سوق الاتصالات.. وخدمة ما بعد البيع المستهلكون: بين كماشة "الوكلاء" وأسعارهم.. وفوضى "

[الثعلب الاسباني]

اساس هذا المقال للكاتب : أحمد ناصر غاوي

تشهد الكثير من المدن الكبيرة في المملكة في الآونة الاخيرة زيادة ملحوظة وكبيرة جداً في محلات بيع أجهزة الاتصالات، وخاصة اجهزة الجوال، وبسبب زيادة خطوط الجوال وحب الكثير من المستهلكين تغيير الاجهزة وخاصة بعد ان اصبح خط الجوال متاحاً لجميع الفئات صغاراً وكباراً نساءً ورجالاً من مواطنين ومقيمين وحتى ان البعض وخاصة من النساء تغير جهاز الجوال كما الفستان أو شنطة اليد. وبما ان الحال هكذا فإن المجال متاح للغش على الكثير من المستهلكين في الاجهزة بكافة انواعها وموديلاتها وشركاتها وهذا ما رصدناه فعلاً في جولة طويلة في مجمع المرسلات الذي يعد الاكبر من نوعه في المنطقة العربية كمجمع يبيع ويشتري اجهزة الاتصالات على اختلاف انواعها.

فهل لدينا قناعه بما يعرف بخدمة ما بعد البيع ـ ومدى مصداقية الضمان.

* الااجهزة "مضروبة" أو مجددة تباع على الرصيف وامام محلات وفي المحلات فاين الرقابة.

* اغلب الزبائن يشتري الجهاز لسهولة الاستخدام وخدمة الرسائل والسعر الاقل، وباقي الامور تعد من "نافلة القول"!!!.....فهل نبحث عن مميزات ام نبحث عن كم يستقبل وكم يرسل.....

نترك لكم التعليق ولنا تعليق
تحياتي
الثعلب
:happy:

[وآقعي]

هلا وغلا اخوي الثعلب الاسباني ..

أغلب المحلات في مجمع المرسلات للاتصالات ماهم الوكلاء .. واصبر مابعد جيتك في السالفة .. يعني هالمحلات لو جاء منهم غش او خداع فماهم إلا محلات تبيع وتشتري نادراً منهم من يهتم بسمعة محله .. لكن وش تقول في الوكالة اللي اشتري منها جهاز الجوال واتفاجأ ان اخوي يقول خموك .. قلت يارجال من الوكالة توني طاقه وش خموني فيه .. قال شف رقم الاصدار .. فتحت رقم الاصدار وشفته وقلت رقم وش بيدريني عنه ولا وش يعني .. المهم بعدها باسبوع وراح وشرى نفس الجهاز اللي معي .. ولما قارنا رقم الاصدار صار مختلف عن الاصدار اللي معي .. يعني ماخذ جوالي من الوكالة وعلى بالي انها الاضمن وماعندها مكان للغش والخداع ولقيتهم بايعيني نفس الموديل لكن بالاصدار الاقدم . ولما استفسر اخوي من نفس الوكالة اللي شريت منها جهازي .. قال انه كل اسبوع يجينا اصدار .. حشا لبن يوزع باليوم ماهي جوالات ..
وهو بصراحة الجهاز اللي معي مافيه مشاكل لكن من حقي وانا من الناس اللي اركز دائما ان اظفر بالحديث والجديد فكيف ما احصل عليه واخم في الاصدار الاقدم .

اللي اقصده من هالسالفة ان الوكلاء انفسهم يغشون ومع ذلك يحذرون من غش بقية المحلات .. لكن من يلومهم ومافيه من يحاسبهم .

عموما احذروا ترى فيه اصدارين ان كان مو اكثر من جوال المسكت فانتبهوا له .

[الثعلب الاسباني]

أهلاً
وآقعي

الطامة الكبرى أو بمعنى اصح ان الوكالة يقولون لك أن يمكننا تحديث جوالك مجاناً اذا كان في الاصدار مشكلة و يمكننا تطويرة لك بمبلغ .......ريال سعودي....( هذا يسمونه فن البيع بمعنى اخر طوق النجاة) .
على طاري الوكالة ذكرتني بسالفة جهاز المسجل حق واحد من الشباب اتعطل الرقم السري ولاهو عنده كلم الوكالة وبعد اخذ ورد قرروا انه بدل ما يرسل لهم السيارة يرسلهم المسجل وفوقه 400ريال قيمة اعطائة الرقم السري .... زعل خوي وزبن واحد من عرب ابو هنود ومقصر الرجال فزع له وجابلة الرقم السري مقابل 50 ريال وخلال24ساعة فقط ......( هذا الي يسمون السوق السوداء مو خدمات مابعد البيع).....
تحياتي
الثعلب