشارها بدول اوربا وهذى دول يحترمون ادميه الادميه الادمى فتلاقى ارصقه جميله ومشجره مانبى ورد لاستهلاك المياه راضين بالصبار ..فتلاقى وجود محلات زى هذى على شوارع عامه ..تلاقى كميه المشاه كبيره وعاده هذى المحلات تكون للموظفين اللى طالعين من شغلهم ويمر ياخذ له باجيت(خبر فرنسى طويل جدا) وشويه اجبان على لحوم بارده ..اى كان اللى يبى ياخذه ويروح بيته ..يشوف برنامجه المفضل وياكل وينام ..هذا اذا ماكان مر مطعم فى الغالب ..يعنى هالمحلات مو لاجوائنا ..
احنا شعوب ماهو ستايل حياتنا هالمحلات ..ليش لاننا شعب نعتمد اعتماد كلى على الشغاله ...وهى اللى تحضر السندويتشات وغيرها ..ونجيب الخبر وهو الغالب الصامولى والبر للبيت يعنى العمليه مدرجه تحت البقاله الشعبيه والمخبر اللى بالحى ..
اذن نوعيه هذى المحلات الفاخره ما تناسب الطبقه العامه ...
لان تذوق الطعام نسبى ...وهنا الناس عايشين على الباديه والذبايح والجريش وغيرها ..
يعنى معدته مهى مترتبه على باجيت وغيره ..
فكان ودى اسال اصحاب المحلات هذى ...ليش فتحو هذى المحلات ..
وليش ما تمت دراسه السوق بالشكل المطلوب ومعرفه الذوق العام ..
انا معاكم سوق الرياض انقسم كذا قسم ..ياملابس واقمشه ..ياأكل تجارى رخيص ..يامحلات ستاير وجلسات عربيه ...وغير كذا قاعد يروح بتدهور شديد نحو الافلاس ...

صــــــــ بصراحه مدرى وش صاير ـــــوره

[هلا]

هلا صوره

مشالله عليك فعلا جيتي لب الموضوع على طول

فعلا هذا اللي حاصل بالرياض ...........

نوعية المحلات الكولتي ياسرع ماتفتح وياسرع ماتقفل

لكن شوفي طق العصي اللي على سناء وعلى فادز وعلى هالمحلات الهلاقه ... وحقت الهناقل :)

كن مافي ذا الدنيا الا اللبس .....والمشكله مهنا شياكه ولاهنا ذوق في اللبس مدري ذا الصرف على ايش :)

[ذهب مع الريح]

مرحبا صوره ......
اعتقد ان ماذكرتيه عن هذه المحلات صحيح جزئيا فكما تعلمين ان الشعب عندنا اصبح منقسم بشكل شبه واضح إلى ثلاثه اقسام :
1- الطبقه الراقيه وتمثل 10%
2-والطبقه المتوسطه وتمثل 60% , وتنقسم الى قسمين :
20% متوسطه عليا
40% دنيا
3- والطبقه المعدمه وتمثل 30%
والنسب التي ذكرتها تقريبيه واعتقد انها تمثل الواقع .
لذلك فالمحلات الراقيه التي ذكرتيها يتمثلون زبائنها في 30% من الشعب السعودي , فاعتقد انك رأيتي كيفية صرفهم على الكماليات والاشياء الأخرى ( الرايقه ).
لذلك فأنا اعتقد أن هذه المحلات تعتمد على سمعتها في هذه الأوساط وسياستها الاقتصاديه قبل كل شيء , أما نحن ذوي الطبقة الكادحة فاعتقد اننا نتسلى بالفرجه عليها , والحمدلله الفرجه ببلاش !!!!!
:D :D :D :D :D :D :D

[حقنه]

قد شفت محلات كذا بالرياض .
بس تراها ما تصلح ابد , يمكن يقضون منها اصحاب المطاعم الفخمه ولا الناس اللى درست برا وعرفت وش نوع هالاكل ولا الاجانب اللى ساكنين فيذا .
بس لنا انا اهل الرياض عز الله انها ما تصلح ابد , لاننا اسر كبيره جدا واذا قضينا من هالمحلات فلسنا ونعتمد على مقاضينا من سوق الخضار وكل اكلنا طبخ بيت واذا نوعنا وغيرنا جبنا فول وتميس ومطبق ب15 ريال للبيت كله .
يعنى هذه المحلات مهيب لنا علشان كذا هى قليله مره .
وحتى لو بغيت اقضيها شلون بعرف اطبخها ولا عاد امى بتعرف ولا شغالتنا الاندونيسيه الا بتفك العلبه وبتحسبها مربى ولا قشطه .