قال ايش ناقص الحريم عندنا ..

[صوره]

قولوا ايش عندها ...
ايش ممكن تعمله ..
الجواب :ولا شي ...
المراءه السعوديه اصبحت ولا شي .. قطعه ديكور مهمشه ..

*ضحكوا علينا بالمدارس وخلو الحريم كلهم ياطالبات يامدرسات ..
طول مهى طالبه تنذل على قيمه المريول اللى بتجيبه من ابوها ولا غيره .. واذا صارت مدرسه الكل ياخذ ويطمع بمعاشها ( اب -زوج - ابن .. وخلافه ).

* ضحكوا علينا بالانشطه الثقافيه ..وقال ايش عملنالكم جمعيات خيريه ( بدون ذكر اسماء هالمقابر .. وش فيها ..شله نساء من ال وبن وعلان وفلان ( زلايب مجمعه ) ..يتجمعون بالسنه مره على نشاط مثل القريقيعان برمضان ..ويبيعون فيه الصابون الغار وكيس الرز ب الف وستميه ريال ... ويعطونك خمس حبات هيل ومسمار هديه رمضان ..ونفس خايسه وكتله حقد ونكد .

* ضحكوا علينا بالوظايف ..طلع نصها حرام والنص الثانى اختلاط .. فالطريق يؤدى لان الوحده تطلع مدرسه تجنبا للحرام وللاختلاط .

*ضحكوا علينا ..باننا احسن شعوب الارض ..وان الكل حاقدين علينا ..مدرى على ايش حاقدين علينا .. على العبايه السوداء اللى اللى اخذناها من مذهب الشيعه بايران لما لبسوها ( حزنا على على كرم الله وجهه) ..

*ضحكو علينا .. اننا اجمل نساء الارض .. وجت القنوات الفضائيه وطلعت عيون الرجال وطاحت بالارض وكل واحد راح يتخبط يمين وشمال يدور وحده من هالجنسيات بس تعطيه وجه .

*ضحكوا علينا اننا اللطف الكائنات ..وصرنا رجال بدون شنبان ..ببلد ارجل مافيهم خكرى ..

هذا اللى ناقصنا ...

صـــــــ ياريت تقراء مقالى يلى تقول وش ناقصكم ــــــــــوره

[اسهم الحب]

هلا فيك اختي صورة.
الاندفاع مهيب الوسيله للايصال المعلومه لاذهان الناس كما فعلتي:)
امم على ما اعتقد ان الكلام موجه لي شخصيا كم تفضلتي مشكورة بذكرها بنهاية مقالك ال .. ال.. الصارم والذي يحكي عن حالكن انتم النساء.
اولا ارى بالمقاله انكِ ترمي تهم مختلفة النوع ومختلفة الجوهر , الم تسألي نفسك يوما لماذا نحن النساء كذلك؟‍‍ الم يخطر ببالك يوما ان كل هذا يعود لانفسكن ولم تسألي ممن الغلط؟
قفي لوهله واسألي لمذا نحن مظلومين ؟
لمذا لم انظر لنفسي وارى ما اذا كان مني العيب حتى يٌضحك علينا؟
ثانيا لا ارى مشكلة المريول بحد ذاتها كبيرة بعكس المشاكل الاخرى فقد وضعني نقاط الاحرف لمشاكل وضعيه بمجتمعنا وليست داخلنا, اما عن الجمعيات الخيرية لا اريد التحدث عنها لان من ينظمها على ما اظن النساء جزاهم الله خير ولا دخل لها الرجال او وجهة حكوميه او خاصه, اما الوظائف فالمرأة لها حدود تلزمها بدين الله وعليها اتباعها , ولا اظن بذلك يختلف عليها احد لانها واضحه بوضوح الشمس.العبايه وما ادراك مالعبايه , ستر للمرأة ايا كان نوعه وشكله , اتفق معك باننا في وضع لانحسد عليه بتاتا لاننا لا نملك شيئا ملفتا للنظر حتى نُحسد عليه .
احمدي الله على ما انتي عليه , هناك شعوب اسوأ منا بكثير .
من قرائتي لموضوعك استنتجت الاتي:

انك احدى النساء الغير راضي عن النساء وما يلاقيه من سوء معامله.
تنظرين لامور المرأة السعوديه في غنى عنها بعض الشي كالمريول.
تنظرين لمجتمع المرأة بانه منحط ولا يملك اي راي .
لا انكر ان المرأة السعوديه ينقصها الكثير ولكن بنفس الوقت هي لها حرية التصرف وان هناك وكما الاحظ نساء كونوا شركات بادارة نساء وعاملين نساء افضل من رجال .
لا اريد النقاش يخرج عن الاهداف المنشودة لها ولكن دعونا نناقشه باسلوب هادئ لكي تعم الفائده للجميع.:)

تحياتي,,

[l)@rI< Angel]

بصراحة يا صورة في كم نقطة في مقالك أنا مو معك فيها...
وكم نقطة معاكي فيها عليها...

*ضحكوا علينا بالمدارس وخلو الحريم كلهم ياطالبات يامدرسات ..
طول مهى طالبه تنذل على قيمه المريول اللى بتجيبه من ابوها ولا غيره .. واذا صارت مدرسه الكل ياخذ ويطمع بمعاشها ( اب -زوج - ابن .. وخلافه ).


بصراحة هذي كل الحق معك فيها,يعني يجي السيد الأبو,بدون حق يلطش الراتب كله..
مع إني رجّال,بس والله كل الحق معك...
مو من حق أي واحد يستولي على راتب المرأة المسكينة,اللي كل يوم فازعة من صباح الله خير,وطايرة طاير لـ المدرسة,لا..وإن كانت في هجرة أخس وأخس..

* ضحكوا علينا بالانشطه الثقافيه ..وقال ايش عملنالكم جمعيات خيريه ( بدون ذكر اسماء هالمقابر .. وش فيها ..شله نساء من ال وبن وعلان وفلان ( زلايب مجمعه ) ..يتجمعون بالسنه مره على نشاط مثل القريقيعان برمضان ..ويبيعون فيه الصابون الغار وكيس الرز ب الف وستميه ريال ... ويعطونك خمس حبات هيل ومسمار هديه رمضان ..ونفس خايسه وكتله حقد ونكد .


هذي أنا مو معك,يعني أنا أشوف الوالدة وخالاتي يعني الأهل بصفة عامة,يروحون الجمعية الخيرية ويشتغلون ويشتغلون,يعني بسم الله عليهم يتعبون عليها,مو المسألة كيس رز ولا شي,بس يعني عقب هـ التعب كله...
يطلعون كم فلس ينفع الأولاد المساكين لما يكبرون...

* ضحكوا علينا بالوظايف ..طلع نصها حرام والنص الثانى اختلاط .. فالطريق يؤدى لان الوحده تطلع مدرسه تجنبا للحرام وللاختلاط .


هذي برضو معاكي حق فيها...
مساكين أنتو ما عندكم وظايف تصلح لكم ما فيها شي,الوحدة تطلع امرأة أعمال؟,هذي إختلاط,ممرضة؟هذي إختلاط,دكتورة؟إختلاط...
ما في عندكم ألا المدرسة...والله يعينكم...:(

*ضحكوا علينا ..باننا احسن شعوب الارض ..وان الكل حاقدين علينا ..مدرى على ايش حاقدين علينا .. على العبايه السوداء اللى اللى اخذناها من مذهب الشيعه بايران لما لبسوها ( حزنا على على كرم الله وجهه) ..


(بدون تعليق :eek: )

*ضحكو علينا .. اننا اجمل نساء الارض .. وجت القنوات الفضائيه وطلعت عيون الرجال وطاحت بالارض وكل واحد راح يتخبط يمين وشمال يدور وحده من هالجنسيات بس تعطيه وجه .

بصراحة حريم السعودية بسم الله عليهم كلهم حلوين,وأناقة مشالله عليهم..
بس لأنهم يخبون هـ الجمال,تزوغ عيون الرجاجيل على اللبنايات اللي ما خبوا شي مالت عليهم...

*ضحكوا علينا اننا اللطف الكائنات ..وصرنا رجال بدون شنبان ..ببلد ارجل مافيهم خكرى ..

حراااااااااااام :eek: !! كأن ما في رجاجيل في السعودية؟؟
حرام عليكي...
زي ما في رجاجيل في خكارية,ولازم تفهمين وجهة نظري هذي...


ما في أقول في النهاية ألا...
أرجو أنك ما تزعلين من رايي...
والإختلاف في الرأي لا يفسد للود قضية زي ما يقولون :)



تحياتي :)

["صــوت العنــا"]

ابصراحه ياصورة

انا معك في كل اللي قلتيه

بس في شي واحد لو امكن تحذفين نقطه العيايه والشيعه :roll: زين

لان شكله بتصير مشاكل عليها :eek: واعرف لك كم واحد سيعي هنا :roll:

ومشكورة باااااااااااااااااااي :happy:

[سلطان القمر]

صراحة موضوع متكرر ودائما انتم يالحريم تتظلمو وتتشكو ومعروف عن المرأة هذا الشيء يعني مافي جديد والموضوع هذا يمكن المليون


معليش لاتزعلين مني علشان أنا أقول كذا بس أنا راح أكتب وبصدق من دون أي مجاملة أو أو هذا لأنك معروف عنك ياصورة الإبداع والتميز علشان كذا انا حبيت أكتب في موضوعك هذا الكلام


بالنسبة للعباية هذا أمر شرعي وانا معاكي الدين ماأشترط في لونها ولاشيء بس عندنا في السعودية أخذنا اللون الأسود لأسباب فيهم خاصة لكن العباية لابد منها إلا اذا كان موضعك تنشدي فيه بالتحرر وعدم لبس العباءة فهذا شيء ثاني فيصير انتي قبل ماتهدمي عادتنا وتقاليدنا حنا السعوديون في حجاب المرأة هدمتي أغلى حاجة عندك في الدين وفي العفاف والستر ولو الله ثم العباية هذه الي انتم ماتحبونها ماكان ليكم شأن يعني ماصرنا حنا الرجال ندور عليكم بشمعة وهذا نتيجة لستركم ولا شوفي برا وبلاد برا الي كيف البنت زيها زي الجدار مهما ايش سوت ولافي فائدة الا من رحم ربي



أما بخصوص العمل انتي حسبتيها في نطاق طيق ومحدود ومبالغ فيه كثير بعدين العمل الي تقولين عليه حرام ولا مختلط مايجوز ماينطبق على الحريم ترى تماما ينطبق على الرجال يعني الدكتور زي الدكتوره وكلنا سوى من الناحية الدينية وكل واحد علي ذنب في النظر


لكن لوجيتي لحريم برا يشتغلون كل شيء صح ومحد يقول لهم لا لكن طبعا الله ضارب عليها الذلة والمهانة وحياتها نهي موفقة لأنها ماراح تغير فطرة الله وكل مخلوق لما خلق له إضافة إلى كذا منهم من يتاجرو بأنفسهم فليش ماشفتي من هذا الجانب





بعدين أنا أشوف صح في نظرة سيئة وتعامل سيء للحريم ولكن مو من السعودين من البدو الي عندنا يأخذ الحرمة وكأنها أشتراها حتى في أبسط حاجة شفتها عندهم عاده انهم بعد مايأكلون (الرجال ) ويخلصو وعفسو الاكل والسفرة ماأدري كيف صار شكلها يجيون الحريم وياكلون

لكن هذا بس عندهم لكن احنا الحجازيين ماعندنا هذا الشيء والحمد لله والمرأة عندنا شيء عالي ومحترمة ولها منزلة خاصة


عموما الحرمة في المملكة العربية السعودية في خير ونعمة وتحمد ربها قائمة وقاعدة وتبوس يدها وجه وقفا على الي فيه وبلاش تبطر على النعمة



أما انتي ياصورة تراكي عزيزة وغالية ولاتزعلين مني على هذا الكلام لأني الصراحة أتحمست وأنا أعرفك قلبك كبير وتتحمليني


ولاتأخيني بزلت لساني



وألف شكر على هذا الموضوع الي ياريت انه مايتكرر

;) ;) ;) ;)


ولكي مني جزيل الشكر وفائق الاحترام









:h: :h: :h: :h: :h: :h:

[ة_ةmindة_ة]

السلام عليكم :)

حبيت اعلق او اضيف بعض الامور الي اعتقد انها تكون اساسيه بالنقاش في مثل هذي الامور ....


