المساعد الشخصي الرقمي

مشاهدة النسخة كاملة : ورد و شموع

** ديـــــم **
06-08-2001, 10:21
:) هلا والله وهاذي هي المشاركة الثانية وعساها تنال على اعجابكم

تقطف ورورد واحترق كني شموع ...
انا احترق وانته تعيش بضياها ...
بين الملا مغليك والشك مرفوع ...
انت الذي فيك القصايد تباها ...
تضماك روحي شوق وتحن لك جوع ...
وامشي مع الامال لآخر مداها ...
واقول احبك صدق في صوت مسموع ...
واخفي جروح الياس واشعل رجاها ...
اعاند الاشواق وامشي لها طوع ...
واسامر نجوم الغلا في سماها ...
يسري بك الهاجس من الوجد مرفوع ...
وترتاح بك نفسي وتنسى عناها ...
واشرب حنانك من جفا الوقت ينبوع ...
وتشتاق لك عين بشوفك هناها ...
عين سقت ورد الهوى عشق ودموع ...
يوم المشاعر بينت لك غلاها ...
مشاعر من بين خفّاق وضلوع ...
اسقي بوصلك ياحياتي ظماها ...
لك منزل عن منزل الناس مرفوع ...
مكانتك بالقلب محد خذاها ...
اسمك وحبك داخل القلب مطبوع ...
والعين غيرك ما به احد ملاها ...

:) كلمات : محمد البراهيم ( الوافي ) :)
حاتم الوافي
06-08-2001, 11:22
الصراحه انا اعتب عليكم
لانكم طردتوني بدون سبب ما ادري ليش

المهم انا ابي اسألك سؤال وحد يا ديم انتي من وين تجيبين ذا الكلام الحلو
انشاء الله تكونينن من الشعراء بس اجتهدي وشكرا:)
حاتم الوافي
06-08-2001, 11:39
اسف جدا يا اخوان وارجوا انكم تسامحوني على الغلط الي قمت به وهو اني ضنيت انكم طردتوني
:( وارجوا انكم تتقبلو ا اعتذاري
بس ترون مهو ذنبي انا كل ما اجيما يررضى اني اخش النادي واسف جدا:( :( :(
لاجيء عاطفي
07-08-2001, 00:09
اكيد ديوم راح تعجبنا
اذا ما عجبنا اختيارك وش راح يعجبنا اجل
تسلم لنا ويسلم لنا اختيارك
** ديـــــم **
07-08-2001, 09:37
هلا و الله يا حاتم الوافي :) و مشكور يا عيوني و كلك ذوق

هلا و غلا بلاجيء عاطفي <--- اسمك صعب الواحد يقدر يدلعه
و مشكور يا حياتي و تسلم :rolleyes:
موعد
07-08-2001, 13:26
تقطف ورورد واحترق كني شموع ...
انا احترق وانته تعيش بضياها ...

اختيار رائع ..

بانتظار المزيد .. موعد
الارملة السوداء
08-08-2001, 07:06
روعه والله روعه

الله يعطيك العافيه


تحياتي

الامله السوداء
ماني فيه
08-08-2001, 09:03
تختارين فنحتار .. تكتبين فتبعثين فينا روح الكلمات ..

لذلك مهما قلنا لن نرد لك ماقدمتيه لنا ..

تبقين انت نوار المنتدى وكلماته المتالقة ..
** ديـــــم **
08-08-2001, 10:51
:rolleyes: هلا والله بموعد ومشكورة يا عيوني وكلك ذوق

:rolleyes: هلا ياحياتي ( الارملة السوداء ) و مشكورة وكلك
ذوق

:rolleyes: هلا وغلا بـ ( ماني فيه ) وتسلم يا حياتي على كل
كلمة قلتها لي و مشكور وكلك ذوق
المهموم
08-08-2001, 14:13
تسلمي ياديم على الأختيارات الحلوه ....لمواضيعك

وسمحيلي ماأقدر أقول ألا برافوا...........سأطلق عليكي أسم أخر ديم الرقيقه

وشكرا


أخوكي المهموم
** ديـــــم **
08-08-2001, 18:36
:) هلا والله عزيزي المهموم ومشكور يا عيوني و كلك ذوق :)
المنسي
08-08-2001, 20:30
كلك ذوق واختيار احلى ونتمنا الأروع دئماً واتمنا ان اخذ رايكم في قصيدتي المطروحه في النادي وشكراً
لاجيء عاطفي
08-08-2001, 23:33
ترى يصير يدلع
<== ذا
تقدرين تقولين
لج لج
او عط عط
امحق دلع
لا تصدقين ديمومة :)
وآقعي
09-08-2001, 04:13
ياسلام عليك ياديم ويازين ماخترتي .. قايلها من قبل والله الذوق ديم .

لك منزل عن منزل الناس مرفوع ...
مكانتك بالقلب محد خذاها ...
اسمك وحبك داخل القلب مطبوع ...
والعين غيرك ما به احد ملاها ...
** ديـــــم **
09-08-2001, 09:19
:) هلا بـ المنسي و مشكور يا عيوني و تسلم

:p هلا بـ عطوفي كذا الدلع يصير أحلى وش عندنا غيرك

:rolleyes: هلا بالغالي واقعي و تسلم يا حياتي و احنا
ماخذين الذوق كله منك :)
الناي الحزين
09-08-2001, 16:51
اهلا ياديم

عسى الله يديم عليك السعاده

الحقيقه اختيار موفق لهذه القصيده

اتمنى المزيد من القصائد الجميله و

المعبره عن اعمق الاحاسيس التي

يحن اليها كل المحبين وشكرا جزيلا

لك مرة اخرى.
** ديـــــم **
10-08-2001, 12:11
هلا عزيزي الناي الحزين ومشكور يا عيوني و كلك ذوق :)