*يسوى ثمانين رجال*

[**قطرة_ندى**]

بريال عارضته على السوق بريال
********من باعني برخيص والله لابيعه
من يشتري رجال قصر بالافعال
*******باع العهود الماضيه للخديعه
رجال يسوى له ثمانين رجال
*******كل الصفات اللي ملكها فضيعه
له ضحكةٍ تشبه لضحكات الاطفال
*******ذيب ونظراته حنونه وديعه
وله فزعةٍ منها المجانين عقال
******* وفجوج لا ضاقت علي الوسيعه
ياما عدل عوجي ثقيلات وطوال
*******وانا معاقبته غيورِ صريعه
والله يسوى له ثمانين رجال
*******والخبل مثلي لا زعل يب يبيعه

عابرة سبيل

[مالي خلق]

هلا بقطره ندى
منذ مبطي عنك تشكري على المشاركه

وسلمت الايادي

[الرومنسي]

كلمات في قمة الروعه ياأخت قطرة ندى ، وبصراحه شوقتينا للإبداع ، فأرجو إنك تستمرين معانا ولا تنقطعين ;)

[**قطرة_ندى**]

تسلمين ياغاليه من لطفك والله

وارجو انك تشرفينا بوجودك دوم عشان رفع المعنويات:)

مشكوور عيوني
_________________________
هلا وغلا اخوي الرومنسي تسلم ياغالي من ذوقك ولطفك

وانشالله راح نتواصل مع بعض والله لايفرقنا انشالله

تسلم لي اخوي:)

[الرومنسي]

آمين إنشاءالله ;)

[مجموعة انسان]

اختي الفاضلة / قطرة ندى...

صح لسانك على هالكلمات الرائعة وبالفعل قصيدة معبّرة يتضح فيها

معنى الكبرياء والشموخ وعزة النفس....

ليس غريب عليك الابداع بل الغريب أن لاتبدعي....

ختاماً تقبلي خالص تقديري واحترامي.......;)


:bh: مجموعة انسااان :h:

[**قطرة_ندى**]

اميـــــــــــــــن يارب:)

هلا اخوي مجموعة انسان.....

صح بدنك اخوي

ترى اغلى ماعلى الانسان كرامته وعزة نفسه

والابداع هو حضوركم ياغالي

وماتعلمته الا منكم

مشكوووور عزيزي على ردك:)

[الغريب]

له ضحكةٍ تشبه لضحكات الاطفال
*******ذيب ونظراته حنونه وديعه
وله فزعةٍ منها المجانين عقال
******* وفجوج لا ضاقت علي الوسيعه




اختي الحنونه .. أختي الشاعره ... اختي الأديبه ....!

يسعد مساءك ...!!

قطرة ندى أو قطرات الحب أو وابل من الإبداع المتواصل ..

حقيقة ولاأخفيك وبدون مجامله ..بمجرد أن أقراء إسم قطرة
ندى أتشرف وأناظر الموضوع .. لأني على ثقة أن هناك
عذوبة في العباره وصدق في الكلمه .


له ضحكةٍ تشبه لضحكات الاطفال
*******ذيب ونظراته حنونه وديعه ...!!


قطره الشاعره .. لقد إفتقدنا هذه الإبتسامات الصافيه إلا من
أمثال الأحبة ..

قطره .. دوماً رائعه ... ومتجدده ...!!

[**قطرة_ندى**]

والله احرجتني كلماتك..

وتراك اعطيتني اكبر من حجمي..

وانا لا كاتبه ولا اديبه ولا شاعره ..

انا تلميذه اتعلم كل جميل في الحياه..

وصدقني عزيزي.. الغريـــــب

عيونكم هي الحلوه اللي تشوف مواضيعي حلوه..

الله يحلي ايامك ياغالي..

والله لا يحرمني من ردودك اللي تشرح الخاطر..

وتخلي الواحد يتفاءل..

من جد ردك افرحني كثير..

وخاصه انه من انسان مثلك يملك قلب عصفور ..

وصفاء الغيم..

ولحن الطيور..

اشكرك من قلب على هذا الاطراء الذي لا استحق نصفه..

مجرد قراءتك لي بدون الرد شرف لا استحقه..

اشكرك من قلب على هذا الاطراء الذي اخجلني:)