المساعد الشخصي الرقمي

مشاهدة النسخة كاملة : قـــرقــيـعــــــان

أم عيون القطاوه
02-11-2003, 14:17
مبارك عليكم الشهر حبايب قلبي << ما جات متأخره لأني باركت لكم قبل :)

مدري منين ابتدي موضوعي .. بس انا البارحة كنت جالسة اتكلم مع لونلي ويتيم الحب واللي فهمته منهم انكم في السعودية ما تحتفلون في القرقيعان
انا بصراحة اول ما سمعت هالخبر على طول :conf: ايوه استغربت اشلون ما عندكم هالعادة الحلوه .. فلكلور جميل وعادة حلوه توارثناها من جدودنا

على شان كذا انا نزلت هالموضوع .. يمكن كثير منكم ما يعرف القرقيعان
.. واولهم شلة الأنس :D

القرقيعان

ليلة النص من شهر رمضان البزران يلبسون ملابس تراثية حلوه زي كذا

...

...


وبعد الأفطار مباشره يطوفون على البيوت وعندهم اكياس حلوه مكتوب عليها ((عساكم من العايدين)) .. يوزعون عليهم مكسرات وسبال وفلوس وشوكلاته وحلويات والعاب .. وهالحين تطورت هالشغلات الي اشيا والعاب حلوه كثير .. اشيا مبتكره تدخل الفرحة في قلوب الصغار .. والكبار قبل الصغار كمان

والبزران يطبلون و يغنون اغاني معينة خاصه بـالقرقيعان

***********

قرقيعان وقرقيعان ..... بين اقصير ورمضان

عادت عليكم صيام ..... كل سنة وكل عام

يالله تخلي ولدهم ...... يالله خلي لأمه



واحنا في البحرين بالذات تعودنا نغني

قرقيعان .. عادت عليكم .. ويا صيام .. الله يخلي ولدكم .. ولدكم يا حبابة .. بسيفه يرقع بابه يرقع بابه

والصبيان يغنون سلم ولدهم يالله .. وخله لأمه يالله

يااااااااي ذكرتوني بنفسي لما كنت بزره وكنت اقرقع .. مناسبة حلوه كثير لها بقلوبنا مكانه كبيره :)

بس عنجد حرام انتو ما عندكم قرقيعان .. طافكم نص عمركم .. فلكلور حلو كثير .. هو الباقي لنا من تراثنا وما ودنا نبطل هالعاده .. ادري ان بعض المشايخ يقولون بدعة .. بس حنا ما نقدر نبطلها .. بس صدقوني شي حلو وما اعتقد انه بدعه .. يعني حالها حال الألعاب والغميمة هاللي ورثناهم من جدودنا .. يعني لو ممكن الشيوخ يعتبرونها لعبة جماعية حلوه يشارك فيها الكل ليلة النص من شهر رمضان

ما اقدر اوصف لكم فرحة الأطفال بهالمناسبة .. كل دول الخليج يحتفلون فيها البحرين وقطر والكويت وعمان وحتى الأمارات بس الفرق ان الأمارات يحتفلون فيها ليلة النص من شعان مدري ليه هم مختلفين عنا :)

اتصدقون جاي ببالي ارجع بزره واقرقع مع البزران واغني معهم .. على فكرة البارحة انا غنيت القرقيعان للونلي .. وهالشي حرك بنفسي مشاعر كثيره ورجعني لذكريات عزيزه على قلبي وهي ذكريات ليلة القرقيعان لما كنت بزره واحي هالمناسبة مع صحباتي واصحابي وحنا صغار :cool:
دواء كحة
02-11-2003, 19:55
اى والله على شان القطوة تشخبط فيه :happy:

اى والله تذكرت ايا زمان لما نقرقع بس القطوة اذا ما فيه احد عطنا قلنا لهم ويص ويص فى بيتكم جعاميص
ايام حلوة والله بس الحين للاسف قرقيعان اليهال بالسيارة معا السائق ويطالعك من السيارة بتعطينا ولا اروح
الله يرحم ايام زمان كنا نعانى من الماى وكل حاجه شطانه ههههه
أم عيون القطاوه
02-11-2003, 20:07
ههههههههه

يقطع ابليسك دوا كحة :D بالعكس الحين القرقيعان بعد حلو .. شغلات حلوه ومبتكره يوزعونها على اليهال وحتى لو البزران ما قرقعو يجيهم القرقيعان لبيتهم

اشوف عيال اختي يجون وعندهم ألعاب وشغلات حلوه كثير :)

يسلمو خوي على المرور والرد
حــمــووودي
02-11-2003, 21:57
فى بعض المناطق مايحتفلوون والبعض يحتفلوون ماأدري وين ساكنين لوني ويتيم اما فى الدمام عادي بحتلفوون الناس فى القرقيعان :rose:
لورا
03-11-2003, 00:51
يعطيك الله العافية يالقطوة على الموضوع :)

أنا ماعرفت القرقيعان الا من زميلتي اللي بالمنطقة الشرقية

ومن كلامها حسيت انه وناااااااااااااااسة :D

تمنيت اجربه
بس ياخسارة راحت علينا مانقدر نجربه
:cry: :cry: :cry: :cry:
8
8
8
8
بس غرق الموضوع من دموعك:mad:
فرووت
05-11-2003, 02:08
كل عام وانتي بخير

سكتي لاتطلعين الذكريات اللي عشناها :D
قرقيعان انا اوافقك ان في بعض المناطق اللي عندنا ماتعرف شي اساسا اسمه قرقيعان لكن المنطقه الشرقيه ومادري لاحظت هي اللي دايما تحتفل بهذا وهذي العاده مهي بدعه وحتى ان عندنا مدرس شيخ قال ان هذي مو بدعه ولا هي حرام لكن الصراحه اهل الرياض وجده وباقي المناطق لاتسألينهم عن القرقيعان لانك اول ماتقولين لهم بيردون عليك كذا :conf: لاني مجربه :D :D لكن المنطقه الشرقيه عادي ولاتنسين لاننا قريبين من بلدان الخليج من البحرين وقطر واللي يحتفلون بهذا

بس من جد وناسه وفرحه مميزه للبزران :)
مشكوره اختي على الموضوع
وتصدقين كنت ناويه اكتب عنه اذا قرب لكن انتي سبقتيني وكتبتي الموضوع
فرووت
05-11-2003, 02:08
كل عام وانتي بخير

سكتي لاتطلعين الذكريات اللي عشناها :D
قرقيعان انا اوافقك ان في بعض المناطق اللي عندنا ماتعرف شي اساسا اسمه قرقيعان لكن المنطقه الشرقيه ومادري لاحظت هي اللي دايما تحتفل بهذا وهذي العاده مهي بدعه وحتى ان عندنا مدرس شيخ قال ان هذي مو بدعه ولا هي حرام لكن الصراحه اهل الرياض وجده وباقي المناطق لاتسألينهم عن القرقيعان لانك اول ماتقولين لهم بيردون عليك كذا :conf: لاني مجربه :D :D لكن المنطقه الشرقيه عادي ولاتنسين لاننا قريبين من بلدان الخليج من البحرين وقطر واللي يحتفلون بهذا

بس من جد وناسه وفرحه مميزه للبزران :)
مشكوره اختي على الموضوع
وتصدقين كنت ناويه اكتب عنه اذا قرب لكن انتي سبقتيني وكتبتي الموضوع
*بنت الحجاز*
05-11-2003, 21:40
من جد :star:

وانا الي احسبها تأليفه من داوووود:cool:

انتي عااااااااااااارفة نحنا عندنا شي زي كدا بس بشعبااان :star:

زي الشعبنة يعني الاطفااااااااال يدوروا على البيوت يغنو سيدي شاااهين:star:

ويوزعووووا حلالالالالاويااااااات ومكسررررررررات وفلوووس:p

الاغنة هي ,,,,,,,,,
سيدي شاهيين يا شربيت
*****************خرقة مرقة يا اهل البيت
اما جووواب والا كتاااب
****************والا نكسر هادا الباب
والعااااادةوالسااااااااااااااا اادة
*****************ستي سعادة سيدي سعيد
ستي سعاااادة هاتي العادة
******************سيدي سعيد هات العيد
اما مبشك والا فشاااااااااااااار
******************والا عروسة من الروشان
*******والا عرررريس من الدهلييز*******

:star: :star: :star:
مو تمااام الاغنية ناسية شوية منها:star:
*بنت جده*
09-11-2003, 16:26
هلا أم عيون القطاوه ..,
هالشي معروف في منطقة الشرقيه بس اما في المناطق الثانيه ما عندنا ..
وتعقيبا على كلام حجوزه الشعبنه في مكه وجده تختلف عن الشعبنه في المدينه :D
يعني الشعبنه عندنا في اواخر شعبان تكثر فيها (القيلات) مدري انتو ايش تسموها ..!
يعني مثلا العيلة كلها تتجمع من كبيرها لصغيرها يحتفلون من بداية اليوم لنهايته ..
يعني بسط و وناسه وسمره وضحك , والوجبات الثلاثه فطور وغدا وعشاا ..,
والايام دي اهل جده يتجمعوا في الاستراحات والشاليهات مع بعضهم وينسو متاعب الحياة ليوم واحد
وفيه كمان هوايل يسووها اهل جده في الشعبنه بس مو وقته :D
حلووه يا حجوزه اغنيه سيدي شاهين:p
أم عيون القطاوه
18-10-2005, 01:00
يا ناس الليلة القرقاعون

يوووووووه وراكم جالسين هنا ورا ما تروحون تقرقعون :cool:

انا لسا راجعه من القرقيعان شغلات حلوه في الشوارع والعيال يهبلون طبول ورقص وعرضه ولا احلى :cool:


والله ليحين مني مصدقه انو ما عندكم قرقيعان :conf:

عرفت انو في بعض مناطق السعوديه عندهم وبعضهم بالمره ما عندهم صح :confused:

طيب ورا ما تسوون ؟؟!! :D الله وناسه والله شغلات حلوه الليلة يوزعونها .. انا عن نفسي كنت بسوي لليهالو قرقاعون بس انشغلت ان شاء الله السنه الجايه اسويها لبنتي او ولدي :cool:

وحبيت ارفع ذا الموضوع لانو ما كان ودي اكتب موضوع جديد عن القرقيعان وفي نفس الوقت ما ودي افوت مناسبه زي ذي بدون ما اقرقع عليكم :cool:


إلا وين قرقاعوني؟؟ :conf:

الظاهر برجع اطلع افتر في الشوارع وربي حركات العيال شيييييييي وناسه :cool:
*المغروره*
18-10-2005, 01:36
إحنا قرقعنا من زمـــــــــآن :conf: :roll:
أم عيون القطاوه
18-10-2005, 01:39
^
^
متى؟؟ :confused:

انا لسى راجعه من برا وليحين العيال يحمون الطيران والطبول وحركات :cool:
*المغروره*
18-10-2005, 02:15
^
^
يوه من زمان :roll:

قبل شهر يمكن :conf:

للحين الغرفه مليانه حلويات هههههه

ماكلت منهم شي :p

ام عيون ابي القرعقعون مالي ما يخصني :conf:
أم عيون القطاوه
18-10-2005, 12:39
^
^
ايوه ايوه تذكرت يا بنت انتو تعملونها بنص شعبان صح؟؟ :cool:

هذاني كاتبه في الموضوع انكم تعملوها بشعبان :) الا تعالي يا بنت ليه انتو غير عننا ما تحتفلون بالقرقاعون في نص رمضان؟؟ :confused:

وبعدين انتي قرقاعونكم قبل :confused: ورا ما جبتيلي قرقاعون عشان اجيبلك << وحده بوحده :cool:

خخخخخخ يلا احتري قرقاعوني بعدين بعطيكي قرقاعونك :) الظاهر هنا محد عنده قرقاعون خخخخخخ اشوفهم حتى ما يعرفون يعني ايش قرقاعون

والا هذيك تقول اوف يعني قرقيعان حقت داوود حسين يقصد فيها مناسبه زي كذا ؟؟!! :conf: << صح النوم يا عرب :conf:
*المغروره*
18-10-2005, 12:44
^
^
ههههههههههههه داود حسين :roll: :p قولي اي و مشي

اي صح بنص شعبان

و الله مدري من المختص عشان اكلمه يغير يخليها برمضان :confused:

بس احس برمضان أحلى الأجواء << احلى يا اجواء :D

أي جبت لك بس ماعرفت وين بيتكم بالضبط عشان اوصله < تبي تصرف مو عارفه كيف هع

بعدين ترى انا ترى كل عيد اعيد عندكم بالبحرين يعني جهزي القرقاعون مالي ماخذته ماخذته < لزززقه ابتلشتي فيها هع :conf: :roll:
كويتية مـذهـلـة
18-10-2005, 16:32
ذكرياتي حلوة ايام القرقعيان :) ودي ارد اقرقع :cry: :cry: