رديني لعيونك ... [الأرشيف]

** ديـــــم **

15-08-2001, 11:50

و ظهرت من عيونك .. ليلة ..
لهالدنيا .. لليل و النهار ..
كانت السما زرقا داكنه .. ما .. تغيرت ..
و المباني ساكنه .. الا على الما ..
و في قلوب الصغار ..
كان الطريق خالي ..
و أحجار الرصيف تكسرت .. و قلّت مساحات
الخضار ..
و مدري من البرد .. أو قلة الأصحاب ..
كن الدروب تكوّرت .. على المساكن ..
لكن .. بقى لون الغبار ..
و صوت الفراغ الداكن ..
في هالدروب .. ما تغيرت

ظهرت من جفونك ليلة .. عيونك انثرت ..
دمعك .. و قلبي ..
ليلة يجرحني العتاب ..
ما اكذب عليك .. كنت مشتاق ليلتها و ربي ..
لبيتي .. و لغرفتي .. و لمكتبي مشتاق ..
لأقلامي .. و الأوراق ..
و لقيتها مثل ما كانت
حلم و حروف من سراب ..
و مفرش محروق ..
ليل مثل صندوق .. و فجر بلا أبواب ..
و وسادة ياما الليالي .. استكثرت .. نومي
عليها ..
ما .. تغيرت ..
رديني لعيونك .. أرجوك رديني ..
ما بي أحد .. ما بيني ..
أبي عيونك بس ..
تكفيني .. تكفيني .. تكفيني

:) بدر بن عبد المحسن :)

ان شاء الله الموضوع ينال على إعجابكم :rolleyes:

ماني فيه

15-08-2001, 16:03

كلك ذوق

ولله درك ياشيخه على هالاختيارات الاكثر من راااااائعه

** ديـــــم **

15-08-2001, 17:08

:) هلا ماني فيه و تسلم يا عزيزي و هذا كله من ذوقك :)