الوحدة أثر سلبي أم ظاهرة أيجابية

[اللهو~الخفي]

أسعد الله أوقاتكم بكل خير...

عندي شي غريب فيني يخليني أحس نفسي متناقض في بعض الأحيان
أحيانا يمر علي وقت أصير جدا اجتماعي وأقضي معظم وقتي بين أهلي وأصحابي
أحس أني مالي خلق أجلس بالبيت...وعلى طول اخترع طلعات أنا والأهل أو مع أصحابي

ويجي وقت ثاني بحس بروحي ماني طايق أشوف أحد...أصير بيتوتي أو بالأحرى متقوقع بين جدران غرفتي أكتب أو أقرأ أو أدندن على غيتاري أو أسمع ميوزيك هادي مرررة، حتى النت ما أطيقها بذي الأيام، وما أكون حاس بأحباط...بالعكس بسعادة

الغريب أنه مافي ظروف معينة تخليني بأحدى الحالتين، حتى أني لما أحد يسألني أنت اجتماعي ولا انعزالي احتار أيش أجاوبه

هذه المشكلة ما أدري أيام الوحدة هذي بحياتي ظاهرة سلبية أم أيجابية
أحيانا أفكر أن المهم أكون مبسوط بغض النظر عن الطريقة بوحدة أم مع جماعة
بس يبقى التفكير ليه هذي الحالة تصيبني ما أدري


للجميع أحلى الأمنيات

[bedoor]

يا هلا باللهو الخفي ..

أنا في ر أيي ان الشعور اللي انت تعيشه ..
شعور طبيعي ..يعني الانسان مايحب يعيش طول الوقت
بين حشرة الناس او يكون على طول في طلعات او رحلات او على النت..الخ
ولان طبيعة الانسان يحتاج للوحده كل فتره و يختلي بنفسه
ويمارس بعض هواياته اللي مايحب يشاركه فيها احد ..
ويحتاج يقعد مع نفسه ..ويفكر في حياته و يخطط لمستقبله ..
او يقرا كتاب و امور حياه ثانيه .. ويحاسب نفسه على اشياء او اخطاء
اصدرت منه ويحاول يصلحها .. وهذي الوحده مطلوبه .. :)
لكن اذا كانت الوحده زايده عن حدها هذا يكون غير طبيعي ..
ويمكن تحتاج لعلاج عند طبيب نفسي :roll:
بس حالتك اللي قلت عنها انا اشوفها طبيعيه :)

[black_tt_140]

حلو ياللهو الخفي والاحلى اسلوبك :p يشبهني بعضو:eek:
المهم يالغالي الوحده كل انسان يعيشها , اشغل نفسك باي شي واول شي تفكر فيه ذكر الله بينشرح صدرك مهوب بس وقت الزهق , باي وقت لكن تجي اوقات للانسان ما يعرف وش يسوي , لكن القرآن هو اللي يشغلك ويوسع صدرك.. وثاني شي اللي اهو الاهم . الثقه بالنفس , احاول اتجنب الاسئله اللي تثير اهتمامي وتشغلني عن اشياء اخرى مثل ما تفضلت اكتشف نفسي اني اجتماعي او منعزل واللي يخليني احس نفسي مريض ,, تجنبها بقدر الامكان وخلك طبيعي كل شي بيصير حولك طبيعي حتى النت طبيعي وحتى انت طبيعي وانا طبيعي بس فيه ناس مهم طبيعيين لان هذا هو طبعهم:cool:
<<بدأ يألف:eek:

تحياتي

[سكون ،،،]

لا لا احتمال تكون زهقان و بترجع لطبعك بعد شوي !
انت ليش مكبر السالفة على نفسك ؟؟
يمكن المجتمع اللي حولك ممل و حبيت تغير جو .. ~alOne~ !
متى بيكون هالشي مو طبيعي اذا اثر عليك و صرت انطوائي ،،
يعني ما تبي تكلم الناس أبد !!!
و لا حتى أهلك .. !
هنا اسأل نفسك مو بالحين تعور راسك بأسئلة مالها داعي زي ما قال بلاك :)
امم و دعواتي ،، :)

[عاشقـة سـراب]

انا كذا بعد ,, تقريبــــاً في شبه وااارد ,, !!!

أحيااان .. بجد أحب جمعــات اهلي .. واحب اقعد مع البزارييين عياال اختي والعب معهم واداعبهم .. بجد ماأمل
واحب الرحلات العائلية اللي تكوون مع بيت عمي .. واحب السوالف والضحك والتكنت ..

وأحيااان تجيني حالة .. تجيني عرووض مغرية .. اشوووف اهلي متجمعين كلهم .. البزاريين صاافين صف كنهم طاابور منتظريني العبهم .. وبيييت عمي متصلين علي : ودك تروحين معنا محل كذا ولا كذا .. بكل بساااطة اقول لا مابي ..
واروح اجلس بالحالي بالغرفة ومطفية اللمباات وياإاما افتح التلفزيون ومن تشنل لتشنل .. ولا مشغلة الاستريوو من اغنية لااغنية .. ولا اقرا مجلات ..
ولا اناااااااااااااااااام .. :eek:
مدري تجيني حالات غريبة .. صرت احب اقعد الحالي احب المكااااان هادي مافيه احد مافيه صوووت ولا فيييه نووور .. احب العتمة ..


وحتى وقت الدراسة .. نفس الشي .. ونفس الموووااال .. قعدة لحالي بس .. ولا ولاجيييت احل واجباااتي لازم اشغل اغاني انسجم معها .. معرف لازم كذا ..

أحياان اتشكى من الحالة اللي انا فيها .. واحيااان بالعكس احبها .. احس فيهاا راحة بااال ..

وبعدييين خلاص تعودت عليها .. صرت ماافارق غرفتي نهائياً الا اوقااات اللزوووم .. :)

وتحيااااتي

[اللهو~الخفي]

أسعد الله أوقاتك

أنا معاكي أن الوحدة ضرورية لمحاسبة النفس والخلوة مع الذات لكن
أليس من الأفضل أن تكون هذه الوحدة اختيارية وليست طبيعة نفسية
أقصد كل شخص مننا يحاول يوجد له وقت للخلوة مع الذات
وما يكون ده الوقت فرض عليه، لتكون نتائج هذه الوحدة أفضل
أنا أتكلم عن شعور غريب يراودني من حين لآخر...يجعلني سعيد بهذه الوحدة
واللي مضايقني فيه أنه مفروض علي وبصراحة ما أحب يكون شي مفروض علي
رأيك أسعدني...أسعد الله أيامكي

[zina]

انا هم اشوف ان حالتك طبيعيه .. لان انا بعد تجيني
نفس الحاله .. <<<< الظاهر ان كل الاعضاء عندهم هذي الحاله:roll:
و بعدين الانسان لازم يختلي بنفسه شوي ..يمارس هوياته و كذا يعني
بس اذا زادت الفتره عن حدها في هذي الحاله تكون غير طبيعيه
و بعدين ليش انت مكبر السالفة مثل ما قالت سكون و بس :)

[اسيرة الاحزان]

الموضوع بسيط مرة الحين بدات الحرب يعني لا طلعة ولا خرجة الا بالاحلام بس ان كنت بتحكي عن قبل الحرب اظن موضوعك مرتبط بحالتك النفسية وذا كنت بتحسن من حالتك النفسية فخذها مني نصيحة (كثر من اكل الشكولاتة)
جرب وادعيلي
اسيرة الاحزان :cry:

[اللهو~الخفي]

معاك حق أخوي
بس أنا في كلا الحالتين بشغل وقتي بأشياء مفيدة والحمد لله
وزي ماقلت يا أخ black_tt_140 أكيد القرآن الكريم هو خير ونيس
لا هذي الأسئلة ما تخليني أشعر نفسي مريض..بس أحب ألقى لها جواب
ليس ألا
والله أنت شكلك طبيعي مررررررررة :D

بس بمين أفكرك :roll: فيه ناس يشبهوني لعمر الشريف
بس ما يكون عمر الشريف عضو بالنادي هنا :eek:

أنت ثاني واحد يشبهني لعضو بالنادي :roll:

أسعد الله أوقاتك بكل خير

[وهاج]

اخوي العزيز : الهم الخفي
مدري مشاركتك عباره عن اسئله أو طرح المشكله لاعطاء الحلول
عموماً: الانسان بطبعه اجتماعي يحب يعيش مع الناس
والانعزاليه او الانطوائيه هي مرض نفسي خطير يؤثر على سير حياه الانسان
بشكل كبير والواضح ان الوضع اللي عندك شئ طبيعي بشكل عام ممكن فيه بعض
الاوضاع او السلوكيات اللي انت مو راضي عنها تدفعك الي الوحده والجلوس لوحدك او شعورك بالملل من نمط حياتك ممكن تكون هذي بعض الاسباب
ولكن ليست كل الاسباب ومثل ماقال الاعضاء ان الوحده احياناً تكون ضروريه
لمحاسبه النفس
والله اعم
اخوك : وهاج
مختص في علم النفس