wow وجدت كل حلول مشاكلي

[وآقعي]

يسعد مساء الجميع بالخير والمسرات .. :D :D :D
بدون مقدمات لإن الموضوع كبير والكبير كبير والصغير صغير والنص مايلزمناش
<<----- اقول عطنا الموضوع واخلص
------->> ايه ايه انت متصربع كده ليه :( ... الله هو الواحد مايعرفش يلمع نفسه شويه ..
اولاً احمدو الله واشكروه على النعمة اللي وهبها لنا .. وقولوا ياسبحان الله على عظمته وعلى ماوضعه في خلقه ..
تعالوا :eek: مو فينا شي ثلاثة ارباعنا ماكتشفنا اسراره .. او ماعرفنا نتعامل معه .
:cool: فينا حنا (عساه حنا سوداني بس)
:roll: ايه فينا حنا ..
شوفوا ياجماعة الربع .. العقل الباطني فيك وفيني وفيك انتي ايه انتي هو فيه غيرك مانتبه للكلام ..
العقل الباطني هذا وش قصته ؟؟
انا اقولكم وش قصته ووش ممكن يغير فينا للافضل ووش ممكن يحل لنا امور ومشاكل (مسكينه دمعه حايره بعد هالموضوع وش بتشرف عليه خلاص وداعاً للمشاكل ) ..
كل واحد فينا عنده عقل واعي وعقل باطن العقل الواعي (هو اللي جايبنا لورا ) وهو العقل اللي ينفذ حسب الواقع والمنطق . (واقعي)
والعقل الباطن هو اللي (بيقفل نادي الفضفضه) هو التربة الخصبة اللي ينزرع فيه اللي راح ينعكس على حياتنا من افكار رائعة وتجلب السعادة او من افكار موش ولا بد راح ينفذها العقل الواعي لإن العقل الواعي مسيطر عليه وهو من يقوم بالتنفيذ .. فلحظة ماتقدر تخلي العقل الباطن هو المتحكم فانسى المشاكل وانسى الهموم وانسى اغاني الحزن كلها .. وهالشي مو صعب ابداً ابداً ..

بحسبة مزارعين .. ابذر في عقلك الباطن (الارض) افكار الحب والسعادة والسلام والخير وكل المشاعر والصفات الجميلة فراح تنتج محصولها سعادة بلا شك .
ازرع في هالتربة افكار حزن وهموم وشر وكل المشاعر السيئه وشريطين كاسيت كل اغانيه حزن وهم راح تنتج محصولها تسجيلات قصدي حزن بلا شك .
اذا انت المطلوب منك في البداية ان تزرع كل مايجلب الفرح وتخلي بالتدرج عقلك الواعي يقر بها وينفذ بعضها كبداية .. وش رايكم نطقككم بمثال .. وماله نعطيكم مثال :
الحين مو بعضنا لا مر بحادث شنيع .. مو فيه منا من يقول يوه لا لا تشوف امش لا توقف ماتحمل اشوف هالمناظر .. ومو فيه بعضنا (مادري ذابحته اللقافه ولا راعي فزعات) لما يشوف نفس المنظر تلاقيه وقف ونزل لحد المصاب الملطخ بالدماء وقعد يتفرج ولا كأن فيه حاجه صايره (زين بعد مايقول له يالشيخ تبيع للتشليح) .. اللي ماتحمل يشوف ما ادخل لعقله الباطني في يوم من الايام مثل هالمشاهد .. واللي يتحمل يشوف تلاقيه تعود من كثر ماشاف .
كلهم ممكن يحزنون لكن اللي تعود انه يشوف اقل حزن وتهويل للامور .. طبعا هذي مو دعوه انك تشوف مالا تتحمله لكن القصد من هالمثال ان كل انسان من دون مايشعر طوال حياته قاعد يدخل مدخلات لعقله الباطني ويسمى احيانا (جزء اللاوعي) وعلى ضوء هالمدخلات تكون ردة الفعل في التصرفات اللي هي المخرجات ..
انت ادخل سبل السعادة في عقلك الباطني تلاقيها انعكست على عقلك الواعي ..
طيب متى يستجب هالعقل الباطني ؟؟ سؤال حلو اشكر على طرحه
انت لما تدخل في هالعقل الباطني الافكار البناءه والامور اللي تجلب السعادة تلاقيه زي اللي يطلط (انت يالعقل الباطني) وده ينفذ عن العقل الواعي في امور كثيره لامست اللي انت ادخلته له .. وشوي شوي تلاقيه بدأ يستجيب ويسيطر هو على عقلك الواعي المسيطر في ثلاثة ارباعنا .. لحظتها اقدر اقولك مبروك انت الآن بدأت تسيطر على عقلك الواعي والباطني ..
لإن عقلك الباطن هو اللي راح يمسك زمام الامور وهو اللي بيكون عقلك الواعي بحق وحقيق ..
وعلى فكره عقلك الباطني على كيف كيفك ماعمره يخذلك ودائما مايجي في وقته لما يخور عقلك الواعي وهذي هي طريقة التفكير انت لما تفكر تلاقيك تحرك عقلك الباطني .. نصفنا مممممممممممم ولا يدري وش السالفه يحسب ان اممممممممم هي مفتاح التفكير ..
سبب ماحنا فيه من هموم ومعاناة وحزن غير ملغياً القدر في اي شي .. اقول سبب ماحنا فيه هو طريقة تفكيرنا الخاطئه لبعض الأمور .. والسبب اننا نجهل او بمعنى اخر مافعًلنا عقلنا الباطني لإننا نجهل طريقة تفعيله او غير مؤمنين بالمقدرة اللي يقدر يقوم بها .. مشكلتنا اننا مقللين من قيمة عقولنا .. الواحد لما يتضايق شوي تقفل الدنيا في وجهه وكأن هالانسان اللي كرمه الله بالعقل ماهنا عقل .. بعقولنا لو فهمناها وعرفنا طريقة التعامل بها وعرفنا وش كثر عندها من مقدرة ووش ممكن يسوي لإجلنا كان كل واحداً فينا يقعد يومين فاق فمه متعجب مثل هذا :conf: انتم تدرون ان الواحد متى ماقدر يتعامل مع عقله الباطني ممكن يقوله قبل ماينام ابغاك تقومني الساعة 7 صباحا وان عقله الباطني متى ماكنت محسن التعامل معه بيقوم .. وفيه ناس كثيره حست بهالشي بس ماتدري وشلون صار لها هالشي ..
عموما انا مابي ادخل في الموضوع على طول لإن الجاي اكثر انبهاراً واعجاب بس حبيت في البداية اعرفكم بالعقل الباطني والعقل الواعي بعدين في الردود القادمة ان الله احيانا بتطرق لعدة امور مهمة جداً في حياتنا هالعقل الباطني قادر بمشيئة الله انه يغيرها للافضل .


هذا الموضوع هو نتاج قراءة متأنية لعدة مواضيع من كتب علم النفس تم التطرق للمهم فيها بأسلوبي وتحديداً للكتب التاليه :
قوة عقلك الباطن للدكتور جوزيف ميرفي
جدلية الأنا واللاوعي لكارل غوستاف يونع
سعادتك بيدك طريق النجاح عرض وتلخيص بهيج شعبان
والكتاب الاول هو ما سأقوم بالتطرق لأغلب مافيه ان اردتم ذلك .

اقول للي مايحب يقرا المواضيع الطويله ترى هاللي قريتوه مدخل للموضوع الرئيسي ..

احيانا بعد ان تضغط Vote للتصويت قد تفتح لك صفحة بيضاء في متصفحك .. حدث الصفحة عدة مرات الى ان يقبل التصويت وسأكون لك عاجزاً عن الشكر ..
<<------ وشلون بتشكره وانت مانت عارف اسم اللي صوت ;)

[منار]

هلا اخوي واقعي.......
الصراحه موضوعك حلو وانا احب اقرا المواضيع اللي زي كذا......وماشاء الله عليك أكيد ماعندك اختبارات...ولا شلون متفرغ للمواضيع الطويلة لا وبعد تصويت!!! عيني عليك بارده والله يزيدك كمان وكمان.......بالنسبة لعلم النفس انا مره وحده بس درسته في الجامعه وكانت ماده شيقة وممتعه وكنت اقراها ليلة الاختبار بشكل سريع وفي ورقة الاجابه اكتب اللي ربي يفتحه علي وابعد شي عن اجابتي هو الكلام الي في الكتاب وكنت افكر اكتب تحت الاجابه حقوق التاليف محفوظه للمؤلفه :D بس الغريب اني كنت الوحيده الي اخذت الدرجة النهائيه !!!!!!!!!!!!! وكانت طريقي للامتياز في ذيك الماده.......

ماكان ودي اردك اخوي واقعي بالنسبه للتصويت بس والله حاولت اختار اي شي مالقيت اي شي يوافقني.......ليه؟؟؟؟؟؟؟؟؟؟؟<<<<<سؤال وجيه

انا كل الي طلعت فيه من كتب علم النفس كتاب يتيم كان هو المقرر في مادة علم النفس الي درستها مؤلفه على ما اذكر هادي عبدالستار....وشوية كتب لدايل كارنيجي ولو انها ما تعبر عن علم النفس بشكل مباشر....بس بيني وبينكم انا عرفت ان المؤلف ربط حبل في غرفته وانتحر!!!!!!! بعد كذا قلت باب النجا مخلع......
السبب الثاني اني لما قرات في علم النفس كنت اصدق بعض الي اقراه واضحك على بعضه واتعجب من البعض الاخر....
ومن ناحية التطبيق فبعض الكلام اطبقه وبعضه لا.......

شفتوا ان التصويت شي صعب!!!!!!!!!!!!

ولو ملزم يا واقعي قل لي وانا احط قرعه واختار اي واحد منهم..........وسلامتك..

[وآقعي]

هلا وغلا اختي منار ..
عينك الحلوه اللي شافت الموضوع بهالحلاوه .. والحمدلله انك تحبين قراءة مثل هالموضوع لإني ناوي ادخل في عدة مواضيع اخرى تحت هذا الموضوع .. ولطالما فيه من يقرأ ويهتم .. فهذا يزيد الحماس والأصرار ان استكمل بقية الموضوع بنفس الحماس الذي بدأته به .

وصوتك وصل يالغالية الله لايحرمني منك يكفي انك بس حبيتي تصوتين للاسباب اللي ذكرتيها .. وانا اعتبرك بردك سويتي افضل من التصويت نفسه ..
هههههه لا وش قرعته اختي منار .. هذي كنا نسويها في الثانوي لا حترنا في شي :D ومشاءالله عليك و زين اللي ماكتبتي اجل ارقام الصفحات زي مافي الكتاب .. وانا ماعندي اختبارات بس اليوم بديت دورة بمعهد الإدارة والاختبارات بعد شهر من الآن .. والله ورجعنا لقاعات المحاضرات بس زين جت في وقتها لإني اشتق بصراحة للدراسة وجوها ..
<<----- لا تفتحون له باب يقص قصة حياته :)
اقول ياليت يامنار باي كتاب ولا معلومة يحكون قصة نهاية كارينجي ان كان تذكرين شي عنها .. لإن هالموضوع يهمني جداً .
لا ونصيحة اخو ارجعي اقري الكتب المتعلقة بعلم النفس .

[وآقعي]

هلا بكم من جديد ..

نقلاً لا بد منه :
لديك عقلاً يجب ان تتعلم كيف تستخدمة . هناك مستويان لعقلك المستوى الواعي او العقلاني والمستوى اللاواعي او اللاعقلاني .
وانت تفكر بعقلك الواعي واي شي تفكر فيه باعتياد فإنه يغرق في عقلك الباطن الذي يبدع طبقاً لطبيعة افكارك . إن عقلك الباطن يمثل مركز العواطف والانفعالات والإبداع فان فكرت في خير سوف يتدفق الخير وان فكرت في شر سوف ينتج الشر هذه هي طريقة عمل عقلك .

حقيقة مدهشة وماكره :
قانون عقلك الباطن يتعامل مع أفكار الخير والشر على قدم المساواة ، وهذا القانون عندما يطبق بطريقة سلبية فإنه يكون السبب وراء الفشل والإحباط والتعاسة ومن ناحية ثانية اذا كان تفكيرك المعتاد بناءً ومنسجماً فانك سوف تتمتع بالصحة والنجاح والرفاهية وراحة البال والتمتع بالصحة امران محتومان عندما تبدأ في التفكير والشعور بطريقة سليمة .
لذا قالوا صحتك في تفكيرك .

العقل الواعي والعقل الباطن مصطلحان مختلفان :
طبعا هما ماهم عقلين بل نشاطين في عقل واحد .
العقل الواعي هو العقل المفكر اللي يقع عليه عبء الاختيارات مثلاً :
انت تختار كتبك ومنزلك وشريكة حياتك وتتخذ كل قراراتك بعقلك الواعي وفي نفس الوقت وبدون اي اختيار واعي منك .. فان قلبك يستمر في عمله بشكل آلي وعمليات الهضم والدورة الدموية والتنفس تدار بعقلك الباطن اللاواعي بعملية مستقلة عن عقلك الواعي .
كما ان عقلك الباطن يتقبل مايطبع داخلة او ما يؤمن به عقلك الواعي حيث انه لا يمنطق الاشياء مثل عقلك الواعي ولا يجادل فيها فهو مثل التربة اللي تقبل اي نوع من البذور سواءاً كانت صالحة او فاسدة .

