خاص للاخ واقعي واللي عنده فكره عن الموضوع لا يبخل علينا

[**قطرة_ندى**]

السلام عليكم ....

كيفك اخوي واقعي انشاء الله بخير....

معليش اخوي باثقل عليك شوي بطلبي هذا...

المشكله اللي عندي اني ابي احط صوره

في توقيعي شفتها في موقع واعجبتني

ولها عنوان وكل شيء بس انها كبيره مره

فخزنت الصوره في جهازي وحولتها لبرنامج

مايكروسوفت وورد عشان اعدل في حجمها

وعدلت في الحجم وكتبت داخلها كلام...

وبعد ما انتهيت منها رحت حملت الصوره في اين

عشان اسوي لها عنوان بعد التعديل لكن يطلع لي

شيء غريب وهو realplayer download

وبعد كذا مايطلع لي شيء ابد فما ادري هل المشكله

من المايكروسوفت وورد او من شيء ثاني ....

اتمنى انك تفيدني اخوي واسفه اذا كنت باخذ من وقتك بس انا

طلبتك لانك انت سويت نفس الحركه كتبت داخل بطاقه واهديتها

لعضو من الاعضاء بس والله نسيت في اي قسم

وانا اسفه لاني راح اخذ من وقتك

الثمين لكن استحملنا ...

واشكرك اخوي جزيل الشكر ....

وتقبل تحياتي ....:)

[Dany]

في النت عموماً لا يقبل الا امتداد ملفات معينه وتمسى : Extensions

فلو أخذنا الصور مثلاً وهو ما تريدينه : لا يقبل الا امتدادت معينة .. واقصد بالامتداد مثلاً:

Image.Extensions

اذكر بعضها :

jpeg , jpg , gif هذا اللي اتذكره :cool:

كثير من الصور في اجهزتنا امتدادها PSD وهذا امتداد الفوتوشوب ..

المهم لا علينا .. عليكي باللي بيجي الحين :)

ركبي اي برنامج تحرير رسوم والذي من اشهرها برنامج : Adobe Photoshop وبرنامج Paintshoppro

قومي بفتح الصوره باحد البرامج وعدلي عليها ما تريدين ثم قومي بحفظ الملف باحد هذه الصيغ :jpeg , jpg , gif .. وتنتهي مشكلتك باذن الله ..

ملاحظه :
في الانترنت الامتداد الذي لا يقبله يقوم بعمل داون لود له :) ..

[**قطرة_ندى**]

انا كاتبه اللي يعرف يقول

وبعدين ياخوي تراني غبيه

مااعرف الاشياء الي قاعد تقولها

بس بحاول اطبقها واذا ما عرفت

الله يعين واشكرك الف الف شكر

تسلم ياغالي على تعاونك وسعة صدرك:)

[تركي]

:) يا اخت قطره لا تقولين انك غبيه ..ترى هنا ناس ما تصدق من بكره ماسكينه عليك وما ينادوونك الا الغبيه ....... خاصة البنات :) انتبهي :)

نرجع للموضوع ... انتي نزلتي الملف في صفحة "اين" .. على هيئة ملف "وورد" يعني بعد ما صغرتي حجمها في الوورد ما رحتي حفظتي الصورة مره ثانيه على امتداد او نسق الصور ... يعني بشكل اوضح انك ما حفظتي الصوره مره ثانيه وخلتيها على شكل ايقونة الصور ..... من الواضح انك حفظتيه بنفس صفحة الوورد بعد ذلك رحتي ونزلتيها في اين فمن الشيء الطبيعي انه راح يعطيك بعد ما تضغطي عليها " دون لوود " ...

لازم تعيد حفظ الصوره بعد ما صغرتيه بالوورد على هيئة امتداد الصور مثل ( jpeg , jpg , gif ) ...

ملاحظة : الامتداد هو الحروف المختصرة اللي تجي بعد اسم الملف مثل عندك ملف اسمه " img5 " راح يكون اسمه : img5.jpg بحيث ان jpg هو امتداد الصوره وهو يحدد نوعيه الملف ...
ومن الواضح ان الملف اللي نزلتيه في صفحة " اين " هو بامتداد ( doc ) وهذا الامتداد يخص ملفات الوورد .....
عليك اعيد حفظ الصوره بامتداد غير امتداد الوورد ...

عندي احساس انك ما فهمت مني شيء .. :) صح ...!!!
اجل انتظري لين ويجي واقعي كوده يكون شرحه اوضح :)

اتمنى اكون ساعدتك ......

[MoshakeS]

أكيد مو عيب ان الواااحد ما يعرف...

العيب انه يكوون مو عاااااارف ويسكت......:):):)

[وآقعي]

هلا وغلا بالعزيزه الغاليه قطرة ندى ..
اولا اعذريني والله ماقريت الموضوع الا الان يعني في الوقت الموجود تحت اسمي واسف جداً على التأخير في الرد ..

الاخوان ماقصروا قامو بالواجب واستفدنا كلنا من ماكتبوا ..
لكن ان حبيتي برنامج بسيط وفيه الكثير من الاشياء اللي تقدرين تسوينها سواءاً لشرح البرامج او للكتابة على الصور او تصوير سطح المكتب عندك
او تصغير اي صوره بطريقة قصها بالحجم اللي تبين مع ملاحظة ان هالبرنامج ماراح يعطيك جودة الصوره 100% ممكن يعطيك جودة الصوره بنسبة مرضية جداً ولو تلاحظين الاهداءات في اول رد لي في موضوع ضيف الاسبوع تلاحظين ان الصوره فيها شوي بهتان .. عموما ان حبيتي استخدام هالبرنامج
فالرابط التالي من موقع بوابة العرب المشهور فيه شرح للبرنامج وانا راح اشوف لك السيريل نمبر حقه ..

...


شوفي البرنامج وتعرفي عليه طبعا الكثير يستخدم هالبرنامج لشرح الصور لكن ممكن تستخدمه بالطبع لاكثر من هالشي واولها الكتابة على الصور ..

بعد ماتنزلين البرنامج في جهازك تعرفي على الاوامر اللي فيه بنفسك جربي وحوسي لين ماتعرفين كل كل امر وما يؤدي له علما ان الخطوات الرئيسيه والاوامر المهمه مشروحه كما في الرابط .

ميزه هالبرنامج انه يسمح لك الكتابة على الصوره فبدلاً ماتنزلين توقيعك صوره بس بامكانك تنزيلها والكتابة عليها وتصغيرها بالقص حسب المقاس المرغوب علما ان فيه امكانيات كثيره راح تتعرفين عليها مستقبلاً .

واكرر اسفي على التأخير والله مانتبهت الا متأخر لأني هاليومين ان دخلت دخلت على القلم واللقاء ..
والشكر الجزيل لكل من افادنا جميعاً بما ذكره .. واقول للاخ تركي .. العين ماتعلى على الحاجب انت الاساس وانا اخوك ..

اختي قطرة ندى .. السريل نمبر مهم جداً لانك بعد ماتخلصين من العمل وتحفظينه راح يحفظ الصوره مع وضع خطوط تخريبيه حتى تشتري البرنامج لكن مع وجود السريل نمبر كأنه شريتيه .. :) .
وبشوفه لك انشاءالله قريب جداً .

والله يهداك بس اختي قطرة ندى . اي ازعاج .. انتي امري بس وعلى فكره اي شي ماتعرفينه ارجعي اسئلي .

[وآقعي]

اهلا بالجميع ..
هذا السيريل نمبر حق البرنامج بعد ماتنزلونه للي يحب يستخدم هالبرنامج

DCLT-Z8VWF-XH-B9SK6

[ياناس برموداا]

طيب وليييييه التعب كلللللللللله وورورد وغثى


مثلا الصورة اللي انتي تبينها حافظتتها في المستندات
من برنامج الرسام ملف فتح وحطي الصور اللي تبينها
وعدلي وكبري وشخبطي عليها لين تقولين بس
واذا خلصتي احفظيها بصيغةjpgتلقينه محطوط اذا ضغطتي حفظ الملف باسم
وسميها بالنقيليزي وارسليها لاين حوطيها هنا وبس
:D :D

[**قطرة_ندى**]

هلا باالغالي تركي

والله انك ذوق واخلاق

وبعدين لا تخاف انا ماحد يقدر يناديني الا باللي انا اسمح له فيه

وبعدين ياخوي ادري ان كلامي مو واضح

لاني ماعندي سالفه في الشرح

والله اتعب لما اشرح شي

على العموم انا بقول لك شي

ترى كل الموضوع اني ابي احط توقيع عجبني بس ما ركب معي

وبنت عمي قالت لي بسويه لك

بس الظاهر ان لما جت تحطه في مايكروسوفت عشان تتحكم في الحجم

سوى مشكله وعيا ينتقل ل اين يعني كل السالفه مو انا اللي بسويه لاني

مااعرف وتسلم ياغالي تعبتك معي

بس انشالله بنت عمي تكون فهمت اللي شرحته:)
______________________________ ________________

هلا مشاكس والله انك صادق تسلم لي:)
______________________________ ________
هلا بالغالي واقعي

جعلي ماانحرم منك والله اسفه اني احرجتك بس لاني شفتك مسويها

عشان كذا حبيت اسالك وشاكره لك جهدك ووقتك في الشرح

وانشالله تكون فهمت بنت عمي لانها هي راح تسويه لي

مشكووووووور الف الف شكر ياغالي :)
______________________________ ___________
هلا برمودا تسلمي على الرد بس اذا الورود غثى وش الزين عندك

غريبه اول مره اشوف احد مايحب الورد

يالله عيوني كل انسان يمشي على ذوقه

وتسلمي على الشرح الف الف شكر:)