المساعد الشخصي الرقمي

مشاهدة النسخة كاملة : أفضل المطاعم العربية في ماليزيا ،،

HaDoOoLa
05-06-2008, 13:55
...





بدا الصف .. وبدت الحجوزات :) .. ومانستغني عن المطاعم العربية والعالمية بأي مكاان نسافرله ..


ووحبيت أفيد اللي رايح ماليزيا عن اشهر وافضل المطاعم العربية والعالمية :


******




* المطاعم العربيـة *



مطعم المتحف الاسلامي

- يعتبر من افخم المطاعم العربية في ماليزيا ، يقع في المتحف الاسلامي بالدور الأول
الواقع عند مدخل حدائق بردانة في (كوالا لمبور)
والجدير بالذكر ان هذا المطعم حاز على جائزة افضل مطعم عربي في ماليزيا عام 2004 و 2005 و 2006 على التوالي :yes:





مطعم الطربــوش


- يقع في اشهر شوارع العاصمة كوالالمبور في شارع بوكيت بيتنانج . .
وهذا المطعم يوفر خدمات التوصيل للفنادق




مطعم الروشــة


- هذا المطعم بادراة سورية .. ويتميز بمكانه الخلاب ..
حيث يقع في منطقة السفارات بجانب البرجين بتروناسTwin tower
يقدم المطعم مأكولات عربية مختلفة .. والشيشة .. ويوجد أماكن مغلقة للعائلات داخل المطعم




مطعم الشـرق الأوسط


- يقع في قلب شارع بوكيت بتنانج في كوالالمبور ومقابل بي بي بلازا الشهير .. ويستحق التجربة
كما انه يقوم بتوصيل الطلبات الى الفنادق



مطعم المرجــان


- موجود في البرجين التوأم (بتروناس) في الطابق الرابع ..
يعتبر من أفخم وأحلى المطاعم .. ويوفر بوفيه مفتوح جدير بالتجربة
بشكل عام .. الأكل جيد جدا والأسعار جدية ايضا



********



* المطاعم العالميــة *



مكدونالــدز


- توجد سلسلة مطاعم مكدونالدز في معطعم الاسواق والأماكن السياحية في ماليزيا ..
لكن أقربهم في شارع بوكيت بيتنانغ عند تقاطع شارع السلطان اسماعيل..
والذبح حلال .. والعمال مسلمون



بيتزا هــت


- مقابل مطعم مكدونالدز الواقع في شارع بوكيت بيتنانغ ..
ويقوم بالتوصي المجاني للفنادق القريبة
وأيضا يوجد فرع في البرجين التوأم



برجـر كنج


- هذه المطاعم ليست متوفرة بشكل كبير نوعا ما ..
لكن يوجد فرع في البرجين التوأم .. وأيضا بجانب مسجد الجامع ومحكمة كوالالمبور

.......





أتمنى اكون افدتكم ..

تحيــــاتيـ ،،
B U R B E R R Y
05-06-2008, 22:52
اهلين ..

انا الصيف اللي راحــ كنت بماليزيا ..وزرت كذ1 منطقه بس افضل منطقه هي بيننج رووووووعــه اللي يروح ماليزيا ولا يروحلهــا ماحس انه راحــ..

من ناحية المطاعــم .. بـ كوالامبور فيه شارع اسمه شارع العرب شارع كله مطاعم وفنادق ومولات .. ويمتاز فيـه


الكافيهات العربيـــه ..اللي يبفى معسل واغاني محمد عبده وراشد ورابح موجودهـ واحلى روقان ...


انا رحت لكذ1 مطعم عربي بس ماعجبني الا ثلاث مطاعم وهي مطعم الروشه ومطعم الطربوـوش وفي مطعم ايراني اسمه ناب الايراني اذا ماخاب ظني عليهم كباب ورز ايراني لايفوتكم وهو على شارع العرب ام الروشـه عند البرجين ..
HaDoOoLa
06-06-2008, 00:23
^
^

هلا بربري ..
عاد انا بعد 3 اسابيع رايحة ماليزيا .. بس موحاجزين ببينانج !
مع اني سمعت عنها وايد .. يللا المرة الياية انشالله :)



وشكراا ع المعلومات
B U R B E R R Y
06-06-2008, 10:26
^^
^

ياهلا اختي .. حرام عليـ اهم منطقه بماليزيا واحسنهــا ماحجزتي لهــا ؟؟؟؟؟؟؟؟؟؟؟ صراحه وبدون زعل ماعندكـ سالفه ..


بيينج مدينــه شاطئيـه وروعــــــــه ماقد تتصوريـــــن .. والله حرام .. انوا حاولوا انكم تحجزون عليهــا


ام كوالامبو العاصمه مافيها الا شارع العرب وورى شارع العرب فيه مولين كبار بس والله نسيت اسمه ..


بس في نصيحــه حاب اوجها لكــ..


اول ماتوصلون لمطار كوالامبور .. انتبهوا وانتهبوا من التكاسي الصينيييييين تراهم اكبررر حراميه ويرفعون السعر دبل ... حاولوا بقدر المستطاع تركبيووون تاكسي مع ماليزي او هندي .. الا الصينيييييييين انتبهوووا ..


والبلد حلووه ورخييصه بالنسبه لناااا كخلجيييين تعيشين ملكه هناك ...


بس الله يعينكم ع الحررر والرطوووبه.. هالله هالله بالبرمودات والكت ..



وسفرره ممتعه انشالله ..،’ والله يـ انكم بالطياره بتطفشووون 16 ساعه تقريبا اذا بتروحون دايركت ..
HaDoOoLa
06-06-2008, 11:08
حساافة ... بنحااول انشالله نروح بينانج ..

اما الحر .. انا مجربة تايلند ! استغفر اللللللله .. الجو مقرف
بس السفرة تستاهل صراحة :) ..


وثانكس وايد ع النصايح المفيدة
الحـل الصعب
08-06-2008, 03:12
آآآآآآآآآآآآآآآآآآآآآآآآآه
ذكرتوني باللي مضى
ماليزيا حلوه بس بالصيفيات ما احبها كثير من
زحمة السواح ومطاعمها بعد حلوه بس مطعم البستان
غريبه ما جبتو طاريه ولا قفل؟؟؟
.
.
بربري
حرام عليك كلها 8ساعات ونص خخخخخخ
بس ممتعه ,,وبالنسبه عالطربوش يا ناسي عليه
احب المطعم واصحابو مره طيبين وراقين في تعاملهم
.
والتكاسي عاده تاخذ 50 رينجت لا اكثر
.
سلملم
رمادي
08-06-2008, 03:47
يعطيك العافيه هدوله





بربري

انا رايح لماليزيا بعد شهر .. هذي اول مره

اذا عندك مناظر لمدينة بينانج اسدحها لطفاً لا أمراً

الصوره تغني عن الف كلمه ..
HaDoOoLa
08-06-2008, 18:17
الله يعافيك رمادي ..

أشكرك ع الطلة :)
HaDoOoLa
08-06-2008, 18:19
مشكوورة حبيبتي (الحل الصعب) ع المرور والمشاركة


مطعم البستان
غريبه ما جبتو طاريه ولا قفل؟؟؟



والله مالقيت انهم ذاكرين عنه شي . . وانا ماعرفه بعد
بس شكرا ع المعلومة ..
!مـgت العذارى**
09-06-2008, 13:37
الله يعطيك العااافية
عقباال مانروح ماليزيا ملينا من سويسرا ههههههههههههه
موضوعك مفيد مرة للي بيسافرو لماليزيا
الله يسعد اياااااامك
HaDoOoLa
09-06-2008, 14:33
^
^
تسلمين . .

انشالله الله يكتبلج السفر هناك ..

وثانكس ع المرور
AmOon ~
11-06-2008, 15:34
هدولة حبيبي ثانكيو افدتيني ^_^


بهالصيفية رايحة ماليزيا وان شآلله امر ع المطاعم لي قلتيلي عليها =)




عوآآفي
Mis$ Gum
11-06-2008, 23:22
أهليـن هدولهـ ,,

شكرا علـ المعلومآت دي :rose:,,

لانـو ان شاء الله وبإذن الوآحد الاحد ,, حنروح مآليزيآ الصيف ,,

تخيلي مآلقينآ حجز ...
,,

بـس ان شآء الله نلاقي عن طريق الخطوط الامآراتيهـ ...
HaDoOoLa
13-06-2008, 01:50
* العنيدة *


هلا والله

بهالصيفية رايحة ماليزيا وان شآلله امر ع المطاعم لي قلتيلي عليها =)
سفرة موفقة انشالله ..

وانا بعد انشالله .. يللا يمكن نتلاقى هناك ونجرب المطاعم انا وياج :) لووول

وأشكرج ع المرور عزيزتي
HaDoOoLa
13-06-2008, 01:52
* همسة حنين *

هلا وغلا . .


تخيلي مآلقينآ حجز ,,

بـس ان شآء الله نلاقي عن طريق الخطوط الامآراتيهـ

احنا والله بالغصب يللا لقينا حجز .. وعلى فكرة كنا حاجزين قبل بشهر

وحصلنا على الطيران السيلاني .. !! يللا شنسوي
أهم شي نساافر :)

وموفقة انشالله
sour candy
20-06-2008, 09:21
دام احنا مسافرين لبلد جديد ليش ما ناكل من اكلهم؟؟؟
والا شكلوا اكلهك بايخ ؟؟؟
احد عنده فكرة عن الاكل الماليزي....
لو مو حلو ........قولوا لي عشان اخذ احتياطاتي:cool:
ملاحظ الجوده
20-06-2008, 09:45
موضوع جيد والله

وانا رحت لماليزيا وكل شي فيها رااااااااااااااااااااااااااائع وحلو

واذا تبين اختي ملف كامل عن ماليزيا انا حاظر .. ارسله لك بالخاص او احطه هنا اذا سمح الامر
Mis$ Gum
20-06-2008, 16:10
دام احنا مسافرين لبلد جديد ليش ما ناكل من اكلهم؟؟؟
والا شكلوا اكلهك بايخ ؟؟؟
احد عنده فكرة عن الاكل الماليزي....
لو مو حلو ........قولوا لي عشان اخذ احتياطاتي:cool:

امممممم صآحبتي رآحت ماليزيآ ,,

تقول أكلهم :hot: استغفر الله بـس ,,

يعني تخيلي إيدام بالانآناس ولا ايـس كريم بالبطاطس ...


مرة شي قرفني لمـن قالتلي ,,

بـس يمكن اكلاتهم التآنية حلوة مدري ,,

بـس دا اللي سمعتو مـن صآحبتي وعلى فكرهـ اكتر اكلهم فيهـ سكر ,, زي الصيني تقريبا ,,

بـس الصيني اكلهم ماشاء الله حلو ,, مـو ايدام وانآناس وبطاطس وايس كريم !!!!!

ايـش الخبيص دا خخخ
الحـل الصعب
21-06-2008, 01:57
sour candy
شوف هو في اكل حلو وفيه شين يعني الرز مثلا
يحبو يحطو عليه سكر بس عندهم فطاير وانواع ايدامات
لذيذه واذا كان اللي يبيع صيني تاكد منه انو الزيت
تبعو مو حق الخنزير..
.
.
همسة حنين
للمعلوميه الاكل الصيني اللي احنا نعرفو
بالسعوديه غير اكلهم الحقيقي احيانا لمن امر
من عند مطاعمهم اكتم نفسي خخخخخ
HaDoOoLa
21-06-2008, 16:06
هلا والله فيكم كلكم وبمشاركاتكم الحلوة ..



*ملاحظ الجودة*

اي والله اكون ممنونتلك وايد .. واذا تحه هني همن مو مشكلة ..عشان الكل يستفيد:)



وأشكركم كلكم ع المرور .. نورتو والله
ملاحظ الجوده
21-06-2008, 18:15
هلا بيك اختي هديل

واسف اني تاخرت ما رديت عليك

وهذا هو ملف كامل عن ماليزيا ... طبعا هو مبتدي من الرياض لاني الي سواه جزاه الله خير مبتدي من مطار الملك خالد ... والسعوديه والكويت واحد :d :brose:

المهم هذا هو الربط للتحميل وان شاء الله يصلح معكم ... والي ما يصلح معه يقولي ارسله على ايميله واتشرف بهذا :hi:

على فكره انا استفدت من الملف هذا كثر واللهملف كامل عن ماليزيا (...
)

وهذي صوره من الصور هناك يعني مو مره ولاكن هذا الي حصلتها قريبه في الجهاز...انا الي مصورها


...
(...
)
HaDoOoLa
22-06-2008, 11:21
^
^
^

هلا والله ..

مشكوور ع الفايل .. تحمل معاي الحمدلله و وايد أفادني
ماقصرت والله


والصورة وايد حلوة..يعطيك العافية:)
sour candy
22-06-2008, 18:07
وااااااااااااااااااااااااو الملف رووووووووووعة مفيد....جدا.....
شووووووووووووووكراااااااا...جز يلاااااااا....

المهم يا همسة حنين .......سالفة اسكريم بالبطاطس جابت لي القرف
شكلي راح اطبع عنوانين المطاعم العربية:forefinger:

صح كلام الحل الصعب
وحدة تقول تعرف ناس راحوا الصين اسبوعين رجعوا وزنهم نازل 15 كيلوا لانهم بس كانوا ياكلوا حبحب(بطيخ)
الزبدة ان الاكل هناك كله ثعابين وضفادع ووزغ مشوي ومقلي ومجفف كمان ووع:hot:
بس اكلهم اللي هنا يدوخ مره حلووووووووو
ملاحظ الجوده
22-06-2008, 18:09
^^^^

هلابيك اختي هديل

انا تحت امرك اختي ولو تبين صور زياده انا حاضر

والله يسعدكم ويوفقكم يارب ... الله يعينكم على الطياره 9 ساعات طيران :eek: :eek:
"صــوت العنــا"
09-07-2008, 19:18
يازييييييييين مطعم الطربوش يا شبـآب

عليييه كبـآب على كيف كيفكم ... طبعا بتكونون بالدور العلوي ..

يالبييه يشغلون اغاني رايقــــــــه

يا زينك يا ايام ماليزيــآ .........................


HALAL =Pp

ثـآنكسس هدوله ... ورحله سعيده إن شا ءالله :brose::brose:
rwry
12-07-2008, 11:17
واللهانا عايشه بماليزياو اكل ماليزيا سكر وحتى فيه نكهه عطريه فماتحب اكلهم ابدااااااااااااااااااااااااااا ا
ملاك الليالي
13-07-2008, 17:56
تسلم يمناك

انتظر الابداع

الجاي

;)
أحب الكويت
16-07-2008, 19:40
يسلمو
مهيب الرهيب
19-07-2008, 17:14
يسلموووووووووو


على المطاعم
HaDoOoLa
22-07-2008, 10:04
الله يسلمكم . .

ومشكوريييين ع الردود حبايبي . .

انا رجعت من يومين .. والحمدلله ونااسة ،، والمطاعم وايد حلوة .. أحلى شي مطعم (الطربوش)
ملاحظ الجوده
22-07-2008, 15:24
حمدلله على سلامتكم هديل
وان شاء الله انبسطتي بالرحله

واتمنا ان الملف ساعدك على اختيار الاماكن

واذا فيه صور عن ماليزيا اتمنا تحطينها نشوفها

<<< مشتاق لمايزيا بقوه:)
درب المحبه
23-07-2008, 10:22
يسلموووووووووووووووووووووووووو ووووووووووووووو

:ah::ah:
HaDoOoLa
26-07-2008, 13:07
*درب المحبة*


الله يسلمج :) ...

أشكرج ع المشاركة





*ملاحظ الجودة*

هلا اخوي .. الله يسلمك ..


وانا ظفت اليوم موضوع عن صور الرحلة كلها هذا الرابط :)

...
(...
)
ناطرة رايك :d
@أسـ الدلع ـاس@
26-07-2008, 20:39
شكلي بسرق الموضوع وبوريه اهلي
لاننا بنروح لماليزيا ههههههههههههههههههه

تقبلو مروري
HaDoOoLa
27-07-2008, 10:01
^
^

الله يسهل دربكم ..

ولاتنسووون .. أهم شي (مطعم الطربوش) لذييييذ
هالله هالله بالشيشة وعصير الليمون والمشاوي ... لووول


رحلة سعيدة انشالله
بدور 11
29-07-2008, 04:14
كل الشكر لك على المعلومات
;)
HaDoOoLa
30-07-2008, 17:30
العفوو (بدور)

وأشكرج ع المرور
وجه
22-09-2008, 06:17
شكراعلى المعلومات
يعطيك الف عافيه
HaDoOoLa
22-09-2008, 22:55
الله يعافيج ..

مشكورة ع المرور
beba bloom
23-09-2008, 07:15
انا رحت طربوش كم مره


اكلوو مره لزيز


ماما و بابا من اول اسبوع وشتهم الاكلات العربيه هع

ثاااااااانكس
HaDoOoLa
23-09-2008, 19:07
^
^

صح (الطربوش) وايد لذيذ ..

كنت تقريبا كل يوم عنده :)

وأحلى شي اللي صاير بمجمع سن واي