نقطة مهمة جداً جداً يعتمد عليها باقي ماسوف يذكر مستقبلاً في الردود القادمة :
عقلك الباطن لا ينشغل في إثبات ما إذا كانت أفكارك طالحه أم صالحة . صادقة أم كاذبه ولكنه يستجيب وفقاً لطبيعة أفكارك او مقترحاتك اللي فكر فيها عقلك الواعي على سبيل المثال :
اذا افترضت من خلال عقلك الواعي ان شيئاً صادق وحقيقي مع انه ممكن يكون كاذباً ومضللاً فإن عقلك الباطن يتقبله كشيء صادق وحقيقي ويشرع في تكوين نتائجه والتي ستكون بالضروره موافقة لما افترضه عقلك الواعي وهو صدق الشي .
ولإن النقطة السابقة مهمة ويعتمد عليه الموضوع فراح اقرب حسب مقدرتي الكلام اعلاه بمثال اخر :
لو انت قلت على نفسك انك محبط وماعندك ثقة في نفسك ودائما حزين والدنيا ماعاد فيها خير ووو ثم رحت ودللت على هالكلام بامور سبق وحصلت لك تدل على صدق كلامك فعقلك الباطن راح ياخذ كل ماقلت ويدخله على اساس انه هو الصح لإنك وانت تقول هالكلام عن نفسك قلتاه نتيجة ان عقلك الواعي مؤمن به ومصدقه وراح ينتج عقلك الباطن نتائج هالاشياء حسب ما ادخلتاه انت له وراح تلاقي نفسك محبط وعديم ثقة وووو مستقبلاً وراح تدخل في نتائج سلبية ستظهر على نفسك من هالاشياء .
لذا دائما المفروض حتى وان كنت حزين لا ترسخ هالحزن بداخلك وتخلي عقلك الباطن ينتجه لك .. يعني انت حزين اوكيه حزين كلنا تجينا لحظات ونحزن لكن لا تبرهن على هالحزن وتذكر الاشياء اللي تثبت انك حزين وانك غير محظوظ ووو لا لحظتها المطلوب منك انك تتفائل وتقول هذا ظرف وبيمر وبكره احلى وش عاد حزنت ساعة الايام الحلوه جايه والحمدلله انا بالعكس مدام اتمتع بصحتي فهذا اهم والدنيا مانتهت وكل هالكلامات اللي تبث في النفس وترسخ في العقل الباطني انك سعيد او ستبقى سعيد حتى وانت في حالة حزن .

وعلشان ماتملون ابكتفي بهالقدر وبرجع اكمل اشياء باذن الله قادرة تحل مشاكلنا متى ما احسنا التفكير وحسب ما حاولنا ادخاله للعقل الباطني من بذور حب وخير ومشاعر جميلة .
بس بغيت انوه لما نذكر خير وشر مو معناته اننا فينا شر واننا ممكن نزرع الشر بداخلنا طبعاً لا .. المقصود بالخير هي كل الامور اللي تبث السعادة والشر هي كل الامور اللي تجلب الحزن حتى لو ماكانت افكار شريره وحتى لو قلنا شر .

ومايحتاج اذكر في كل مره ان ما اكتبه وساكتبه هو نتاج قراءة متأنية لعدة كتب ذكرت في بداية الموضوع ومنها مانقل نصياً .

[المستبدة]

تسلم ياالواقعي على الموضوع الشيق ...

انا في العادة ما احب اقرأ المواضيع الطويلة واصير اقرأ سطر واترك 10 لكن اسلوبك في الموضوع اجبرني اقرا كل سطر فيه حتى الردود عليه ....

بالنسبة للتصويت كنت باعلق عليه لكن الاخت منار كتبت مانويت كتابته ... لذلك ما اشوف داعي للاعادة ....

بالنسبة للنقطة الاخيرة اللي ذكرتها وهي :

عقلك الباطن لا ينشغل في إثبات ما إذا كانت أفكارك طالحه أم صالحة . صادقة أم كاذبه ولكنه يستجيب وفقاً لطبيعة أفكارك او مقترحاتك اللي فكر فيها عقلك الواعي على سبيل المثال :

فعلا هذا الشيء الوحيد من اللي انا شخصيا مريت فيه وجربته على مواد الدراسة ... كنت لما اقول هذي المادة ما احبها ولا افهما الاقي عقلي مستحيل يستوعب كلمة من المدرسة ... والعكس طبعاً ....

انا بانتظار الاجزاء الباقية من الموضوع :)

[منار]

هلا اخوي واقعي

بالنسبة لنهاية الكاتب كارنيجي....فأنا لا أستطيع أن أمدك بمصدر موثوق لكني سمعتها منذ حوالي ثلاث سنوات على شريط كاسيت للشيخ نبيل العوضي ....وراح احاول اني اتوثق منها عن طريق مصدر موثوق.

[وآقعي]

هلا وغلا بصاحبة احلى موضوع مسلي ومثقف هلا بالمستبده ..
ويكفي انك نويتي بس تصوتين واعتبر صوتك وصل بالنيه :) ..
واتمنى ان يكون اسلوب طرحي للموضوع بالفعل جيد ويارب لإنه من وجهة نظري ان هالموضوع من المواضيع المهمه اللي قراءتها حتى وان كانت طويله مطلب ..
<<---- ايه امطخ في موضوعك ..

وبالنسبة لما ذكرتيه من تجربة لك حين تصعبين الماده فتصعب عليك .. فهذه حقيقة موجوده فينا كلنا .. لكن البعض يمكن مافكر في اسبابها ولا فكر في الاخطاء اللي يوقع فيها لما يسوي مثل هالشي .
وتابعي الموضوع لإنه شبه تلخيص لكتاب يفترض ان يكون موجود في مكتبة كل مهتم بتطوير شخصيته وراحتها ..


هلا وغلا اختي منار .. قولي امين الله لايحرمنا ويجزاك الف خير ..
ولا تعبين عمرك ان كان هالشي ماهو متوفر بقربك .. وكل اهتمامي ومازال كان بسبب رغبتي معرفة نهاية إنسان أنا من الناس اللي يدينون له في تطوير شخصيتي ويهمني معرفة الإسباب الحقيقية لنهايته .
ومشكوره يالغاليه على اهتمامك اللي اقدره لك .

[وآقعي]

هلا بكم من جديد ..

أهم ماكان عندي في البداية هو التعريف بدور العقل الباطن لمن يجهل دوره .. ومحاولة ترسيخ مقدرته في فعل امور كثيره البعض قد لايؤمن بها او قد يقلل منها . والآن الى وش ممكن هالعقل الباطن يسوي ووش ممكن ينفعنا ان تعاملنا معه بالشكل المطلوب ووثقنا بمقدرته .
كما اننا ولله الحمد نؤمن بالله وبعظمته وبحسن خلقه ونعرف انه جل وعلا لم يخلق في إلانسان شيئا لا نفع منه . اذاً ليه البعض قد يشكك في مقدرة ماخلقه الله فينا .

القوة الرهيبة في الايحاء :
من الآن اعرف ان عقلك الواعي هو الحارس لعقلك الباطن
من الانطباعات المضلله والخادعه لإنه مثل ماقلنا ان العقل الباطن حبيب يصدق كل شي لا يقارن ولا هو يم منطق حبيب حبيب حطني تلقاني ومع ذلك له قوة تأثير مانقول غير ياسبحان الله .. وهذا هو المدخل والحاجة اللي بنطوعها لصالحنا من هالمميزات اللي فيه ..
نرجع للقوة في الإيحاء .. وخلونا ناخذ مثال قاله الكاتب يختصر علينا ويبسط المقصود :
لوجيت لواحد ميت خوف وهو على السفينه وقلت له وجهك اصفر وعيونك مزرقه شكلك بتدوخ الحين من دوار البحر خلني اوصلك للكبينه بسرعه .. تدرون وش بيصير ..
هالمسيكين كان خايف ويفكر باسباب الخوف وانت جيت وزدت الطين بله بهالايحاء اللي اوحيتاه له فراح مصدقك على طول وخلاك توصله لكبينته .. وترسخ في رأسه انه راح يصاب بالدوار (يستاهل من قال له يصدق كل شي)
الناس يختلفون في ردة الفعل بناءاً على افتراضات عقلهم الباطن .. هذا لإنه خايف مسيكين صدق كلامك ويمكن يصاب بالدوار وانت السبه ولا هو كان جالس وخايف بس ولا مايحس بأي بوادر للدوار ..
لكن لما تجي للبحار نفسه وتقوله وجهك مصفر وعيونك مزرقه وشكل بيجيك دوار البحر بسرعه بسرعة ادخل لكبينتك .. تدرون وش بيسوي ..
يا بيقعد يتريق عليك ولا بيقولك يالله لك الحمد العقل نعمة .. هذا ان عطاك وجه .. والسبب لإن البحار ماعطاك اذن صاغيه لإن ايحاءك له مرتبط في عقله الباطني بالمناعة ضد الدوار .. بمعنى اخر عقله الباطني ما انفتح لك علشان توجه كلامك له فيؤثر فيه لإن عقله الباطني مرسخ فيه انه لن يصاب بالدوار وعقله الواعي صك عليك لإنه ماتقبل كلامك .
المقصود من هالمثال ان عقلك الباطني ما يقبل شي إلا ان صدقه عقلك الواعي واقتنع به . البحار عقله الواعي ماقبل بكلامك عن الدوار فما قدرت تأثر في عقله الباطني وبهالشي ماقدرت تأثر فيه والشخص اللي كان خايف عقله الواعي صدق كلامك فقدرت تأثر على عقله الباطني وأثرت فيه ودخلت المسيكين لكبينته .
اللي نبي نقوله ان الايحاء يسوي سوايا .. فاستخدمه على نفسك بالشي اللي يجلب لك السعادة والراحة . وانا بجيب لكم مثال والله حسيت بأثره فيني .
مره قريت لكارينجي كلام معناه التالي :
ان الشعور يسبقه فعل وعلشان تكون سعيد لازم تسبق هالشعور بفعل يوحي لك بالسعاده .. وان كنت في حالة حزن خفيفه مثلاً .. سو الاشياء اللي تجلب لك السعاده البسيطه حتى تطلع من الحالة اللي انت فيها وبعدين تلاقي نفسك طلعت من حالة الحزن لبداية حالة السعادة .
بمعنى اخر .. احيانا الواحد على قولتكم تجيه غلقه .. مافيه شي بس تلاقيه ماوده يحاكي احد ولا له نفساً حتى على نفسه .. وهالحالة كانت لي في يوم من الأيام وتذكرت كلام كارينجي وسويت اللي كان يقوله ومن ضمن ماكان يقوله صفر ضحك ناظر المرايه وضحك .. دندن غني .. سو اي شي تسويه احيانا وانت رايق .
قلت ياولد مانت خاسر شي على الاقل اذكر انك طبقت شي من هالكتب اللي تقراها ..
واقعد اضحك لحالي واغني واصفر على خفيف مع ان مالي نفس على كل اللي اسويه وقلتها قبل لا تقولونها .. قلت منه العوض وعليه العوض في عقلك يابوفيصل .. والله اللي خبل بك كارنيجي .. واقعد اتذكر اقرب الاشياء السعيده اللي بتحصل لي بمشيئة الله بعد كم يوم .. والله يالربع وماحديتوني على يمين اني حسيت كل شوي اني اطلع من مود الغلقه او الاكتئاب الخفيف .. وتشجعت وقمت ورحت لاهلي وجلست واسفهليت وانا قبل خمس دقائق مالي نفساً لو احكي .. وطبعا فيه شي مهم لابد ان نتذكره في كل هالموضوع اننا لا نغفل ابداً ابداً الجانب الديني والامور اللي هي المخرج الحقيقي لنا في كل هم او حزن ..
وعلى فكره هالموقف كان سبب في اقبالي على هالنوعية من الكتب اللي تتكلم عن علم النفس .. لإني حسيت بصدقها وبتأثيرها على نفسي فعلاً لا قول .

ملخص الرد هذا :
الايحاء هو : عمل او سلوك يستهدف وضع شيء ما في ذهن وعقل احد الاشخاص وهو عملية عقلية يقبل الشخص من خلالها الفكره التي اوحيت إليه ويضعها موضع التنفيذ .

وبما ان الايحاء كذا فالمفروض اننا نوحي لإنفسنا بالاشياء الحلوه واللي يثير السعادة والراحة لنا .

الايحاء لا يمتلك القوة إلا في حالة قبول عقلك الواعي له لكي يؤدي تدفقه الى عقلك الباطن .

والقادم انشاءالله خلاص بنغوص في اللي يقدر يسويه الايحاء للعقل الباطن .

[المستبدة]

تسلم يالواقعي ... كل جزء احلى من اللي قبله :)

[لمحة حب]

