المساعد الشخصي الرقمي

مشاهدة النسخة كاملة : 3bdulr7man bin msa3d

AJWDY
16-10-2001, 16:29
يقول الشاعر : عبدالرحمن بن مساعد


العادة جرت

كل طالب مجتهد دمه ثقيل

العادة جرت

كل مخلص في الهوى حظه قليل

العادة جرت

العطوف اللي كريمٍ في الجرايد

في الازقة والحواري له عوايد .. يصبح القاسي البخيل

العادة جرت

جل من يصبح ثري..يكتب شعر

والقصائد تحتري اغلى سعر

الشعر اصبح مجلة .. جلها غث وهزيل

العادة جرت

لما نسافر كلنا في الصيف .. نمشي مخشبين

كلنا نحكي بفخامة..نمشي بفخامة .. والابتسامة لما نسلم

نبتسم كأن فيه مصورين

ورغم اننا نسافر لجل نلقى بعض .. ونعرف بعض

الا اننا لما انتقابل نلتفت متجهمين

ماهو جنون .. ولا عبط

تظهر أغاني من نمط .. أربع سنين انتطالع بالعيون

وفي المواعيد اللي ماادري منهو كان العبقري اللي عطاها

نجلس في نفس الاماكن .. ننتظر نفس الوجيه

تظهر بكامل بهاها

ويبتدي ذاك الحوار السرمدي:

- شف هذاك شلون لابس .. ماهو صاحي

- شف هذاك موجود في كل النواحي

- شف هذيك شلون تضحك .. ياخزياه ياعيباه يالله

- شف هذيك شلون تمشي .. شف هذاك شلون جالس

- شف رفيقك .. ليش عابس؟؟ خل نروح ونسأله

- لا انتظر هذا ماشي مع هله

وينتهي هذا الحوار السرمدي

فينا نقول : وش هالصخب..هالديرة مليانه عرب!!

كأننا متفاجئين

ولما نرجع بالسلامة..العادة جرت ..انا نكون متنكدين

ومافي سبب غير اننا ما كنا حنا

غير اننا لما نسافر.. دايم نكون ممثلين

ولجل نطلع من تقمص دورنا..لما نرجع

نحتاج نقعد ناطرين أسابيع وأيام..ونظهر من الانفصام

العادة جرت

انا نجل الاجنبي..ونقصي القريب

العادة جرت

انها الايام تمضي ومسجد الاقصى سليب

العادة جرت كل ما جو الخليج صفي وراق

يبتدي العم سام .. عزف موال العراق

العادة جرت

كل ما اكت قصيدة .. اوصف الواقع بها

القى جاهل ما اريدة .. يعتقد انه لها

العادة جرت

كل ما اكتب يقيني او ظنوني ..

يكاد المريب أن يقول خذوني
ماريا
16-10-2001, 18:15
تسلم على
الاختيار الحلو
دكتور الشبكة
16-10-2001, 20:49
الله روعة يا اجاويد .










اختيار حلو .









الصراحة دائما يعبر عنا الامير الشاعر الانسان /عبدالرحمن بن مساعد .













وشكرا.
*بنت_القبايل*
17-10-2001, 03:07
هلا فيك اخوي اجودي.....

وحياك بينا اخ وعزيز ....

وتسلم اخوي على هالاختيار الرائع فقصائد عبد الرحمن بن

مساعد غنيه عن التعبير فهو اكثر شاعر يكتب عن واقعنا الذي

نعيش فيه....

مشكووووووور اخوي على ذوقك الحلو....:)
مالي خلق
17-10-2001, 03:24
تسلم يا اخ اجودي

على هالمشاركه الحلوه .... وهي حكمها كثير

;)
AJWDY
17-10-2001, 09:32
السلام عليكم جميعا

تسلمون على هالتشجيع الحلو و الطيب

هذي أول مشاركة لي في نادي دوت بنت بثوبة الجديد (شكلكم بتحسبوني خياط) :)

أتمنى ان اختياراتي دايم تعجبكم ان شاء الله :rolleyes:

ملاحظة : ترا انا ماعندي عربي في الكيبورد علشان كذا كتبت عنوان الموضوع بالانجليزي وتراني علشان أكتبلكم الرد هذا بالعربي سويت المستحيل الى ان لقيت طريقة معقدة بس تنفع
وهذي الطريقة هي اني رحت لموقع مكتوب و اخترت كتابة رسالة يالعربي للي حامض على بوزة يكتب بالعربي بعدين أرسلت الرسالة لايميلي و نسختها و جبتها لكم علشان تقرونها

انا طبعا اقولكم هالسالفة علشان تعرفون ان نادي دوت بنت و بالتحديد نادي القصيد يستهووني و يستاهلون كل خير



مع تحياتي

أخوكم أجودي
الرومنسي
17-10-2001, 10:37
الله

يكفي إنك نطقت بإسم هذا الشاعر البير ، بالتوفيق إنشاءالله وماقصرت ;)
دكتور الشبكة
17-10-2001, 10:40
خلا اخوي اجودي .






الصراحة مشكور على اهتمامك بالكتابة في بنت نت وخاصة القصيدة .






مع صعوبة مع قلت في ما وجهك في كتابة هذا الموضوع .












ومشكور جدا .
الرومنسي
18-10-2001, 09:46
نتمنى إنك ماتقطعنا وتتواصل معانا بمشاركات متميزه كما تعودنا منك ;)