المساعد الشخصي الرقمي

مشاهدة النسخة كاملة : ابشر يا قلب ،،، دقاتك اليوم يبكونك!!!

هلا
09-01-2003, 06:48
وش أقدر اقول غير اني كتبتها في شخص كان يتطبع بطبوع ماهي طبوعه عشان يجاري ناس ، ويالأخير لقى نفسه لا قدر يغير طبوعه عشانهم ولا هم اللي اهتموله في الأساس عشان يستاهلون هالتغيير
وياشينه من تغيير كانه من تغير من الأحسن للأسوء!؟!
وهذا قصيده للي وده يسمح نصيحه في وقت مابه فيه نصايح وطفشو النصوحين......

تتعب ، ما تقدر تخلي طبعك يخونك
ابشر يا صاحبي ، مثلك اليوم خسران!!!

شوقك ماهو بكيفك واللي يعرفونك
يدرون الهوى مهما أخفيته ،،، يبان

ما أعذلك ،،، دامك تتبع ظنونك!؟!
ولا ني محسّرك لو رجعت ندمان

تدري الغلا ما هو بفرحة جنونك
الغلا ،،، كل العطا .. والجزا حرمان

العشق ،،، خفقه عليها يجبرونك
الحيره ،،، وغيره تموت من الكتمان

ابشر يا قلب ،،، دقاتك اليوم يبكونك!!!
دمع بالوريد يروي نبض ظميان

البكا صعب والأصعب غصة عيونك
حزين الدمع لا تحّدر ،،، مفارق خلان

واللي تحبهم حيل وتظنهم يحبونك
يدلون الما وينه ويتركونك عطشان

واللي لأجلهم تضحي باكر يخلونك
تندم على الماضي ، وتعيش الأحزان

واللي تغليهم حيل مردهم يرخصونك
يبيعونك عقب الغلا بأرخص الأثمان

هذا زمن ،،، عزيزينك فيه يذلونك
ويتوهونك بدروب لك فيها عنوان

أنا أبيك تنساهم دامهم ينسونك
ولا تخلي لك غالي في ها لدنيا انسان

عيش لنفسك وعيش للي يطرونك
ولا يهمك هذا راضي وهذا زعلان

أنا ما أبيك تتحسر ولا ابيهم يضايقونك
بدري عليك ضيقتك ببراح المكان


بنت نت
maqha_alfan
09-01-2003, 07:00
كتبتها في شخص كان يتطبع بطبوع ماهي طبوعه عشان يجاري ناس ، ويالأخير لقى نفسه لا قدر يغير طبوعه عشانهم ولا هم اللي اهتموله في الأساس عشان يستاهلون هالتغيير
وياشينه من تغيير كانه من تغير من الأحسن للأسوء!؟!


فعلا والطبع دائما يغلب التطبع :)
والأنسان الأجمل أنه يتطبع بطبعه
بشخصية الأنسان يتجسد حب الآخرين له
وينهار هذا الحب مع تقمص أدوار لا تدور في فلك شخصيته

كلمات رائعة يا بنت نت :) وتسلم أناملك :rose:

تحياتي لك :rose:
*المستلجه*
09-01-2003, 07:03
هلا والله

ببنت نت



تسلمين على هالقصيده الرووووعه


واللي لأجلهم تضحي باكر يخلونك
تندم على الماضي ، وتعيش الأحزان

واللي تغليهم حيل مردهم يرخصونك
يبيعونك عقب الغلا بأرخص الأثمان


************************"

مشكوووره مره ثانيه

فعلا قصيده معبره


تحياتي لك
عاشقـة سـراب
09-01-2003, 12:55
الله يابنت الله ..

كلماااااااتك قمة في الروعة .. جد والله ..
شاعرة من قلب انتي ..
مشالله عليك ..
عندك طريقة في سرد الكلمـــــات الحلوة .. مو زيي انا مالت علي :roll:
اخترت بيتين اعجبوني
شوقك ماهو بكيفك واللي يعرفونك
يدرون الهوى مهما أخفيته ،،، يبان

ما أعذلك ،،، دامك تتبع ظنونك!؟!
ولا ني محسّرك لو رجعت ندمان

بس مو هم بس .. كل قصيدتك غاااااية بالروعة ..
وتسلم يدينك على هيك نصااايح ..
وصادقة بكل كل كلمة قلتيها ..
:)

عشوووق حيص بيص :)
الباحي
09-01-2003, 14:43
السلام عليكم ورحمة الله وبركاته

اقول وبالله التوفيق ..... وبدون زعل

ما كتبتيه يصلح ان يكون نثراً لا شعراً ... ربما تكون القافيه جيده ومقبوله 000

ولكن الوزن حدث ولا حرج ....

انا هنا لم احب ان امدح الكلام مثل غيري ؟؟؟

واحببت ان اكون صريح رغم ان الصراحه تجلب المتاعب ...



شوقك ماهو بكيفك واللي يعرفونك
يدرون الهوى مهما أخفيته ،،، يبان

مثلاً هذا البيت لو قلتي :

شوقك ماهو كيفك ومن يعرفونك
يدرون هذا الهوا مهما تخبيه بـ (يبان)

بنت نت ... ليس كل من صفق لك بضروره يريد مصلحتك ... فمن اراد مصلحتك لابد ان يدلك على ماهو صحيح ....


عموما ارجوا الا اكون قد ضايقتك .. وقراءت الشعر من خلال الشعراء والشاعرات الكبار والذين لهم باع طويل في الشعر هو من يطور ادواتنا الشعريه فليس عيب ان نتعلم ممن هم افضل منا

وتقبلي تحياتي


:rose: :rose: الباحي:rose: :rose:
هلا
09-01-2003, 18:03
هلا مقهى الفن

تسلم يالشيخ والأروع ردك على وتشريفك موضوعي :)


--------------------

هلا مستلجه الله مير يسلمك يالشيخه

وانتي الأروع :)


-----------

هلا عاشقه

شكرا يالغاليه على كلامك الحو تسلمين لي :)

---------

هلا الباحي

طبعا مافي زعل وش بيزعلني يالشيخ وكلامك على العين والراس

وانا ماقلت اني شاعره ولا شي

ترا كل السالفه ترصيص كلام نحاول نوصل فيه لشي جواتنا وانشالله انه يوصل

وسلامت يالشيخ

وسالفه الوزن انا ماعندي ولا بيت صاحي كلها مكسره ومدردعه ههههه

بس الجود من الماجود على قولة جدتي الله يرحمها


وحنا نحاول ويكفينا شرف المحاوله وانا وخيتك

وخذا هذي منك لك: وتراها من ضمن المحاولات:)

اهديت لي عيوبي ،، اشكرك ،، وماني بزعلانه
الكلام اللي قلت ،، "لو صدق" ،، هذا اللي أبيه

اعترافي بالخطا ،، افضل من اني استمر غلطانه
ولا اني اكابر ،،، في " شي " ما افهم فيه !!

وردي عليك الحين ;) تقل تطييح ميانه ..
والقلوب صافيه ،، والكلام اللي تستحيه ببديه

والوجه من الوجه أبيض ،، والأبيض منه أسنانه:)
تسمح لي بالتنكيت ،، والا تفضل انحيه ....


شكرا لك الباحي :)
~Dark Angel~
09-01-2003, 18:12
يسلموووو يا بنت نت على القصيدة الحلوة..

عيش لنفسك وعيش للي يطرونك
ولا يهمك هذا راضي وهذا زعلان




أحلى بيت..

روووووووووعة..

فعلا قصيدة معبرة..


يسلمووو هـ الأنامل..;)
هلا
09-01-2003, 18:22
الله مير يسلمك داركوووووه :)

تصدق عاد احلا شي انك ترقص بالناس والنا س ترقص بك

دنياااااااااااااااااااااااا

وش ما خذين منها :)

كلوووو محصل بعضوووو :)
"صــوت العنــا"
09-01-2003, 20:18
:rose: مشالله حلو الشعر مررررررررة :)

ما أعذلك ،،، دامك تتبع ظنونك!؟!
ولا ني محسّرك لو رجعت ندمان

تدري الغلا ما هو بفرحة جنونك
الغلا ،،، كل العطا .. والجزا حرمان



بصراحه اكثر من روعه



:) صوت العنا :)
قمر الشرقيه
09-01-2003, 21:40
واووووو بنت نت شاعره مصدق بنت نت صدقتي تصير شاعره ولا تقل لي مستحيل بنت نت شعرك مررررره حلو بس زعلانه لانك مخبرتني حبيت اصير اول من يرد على موضوعك ياحبيبتي بس مررررررررررره حلو بس كن مهب موزون;) لا امززززززززززح مرررررررررررره حلو مثل ماقلت توكس لازم تنزلي ديوان;)


بنت نت امس حلمت بك اقله لك بعدين على المسنجر :eek: :eek:
هلا
13-01-2003, 08:38
هلا والله صوت العنا

تسلم يالشيخ :)

----------------------------

هلا قمر تسلمين....

عاد الوزن خليه على جنب

الله يجب مطر :)

ونصحح الغلطات السابقة



يمه انا خايفه وش حلمه

خير اللهم اجعله خير :)
رغد عمري
17-01-2003, 01:57
صح لسانك يا بنت نت ومشكور عالنصيحه..

ابشر يا قلب ،،، دقاتك اليوم يبكونك!!!
دمع بالوريد يروي نبض ظميان

البكا صعب والأصعب غصة عيونك
حزين الدمع لا تحّدر ،،، مفارق خلان

والله بصراحه القصيده رووووووووعه ..
ماشاء الله عليكِ;)


تحيـــــ:rose: ــــاتي...رغد عمري..
الواد الشقي
17-01-2003, 07:36
الأخت العزيزة /// بنت نت
أعجبتن أبياتك وخفت كلماتك
اتمنى لك مزيد من التوفيق والنجاح بإذن الله
وهذي أول مشاركة لي في هذا القسم الممتع ...

وأرجوا أن تتقبلي مني هذه الابيات كرد على شعرك ...
(((بس عاد لا تزعلي)))

=============================
ما همني كلامك يابنت نت ولا نظرة عيونك
هذا طبعي مغرور بس في النهاية انسان

تتوقعي انك صح وبتمشي علينا ظنونك
ياما قالوا كثير قبلك .. والكل غدى غلطان

أبشرك بكيفي في الحب أقدر أصونك
أغير وأبدل في أطباعك وفـ قلبك كمان

بتتعبي وبتضيعي ليلك والمثالية تخونك
وبترجعي تقولي آآآآآآآخ يالشقي لو كان

ساعتها ما يفيد الندم ولا هم بينفعونك
اللي تتغني بيهم بشِعرك تنسيهم الآن

وتأكدي كلهم معي ولا أتوقع يسمعونك
واثق من نفسي ومغرور شاطر وفنان



============================== ============
الواد الشقي :p
هيفا
26-05-2005, 03:27
وجعني قلبي :bh:

ماشاءالله عليك يابنت نت .. حكيمة
هلا
06-06-2005, 20:38
تسلمين رغد عمري :) صح بدنك،،،

وشاكره مرورك وحضورك :)
هلا
06-06-2005, 23:56
هلا يا الواد الشقي،،

أشكر لك مرورك

وصح لسانك وأبياتك بجد حلوه :)
هلا
06-06-2005, 23:58
هلا هيفا

لا يوجعك قلبك ياقلبي ،،، ترا هو راس مالك :)

وذي ترا ماهي حكمه قدر ماهي خبره في هالأوادم :)
الحــ؟!؟ـائره
14-07-2005, 19:53
مشكووووووووووووووووووووووووووو ووووووووره مره القصيده تجنن
صح لسانك ياعمري
هلا
24-07-2005, 07:57
الله مير يسلمك يا الحــ؟!؟ـائره



صح بدنك أختي والف شكر لمرورك الكريم :)
تكفيني الذكرى
12-08-2005, 02:25
متالق دائما

مشكووووووووووووور
هلا
14-08-2005, 14:03
أشكرك تكفيني الذكرى

والله يسلمك ،،

:)
أم عيون القطاوه
16-08-2005, 18:56
صح لسانك يا بنت نت

والله وذكرتيني يا بنت نت .. حتى قبل ما اقرا القصيده بقصة الغراب هاللي عجبته مشية الحجله مدري الحمامه وقام يبي يمشي زيها على باله بصير كشخه.. لكنه طلع من جنبها .. يومنها قلدها وعيا ينجح في مشيتها .. ضيع مشيته .. لاهوا قادر يرجع لمشيته ولاوهوا قادر يمشي زيها .. وهذا اللي حسيته المقصود بقصيدك

موفقه حبيبة قلبي في اختيار موضوع القصيده وانتقاء كلماتها

باخذلي فره بسيكلي على باقي القصايد اللي ما قريتهم .. لاني بين فتره وفتره اخش اقرا على الطاير ووقتي ما يسمحلي اضيف ردود رغم اعجابي في القصايد :cool: بس لازم تكونين شامه ريحتي يوم تخشين بعد ما اطلع انا لاني احط فليت في شعري كل يوم لزوم الكشخه وخبرك بعد لازم استخدم دخون لشعري من ماركة بف باف :conf:

وعسى بس ما ثقلنا بردنا الطالع النازل :cool:
رمادي
17-08-2005, 09:19
ماشا الله عليك اختي بنت نت

قصيده جميله والاجمل سعة صدرك وردك الراقي على ملاحظة الباحي

اتمنى لك التوفيق





باخذلي فره بسيكلي على باقي القصايد اللي ما قريتهم ..


وانا بعد

باخذلي فره بدبابي على باقي قصايدك :)

.
.
abdul
13-09-2005, 11:54
تسجيل حضور فقط لا غير
تحياتي بنت بنت
هلا
20-09-2005, 23:29
صح بدنك ام عيون القطاوه :)

وبالفعل هذا اللي يصير ،،، المراد اقضب قردك لا يجيك اللي اقرد منه ههههه

ووسعي صدرك يالشيخه روحي وكمان فحطي بالسيكل ناديك ومكانك :)

وشاكره لك حضورك :)
هلا
20-09-2005, 23:31
هلا اخوي رمادي

مشكوره وماقصرت وتسلم :)

والله قلته للباحي ولغيره بالفعل أنا أبياتي مكسره لكن مع الوقت نتعلم :)

ووسع صدرك وفر بالدباب على كيف كيفك بس الله يعيننا من العج والتربان من دبابك هههههه :)
shaoooy5
14-05-2007, 16:54
:cry: :cry: :cry: :cry: :cry:
والله روووووعه انا اعتقد اعتقد قريت اغلب اشعارك ماشاللله عليج :)

والله تصكين على الشعراء :D

ننتظر جديدك:)
Doodat Algz
14-06-2007, 11:39
واللي تحبهم حيل وتظنهم يحبونك
يدلون الما وينه ويتركونك عطشان
عز الله :(

واللي لأجلهم تضحي باكر يخلونك
تندم على الماضي ، وتعيش الأحزان
الله يباعد الاحزان

واللي تغليهم حيل مردهم يرخصونك
يبيعونك عقب الغلا بأرخص الأثمان
ايبالله صدقتي


أنا أبيك تنساهم دامهم ينسونك
ولا تخلي لك غالي في ها لدنيا انسان
ابشري .
مايستاهلون اللي فكر بهم اصلا

عيش لنفسك وعيش للي يطرونك
ولا يهمك هذا راضي وهذا زعلان
لومايجي من القصيده الا هالبيت يكفي وقسم

أنا ما أبيك تتحسر ولا ابيهم يضايقونك
بدري عليك ضيقتك ببراح المكان

صححححح لسـآآآآآنك

ياعلتس للجنه
اغلب المواقف اللي فيها صارت لي
وباذن الله من اليوم باتبع نصايحتس لأني واثقه ان كلامتس صح

الله يعطيتس الصحه ان شالله
cute.girl
20-06-2007, 03:23
روووووووعهـ !

تسلمين
happy_rose
04-07-2007, 13:20
...