هلا وغلا بواقعي وبالمواضيع الشيقه وش هذا كله
مشالله عليك ياواقعي موضوعك مره حلو وبصراحه انا احب المواضيع الي تخص علم النفس وبالنسبه لموضوعك
بالفعل كثير مماذكرته يحدث لنا ويؤثر فينا بشكل غير محسوس
الانسان يقدر يتقبل السعاده بحياته والحزن لكن كل انسان له القدره على تكيف نفسه مع ظروفه
وان كل سلوك ناتج عن النفس الانسانيه له اعماق كثير
فقد فسر بعض العلماء ان كل سلوك انساني عباره عن تكييف للمطالب والضغوط ومعظمها مطالب اجتماعيه او نابعه من العلاقات المتبادله بين الافراد وتؤثر في التكوين النفسي والوظيفي للفرد ويتضمن ردة فعل الفرد للمطالب وتنقسم مطالبه الى حاجات داخليه وهي التي ولدت مع الانسان ومانسميه بالفطرة والخارجيه كالعواطف مثلا ويمكن تقسيم الحاجات الثانويه الى حاجات نفسيه اجتماعيه
وحاجات ذاتيه شخصيه فالتكيف هو القدره على تكوين علاقات مرضيه وسويه بين المرء وذاته وبينه وبين بيئته وكي يتحقق ذلك لابد ان يكون متكيف مع ذاته وراضي عنها كي يستطيع ان يتكيف مع ظروف حياته ومجتمعه فالراحه النفسيه هي التي لها القدره على اسعاد الفرد او احاله حياته الى جحيم كالشعور بالتعب وعدم الراحه والتأزم والاصابه بالامراض والقلق والاكتئاب او مشاعر الذنب والافكار والوساوس
وليس معنى ذلك ان الفرد لاتصادفه عقبات او مشاكل لكن من يتمتع بالتكيف بين ذاته وبين العقل الواعي والمدرك وبين عقله الباطن هو من يستطيع ان يوازن بينهم وليتحقق هذا التوازن عليه ان يعرف مفهوم الذات ففكرة الشخص عن نفسيه هي النواة الرئيسيه التى تقوم عليها الشخصيه وهي العامل الاساسي على تكيفه وتوازنه
فالذات تتكون من مجموعه ادراكات الفرد عن نفسه وتقيمه لها فهي خبرات ادراكيه وانفعاليه تتركز حول الفرد باعتبار انه مصدر السلوك والذات تختلف بمعناها عن الانا كما تحدث فرويد فالانا مجموعه الوظائف النفسيه التى تتحكم في السلوك والتكيف اما الذا ت ففكرة الشخص عن نفسه وهنالك ثلاث ابعاد لهذه النظره
وهي فكرة الشخص عن نفسه وقدراته وامكانياته فقد يري نفسه ضعيف او قوي
والثانيه فكره الفرد عن نفسه في علاقته بغيره فقد يرى انه منبوذ او بالعكس محبوب لدى الناس
والثالث نظرة الفرد لنفسه الى ذاته كما يجب ان تكون اي النظره المثاليه التي يتمناها الفرد لنفسه
بالاضافه ان كل تصرف ناتج عن الشخص ينبع من عوامل مباشره او عوامل غير مباشره او لاشعوريه وهي التي تكمن في العقل الباطن
وهو يتركز على الصورة التي يصورها له العقل المدرك والواعي وكيف يترجمها له
واوقات عده يكون العقل الباطن مصدر المشاكل النفسيه اذا لم يتم التكيف معه والسيطره عليه خصوصا حين يكون عباره عن تراكمات وترسبات منذ الطفوله تم كبتها
فالعقل الباطن يؤثر بنا ايجابيا وسلبيا فاعقل الواعي يؤثر على العقل الباطن بالايحاء ومن الامثله على ذلك ان لمن نجي ونخوف طفل من امر ما ونوحي له ان القطه مثلا ستأكله يظل متخوفا منها وكل ماسمع عنها يشعر بالخوف دون ان يراها لكن مجرد سماع اسمها يؤثر به لاشعوريا الى ان يكبر ويدرك انها لاتضره وبالاضافه للامثله التي ذكراها واقعي
كذلك هنالك نقطه مهمه ان العقل الباطن يظهر بطريقه لاشعوريه حقيقه مشاعرنا الداخليه واحاسيسنا وتصوراتنا الداخليه بحركات محسوسه تنتج عن الانسان
فحينما يكون الشخص خائف او متوتر من امر ما او يفكر بامر يشغله ولا يريد ان يظهر ذلك تجد عقله الباطن يصدر حركات لا اراديه مثل قظم الاظافر او طقطقه الاصابع او فرك الايدي وحركه الرجل واهتزازها لدى الشخص وغير ذلك من الحركات التي تصدر عنه
فهنا العقل الباطن يحاول ان يتوازن مع العقل الواعي وان يكون المنفذ له ويعبر بالنيابه عنه

بالاضافه ان العقل الواعي قد تؤثر فيه الظروف والمشاكل والضغوط النفسيه والذهنيه فمثلا النسيان المؤقت حين يضع شخص غرض له في مكان ما ولايتذكر اين وضعه يحاول لكن دون جدوى ممكن ينام واول ماينام عقله الباطن يدله عليه فمعظم الاحلام تصدر عن عقلنا الباطن فحين يكون الانسان لديه مشكله تؤرقه او يفكر بامر ما تجد انه يحلم بها حين ينام فهنا يحاول عقله الباطن ان يفرغ الضغوط ويكون المنغذ لهذا الضغوط كي يخفف عن العقل الواعي
اذا اجاد التعامل معه واستطاع ان يوازن بينهم
لكن اوقات يحدث العكس فقد يؤثر موقف معين بالانسان منذ صغره وينتج عنه عقده تتركز في عقله الباطن ولا يشعر بها الا اذا طرء امر او مر بموقف معين رغم ان عقلع الواعي لايتذكر الموقف الذي مره به الا انه تنج ردة فعل من عقله الباطن وقد تكون ايجابيه او سلبيه
كذلك سيطرة العقل الواعي في كل مايفعله الانسان وكبت لمشاعره قد تؤدي الى مشاكل نفسيه فالانسان جسد وروح عليه ان ينمي روحه كي يستطيع التكيف مع ظروفه وواقعه فالرضاء والاقتناع من اهم عوامل التكيف ولا يعني ذلك الاستسلام مثلا ان الانسان من كثر مايتعرض للمشاكل تصبح عنده عاديه ومهما كان حجم المشكله تجده يستطيع ان يتفهمما ولا تؤثر به مثل انسان قل مايمر بالمشاكل
وهنا نتيجتها تكون اما سلبيه او ايجابيه
اما انه يتعامل معها بطريقه سويه ويحاول ان يجد لها الحلول
او العكس يكبت المشكله وكان شيئا لم يحدث ويهملها حتى تتفاقم ويقول امر عادى تعودت على المشاكل
كل هذه العوامل تؤثر على فكر ونفسيه الفرد وقدرته على التحمل والتاقلم وكذلك التغيير والتجدد وممارسه كل مايجعله سعيدا وان يوحي لنفسه بالسعاده رغم انه لايشعر بها او يوحي لغيره بها فقد تنتج عنها سعاده له
من المؤكد ان الفرد حين يمر بمشاكل او حاله حزن تصيبه تكون في البدء تسيطر عليه وتاخذ وقت كي يشعر بالتوازن واذا قام بموازنه نفسه وخرج من تلك الحاله قد يعود مثل ماكان قبلا
لكن اوقات تاخذ عمليه الموازنه فتره اطول وذلك نتيجه نظرة الشخص نفسه وعدم محاوله للخروج من تلك الحاله بان يكون سلبي او نظرته متشائمه الى حد ما
او نتيجه انه لايجد من يساعده على التوازن فربما هو يحاول لكن من حوله قد يؤثرون عليه سلبيا بسلبيتهم وعدم مبالاتهم بحالته وبطريقه تفكيرهم وهنا قد يحتاج لانسان يساعده على التوازن

وبهذه الحاله قد تاخذ الموازنه فتره اطول وخلال ذلك يكون العقل الباطن هو منفذ الانسان للتخفيف من تلك الضغوط اذا اجاد التعامل معه

قد ادلى فرويد بنظريته عن العقل الباطن وصور النفس الانسانيه على اساس ان اللاشعور او العقل الباطن هو الانسان الحقيقي وان العقل الواعي هو انسان مزور لايمت بسبب للحقيقه انسان مفروض على الانسان الحقيقي من خارج نفسه ومن خار ج كيانه انسان تتمثل به الموانع والكوابت التي يفرضها مجتمعه او القوى الخارجيه على الكيان الحقيقي
لكن هنالك من شكك بصحه تلك النظرة وقالوا انها نظريه محدوده ومحصورة لاتشمل النفس الانسانيه واعتمدوا على عدة تصورات في اثبات عكس نظريته
لانه اولا اغفل ان العقل الواعي هو جزء من النفس الانسانيه كالعقل الباطن
ثانيا انه اغفل ان المجتمع والميل اليه والخضوع حقائق نابعه من النفس وليست مفروضه فالرغبه في الاجتماع بالاخرين تنشئ المجتمع
ثالثا ان الكوابت التى تنشأ عن القيم ليست جزء خارجي عن الانسان فلولا وجود الاستعداد الفطري لتقبل الكوابت وانشاء القيم والمثل لما طور الانسان نفسه
خلاصه القول ان الانسان جسد وروح ثؤثر به عوامل عده وظروف لكنه يستطيع التكيف معها بطريقه الموازنه بين عقله الواعي وعقله الباطن واعطاء كل دوره في التعبير عن النفس والا يسيطر احداهما على الاخر .

طولت عليكم كثير الله يكون في عونكم لكن الموضوع عجبني كثير اعرف يمكن خرجت عن الموضوع الرئيسي لكن في النهايه كله متصل ببعض فسلوكنا وتصرفاتنا ناتجه عن كل مايحيط بنا من داخلنا وخارجنا وطبعا الي كتبته عباره عن حصيله ما اتذكر لبعض القراءات المتواضعه في بعض كتب علم النفس وبعض الحقائق نقلتها لكم

[وآقعي]

هلا وغلا بالمستبده ..
الله يسلمك ويخليك والحمدلله انك مابعد مليتي من الموضوع .. متابعتك ومتابعة الاخوات والاخوان تجعل الواحد يحرص ان يتواصل ويبحث عن المهم في الموضوع ليقدمه لهم بالشكل الذي يروق لهم وينفعهم .. والجاي اكثر أهمية وفائده انشاءالله .

هلا وغلا بدمعه حايره ..
أنتي كذا ...
قرأت كلامك بتمعن فوجدت انك اختصرتي الكثير ووصلتي للمراد قوله وتكلمتي عن جانب اخر من الموضوع يلامس الموضوع بعد ان ضربتي مثال صحيح 100% وعلينا مراعاة هذا الشي في تربيتنا حتى لايكون راحة يوم او وقت لنا عملية نفسية تترسخ في اطفالنا على وجه التحديد ..
وكلامك التالي :
(كذلك هنالك نقطه مهمه ان العقل الباطن يظهر بطريقه لاشعوريه حقيقه مشاعرنا الداخليه واحاسيسنا وتصوراتنا الداخليه بحركات محسوسه تنتج عن الانسان )
فهذه المشاعر هي نتائج ما تم ادخاله للعقل اللاواعي الباطن خلال سنوات عمرنا .. ولذلك ينادي العلماء وونادي بقدر ماتقدر ادخل لهذا العقل الباطن كل المعاني والمشاعر الجميلة من خلال البعد عن ترسيخ الاحزان والإيمان بالتصرفات الخاطئه او المشاعر السيئه .. فكثيراً مانرى بعض الناس يقول ان الطيبه ماتنفع وانه سيغير نفسه لما ينفع ان يعامل به الناس في هذا الزمن .. لحظتها ان كان من اقتناع ورغبة اكيده في السير في هذا الطريق الذي اخترته ستجد نفسك في يوم من الأيام بالفعل صرت منهم .
يجب ان لا نخلط بين المجاملات وبين الحقائق فمثلا من يقول اللي معدنه ذهب مايمكن يتغير .. انت بهذه الحقيقه تنافي مفهوم تطوير الشخصية .. لإن العادات والصفات الحميده تعامل مع العقل الباطن كالصفات الذميمه .. فعقلك الباطن مستعد ان يتقبلها متى ماقتنعت بها حتى وان كانت ذميمه .

اشكرك عزيزتي على هالمداخلة والافادة .. ولو انك حرقتي علي بعض الاشياء اللي حبيت اذكرها في وقتها :) بس احنا هدفنا واحد ونكمل بعض وراح اتطرق لها في وقت ثاني بصوره موسعه لاينقص شيئاً مما ذكرتي عزيزتي دمعه .

[وآقعي]

ياجعل ايامكم كلها فرح وسعاده ..
اليوم بنتكلم عن نقطة مهمه .. بعدين بنلخص اغلب ماقلناه وعلشان نقفل على الفصل الأول ..

أنت تستطيع إبطال الإيحاءات والأفتراضات السلبية :
وش معناة هالعنوان .. مثل ماقالت الاخت دمعه عن مثال مانزرعه في اطفالنا من خوف ووو .. اهالينا الله يهداهم والمقربين منا واللي سبق وتعاملنا معهم نفس الشي زرعوه فينا .. فكيف نتخلص من مافينا اي من ماقبله عقلنا الباطن في صغرنا وتجاربنا طوال عمرنا من أمور سلبية ..
يمكن يطلع لنا واحد ويقول نتروش { نستحم } ونفرك جلدة الراس بقوه .. نقوله حل منطقي بس انتبه لا تغسل الزين بعد فيه .
شوفوا الله (مير*) يسلمكم .. (مير محطة فضائية طيحوها في البحر علشان ماتطيح على احد في البر)
أرجع وناقش السلبيات اللي فيك واللي طبعت فيك من الصغر وناقشها مع عقلك الواعي ..
ليه خوفوني من القطة (القطوه) .. لإنهم كانوا يبغوني انقاد لاشياء يرغبونها هم مثل اني انام واريحهم من صجتي ولا لإنهم مايبوني اطلع برا .. اثبت لعقلك الواعي واجعله يقتنع بان كل ماكانوا يقومون به مجرد اكاذيب هدفهم منها السيطرة علي وتطويعي .. ومثل ماقلنا سابقاً .. ان عقلك الواعي مثل الحارس اللي على البوابه او هو البوابه اللي تنفتح لتؤدي لعقلك الباطن . اللي يصدقه ويقتنع به عقلك الواعي يفتح له البوابة علشان يدخل لعقلك الباطني .. وانت بس دخله لعقلك الباطني وانسى واجلس تفرج على النتائج اللي بتنعكس عليك للافضل .

قوة المقدمة المنطقية الكبرى :
انت ماراح تقعد تدخل لعقلك الباطني كل صفة حلوه على حده .. لا انا ماقلت لك .. اجل ابشر بسعدك ان عقلك يعمل بالقياس المنطقي .. يعني اي مقدمة كبرى يفترض عقلك الواعي صحتها هي اللي بتحدد الاستنتاجات اللي توصل لعقلك الباطن فمتى ماكان المقدمة صحيحه فالاستنتاج يجب ان يكون صحيحاً .. (كلام حشو مايفكه ويسهله إلا مثال من ابو جوزيف) ..
قل : كل فضيلة جديرة بالثناء ..
والكرم فضيلة .. اذاً الكرم جدير بالثناء .. وعلى هالمقياس قس هات الافكار المتشابهه وحط بينهم علاقة علشان يدخلون كلهم في عقلك الباطن تحت مقياس يقوس به عقلك الباطن كل الاشياء بدل ماندخل فيه الافكار الجيده وحده ووحده ..

انت مثلاً لما قلت كل الفضائل جديرة بالثناء .. معناته عقلك الباطن راح يقوس كل الفضائل على هالاساس .. الكرم فضيلة وجدير بالثناء معناته الحلم جدير بالثناء الصدق جدير بالثناء الصبر جدير بالثناء وهكذا .. هذا هو المقصود بقوة المقدمة الكبرى .. وانت بهالطريقه دخلت لعقلك الباطن كل الفضائل بمجرد قولك كل الفضائل جديرة بالثناء ..

والله يالربع فيه مثال ودي اقوله لانه يستاهل ويسهل الشي اللي قلناه بس خايف اطول عليكم علشان كذا بقوله لانه يستاهل وبنخلي تلخيص الفصل الاول في الرد القادم : واللي مايبي هالمثال يطمره للملخص في الرد اللي بعده لانه مثال على قوة المقدمة المنطقية الكبرى :
جاء واحد للدكتور جوزيف وقاله : ان كل شيء في حياتي انقلب على عقب فقدت صحتي فقدت ثروتي فقدت اصدقائي وكل شي اسويه ينقلب لأخطاء ..
قام د. جوزيف شرح له كيف يجب ان يضع مقدمة كبرى في تفكيره وهي أن الذكاء اللامحدود لعقله الباطن يرشده ويوجهه ويحقق له بأذن الله الازدهار العقلي والمادي .. لإن عقله الباطني سيوجهه بحكمة في اتخاذ قرارته وراح يمنح جسده الشفاء بأذن الله وراحة البال ..
فراح هاللي سأل الدكتور يردد وباستمرار ورغبة وبهدوء التالي : الذكاء اللامحدود يقودني ويوجهني في كل طرقي .. الصحة الكاملة ملكي وقانون الانسجام يشغل عقلي وجسدي .. الجمال والحب والسلام ملكي .. ويحكم نفسي مبدأ التصرف السليم ..
يقول كنت اردد هالكلمات وأنا مؤمن انها بتدخل لعقلي الباطني .. ودارت الأيام وجاء اليوم اللي يروح للدكتور جوزيف يتشكره ويقول انا مدين بذيك الشوفه اللي شفتك فيها وقلت لي مثل هالكلام فالحمدلله حياتي تغيرت للأفضل وحققت النجاح لإنه ادخل كل هالكلمات بعد ما اقنع بها عقله الواعي لعقله الباطني .. وانا قايلكم انتم بس دخلوها لعقلكم الباطني وانسوا ..

احنا راح نردد مثله بس طبعاً راح ناخذ الجانب الديني من ضمن مانقول .. والمهم اننا نكون مقتنعين بقدرة هالعقل الباطني من ايماننا بحكمة الله وبفضائل وقوة ماخلقه فينا وان ماخلقه سبحانه وتعالى امراً يفوق تصورنا فلا نشكك بقدراتنا وبقدرات مافينا ..

راح نلخص الفصل الاول اللي انتهى ابرزه في الرد القادم ان الله احيانا
بعدين ندخل لفصل آخر مليء بالموضيع الشيقة والمحببه والمفيده .

[وآقعي]

يسعد اوقاتكم ..

هذا الرد للي مايبغى يقرأ كل اللي مضى فهو ملخص لبعض النقاط اللي تم التطرق لها في الردود اعلاه :

* فكر في الخير يتدفق الخير اليك .. فكر في الشر يتدفق الشر اليك فانت رهينة ماتفكر فيه طوال اليوم .

* عقلك الباطن لايجادل فهو يرضى ويقبل بما يصدره إليه عقلك الواعي من اوامر .

* انت تمتلك سلطة الاختيار عليك ان تختار الصحة و السعادة يمكنك ان تختار ان تكون ودوداً او غير ودود فاختر ان تكون ودودواً تجد العالم بين يديك لإنك بتكون شخصية رائعة محببه .

* عقلك الواعي بمثابة الحارس لعقلك الباطن فوظيفته الرئيسية حماية عقلك الباطن من الانطباعات المضلله .

* الإيحاءات والعبارات التي يطلقها الآخرون ليس فيها القوة في ان تضرك .. القوة الوحيدة تتمثل في مرونة تفكيرك فانت تستطيع ان ترفض الافكار او العبارات التي يطلقها اخرون اتجاهك ولديك القدره ان تختار كيف ستكون ردة فعلك .

* راقب ماتقول علين ان تتنبه لكل كلمة حتى لو كانت تافهه لا تقل ابداً (انني سوف أفشل او انني سوف احزن او انني سافقد وظيفتي ) لإن عقلك الباطني لا ياخذ الامر بشكل هزلي بل انه يشرع فوراً في تحقيقه .

* ان عقلك ليس شيطاناً ولا فيه قوة طبيعة الشر . انه يعتمد على كيفية استخدامك لقوى الطبيعة ، استخدم عقلك في جلب النعمة والشفاء للناس جميعاً في كل مكان .

* انت ربان نفسك (عقلك الباطن) وصانع مستقبلك فتذكر ان لديك القدرة على الاختيار .. واختر الحياة والحب والصحة والسعادة .

* اياً كان الشيء الذي يعتقده عقلك الواعي ويفترضه صادقاً فسوف يقبله عقلك الباطن ويشرع في تحقيقه فعليك ان تعتقد في الخير والسلوك السليم وجميع نعم الحياة .

[وآقعي]

يسعد اوقاتكم ..
اقول ماقد شفتوا دعاية في موضوع .. اجل شوفوها ..

ترقبوا المواضيع التالية في نفس هذا الموضوع .. لحد الحين انفع اسوي اعلانات :

عقلك الباطن بأذن الله يشفي سرطان الجلد وغيره من الأمراض .

كيف يسيطر عقلك الباطن على كل وظائف جسدك .

قاعدة الشفاء للعقل الباطن تعيد بناء العصب البصري المضمور .

عمليات جراحية كبيره بمخدر ذهني حصلت ونسبة الوفيات بعد العملية لم تتعدى 3%

طرق عملية في الشفاء عن طريق العقل :
- طريقة التخيل .
- طريقة النوم .
- طريقة الشكر .
- طريقة اليقينية.
- طريقة الجدلية .
- الطريقة المطلقة تشبه العلاج الحديث بالموجات الصوتية.
- شخص مشلول يسير .

العلماء يستخدمون العقل الباطن .
- كيف اخترع عالم شهير اختراعاته ؟
- كيف حل عالم طبيعة مشهور مشكلته ؟
- طبيب مشهور حل مشكلة مرض السكر !!
- كيف استطاع عالم طبيعة مشهور الهروب من معسكر اعتقال روسي؟
- عقله الباطن كشف له مكان وصية والده !

عقلك الباطن وعجائب النوم .
- لماذا تنام ؟
- الآثار المروعة للحرمان من النوم :
- انت تحتاج مزيداً من النوم .
- النوم يقدم لك النصيحة .

ومواضيع اخرى لا تقل حقائقاً وروعة وتشويق عن قوة عقلك الباطن ..

بالاضافة الى : عقلك الباطن وسعادتك

العقل الباطن والعلاقات الإنسانية المنسجمة ..
كيف يزيل اللاوعي العوائق العقلية ..
- كيف تتخلص من عادة أو تكتسب عادة ؟
- كيف تخلص من عادته السيئة ؟

كيف تستخدم عقلك الباطن في إزالة الخوف ؟
- العدو الأكبر للإنسان .
- افعل الشي الذي تخافه .
- الخوف من الفشل.
- الخوف الطبيعي والغير طبيعي .

كيف تعيش بروح الشباب الى الابد ؟
- كن خادما للمجتمع لا أسيراً له .
- تعلم لوظيفة أفضل .
- مرحباً بالتفسير .

هاه انفع اسوي دعايات لمواضيع ..
عموما انا احببت بذكر ماذكرت ان اطلع القاريء العزيز عن ماسوف يتم التطرق له وغيره كثير مستقبلاً من خلال هذا الموضوع ان الله احيانا ووجدت الوقت لذلك .

يعني يادمعه ازيلي تثبيت الموضوع لإن الموضوع بيطول :)

[لمحة حب]

هلا وغلا اخوي واقعي
تسلم على الكم الهائل من المعلومات والله يسعدك ويخليك ويوفقك
مشالله عليك تبارك الرحمن ماخليت شي الا كتبت فيه موضوعك مره رهيب
ومشالله شمل نواحي كثير

ماعاد اقدر اكتب شي مهما كانت مداخلتي فبتكون شي قليل قدام رد من ردودك فراح اتركك براحتك تكتب وماراح احرق لك الموضوع بمداخلاتي علشان تنزله بالترتيب الي كنت بتكتب فيه راح يكون افضل

وعلى التثبيت وماله خليه مثبت ويطول شو يعني علشان الجميع يستفيد من الكلام المكتوب

اي تنفع تصير في الاعلانات لكن مشالله عليك راح تألف كتاب مو موضوع ههههههه
ربي يوفقك وتكملنا الموضوع ترى انا بتابعه كله الى اخر حرف ينكتب فيه
ومشكور الف شكر

[النفسانيه روز]

[COLOR=indigo]
:)
صراحه تسلم ها لانامل ياواقعي ويادموووعه عالمواضيع الرائعه اللي انكتبت
كان نفسي من اول مادخلت المنتدى انو يصير في نوع من الاهتمام بهادي النوعيه من المواضيع لانها مفيده جدا وتساعدنا على العيش بصوره صحيحه
وماعرف انا سميت نفسي النفسانيه روز لاني مررررررره احب المواضيع هادي ولانو عندي العديديد من المواضيع الحلوه والافكار الجيده اللي نفسي الكل يستفيد منها بس احس انو انتو غير يعني انا من غير منطقه لانو انا حجازيه
بس والله انا مررررررره احب المنتدى هادا اهم شي عندي انو نحنا في النهايه مسلمين وعرب يعني نفهم على بعض وما اتمنى تكون بيننا اي عنصريه
واحب انوه لواقعي انو انا حاصله على شهاده في دبلوم الهندسه النفسيه العصبيه اللي تعتمد على الكثير من هادي الافكار وغيرها من الافكار الحلوه
وانا مره نفسي اشاركك في الموضوع ممكن ولالالالالالا ازا الشي داه مايضايقك ولالالا يزعجك

اتمنى اكون عضوه خفيفه عاقلبكم وشكرااااااااااااا
انتظر ردك ياااااواقعي بليز رد عليا
:o :o :o

[وآقعي]

هلا وغلا اختي دمعه ..
أنتي الخير والبركة ومداخلتك تثري الموضوع وتغطي القصور به .. لا تحرمينا من مداخلاتك وردودك .. واشكرك على تثبيت الموضوع إيماناً من أهميته للجميع .. وانشاءالله يارب اكون بما اختصرته من بعض الكتب ومن ما اعرفه نتيجة اهتمامي بهذا العلم قد افدت او على الاقل جعلت ولو واحداً يتجه لقراءة مثل هذه الكتب المهم وجودها في كل مكتبه منزلية ..
وترى الموضوع بيطول يالغالية فيك شدة :) ..

هلا وغلا أختي النفسانية روز ..
تراني زعلان منك من اول مشاركة ورد اسعد به بينا .. حتى شوفي :( ..
أجل تقولين (بس احس انو انتو غير يعني انا من غير منطقه لانو انا حجازيه) ..
والله والنعم باهل الحجاز واحداً واحد .. وان كنت ما احب افرق بينا كسعوديين حسب المناطق لكن بما انك قلتي هالكلام بغنيلك أغنية :
اجل نحن الحجاز ونحن نجد .. هنا مجداً لنا وهناك مجدُ .. الوطن واحد والحب للجميع واحد والعين اللي يسكن بها كل الاعضاء وحده على اختلاف مناطقهم .
غير كذا ان النادي يضم الكثير من أهل جده والحجاز وغيرها من مناطق المملكة والخليج والوطن العربي .. وبالعكس يابختك عندك واسطه قويه :D مشرفة نادي الفضفضة الأخت العزيزه الغالية دمعه من جدة .. وفارس الكلمة في النادي كمان من جدة الأخ الغالي العزيز احساس متعب .. وغيرهم من الاخوة والأخوات المحترمين .. وأنا واغلب من في النادي من الرياض ونتشارك في حب وتقدير دمعه حايره واحساس متعب وغيرهم .. دحينا عرفتي ان مافيه عنصرية مثل ماقلتي .. :)
أنا مادري كيف عقلك الباطن صور لك ان في نادينا عنصرية ههههههه :) ..
<---- بيتفلسف على صاحبة دبلوم الهندسة النفسية العصبية ..
وهذي يبغالها كلام اختي النفسانية روز .. إلا وبحكم تخصصك أنا من ينشد منك المشاركة وتوضيح ماترينه يثري الموضوع ويلامسه .. واكيد انتي شفتي النقاط اللي راح يتم التطرق لها مستقبلاً .. فكم يسعدني ان تختاري منها ماتودين الكلام عنه لإنني لن اكون في التوضيح افضل من المتخصصة فيه .

وياهلا بك كثر حب اهل الرياض لجدة وحب اهل جدة لاهل الرياض ..
ولا ماتحبونا :D >> لا عليكي دعابه دعابه :D:D:D ايه طلعت الفصحى.

[النفسانيه روز]

شكرا واقعي عالترحيب واحب اقولك انك شي وحتى ردودك شي
يعني انتا مررررررررررره شي
انتا كده اعطيتني اشاره للانطلاق اوعدك باحلى المواضيع ان شالله راح اقولك عالافكار اللي تناسب موضوعك

من ضمن الافكار الحلوه اللي نستخدم فيها الايحاء
هي تمرين
14في 21
هادا التمرين يستخدم في حالة انك تبغى توصل لهدف معين
فكل ماعليك هو ارسال رسائل لعقلك اللاواعي عن طريق ترديد الهدف كل يوم 14 مره لمده 21 يوم وبعد نهاية 21 يوم راح تلاقي نفسك وبلا شعور بتحقق هدفك وطباعا هادا بفضل عقلك اللاواعي وارشاده لعقلك الواعي
معلومه*
اي سلوك تبغاه يصبح عاده لديك لابد تسويه لمدة 21 يوه حتى يصبح عاده
عندك

اتمنى انو اكون افدتك في موضوعك
وان شالله يستفيد الكل بالموضوع اللي مرررره مفيد

[وآقعي]

مشكوره مشكوره اختي النفسانيه روز ..
انتي اللي والله شي ومن جد فرحين بوجودك بينا ..
وبالنسبة لـ 14×21 هل جربتيها في يوم وحسيتي ولو ببعض الأثر .. وهل المده تناسب مناسبه للجميع ام انها تحتاج لإكثر من 21 يوم او اقل باختلاف درجة الاستيعاب والذكاء بين الجميع ؟؟ وهل الرسائل المراد ايصالها للعقل اللاواعي لابد ان تكون موحده في كل يوم .. وهل هناك جو معين لابد منه وقت ارسال هذه الرسائل للعقل اللاواعي . ياليت نقرأ اكثر عن هذا الامر المهم جداً .

حلوه جداً البداية .. ولا عليك امر ياليت تقومي بشرح وتدعيم كل ماتحسين بقصوري في ايصاله وياليت ان كان وقتك يسمح لك ان تتكلمي عن اي نقطة اخرى تجدين ضرورة تواجدها في الموضوع فهدفي وهدفك وهدف كل من يشاركنا هو واحد على الاقل التعريف بقوة العقل الباطن واثره ومايستطيع ان يقوم به .
انا عاجز عن شكرك وتقديرك لهذه المشاركة البناءه والمفيده لي مثل ماهي للجميع .

[وآقعي]

يسعد اوقاتكم بالخير والسرور ..

ذكرنا في احد الردود ماسوف نتطرق له واليوم انشاءالله موضوعنا سيكون على النقاط التالية :
- عقلك الباطن بأذن الله يشفي سرطان الجلد وغيره من الأمراض .
- كيف يسيطر عقلك الباطن على كل وظائف جسدك .
- قاعدة الشفاء للعقل الباطن تعيد بناء العصب البصري المضمور .
- عمليات جراحية كبيره بمخدر ذهني حصلت ونسبة الوفيات بعد العملية لم تتعدى 3%

الشفاء العقلي اكبر دليل إقناع على قوة الشفاء لدى عقلك الباطني . يقول الدكتور جوزيف :
منذ اكثر من 40 عام نجحت في التخلص من ورم خبيث اصاب الجلد اخذت حالته تسوء وفشل عنه الاطباء من خلال دعائي في كل صلاة ومن خلال تحويل كل ذرة من كياني لكي اصبح في أتم الصحة .
بمعنى . يقول اني قمت بارسال انماط من التفكير المفعم بالحياة والجمال والكمال الى عقلي الباطن .. صار يركز تفكيره على كل مامن شأنه نسيان وتجاهل كل السلبيات اللي يوحي بها عقله الواعي عن هذا المرض وخطورته عليه لحد ماقدر يقنع عقله الباطن من خلال التفكير الايجابي والتفاؤل اللي تعود عليه عقلة الواعي .. ومثل ماقلنا اذا كان تفكيرك الواعي مقتنع بحاجات لابد ان تتسلل لعقلك الباطن فيظهر نتائجها حسب ايجابية او سلبية ما اقتنع به عقلك الواعي .
ويرى الدكتور قاعدة الشفاء على النحو التالي :
لايظهر على جسدك اي شي إلا اذا كان هناك تفكير متساوي اولاً في عقلك .. وعند تغيير عقلك باعطائه جرعة متواصلة من التفكير الايجابي فإنك بالتالي تغير جسدك وهذه هي قاعدة الشفاء .
ومثال اخر لحالة مشهوره سجلت في الارشيف الطبي الفرنسي وتكلمت عنها بعض المجلات الطبيه المتخصصة : سيدة اعيد لها بصرها واعيد عمل العصب البصري بصورته الطبيعية .. على الرغم من قول الاطباء ان حالتها لا امل فيها .. والسبب ان مدام بيري .. كانت واثقه جداً من انها ستشفى على الرغم من كلام الاطباء لها بالعكس . كانت تغذي عقلها الباطني بهذا الأمل بالاقناع والأيمان بهذا الشفاء مما جعل عقلها الباطن يستجيب لهذه المدخلات الايجابية ويحرك كل قوى الشفاء الكامنه بداخلها .

بعيداً عن كلام الدكتور وماحصل له وطريقة معالجة مرضه .. اللي ممكن يصعب على البعض تصوره .. تعالوا ندلل على اثر التفكير وافرازات العقل الباطن من خلال امثلة محسوسه نشوفها بينا .
لما نزاور مريض تلاقي ولا شعورياً قاعدين نعطيه كلامات ايحاء بتحسنه ويمكن اغلبنا ماسأل الدكتور عن هذا التحسن ولا اطلع على ملفه .. لكن ليه نفعل هالشي .. لإننا مؤمنين بأثر كلماتنا ووش كثر ممكن هالكلمات الايجابية تعطيه قوه ودفعه معنويه تساهم في تحسنه .. نحن لا نملك معالجته إلا بهذه الكلمات .. اذاً نحن مؤمنين ومن دون ان يشعر بعضنا وش كثر ممكن هالكلمات مهمه له لكننا لا نعرف كيف تتسلل له سحر كلماتنا ومن اللي يقوم بمعالجتها بداخله وافراز الايجابيات من هذه الكلمات .. فما بالك اذا حين تعطي نفسك جرعة مباشرة لعقلك الباطن وباستمرار اي جرعة مركزه ..
مثل هذا الكلام ومثل كلام الدكتور جوزيف اتفق عليه اكثر علماء النفس .. وحين يتفق اكثر من عالم فمعناة هالشي حقيقة لا تقبل الجدل ومن تجارب وابحاث اثبتت هذا الشي .
بقصد خرجت من كتاب قوة العقل الباطن للدكتور جوزيف لكتاب الموسوعة النفسية لأدلل توافق اكثر من عالم على نفس هذا الكلام ..

في كتاب الموسوعة النفسية وهو عباره عن خلاصة تجارب ورؤى عدة علماء عرضها ولخصها بهيج شعبان التالي :
صحتك في تفكيرك :
جميع امراضك تنتج عن حالة ذهنية .. ويمكن الحصول على الشفاء بأذن الله اذا خلقنا حالة ذهنية إيجابية تقضي على الحالة السلبية . ولن يستطيع افضل الاطباء ان يحصلوا على اي نتيجة إيجابية إلا اذا قبل المريض الشفاء وآمن به . وحين يقال لمريض ان معنوياتك عالية فبأذن الله سيشفى .

كلمات مثل هذه ليست كلمات انشائيه .. هي كلمات علماء افنوا حياتهم دراسات وابحاث ليقولوا حقيقة لا تتجاوز في كتابتها عدة اسطر . وفي هذا المجال لابد من معرفة هذه الحقيقه ..
جسدنا مؤلف من خلايا ذكية لاترى إلا بالمجهر تسرع بالعمل حين يتعلق الامر بالتئام الجروح ولكنك قد تبطيء به ان انت حجمت دورها وشليت حركتها بفكرة الخوف وكل الايحاءات السلبية .

- كيف يسيطر عقلك الباطن على كل وظائف جسدك .
وانت نايم عقلك الباطن دوم صاحي ولا يمل ولا يتعب .. وهو اللي قائد جميع العمليات اللي يقوم بها جسمك وانت نايم مثل مايقوم بها وانت صاحي .. قاعد ينظم عمليات القلب واستمراره بالنبض وتدفق الدم اليه اذنيك ماتتوقف عن العمل وعملية الشهيق والزفير مستمره و يتدخل في عمليات الافراز الجسدية ويستمر شعرك في النمو واظافرك .. الخ .
عقلك الباطن يعمل لصحتك وسعادتك وانت حين تفكر التفكير السلبي من عقلك الواعي بالايحاءات السلبية كأنك قاعد تجادله على حساب صحتك . المطلوب منك ان تبارك عمله وتثق به وتعينه بتفكيرك الواعي الايجابي .
عقلك الباطني ارجع واكررها مراراً حبيب ونعمة ماعرفنا التعامل معها .. قل له باقتناع الله الله بالقلب وباسلوب هادي مؤمن بدوره قل له ايضا باسلوب المسئول عنه يهتم بصحتك تلاقيه استجاب لك .
المقصد من فحوى كلامي .. ثق فيه وحس بدوره وبقدرته ووجه لكل مافيك بطريقة مقنعه وهادئه . تلاقي نتائج ايجابية لصحتك . لإنها احد اهم الادوار اللي يقوم بها عقلك الباطن .

عمليات جراحية بمخدر ذهني قبل اكتشاف طرق التخدير الحديثه :
اجرى جراح اسكتلندي مابين عام 1843و 1846حوالي 400 عملية جراحية مابين كبيره وصغيره .. بالتخدير الذهني المعتمد على الايحاءات التي يبثها في المرضى فقد كان يوجه كلامه لعقولهم الباطنه وهم منومين مغناطيسياً .. وكان يخاطب عقولهم الباطنه ان لاتظهر التهاباً او تعفن .. وقد استجابت العقول الباطنه بدلالة ان نسبة الفشل لم تتعدى 3% ولم يتوفى اي مريض في وقت اجراء العملية .. هالمثال ليس المقصود به ان نحلل كيف تمت الطريقة وانما لنرى قدرات وقدم اكتشاف الاعمال او لمعجزات التي يقوم بها العقل الباطن ولنتفكر في القوى الفائقه لعقلنا الباطن .

عذراً على الاطاله ولكنها إطاله مجبرين عليها لنغطي نقاط اكثر في موضوع مهم جداً .

[النفسانيه روز]

[COLOR=seagreen]

مرحبا واقعي
بالنسبه للتمرين14×21 هادا التمرين انا من اكثر الناس اللي جربوه ولقيوا فاعليه كبيره ليه يعني مره كنت بدي اجعل المشي عاده وهدف
فكنت كل يوم اقول بيني وبين نفسي انا ابغى امشي كل يوم نصف ساعه
وارددها كل يوم 14 مره اول يوم مر عادي ولكن بعد اسبوع لقيت في شي من داخلي بيقولي امشي وحسيت الفكره مررررره طالعه في بالي ماكملت فتره الا وصرت امشي واحب المشي كمان لالالا وصرت رياضيه يعني صارت عاده وصار اليوم اللي ما امشي فيه احس في شي ناقصني
هادا اقرب مثال حي عشان تعرفوا قد ايش التمرين داه كويس وحلو
بالنسبه للايام
21 يوم كافيه تماما لجعل اي سلوك عاده وهي مطبقه على اناس كثيرين وصارت عليها ابحاث يعني بتنفع لاي شخص مهما كان ومالها علاقه بابمستوى
الزكاء او الاستيعاب لانها تتعلق بالعقل الباطن شو نسيت ياستاز واقعي
وكل الناس لهم نفس القدره في عقلهم الباطني بس مستوى الزكاء والاستيعاب بيختلف على حسب مدى تشغيلنا للعقل الباطن واستخراج قوته
يعني في ناس يعطوا عقلهم الباطن رسايل انو بدنا نصير مجتهدين في الدراسه فيساعدك عقلك الباطن ويخليك تجتهد وتفهم وتستوعب احسن من لوقلت انا راح استعين بشخص ما يفهمني صدقني وقتها عمرك ماراح تستوعب شي غير لما احد يشرحلك هو مره واتنين

********************

بالنسبه واقعي للاشياء اللي ممكن اضيفيها على الموضوع اوعدك باضافات
جيده بس مش متواصله لانو انتا بتعرف كلها ايام وليالي وتبدا اختبارات الجامعه
اول ما اخلص راح اضيف مواضيع كثيره وراح اساعدك
ابشر مايصير خاطرك الا طيب
بس طووووووول بالك

:o

[الوسيم]

ماشاءالله عليك أخوي واقعي
مواضيعك ماشاء الله وردوك أحلى يعطيك ألف عافية
على هذه المعلومات المفيدة اللي أتحفتنا فيها

[وآقعي]

هلا وغلا اختي النفسانية روز ..
تسلمين على هالافادات والتوضيح على امراً مهم وفي عمق الموضوع ..
ولا شك تجربتك راح ترسخ هالشي عندنا واللي كان يشكك فيه ولو بنسب بسيطة تجعله يحاول ان يقوم بعمل مشابه لما قمتي به وأنا اولهم ..
واي استاذ الله يخليك تراني على قد حالي وما اكتبه مجرد تلخيص لقراءات متأنية لعدة كتب نتيجة اهتمام بهذا الجانب .. لذا أأكد لك فرحي بوجودك بيننا لشخصك الكريم قبل كل شي ثم للفائده التي نرجوها منك وبالنسبة لي لإيضاح مايكون قد التبس علي حتى لا يلتبس على الغير ثم اضلل بعضهم وأنا قاصداً تنويرهم ووجودك يضمن اني لا أقوم بخلط لبعض الامور ..
وبالنسبة لتساؤلي فليس تهرباً من قصور فهمي ولكن لإيضاح ما اقصده هل مثلاً انسان مؤمن بقدرات العقل الباطني ويثق بها يحتاج لنفس المدة التي يحتاج لها إنسان لم يتعرف على عقله الباطني وعلى قدراته .. وهل من لايمارس التمرين بشكل يومي لنسيان او لغيره يحتاج لنفس المدة أم اطول ولو انقطعنا لعدة أيام نعود نبدا حساب الايام الـ 21 من حيث توقفنا ولا نعيدها من جديد .. ولو كثفنا التمرين بدلاً من 14 مره لاكثر هل ممكن نحس بالتأثير اسرع وهكذا من التساؤلات اللي يرتكز عليها الموضوع لإن اغلب ما اذكره هنا تعريف بقدرات العقل الباطن ومن بعد التعريف يبدأ التطبيق وماقمتي به هو التطبيق والذي لابد ان نعطيه اكثر وقتاً لإنه في النهاية هو المفتاح الذي نريد ان نصل به للتغيير وماننشده من بعد ان وثقنا وعرفنا عقلنا الباطن .

وخذي راحتك ومتى ماسنحت لك الفرصة ما اعتقد انك بتتأخري فنجاحك يسعدنا كما يسعدك وبالتوفيق لك ولجميع من سيختبر والنجاح حليلفكم انشاءالله .

هلا وغلا اخوي الوسيم ..
تسلم يالغالي على هالمداخلة والثناء .. وانشاءالله وجدت في الموضوع ولو بعض الفوائد او على الاقل جعلك تفكر ان تتعمق في هذا الموضوع من عدة مصادر تفيدك فيه .
احساسي بأهمية الموضوع جعلني انقله هنا متوسماً ان ينتبه اليه الجميع ليعيدوا التفكير فيه والتعمق به .. فانشاءالله البعض يلاقي فيه تطويراً لشخصياتهم ومدخلاً لراحتهم .

[النفسانيه روز]

[FONT=arial][COLOR=royalblue]

مرحبا استاذ واقعي

شكرا عاترحيبك بيا بس بجد خجلتني ترى لاتظن انوا انا شي مررره كبير انا بس بطبق وانقل لكم بعض ماتعلمته وطبقته واتمنى انكم تستفيدوا منه

بالنسبه لتاسؤالاتك حول التمرين
اولا التمرين لازم يبدا ويستمر متوااصلا 21 يوم وكل يوم14 مره ولو حصل انو نسينا اوراح عن بالك تقول العباره هادي لالالالالازم ترجع تعيدوا من الاول يعني ماتحسب عدد الايام وتكمل لالالالالا
وعندي ليك طريقه حلوه عشان تتزكر التمرين اكيد عندك موبايل فكل ماعليك انو تعاير منبه الموبايل على وقت محدد عشان تتزكر التمرين وانتا لو اتعودت عليه حاتفضل تقوله بكل سهوله وانتا خارج وانتا في السياره في اي مكان
وبالنسبه لتكثيف التمرين فلالا لانو طبيعة اي عقل باطن سواء كان الشخص مؤمن بقوة عقل الباطن اولالا فكل سلوك لابد ويتكرر 21 يوم كي يصير عااااده
وانا ولله الحمد حاولت اتخلص من كثير من العادات السيئه عن طريق اني احااااااول ما اعملها لمدة 21 يوم وبعدهااااا خلالالالاص اتحرر منها

************************
بصراحه واقعي اكثر شي يعجبني فيك انك ترد على موضوعاتي يعني تولي اهتمام بموضوعك وتشيك عليه وتشوف مين رد ومين لالالالالالا
يعطيك الف عافيه وانا كماااان مرررره مبسوطه بوجودي معاكم لانكم والله مرررره شي:o

[وآقعي]

هلا بك عزيزتي النفسانية روز ..
فيك الخير والبركة .. ومجرد نقلك لتجربتك والأثر اللي اتمنى انه طال البعض مثل ماطالني من هذه التجربة واقصد بالاثر انك اثرتي فينا رغبة تطبيق هذا التمرين وهذا مو شي بسيط .
وماتجاوبي مع المواضيع التي اطرحها إلا واجباً وهدفاً من اهداف طرح المواضيع وهي الاستفاده والاثراء من خلال الاخذ والعطا في الردود ..
واذا كنتي مبسوطه بوجودك معنا قيراط فحنا مبسوطين بهالوجود طن عزيزتي ..

[وآقعي]

:D :) :h: ياعسى ايامكم خير وسرور وبخور وحب ..

اليوم انشاءالله بنستكمل عدة مواضيع سبق وان نوهت عنها مسبقاً .. وسنتطرق وعلى عجل للامور التالية :

طرق عملية في الشفاء عن طريق العقل :
- طريقة التخيل .
- طريقة الفلم السينمائي العقلي .
- طريقة بودوان .
- طريقة النوم .
- طريقة الشكر .


هناك طرق ووسائل باذن الله تتحقق من خلالها آمالك ورغباتك .. فلا وجود للصدفة مكان هنا .. تبي تبني بيت لازم تخطط له وتعرف كيف يقوم .. تبي تسعد لازم ترسم لهالشي طرق وخطط وتبدأ بتنفيذها وهكذا ..
ولكي تصل لما تخطط له لابد ان يكون له تصور في ذهنك فإن لم يوجد في عقلك صوره ذهنيه لما تريد ان تقوم به فان الفكرة لن تنتقل لعقلك الباطن .. لذا فانت تحتاج لعدة طرقه اولها :

طريقة التخيل :
أسهل وأوضح طريقة لصياغة فكرة في عقلك هي ان تتخيلها . وان تراها بشكل نشط في خيالك كأنك تراها قدامك شي محسوس ..
اهم شي انك قاعد تتخيل حاجة واقعيه (واقعية <--- زوجة واقعي) .. ومتى ماكنت مؤمن بالصوره اللي رسمتها في عقلك راح تشوفها في يوم من الايام على ارض الواقع ان انت سعيت لها .. وكل ماكنت متقن هالصوره الذهنية وطريقة تخيلها تكون النتيجة مقاربة لهذا التخيل .
بطريقة ثانية .. انت احيانا خلونا نقول تهوى النجاره وتريد تصنع طاولة .. تلاقيك قبل التطبيق رسمت لهالطاولة صوره معينه تبغى تطلعها على ارض الواقع بالشكل اللي تخيلته .. وماراح تبدا التنفيد الا من بعد وضع هالتصور بذهنك واحساسك به من بعد التنفيذ كيف يكون وعلى ضوء هالشي راح تبدأ تنفذ عملك
طريقة الفلم السينمائي العقلي :
يقول الصينيين ان الصوره تساوي الف كلمة .. أنا اشهد .
تعالوا نستخدم طريقة عالم نفس امريكي .. الرجال كان وده يضع له مكان دائم يقدر من خلاله انه يقدم خدماته لكل من يرغب الاستفاده منه .. الفكره في خياله لها مده ويوم من الايام وهو مسترخي .. يقول تخيلت اني قاعد اخطب في جمهور ضخم قائلاً :
إني سعيد لوجودي هنا .. وإنني تمنيت هذه الفرصة المثالية ... الخ يقول رأيت في خيالي الجمهور واحسست بواقعيت الفكرة وشعرت بالرضا أن هالصوره انتقلت لعقلي الباطني ومدام وصلت الفكرة للعقل الباطني فعنده ثقة وهذا اللي لازم يكون دائماً انها بتتحقق .. وفعلاً تحققت له هالفكره فيما بعد .

وانت حط لك تصور كامل وكأنك ممثل في فيلم في كثير من الامور اللي تبي تطبعها في عقلك الباطن وراح تسهل عليك هالعملية عملية ثقتك في الفكرة واقتناعك بها .

طريقة البودوان :
وسيلة بسيطة جداً لعملية (تلقيح عقلك الباطن) تسمى باسم عالم النفس بودوان .. وش الطريقة :
الطريقة هي تكثيف الفكرة اللي انت افترضتها .. تقوم تلخص الفكرة في عبارة موجزه علشان يسهل عليك حفظها وتكرارها والتغني بها في كل مكان ووقت .. ويقول العالم بودوان افضل شي لتطبيق هذه الطريقة التالي :
تدخل في حالة نعاس لا نايم ولا صاحي حالة قريبة من النوم ينخفض من خلالها المجهود لإدنى درجة . ثم تردد الفكره اللي لخصتها مكرراً هالحالة والكلمات على كم يوم تلاقي الفكرة انتقلت لعقلك الباطن .

اذكر من جديد ان الهدف من هذه الطرق هو زرع الفكرة او ادخالها لعقلك الباطن .. ومتى مادخلت هالفكرة وانت واثق ومقتنع بها وكل الله .. واترك الباقي على عقلك الباطن .

طريقة النوم :
يقل المجهود إلى أدنى درجة لحظة تدخل في حالة النعاس والنوم ويتوقف عقلك الواعي عن العمل في حالة النوم .. ليه هالوقت مناسب لأن اعلى درجات نشاط عقلك الباطن تحدث قبل النوم وبعد الاستيقاظ مباشرة وفي هالحالة فإن الافكار السلبية اللي تحييد رغبتك وتمنع قبول عقلك الباطن لفكرتك مالها مكان يعني مافيه عوائق .. يعني ترديدك للعبارة او الفكرة اللي اختصرتها عدة مرات قبل النوم وانت في حالة نعاس انسب وقت وكل ماشفت نفسك وانت صاحي ان عقلك الواعي يبغى يعكر عليك قبول عقلك الباطني للفكره او العادة اللي تبيها تنزرع بداخلك ولا تلاقي العادة اللي تبي تتخلص منها مثلاً ودك تسويها ردد العبارة وكأنك تطردها بهذه الكلمات اللي قاعد ترددها .

طريقة الشكر :
واحد متراكمه عليه الديون وعاطل عن العمل وعنده ثلاثة اطفال وماعنده ولا قرنقش يعني حالته على الحديده وهمه على كيف كيفكم .. لكنه دائما مايردد (شكراً يارب على نعمتك علي) يقولها برضى وسكينه يقول كل يوم قاعد احس بأثر هالشكر وانه قاعد يسيطر على عقلي.. وبعد هالاحساس ووصول اثر الشكر لعقله الباطن انعكس على تفكيره وذكاءه وصار يشوف الامور ببصيره وعلى حقيقتها من بعد ان كانت نظرته سوداء من كثر هالهموم اللي عليه .. وصارت فكرته الرئيسية تتعلق بما يحتاجه من الاكل والمال والوظيفه .. وقعد يجدد الافكار من افكار اليأس للتفاؤل والشكر والاقتناع بان حالة سيتغير للافضل وبالفعل قادته هذه الافكار والاحاسيس اللي احسها بداخله ان يلتقي باحد مدراه اللي كان يعمل عنده سابقاً وعرض عليه العمل بمرتب محترم واليوم حسب ماذكره الكاتب هو نائب رئيس الشركة .. ويأكد ان عبارة الشكر حققت له المعجزات في حياته .

ونستكمل باقي الطرق والمواضيع فيما بعد ان الله احيانا ..

[المستبدة]

تسلم والله يا واقعي على هالموضوع اللي كل ماله يحلو ....

بس انا عندي استفسار بسيط .... لو انا اقنعت عقلي الباطني بفكرة .... بس الظروف ما سمحت لي بتطبيقها وش بيكون التاثير بهذه الحالة ....

يعني مثلاً :
انا حاولت اقنعت عقلي الباطني بوظيفة ما .... بس الظروف الخارجية حالت بيني وبين الوظيفة وش بيكون تاثير هذا علي .....

[وآقعي]

هلا وغلا بالمستبده .. اسعدني جداً اهتمامك بالموضوع .
اما بالنسبة لتساؤلك فسأجيبك عليه حسب ما اعرفه وحسب وجهة نظرتي من نفس القراءات المذكوره سابقا في الموضوع .

سؤالك هذا يصنف ضمن الافكار السلبية اللي تحد من نقل الفكرة اللي تبين توصلينها لعقلك الباطن من عقلك الواعي ..
لو رجعنا للي ذكرته في انسب وقت مثلاً لتكرار الفكره المراد ايصالها للعقل الباطن وبالتحديد في وقت النعاس وقبل النوم .. تلاحظين انه ذكر ان هذا الوقت انسب ليه ؟؟ لإن عقلك الواعي راح ينتج عدة افكار سلبية مشابهه لما ذكرتيه لكن لما تكوني في حالة مابين النعاس والنوم يكون عقلك الواعي خامل وعقلك الباطني نشط كعادته .. فيقل انسياب الافكار السلبية اللي تحد من مرور الفكرة لعقلك الباطن عبر عقلك الواعي.
انا ذكرت هالشي لقصد واحد وهو ان عقلك الواعي سينتج عدة افكار سلبية وهذا شي معروف سواءاً شعرتي بهذه الافكار ام لم تشعري بها .. مثال .. لما سألتي سؤالك لم تشعري ان هذا التساؤل قد يحد من قوة أيمانك بدور عقلك الباطن .. بمعنى اخر انتي مازلتي تشكين بقدرات عقلك الباطن .. وبالعامية اكيد سمعتي بالمثل المشهور .. يسبق العصبة قبل الفلقة .. أنتي أأومني بقدرات هذا العقل وادخلي الفكره له من خلال اقتناعك بها في عقلك الواعي واللي لو تذكرين في بدايات الموضوع قلنا انه هو البوابة اللي تسمح بدخول الفكرة للعقل الباطن . فلطالما مازال عقلك الواعي يضع التساؤلات المشابهه لما ذكرتي فالفكره لن تدخل لإنه لم يقتنع بعد بالفكره عامة .

وباجابة بسيطة على تساؤلك ان الفكرة ستكون في عقلك الباطن لطالما لم تنقطعي من التفكير فيها او الايمان بقوة عقلك الباطن .لن تحصل اي تغيرات سلبية . وليس المقصود ان عقلك الباطن حين تردد رغبتك ان تكون تاجراً سيفتح لك بنك وإنما المقصود انه سيفتح لك افاقاً وافكاراً ورؤية وعزيمة وطموح وسيتعاون مع عقلك الواعي ان تفتح هذا البنك .

وسأورد مثالاً ليس بعيداً عن تساؤلك ذكره الدكتور جوزيف في كتابة قوة عقلك الباطن :
يقول اتى الي عدة اشخاص يقولون (رددنا عبارة انني غني واتمتع بالرفاهية) عدة أسابيع وشهور ولكن لم يحدث شيء وبعد تحليل الموقف من الدكتور جوزيف .. قال :
اكتشفت ان هؤلاء الاشخاص كانوا يرددون العبارة وبداخلهم شعور أنهم يكذبون على أنفسهم وان عقلهم الواعي كان رافضاً للفكرة من إساسه بل ان احدهم قال له اني اعلم ان هذا الكلام ليس بصدق .. هذا دليل ان عقله الباطن لم تصله الفكرة من اساسه وكان يردد الكلمات مجرد كلمات تقال وأقول لا قيمة لها ..
ان الفكرة او الاعتقاد يقبله العقل الباطن دائماً ..

بمعنى اخر .. لابد ان تردد الكلمات وانت مقتنعاً بها وتحس بها من داخلك وتأكد دائماً أن عقلك الباطن لن يبدا باستخراج الاثار إلا من بعد ان تصله الفكره وان تمر بعقلك الواعي هذا العقل اللي ماراح يمرر اي فكره لعقلك الباطن إلا وهو مقتنع بها تمام الاقتناع .

ولذلك عزيزتي المستبدة تلاقينا دائما نقول .. تفاءل بالخير تجده .. وهذا اولى ماتقومين به لا ان تبدأي التعامل مع عقلك الباطن بعدم الثقة فيه .

انشاءالله اكون افدتك ولو بالقليل .. وانشاءالله تشاركنا الاخت النفسانية روز بوجهة نظرها ايضاً عن تساؤلك اللي لا شك انه اثرى الموضوع وانه دار بخلد غيرك .

وان ماكنتي مقتنعه بما ذكرته اختي المستبدة ارجعي وناقشي مره وثنتين لإنك بهالطريقة تفيديني وتفيدين نفسك وتفيدين غيرك بمثل هذه التساؤلات المهمة .

[لمحة حب]

هلا واقعي وتسلم على موضوعك ومجهودك الذي بتبذله فيه

لكن عندي استفسار انت تكلمت عن العقل الباطن والذي لانشك ابدا بدوره في حياتنا النفسيه وتحدثت عن طريقه ماقبل النوم
انا حاولت قبل انام لفترة شهر تقريبا اطبق الطريقه هذه لكن ماستفدت شي كنت قبل انام اجلس اردد موضوع معين في بالي لكن كل الي حصل معي كان مجرد اني الي كنت اردده بس كنت احلم فيه بمعنى كل ماردتته انام احلم فيه مو اكثر
تفاعلت معه فقط باحلامي وانا نايمه علشان كذا معظم المواضيع الي بفكر فيها قبل النوم اشوفها بمنامي بحلم فيها واوقات بيكون عندي مشكله بحاول احلها وتكون شاغله تفكيري قبل النوم تلقاني نمت اشوف المشكله في الحلم والقالها حل ولمن اصحى الصباح احلها بنفس الحل الي شفته في المنام
وهنا استفدت من تفكيري فيها لكن حينما اردد امر ما في بالي قبل انام وبعد كذا يصير عاده عندي صعب ما تظبط معي مادري ايش السبب مع اني اعرف وحده طبقتها وانا قلتلها عليها بعد ماقرأت عنها في مجله وكانوا كاتبين انها تفيد كثير من الناس لو طبقوها بشكل صحيح واعتقد اني طبقتها بشكل صحيح لكن ما افادتني
وكانت صديقتي من النوع العصبيه مره واقل شي بينرفزها وكانت وحيده مالها اخوات بس اخوان شباب ودايمن ينرفزوها ويتشاكلوا معها والي يخليهم يزيدوا طريقه نرفزتها وعصبيتها فيوم عملت نفسي دكتوره وبديت اتفلسف عليها هههههههه واطبق فيها الموضوع الي قرأته وعلشان تطبقه وتقتنع فيه قلتلها انا طبقة الطريقه هذه اكثر من مره ونجحت معي علشان اشجعها تعملها
قلتلها قبل تنامي اجلسي قولي لنفسك مافي شي يستاهل اعصب كذا واخواني مجرد بيمزحوا معي مو اكثر لازم اخفف عصبيه وجلست فتره اكثر من شهرين تقول لنفسها كذا بالتدريج خفت عصبيتها ونرفزتها وماعادت مثل قبل يقدر اي احد يستفزها وصارت تستخدمها كثير لكن بعد مانجحت معها قلتلها انا مااستفدت شي منها كنت بس اقولك كده علشان تجربيها ومشالله نجحت معها

لكن معي مانفعت انا نومي مره قليل اجلس اقول لنفسي لازم انام علشان ارتاح وما افكر كثير النوم بيفيدني وجلست فتره طويله لكن ماستفدت وكمان جربتها في موضوع ثاني وما استفدت غير اني بحلم في كل الي ردتته قبل النوم واجلس اردده في احلامي الين اصحى
عاد الان مادامك كتبت الموضوع لازم تجبلي حل وتقولي ليش ظبطت مع صديقتي ومعي لا برغم ان صديقتي كانت تضحك علي لمن قلتلها عليها وجلست تتريق بمعنى ماكانت مقتنعه فيها مثلي
وهل هنالك اسباب غير الاقتناع بمقدره العقل الباطن ممكن تخلي الطريقه هذا تفشل
وغير كذا واقعي انت جربت الطريقه هذه في حياتك وهل نجحت معك ولا مانجحت

ومشكور واقعي وماقصرت وانشالله ما اكون طولت عليك

[Lonely Girl]

مساء الخير للجميع........ مساء الخير لدكتورنا الواقعي.....صدق انا قريت كلامك وبجد مشكور على كل كلمه كتبتها لان كل كلامك مفيد، لكن ممكن اسال سؤال:

اشلون اتخلص من الاحساس بالفشل والملل؟
اكون شاكره لك بالحيل لو رديت علي، خاصة اني امل من الدراسة والعمل بسرعة وهو سبب تنقلي من تخصص لااخر الى ان استقريت الان لكن السنتين اللي راحت تذكرني بشي اسمه الفشل وانا في الحقيقة بنت متفوقه الى التانوي الى ان تعرفت على بنات وتغيرت شوي، ودرست بالجامعه تم الكليه واخيرا دخلت كلية خاصة وانا ماشيه الان بس ماشيه ومعي الماضي والملل.
اتمنى القى عندك الحل لان الوالد كل ماكلمته يقولي انت مو ناقصه لكن ملوله ولاتعتبري التعليم اللي فات فشل انت كسبتي علم واستفدتي كتير حتى لو ماستمريتي.
انا مو مستعجله على الاجابة خذ راحتك واسفه للازعاج بس انا هقيت انك من النوعيه الخدومه للناس وباخلاص.
مع فائق احترامي.

:rose: lonly girl

[دموع الحب]

ممكن اعطى رايى؟
اكيد هيه..............
ما شاء الله عليك ............عينى عليك بارده....
موضوعاتك رهيبه....ومشكور على طرحها ............ما دريت ان عندنا فى النادى دكاتره....!!!!!
السموحه لانى عضوه يديده وما حصلى الشرف ان اتعرف على كل الاعضاء واطروحاتهم...
والله يحفظك................انت وباقى الاعضاء

[وآقعي]

هلا وغلا عزيزتي دمعه حايره ..
اولاً اقدم اعتذاري لتأخري في الرد الذي ماكان ليكون لولا انشغالي الخارج عن ارادتي .
قرأت ردك اكثر من مره .. وبما انني غير متخصص واعتمد في ردودي على ما سبق قرأته .. فاعتقد ان يأتيك مافكرتي به مسبقاً في الاحلام دلالة على ترسخه بداخل عقلك الباطن .. لو تتبعتي ماكتبته في ردودي اعلاه لوجدتي انني ذكرت ماذكره الكاتب من ان العقل الباطن لا يتوقف اثناء النوم بعكس العقل الواعي الذي يرتاح ولا يعمل اثناء النوم .. ويعني هذا الكلام ان مافكرتي به بالفعل وصل لعقلك الباطن وهذا هو المطلوب .
لكن بالنسبة لاحساسك بعدم حصول أي اثر مع اقتناعك بمقدرة العقل الباطن ودليلك انه حصلت امور ايجابية مع صديقتك .. فاعتقد ان ذلك يعود للافكار السلبية التي تنتهجيها .. باستعجالك للنتائج او يأسك من حصولها ..الخ الافكار السلبية . وباختلاف كيفية التفكير بينك وبين صديقتك وللضروف التي تحيط بكل بشخص لابد ان تختلف سرعة النتائج والآثار .

يقول الدكتور جوزيف / في فصل كيف تحصل على النتائج التي تريدها :
قد تفشل دائماً في الحصول على النتائج بمحاولة استخدام الإكراه العقلي لإن عقلك الباطن لايستجيب للإكراه . انما يستجيب لإيمانك أو قبول العقل الواعي .
ويقول :
قد تفشل ايضا في الحصول على النتائج نتيجة استخدام عبارات مثل : (الاشياء تزداد سوءاً) .. (إنني لن احصل على النتائج أبداً) .. (إن الأمر ميئوس منه) .. لا اعرف ماذا افعل) .. الخ العبارات المشابهه .. وضرب مثالاً على ذلك : لو ركبت مع ليموزين وقلت له وديني لكذا لا كذا لا منا لا مناك لا لا لا وكثرت عليه الاتجاهات لحظتها راح يتوه وماراح يقدر يوصلك لمبتغاك . اذاً لابد من وضع فكرة واضحه وهدف مقصود مقتنع بتعديله .. لا يتوه عقلك الباطن عن مقاصدك وماتنشدينه .

حقيقة لاجدال فيها : قانون الجهد المعكوس ولماذا نحصل على عكس ماتدعوا له :
ذكر العالم الفرنسي المشهور كوي قانون الجهد المعكوس بما يلي : عندما تكون رغباتك و خيالك متعارضان ، فإن خيالك يكسب اليوم دون خلاف .. وش معنى هالكلام ..
لو طلب منك يادمعه تمشين على لوح خشب على الارض .. فاكيد انك راح تمشي ومن دون تردد .. لكن لو طلب منك تمشين على نفس لوح الخشب هذا وهو موضوع في الهواء بين حائطين وعلى ارتفاع 5 أمتار (وترى 5 شويه بعد ماقلنا 20م) طبعاً ما أظن انك راح توافقين لإن الفكرة السائده والمسيطرة عليك وقتها هو الخوف من السقوط وبدل ماكانت ارادتك ورغبتك انك تمشين على اللوح نفسه وهو على الارض قويه وتوحي لك بالنجاح .. ستنعكس هذه الارادة للفشل لإن الفكرة المسيطرة هي الفشل والخوف من السقوط .
مو هذا الكلام صحيح ؟؟
اذا ليس عليك فقط ان تدخلي الفكرة التي تريدين تطبيقها للعقل الباطن فهذه العملية ان تمت وقد تمت نتيجة ظهورها لك في الاحلام ماهي إلا مدخل وبداية الطريق .. لا تتوقفي في بداية الطريق بالافكار السلبية او التخيلات اللي تحبط مثل ماحصل في المثال السابق .. صارحي نفسك بالتفكير عن الافكار اللي تعاكس افكارك الايجابية وقننيها واعرفيها لتتلافيها .. ثم ادخلي الافكار التي تريدين تعويد نفسك عليها حسب التدرج والأهمية حتى يكون لك هالامر مساعد .. مثال .. لاتفكري تدخلين فكرة السعادة لنفسك قبل ان تنبذي فكرة الحزن الذي يجول بداخلك .. أبدئي بازاحة كل مايتعارض مع فكرة السعادة التي تريدن ادخالها لنفسك .. واسمحي لي ان اضرب مثال اخر تعملين به .. اول شي كمثال لو ابي ادخل الافكار اللي تجلب لي السعادة ان اغير اسمي من دمعه حايره لفرح لبسمه لضحكة بريئه اي اسم يوحي بالسعاده .. لكن ان احاول ان ادخل الافكار السعيده وانا اتمسك بما يحد من سرعة تأثير عقلي الباطني بأشياء بإمكاني تغييرها .. فلا تنتظري آثار سريعه .

النوم ..
وبما انك تواجهين مشاكل مع النوم .. حسب ماذكرتيه هنا .. من قلة النوم ..
ففي هذا الشي اتفق العلماء .. ان صاحب العقل المرهق والجسد المرهق يبحث عن النوم ولو انه جالس في اجتماع فيه الف شخصية مهمه ويمكن يضحي الواحد بأي شي لاجل ينام . وقبل ان اكتب لك كلمات نصح بها الدكتور جوزيف لمن يصيبه الارق وقلة النوم .. سوف اذكر حقيقة ذكرت في كتاب قوة عقلك الباطن فاتمنى ان لا تكون لك تفكير سلبي ..
الحقيقة هي ان كثير من الناس المحرومين من النوم لديهم ذاكرة ضعيفة وينقصهم التنسيق السليم ويصبحون مرتبكين ومتوترين ويفقدون التوجيه السليم ..
وأنا حين اذكر هنا هذه الحقيقة فلا اشخص ما انتي فيه فلست بمتخصص ولا اعرف طبيعة حياتك وكيف تقضينها ولكني اذكر هذه الكلمات لتقرأيها وتتمعني فيها فلربما مسكتي منها خيط يقودك لاحد اسباب قلة النوم لديك .. بحسبه بسيطة لا تحتاج لمتخصصين اللي يتعب طوال يومه تلاقينه يبحث عن الفراش .. و مايصدق يشوف الفراش الا رامي نفسه عليه ويمكن وهو لسى ماغير ملابسه .. وحسب الجهد والارهاق الجسدي والذهني نبحث عن الفراش ولا الفراش يبحث عنا ..

نم في سلام واستيقظ في سلام : د. جوزيف
بالنسبة لمن يعانون من الأرق فان ترديد مايلي ببطء وهدوء قبل النوم سيكون فعالاً :

أصابع قدماي مستريحه ، ركبتاي مستريحتان ، عضلات بطني مستريحه ، قلبي مستريح ، رئتاي مستريحه ، يداي وذراعي مستريحه ، رقبتي مستريحه ، عقلي مستريح ، عيناي مستريحه ، عقلي وجسدي مستريحان ، أنا أسامح بحرية كاملة كل شخص ، وأتمنى لهم بإخلاص الانسجام والصحة والسلام وكل مباهج الحياة . أنا في سلام ، ورابط الجأش أتمتع بصفاء النفس وهادىء ، أنا في أمن وسلام . إن الهدوء العظيم يهدىء كل كياني . و إنني أعرف أن إدراك الحياة والحب يشفيني . وأستر نفسي بغطاء الحب وأنام وكلي نوايا طيبه للجميع خلال الليل . السلام يظل معي ، وفي الصباح يجب أن اكون مغموراً بالحياة والحب . إن دائرة من الحب تطوقني فلا أخشى الشر . أنا أنام في سلام وأستيقظ في سعادة .

مايحتاج اقولك يادمعه اني ارحب بمداخلاتك في كل وقت فمتى ماحسيتي بعدم اقتناعك او عدم وضوح مقاصدي فيما ذكرت او قصوري في التوضيح ان اقرا رداً لك بهذا الشي .
اما بالنسبة لتساؤلك عزيزتي دمعه ان كنت قد جربت هذه الطريقة ام لأ .. فسأورد تجربتي مع علم النفس واثره علي في اخر الموضوع ان سمحتي بتأجيل ردي على تساؤلك هذا لآخر الموضوع . واكرر اسفي على التأخير في الرد . :rose:

اهلا عزيزتي الاخت lonly girl ..
دكتور مره وحده الله يجبر بخاطرك ياشيخه .. لحظة اشوف بعد اذنك .
د. واقعي .. ماشاءالله الدال قبل اسمي لايقة ورايقه ولا وش رايك أنتي :) .
تسلمين اختي وبكل سرور يسعدني الاجابة على تساؤلك في ردي القادم حسب جهدي ومقدرتي المتواضعه . وانشاءالله يكون في ردي مايفيدك فقمة سعادتي ان يكون في حرفي سعادة لغيري او إفادة .:rose:

اهلا عزيزتي الاخت دموع الحب ..
عيونك الحلوه اللي تشوف مواضيعي بعين الرضا و الحلاوه .. والله يحفظك انتي كمان ويجبر بخاطرك اللي خليتيني دكتور وانشاءالله اكون دكتور اد الدنيا وانتي بعد :) .. وأنا اللي نتشرف بوجودك مثل ماتشرفت بوجود كل الاعضاء الاعزاء . :rose:

[لمحة حب]

هلا باخوي واقعي اوه اسفه هلا بالدكتور واقعي

لا انا مالي شغل ليش تتأخر علي انا انتظر ردك من زمان هههههه
لاتصدق اخوي براحتك ولاتشغل نفسك وانا ماعندي شي انتظر الين تفضى اعرف انك مشغول
واهو الموضوع مثبت الى اجل غير مسمى ووقت ماتخف مشاغلك ياهلا ومرحب ومشكلتي الي خلاني انتظر فتره طويله احلها ماجات على هالالسبوع بستعجل عليها ههههههههههه

واقعي تصدق بالله ان النظريه الي كاتبينها في الكتاب والي ذكرتها عن ضعف الذاكره هذه بعد تجربتي ممكن اقول انها موصحيحه 100% لان مشالله علي نومي مره قليل لكن ذاكرتي مشالله ماتنسى شي ادق التفاصيل من سنين افتكرها الا فيما ندر
وابشرك الاسبوع هذا مادري من فين جايني النوم صرت انام اكثر من قبل بساعه او ساعتين ويمكن ثلاث

واقعي لمن جربت طريقه الترديد ماكنت استعجل الامور ولا كان في بالي كنت بجربها لفتره طويله في شي كان في بالي فضلت اردده مده لاتقل عن 6 شهور من غير ما احس صرت كل يوم قبل النوم اجلس اردده ولا يجي في بالي بعد كم يوم اذا اتحقق ولا ماتحقق وانتهى الشي الي كنت اردده قبل احققه ويمكن يكون سبب انتهاؤه هو العقل الباطني نفسه ماكان متقبل فكره ذا الشي الي كنت اردده من داخلي فاعطاني عكس مارغب به عقلي الواعي


اما عن اسمي واقعي اغير اسمي بصير سعيده الحمد لله الان رغم اي شي بيمر فيني الا صدقني اني بشعر بفرحه اكثر من قبل كثير ويمكن انا الان مو دمعه حايره بالعكس بسمه وفرحه واذا كنت دمعه بكون دمعه فرح لكن خلاص الكل عرفني بدمعه تبغاني اروح اغيره حرام عليك وبعدين الاسم هذا احبه واعزه كثير لي ذكريات حلوة كثير مع النادي
اعرف ان ذكرت الاسم كمثال لاتفكر بعدين اني فهمت بالمقلوب واني فهمت انك تقولي غيري اسمك

والف شكر على ردك رغم انشغالك وربي يسعدك ويسعد الجميع

[منار]

هلا اخوي واقعي....وشلونك وش اخبارك ان شاء الله طيب؟؟ وام العيال واقعيه شلونها مع البرد...هههههههههه صدقني ضحكت من قلب على واقعيه المهم لا تنسى تسلملي عليها....


ما شاء الله عليك وعلى موضوعك الأكثر من رائع واسلوبك الجميل في طرحه....ولا الإعلانات تمااااام ما بيلها كلام...

طبعا كلامك ما يعلى عليه بس انا كان ودي اقول ان لكل قاعدة شواذ....والله يعينكم على منار لانها دايما مالها داعي...
المهم....(ساعة وانتي على هالمهم ..ولا شفنا شي).....

في قضية التخيل أو الفلم السينمائي..الشي هذا للاسف انا كثير اسويه وماكنت اعرف انه اسلوب علمي.....والمؤسف في هالموضوع...إني مرات اقرر اسوي شي معين على درجة من الأهمية مثلا ودي اهدي ولد اختي شعّولي العاب بلاي ستيشن لأنه مشفوح سوني...(طالع لخالته) واتخيل انه فرح وقال مشكوره ياخاله والله لا يخلينا منك وصار يحبني اكثر من قبل وانا حسيت بخيلولتي(على وزن امومه) تجاهه...لاحظوا كل هذا في الفلم السينمائي الي من بطولة منار ومشعل.....وبعد نهاية الفلم احس اني ارويت حاجتي اني افرحه وخلاص تطيح الهدية من عيني ......<<<شفتوا انها نفسيه

ادري بتقولون حاله شاذه والشاذ لا حكم له....لكن هذا الي طلع معي .....وسلامتكم.

[Lonely Girl]

مساء الخيرات يا د: واقعي

ان شاء تكون بخير.......وام العيال كمان
;)

علامك يارجال الله لايسفهك تاخرت علي بالرد.......ترى الحاله كل يوم تزيد هههههههههههههههههههه

:eek: (ذحين بيقول مجنونه) امزح

خذ راحتك وانا اختك (بس عجل شوي):mad:

ومشكور على مشاركاتك الرائعه:rose:

[وآقعي]

يالله انك تسعدهم بالخير والسرور ..

هلا دمعه .. شوفي تراني رديت عليك وماقلت لك حق الكشفيه فخليني ساكت لا تذكريني .. ياسلام دافعه ثلاثين وتبي كشف مستعجل :) ..

هلا بمنار .. يالله انك تخلي مشعل وتخلي خالته وتخلي امه وابوه والعائله كلها انشاءالله .. وواقعية شامره * مع البرد .. لي رجعه مره اخرى لردك .

هلا لونلي قيرل .. ام العيال بخير جعلك بخير بس هي تجي :) .. من حقك لا بالله من حقك .. وتدرين انك اليوم العصر على بالي والله وبغيت ارسل لك رسالة علشان اقولك فيها ان حلقة اليوم من البرنامج الاذاعي اهلا بالمستمعين راح تكون عن الملل حسب ماصرحت به جريدة الرياض .. وكنت ابيك تستمعينها . بس قلت آجل الرسالة شوي لين تعرف وقت بث البرنامج وياليتني ماقلته لإني نسيت البرنامج بكبره بعدها .. وصدقيني مانسيت وقريت لك كتاب ثاني عن الملل حتى يحمل ردي بعض الفائده لك . وانشاءالله قريب راح يكون الرد بس تدرين ليه هالرد يتأجل كل شوي ..

اقولك و اقول لمنار ودمعه حايره .. ان هذا الرد ماهو إلا اعتذار عن تاخري في الرد القادم لمدة أيام قليلة .. فاعذروني .. عندي اختبارات لنهاية هذا الأسبوع . ولا تبون واقعي يجيكم محملاً دواوير حمر .. طبعاً مايرضيكم .. إذاً ادعولي .

الدكتور واقعــ لايرضى بغير منتاز ــي ،،

حلوه دكتور بصراحة مافيها شي الواحد يعيش الدور شوي ولا ..

* شامره : لما الواحد يحط الملابس اللي تستدعي غسيلها بالبخار في غسالة البيت اللي ماهي بخار .. تطلع الملابس اقصر من مقاسها الطبيعي قبل ادخالها المغسلة هذا هو معناة شامره . يعني واقعية شمرت من البرد . :mad: هي كلها ربع توله تشمر بعد :mad:

[نورهان]

بصرااااااااااااحة موضوعك مرررة حلو

مشكوووووووووووور وما قصرت

واهنئ المنتدى عليك

[سكون ،،،]

د. واقعي و لا رديييت عليهم :D
ههههههههههه ناااس قممممة بجد :)

[لمحة حب]

يسعد مساكم
هلا بدكتورنا النفسي واقعي رجعت لك مره ثانيه لكن بسؤال يختلف شوي لكنه ربما يتعلق بالعقل الباطن او انه بيتعلق بالحاله النفسيه ..

مثل مانت عارف ان الدراسات اثبتت ان كثير من الأمراض التي تُصيب الانسان اوقات بيكون سببها نفسي اكثر من انه عضوي مثل الشلل الجلطه الخرس الضفط السكر وغيره من الأمراض ..

وان للحاله النفسيه دور كبير في شفاء الانسان او في تأخير شفاءه ..
الا تعتقد ان العقل الباطن اوقات من كثرة مابيحوي من ضغوط وكبت وصراع بيحاول التعبير بصورة ما عن طريق اظهار التعب والمرض على الجسد ..

اخ مره سأل أخته سؤال انتي متى تطيبين ضحكت وجلست تفكر في سؤاله طول الليل وتقول بنفسها صحيح متى اطيب وحاولت تفتكر قبل سنوات كانت تروح الطبيب في المناسبات او مثل مايقولون في السنه حسنه او كل كم سنه حسنه وانها الان بتمرض كثير والغريب ان مرضها مابيستجيب لعلاج كدواء مثلا بتأخذ دواء يخفف من اعراض اي مرض بيصيبها لكن مابتستفيد تُرى هل السبب ممكن حالتها النفسيه وعقلها الباطن بيعبر عنها ..

طيب لو فرضا السبب في تعبها نفسي كيف ممكن تفرغ عقلها الباطن من محتوياته بغض النظر عن القاناعات والأمل وايمانها وصبرها طبعا الرضا والقناعه موجود لكن كيف تمحي تراكمات سنين او تراكمات واقع لازالت تعيشه ..؟؟

[وآقعي]

هلا وغلا اختي نورهان ..
ولو ان الرد متأخر بس مايمنع انك الاروع من الموضوع .. وياجلعك تسلمين من كل شر وضر انا اللي فرحان بوجودي بينكم اخوات واخوان .

هلا وغلا اختي سكون ..
مثلك عارفه الدكاتره مايملكون وقتهم مابين مؤتمرات وندوات وكل يوم في بلد لذا قفلنا العيادة ههههه .. حياك اختي ..

هلا وغلا اختي لمحة حب ..
ويسعد اوقاتك بالخير والسرور ..

تذكرين تكلمنا في احد الردود من ان العقل الباطن يأخذ كل ماتغذينه به ولهذا فان اردتي ان تتخلصين من عادة او حتى مساعدة العقل الباطن لك في الشفاء بعد مشيئة الله لازم تغذينه بكل امراً ايجابي ..

هذا يعني ان تغذية العقل الباطن بامور سلبية راح تنعكس عليه لاشك .. ولهذا فان كنتي تمرين بحالة نفسية وتغذين عقلك الباطن من ان هذه الحالة راح تنعكس على بقية اعضاء جسمك فامر طبيعي ان تنعكس وانتي السبب في هذا الشيء لتغذيتك السلبية له .

لاحظي التساؤل الذي تساءلته الاخت الذي سألها اخوها سؤال حين قالت : وجلست تفكر في سؤاله طول الليل وتقول بنفسها صحيح متى اطيب ؟؟ ..
وتساؤلها الثاني .. الغريب ان مرضها مايستجيب لعلاج ؟؟

مثل هذا التساؤل يأتي باثر عكسي على العقل الباطن .. حتى بدون ان يشعر الإنسان .. صحيح متى اطيب هذا تأكيد للعقل الباطن انها ليست بخير وانها مريضه . والغريب ان مرضها مايستجيب لعلاج ايضاً مثل سابقة .. لو كان جوابها ومن قال لك انني لست بخير .. انا بخير انا طيبه .. ما امر به حالة طبيعية ستزول إن شاءالله قريباً مثل هذه الاجابات تأتي بأثر قوي على العقل الباطن ..

ولعل اقرب صحة للإجابة على تساؤلك بشأن تفريغ عقلك الباطن .. ان العقل الباطن لايفرغ بل يستبدل مافيه بامراً افضل منه .. تراكمات السنين ستبقى متى مالم تستبدل بنظرة تفاؤل وبتعويد النفس على استبدال كل النظرات المتشائمة بنظرات تفاؤل .. تكلم الدكتور جوزيف ميرفي عن مقدرة العقل الباطن في الشفاء وعن مقدرته بالتخلص من العادات السيئة .. لذا لاننتظر ان يقوم العقل الباطن بتصرفات لم يطلب منه تغييرها .
فإن كانت قاعدة الشفاء في العقل الباطن إعادت بناء العصب البصري المضمور فإعادة تشكيل النفس للأفضل امراً اقل صعوبه من ذلك .

وبدل من ان نقول كيف نغير تراكمات سنين السيئة خلينا نحدد احد الامور السيئة ونبدأ بالتغيير فيها ..

لو قيل لك اختي لمحة انتي مطالبة بتكسير كل هذه الغابة كيف سيكون شعورك وردك .. اوه لا صعب مستحيل كيف اقدر اكسر كل اشجار هالغابة هذا شيء كثير فوق طاقتي .. طيب لما يقال لك انتي مطالبة بتكسير هذه الشجرة ؟ شفتي كيف سهل عليك الامر واكيد بتختلف اجابتك عن الاجابة التي افترضتها سابقاً .
لذا لانقول كيف نغير تراكمات كل هالسنين .. خلينا نبدأ بتحديد البارز ونبدأ بجعل العقل الباطن يغيره .. ان تغير سيغير معه امور ثانية وسيقل ما انتي مطالبة بتغييره في .. كل شيء يبدأ بخطوة .. صعب ان تقول لإنسان يبكي خلاص عاد اضحك .. ماراح يضحك في البداية راح يبتسم وان ابتسم سيسهل عليه ان يضحك .

ثم ان الامراض النفسية وليدة طبائع وعادات وسوء تفكير واستسلام . لو قابلناها في البداية بعدم ترسيخها في العقل الباطن لما تشكلت لتصبح مرض نفسي في الأخير . لابد ان نؤمن بالمقدرة الكبيره التي شكلها الله فينا .. سبحانه جل وعلا خلق الإنسان واحسن خلقه .. ليس كهيئة فقط .. بل لكل مافينا .. الإنسان الذي بمشيئة الله استطاع ان يخترع ويعمل مالايتصوره العقل في يوم هل ترينه غير قادر ان يحل اشكالية بسيطة مثل التي تمر بنا شبه يومياً .. لو وثق كل إنسان بما يمتلكه وعرفه لضحك على نفسه انه في يوم استاء وتذمر واقام الدنيا لمشكلة بسيطة تصورها كبيره قبل ان يعرف مالديه من مقدرة منها قوة عقله الباطن .

خلاصة القول .. لطالما هناك امراض كثرت في الإنسان مؤخراً وان سببها الأثر النفسي .. فالبداية يجب ان تكون بهذا الأثر النفسي ومعالجته والبداية تبدأ بتغذية العقل الباطن بالافكار الإيجابية .. وقتها سيختفي الأمر النفسي ومعه ستختفي الامراض المصاحبة للمرض النفسي او الذي تسبب فيها .