اولاً ....
اهتمامات الفتاة هي جزء من اهتمامات المجتمع بشكل عام، فهي تعيش في مناخ اجتماعي لم يعد إقليمياً أو محلياً فقط، بل اتسعت مساحاته للعالم الخارجي، سواء عبر وسائل الإتصال المتوفرة أو عبر السفر.
لهذا هناك اهتمامات لدى بعض الفتيات متميزة، وأحياناً اهتماماتها تتجاوز مرحلة عمرها، سواء من حديث الجدية أو الطموح، أو المشاركة الاجتماعية الفعالة، وأحياناً هناك اهتمامات لدى البعض لا تمثل سوى الزينة ومتابعة أهل الطرب!
لهذا لا توجد هناك إجابة قطعية، بالإيجاب أو العكس.. (فالفتاة) هي ذلك الكل الذي يمثل شريحة من المجتمع، وكي تكون الاهتمامات كما هي أهمية أهمية، فينبغي على المجتمع بكافة مؤسساته توفير المناخ، كما أنَّ على الفتيات بشكل عام إثبات ذواتهن وعلى ذلك تندرج عليه كل الامور الي متعلقه في موضوعك يا اخت صوره


وثانياً ....
ليست الفتاة السعودية فقط التي تنتقد.. بل (المرأة المسلمة) بشكل عام.. هناك هجمة (قوية) على النساء المسلمات وعلى (الدين الإسلامي) ..
وهناك حرباً شرسة على ثوابت هذا الدين.. وكي تكون الفتاة السعودية (أفضل فتيات العالم) (يجب) أن تتحقق فيها ومنها كل الفضائل الإسلامية


وثالثاً....

ايش في البلد ارجل مافيهم خكري ؟؟؟؟؟
اظن ان الكلمه مسسسسسسسستحيل تطلع من انسانه نفسك وخاصه انك في نمشرفه في نادي النقاش ..... نعم ربما نكون مقصرين نعم ربما نكون متساهلين في بعض الامور لكن لا اعتقد ان كلمة خكري لها طاري في الموضوع الناس معادن ويمكن انتي ماشفتي الا المجتمع الي حولك وهم الي تحكمينهم بالشي هذا فيكون حكمك لها شخصي لا عامي ؟؟؟؟
واختلااااااف في الرئي لا يفسد للود قضيه ;) ولا انا غلطان:eek:

وثالثاً ...
والـلـه العظيم....لو أن الموضوع بيدي كان ما خليت دش في السعوديه ولا كان سمحت بالانترنت.....يعني السعوديه الاولى و الثانيه و يالله السلامه. ياجماعه والله أن ضرر هذه الاشياء اكثر بكثير من نفعها وعلى ذالك فتركها اولى..........أما بالنسبه لحقوق المرءه
في السعوديه ففعلاً هذا اللي ناقصنا في السعوديه لكي يكمل القاصر. لاحول ولا قوة الا بالله

ورابعاً ...

مادام فينا ناس فيهم خير إنشاءالله..
الغيورين من شعبنا كثير والحمدلله ولكن ساكتين.. ليش؟ لأننا لم نتعود أن يأخذ المسؤولون برأي الشعب. من قبل أيام الطفرة مروراً بحرب الخليج الثانية وإلى غداً. هل سمعوا للشعب؟؟ لا والله. وعشان كذا تعودنا السكوت ولكنك ياأختي تعلم أنه عندما يحارب الشعب في عقيدته (حتى لو كانت باطله) فإنه يثور.... وأقرب مثال عندك.. إيران والشاه.....
شاه إيران حول بلده إلى نسخه من أمريكا وحارب عقيدة الشعب (وهي فاسده) وعاندهم وفرض عليهم ثقافة ليست بثقافتهم ... وش سووا له؟؟ قشعوا أبوه. هل ربعنا يعتبرون؟؟ نقول إنشاءالله ونتمنى قبل ما يطيح الفاس في الراس.


والله اني مشغول الحين ولاكان ودي اني اكتب بس يا صوره ترى الدنيا بخير هذا الي اقدر اقوله لك :)


يالله نشوفكم على خيييييييييير


وترى يا صوره هذا راي اخوك الصغير لك انك تسمعينه ولك انك ترفضينه المجال مفتوح لك ولغيرك :)


فمان الكريم

[WiSe~^~Girl]

مرحبا فيكم جميعا:)

اول شي اشكرك مشرفتنا صوره على موضوعك..اللي من جد يمثل شريحة الفتايات بصفه خاصه..ومايعانينه من الكبت والتزمت والتقييد عليهم بالعادات باسم الدين.
تاني شي اخوي سلطان..هذا مو شكوى..احنا اذا سكتنا قالوا مانفهم..واذا طالبنا بالبسيط قلتوا شكوا..!!
ردك اللي رديته..ماتجرأت وقلته بهالاسلوب الا لان اللي تتكلم امرأه لو كان رجل صدقني..كان قلتله كلامك صح..,, والسبب انكم تنظرون دايما للمراه انها ماتفهم شي حولها, طبعا انا اتكلم عن مجتمع كامل مو عنك.
بصراحه المراه السعوديه بتعاني كثير كثييييييير..صحيح انه ثلاث ارباع نساء المملكه اصلا مايستاهلوا انهم يمسكوا زمام الامور...لانهم بصراحه تفكيرهم محدود باشياء معينه..ماتتعدى حدود البيت..لكن والله وانا من ضمن اللي حضروا الملتقى التربوي الاول بجده..وفيه طالبات كليات وجامعات جده..واستاذات عظيمات..وبعد طلاب جده..واساتذه كرام..من د/ محمد الثويني, د/ ميسره طاهر,, ومصطفى مختار..الخ من جميع دول الخليخ والعالم العربي..
الا انني لاحظت شي..مهم..
انه فيه هالملتقى...الاستاذات الاجتماعيات..من الرياض واهي وحده..تعرضت لهجوم غريب من الصحفيين..رغم ان كلامها كان منطقي مليون بالميه..واهي تتكلم عن مجال تخصصها..والسبب انها حللت بعض التصرفات الخاطئه الى سوء التربيه والشخصيه...الخ...وماذكرت الدين من ضمنها..وللاسف..كل الصحفيين تسابقوا الى احراجها..بسبب وبدون سبب..واهي دكتوره..تحمل شهاده..من لوس اجلوس..واهم مجرد صحفيين:)
لكن السبب انهم يتجرؤن على النساء..للاسف مايثقون بقدراتهم..علما بانه كثير من استاذاتنا..السعوديات اضطروا للسفر والعمل بالخارج..بسبب مايعانينه من نظره تزمتيه وتحقير بالراي...
ومن بقي منهن هنا...فهم من اللاتي ليس بيدهن شي الا ان تعمل وتسمع ماتتعرض له..
الدكتوره فاطمه نصيف..والدكتوره سناء عابد..والدكتوره لمى الغلاييني..ايضا تعرضوا للنقد اللاذع..من الرجال..,,بسبب او بدون سبب..
بصراحه انا حضرت ويئست انه مجتمعنا يغير النظره..يعني حتى لما المراه بتوصل لاعلى رتبه بالعلم..يجوا ناس يادوب معهم البكالريوس ويقللوا من ادبهم عليهم..!!!
طيب لييييييييييش..!!!!

بالنسبه للجمعيات الخيريه...اصلا هذي تاخد ماتعطي...واللي مسكوها استبعد ان لهم بصمات خير..غير الريا والسمعه..الا من رحم ربي:)

طبعا اظن رايي وصلكم..من خلال تجربه بسيطه مريت فيها..جديره بانها تثبت لكم مدى استحقار المراه العامله وغير العامله...ومساواتهم ببعضهم..من خلال نظره مجتمعها وليس نظرة بيتها او عائلتها.

الف شكر:)

[ليبرالـي]

المرأة السعودية مظلومة مهانة محتقرة ومسلوبة الحقوق…وهذا حقيقة واضحة وضوح الشمس يعرفها "الحمار" قبل الإنسان ولا ينكرها إلا "متخلف" و "كذاب" و"منافق"

المجتمع السعودي ينقسم لصنفين:_

_ديني وهابي متطرف "مطوع"
_مُقدس للعادات والتقاليد والموروث الاجتماعي "متخلف و رجعي"

وكل هذه الحالتين "التطرف الديني" و "العادات والتقاليد" تحقر وتهين المرأة
وأغلب السعوديين ينتمون لهذين الصنفين أو أحدهما فشكلوا هذين الصنفين بيئة فكرية سعودية متخلفة من أهم أساسياتها تحقير النساء

ويجب على النساء في السعودية وكل من يهمه الأمر ان يجاهدوا ويحاربوا التيار الفكري المتخلف في بلادنا عشان يفوزون بحريتهم وحقوقهم مثل ما فعلوا هدى شعراوي وقاسم أمين في مصر وغيرهم الكثير من المجاهدين في سبيل الحرية والعدل و كسب الحقوق ونبذ التخلف والجهل والتطرف

[مسافر]

اهلين فيكم جميعا حبيت اقول كلمة يريت يفهمها الي معني بها. لنعي ما نكتب مو خذوهم با الصوت ولندرك ما نقول ترى يا ناس مو مجرد انك رحت سفره وشفت المستخبي مكشوف في تلك الديار جيت ولجلجت وقلت انها حريه يا ناس اعقلو ولا صدق المثل الي قال (عنز بدو طاحت في مريس ) . قال حريه قال يا عمي روح وانت شبه تمثال الحريه .;) ;) ;) ;)

[سكون ،،،]

ايه و الدكتورة ناهد طاهر بعد !!!
تعاقدت عقب خدمة نساء و ولادة أربعين سنة !!
و توهم يتذكرون يكرمونها !!:(..!
و ربي هالمجتمع عمره مارح يصحصح ..!!
و انا بتخرج عقب سنة ..!!
يعني بدخل تخصص عقب سنة :)
يا ترى بصير احسن منهم حال ..!!
ما ظنتي ايه :)
هذا اللي عندي تحياتي :)
سكون ،،،

[سعد]

اذا سمحتي لي صورة
انقل هذا الموضوع للصفحه الاولى
لاسباب كثيرة
ما فيه مجال لذكرها


ســـــــــــــــــــــ موضوع روعه ــــــــعــــــــــــــــــــد

[د. فهد]

موضوع الحريم

الحريم والحريم واحريم والحريم

تراكم ذبحتونا في موضوع الحريم

الحريم اجمل ما خلق الله في الدنيا

بس الحريم اشكال والوان

منها المومنه ومنها الفاجره ومنها الكافره

فانتم تعرفون ان الحرمه المومنه كرمها الاسلام بحقوقها وكرامتها

فالمؤمنه جزائها الجنه لما تعمل من حسنات والحفاظ على كرامتها وعفتها

واخلاقها وهي التي لا تسمح لاي احد مهما كان ان يمس كرامتها او يقوم بالاختلاط معها في مكان منفرد


والفاجره نعم الفاجره لها حساب من الله عظيم لما ارتكبته من معاصي

فهي ها هنا ترمي بعفوفتها هنا وهناك لماذا لنها صدقت ان المراه لازم تعيش حياة الرجل لازم تعاشر الرجل فها هذا يدل على قوتها

وما الكافره فجزاءها معروف لدينا الا من رحم الله منهم

والسلام ختام
فهد

:rose:

[T.M.girl]

قال ايش ناقص الحريم عندنا
آهلين أخت صورة هذي أول مره أرد عن احد مقالاتك الشيقة لذا ارجوا أن تأخذي ما أقوله بسعة صدر
صراحه اختلف في بعض النقاط معك وسأسرد كل نقطه و أوضح رأيي فيها

كيف ضحكوا عليكم بالمدارس ؟ كيف راح تتعلمين؟
وش العيب في ان تكوني مدرسه
تعرفين ان السعوديه هي من اوائل الدول اذا ما كانت الوحيدة اجور المعلمين والمعلمات لديها مرتفعه باقي الدول ما تعطيهم وجه مع انهم مربين اجيال
ومافي احد يقدر يأخذ معاشي او راتبي إلا برضايا وشرعا ودينا مالي لي لي الخيار في كيفيه انفاقه او وضعه في البنوك اما الرجل فملزوم في صرف ماله على وعلى اطفالى ليس مخير في ذالك
وذاك من مميزات ديننا الحنيف اما في الدول الاجنبيه مع قانون المساواة لازم تصرفي على البيت وكل واحد(الرجل او المرأه )يصرف على نفسه ويشارك في مصروف البيت اذاتكلمت عن هذي النقطه لن انتهي لذا سأنتقل للنقطه التاليه
ملاحضه(اين الاب الذي يذل بنته على قيمه المريول ما اظن أن في أب زى كذا)


اما الانشطه الثقافيه انا معاكي 100%

اما عن الوظائف اذا كانت الفتاه لديها حلم وارادت ان تحققه مثلا ان تكون طبيبه مافي شي راح يوقف في طريقها المحترمه محترمه فين ما تروح مختلط او غيرة اما الوظايف الحرام فالذنب عليهم

ليش لأ يا اخت صوره انتي احسن شعوب الارض ما يكفي ان الله ذكر في كتايه العزيز ورسل آخر الأنبياء إلينا
صراحه مافي دليل في ذهني ولاكن يوجد ادله من القرآن والسنه
وصراحه ماادري ليش حاطه دوبك في دوب العبايه القران صح لم يذكر فيه وصف للعباءه التي نلبسها في هذا العصر ولكن ذكر بأن نستر جسمنا كله عندما خاطب زوجات الرسول (ص)
وصراحه اذا ماعجبكي الاسود غيريه ببساطه

انتي صح من اجمل نساء الارض بس المشكله مو فينا المشكله في الرجال ما يعرفون شي اسمه غض بصر
لو شلنا العبايات انا متأكدة يااخت ضورة ان كل شعوب الارض راح تجي عندنا بس هذا بعيد عن عيونهم
وليش يااخت صورة ليه مانتي واثقه من نفسك .

اترك الرد الاخير للشباب

واخيرا اختلاف الرأي لا يفسد للود قضيه

:h:

[غــرك زمــانــك]

سبحان الله الحمار اذا فسق نهق اقول هو الغرب ذابحكم مسويه بتقلدينه انتبهي بس لاتقلعين للقمر اقول الي في راسك روحي نزليه في شارع الحوامل اوكي تراهم رصفوة من جديد

[ياسميـنــــــا]

انا بصراحه مو معك في بعض الكلام الي تقولينه

[عبير]

لو سمحتي يا أخت صورة ..
ألفاظك في هالموضوع ما تسمح لي بان أحد يرد عليه أو يناقشك فيه !!
أمثلة :
( زلايب مجمعه ) ..يتجمعون بالسنه مره على نشاط مثل القريقيعان برمضان ..

هههه .. وين قاعدين الله يجزاك خير ؟؟ .. هذا وانتي أم وإنسانة كبيرة وفاهمة ( إذا انتي المشرفة ، وإذا ماخاب ظني ، لأني أذكر يوم ولدتي قعد المنتدى مدري كم سنة بدون مشرفة والدعوة حيص بيص ) :D ..


الوظايف ..طلع نصها حرام والنص الثانى اختلاط

استغفري ربك .. مو لهالدرجة عاد .. وإذا مجتمعنا كره مهنة مثلاً أو دراسة زي دراسة الطب فما عليك منهم ، كل واحد عقله في راسه وأدلة الشرع قدامه يعرف الصح من الغلط .. أوكي ؟؟ ركزي : الغلط معروف . والصح معروف .

مدرى على ايش حاقدين علينا .. على العبايه السوداء اللى اللى اخذناها من مذهب الشيعه بايران لما لبسوها ( حزنا على على كرم الله وجهه) ..

بما ان العباية رمز من رموز الحجاب الإسلامي ، ومعناها عندنا = الحجاب .. فأتمنى منك الحذر في الكلام عنها وعدم الاستهزاء بها ، خوفاً من الوقوع في مسألة الاستهزاء بالدين والعياذ بالله .. لأن بالفعل هالمعلومة أول مرة أسمعها .. ثاني شي دائماً كلما ناخذ في المدرسة مسألة الاستهزاء بالدين تمثل لنا المعلمة هالشي على : الاستهزاء بالعباية .. فاحذري !! :)

ضحكو علينا .. اننا اجمل نساء الارض .. وجت القنوات الفضائيه وطلعت عيون الرجال

هههههه .. هذا وانتي بنت وعارفة سوالف البنات !! .. أنا متأكدة لو انفتح موضوع ثاني عن جمال مذيعات الفضائيات كان صرتي اكثر من يتكلم عن ان جمالهم مصطنع وكله مكياج .. إيه نعم .. أجمل نساء الأرض !! ماتشوفينهم بالمدارس ؟؟ بالجامعات ؟؟ .. هالأماكن التصنع يكون فيها قليل أو معدوم .. وشوفيهم ماشاءالله .. ماله داعي اوضح أصلاً الحين حتى الرجال معد صاروا يبهرونهم .. الله المستعان بس .
وترى بعض الناس لما يمدحوننا بقولهم اننا أجمل نساء الأرض ، ففي الغالب يقصدون جميلات بعفتنا و طهارتنا ..
;)

ببلد ارجل مافيهم خكرى ..

إذا كنتي تعنين هالكلمة تماماً ومصرة عليها .. اسمحي لي أوقفك عند حدك وأقول : احترمي نفسك ما أرضى ينقال على أخواني أو أبوي كذا !!
;) أما إذا راضية على أخوانك أو حتى أبوك هذا شي راجع لك ..

اسمحي لي ..
هذا اللي عندي رداً على موضوعك بالتحديد ..
ملحوظة هامة : طبعاً البنت السعودية تعاني من أمور عدة والحديث عنها ذو شجون .. لكن بالتأكيد الحديث عنها مو بهالطريقة .... الله يهدينا جميعاً .

[ة_ةmindة_ة]

عبير والله انتي الوحيـــــــده الي رديت على الموضوع هذا من غير تحيز


يعطيك الف عافيه والكلتم الي قلتيه والله اني قلته قبلك بس محد يسمعك


على العموم يعطيك الف عافيه والمفروض على بنت نت تخلي احد مع صوره يشرف على المنتدى لان صوره لها تقريباً اكثر من شهر ماخشت وهذا الشي غلط ما ارضي الناس على حساب غيري

[عشوقه]

مدرى على ايش حاقدين علينا .. على العبايه السوداء اللى اللى اخذناها من مذهب الشيعه بايران لما لبسوها ( حزنا على على كرم الله وجهه) ..

بما ان العباية رمز من رموز الحجاب الإسلامي ، ومعناها عندنا = الحجاب .. فأتمنى منك الحذر في الكلام عنها وعدم الاستهزاء بها ، خوفاً من الوقوع في مسألة الاستهزاء بالدين والعياذ بالله .. لأن بالفعل هالمعلومة أول مرة أسمعها .. ثاني شي دائماً كلما ناخذ في المدرسة مسألة الاستهزاء بالدين تمثل لنا المعلمة هالشي على : الاستهزاء بالعباية .. فاحذري !!


:eek: :eek: :eek: :eek: :eek: :eek: :eek: :eek: :eek: :eek: :eek: :eek: