بكرة !!!! [الأرشيف] - نادي بنت نت

مشاهدة النسخة كاملة : بكرة !!!!

الفزاعه

13-08-2008, 02:48

بكرة:) <------------ وش يبي ذا ؟!!

بتطلع نتايج الجاااااااااامعة ... وبكل أمانه أنا أستشير أمي وأختي بأمور كثييرة وألاقي منهم الحل الصحيح

يمكن يكونوا البنات مرجايج ومهابين بعض الأوقات ...
.. لكن مشورتهم نافعة عادة ً !

<------------------ إخلص علينا !!!

بكره بتطلع النتائج وإما أنقبل أو أدرجها:roll:

أنا حقيقه محتار .. إذا إنقبلت بالجامعة بدرس البكالوريوس بالهندسة المدنية وخالي يقول إدخلها والوظيفه علي:ah:

أو أروح لـ ITC أرامكو وأدرس عندها سنتين دبلوم وأتوظف بـ 6000

حقيقة عرض أرامكو صعب .. لا لا .. مو صعب بل صعب جداً !!!!

لأن التوظيف فيه 100% وتخيلوا المكافئة وقت الدراسة 2500:kiss: يعني كل شهر أركب جنط جديد بالسيارة:forefinger:

لكن بنفس الوقت أنا كـ شاب أفضل كلمة بكالوريوس;)

وبنفس الوقت أنا واحد تعبت من العزوبيه مليت زهقت خلااص:hot:

كل شيء جربته طلعت سافرت طقيت إنطقيت هجولت كل شيء جربته .... <------ إلا الحرام ولله الحمد:eek:

بس مع ذلك العزوبيه لها طعمها الخاص .. بس أتوقع من هنا لسنتين أكون كرهت هالكلمة كلياً

أبي أكون مستقر 10 الليل وأنا في البيت مع مرتي :cool: .. أما الآن أتضطر أطلع الساعه 3 الفجر

أهلي نايمين وماحد حولي !.. الشلة وينهم ؟؟ بالإستراحه ينتظرون جيتي ، أروح على وجهي :confused:

بنفس الوقت فيه بنت براسي أبخطبها هي بـ نفس عمري

المسألة مو حب وعشق قديم لكن هي من بنات عمنا .. علمي فيها وأنا عمري 10 سنين

لكن أهلي يمدحونها وأظن الي مناسبه لي من بين كل البنات

بس من هنا إلى 4 سنوات بكالوريوس أظن البنت باخذها عجوز تعرفون البنت تفرق معها السنه

والرجال طول عمره شباب والبنت هي الي تشيب قبله :forefinger:

------------------------

بلا هرج وكلام فاضي أنا محتار الحين .. أحب البكالوريوس .. وبنفس لو أخذ الدبلوم بتتيسر لي أمور كثيرة

ولا شرايكم أخذ دبلوم بالكلية التقنيه وأكملها بكالوريوس بأمريكا وأقدر أخذ حرمتي معي على حساب الحكومه ؟؟

ويزيدون مرتبك لو كنت متزوج ولو عندك ولد يزيدونه كذلك .. ولو لا سمح الله مات عليك أحد عطوك عليه ديه :) <-------------- حسبي الله على تفكيرك !:d

------------------------

نصاااااااااااااايحكم من غير هرجه زاااااااايدة

-----------------------

وأهم شيء دعواتكم :(

-----------------------

ملاحظة : كل كلمة ثمنيها لأنها يمكن تكون الحاسمه لمستقبلي .. + هذا الموضوع ليس للمناقشة .. نسمع الآراء فيه فقط فـ حطيته هنا !

هلا

13-08-2008, 02:51

كلو محصل بعضو ،،

الوقت هذا وقت الفهلوه واللعب بالبيضة والحجر هههههههههههه :)

هلا

13-08-2008, 02:53

إلا بالله مين صورة ذا الأجودي اللي في توقيعك ؟؟؟؟؟؟؟؟؟؟؟

Jericho

13-08-2008, 02:59

هيهي لاتاخذ نصايح مني انا بس داشه اعلق على الصوره
هلا لاتغرج الصوره يا ما شفنا اشكال حلوه بالنظاره ولما يقطونها تطلع البلاوي :hot:

’‘

كاتم الضحكة

13-08-2008, 03:11

^^^
اهاا زي الفلبينيه اللي بتوقيعك ,,

الفزاعه موضوعك يبغاله تفكير عوييص !!
هـفكر وو هـرقع

Jericho

13-08-2008, 03:18

^^ ايووه :d
على بالي كوريه :conf:

’‘

كاتم الضحكة

13-08-2008, 03:24

بعد تفكيير عمييق << ...

مدري وش اقولك .. انت شوف وش احسن لك كـدرااسه
ولااحق ع الزواج ياخي ,, البنت مـ هـيب طايرهـ انشالله :forefinger:

طب وراا ماتسجل بأرامكو cpc احسن من الدبلووم وو الوظيفه مضمونه و الدراسه قويه بأحسن الجامعات :cool:

سفيرة الشرقية

13-08-2008, 03:31

ياخوي يافزاعة البكلوريوس حلو لان الناس يحبونة لاسمه ..

لكن ارامكو احلى منها طبعا .. انا اخوي في ارامكو وعنده اختبار بشهر 10 ويحدد اذا بيتم فية او يقلب وجهه ويعطي فرصة لغيرة .. وهو مييييييت عليها ...

اولا وظائفها مضمونة مية بالمية بس طبعا متعبة مرة يعني يبيلك تتحمل الشقا وطبعا على حسب التخصص اللي تختارة او اللي بيحطونك فيه ..

وطبعا دراستها صعبة ويبيلك تكون بلبل انقلش:eek:

اما التقاعد طبعا يكون مليون او3ملايين اواكثر احيانا :)>> هذا حق الخدمة
طبعا من غير التقاعد المستمر
والمستشفيات من افخم المستشفيات تتعالج فيها>> الله يكافيك الشر

ويعطونك ارض ويعطونك قرض عشان تعمر لك بيت >> انت وعروسك;)

الله يوفقك بس تكفى بشرني لانك مثل اخوي:d

تحياتيـ لكـ:cool:

هلا

13-08-2008, 03:42

لاااااا يا Jericho

أنا مو على الزين،، بس ابغى أسال عن نوع الزيت اللي يستخدمه في كشته ،، مشالله مانشوف مفرقه ههههههههههههههه

وترا أنا الحياة علمتني إني ما أشوف الشكل قد ما اشوف الإخلاق بعيني

ياهووووووووووووووووو ياحكم ياهلا :)

R E E M

13-08-2008, 03:57

مساء الخير

من كلامك مبين حاجتين:
1- انك تبغى المضمون
2- خايف البنت تطير :/

شوف في حياتك العمليه عشان تنجح لازم تحب الشي الي تسويه,,,اذا فكره الدبلوم مش عاجباك اتركها وربي بييسرلك في البكاليريوس
ادخل التخصص الي تحبه اذا حصلت الفرصه واجتهد فيه واكيد حتأمن مستقبلك اذا حبيت شغلك

اما انك تدخل مجال عشان الماده امم والله ساعات كثير تضبط ,,بس انا وجهة نظري ان الحياه قصيره والواحد يدخل شي يحبه ويرتاح فيه نفسيا افضل له

واذا خايف البنت تطير,,,خلي اهلك يفاتحوا اهل البنت في الموضوع من الحين ,,,يعني كلام مبدأي ولما تكون نفسك اخطب

اهم شي تستخير في كل خطوه وتفكر مليون مره, ولا تخلي احد يأثر عليك

وبالتوفيق

الفزاعه

13-08-2008, 04:02

أنا والله كنت داااري !! والله !

إنكم بتقلبوها هرجه ...

أففف هذا الجنس .. صعب صعب .. صعبُ جداً:confused::roll::ah:

-----------------

إلا بالله مين صورة ذا الأجودي اللي في توقيعك ؟؟؟؟؟؟؟؟؟؟؟

من طيب أصلك !

الفزاعه

13-08-2008, 04:03

كاتم

Cbc ههههههههههههه ما قبلت خويي وقدراته 96 تبي تقبل خشتي .. أشكرك على الطله الحلوه

الفزاعه

13-08-2008, 04:09

سفيرة

الي يبيها أخوك Itc دراستها عادية مو صعبه ولا سهلة .. لكن كل شيء يبيله شغل طبعاً

وصحيح له راتب حلو .. لكن "القريد" ما يرتفع راتبه .. أما طالب البكالوريوس له نظام خااص :)

+ إذا كان شهادة دبلوم راح يحتاج اوفرتايم علشان يزيد راتبه

+ مشكلة Itc إن إذا درست عندها وصارت مشكلة لا سمح الله ولا قدرت تشتغل عندهم .. تعتبر شهادتك الدبلوم ملغيه ولا معترف فيها أبداً

Thxxx

الفزاعه

13-08-2008, 04:11

yousef2005

13-08-2008, 04:11

الفزاعه
اذا تقدر على دراسة ارامكو ومضمون انك تقبل فيها توكل على الله ورح
خالك الحين يقول عنده وظيفه بس بعد 4 سنوات بيتغير الوضع خل عنك الكلام اخاف يكون تسحيب ورفع معنويات<<<<مجرب

الفزاعه

13-08-2008, 04:19

رجههههههههه

مثل ما قلتي البكالوريوس مضمون أكثر

حتى لو ما لقيت وظيفه يكفيك إن عندك شهادة تشغلك بأي دولة ومكان بالعالم ومعترف فيها .. مو مثل الـ ITC

+ أنا من النوع الي ما أهتم ، يعني إذا البنت تيسرت فيه ألف وحدة غيرها ممكن تناسبني .. لأني شخص مؤمن بسالفة النصيب + ما صار سالفة حب بيني وبينها لأن مثل ما قلتلك إني من زماان عنها

وأنا معتمد هالقاعدة بحياتي .. (كل شيء يحصل لي إن شاء الله يكون خير لي)

بتقولين لي .. وش المشكلة أجل ؟؟

المشكلة أنا أبي بنت بمواصفااات خاصة يعني تكون من الجماعه + أبي وحدة تكون نفس سني علشان الأفكار تكون متقاربه + تطيح الطير من السما:roll:

فـ هالشيء صعب يكون بالبكالوريوس

هنااا العقدة :confused:

R E E M

13-08-2008, 04:26

^
^
والله اذا كان تفكيري منطقي وواقعي كذا اتجاه الزواج
انا اشوف تكمل بكاليريوس افضل

وزي ما انت بنفسك قلت

. (كل شيء يحصل لي إن شاء الله يكون خير لي)

على فكره ممكن تتخرج بعد سنتين وتروح تخطبها وربنا ما يوفق بينكم..... خلي كل شي بامر الله وفكر بعقلك

الفزاعه

13-08-2008, 04:29

مرحباااااااااا يوسف

ارامكو كل الي درسوا عندها إشتغلوا يعني إحتمال التوظيف 98%

لكن في كلمة تخوف بالعقد تقول (الشركة غير مسؤولية في حال عدم توظيفك لديها في العمل التقني أو الإداري)

+ هي غير معترف فيها إلا من أرامكو .. يعني ممكن من هنا لسنتين تصير نكبااات ...:conf:

-----------------------

خالي مدير الإعمار والتخطيط بالبلدية .. أنا واحد أقول بنفسي إن الهندسة المدنية أحسن من غيرها من التخصصات

وخالي يقول إدخلها وبرتبك ويقول إن دراستها حلوه يعني مو الهندسة الي فاكرها (مثل الهندسة الكيميائية ، هندسة البترول)

بس إن شاء الله أقدر أتوظف من غير واسطة تعرف قسم الهندسة أول سنة له عندنا يعني بكون أول دفعه يتخرج منها .. + طالب جامعي .. شهادة بكالوريوس .. هندسة .. يعني الأمور متيسرة إن شاء الله !

لكن ستندم يا خالي لو يطلع التخصص ناار أو تضيع الوظيفة:mad:

كورديليا

13-08-2008, 04:34

والله يا خوي نصيحتي لك

خلك على البكالوريوس أضمن لك شهاده مضمونه في كل مكان

لكن ارامكو محدوده

الا بالله عليك مين اللي بالصورهـ سؤال طرح نفسه اول ما شفت التوقيع ههههههههه

moon 4 flower

13-08-2008, 04:35

ياااااحليلك ........

حسبتك شااايب .........

اممممممممممم

الله يعينك .....حسيت بمعاناة القبول ......والانتظار والنتااايج واش اختار

اما بالنسبه لايش تختار انت ...

..............؟؟؟؟؟

مدري

^_^

ماعنديش اي خبره ب امور ارامكو ..... < ليش داخله *_*
احم

اللي اعرفه
يبغالها

انجلش مره فوووق

وبص

وان شالله تختار اللي بيناسبك

ويوفقك في دراااستك

^!^

الفزاعه

13-08-2008, 04:36

كولديررا مدري وش اسمك !!<------------ معلش اسمك مسبب عقدة:roll:

والله بديت أشك في نفسي !

yousef2005

13-08-2008, 04:49

الفزاعه
وش رايك تنتظر الاسماء وبعدين تشوف اخاف تبني امال وماتصير :eek:
استخير وربي بيخيرك
ان كنت تقدر على البكالوريوس وتكون من اول الدفعات اللي تتخرج لاتقصر

بالنسبه لبنت الحلال : كل ماكبرت انت زادت عندك الخيارات لان اللي تسميهن الان صغار بيصيرون كبار بعد 4 سنوات:p

صبـا

13-08-2008, 04:51

آنا آقوول ..

آراامكوو
..آراامكوو
..آراامكوو !:forefinger:

اول مرره اشوفـ وااحد تحصل له ارامكووو ..
ويحتآآآر ...!!

آآقلهآآ تقدر بعدين تسكن بسكن آرامكــوو :kiss:
====>
هذآ اللي همهاا ..!!:d

ع العموم الله يوفقك باللي فيه الخييير ,,

سبيسيال

13-08-2008, 05:13

لأن التوظيف فيه 100% وتخيلوا المكافئة وقت الدراسة 2500 يعني كل شهر أركب جنط جديد بالسيارة

اول شي مدامكـ لسا تفكر في شي اسمه جنوط يعني لساتك تعيش المراهقه:d مع احترامي

لما ماعاد تهمك الجنوط وفتها فعلا تكون جاهز لحمل المسؤليه والتفكير بالزواج:cool:

ّ
ّ

بالنسبه للبكالوريوس والدبلوم لا تهمك الفشخره وانو عندك بكالوريوس
ومضمون المستقبل وما ادري ايش ترا هذا كله حكي فاضي مافي شي
الحين مضمون بالحكي لازم اثباتات!!
فكر باللي راح يكون مستقبلوو احسن وواضح من كلامك انوارامكو
اضمن ومستقبلو المادي حلو مره فرايي انك تعزم ووتوكل..

وقبل كل شي لاتنسى تستخير ثلاث ليالي قبلها لأنو
(ماخاب من استشار ولا ندم من استخار)
انت سويت الأولى فلا تنسى الثانيه..؟

والله يوفقكـ

سبيسيال

13-08-2008, 05:16

اللي بتوقيعك محمود بو شهري لا؟

وهـ على الكشخه والزين اللي يخقق:cool:

الفزاعه

13-08-2008, 16:32

صبـا

لا يصير تفكيرك سطحي مثل أخوياي !

أرامكو حلوه وما قلنا عليها شيء .. لكن أنا واحد توني أبكمل جامعة والطريق كبير قدامي

عندك عمي يقولي أبعد عن أرامكو .. صحيح بتاخذ فلوس لكن بتاخذك لحم وبترميك عظم .. أهم حاجه الراحة النفسيه مو التفكير الأول هو المال

ياما ناس نعرفهم يشتغلون ليل نهار ووما يشوفون أهلهم إلا يوم واحد بالأسبوع وربي أن هالشيء أثر في تربية العيال

-------------------

واحد من القرايب خريج كلية الإدارة قسم محاسبة

هو يشتغل بسابك ثاني سنة راتبه 10000 ألاف ريال

أما واحد ثاني خامس سنة له بأرامكو شهادته دبلوم راتبه 7500 أو 8000

الفزاعه

13-08-2008, 16:38

هلا سبايسي:roll:

ما أقول إلا حسبي الله عليك ما ينقالك شيء :)

كان هذا من باب المبالغة .. وصدقيني أنا عارف هذا الراتب مهما أجمع فيه ما راح يفيدني فخليني أفسفسه على كيفي .. ما ردي بأستلم راتب إن شاء الله وبجمع فيه علشان أكون حياتي فخليني أوسع صدري قبل !!

وأمور وتكاليف الزواج محسوبه من الحين لا تخافين !:p

حتى الأشياء الي بعد الزواج محسوبة :conf:

الفزاعه

13-08-2008, 16:39

اللي بتوقيعك محمود بو شهري لا؟

وهـ على الكشخه والزين اللي يخقق:cool:

لا لا .. هذا سلمان الدقن:forefinger:

أقول درجيها .. لأخربها معكم كلكم الليلة:eek:

تعبت !:confused:

rooza93

13-08-2008, 16:58

والله حالتك صعبة واااااااااااااااااااااااااايد ..... دايرة فيك الدنيا دوااااااااااار ...ما اقول غير الله يعينك ... والله لو تسوي مثلي تقدم و خلاص و بعدين الله يحلها ....

:d منو هالرزة اللي بالتوقيع ؟

إنسآن

13-08-2008, 17:01

نصيحه من خبرتي

صحيح شركه ارامكو العمل فيها اغراء ومضمون سواء الان او بعد عشر سنين لكن ستضطر للعمل فيها طوال حياتك و.....

لكن الافضل ان

ان تدرس بكالريوس تخصص هندسه مدنيه او معماريه فيه مستقبل مضمون جدا و وظيفتها سواء عند خالك او اي مكان اخر

واذا كتب الله لنا ولك طول العمر والتواجد

وظيفتك عندي وبراتب ممتاز

موضوع الزواج الافضل تأجله حاليا لاسباب كثيره ...

ان اردت اجابات اوسع سأرسل لك على الخاص تفصيل اكثر

بالتوفيق

الفزاعه

13-08-2008, 17:02

اوووووووه صح .. معنا وحدة توها متخرجه !

أقول ألفقوها يالجنس الناعم:hot: .. وخشوا والعبوا على مزاجكم لأن مهما تكرفون بالدراسة ما راح تتوظفون:p

خخخخ

الفزاعه

13-08-2008, 17:05

هاذي الردود المثقفه والي تشرح النفس:forefinger:

تسلملي يا إنسان وردك باخذه بمحمل الإعتبار .. وأي حاجه أو أي إستفسار راح أتواصل معك

rooza93

13-08-2008, 17:05

اقوول شوفيها اللي توها متخرجة .... يا زيني زينااااااااااااه:kiss:

تراني قدمت هندسة معماري ... في لها مستقبل ... اشوف البلاد فيها عمران و يبغووون ...

انا اقول لو تدخل مثلي او تدخل بيزنس احسن ...

الفزاعه

13-08-2008, 17:08

صح صح .. ترا البنات أفضل تخصص لهم المعماري .. ويكون مستقبلها أفضل من الرجال بهالتخصص بالذات

لأن معروفه المرأة .. مبدعه بالتصاميم والذوق

الله يوفقك .. شدي حيلك ترا خويي ماكلها علقه فيها:roll:

إنسآن

13-08-2008, 17:34

حبيت اقول كمان

اسباب مقنعه لتدرس البكالريوس بالهندسه

البلد فيه نهضه عمرانيه خياليه و بناء مدن اقتصاديه وعموما العمران لا يتوقف ابدا على مر السنين

بشهاده الهندسه ستاخذ خبره وتتدرج بالمناصب والعمل من مساعد مهندس
مهندس موقع
لمهندس مشروع
لمهندس مشرف
ومدير مشروع
مدير مشاريع
كبير المهندسين
وربما تصير مدير شركه ؟
ووممك تفتح مكتب خاص بك واحتمالات كثيره

هذا غير ان راتبك يتحرك ا كثر ويكبر
حتى لو بالحكومه راتبك اكثر بسرعه

ب ارامكو التدرج الوظيفي لانك دبلوم خاص فيهم سيكون اقل وحسب واسطتك فيها واذا اعطوك مواصله للبكالريوس او منحه
ارامكو زمان التدرج الوظيفي فيها سهل

الان فيها الاف الموظفين صعب شوي

ارامكو ممتازه لكن حسب شخصيه الانسان وظروفه وتقبله للوضع في ناس يريد يتطور او متمكن بارامكو وعاجبه الوضع بحكم الراتب المبدئي جيد وسكن ومزايا

لكن في ناس يشوف انه يستحق اكثر وما يحب يربط نفسه ومستقبله بجهه معينه
وارامكو ما بتعطيك شئ وتتعب الا تخرج روحك بالمقابل وتستفيد منك

وقبل كل شئ استخير الله والرأي لك فقططططططططططططططط لا تاخذ برأي احد مننا الراي لك

Le Secret

13-08-2008, 17:52

بكرة لما الحلوة تكبر
والقامة تطول شبرين
لما تمسك قلم ودفتر
وتدرس علم وعربي ودين
ولما تكبر اكثر واكثر
ويتمم ربي بالخير
ولما انشوف الأم الحلوة
تحكي حكاية عن قلبين

عنوانك ذكرني في هالاغنيه وقلبت علي مواجع وذكريات:cry:

الفزاعه

13-08-2008, 20:37

إنسان .. فيه إقتراح جميل .. ولد عمتي دخل الكلية التقنية تخصص محاسبة دبلوم وهو الآن يتشغل براتب 8000 ومترتب حقيقة

الرجال خطب الآن .. العيد بيتزوج وبيطير أمريكا يكمل بكالوريوس سنيتن مع زوجته !! ما شاء الله

تتوقع إذا جاء وهو معاه (بكالوريوس شهادة أمريكية ولغه) كم بيزيد راتبه ؟؟

------------------

ودي أسوي ذا هالحركة من جد بذي الطريقة تكسب كل شيء ..

+ فتح قسم مجنون بالتقنية "برمجيات" وهذا أغلب الشركات تطلبه !

الفزاعه

13-08-2008, 20:37