حديث نفس ، في وقت مالي نفس أحكي فيه....

[هلا]

هل النفوس الضعيفه ....

هي اللي ورى اشياء كثيره ، منها شربكة الأحداث عن طريق إخفاء الحقائق...

أو الكذب اللي ممكن تترتب من وراء مصايب؟!؟

ودي اطرح تساؤلات ... قصيره ؟!؟ أو يمكن طويله....

اللي أبي أعرفه :

كيف الانسان يقدر يكتشف انه يتعامل مع ناس نفوسها ضعيفه؟

وكيف يكتشف لو كان هو نفسه من أصحاب النفوس الضعيفه؟

وكيف يقدر يروضها - اللي هي نفسه - لو كان من أصحاب النفوس الضعيفه!!!

وكان بالطبع من الأشخاص اللي تجيد فن الخداع!

ومن الأشخاص اللي تتلاعب بكل شي حولها في سبيل تحقيق مصلحتها الشخصيه!

الأشخاص اللي ملمسهم ناعم ويظهرون لك الإخلاص وهم في الواقع شي مختلف!

كيف تتكون المبادئ عند الإنسان؟

وكيف هالمبادئ تتغير؟

هل تتغير عند الإصطدام في جدار الزمن القاسي؟

أو عند الطموح الجارف اللي يبي يحققه بأية وسيله؟

كيف ممكن اننا نتغير من الأفضل للأسوء بسهولة؟

وكيف لما نتغير من الأسوء للأحسن نحس بالصعوبات ونحس بالألم؟

ليه لما تكون مؤمن بمعتقدات نبيله ... تتهاجم... وتبعد عنك الناس؟

ولما تؤمن بمعتقدات سيئة نتحط فوق الروس والكل يتقرب لك؟

وله حسابك في البنك هو اللي يتحكم فيك مم انت اللي تتحكم فيه؟

ليه اصبح الحال أسير الماده؟

ليه الماده اصبحت سيدة الموقف؟

ليه الحقيقه مره ، والكذب مباح؟

ليه نغفل أشيا جميله ونتحاشاها وهي ممكن تسعدنا؟

ليه ندور على اللي يتعسنا؟

حديث نفس ولو انه خنقني لكنه رغم عني حقيقه في الأول وفي الآخر.......

والحقيقه الأمر ، مو بس نفوسنا اللي ضعيفه

واقعنا أضعف وكل يوم فيه نكون من أضعف إلى أضعف إلى أضعف إلى ......

ما أقول إلا : الله يلطف فينا .....

العذر والسموحة لو كان التعبير خاني... ولا هي أول مره:(

[Lonely Girl]

اخس يابنت نت اتاريك مانتي هينه:eek:
وبعدين هذا مو سؤال هذا طعشر الف كويسشنز:p
نبدا بالجد احسن:eek: <<بس قبل باقولك شي لاتقطعينا تراك روعه:h:
_________________________
بالنسبه لسؤالك كيف ممكن نعرف اصحاب النفوس الضعيفه..فالجواب انه حبل الكذب قصير..كذا والا كذا لازم تعرفين مدى تلاعبه..بس المشكله لو خسرتي شي وبعدين بداتي تستوعبين السالفه ومافيها..!
انا عني بصراااحه هذي مشكلتي اثق بالناااس بسرعه واقول اي شي عااادي..وقد مااكل من علقااات لكن مستحيل اتغير خلاااص صار طبع فيني..! كثير ناااس اعرفهم ينصحوني يقولونلي انه هالايااام لازم نتوقع الشر من اي احد..بس والله مااقدر كذا اتعامل مع الناااس بحذر ابدا..مدري عاد امكن تتسمى سذاجه لكن اعترف فيها:roll:
وبالنسبه للسؤال الثاااني اللي صعب اجاوبك عليه اللي هو شلون نعرف انه نفوسنا ضعيفه زيهم..فهذي المصيبه بحد ذاتها..لانه انا ممكن الان اقول هالكلام وغيري يشوف العكس فيني فيقول والله تراك من جنبها..لكن مافيه شي اقوله غير لابد نراقب نفوسنا ونعترف باغلاطناا ومانخلي لكل مشكله نعملها شماعه نعلق عليها اغلاطنا...!

اما كلامك الباقي..صدقيني يابنت نت انه انا وانتي وكثير اسمعهم يقولون هالكلااام...وكلن شايف نفسه البرئ...! اجل معقوله من فين تجي المصايب لو كل مين حس انه طيب وحبوب وانه المظلوم..!
هذا اللي ابي اعرفه..!

تحياااتي لك..والكبير كبير بنت نت بنجاحه بحياته ومو مهم راي الكل فينا دامنا ماشين صح:h:

[الهديب]

هلا بنت نت .. حيالله رئيسة مجلس الإدارة ... كيف حالك . عساك بخير

والله يا بنت نت انا وال مرة ارد على مواضيعك .. ؟؟ كنت اشوفها .. بس ما اقدر ارد .. لأن اكثرها مكتوب عليها مغلف . ( امزح معك ) .

================

انا يا بنت نت .. قريت موضوعك .. هذا وصراحه اسألتك كثيرة .. بس اعتقد انها كلها تتلخص في ثلاث اشياء .

1- حب الذات

إللي يخلي الشخص انه يكذب على شان يرضي ذاته .. ويستفيد من كل شخص بدون ما يقم اي وزن للأنسانية .. ويدوس على مبادئة على شان يوصل للي يبي .

2- المضاهر الكذابه .

الناس تعودة انها تعيش على مستوى معين .. فا تضطر انها تمثل على شان تواكب المجتمع .. وهذا التواكب كله خيال في النهاية .

3- المال .

المال هو ما يحدد مكانتك الان في المجتمع .. لذلك من معه يعيش ومن ليس معه يضطر بأن يكون من طبقة المظاهر الكذابه على شان يعيش .

هذي جواب لأكثر استفساراتك .

=============

اما تغير من الاحسن الأسواء فهذا .. شي الله سبحانه وتعاله جعله سهل .. حتى يعرف من هو المؤمن القوي والمؤمن الضعيف .

مثال بسيط عن المدرسه :

من السهل ان ترسب في جميع المواد .. ولكن من الصعب ان تنجح يجب ان تجد وتجتهد .. ..

من السهل ان تخسر كل اصدقائك .. ولكن من الصعب ان تكسبهم كلهم .. وان تكون محبوب بينهم ..

هذه هي القاعدة يا بنت نت .. ؟

اما ضعاف النفوس : فهو الوازع الديني .. وكذالك عادات المجتمع .. التي يفهمونها خطأ مثلما قلت في اول كلامي .

اتمنى بأن اكون قد استطعت ان اوصل المعلومه :

اخوك : الهـــــــــــديب