ابكي على ما جرى لي ..

[s_algharabally]

تمر الايام و الليالي .. و لكل منا مشكلته الخاصة .. هذا مع اصدقائه و هذه مع شقيتها .. و من هذه المشاكل التي نمر بها في ليالينا العادية ..

و لكن انا .. مشكلتي انا .. مشكلة حاولت التخلص منها بكل السبل و لم استطع ..

انها امي .. نعم امي .. دائما ما كنت افعل ما يرضيها .. و لكن تفكيرها .. لا ادري ما باله .. انها تلك الام التي كانت لا تخرج من المنزل الا بالضرورة القصوى ... و الآن .. و ياليتني الآن مت .. انها من الذين يهتمون بالموضوة (( المكياج و عمليات التجميل )) ما الذي ستبقينه الى الافتيات اللاتي هن بسني !!

لا اعلم .. و لكن معاملتها اصبحت .. لا اعلم كيف اوصفها .. الجميع من في المنزل مستاء من تصرفاتها .. تضرب هذا و تسب و تشتم هذا .. و انا الآن سوف اكمل الشهر و انا اما في بيت جدتي .. و اما في غرفتي مع كتبي المدرسية ..

لانها صرحت لي بانها ترتاح لعدم وجودي .. و ها انا ذا اقوم بما تريد .. و لكن ان قلت اود الذهاب الى بيت جدتي .. تقول لي .. حلم حياتك .. و كذلك ابي ..

فلا ادري ما الذي افعله .. امر بهذه الضروف و آمل ان تحل .. و لكن .. لا حياة لمن تناجي ..

تقبلوا تحيات اختكم الشاكية ..

الطير اللطيف ..

:cry:

[عاشقـة سـراب]

لاتستأيين لوضعك عزيزتي :)
بيدك انتي الحل .. بس اصبري شوي .:)
كان من المفروض انك تكونين بالبيت ..
لا في بيت جدتك .. هذا بمعنى هرووب ..
تهربيين من الحل ..

أنا برأيي انك ترجعين بيتك ..
واذا امك وابوك عارضوا .. بكيفهم ..
لانه وصلت الامور لحدها ..
دام انه في طردة من البيت ..
انتي هالبيت لك حق فيه ..
تأمرين .. وتنصييحين ..
حاااولي تتقربين من امك أكثر ..
يعني صيري اخت ..
حلوة الاخوة بين الوالدين ..
بكذا داام امك على هالاشياااء اللي تسويها ..
حاولي تفهمينها انه ممكن هالشي يسيء لها ..
اذا طلعت من بيتها وهي كذا ..
فهمي أبووك .. وشحالة امك ؟؟
صحيح مو غلط الام تتكشخ وتتزين ..
بس في امهااات يزودونها ..
انا عندي صديقة كذا ..
امها زيك ..
تسوي لها حركات بشعرها .. وتلون الوااان فسفورية ..
وين الناس ..
ووويييين العقل ؟؟
والله الهادي :)

[ياسميـنــــــا]

انتي حاولين انك توضحين لها انها على خطا بس
اختاري الوقت الي تكون فيه مرووقه ولا تصرحينا لها خليه على شكل مزحه
وصدقيني ماقلت لك كذا من قلبها
جربي تمرضين وشوفي حاله كيف راح يصير

اختك
ياسمينا

[s_algharabally]

تسلمين اختي عاشقـة سـراب على ردك ..

لكن .. انا موجودة بالبيت .. بس مو معاهم ..لا بغرفتي ..

و انا حاولت بشى الطرق اني اتقرب ..

لكنها تقول و تبعد ..

و الله الهادي انشاءالله ..

تقلبي تحياتي ..

الطيراللطيف ..

[s_algharabally]

تسلمين اختي ياسميـنــــــا على ردج ..

لكن .. انا ماحاولت اني اتمريض ..

انا مرضت عن جد .. و لكنها لم تهبأ لي .. بل اتمت اتصالاتها ..

و خرجت .. و شوفي شلون .. صديقاتها يقولون لها .. روحي البيت بنتج مريضة حرااام يمكن تحتاج شي .. و الله العظيم ما اكذب عليج .. قالت عندها الخدامات .. و الخير واايد بالبيت عندها ادوية الاكو و الماكو .. و انا متكلة على الخادمة ..

شوفي شلون ..

تقبلي تحياتي ..

الطير اللطيف ...

[شموووع]

مساء الخير اختي

تعرفين انا حالتي امي مثل حالتك شوي الي هي المراهقه المتاخره وانا عرفت لها صدقين ماراح تتغير الا بعد ماتتعدى ها المرحله الي الله وحده يعلم متى بس احسن طريقه انك ما تدققين في تصرفاتها حاولي انك ماتلتفتين لها وطنشي كل تصرف مايعجبك لانك اذا دققتي في تصرفاتها والله راح تتعبين مثلي بس لقيت هذا انسب حل وعرفت انها مرحله لازم تمر فيها فحاولت اني اعدي كل شي ولا اذقق فيه ارجوا انك تجربين الحل

وراح تشوفين نتايجه


وتحياتي لكم :rose: :rose: :rose:


بايوووووووووو

[s_algharabally]

فعلا انا كلش معطية الامر طااااااااف ..

بس اتظح لي انها قالت لي انها تفضل عدم شوفتي .. وانا دائما في غرفتي ..

و يدتي تدري .. فكل شوي داقة علي .. و مكلمة الوالد .. كل شوي .. لانها تدري انا من ايي عندها اتغذى .. و بعدين ماكو اكل .. بالبيت مو موريتهم ويهي ..

تسلمين علىمروروج ..
تقبلي تحياتي ..

الطير اللطيف ..

[ياسميـنــــــا]

هلا اختي الطير الطيف
دام امك كذا الله يعينك عليها بس سوي مثل ماقلت لك الاخت شموع

طنشيها وهي لما تعدي المرحله هي من نفسها راح تحس واذا راجعت كل التصرفات الي سوتها راح تندم
وراح تشوفين

اختك

ياسمينـــــــــــــا:rose:

[s_algharabally]

تسلمين اختي ياسميـنــــــا على تواصلج ..

و الله انا ماادري شنو اسوي ..

لكن انا الحين معطيتها طاااااااااف ..

و ما شغل فيها ..

تقبلي تحياتي ..

الطير اللطيف ..

[صوره]

هذى مشكله جدا صعبه ...
بنت تعانى من انانيه الام وتصابيها ..واهمالها ..
لان الام هنا مو شايفه الا نفسها وبس ..
ماراح اقولك طنشيها ..لكن اوجدى حوار معاها ..
وعبرى لها عن مخاوفك من انك ممكن تكونين فريسه سهله لناس ممكن تعبث بعواطفك فى ظل غياب حنان الام واحتوائها ..
كلميها بكل هدوء وعقل ورتبى افكارك .. واكتبيها بورقه ..ودربى نفسك على طرحها بهدوء شديد .. واذا ما سمعتك وماعطتك وجه ولا صرخت عليك ..
اطرحى الموضوع على جدتك وخليها تكلمها او اى انسان كبير بالعايله ممكن يساعدك..
بس لا تصيرين بخور سوق تعلمين كل الناس ..يعنى اختارى انسان ثقه جدا جدا ..
واشوف جدتك مناسبه جدا ..
وقبل كل هذا وذاك توكلى على الله واكثر من الدعاء ان الله يهدى امك ويحنن قلبها عليك ..
صدقينى هذى مرحله واتوقع ان امك فى الاربعينيات ..يعنى بدت تكبر وهى مو متقبله هذا الشى ..وهذى ازمه يمرون فيها ناس كثير ..
فعليك بالصبر ..والهدوء.. واكرر لا تنفعلين ..عمر التطنيش ولا الانفعال ما يجيب نتيجه ..
التروى والحكمه وطرح الامور بجديه ..
خليها تعرف ان بنتها شابه جميله وكبرت ..ومحتاجه لام واخت بنفس الوقت ..
قولى لها انا ابيك سند لى فى مجتمع مايرحم ..
قولى لها الله يخليك لى يامى ..حنانك واهتمامك ممكن يريحنى ويخلينى افكر ميه مره قبل لا اغضبك ولا اعمل شي ممكن يضرنى ويضرك ..
قولى لها لا تخلينى افكر انى اتجه لصديقات ماعرف خلفيتهم ممكن يطلعون زيون ولا شيون ..ولا اذا كبرت شوى ارمى نفسى على اى عريس ..
ادور الفكه من وضع اسرى صعب ..
قولى لها ابى ابيض وجهك وارفع راسك انت وابوى فينى ..لكن لى طلب واحد ..حبونى ..واهتمو فينى ..لانى الانسان يحتاج رعايه..
ولا تزودينها لا يحسبونك (طفله) وقاعده تقولين اى شي ..
يعنى تصرفى بنضج شوى ..
ولا تعطين امك طاف ..لانه عيب ..احترام الكبير واجب ..
لاتسكرين على نفسك غرفتك ولا تنسين ان غرفتك هذى مين جابها لك ...
وتذكرى ان حنانهم ورعايتهم موجوده والدليل انك فى وضع جدا كويس ..
لكن بالحوار المنطقى راح توصلين لنتيجه ..
وعلى فكره ..الوالده الله يخليها مو متقبله انها كبرت بالسن ..
وشايفه عيالها يكبرون ويذكرونها بعمرها اللى راح ..
فعلشان هى كذا منفعله وعصبيه ..
بس صدقينى هذى مرحله وبتعدى ..
والله يوفقك ويرعاك


صــــــــــــ اختك صوره ـــــــــــــــــــــــوره

[s_algharabally]

تسلمين اختي صورة على ردك على الموضوع ..

بس اعطيج مثال بسيط صار لي اليوم ..

نزلت مع اخوي اللي اصغر مني .. نبي نروح بيت يدتي .. اهوة يبي يودي حق رفيجه اغراضه و انا ابي اشتري من الجمعية هدية لصديقتي عيد ميلادها باجر .. نزلنا و قلت لهم اني بروح الجمعية .. قالت انت قليلة ادب مو مال احد يعطيج فلوس .. انتي مال احد يأدبج و يعطيج طراق .. و قام الوالد عطاني فلوس .. و طلعت قالي وين رايحة السايق لين الحين ما طلع .. قلت له بقعد برة .. قالي ليش ؟ قلت له انطره .. و قعدت ابجي ..

وامس بليل .. الوالد ناداني .. و قالي انت صارلج يومين ما عطيتيني بوسة .. عطيته بوستين .. و قالي حق امج بعد .. قالت ويييع .. انا مابي .. انا مابي من وحدة حيوانة نفسها ..

مع العلم اني ما سويت شي ..

و قلت ليدتي شنو اللي صار .. قالت لي .. طولي بالج .. و لا تشيلين هم .. و خليج هادية في تصرفاتج .. و قلت لها مثل ما تامرين ..

تقبلي تحياتي ..

الطير اللطيف ..

[ياسميـنــــــا]

خلاص دم اهلك عافين هذي تصرفات امك بعد شتسوين
خلاص طنشي
اهم شي ابوك عارف الوضع ومقد وكل وحده منا لازم لها موقفمع امها
انتي قولي الحمد الله انا لو تسمعين عن حياتي تقولين انا الحمد الله
ونفسي اذ صار عندك ماسنجر ترسلين لي ايملك واضيفك عندي واقولك كل شي

تقبلي اختك
ياسمينا

[s_algharabally]

تسلمين اختي ياسمينا على متابعتج للموضوع و على اعطائي رايج اللي احترمه اشد الاحترام ..

تقبلي تحياتي ..

الطير اللطيف ..