عندي مشكــــــــــــله خاااصه...ام ام..!!

[Lonely Girl]

سلا7777م..شلونكم ياجماااعه..؟؟:o
<<متردده ترى بس بتكلم عادي انفقلوا:eek:
بصر7777حة الله كذا اختكم بالله ملانه...وزهقانه...وعفاريت الدنيا كله طالعه من كم يوم بوجهها:( <<ماتمزح والله توها سكتت :cry:
والسبب..((شخصيتي..)):bh:
الصراااحه انا مليت وربي بقوووه..فوق ماتتخيلون:(
اقسم بالله لاابالغ ولا شي..بس على اني احس نفسي رهيبه الا ان غيري يشوف العكس:eek:
<<تتكلم بجد لاحد يتريق:(
ساعااات واااجد..بشكل ماتتخيلون..اضحى بمعنى هالكلمه..:bh:
اضحى عشااان اي احد..بس عشااان اشوفه مبسوووط...او سعيد...وانتظر بس كلمة يعبر فيها عن شعوره وهو الشكر:eek: وللاسف مااافيه...!!
الشكر مايتعدى لمحة بصر وينسون ويرجعون ولا كأني سويت شي:(
كثر مااخاف على مصالحهم...انصحهم...لكنهم ياخذونها بسوء نيه..!
او يطلعون عيوبي ويقلون اش معنى انتي..!!!
<<بتبكي خلا777ص:eek:
هذا كوم...ومشكلتي لما احاول اكسب ثقة احد كوم ثاااني..!
اسوي المستحيل...بس عشااان احد ببالي يعجبني يرتاحلي...وبالاخير لاحياة لن تنادي..!
<<تعرفون ليش تسعى تكون علاقااات..!!؟ لانها مالها علاقات :eek:
بمعنى اخررر...احس اللي حولي بدون ذوق ..!
ولو كنت وقحه او خشنه بكلامي كنت اقول حلال فيني..!
لكن والله ماني من هالنوعيه...رايقه واسمع لاخر قطره:(
صحيح احيانا يستفزوني خاااصه لما يعترضون على شي فيني...او راي لي ..وانا مااسمع كلامهم...بس عاد هذا شي شخصي...واشياء ثانويه مالهم داعي بكل شي يدخلون نفسهم فيهااا:eek:
<<تكره احد يتكلم بالتفاهات ويركز عليها:roll:
هذي نقطه كرهتها من جد بنفسي..خلاااص مااابي احد:(
النقطه الثااانيه...امممم حولي ناااس ياكثر مايتكلمون عن المبادئ والقيم...الخ
وانا لم اعشق انسان اعشق تفكيره بمعنى الكلمه...!
واثق فيه...وبرايه...!
ولما اؤمن فيه هنا المشكله..!
يترسخ بذهني...الين يجي موقف..واذكرهم باللي قالوه..!
وانصدم يقولون انسي هنا المواقف تختلف والمجتمع غير..الخ من الاعذار..!
اجل ليش تقولون كلام مانتم قده..!
انا ماعندي استعداد اؤمن بشي وانفذ بحياااتي شي ثاااني...!
اقسم بالله اهرج جد ليش الناااس ثافهه لهالدرجه...!
اعوذ بالله لاقلة حياء من الله ولا من غيره..!
ولا احترام للنفس ولا لنفوس غيرهم..!
وياليت على شي يسوى..المشكله اشياء ماتحتاج نقاااش واضحه
:roll:
مدري...انا اش سالفتي..مع هالاشياء..!
امكن ازعجتكم بكلامي هذا...لكن والله معاناتي ومعاناة جيل كثير منا..!
مااحنا عارفين كيف نكسب اللي حولنا..!
نقرا الاف الكتب...! نسمع الاف الكستات..وبالاخير كلمه وحده تحكمنااا
مشكلتنا جيل ضعيف مهزوز ماهو واثق من نفسه..
صحيح نتشطر بس على منو؟؟؟
على اللي زينا بس......!!!
لكن تعالوا عند الناااس اللي اكبر منا...نهجد ولا سوى شي...!
المهم انا كلامي واااجد...ومشكلتي مع نفسي الغبيه الحساسه بزياده..
الهبله اللي ماتعرف ابسط شي تدافع عن نفسها...
ومجرد كلا777م ابسط كلمه تغيره :(

[Lonely Girl]

<<<<متى كتبته ذاا:roll:
<<<<رجاء بطلنا خلا777ص مغلــــــــــــــــــق:cry:

[د. فهد]

Lonely Girl اختاري الصحبه الطيبه وتحصلين على ما تردين:)

وانا اقول شكرا والف شكر على ما فعلتيه لهم وبلعكس فعلك هذا راح تشوفينه بعدين:)

والله يوفقنا جميعا

وقلي من تصاحب واقول من انت:rose:

[the thinker]

الحساسية قد تؤدي بك إلى الاضطراب و مواجهة مشاكل اجتماعية , لكن أود أن أعرف رأيك حول مصدر هذه الحساسية هل هي من الروح أم من الجسد؟
على فكرة أنا أفتخر بأنني حساس لكن الحساسية يجب أن ترافقها الثقة بالنفس (تختلف عن التعنت و التعصب للأفكار ) و يجب أن يرافقها أيضاً "التطنيش" لازم وهي نصيحة نحن في مجتمع متخلف يا لطيف لازم التطنيش .
في رأيي الحساس يساوي وزنه ذهب ((في حدود المعقول ))
ثقي بنفسك و افتخري برهافة حسك (( هيك أحلى للبنت ))

[Lonely Girl]

مشكور فهد..ومشكور اخوي ذا ثنكر ;)
وصلت نصايحكم :o

[ناقه]

هلا والله بلونلي قيرل ...
وحشتينا يالشيخة ....
سلامات سلامات ....انشالله النفسية مضبوطة وما في شي يكدرك ....
انا ما عندي لك إلا نصيحة وحدة وتفسيرها :
خليك على طبيعتك ....
إذا فيه أحد راح يعجب فيك أو تحبين تتقربين له أو لها ...لازم لازم لازم
يحبك ويقبلك على طبيعتك ...
وحتى لو افترضنا انك سويتي المستحيل عشان تتقربين له /لها وصار اللي تبغينه .....إذا هذي مهي طبيعتك...ما حتقدرين تكملين ناهيك عن الضغط النفسي وسؤالك الدائم لنفسك ...لو يدري عني اني كذا ...او مع الوقت واكيد انك بتبطلين مجاملات ....وبتظهرين بشكل غير اللي بديت فيه معاه / معاها ....وبتحصل صدمة لك إذا ما تقبلك ....

بيينما لو كنتي على طبيعتك من البداية وما ضغطتي على نفسك حتى تنالي الرضاء .....في الحالتين سواء تقبلك هالشخص أو لا ما حتخسرين شي ...لانك مرتاحة وانتي تتصرفين معاه ...مافي ضغط مافي مستحيل انعمل عشانه او عشانها ...مافي ندم ....

تذكري ان فيه كثير ناس وقحة في هالدنيا ..ويفسرون الذوق على انه ضعف ...ويفسرون الرغبة في الارضاء على انها تملق غير مرغوب فيه ...

واختم بحديث عن الرسول صلى الله عليه وسلم :" الأرواح جنود مجندة فما ائتلف منها تعارف وما تناكر منها اختلف " .
يعني الموضوع قد يكون مو ملموس ... شي بالروح ....
وعموما قد يكون هالشخص هو الخسران بعدم معرفتك ....
والله يسخر لك ويوفقك ....:rose:

[maqha_alfan]

Originally posted by Lonely Girl
<<<<متى كتبته ذاا:roll:
<<<<رجاء بطلنا خلا777ص مغلــــــــــــــــــق:cry:

عادي كتبتيه لما كنت مب معطيكي وجه :p
وتبي تكلميني ومش عارفة أزاي :D

:p

[cute angle]

اول شي حبيبتي أقوله لج هو أنج تحصلين على رفاق صالحين...و هذا الشي و اللي اهوه الصداقة محد يقدر يعيش بدونها...و إذا كان ما عندج صديقات صالحين او صديقات فأنا صديقتج و الجميع أصدقائج...

حبيبتي لا تحبطين روحج و لا تحطين شي في قلبج تراني مريت في هذه لمرحلة و راحت عني هذه الأزمــة و الحمدلله فنصيحتي لج هو ان تكونين صداقات حميمة مع بنات تثقين فيهم كثير...


تصدقين انا صديقاتي من كان عمري 6 سنوات و اللـــه للحين صديقاتي...

لكن كل اللي اتمناه انج تكونين واعية و تفتحين عيونج الحين و تدورين لج على بنات يمكن انج تكونين صديقتهم...و هذي اللي اتمناه ...بس لا تخافين هم انتي بعد اختي و رفيجتي...


من كذا انا أنصحج كنصيحة اخت لأخت و صديقة لصديقة...


يا الله بااااااااااااااااي...

:rose: cute angle:rose:

[ياسميـنــــــا]

Lonely Girl عامل الناس كما تحب ان يعاملوك
يعني اذا احدى اسدى لك خدمه قولي له شكر
مشكوره مثل الي انتي تبين يقولون لك اياه



ياسمينوووووووووو

[الصحيّح]

لونلي صدق متى كتبتي هالكلام :p
يووووووووووة ما تصورتك بذي الحساسية
تدرين وش اعجبني في كلامك
انك ما تبين الناس اللي متمسكين في مبادئهم
وانت تكون معجب فيهم ينكشفون من اول موقف :(
فعلا احس انه ذا موقف صعب بالمرة
بس الله لايورينا ذاك اليوم
لونلي طيب انتي ما فكرتي انه احيانا اصحاب هالمبادىء
فيه ظروف اقوى منهم تجبرهم على تغيير شىء منها
دوري على عذر بس عذر مقنع وبحدود المنطق اللي نقبلة فعلا
مو عذر علشان ما نحبط منهم ويجيني ضيق نفسي :roll:

لونلي ممكن سؤال
انا اقرا اكثر اللى تكتبين هنا
بس لية احس انه في نفسك نبرة حزن كبيرة
ليه احس لونلي انك مخذولة من كل اللى حولك
يمكن اكون غلطان بس هذا الى احسة احيانا
لاني بصراحة احس انه نظرتك للامور حلوة ومنطقية
وتفكريك رائع وواقعية
كل هذا فيك من وين جاء
انا اسال نفسي من وين لونلي كل الاشياءا اللى انا اشوف انها حلووة
اكيد لازم يكون من ناس حولك ومن بيئتك اللى عايشه فيها
بس واضح انك محبطة من من اللي حولك ومافية احد قادر انه يحسسك ويقويك ويرفع من معنوياتك هذا واضح من كلامك
من جد لونلي احس فية شىء متناقض
يعني انتي تفكريك حلو واللى حولك عكس كذا :roll:
اجل كيف انتي تعلمتي وصار تفكريك بهالمستوى
يمكن فية شىء ما اعرفة وهذا هو اللى اتوقعة
بس الظاهر لي يقول انه في تناقض
سوري لونلي
بس ياليت زي ما شكيتي لنا توضحينة لنا ;)

[~Dark Angel~]

^^اعتبريه ردي عليك:roll:

[سكون ،،،]

الحين انا ما ارد عشان ما ينرفع بعدين :eek:
عيب قالت مقفل يعني مقفل ما تفهمون :o

[Lonely Girl]

ناااقه هنا مو معقوله..
اميزنق..امباسبيول:eek:
حي الله بنت الشيوووخ الناااقه:roll: وين الجمل بس ترى ناقص :D
والله ياطويلة العمر كلامك درر...
وصحيح من اوله لاخره..
بس ساعات الواحد يزهق ويبي يهرج اي شي..
والله يعننا على ناسنا الحين قشرررر:roll:

مقهى..:eek:

كيوت قيرل وياسميا..اشكركم عزيزاتي على الرد الرائع:star:

الصحيح...بخليلك رد لحالك:eek:

سكون شاسوي استفزوني ارد:roll:

[Lonely Girl]

اوكي الصحيح...
اول شي انا الكلام اللي اكتبه هنا اقوله للي حولي..
يعني مو كلا777م نت وينتهي عندي هالشي:)
ثاااني شي ياعزيزي..
صدقني...اني اتكلم احيانا وانا ماودي عارف ليش؟؟؟
لانه الردود اللي بتوصلني اما تشكيك فيني...او باللي حولي..
او استهار بالوضع وكأنه شي جديد بالنسبه لهم..!
خليك معي الصحيح نقطه بنقطه..
اولا الفجوه بيننا وبين الكبار..واضحه...
جيل تربى على التعب والكفاح..وجيل عايش حياه الترفيه..
جيل حازم وحق قرارات..وجيل فلته يبي يعيش الحياه..
جيل متمسك بعادات مهمه ومو مهمه...وجيل متمرد يحس هالاشياء مالها داعي..
يعني التصادم بيننا مستمرررررر وعلى اشياء مااحد يتوقعها...
هذي نقطه..
النقطه الثااانيه...نقدهم لنا على كل شي...
لبس...سيارات...موضه...شعر موبايل اغاني حركات ....الخ
صحيح بعضمها متمره وانا نفسي مااستسيغها..
بس برضه دامهم ماسواا شي غلط ليش العقاااب..
دامه مااثر على دينهم على عقيدتهم على اخلاقهم ليش النقد..!
انا فيني هالصفه...
امممممم لما اؤمن بشي واطبقه..يعتبروني متمرده وعلى اساسها يحكمون على شخصيتي وتعاملهم معي..
يعني ممكن انا بمجتمع محاااافظ صح..!! اتخيل اني وسط هالمجتمع اشوف اشياء من مجتمعات ثانيه عاديه مافيها شي لو سويتها...ويجون هم يحابونها لانهم مااعجبتهم..
اقرب مثال على كذاااا...لباسك مثلا777...
يعني ممكن انت تحب اي شي جديد بالسوق...
تلبس اي شي بس عاد ماتشطح لدرجة انك تخالف دينك..!
وغيرك يبيك تلبس رسمي...عشان الناس لاتقول وتقول وتقول...!
ولما تعاند وتقول مافيها شي وهذا مو حرام...تطيح من عيون الناااس ويعتبرونك مارد متمرد...!
<<<كذا مجتمعنا صح والا لا:roll:
طيب سالوا عن اخلاقك؟؟ادبك؟؟تعاملك؟؟؟
ابداااااا كل اللي فكروا فيه انه دامك انت متمرد على اللي حولك فماوراك خير:)
<<<اعوذ بالله :eek:
شي ثااااني...
انت عفوي...مرح....بسيط جدااااااا
تعيش جوة مجتمع كله ارتباطااات...ورسميااات...ومجام لات سخيفففففففه وانت مو من هالنوعيه اش تتوقع يصير فيك؟؟؟!!!!!!!!!
<<<<<<شفت شلون:eek:
انت سافرت تعلمت شفت اشياااااااااااء واااااااااااااجد
يعني بمعنى كلمة صار عندك وعي واطلاع...
تجي تتكلم بوسط هالمجتمع عن تجاربك...
عن اللي تعلمته وودك يصير...
الكل يحاربك ويقولك قلبت علماني هاه:eek:
او مانبي نقلد الغرب او .............الخ من سخافاتهم:eek:
<<<كلام يطول:bh:
بذمتك تبي تفهمني ان اللي حولك مو كذا؟؟؟؟؟؟؟
ياشييييييييييييخ انا مجربه ناس حولي والا مجتمع كلهم هذا حالهم
نفاق*نفااااق
ومايمشون الا بهالاسلوب
وان جيتهم وتكلمت بصرااحه طحت من عيونهم...
حتى لو كلامك ميه بالميه صحيح
والثقه ماليتك من راسك لساسك بس بتظل بعيونهم مو شي:eek:
طبعا بصفه خااااصه...
والا لو كان فيه خير مجتمعنااااااااااا...
كان اهمل شبابنا؟؟؟؟؟؟
كان طلع هالارهاب؟؟؟؟؟؟ كان اهمل معاناة شعب كامل؟؟؟؟؟
احتياجاتهم؟؟؟؟
كل مين يتشطر على الثاااني..
الوزير على الوكيل..والوكيل على امدير...والمدراء على الموظفين..
والموظفين على الطلاب..........الخ
تفاهه بتفاههه...
اسلوب همجي بالمعيشه...
رسالة مافيه...
دين مافيه...
اخلاق وذوق مافيه...
وتبيني انبسط......!!!
انا اقرا واشوف مأساتنا تقرب كل يوم....
واحس بهالشي وعارفته...
وتبيني انكر واقول مافيه احسن مننا..!!!
بصفه خاااصه بالبيت..
كوضع اجتماعي...
احنا للان البنت تتزوج وهي خايفه من حماتها واخوات زوجها...
والشاب نفس الشي...!
كل ذا وتقول مافيه تنااااااااااقض...!!!!!!!!
صدقني وسووا استفتاء على هالشي....
انه 3 ارباع مجتمعنا معقد ويعاني من الكآبه من وضعنا الاجتماعي...
لانه حتى لو كنت مميز...فانت بهالمجتمع محاااارب
من السلطه الى الشعب...!
اتمنى فهمت وش قلت...
وانتظر تعليقك ...
وهالكلام مايساوي ربع الشي اللي ببالي...:bh:

[الصحيّح]

اوكي لونلي

بعلق على كلامك

بس عطيني فرصة

لان كلامك يحتاج وقت

اكووون فية رايق علشان اقوول اللى عندي

[الصحيّح]

اوكي عزيزتي لونلي

اولا نتقدم بالشكر الجزيل الى مقاكم الكريم
لاتاحة الفرصة للدردشة معكم في هذا الموضوع :p
<<<<< على باله رسمي :p
اممممممممممم اووووووووووه شكل ردك يبغاله رواقة
بس والله شكلك تشعبتي كثير
لونليه انتي تقولين انا ما ابغى ارد
علشان ما يجيني رد يشكك فيني او في اللى حولي
لا لونلي كلامك هذا مو صحيح وخليك معاي
احنا كيف نعرف لونلي او كيف نعرف الصحيح او سكون او ذاك العضو او العضوة
احنا نتعرف عليهم من خلال سطورهم صح
وكلماتهم هي اللى تعكس لنا وش جواتهم
خاصة اذا كانوا يتكلمون جد
او عن اى مشكلة يواجهونها صح
يعني ما وصلت المسالة للتشكيك فيك او في اللى حولك
ترى في كلامي ما جاء على بالى ولا لحضة شيىء اسمة شك
هو في نظرى كان مجرد استفسار يالونلي
وسورى اذا كنت فكرتي انه انا اشككك فيك او في اللى حولك
لونلي انا ما ادري انتي تكلمين عن اللى حولنا والا عن المجتمع
انتي خلطتي بين الاثنين وفية فرق بينهم
اكيد اللى حولنا جزء من المجتمع
بس اللى حولنا يهمونا والمجتمع صعب نغيرة


انا بقولك شىء بالنقطة ذي من واقع ما تعلمتة
قبل ما ادخل في نقاطك
لونلي احنا ما نختلف معاك ان اللى بالمحتمع شىء يضيق الصدر
بس المهم اللى حولنا
اذا الواحد فينا افكارة حلوة ورائعة
واللى حوله نفس الشىء
توقعين انه بيعاني من المجتمع بشكل مباشر
او بالشكل اللى انتي صورتية لنا في كلامك
انا اوقولك لا ما يعاني
لان البيئة اللى عايش فيها واللى قريبة منه منسجمة مع افكارة وارائة
وهو اصلا اخذها منها
وهذا يكفي انها تحمية من الشىء الشين او الى مو عاجبنا
واذا بيأثر علية المجتمع بيأثر بس مو زي تاثير االى حوله وقريبن منه
واقولها لك بصدق هذا فعلا اللى انا حاسس فية بالضبط
احنا نشوف تخلف وسلبيات على كل مستوى تعليم ومستشفيات
وتعامل بين الناس حتى زي حتى الدين ما صار يعملون فية صح
واشياء كثيرة توجع الراس
بس اذا كان اللى حولك انت منسجم معاهم بشكل كبير
مارايح تنزعج من كل هالسلبيات وبالطريقة اللى انت قلتيها
اوكي ذي البوينت حقتي :p

لازم نقرق لونلي بين الكلام عن المحتمع وبين اللى حولنا

خلينا نروح لبوينتاتك << يالله طلعت
النقطة الاولي
صح كلامك الفجوة بيننا وبين الكبار واضحة وكبيرة
وياكثرهم اللى حاسين بكذا
بس تصدقين لونلي انا مانيب حاسس فيها
بصراحة و خليني اكون معك صادق اكثر احساسيى فيها ما تذكر

واتصور والله اعلم انه تعتمد على كل واحد بالحالة
يعني فية شباب مو حاسين فيها
وفية ناس شايفين انها فجوة كبيرة
وناس ثانين يقولون لا يعني

البوينت رقم 2
تقولين نقدهم في كل شىء سيارات موبايل اغاني نغمات .... الخ
انا شايف انه انتي في ذي النقطة والنقطة والاولى تتكلمين عن اللى قاعد يصير من اللى حولنا
اللى هم يااهلنا او اقاربنا خلينا نسميها البيئة اللى القريبة منا
يعني مو ممكن يكون المجتمع بهذا الشكل
طيب انا شايف انه ذي الاشياء السيارات
وتغيير الموبايل والنغمات والموضة هي منشرة كثير في جيلنا على قولتك
ولو كانو اللى حولنا ينتقدونها
وماهو عاجبهم اكيد لازم يغيرون هذا الواقع صح
والا بحس انه فية شىء مو صح
طيب وجودها وبشكل كبير بيننا يدل ايش
يدل على ان اللى حولنا متفهمين انها مرحلة وبتعدي
علشان كذا هم ما نشوفهم يصرون على انهم يغيروون اللى احنا عايشنه
تدرين وين المشكلة لونلي
اذا كنا احنا يالشباب تاركين حياتنا واهتماماتنا في ذا الشىء
يعيني على اشياء ثانوية
اذا كان كذا معهم حق مو بس ينتقدونا
لا معاهم حق انهم يجبرونا على اننا نتغير
لكن اذا هم شايفينك انسان جالس تبني حياتك ومستقبلك بشكل صحيح واخلاقك توب وتتعلم وتثقف بنفسك ومهتم ان تكون ذوق واعي اكيد مارايح يلتفتون على تصرفاتك واهتماماتك الثانية
حتى لو كانت مو عاجبتهم لانة بيقولون ذي فترة وبتعدي
وخلية يعيش عمرة ما دام انه مهتم بالاشياء الرئيسة وحريص عليها
يعيني لاتكوني حاساسة لونلي
من أي كلمة تسمعينها
خلني بقولك موقف ونلطف الجو
<< ما يحب الجو الجدي على طول
مرة دق الموبايل حقي والنغمة كانت لاغنية مصرقة شوي << مب قايلكم وكانت الوالدة جالسة عندي وانتقدني ليش انا حاطها
وهي جالسة تنتقدني قمت ورقصت عليها
واطالع فيها بنص عين كذا
وجلست بالاخير تضحك
يعني هي عارفة حدودي في هالامور
وانا عارف انها فاهمتني علشان كذا ما صار مشكلة
والحسام نفس الشىء
احيانا يعلق علي بأشياء افهم منه انها مو عاحبتة
بس الحسام ماعمرة انتقدني بشكل جدي
لانه مجرد ما يعلق علي يضحك
اللى ابغى اصلة انه اذا البيئة اللى انت عايش فيها
متفاهمين وفاهمين بعض تمام خلاص
ولا اقصد انه تكون ذي البيئة العائلةبس
ممكن تكون اللى حولك بشكل عام
لونلي اتصور انه ارضاء الناس شىء صعب
يعني خليك من المجتمع وركزي على االي حولك
اذا البس مو حرام وما لع علاقة بالاخلاق
خلاص الى يهمك اهلك واذا هم نفس قناعتك اعملية
والمجتمع ما عليك منه
يعني انا اتصور انه الاهل ما راح يكون مختلفين عنك
لانه انتي اصلا طالعة من وسطهم
وبصراحة الناس اللى ما اعرفهم
ولا يعنوني بشي ليش انا اعمل حسابهم واهتم لانتقداتهم
اللى يهمني اللى حولي وبس واذا بناظر خاطر مجتمع بكبرة
بشيب بيومي ويمكن اموت بعد

تقولين لونلية
انت عفوي...مرح....بسيط جدااااااا
تعيش جوة مجتمع كله ارتباطااات...ورسميااات...ومجام لات سخيفففففففه وانت مو من هالنوعيه اش تتوقع يصير فيك؟؟؟!!!!!!!!!
اما ذي لونلي والله احس انك تتكلمين عن نفسي
بس شوفي انا اخذها مو بعاطفة يعني
ولا انظرلها على انها مجاملات ابد
انا ما اجامل اهلي يمكن اجامل اصدقاء ناس بعاد عني
اما اهلي نوووو وي
لاني انظر لها من ناحية ديبنية
يعني الارتباطات الرسمية اقول طاعة والدين وواجب على اني اسويها
وهذا من البر فيهم والاحترام لهم
وترى من الغلط انه ما نسوي الا اللى يعجبنا بس لا مو صحيح
صح ممكن اني اتذمر منها بيني وبين نفسي او اعلق عليها عندهم
بس مو معناتة اني ما اسوي اللي يبون احترام لهم وبر فيهم
هذا رئي بذي النقطة
شوفي لونلي انت خلطتي بين شيئين في ذا الموضوع
والا يمكن احنا ما فهمانك مدري
بين عادات مجتمع وبين الناس اللى حولك ودخلتينا بالسياسة والشعب والسلطة ومدري ايش يعني خلطتي الدنيا خلط
مدري يمكن ما فهمناك
بس اللى اعرفة انه اللى حولنا شىء
والمجتمع شىء ثاني
حتى لو كانو مرتبطين مع بعض :cool:

[عاشقـة سـراب]

8

8

8

أووف كلامك طوووويل .. :roll:

[Lonely Girl]

..هلا الصحيح..:)
اول شي شوكراااااااان على كلامك..بصراحه استفدت منه حيل..
ومااخبي عليك كل اللي قلته منطقي مليون بالميه..
وانا عارفه هالشي:o
<<بتبدا بلكن هههههههه:p
لكن من جد انا يوم تكلمت بتشعب على قولتك وخبصتها خبص..
فانا تكلمت عن اللي ببالي بدون ماانمقه وارتبه..
وامكن ماتجاوز ردي لك العشر دقايق..:eek:
عشان كذا حسيته بهالشكل..
وامكن لاني تكلمت بعد عن الناس اللي حولي..
من اهلي وناااسي..وعن المجتمع الاكبر..المحيط بي بالجامعه من طالبات وادارات وغيرها..:)
عموماااا الشي اللي قلته انا صحيح موجود..
لكن دامك تبيني اتكلم عن الناااس المحيطه فيني..
واشلون انا معهم..
فشـــــــــــــــوف...
انا شي طبيعي ماطلعت بهالشكل اللي من التربيه..
وطبيعي جدااا ان كل فكره براسي او طريقه اساسها تربيتي..
وصحيح احنا متفقين الحمد الله ومابينا اختلاااف..
ولو كان فيه اختلاف فهو مايتجاوز نسبة ال 5%
انا الصحيح مااعاني مشكله مع اهلي والحمد الله...
وان عانيت مشاكل بسيطه فانا اكبرها لسبب واااحد..
((احساسي بمدى وجوب رضاهم عني مهما كان..فما يهون علي زعلهم على امور تافهه ماتحمل منهم كلمه )))
الصحيح ساعااات الواااحد برغم كل اللي حوله يحس نفسه ضعيف ليش؟!؟!
ضعيف قدام اي كلمه هم يقولونهاا..حتى لو عاديه؟!؟!
يشيلها بقلبه وشي على شي خلا7777ص ماعاد يحتمل..
اتخيل انك تسعى للكمال وتلقى نقد...!!!
اكيد بهاللحظه بيجيك شي من الاحباط واسالني انا..!
مشكلتي دوم ابغى نفسي صح...واحاول ارضي اللي حولي خصوصا اللي اعزهم..
لو احصل نقد حتى لو بسيط وهو منطقي اتضايق :roll:
خصوصا لو كان بشي من طباعي لانه صعب تغير الطبع:roll:
بالنسبه للوالد..والوالده...فهم الحمد الله راضين عني مليون بالميه..
واخوي بعد واخواتي...
بس لما اكبر الدائره شوي...واخليا تشمل بعض الاقارب..
فهنا تبدا المشاكل...
وانت عارف ان الاقارب مهما كانوا فهم مهمين لنا..
اتخيل انك تحس بتصرفات مالها تبرير من بعضهم..!
تحس بحسد او غيره او ناااس ماتتمنالك الخير..!!
وقتها اش بيكون شعورك:eek:
<<<مشكلتها تفهم نفسياتهم قبل ينطقون:roll:
يعني اعرف يوم الوحده تضحكلي من قلبها او تبتسم مجبوره:bh:
طبعاااااااا مع كل هالشي اللي قلته...
ومع النقد اللي قلته...
سواء باللي حولي..او بالمجتمع الكبير...
الا والله اني مبسوطه...وانبسط ازود يوم احس فيه ناااس طيبه بريئه ...
ناااس عفويه ممكن اضحك واقولها اي شي وماتحط ببالهااا...
ناااس ممكن انقدها او انصحها وماتقولي اسكتي بس من زين تصرفاتك:roll:
او اشوف ناااس تحكم على الشكل :roll:
<<<ماتحب هالنوعيه
تعرف الصحيح لما تعيش بجو عائلي بسيط...وفجاءه يتسع الجو...وتشطح لجو مو جوك...هنا :roll:
انا بصراااحه ولدت بسيطه...وعشت معهم بسيطه...ومستحيل اغير طريقتي فجاءه واصير زي الباقين اللي حولي:roll:
<<<تذكرت كليتها ام الفشخره :bh:
عموما الصحيح...
اشكرك من قلبي على سماااعي...
وتاكد انه ودي اهرج...بس للاسف لازم تعرف انه الخوووف محاصرنا بكل مكاااان حتى هنا...
لسبب وااااحد...
انه ممكن نعيش احنا على فطرتنا وغيرنا يدنسها بخبثه:)
:bh: :bh: :bh: :bh:

[الصحيّح]

اوكي لونلي

كلامك الحين اكثرة حلوووو
واضح انه انتي فهمتيني وانا بعد فهمتك
يعني باختصار
اللى بعاد عنا ما لنا علاقة فيهم ينفقلوا اعجبتهم تصرفاتنا والا لا
اذا اهلنا واللى قريبين منا احنا منسجمين معاهم
ولا أسأنا لاخلاقنا وديننا خلاص ذا هو المهم
شكورين لك انت لونلية على الدردشة معاك

[Be CoOol]

لالالالالالالالا
لالالالالالالالالالالا مو معقوله لونلي
وش هالكلالالالالالام لاحول الله:(
انا راضيه عنك :D
واذا معك القمر مالك ومال النجوم;)
===عارفه درت فعلك هههههههه

[حزم_الضامي]

اختي لولني..


انا تصير معي نفس الحكايه.. بس بدل التضحيه .. فيه حاجه حطيها اسمها اتنازل .. يعني امشي..



انا آدمي ... مشكلتي هي اني ابي الناس خاصة المقربين الى قلبي يسوون معي مثل اللي اسويه معهم من امور فوق طاقتي عشان راحتهم..


يعني .. اسوي حاجات ماكانوا يحلموا اني اسويها عشانهم والمشكله اني انتظرهم يردونها لي .. بس مافي شي..

والمشكله يمكن ماتصدقي في ناس تضايقت من هالشي...


وفي واحد اذكره طلب الانافصال.. يعني انا بطريق وهو بطريق .. ليه؟ قال... ماكنت مرتاح.. لطريقتك... كنت كاتم في نفسي والان حان الوقت لأني اقولك..



لا والداهيه الكبرى اني ازعل من ادنى تصرف يعملونه معي... اقول في نفسي معقوله انا خويه الروح بالروح ويسوي معي كذا ماتذكر ذاك اليوم ايش عملت له وايش سويت له..


اكتشفت لاحقا وطلعت بنتيجه ان الانسان اللي ادور عليه... اقدر الاقيه بنسبة 1 من 20 .. هذا في حاله كنت اجتماعي يعني كل شوي تعرف 20...


عشان تكسب عالم مقربين لك..

اعتقد نفس حالتك.. هي اللي معي...


ولكن ارجع وأقول الثقل صنعه والله... لا ترمي وجهك للناس... عشان مايقولون.ز هذي خفيفه.. هذي بنت تدخل في اللي مالها خص فيه.. هذي بنت ملقوفه...

حتى لو كانت تضحيه والله ماتدرين... تسمعي كلام مثل كذا.. وتتفاجأي



اسف ان كنت طولت عليك




حزوووووووووووووم العائد بقوه( حزوم الاستقعاد);)

[Lonely Girl]

اوكي...كلامك حلو حزم الضامي..:)
بس مو معناته الانسان لما يعرض مساعداته ملقوف او خفيف زي ماتقول...
سبحان الله فيه ناااس ربي يسخرهم للخدمه...
لشي واااحد...
انه فيه غيرهم مجحفين مايعرفون شي اسمه العطاء..
هالنوعيه من الناس اتمنى اكون منهم...
حتى لو مو الحين..
اتمناها مستقبلا لما اكون مستعده بكل شي...
<<<حرب شكلها:roll:
بس هذا رايي اللي مقتنعه فيه:star:

بي كول اش بلالالالاك علي:cry:

[دخـــون]

السلامو عليكم بالاول
ثانيا انا مشارك جديد في المنتدى وحبيت تكون مشاركتي الاول عبر موضوعك لاني حاس انك تواجهين مشكله يواجها كل شاب أو شابه مثقف على الثقافه الغربيه.
انتي يبدو لي انك مطلعه وبشغف علىالثقافه الاجنبيه (بحكم مستوى لغتك انا اشوف الشي هذا فيك ) وهذا هو بيت القصيد في مشكلتك اذا جاز لي التعبير هذا ما يعني ابدا ان وجهت نظرك عزيزتي غلط ابدا لكن الغلط انك تشوفين الناس هنا لازم يكونون مثل برى (مو مستحيل ) لكن نحتاج لوقت ويمكن كثير علشان ناصل مواصيلهم. على العموم انا شخص احب البساطه الاوربيه في الحياه وشفافياتهم بعد وصدقهم ومساواتهم وغيرها كثير انا اشوف انها اشياء تشد انتباهي لكن صدقيني يوم ناصل مواصيلهم اشياء كثيره حلوه راح نفقدها . وانتي مثل ما هو واضح لي من كلامك انك تتكلمين عن التعاملات بين الاشخاص برى صح؟ على العموم حنا لازم نعادل بين الصورتين يعنى ناخذ الحلو منهم ونتمسك بسنوننا بالاشاء الحلوه اللي فينا .
كلمه اخيره حاولي ما تفكرين كثير بطريقه تعاملك مع الاخرين ولا تلومين نفسك انا ليش قلتل كذا او كذا لكن حاول انك تعدلين شيء ما ارظاك انك سويتيه اذا كان ممكن تعديله واذا ما يمكن فانتي خليك على طيبتك وبفنك في التعامل وما عليك من الاخرين وش يقولون او وش يفكرون .
شكلي طوولت اتمنى الفكره وصلت وشكرا على قراءت ردي مع السلامه :)

[الذات البريئه]

لونلى جيرل
مشكلتك مشكلتنا جميعنا
انتظرينى لى رجعه معاك
الذات البريئه

[هروووب]

مرحـــبا lonely girl

عزيزتي00الموضوع اللي طرحتيه مشكله لكثيرين غيرك ومنهم أنا:cry:
بالنسبه للتضحيه هي شي رائع واصبح قليل00جميل انك تضحين من أجل سعادة الاخرين00 ويدل على انك انسانه تحمل بداخلها الطيبه والقدره على العطاء وتبادل الحب والمشاعر مع الآخرين00بس لازم تسألين نفسك هل الشخص يستاهل التضحيه؟؟
للأسف عزيزتي احنا بداخلنا مبادئ وقيم صحيحه واحنا مقتنعين فيها بس اللي حولنا يعارضون ويطلبون منا تغيير هالمبادئ بحجة اختلاف الزمن والمجتمع والمواقف00وقد نضطر لتغيير مبادئنا عشان ما نحس انا احنا غير وعشان ما ينظر لنا الغير بان احنا شاذين00
الشئ اللي انت مؤمنه انه صح ومقتنعه فيه نفذيه وما عليك من احد00لانه صعب الانسان يكون مقتنع بشئ ويسوي شئ ثاني!!
والاصعب اننا نتبع غيرنا رغم انهم على خطأ عشان نكسبهم00
عزيزتي انت بنفسك قلتي ايش مشكلتنا وهي اننا جيل مهزوز وغير واثق من نفسه للأسف00كلامك دال على انك انسانه واعيه ومدركه للوضع من حولنا00أدركت التناقض في الناس وبين اللي يقولونه واللي يسوونه وان اللي بداخلهم غير اللي يظهرونه00
ولــك منــي كل الشكر والتقدير000:)

[Lonely Girl]

دخون هلا فيك..:)
احترم وجهة نظرك بس مااعتقد انه املي بالتغيير هو السبب..!
لانه انا رحت ولا جيت بنت هالبلد وكل من حولي كذاا..مثل مالالمجتمع بهالحال..!
لذلك استبعد فكرة تأثري فيها انها موصلتني لهالسلبيه..!
صحيح ماانكر اعجابي بكل شي يخصهم طبعا بحدود العقل والمنطق...لكن هالشي مايعني يأسي من الحياه هنا..
بالعكس انا طموحه للتغيير..اللي بدايته مني..
ومن اللي حولي...
ومااخبي عليك اللي يشوف الحياه هناك يجيله شويتين احباط..:o
بس مو لدرجة ان علاقاته تخرب:roll:

هلا الذات البريئه..انتظر ردك:)

مرحبااا هروب..حياك عزيزتي:)
اولا مشكوره على ردك الحلو..وصدقيني انا عارفه انه الكل يعاني من هالشي..
بس الغريب بالموضوع..
مادمنا كلنا حاسين بهالشي ليش مانتقدم؟!؟!
ليش للان علاقاتنا خربانه..!
دامك انتي وانا وكل من رد قالوا انهم نفس الحال..اجل وين المشكله بالضبط:eek: