المساعد الشخصي الرقمي

مشاهدة النسخة كاملة : علاقــــــــة النساء بالنساء..بالبيت بالاداره..فاشله..السبب..!؟!

Lonely Girl
12-03-2003, 08:36
..سؤال يطرح نفسه...!
كيف وسط ناس تمسك الغلطه...تنقد على اي حركه..
تتصيد اي ردة فعل وتسوي من الحبه قبه..!
تكون وسطها علاقه..ساميه..خاليه من اي مصلحة..!:brose:
تكون معهم عفوي...على فطرتك...!
احيانا كثيره الواحد منا يتكلم بطيب نفس...وبحسن نيه...ويتعامل مع اي احد بهالاسلوب..وبالاخير يلاقي منهم صفعه..على وجهه واتهام باطل..!
او فهم خاطئ...!
طيب واللي شخصيته كذا...عفوي حيل وماينوي باحد شر...ولا يضر احد..بل على العكس يحاول يسوي شي زين للي حوله..!
شلون يقدر يأقلم نفسه مع هالناس...؟؟؟
يعني لازم الواحد يصير زيهم عشان يقدر يتعامل معهم...!
لازم الواحد يلغي شي بنفسه عشان يقدر يعيش...!!
المشكله الكبرى..لما تكون وحيد..وتحس نفسك منبوذ من الكل..يعني بالمختصر المفيد مااحد معبرك لانك بالنسبه لهم ماتعني شي..اما لانك مو عاجبهم..او شخصيتك ماروقتهم..او سويت شي مو على مزاجهم حتى لو كان صح..وطبيعي..!
هالمشكله غالبا تنتشر وسط المجتمع النسائي..اللي بصراحه اقل القليل فيه اني اقول عنه واسمحولي انه مجتمع تافه..مايعرف ولا شي عن حسن الخلق..ولا الاداب..ولا......الخ
والدليل اني كنت افتكر هالعيوب فقط وسط مجتمعي المحيط فيني..لكن للاسف اكتشفت انه هالشي موجود حتى عند ارقى قطاع اللي هو القطاع والاداره التعليميه..!
بصراحه سببولنا ادارياتنا هزه للثقه بالنفس...ان مسكت لسانها عننا ماكفتنا شر تشميق عيونها...!
وتطالع فيك من فوق الين تحت...!
يعني لانك اقل منها مثلا والا شالسالفه...!
والا امكن لانها مااعجبها الاصل اللي انت منه...ولا اعجبتها طريقتك او شخصيتك معهم...!
يعني من البيت للمدارس نعاني من هالشي...!
سوء سلوك وتصرف مع الكل...!
قلة ذوق...واعيد وازيد فيها قلة ذووووق زايده عن حدها...!
انا من وانا صغيره مااتعلمت اطلب شي حتى من الشغاله الا واقلها لو سمحتي...مع الادارات ومع اللي حولي لما ابدأ بهالكلمه الظاهر يقللون احترامهم لي عشانها...!
يعني الادب ماصار كااافي...!!
لازم انا بعد اجي اطلب الشي اللي ابيه وبصوت مرتفع وبنظره حاده ورازه راسي ورافعه خشمي...ومتغطرسه ومتسلطه....الخ من قلة الادب...!
عشان اخذ اللي ابيه...!
لاتقولون ابالغ ولا شي...انا ابصم بالعشر كل مين يعاني من هالشي خاصه البنات...!
طيب شرايكم مره جالسه اتافهم مع ادارتنا ماسمعوا كلامي..بالعكس رجوني..وحاولوا يقنعوني بشي غبي عشان يكسبوا من وراي..وماقدرت اتفاهم معهم الين ارسلت الوالد لهم شخصيا..ويهزئ فيهم من راس العميده...الى المس اللي تدرسنا...!وبعدها نفذوا الشي اللي المفروض يتنفذ..! بس طبعا حقدوا علي وهاتك نظرات وكلام مال امه داعي:)
بصراحه تعقدت...تعقدت بمعنى الكلمه...!
لاعدت عارفه لاارضيهم ولا عدت عارفه اقنع نفسي اعيش وسطهم...!
امكن تقولون اكيد فيك شي مو معقوله لهالدرجه...!
وانا اقولكم مشكلتي اني مااجامل ابداااا واحس اني تربيت غير تربيتهم ...!
بس اش الفايده اذا كنت تربيت تربيه غير ومجتمعي اللي حولي شي ثاني ...سواء ناس عاديين او ادارات المدارس...!!
اتمنى ماازعجتكم بهالشي..بس ياليت تعطونا كم كلمه ممكن تنفعنا..يعني اشلوب اصير مستقبلا..!
اجاملهم واضحكلهم واكذب عليهم عشان ارضيهم...!
اتنازل عن حقوقي مثلا بالمدارس عشان لاتشمق فيني...!
كل شي يقولونه اقول عنه صح بدون نقاااش...!
اعيش واصير خليك مع الخيل ياشقرا..والا اقطع علاقاتي واسوي فيها رسميات وقت اللزوم...!
علما باني مالي اي صداقات حاليا ابداااااا والسبب اني مالي سنتين ونص ناقله للمدينه اللي انا فيها الحين..وادرس مع ناس اللهم ياكافي ماهم زيي 180 درجه :eek:.
عادل
12-03-2003, 09:40
لونلي سامحيني لو قلت لك اني ماقريت الموضوع بالكامل ، لاكن فهمت الفكرة وبرد الأن لأني في حال اخرت الرد احتمال ما ارد ولو في نقص في اجابتي وضحي لي فينه ..


في حكمة تقول ( لديك اذنين ولسان واحد فا أنصف اذنيك من لسانك ) ، الشخص الي يوقع في الأخطاء هو غالباً الشخص الي يفضل الحديث على الأستماع ..


غير كده الحديث المتواصل بيقود للأخطاء ، لأنه الأنسان يجلس يتكلم ويتكلم وفي ألأخير مايلقى شي يقوله فيلجأ لأنه يتكلم عن اشياء يظنها هامشية في حين هي للمجتمع عبارة عن مضغة جيدة ذات مذاق بنكهة الأشاعات ..


حتى العلوم الغريبة المتخصصة في النفس والسلوك الإنساني ، تقول إن احببت ان تأخذ اسرار شخص امامك فدعه يتكلم ويتكلم ويتلكم ، وتلقائياً سيبوح بأسراره لأنه لم يعد يجد شيء يقوله فيلجاً لمخزونه الخافي داخل صدره ..


يمكن حتى الأحاديث النبوية حذرت من لسان النساء ، ويمكن هذا الشيء بسبب اللغط الي بحيصل في مجالسهم وتناقلهم للأخبار والكلام في فلان وعلانة حسبما نفهم من كلامك ..


كونك تنعزلي عنهم يمكن يكون حل مريح لاكنه ماهو صحيح ،لاكن الله عز وجل ماخلق اصابع اليد الواحد متساوية ، بمعنى أنه مثلما هناك مجالس لا تحمل من وراءها الا العبث والقال والقيل فهناك مجالس خير واحسن منها ، وهناك تجربة شخصية لأخت سمعت لها ، بدلت مجالس القال والقيل بمجالس الذكر والجمعيات الخيرية ويمكن انتي لونلي جربتي هذا الشي ، والي فهمته من كلام سابق لكي انه كانت تجربة مفيدة لكي ..


شي اخر بس حبيت اوضحه بخصوص الوحدة والأنعزال وعزوفك عن عمل علاقات بسبب حال من تشاهديهم ، فاديينا في مواضيع عدة قريتها في هذا الخصوص ، يحث ويحبذ من يختلط بالناس ويصبر على اذاهم ويفضله على من يتجنبهم
ويبتعد عنهم ، ولاتنسي انه نحن في دار دنيا ، بمعنى انه عز وجل قال في كتابه الكريم . {‏لقد خلقنا الإنسان في كبد‏} صدق الله العظيم - سورة البلد - اية ( 4) .

بمعنى انه الدنيا صعب تجد فيها الراحة الي تتمناها ، ولا ليش الله امرنا بالصبر مراراً وتكراراً ‍!


* يمكن ما اكون الميت بالموضوع بالكامل ، لاكن هي فكرة حبيت اوصلها واتمنى اكون وفقت في اجتهادي وبأذن الله تخرجي من الموضوع بالراحة والأجابة الي تنشديها ..


عادل
SPS
12-03-2003, 14:13
باختصار جدا....

اللى انا ملاحظة...بين مجتمع النساء....وكثير مشاكل أسمعها...يكون من

الاسباب الرئيسية الكبيرة....وراءها....شيء أسمه...

...

.....

........

...........الحسد......

وجميع ما قال أخوى عادل....فى محله...

إذا كان ....الواحد...صعب انه يغير طبايع ناس....مجبر انه يتعايش معهم على علاتهم....عشان كذا ما

فيه...إلا....الصبر...

تحياتى...لونلى...وكان الله فى عونك....:(


:rose:
SPS
صدى الشوق
12-03-2003, 17:51
اهلييين لونلي:)
والله صادقه بكل كلمه قلتيهاا:rose:
يعني الحين ما تشوفيين شلون معاناتي
في المدرسه عندنا ابله مرااااهققه بمعنى الكلمه:roll:
وذبحتنننننننااااااا
وفي الأخيرر صارت مشاكل كبيييره مالها اول ولا تالي:(
لدرجة ان السالفه وصلت للاداره
وقالولنا اشياء لا تنفع ولا تضر:eek:
يعني باختصاار ما عرفوا يحلون المشكله او المشاكل
فانا خليت الوالد يكلم ويشتكي:)
ولما كلم طبعا ما قال هو ابو مين وجلسوا يحاولون فيه وما رضى
واليوم الثاني خذوا من وحده من الحصص ربع ساعه يقولون فيها ماله داعي تخلون اهلكم يكلمون انتم قولوا للاداره اول وهم يحلون المشكله لأنكم بكذا بتشوهون صورة المدرسه:eek:
والحين جايتها اكثر من شكوى
والى يومك وهي تدرسنا
وكل يوم مطلعتني شفيك متغيره علي شفيك متغيره علي
في الأخير زهقت وقلتلها
الحين انا مو متحمله اشوووفهاا
ما تتخيلين قد ايش كمية التفاهه الي فيها
مدرستنا مو كذا
معروفه انها كووويسه
بس جت هذي شوهت صورة المدرسه
بس الشكوى لله
ما باليد حيله:(
واسفه اذا طولت عليكم


تحياتي,,,
صدى:rose:
احلي ولد
12-03-2003, 20:38
السلام عليكم .....................





:) :) :)


لونلي قيرل ........... صحيح اني ولد لكن عندي خبره في مشاكل البنات ؟!



لاني تزوجت و قعدت مع اهلي وصارت المشاكل بين امي و زوجتي .............................. ........ الحين منو غلطان .........منو صح و منو غلط .....؟؟؟؟؟؟؟؟؟ يمكن امي صح و يمكن زوجتي صح !!!!



مو مهم منو الي صح لان كل واحد يشوف المشكله من وجهت نظر معينه

(( يعني ممكن يكونون الاثنين صح )) و هذا الي ابيج تفكرين فيه

حاولي ان تكوني وسط في الامور و الانفعالات يعني مو كل شي تفسرينه علي حسب ما هو باين لج

اقصد ان الامور بعظ الاحيان ما تكون نفس ما احنا نفسره

بعدين الرسول صلي الله عليه وسلم يقول" جد لاخاك المسلم سبعين عذرا" او كما قال.

والله سبحانه و تعالا يقول " ادفع بالتي هي احسن فاذا الذي بينك وبينه عداوه
كانه ولي حميم "

فامور المدرسة و الدوام هذي شغلات دايمه طول العمر فلا تحاولين ان تكونين لج عداوات لاني مررت بهذه الامور و صدقيني ممكن العدو يصير صديق بعدين

المهم ابي اقول في امور ما تتطلب اعصاب و حسد و شغلات مو زينه
ارد و اقول خليج وسط يا لونلي غيرل و خير الامور الوسط

مثلا اغلب الناس يا مستانس ................. يا ظايق خلقه

ليش ما يصير طبيعي و عادي ؟!؟!
Lonely Girl
14-03-2003, 13:16
مرحبا اخوي عـــــــــادل..:)
اول شي اشكرك على اهتمامك..وعناك بالرد علينا..وبالفعل مثل ماقلت كثرة الحديث والكلام اللي ماله داعي تسبب للانسان مشاكل..وممكن تجره لشي ماكان يبي يوصله..
والمثل يقول اذا كان الكلام من فضه فالسكوت من ذهب..!
وايضا لسانك حصانك..ان صنته صانك وان هنته هانك..!
وهالشي صدقني الكل عارفه ودرسناه..! بس وين التطبيق من الامهااات..!
انا ماانكر وجود فئه لابد ان تكون صالحه..لكن للاسف ممكن تحكم عليك من الشكل وتبتعد عنك..وتنسى مضمونك..!
تعرف عندنا لازم تكون زيهم لو حسوا انك خرجت بشي عنهم طحت من عيونهم..واسألني انا واسأل غيري حيقول نفس الكلام..!
ابقولك ابسط مثال: امكن لانه بسبب تباعد الجيلين بينا وبين الكبار..ووجود فجوه فضيعه بين الاثنين..مايتقبلون اشياء يسوونها بنات اليوم حتى لو هي عاديه..مثل الموضه او التسريحات او اللباس...الخ
وبكذا يتعاملوا معنا كأن فينا شي بطال...!
يعني بجد النقد كثير ... وعلى اشياء امكن من وجهة نظري تكون قشور..بس مدري عن غيري..!
وغير هذا وذاك..كثرة المفاخره باللبس وغلائه..وبالالماس(لان الذهب صار قديم عندهم:)) وبالسيارات وباعمال ازواجهم...الخ سببت بين الناس حواجز تافهه من جد...!
والغريب تلاقي والله رجال قمم...واعمالهم خيريه تفتح نفسك..وتلاقي اهاليهم يحرقون هالشي بكلامهم ومنهم وكثرة ترديدهم لما يفعلونه...!
وغير كذا بصراحه قد ماانا ودي المراه تتطور وتشتغل اي شغلانه وتاخذ راحتها والمجتمع يعطيها حقها بالعمل...الا اني صابني احباط بسبب اللي اشوفه منهم بالقطاع التعليمي والاداري...الخ..!
هالاشياء والله تعقد الواحد..الواحد وده يكون اجتماعي..بنفس الوقت يخاف من اللي بيجيه على راسه..!
عموما عادل..اشكرك جزيل الشكر..واهم شي ذكرتني فيه..اللي هو حفظ اللسان..من الكلام اللي لايودي ولا يجيب..:)

هلا حياك الله اس بي اس:)
شاكره ومقدره جهدك بالرد علي..!
وفعلا زي ماقلت الحسد والغيره...شي منتشر بينهم وبشكل فضيع..!
المشكله على اشياء ماتسوى...!
يعني تغار من شكلها او لبسها او غيره...!
ومو بس كذا..ممكن تغلط عليها من شدة غيرتها منها...!
بصراحه مجتمعنا النسائي شي بطال..اتمنى من اعماق قلبي نتطور جميعا...ولانهتم بشي من القشور..!
واتمنى الرجل بعد يربي بناته ونسائه على الاخلاق والذوق بالتعامل...مو يتركهم لامهاتهم وهي تربيها على ماتربت عليه..!
اشكرك مجددا اس بي اس..وكان الله في عون الجميع:)

صدى الشوق واحلى ولد..لي رجعه مع ردودكم..واسفه للتاخير:)
Be CoOol
14-03-2003, 13:53
والله كلامك يالونلي صح
انا جربت الذوق مانفع بالمدارس صرت الحمدالله اخش واقولها خلصيلي اوراقي وراسي مرفوعه
ومالقاهم الا مخلصينها بدقايق
بس ماتوصل انك تتعقدين من كل الناس؟؟؟
عندك بي كول ست البنات كلهم ;)
الهديب
02-04-2003, 14:11
مرحبا لونلي قير .

انا بصراحه قريت موضوعك .. كله .. وحسيت انك كاتبته في لحظة معاناة تعيشينها .. او خلينا نقول حيرة من المجتمع .. إللي جربتي فيه جميع الوسائل وما نفع .

يا لونلي زي ما قال اخوي عادل اصابع اليد مو كلها سوى .. يعني هيناك ناس تجي بالذوق والادب وتخجلك بأسلوبها .. وفيه ناس تنظر لك انك ولا شي .. هينا عاملي الشخص بالمثل وإلا انك تصمتين ان مريتي على هالاشكال .. وان كان لك عند احد حاجة .. خذيها بأية طريقة تعجبك أو تنظرين انها مناسبه من خلال تعاملك مع الشخص إللي حاجتك عنده ..

يعني اللين كوني لينه معه .. والقاسي حاولي انك تكونين عاديه .. ما تعاملينها مثل معاملة البنت اللينه والخدومه .. ( فهمتي علي ) .

يا لونلي .. مشكلة المجتمع عندنا في السعوديه ... ان كل واحد ينظر لنفسه انه شيخ وانه احسن واحد ... يعني لما يجي منصب ينظر للموظفين انهم ولا شي .. إلا من رحم الله طبعاً .. فما بالك بالادارة .. إللي تحس انها مسيطرة على كل الطلاب .

وبعدين يا لونلي .. فيه نقطة بسيطة ودي اوضحها لك بخصوص تعامل إدارتكم معكم .. انا موظف واقابل مراجعين ... واواجه ناس اشكال والوان .. منهم اخلاق ومنهم قليل ادب .. بس احاول اني ارسم البسمه .. واضغط على نفسي .. بس إلى متى .. لا بد يجي يوم تنفجر .. وتتكلم .. خاصة ان فيه ناس ما تثمن كلامها .. ومع ذلك احاول اني اخدمه .. وابتسم في وجهه ولا يفيد .. المشكلة مو في الموظفين بس المشكلة في المراجعين بعد .. يعني انت نقول عنك مثل ماقلتي انك تطلبين كل شي بأدب .. وبذرابه .. تجين عند الادارة بتطلبين شي .. تتفاجأين انهم معصبين وإلا ان نفوسهم طالعه .. فا تحكمين عليهم .. من دخولك ..

لا تحكمين عليهم لأنك انت دخلتي وطلبتي شي .. وما نفذوه .. ناظري قبل من دخل قبلك .. تخيلي كل الكلية عليهم .. ومشاكلها مع الجماعة .. هذا غير مشاكل الطالبات .. هذا غير القبول والتسجيل .. يعني مشاكل تخلي الموظف يطلع من طورة .

ولا اقول كلامي هذا اني اناصرهم .. لا المفروض انهم يكونون في موقف يمثل الموظف البشوش .. المتعاون لأنه ما وضوع في المكان هذا إلا على شان خدمة الموجودين المراجعين .. لذلك لازم يحاول انه يضغط على نفسه ويكتم غيضه .. ان نرفزه احد . ولا يعامل الناس بمثل معاملة الشخص إللي نرفزة .

ختام كلامي حاولي تعاملين كل شخص .. باللين لأنه يعكس طبيعتك .. إن ما نفع كلمية بالشكل إللي هو يحطة لنفسه .. فاهمة علي ..

اتمنى اني اكون ما طولت عليك ..

اخوك : الهـــــــــــديب لقب الشهرة : ابو هديب