بنات ابغي مشورتكم

[أم عيون القطاوه]

اهلين بنوتات

ابغي مشورتكم في موضوع

عندنا حفلة صاحبتي بمناسبة تخرجها .. والحفلة راح تكون ايام العيد في بيتهم .. بس الحفلة على مستوى دي جي وبوفيه وعزومة لكل الربع .. طبعا مش اي حفلة .. حفلة تخرج من الجامعة << عقبالي يا رب :cool:

وانا وصحباتي مختلفات على وشو نلبس في الحفله .. واختلفنا حنا نقول نلبس ملابس العيد يعني ملابس حلوه وخفيفة وعملية بلايز وبنطلونات وتنانير وطبعا مش عادية يعني اكيد ستايل وكاجوال :cool:

بس صاحبتي تقول لا لا الحفلة راح تكون زي عرس وطقطقه وكذا يعني لو نلبس فساتين سهره احلى ..

والله احترنا :roll:

انا بصراحة مع الراي الأول لأن الحفلة حفلة تخرج ومب عرس وكلنا بنات ورقص وحركات يعني طول الحفلة راح نتحرك ونروح ونجي ومحتاجين ملابس عملية وما ودنا نزحم حالنا بفساتين سهره .. والا ايش رايكم يا بنات ؟؟

[zina]

كشخة ،، من قدكم ...
،،
عقبالي يا رب ،، متى بس اتخررج ،،

ابي ارووح معكم ...
،،

انا اؤيدك الرأي ،،
مثل ما قلتي ملابس العيد مريحة اكثر ،، بلاا فساتين بلاا خرابيط ...
،،

[أم عيون القطاوه]

ولا يهمك حبيبتي تعالي حياك الله

والله انا هذا رايي

بس لازم نتفق ما ابي نختلف على شان نكون كلنا طقم واحد مب حلو شكلنا خلطه بلطه فساتين على بلايز وتنانير وبنطلونات :roll: انا متأكدة معظم البنات بيلبسون كذا بس مدري اخاف يطلع العكس خصوصا انا ما اعرف كل البنوتات اللي في الحفل :roll: يعني اكيد راح تعزم بنات خوالها وعمامها

بالعربي لازم نكشخ :cool:

اقول .. اذا عندكم حركات غريبة عجيبه في الأكسسوارات خلونا نشوف ..

زينا واذا رحتي معرض الخريف قوليلي وش رايك في الأكسسوارات ليحين ما رحت بكره ان شاء الله بروح ما احب الزحمه :roll:

[فرح العمر]

هلاااااااااا
قطوه:rose:
:conf: حفله ..:o حجزوا لى مكان عزمت روحى معاكم :happy: << لقافه:o
شوفى حبيبتى مو ملابس العيد أريح و أحسن يعنى حتى بالحركه بالقومه و القعده أريح .. بينما ملابس السهره مادرى أظن ما بترتاحوا بقعدتكم زى ملابس العيد ..
إنتى إلبسى ملابس العيد و لا يهمك .. قولى لهم فرح قالت ملابس العيد يعنى العيد :cool:
مادرى ليه يعورنى قلبى من يجيبوا سيره التخرج:roll:
أتمنى لج سهره و حفله حلوه :gift:
يسلموواااا:star:

[zina]

زينا واذا رحتي معرض الخريف قوليلي وش رايك في الأكسسوارات ليحين ما رحت بكره ان شاء الله بروح ما احب الزحمه
انا ما رحت ،،
بس اختي و صديقتي راحواا و قالوا لي ان فيه اكسسوارات كثيرة وو حلللوه ،، و سعرهاا مناسب ،،
...

اذا ما تبين زحمة رووحي الصبح ،،

[أم عيون القطاوه]

^^
زينا رحت اليوم المعرض :cool:

ايوه في اشيا حلوه وانا بعد ما خليت حالي تبضعت :) لا حلو وان شاء الله بروح مرة ثانية كمان :)

وبالنسبة للحفلة مدري والله ليحين ما اتفقنا على راي :roll:

[أحلى توتة]

اهلييييين ام عيون
انا اقترح انك تلبسين فستان بس مو فستان سهرة نعوم اللي يجيم معفس وشك بسيط قصير يعني نعوووم

[أم عيون القطاوه]

هلا فرح العمر

حياك الله

ايوه انا كمان ليحين على نفس الراي .. احترنا :roll:

============================== ================

أحلى توتة
لا لا ما ابي البس فستان قصير ما تعودت البس قصير في حفلات من ذا النوع .. صحيح انا البس قصير في العروس وحفلات المقربين بس ذي الحفلة فيها بنات كثير ما نعرفهم بالأضافه لماماتها اللي مسويه الحفله على شرف بنتها :roll:
بعكس فستان السهرة حتى لو كان مب محتشم يكون طويل والطول مطلوب في هالنوع من الحفلات

ثانكس حبيبتو على مشورتك

وتسلمين :)

[دنانير]

هاي يا القطوة وربي زمان عليكم وحشتوني شفت موضوعك وجذبني

انا اقولك وش تلبسين البس بدله ولو تكون فخمة يعني كذا يبين عليها وايد غاليه بس اهي سعرها معقول واختاري لون البدلة اسود او عودي الوان غامقه ويستحسن يكون حرير او ما شابه ذالك واللون يكون ساده مافيه رسومات ولا شئ
والبسي اكسسوارات كوشخه وفخمه بتطلعين رووووعه
انا كذا لبسي بحفللات التخرج عاد هذا انا وبتختلف الآراء من شخص لآخر وانتي طبعا راح يكون كامل الحرية في اختيارك واكيد بعد صديقاتك يعرفون ذوقك ولبسك حاولي تغيرين الستايل خليهم يستغربون

والميك آب عيونك غمقيها والروج اختاريه زهر وحطي عليه ملمع هذا انا رأأي

واتمنى انك تطلعين اكشخ وحده بالحفلة تحياتي لك ختوو
اختك: دنانير

[أم عيون القطاوه]

مشكورة حبيبتو دنانير

شورتك وهداية الله :)

يسلمووووو

[NaRnOoRa]

هلا قطوه :)

شوفي اكيد بدله العيد عملي واحسن

بس نصيحه احلى شئ انكم تلبسون بدلات سهره :)

انا مره جربت هالحفله استانسنا وااايد ولله
والعملي انتي اصلا كل يوم عملي

غيري :)

واذكر حفلات التخرج كنا نسوي يا حفله مثل العرس او حفله تنكريه :)