ساعدوني يا بنوتات [الأرشيف]

المستانسه

07-02-2003, 11:28

بكتب لكم معاناتي

اقولكم انا سويت ريجيم من 3 اسابيع الاسبوع الاول تمام مشى تمام ماكنت اشرب الا شاي اخضر واكل سلطه فواكه ومرات اتغدا بس شوووي وضعفت 4 كيلو الحمد لله
الاسبوع الثاني كنت اتغدا كل يوم مع الشاي الاخضر وضعفت 2 كيلو يمضي الحال
لكن في الاسبوع الثالث ماكلت شي يعني بس اشرب شاي اخضر اللهم مره كلت شويه خبر بر شوووي بس وبعدين ضعفت كيلو :eek: :eek:

وشلوووووون :cry: \

المهم سؤالي هو كيف اضعف يعني لازم اكل نشويات علشان تحرق الدهون ولا هذي رده فعل للجسم وبعدين بيمشي عادي ولا كيف ساعدوني الله يخليكم ابي اضعف :cry: :cry:

حصوصه

08-02-2003, 04:11

:D يا عمري يا المستانسه ..

اول شي يا الغاليه ترى كل شي ممكن تحقيقه اذا كان عندك اراده قويه
وشوية صبر .. وثاني شي انتي زعلانه لأنك خففتي كثير في الأسبوع
الثالث ومع كذا نحفتي اقل من الأسبوع الأول والثاني ..
وانا ابغى اطمنك واقول لك ان هذا الشي طبيعي جداً في كل انواع الريجيم
لأن الجسم في البدايه يكون مخزن نسبه كبيره من المياه والأملاح فهذي
تنزل بسهوله في الأسبوع الأول للريجيم زي ما لا حظتي ,, لكن بالنسبه
للشحوم والدهون فهذي تحتاج وقت اطول حتى تقدرين تتخلصين منها
ويكون النزول فيها ببطء شديد ومن هنا جاء احباطك واحساسك انك خففتي
اكثر ومع كذا نزلتي اقل ...
وانا نصيحتي لك عشان تختصرين الوقت والجهد وتوصلين للوزن اللي
تطمحين له انك تروحين لأخصائية تغذيه وتعمل لك برنامج غذائي متوازن
وصحي ومافيه خطر على صحتك لأني لاحظت ان اكتفائك بالشاي الأخضر
وشوية الخبز البر لمدة اسبوع كامل فيه خطر على صحتك وممكن يسبب
هبوط لا قدر الله او انخفاض في الضغط ..
وانصحك انك تكثرين من شرب المويه قد ما تقدرين وعلى الأقل ليترين يومياً
لأنها تفيد في تخفيف الوزن بشرط انك ما تشربينها اثناء تناولك للوجبات..
ولأنك راح تلاحظين تأثيرها على المدى البعيد على بشرتك وصحتك بشكل
عام ... وايضاً تكثرين من اكل السلطات والخضروات والفاكهه ..
وتمشين كثير مع ملاحظة ان تمشين بطريقه صحيه وتشدين بطنك للداخل ..

واتمنى عزيزتي اني اكون افدتك وعقبال ما تصيرين زي الغزال الشارد ان
شاء الله .. ;)

فيريرو روشيه

08-02-2003, 10:42

هلا وخيتي المستانسة..
أول شي أنا أوافق أختي حصوصه برأيها إنك لازم لازم لازم تستشيرين أخصائية تغذيه..
بعدين شرب الماء البارد له دور كبير في خفض السعرات الحرارية لأن الجسم يحتاج ل100سعرة حراريه عشان يدفيه..
والتمارين الرياضيه ماننكر أهميتها وكذلك تناول الملفوف(الكرنب) يحرق السعرات الحراريه في الجسم

المستانسه

08-02-2003, 13:16

تسلمووووووووون حبيباتي ماتقصرون والله..

حصوصه و فيريرو روشيه..

وعن الاخصائيه استحي بس ان شاء الله

ومشكورين مره ثانيه