انتم عندكم ذا الشعور ---- من جد قلق

[الصحيّح]

بصراحة ما ادري كيف ابدأ بالموضوع
بس هذا الشىء يروح ويجي في نفسي
عندي شعور ابتكلم عنه بصراحة
وتكلمت مع شباب كثير فية
لكن مدري ودي اسمع ارى الكثير منكم
وانا بتكلم من واقع تجربة
وعن الفئة اللى بعمرى وهم المراهقين
بصراحة كثير دايم احس اني اختلف عنهم او عن اكثرهم
واقصد بتعاملاتهم وميولهم واهتماماتهم حتى طريقة كلامهم
الى درجة احس اني الوحيد الغريب بينهم
مثلا اهتمامي الكورة مو مرة
وهم وراها زي المجانين
انا اهتم بالدراسة والمستقبل
وهم اخر ما يفكرون بالشيء:eek:
انا مستحيل اروح وادور على بنات احاول اتكلم معاهم
او اكون معهم علاقات :D << فرحان مالت على هالخشة
وهم يموتون في توقيع البنات في شباكهم
مثلا احب ممارسة مثلا الرياضات الذهنية
كثير مثل الشطرنج وغيرها:cool:
وهم اكثرهم وراء البلايستشن وغيرها
احس انه كثير في حياتهم الفوضوية في كل شىء
وانا ما قدرت اسوي زيهم بالعكس ما ارتاح نفسيا اذا سويت كذا
وفية امثلة كثيرة كثيرة
يمكن الشىء الوحيد اللى جمعني فيهم من دون مبالغة هو السفر
ورجاء بالمرة لاتفهموني غلط
يمكن انتم تعرفون ان المواضيع اللى اطرحها لكم من واقعي انا :)
واضرب دايم امثلة على نفسي لانه ما احب الف وادور :cool:
ولا احب اتكلم عند احد بقدر ما اتكلم عن نفسي
واتكلم عن الشىء اللي احس فية واشوفة
انا اتكلم من جد وبدون مبالغه
بالعكس انا تراني تلافيت اشياء كثيرة
لانه يمكن ما تعرفون البيئة اللى انا عايش فيها
اللى ابغى اوصلة من وراء هالكلام
فعلا لية احنا كذا
لية احس اني وسطهم غريب
لية صار السائد والغالب عندنا احنا يالشباب هو الشىء السلبى
لية صار الشىء الصح هو الغريب
لية فية شباب وبنات بعد يبدون صح
واذا حسوا نهم شاذين وغريبين راحوا وغيروا من طبيعتهم :roll:
وقالو مع الخير ياشقراء
لية قله الثقة ذي بنفوسهم
من جد شىء مزعج انه يكون الغلط هو اللي يعم
ويسيطر على افكار الكثير

مدري وصلت لكم الفكرة والا لا
تكفوون عاد سولفوا معاي عن هالموضوع لانه والله مزعج
ترى انا الصحيّح حليل استاهل انكم تعطوني وجه :p

[maqha_alfan]

الصحيح :roll: هم المفروض اللي يصيروا زيك :)
وصدقني على كثرتهم هم حاسين روحهم غرباء :)
<<< أسأله تراه يعرف كثير منهم :roll:
كل واحد منهم فيه مشاكل نفسية تغطي الكرة الأرضية :)
<<< كييييف؟؟؟ على الوزن صح :D
وصدقني ما وصل الواحد فيهم للحالة اللي هو فيها ألا من مرض نفسي فيه
أنا لثالث ثانوي كنت أحس نفسي غريب :)
بس بيجي يوم وتتعرف على ناس مثلك وأكيد تعرف ناس منهم :)
وكل وليف على ولفه يلفي ;)
وهي الحياة كذا..ربنا خلق أخين ما خلق طبعين :)
وأذا بدنا نتبع سياسة مع الخيل يا شقرة :eek: صدقني حتخرب الدنيا :roll:

يا ابني أنت عندك القولومستقوليفيا :eek:

[الصحيّح]

شكرا مقوي على ردك

تسلم والله قلت كلام حلوووو
بس يامقهوي مالين الارض هالنوعية
واذا انا لقيت يمكن غيري ما يلاقي
بس ليمتى احنا كذا
طبعا انا ما اقول اني توب في كل شىء ابد
انا برضوه احب انسط واعيس الفترة والمرحلة واتمتع فيها
بس اللى اقولة لية ما هو بحدود الذوق
لية احنا زي ما نحب وننبسط ونتمتع في حياتنا بالطول والعرض
لية ما نحب نسوي شىء في حياتنا حلوو ونتعب علية

يسلموووووووووو مقهوي بيك ;)

[maqha_alfan]

مقوي :eek: أنا مضعف :D
وش علينا منهم ماليين الأرض ولا خانقينها حتى :)
أنا اللي براسي بسويه غصب عنهم...ومالي شغل فيهم :)
ولو بقيت لوحدي حتى...أهم شي بداخهم عارفين أنهم غلط :)
وكلنا نحب ننبسط..وطلعات ومشاوير...أهم شي يكون بحدود الدين والعقل :)
<<< لو تجي للصراحة ذا شوي وكانو بيسموه الرحالة الطويل :p
من قالك ما نحب نسوي شي بحياتنا ونتعب عليه؟؟؟
وبيني وبينك...من قالك أن شلة الصيع اللي ماليين الأرض مبسوطين
أنا وأنت مبسوطين أكثر منهم مليون مرة :)
هم يبانوا أنهم مبسوطين وقت طلعتهم ودخلتهم....بس تقدر تقول عليهم برميل خل...تحسه مليان...بس لما تفتحه تلاقيه ريحة خايسة ونصه فاضي :D

ألا عندي سؤال باط شبدي :D
ليه الكادي أشوفها بمن معنا قاعدة ترد على بعض المواضيع...وتقعد ساعة آخر شي ما أشوف الرد :eek: <<< معليش عرق اللقافة نقز عنده :roll:

[الكادي]

اهلين مقهوي:D
-----------------------------
ألا عندي سؤال باط شبدي
ليه الكادي أشوفها بمن معنا قاعدة ترد على بعض المواضيع...وتقعد ساعة آخر شي ما أشوف الرد <<< معليش عرق اللقافة نقز عنده
-----------------------------
8
8
والله وانا اختك مليت
كل ما ابي اكتب
احس مافي شيء جديد ممكن اكتبه
احسني اعيد نفسي
اكرر ردودي بس بطريقه ثانيه
والا
افتح ردود بكم موضوع
واذا قريت الموضوع عشان ارد القاه
ماله داعي واحترامي للاعضاء
او الي ابيه قالوه اعضاء قبلي :(
.
.
قهر انا من معنا مايفتح معااااااااااي:cry:
كنت اول
لما ادخل بنت نت دايركت من معنا
واكثر تواجد اعضاء
ادخله وارد عليه
بس حسافه
الحين
من معنا مايفتح
.
.
______________________________ _
اهليـــــــن الصحيح
هو انك تشعر ان اهتماماتك غير
فشيء طبيعي
بيئتك
تربيتك
ترتيبك بين اخوانك
واشياء كثيره تحدد اهتماماتك
ورغباتك
بس كلها تندرج تحت تفريغ للذات
.
.
يعني كون اصحابك
يشوفون ان تشجيع الكوره شيء مقدس عندهم
وانها التوب بالنسبه لهم
بمقابل انت تعتبره شيء سخيف
مايستحق عمره يضيعه عليه
.
.
تراه عادي
كثير ناس كذا
هي تقسيم من عند ربي
ابدا ترى مو مرض نفسي مثل ماقال اخوي قهوجي
اذا صاروا يحبون الكوره لدرجه الجنون
طيب هم يحبونها مثل حبك للشطرنج
يكون فيهم مرض نفسي
ما اعتقد
ليش انهم بالكوره يشوفون نفسهم
وانت بالشطرنج تشوف نفسك
.
.
------------------------
اللى ابغى اوصلة من وراء هالكلام
فعلا لية احنا كذا
لية احس اني وسطهم غريب
لية صار السائد والغالب عندنا احنا يالشباب هو الشىء السلبى
لية صار الشىء الصح هو الغريب
لية فية شباب وبنات بعد يبدون صح
واذا حسوا نهم شاذين وغريبين راحوا وغيروا من طبيعتهم
وقالو مع الخير ياشقراء
لية قله الثقة ذي بنفوسهم
------------------------
ليه احنا كذا
ليش احنا مو سوا
ليش لكل واحد فينا ميول......ورغبات.......وهبات
مين قال ان السائد هو الشيء السلبي
ممكن اتفق معاكم
انهم يعملون خطاء
يعتقدون انها قمة المتعه
بس من جواتهم لا رافضين هذا المبدا
خاصه
زي ماقلت
لما تسوي زيهم ماترتاح نفسيا
تحس مو هذا انت
كانك تغالط نفسك
والقهر لما الي حولك
يرفضون مبادئك ........
يعني ياتسوي زيهم يا ان فيك نقص
.
.
بس من جهة الهوايات والاهتمامات
زي مو لكل انسان بصمه غير الثاني
لكل انسان اهتمامات واعتقادات مقدسه غير الثاني
واذا بدينا صح بعدين غيّرنا لخاطر مانكون شاذين
وقتها نكون مريضين نفسيا ونحتاج لعلاج
وقتها اكبر دليل ان ماعندنا احترام لذاتنا
وقتها اكبر دليل ان كلمة انسان خساره فينا
اجل اذا فقدنا شخصيتنا ....... لمين نعيش ........ لغيرنا!!!!!!!
.
.
سؤالك الي انا تعبت ادّور على اجابه عليه
--------------------------
لية صار الشىء الصح هو الغريب
--------------------------
اذا لقيت له جواب
لا تنساني اوكي:)
.
.
الصحيّح
انت تدّور على شيء
انا مافهمته
احس
كلامك هذا شوي
ولسه جواتك اشياء ودك تقولها
.
.
لي رجعه ان ربي اراد
.
.
تحياتي.......الكادي

[~Dark Angel~]

تصدق يا الصحيح ان نفس الإحساس فيني :eek:

صحيحووه نفس المخ انا وانت :eek:


المهم:D

يعني تخيل انا عندي مجموعة كنت داايم امشي معها,,
وربي تركتهم شهر واحد بس رجعت لقيتهم كلللللهم يدخنون الا واحد ثنين :eek:

قلت لهم ليه قالوا كل الناس يدخنون :roll:
احسسسهم اغيبا :roll:

كلامهم كله عن السيااراات ومدري مين فحط ومدري مين خمس :roll:
تفاااهة :eek:


والله غبااء مو طبيعي:cry: <<تكفى يا الذكي


امم وش رايك بكلامي ما ادري وش اقول :cry:

[سكون ،،،]

يا حليلكم انتوا الاثنين تصلحون البعض :D
دويرك و صحيحووو اقصد :roll:
مبروك صحيحووو ترى تنفعون أصحاب وين تحصل مثل دويرك ;)
وألف الصلاة والسلام عليك يا حبيب الله محمممممد :roll:
<-- من اليوم و رايح بتلقونلها ردود غريبة زي كذا الين تخلص ثالث :D
صحيح رهيبة هالنشرة في توقيعك حركة ابي اسويها بيوووم :cool:
عقبال اليوم اللي تكتب فيه خبر تفوقك يا رب :)
طيب وصلنا لموضوعك ،،
بقولك شي أول شي ولازم تؤمن فيه و دايم تحطه نبراس قدامك كلما جتك هالافكار ،،
انت مو غرييييييب ،،
انت رهيييييييييب :) <--- عشان الوزن بس :p
هم مو طبيعين ،،
لانه زي ما قال مقهوي كل واحد عنده من المشاكل النفسية الله أعلم بكثرها ،،:(
ادري اش تقصد صحيح يوم تقول غريب :)
بس شوف انا مبدأي مو شرط اكون زيك تكونين زيي ..
كل واحد حر ! ...
يمكن انت كشخة و هم كشخة هالجامع الوحيد بس اش تبي غيره ..!
صحيح بما انكم عيال يعني انت و دويرك بقولكم شي :(
مرة كنت في مجمع في الرياض ابي اطلع من اكسيت في سوق لاكسيت ثاني عشان اقرب طيب ..
كم متر المسافة بس في العقارية صحيح تعرفها ..
ابي اطلع ما قربت عند الباب الا لقيت عشر مستنيني و كنهم بياكلوني :cry:
كلهم شباب كذا اصغر واحد اقدره بـ 16 سنة !
و ربي قمت ارجف و انا بس شفتهم من بعيد عند الباب :roll:
بذمتك ليش يسوون كذا ؟؟
بذمتك دويرك ليش تسوون كذا ؟؟
تبون تخوفون البنات يعني تتسلون و لا من جد ناوين على شي ؟؟
و ربي مو قادرة أستوعب وش هالحركات !!!!!!
مالهم خوات هذولي .. مالهم بنات خالات مالهم بنات عم !!!
صحيح تذكر قبل كم عيد سووا حركة مو طبيعية عند صحارى زمان يوم الاحتفالات اذا تذكر علم دويرك !؟..
هذولي اللي غريب عنهم ياالصحيح ؟؟؟
هذولي اللي مستغرب انك مو زيهم ؟؟؟
هذولي اللي تبي تصير زيهم عشان ما تكون غريب ...؟؟؟؟
اتمنى تكون فهمتني صحيح ! :)
انا ما سردت هالسالفة الا عشان ابي اعرف ..
هم بالضبط رايحين لويييييين ،،
ناوين على ايش ...؟؟؟
غير الحركات اللي تعرفونها من أذية بالكوفي شوبز و عند ابواب المجمعات و سواقين العوايل و حتى بالسوبر ماركتز و الأماكن اللي ما فيها تجمعات :(
ليش طيب فهموني بما انكم تعرفون عالمهم أكثر مني ..؟؟؟
فهموني يطمحون لايش بالضبط ؟؟
و ربي أحزن عليهم ايش نهايتهم هذولي ؟؟
في ......... أو على ريحة الـ ..... أو تحت الـ ......... :(
<-- ذكرتوها بسالفة :(

[maqha_alfan]

مرة كنت في مجمع في الرياض ابي اطلع من اكسيت في سوق لاكسيت ثاني عشان اقرب طيب ..
كم متر المسافة بس في العقارية صحيح تعرفها ..
ابي اطلع ما قربت عند الباب الا لقيت عشر مستنيني و كنهم بياكلوني
8
8
8
أحلى اللي يسوقون :D وفي العقارية :eek:
<<< معليش فاهم العقارية على أنها شارع :roll:

وحتى أنا مرة كذا ماشي بالسوق وكانوا في بنات بياكلوني :cry:
وخفت وبديت أصيح أبي أمي أبي أمي :cry:
آخر شي طلعوا من آكلين لحوم البشر :eek:
قلت أشوى فكرتهم بيرقمون :roll:

[سكون ،،،]

مقهىىىىىى ما تطنز :D
والله جد يخوفون شكلك ما تشوف هالأشكال :cry:
بس كل البنات قابلهم شي زي كذا أكييييد هم اللي بيفهمون :cry:
صحبح من جد ودي افهم ليش تسوون كذا :(
هم يتسلون يزعجون العوايل يعني ..؟؟
و لا من جد ناوين يسوون شي ؟؟
و ربي ما استوعبببببببببب والله مواقف كثير تصير لي و لصديقاتي ما اصدق ان ذولي شبابنا :(
تقوله الصحيح وشهي العقارية ؟؟:D
و لا انا اقلك وشهي العقارية :D
اول سوق فتحوه بالرياض يا قدمي :D
كان واحد بس الحين فيه عقارية 2 و 3 :D
1 و 2 بايخين و ثلاثة بعد :cool:
3 دايم مليانة عيال بنات ما في :p
انا كنت بطلع من 1 الى 2 عرفت يا فهيم :cool:
مقهى سؤال :eek:
انت كل اليوم اوون لاين فهمني شلون :roll:
اجل انت يلاحقونك بنات :eek:
انت لو يدرون انك قهوجي كان يشوفونك يهجون :p

[~Dark Angel~]

هلا سكون:roll:
والله ادري ان انا والصحيح نصلح لـ بعض ما جبتي شي جديد ههههههههههه:D

امم بس من جد,,
اللي يسوون هـ الحركات احس ما عندهم سالفة:eek:
من جد تافهين ما همهم غير بنات العالم والنااس,,
لا وياويلك لو قلت عن اخته شي :roll:

ياكلونك وهذا شرف ولا تغلط على شرفي وفيها مذابح واليوم يا ذابح يا مذبوح:eek:
يعني بت الله عليك هذولي وش نقول عنهم,,؟

هل هم مثاال يحتذى به:roll:
يعني هذولي الشباب التافهين وربي ما عندهم ساالفة:roll:

يمووتوون في المغاازل,,
عندك بنت في الماسنجر عطني رقم بنت مدري إيش,,
هذي سوالفهم:bh:

يقهرووووووووووووون ما ابي ليه ما في ناس محترمين الا شوية:cry:
\يعني بس انا والصحيح بس بس لييه :cry:

بصراحة ودك بـ اللي يحرقهم كلللهم هذووولي:bh: <<بعد بكرة عليه امتحان حااقد:roll:

ثاانكس سكوون:(

[Lonely Girl]

اممممممممممم
انا بنصحك نصيحه ومدري صح والا لا بس لو عجبتك اوكي
لو لا برضه اوكيك..
0
0
0
لاتراقب الناااس واااجد..عيش حياتك زي مابدالك
وهم زي مابدالهم
ترى مو حلو الطبع يصير واحد
وانا ماني زيهم وهم مو بزيي على هوايات او اهتمامات او شي
بتلقى اللي زيك
اكيييييييييييييييييييد
0
0
بعضهم يحبون يخاوونو نااس اكبر منهم لانهم يحبون يستفيدون
وبعضهم اصغر لانهم نضجهم اقل
ومبين انك انت من الاولين
بس استمر على ماانت عليه..
بدون ماتحس انه هالشي عليهم عيب..
او نقد مايعجبك فيهم
0
0
0
هذا اللي عندي وابروح لردك بموضوعي يبيله شرح:eek:
<<ترى حتى ذي من صغرها تحب تشطح بعيد:D

[maqha_alfan]

Originally posted by سكون ،،،
مقهىىىىىى ما تطنز :D
والله جد يخوفون شكلك ما تشوف هالأشكال :cry:
بس كل البنات قابلهم شي زي كذا أكييييد هم اللي بيفهمون :cry:
صحبح من جد ودي افهم ليش تسوون كذا :(
هم يتسلون يزعجون العوايل يعني ..؟؟
و لا من جد ناوين يسوون شي ؟؟
و ربي ما استوعبببببببببب والله مواقف كثير تصير لي و لصديقاتي ما اصدق ان ذولي شبابنا :(
تقوله الصحيح وشهي العقارية ؟؟:D
و لا انا اقلك وشهي العقارية :D
اول سوق فتحوه بالرياض يا قدمي :D
كان واحد بس الحين فيه عقارية 2 و 3 :D
1 و 2 بايخين و ثلاثة بعد :cool:
3 دايم مليانة عيال بنات ما في :p
انا كنت بطلع من 1 الى 2 عرفت يا فهيم :cool:
مقهى سؤال :eek:
انت كل اليوم اوون لاين فهمني شلون :roll:
اجل انت يلاحقونك بنات :eek:
انت لو يدرون انك قهوجي كان يشوفونك يهجون :p
ما فهمت كيف يعني يخوفون :roll:
تبين الصدق ولا ابن عمه :D أمس كنت جالس بالراشد أتغدى مع صاحبي :roll:
المهم صاحبي عنده هواية التدقيق بالأشخاص :D <<< تراها هواية ذي :p
عموما كل ما مر واحد بيرقم وحدة يجلس يتطنز عليه :D
ولا يمر واحد كذا تقولي طالع من مدري فين...يلتفت علي ويقولي شوووف هالشمعة :roll: بدو مين يطفيها بنفخة :eek:
طبعا لبناني...ولسانه طويل :roll:<<< على أساس السوريين لسانهم قصير:roll:
من جد وقتها صرت أطالع وجوههم وأضحك...من جد يخوفون :eek:
ليش تسوون كذا؟؟؟ وأنا وش لي دخل بكلامك ذا :roll:
أنا ولا بعمري تحرشت بخيالي حتى :)
لا شبابكم فيهم البركة ما شاء الله عليهم...ربي يحرسهم من العين :)
صيتهم واصل لبلاد الهند والسند :eek: مع أنهم كلهم على بعض بالصالح والطالح ما يوصلوا 5 ملايين :roll:
ذكرتيني بصاحبي طلع شهر عسل على جزر المالديف :D يصحى تاني يوم الصبح ولا خيال على شباك بيته اللي مستأجره...لحقه ومسكه ولا طلع سعودي :eek: وربي بغى ينتحر...يقول لين هنا لاحقينا :roll:
خخخخخخ تصدقين مع أني كل كم يوم بالرياض بس عمري ما دخل سوق فيها غير مرة وحدة :roll:
بعض ما شفت مطوع سايق حرمة زي نعجة قدامه "طبعا حسب تفكيره" :roll:
وربي يمكن لف وراها المجمع 12 مرة :eek: لدرجة أنا صرت أشك أنه قاعد يرقمها :D <<< ترى ما استبعدها أبدا من كثر ما نشوف منهم :)

أكيد يلاحقوني البنات :) بس مش حعقب عليها لأني بعتبرها تفاهة :)

بس اللي بعلق عليه أني أنا قهوجي والأجر على الله ;)
وأنا عارف من أنا فما يهمني ;)

على فكرة أيش صار على فكرتكم حق البرايفت :)

[الصحيّح]

مقهوي كيفك

لاتدقق يامقهوي ترى اعرف اصيد عليك شوف ذي
(((ليه الكادي أشوفها بن معنا قاعدة ترد)))<<< وش ذا بن معنا
بس خلاص رديت عليك الكادي وشكلها فهمتك
يسلمووووو مقوي :p


-----------------------------


اهلين كاديوووووو

كاديوووو انا عارف انة شىء طبيعي الاختلاف في الميول والرغبات
وانا ماكنت اقصد كذا :roll:
يمكن انا السبب وما وضحت زين لكم
انا اللى اقصدة ليش الاكثرية كل ميولهم ورغباتهم في الشىء الفاضى
ولية هم خلو بناء الشخصية والمستقبل حقهم اخر شىء يفكرون فية
وهذا اعتقد انة ماله علاقة في اختلاف الرغبات بيننا :eek:
بالعكس هي طبيعي زي ماقلتي وانا مقتنع بكذا
وانا لايمكن افكر انه لازم يكونو زيي في رغباتهم وميولهم
انا اذا بفكر كذا بكون ما عندك احد
اقول لك ايها بشكل ثاني
انا لما ضربت مثال على حبهم للكورة وحبي للشطرنج
ما اقصد لية هم مختلفين عني
انا اقول حبهم للكورة شىء جنوني بزيادة يعني
وجاء على حساب شىء ثاني اهم
انا مو ضد انهم يشجعون الكورة بالعكس
انا اشجع الهلال وما نستر يونايتد بعد :D
واشوف مبارياتهم
بس مو على حساب شىء اهم
ولا اقفل اذا انهزم احد فيهم
ما توصل الى ذي الدرجة
--------------------
تقولين كاديووو
ليه احنا كذا
ليش احنا مو سوا
ليش لكل واحد فينا ميول......ورغبات.......وهبات
مين قال ان السائد هو الشيء السلبي
ممكن اتفق معاكم
انهم يعملون خطاء
يعتقدون انها قمة المتعه
بس من جواتهم لا رافضين هذا المبدا
خاصه
زي ماقلت
لما تسوي زيهم ماترتاح نفسيا
تحس مو هذا انت
كانك تغالط نفسك
والقهر لما الي حولك
يرفضون مبادئك ........
يعني ياتسوي زيهم يا ان فيك نقص
-----------------------------------------------
كاديو انا ماقلت انه لية كل واحد له رغبات ... وميول ... وهبات
انا متفق معاك وبدون نقاش انة لابد من الاختلاف
في الميول والرغبات وغيرها
اللى مزعجني هو الحجم السلبي منها في نفوسنا
السلبي منها هو الكبير هو السائد هو الاهم عند اكثر الشباب
الى درجة تحس انك غريب بينهم برغم انه انت الصح
تقولين انهم من جوا هم رافضين تصرفاتهم
ابد كاديوووو هم مو رافضين
صح هم يعرفون انها اخطاء
بس اخطاء عاجبتهم ويستمتعون انهم يسوونها هذا شعورهم
ويمكن انا وغيري ما يقدرون يسوون زيهم
واحنا نعرف انها ممتعه وتوسع الصدر
بس فية شىء من جواتنا يرفض
على قولتك يمكن البيئة والتربية هي السبب

اللي ابغى اقوله
نبي يكون فية تعقل في ميولنا ورغباتنا :eek:
ونبي الجنون والاهتمام الكبير يصير بالشىء اللى ينفعنا وينفع مستقبلنا
هذا قصدي كاديووووووو
كاديو انت لو تشوفيني وانا مع اصدقائي هنا والا هنا بأي مكان
تقولين ذا مهبول ومنتهي لايعرف مستقبل ولاشىء
من كثر الاستهبال والتعليق وغيرة
واذا شفتيني وانا اخطط لمستقبلي مثلا واهتم بالدراسة
تقولين وش ذا معقد وكل همة درس في درس وحياة جد في جد
والصحيح انه كل شىء له وقتة
تعلمت كذا وما اقدر اسوي غير كذا
ولايمكن اني اضيع مع احد وقت على حساب شىء اهم
ولايمكن اني اسي لاحد او اضايقة او حتى امزح معة وانا ما اعرفة
وبس هذا اللى ودي اقولة

كاديوو انتي حاسة فيني فعلا
فية اشياء جواتي ودي اقولها
بس بس بس وش اقووول :cry:

[الصحيّح]

هلا دويرررك

شفت دويرك كلامي
انت معاي صح
اكثر اهتمام الشاب اللى في سننا هو بالاشياء التافهة:(
من جد كلامك صدق دويرك بس مو كلة :p
دويرك مو مشكلة انه نسمع عن اللي يفحطون
ونشوف لهم مثلا اشرطة فيدو
بس مانبي المسالة توصل الى انه نهتم فيهم
ونعطيهم اكثر من حجمهم
وندور على اخبارهم ويمكن نروح نتفرج عليهم
ونضيع اوقات كبيرة وراء ناس مايستهلون
يعني الشىء بحدود وتعقل
وبعدين دويرك يالدب اسكت :cool:
وشوله جايب طاري السيارات
انت نسيت اني اهتم فيها ولاتعلم احد
بس اكيد بحدود وعقل ;)

[الصحيّح]

سكوووونه اهلين

سكوونة لاتورطيني مع ذا الدب
من قالك اننا نصلح :p
لا لاعاد نصلح ونصين مو نص واحد ;)
سكوونة
شكرا جزيلا على اعجابك في جريدة الصحيح
وان شالله بتشوفون الجديد :D
<< مبسوط ممو مصدق انه لقي من تعجبة
يسلمووو سكونه على ذوقك
وان شالله بكتب فيها تفوقي
طيب وصلت الحين للرد عليك
<< ترى ما يقلدها :p
سكوونه انا قلت للكادي مستحيل اطلب انة نكون كلنا على نفس المبدأ
ولاتفهموني غلط انا عارف انه الاهتمامات
تختلف والرغبات تختلف والمبادىء تختلف
بس اللى حارق دمي لية السلبي فيها مغطي وبشكل كبير على الايجابي
هذا اللي قاعد اقووله سكونة
في الموقف اللى صارلك
يعني ذولي اللى طايرة عيونهم فيك
ويمكن لو لقوا فرصة بهذلوك
هم ما وصولو للمرحلة ذي الا ان هالشىء معبي روسهم بالمرة
وماجو الا علشانه
شفتي كيف صار الشىء عندهم
يعاني الواحد يخاطر انة يحرش باي بنت
معناته شاغل كل تفكيرة ذا الشي
وذا كلة على حساب اخلاقهم وسمعتهم
يعني لو جتهم وحدة هزئتهم وبهذلتهم بالكلام
بالله ما يكون موقفهم بايخ
انا يمكن اقبل انه فية وحدة تجيك وتتكلم معك
بادب واحترام وترد عليها بنفس الشىء وينتهي الامر
بس اني اروح اطاردها واحاول اكلامها او اتحرش فيها
والله ما اقدر استوعبها ولا اقبلها :roll:
احس اني اغلط على نفسي مو بس عليها
وفعلا سكوون انا سمعت عن المشاكل
اللى صارت في طريق الامير عبدالله يوم كان الاحتفال
وانة فية شباب فتحوا السيارت على البنات وتحرشوا فيهم
والشرطة ما قدرت تسوي شىء لانة صارت فوضى
والدليل انهم ما سووها بالاعياد الثانية بنفس الطريقة
صدقيني فهمتك
والمشكلة خلوها في عكسهم هم لانهم هم الاكثر

وبعدين سكوونه
لية الغلط .........وش ذا السؤال
((((صحيح من جد ودي افهم ليش تسوون كذا)))))
مو شكل السؤال كانها خلتني واحد منهم :(

سكوونه بقولك شىء
عمر الاشياء الشينة يعني السلبية فينا ما كان لها هدف
علشان نقولك لية

سكوونه المثل يقول اذا لم تستطع اصنع ما شئت
واذا غاب الرقيب وقل التربية والاخلاق ما عاد بقي شىء
اذا تكلمت مع اللى يسوون كذا في المدرسة
يقولك نبغى ننبسط
وغيرهم يقول البنات هم اللى يدورون على اللى يتحرش فيهم
واللي يقول ياخي انت ما تحس فينا طاقات ودنا نفرغها
والعاقل فيهم يقول يارجال نبي نستانس ونعقل بعدين :roll:
بس ترى فية من يساعدهم من البنات خلونا نكون حقانيين :eek:

مافية سبب غير المتعة عندهم
هذا اذا لقو وحدة تعطيهم وجه واظن فية من يعطيهم وجه
واللى ما تعطيهم وجه يضحكون ويتمسخرون عليها
ويمكن يقولون لها كلام مو زين

[الصحيّح]

اهلين لونليه
لونلي ليش وصلتي المسالة اني اراقب الناس
لا مو كذا لونليه
اعقلي انا مو كذا :p
كل مافي الموضوع اني عايش بمدرسة
واشوف واسمع وش يقولون
والمشكلة انهم عيال ناس هااااي
على فكرة هم مو من اصدقائي المقربين
يعني لونلي مو معقولة اغمض :roll:
انا اتكلم عن شىء اشوفة لونليه
ولا وقفت الدنيا علشان هالشىء
هالشىء اشوفة من زمان وحبيت اني اسولف عنة بس
لونلي الله يخليك لاتفهمني غلط اما ما اتكلم عن الطبع
شكلكم ما فهمتوني تمام :cool:
انا قلت للكادي مستحيل يكون الطبع والاهتمام واحد بيننا
كل واحد في الدنيا لابد انة يختلف عن الثاني
ذا طيبعي اعرف هالشىء
واتصور اذا انك قريتي ردي على الكادي والبقية بتفهميني
لونلي انا مو دايم اصادق اللي اكبر مني
ولا هو أي واحد او بالاصح واحد
بعطيك مثل
الحسام اكبر مني يمكن بتسع او عشر سنوات
بس احس انه اقرب صديق عندي
برغم انه اخوي واكبر من بكثير
وفية من اصدقاني ومن سني يتمنون ان الحسام يكون صديقهم
وهو ما قصر يقول انه واحد منا وصديق لنا
بس هم يستحون منه ولا يتجرؤن انهم يتصلون مباشرة فية
المهم لونلي انا ماعيب على احد بقد ما استغرب لية هم كذا
وانا مو انسان كامل بالعكس فيني اشياء
يمكن كثير احسن مني ماهم معجبين في تصرفاتي
لونلية انا مستمر ومتعايش معاهم
ولا فية بيننا انتقادات تسبب حساسيات بيننا

بس انتم تحملوني شوي لاني قاعد اعبر عن اللى بخاطري
وانا تعودت انه ماكتم شىء بنفسي اقولة بدون تردد
والاقي من يسمعني واسمع راية

وانا بعد لونلي بروح ارد على موضوعك ;)

على فكرة بقول لكم شىء مهم
الحسام
الكادي
لونلي
سكوونة
عسوولة
ودويرك بعد لايزعل وش نسوي له واسطة عندي
انتم السبب اني اتحول من مبكشاتي في التبكيش الى مناقشاتي في النقاش

[الكادي]

-----------------------------
انا اللى اقصدة ليش الاكثرية كل ميولهم ورغباتهم في الشىء الفاضى
-----------------------------
تدري ليش
لان ماعندهم مسؤليه
نضرتهم لسه صغيره على مستقبلهم
ناس مرفهه
عندهم مين يصرف عليهم
عندهم من يدخلهم اي جامعه
.
.
وشلون تبي ناس تفكر بمستقبلها
اذا كان مضمون
.
.
طبعا
اقصد كل الطبقات من الفقيره الى الغنيه
كلهم بيحصلون الي يبونه
والله يخلي لهم والدينهم والواسطه
.
.
ولسه تفكر ليش يهتمون بالشيء الفاضي
.
.
رائع الصحيح
يوم قلت شيء فاضي
انت من مليون شاب
مل من هالاشياء الغبيه
انا نفسي اعرف واحد
يكره هالاشياء
على انه متوفر له كل شيء
اوقات يضحك بزياده
بس وقت الجد
وقت ما يختلي بنفسه
يفكر صح
يحب يكون كبير
يحب يفكر مثل الكبار
يحب يعيش انسان كبير
.
.
-----------------------------
اللى مزعجني هو الحجم السلبي منها في نفوسنا
السلبي منها هو الكبير هو السائد هو الاهم عند اكثر الشباب
الى درجة تحس انك غريب بينهم برغم انه انت الصح
-----------------------------
الصحيح
خل ببالك انهم شباب
لسه عايشين بفترة مراهقه
لا تلومهم
تدري عاد
انا متأكده لما بكره يكبرون
ويعقلون
ويتجهون صح نحو مستقبلهم
لما يتذكرون امسهم
بيحسون انهم صغار
تفكيرهم صبياني
بس هذا شيء طبيعي
.
.
انت ممكن كنت غير عنهم
عشان تربيتك غير
انا ما اقصد المستوى المعيشي لان الي ابقوله يشمل كل الطبقات
لا
اقصد ترتيبك
كون عندك ابو وام كبار........الله يخليهم لك...........
بعدين اخو برضو كبير
بعدين على طول انت
اكيد بتشوف تصرف وتفكير الي اكبر منك
وتسوي زيه
او على الاقل
تمشيء على نفس نظامه
.
.
وهذاك انت قلت انك تعتبر الحسام صديق لك
وبعد اصدقائك
يتمنون صداقة اخوك الحسام
.
.
من جهة نظري
اذا عشت انا بجو كل الي حولي
ناس كبار
يعني مافي شباب يحب يستهبل
او يضحك او ما يفكر بمستقبله
اكيد ابصير مثلهم
.
.
--------------------------------
تقولين انهم من جوا هم رافضين تصرفاتهم
ابد كاديوووو هم مو رافضين
صح هم يعرفون انها اخطاء
بس اخطاء عاجبتهم ويستمتعون انهم يسوونها هذا شعورهم
--------------------------------
طيب سؤال
ذولي الي انت جاوبت عنهم
ووشلون عايشين
اكيد
يا انهم الكبار يعني بكر اهلهم
او
عندهم اخوان اكبر منهم
بس اخوانهم اما
لسه شباب ما يفكر بمستقبله
او
اخوانهم كبار حيل عنه
يعني مافي صله كبيره ببعض
وانت واجابتك
.
.
تخيل نفسي
كل الفلوس عندي
مدلل على الاخر
اهلي ما علموني وشلون اخطط لمستقبلي
اي شيء ابيه من مستحيل الى تافه
تحت امري
اهلي ما اسسوني على ان ماحد نافعني غير نفسي
تبي الجد
والله لاحاول امتع نفسي قد ما اقدر
بس النقطه هنا
الطريقه الي استمتع فيها
وين اصرفها
.
.
------------------------
نبي يكون فية تعقل في ميولنا ورغباتنا
ونبي الجنون والاهتمام الكبير يصير بالشىء اللى ينفعنا وينفع مستقبلنا
-----------------------
8
8
برافو عليك الصحيح
.
.
هذا الي نبيه كلنا
تمتعنا لمين شبعنا
نبي نعدّل نفسنا
نبي نعدل بين لعبنا و مستقبلنا
نبي نعطي مستقبلنا
كل طموحنا
كل ابداعنا
كل افكارنا
وكل هبالنا
.
.
الصحيح
لي ساعه وانا ارد
لا تقول اني لسه ما فهمت عليك
.
.
لي رجعه اذا انا الى الحين ما فهمت عليك
لان
يانا
ياموضوعك
.
.
تحياتي.........الكادي

[Be CoOol]

بصراحه كلام روعه
واذا جا عندي كلام جديد
بجي مره ثانيه

[م-ت-ن-ث-ر]

كلامكم جمييل ورائع


لي عوده ;)

[~Dark Angel~]

امم صحيح انا مو قصدي كذا,,
انا قصدي اللي يعيشون عشان كذا,,

يعني انت مثل ما قلت عرض الفديو اوكيه,,
بس فيه نااس يمووتوون عشاان يشوفوونه,,
اممم يسوون اي شي ممكن تتوقعه وما تتوقعه عشاان كذا,,


بس انت كلاامك حلوو مررة
خذ نجمة:star:

سي يو:p

[عربجية]

ألحين عرفتك يالصحيح
وانا اقول صفاتة كنها صفات ذاك الورع الي في حارتنا
تصدقون امه ماغير تجرجره بين ذا المشايخ تقول:منضول
اقول ماتعرف واحد داشر اسمة دحيم؟؟؟إيه هذا تراه أخوي يوووووووه يكثر مايسبك لانك ماتعطيه الواجب عشان ينقلة.
تصدق عيال الحارة مسمينة المعوق لانة مومثلهم مادروا ان ام مصطفى المصرية زوجة مدير مدرسة المتوسطه للبنين عاجبنها ذا الصبي على صفاته (القميلة أوي)********>>>سوري مابه ترجمة:roll:
اقول خلك على ذا الحال يعني ولد مربى********>مربى ولا jam خخخخخ.

;)

[الصحيّح]

مخاوي الغايلة

هلا فيك
مو اخف من اسمك ;)
اقوول مخاوي صراحة انا اشوف اسمك في النادي
<<< اجل وين تبي تشوووفة :p
وودي اعرف وش يعني مغايلة
مخاوي معروفة بس مغايلة ما قدرت افهمها :roll: << ام التناحة

[الصحيّح]

كاديوووو
يسملووو كاديوووووو
تعبتك بالردود;)
بس انا مبسوط انك مواصلة معاي الكلام
كاديوو
فعلا ذا شعورهم انهم محصلين كل شىء
كل شىء بدون تحديد
شعورهم ذا اذا كان بدون تربية صح وفهم صح
بصراحة تخرب الاخلاق واللى وراء الاخلاق

كاديوو
مافية شىء مضمون بالدنيا انا كذا تعلمت
لكن جهلهم هو اللي يخلي عندهم هالاحساس
والمثل يقول الدنيا لو دامت لغيرك ما وصلتك
صح كاديووو
كاديوو تقولين هم في فترة مراهقة
انا معاك وانا واحد منهم
وصدقني اني اعيش فترة مراهقتي بالطول والعرض
وما ابي اتكلم لاني مهما قلت ما راح اوصفك الواقع
انا ما اقول لايعيشون فتراة مراهقتهم بالعكس
اقووول المفروض يعيشونها
بس وينهم من المستقبل
الحياه مو كللها فلوس ووجاهة
الواحد يعجب بشكلك ولما يحتك معاك يلاقي جواتك فاضي
صح مو حلووة
كل شىء تقدر تحصل علية بالفلوس والوجاههة << فهمتي قصدي
الا الثقافة والتعليم اللي تبغى منك ارادة وتعب شوي
الواحد اذا جمع كل ذي الامور اكيد بيكون قمة
ولازم ذي تكون طموح كل اللي متوفرة لهم كل هالاشياء

بالنسبة للي اتكلم عنهم
ذولي كاديووو
احس ان اهلهم يمكن مهتمين بمستقبلهم
اقصد ود اهلهم انه يكون لهم مستقبل زين وحلوو من ناحية التعليم
بس مو مهتمين بتربيتهم
وهنا المشكله
وانا اللى تعلمتة ان التربية والمستقبل لهم علاقة كبيرة ببعض
يعيني اهلي ربوني صح وخلوني من جواتي اقتنع
يعني من حالي اقتنع ان المستقبل مهم والتعليم مهم
واحرص علية واهتم فية من نفسي
بس مستحيل ان اهمل التربية
واجي واقول لازم يكون لهم مستقبل صح
احس صعب كذا
مدري فهمتيني والا لا

كاديووو بالعكس اللى الله منعم علية
من حقة يتمتع ويعيش زي ما قلتلك حياتة بالطول والعرض
لكن بالشكل الصحيح وفي الحلال مو الحرام
وبنفس الوقت ما ينسى الناس المحتاجين لانه واجب علية
زي ما قلتي المهم وين تنصرف

لا كاديووو انا احس انك فاهمتني كثيررر

ومعليش اذا ازعحتك
وصدقيني مبسوط على ردودك

[الصحيّح]

بي كووول

اولا تشريفك شرفنا ;)
وتسلمي على رايك
وانا كنت اطمع اسمع رايك بطريقتك واسلوبك
لانه احس انه انتي فاهمة وارائك حلوووة
بس بتقولين الجايات اكثر صح :p

[الصحيّح]

متنثر
كيفك
حلووو اسمك
وانشالله نشوف رجعتك
شكلك جالس تلملم روحك صح :D

----------------------------

دويرك
بس نجمة بالطبل
تراها ببلاش
كثر منها :p
وانت بعد كلامك زين وحلوو :D

-------------------------------------------

عربجية
كيفك عربجية
والله تشرفنا بمعرفتك عربجية
صح اسمك عربجية :roll:
وش قاعدة تقولين عربوجه
ممكن تعيدين مرة ثانية يمكن ما سمعت زين
عربجية والله مب قادر افهم وش تقولين
قميلة ودحيم وواجب ومصطفي مصرية وش ذا

<<<< :roll: :roll: << ام التناحة عندة