المساعد الشخصي الرقمي

مشاهدة النسخة كاملة : كيف بالله تجي بطوله وهذا حالنا...

فارس الورد
27-04-2008, 07:04
اعرف ان مافي اعضاء كثيرين من جمهور النصر هنا

بس ابقول كل اللي في راسي من باب لاتخلي شي بقلبك

انا ماتكلمت من اول السنه لاننا كنا في نص بطولات ومناافسه

لكن الان حان الاون لاستخراج العيوب علنا نعالجها

قبل لايجي عام جديد ........ تجينا فيه سكتات قلبيه .. الله الكافي...

النصر مايقدر ينافس في البطولات... مايقدر مايقدر..

النصر ناقصه كثير كثير كثير.... انا شخصيا كنت اتمنى ماناخذ بطوله

السنه هذي بالمره ... لاننا جمهور متهور... حسنه وحده تمسح كل الاخطاء

ونلغي كل عيب... نفكر بالعاطفه ومانفكر بالعقل...

كنت اتفرج بطولة الامير فيصل... وقلت لاخوي يمكن ناخذ هالبطوله

قال ليش قلت كل الي يلعبون مع الكبار هم من يلعبون الان.... يعني صغار النصر

هم اساسيين مع الكبار... مايقدرون يجاروون ابطال الفرق الاخرى

مثلا لو جية للهلال عندهم الدعيع والقحطاني والتمياط والشلهوب والخثران

والغنام واخييرا وهو المهم التايب...

الاتحاد ..نور القحطاني والمنتشري والنتيف وتكر و كريري والشقير والصقري نسيت الدوخي

منتخب ماشالله..

الاهلي ..عبدربه عبدالغني صاحب العبدلله تيسير الجاسم المسيليم مالك

يعني الفرق الكبيره عندها لعيبه ...يشيلون

النصر ماعنده الا سعد والتون والبحري وسلامتكم.....

الوضع الاداري ... جيد الى سئ احيان كذا واحيان كذا

طرد اعضاء شرف يمكن يغيروا تاريخ الكوره بالمره مو بس حال النصر

ولد الملك والداعم حسام وشاهر والبلطان والعساف ومنصور البلوي

يعني لا دفع ولا كفاية شر... الحسنه فيهم فيصل بن تركي

وعدم الاخذ برئ ماجد وابعاد الهريفي ومحيسن...اجل طلال مدير كره

والنصر عندها افضل من انجبتهم الكره السعوديه... اااااااااااه يالهريفي..

المدرب .... قوطي بيسبي ... كل شوي تشكيله ويلعب زين الين تجي مباراة مهمه

ويسوي شربه في الفريق .. ياكلها الجمهور الحزين...انتهى عقدك يا اساد انتهى

ادري بتقولون يحب النصر كلنا نحب النصر... ولا نقدر ندرب..

اللاعبين... سعد... كنت احبه مره الحين اكثر

لايمكن احد يمر بالي يمر فيه سعد ومايدمر,, الله واكبر شوي اكبر نجم وشوي

مسحبين فيه بلاط المنتديات سب وقذف وتعدي حد.. وقلة ادب

الله يكون بعونك ياابو مشعل... ياكبير ياللي اهدافك كلها مع الكبار

الهلال والاتحاد والاهلي صلح هدفين والشباب.. وباقي يقولون وش سوى سعد

سعد الوحيد اللي يكسر راس الفرق الكبيره .. مو الحزم والفيصلي ونجران..

التون .. كنت اطالب برحيله.. بس مبارة النهائي مع الهلال والمباره حقت الحزم

الاوله والثانيه خلتني اتمنى بقائه ... لانه يلعب من قلبه ويحرث الملعب

لكن مثل المجنون مافي امل واحد يشيل معه.. لو جابوا لاعب ممتاز ثاني

بنشوف التون مجنون اكثر ..

البحري... بارك الله فيه وفي اللي جابه لمنا... احبه ذا الولد...وزير الدفاع..


والبقيه لاعزاء..

ابدا بالحراسه قالي واحد الشريفي احسن من راضي... والله ضحكت من قلبي

وكذلك شر البليه مايضحك..

يعني ياتقتلني غريق او ترميني بمسدس... جايبلي 2 كل واحد اسوء من الثاني

وتخيرني بينهم.. اااااه ياوجه الركبه ذا الشريفي ياخي اكررهه...وراضي بره بره

والدفاع الدينصور المحترق هذا مدخلي ... ياشيخ اطلع من راسي.. وربي مافي

راسك كوره... اما مشعل المطيري ذا البكايه,,, مافي راسه كوره بس فيه حماس

يعني يمكن يجي منه خلوووه احتياط ولا يطقها الا في المباريات الترفيهيه...

الصقور... يبوي هذا حق كشتات وطلعات ماله ومال الكوره نكبه..

والمرداسي كويس بس خواف... يعني لو يشوف واحد يقلب مثل كيتا ولا مالك

ولا حق الهلال هذا ايلو مادري وش معن مافي راسه بس حركته سريعه

تجي خوينا المرداسي ام الركب...ويبدى يحوس.... اجل محترف ولا يقدر يقود

الدفاع ... امحق محترف ... والله لولا الله ثم البحري كانت اطلعت ريحته من زمان.

شراحيلي .. ممتاز بس مزاجي... لازم يرجع مستواه...وماجد هزازي ممتاز بس توه صغير


بس جيد.. برناوي... كنت كارهه ظهير كره العمى بس يوم رجع قلب ظبط...


الوسط مسكين يازهراني مافي الا هو,, وبعضهم يقول خلوه يمشي والله لولا الله


ثم الزهراني اننا كنا بنتشوت في الدوري تمام...

عبدالله الموسى ... احتياط.... الزول هارون ,,, يروح يكسر خشب احسن

ماله ومال ام الكوره... ايتي ذاك اللي جاي من الفضاء محسن القرني مريض

والله لازم مايطردونه من الفريق الا ويعالجونه بعد مره وحده عند فقيهي,,,


لاتمرير ولا استلام ماادري يسرح في الملعب وش يزين هذا

المبارك .. وجه السمبوسه.. كان زين وهمين خرب ماادري وش جاه

مو عشان البلنتي والله بس هو اصلا مستواه من جنبها صاير ماادري وش فيه

الواكد ماالومه هو جا وهو شوي بيمشي بعكازات .. يعني الغلط من اللي جابه..

عواد ااااااااه ومادراك ماعواد اغبى ولد في المملكه.. من جد لاعب حواري

عنده مهارات ووالله يمكن يكون التون ثاني.. لاكن عقليته والله مالعبه في حوش بيتنا

اذا جيت العب مع اخواني الصغار.. من جد غبي..

خيرالله... الله يهديه ورب الكعبه هذا الاعب ماتشوفه الا في النصر

هذولي يقتاتون على قلوب جماهير النصر اللي احترقت اتحداه يطقها باي فريق

ثاني .. والله لو يروح الهلال والا الاتحاد انهم مايقبلون فيه مشجع مو لاعب..

بس حصري هو ونمونته مانشوفهم الا في النصر.... الله يبعدهم عننا...

الهجوم احسن الخطوط تقريبا بتواجد الذابح سعد... والمدمره ريان,,, اللي ان شالله

بيسعدنا مع سعد.. بس توه صغير يبيله وقت ان شالله... مشروع ماجد

الله يهيدك ماصدق ينسى الهلال........ حتى ذكرتهم بماجد يابلال..

اما الشهراني فهو مجتهد ...... ويسجل في الفتح والحماده والفرق المختبئه

في الدرجه الاوله ..... اما الفرق الكبيره وحتى المباريات الحاسمه

فهو لايكاد يرى بالعين المجرده....... ولا ينذكر اسمه طول المباراه

حتى وهو خارج من الملعب ..... اقولكم مو طبيعي لا يرى بالعين المجرده..

اما النفطي,, فهو اكبر غلطه مولانه سئ

بالعكس النفطي لاعب كبير.... وهذي مشكلته جا بتعالي للنصر

وشافهم تحته وغرور ماله أي مبرر.. الفرق بينه وبين التايب


التايب يعرف انه لاعب كبير جا بثقه.. ولعب وفاد الفريق لانه كبير

النفطي كبير جا بغرور.... ولعب ومافاد لانفسه ولا النصر ولا فاده غروره

ماخذ مقلب قد راسه.... بره ..

يعني الفريق يبيله اكثر من 8 لاعبين تقريبا حتى نقول نقدر يحصد بطولات..

اووووووووووووه قلت كل اللي براسي..... دمتم


جمهور النصر ياجمهور الشمس



يالجمهور اللي يملى المدرجات ,,, بدون جوائز ومكافأت ههههه

فديتكم.... لاغنى عنكم.... يامن اعدتم للنصر هيبته اللي سلبها انصاف اللعبين..

دمتم.........


ياحبي وياعشقي فديتكم واحد واحد ..... يااكبر جمهور واحسن

جمهور حتى لو زعلت زغبي وهيفاء ونانسي
الرومنسي
29-04-2008, 13:22
ياهلا فيك ياخوي فارس الورد ويعطيك العافيه على الكلام الجميل ، بس إحنا أتوقع بأن أبرز مشاكلنا الخلافات بين رجال النصر وأعضاء شرفه وإدارة النادي السيئة في عدم جلب اللاعبين المفيدين للفريقين ومساومة اللاعب على قروشه ، وعلى العموم موسم النصر لسه منتهي وننتظر ونشوف
فارس الورد
30-04-2008, 01:02
هلا والله هلا وغلا يالرومنسي

اول شي يعطيك العافيه على الكلام الي قلته عن نانسي

اقصد زوغبي

بس ماكان ودي تزعل وترد وكذا على موضوع زي كذا

انا احترم كثير الزعيمه الي نزلت الموضوع

لانها تحاول على الاقل تحاول انها ماتسئ للغير

ولكن الموضوع نفسه فاشل

والكلام فيه مايجيب فايده بالعربي ماخوذ خيره

وانا كنت متابع وماحبيت ارد لاني اتنرفز من الغلط

فنأيت بنفسي

ثانيا مشكلة الاداره مشكله وتطفيش اعضاء الشرف وعدم تسليم الرواتب

وحقوق العاملين واللاعبين

بس الشكوى لله

وكلامك فعلا عين العقل

بس انا كنت متوقع انهم السنه اللي طافت بيرممون والسنه هذي

بيجيبون لعيبه عليهم القيمه

ان شالله نقول ان شالله

اما اذذا استمر الوضع كذا

فالله يعننا السنه الجايه على الضغط

ولله يستر بعد من كاس الخليج عساهم يجملون بس..

بس اساد لازم يبتعد لازم

من جد غبي...

مشكور اخوي وممنون طلتك وتواجدك
الرومنسي
30-04-2008, 10:17
ياهلا فيك ياخوي فارس الورد ..

بالنسبه لموضوع زغبي أنا قلت كل إلي عندي في ذاك الموضوع وماأحب أتوسع فيه أكثر إلى هذا الموضوع ولكني مو ندمان أبدا على إلي قلته وأحس إن ضميري مرتاح ..

بالنسبه لوضع الفريق النصراوي راح نتحمل الإداره في موسمها الأخير وبعدها أنا شخصيا ماراح اصوت لهم في الجمعيه العموميه المقبله ..

والله يوفق إنشاءالله
فارس الورد
01-05-2008, 02:21
ياهلا فيك ياخوي فارس الورد ..



هلا بك اكثر اخوي

بالنسبه لموضوع زغبي أنا قلت كل إلي عندي في ذاك الموضوع وماأحب أتوسع فيه أكثر إلى هذا الموضوع ولكني مو ندمان أبدا على إلي قلته وأحس إن ضميري مرتاح ..

لا لا لاتفهمني غلط انا اقول كلامك كان حجه

والجمتهم وكنت اتابع ردودك فقط

بس اقصد انهم موللفهم منزلين الموضوع يعني حاطينه رفع ضغط فقط


بالنسبه لوضع الفريق النصراوي راح نتحمل الإداره في موسمها الأخير وبعدها أنا شخصيا ماراح اصوت لهم في الجمعيه العموميه المقبله ..


والله يوفق إنشاءالله

حركات والله .. والله تو ادري فيه جمعيه وكذا

بس عندي احساس كبير ان هالسنه بتكون غير بحول الكريم ان شالله

وانهم بيبضون الوجه....

ان شالله نرفع الكاس الي بتجي سوا قول امين

يسعدني ردك اخوي رومنسي

دمت طيب الفال والنصيب
ملاحظ الجوده
01-05-2008, 14:16
تسلم اخوي فارس على الكلام الرائع
وانا معك في كل شي تقوله

ولكن مشكلت النصر انه ما حاول انه يعد اعداد جيد للصف الثاني .. وماصار فيه صف ثاني وهذا كونت المشكله الحين ...
بس الاداره الحاليه تحاول انها تعمل فريق متجانس .. وهو الصف الثاني .. الي اخذ بطوله الامير فيصل ..
وهذا ان شاء الله وبعونه .. يبي يكون منهم في الفريق الاول ويتركون الشياب الي مادري وش يبون فيهم ..
وهذا الي عندي
تقلو مني تقديري واحترامي
فارس الورد
02-05-2008, 00:42
تسلم اخوي فارس على الكلام الرائع

وانا معك في كل شي تقوله

ولكن مشكلت النصر انه ما حاول انه يعد اعداد جيد للصف الثاني .. وماصار فيه صف ثاني وهذا كونت المشكله الحين ...
بس الاداره الحاليه تحاول انها تعمل فريق متجانس .. وهو الصف الثاني .. الي اخذ بطوله الامير فيصل ..
وهذا ان شاء الله وبعونه .. يبي يكون منهم في الفريق الاول ويتركون الشياب الي مادري وش يبون فيهم ..
وهذا الي عندي

تقلو مني تقديري واحترامي

هلا والله ملاحظ لك وحشه والله

اذكر ان الوليد بن بدر قال كذا في احدى مقابلاته

قال اننا نسعى لتكوين فريقين زي بعض

وقالها بعد فيصل بن تركي

اما اللي اعجبني صدق عمران في مداخلته ... قال يبيلنا 10 لاعبين بارزين

يعني العمل تو عليه.. والله طمني شوي ان في مخ على الاقل زيه

في اللجنه...

بس والله من سمعت عبدالرحمن هوساوي مدري وش اول صفقه لنا

هالموسم وربي مرضت... ياخي الناس تطالب بلعيبه 5 نجوم

وذولي يجيبون لعيبه يحفرون تحت الارض ويطلعونهم

...شي يرفع الضغط

وين اللعيبه اللي في الواجهه ...الله يصبرنا بس

مشكور لطلتك اخوي ملاحظ

دمت بود
*شبابي نت*
02-05-2008, 05:11
زين طلعنا ببطوله ها الموسم
وتزين الامور في الموسم القادم
وبلاعبين اجانب مميزين مع الابقاء على التون
ولاعبين محليين
واول القادمين الطريدي صفقه ناجحه با اذن الله

ويعطيك العافيه على موضوعك وما خطته يداك
ملاحظ الجوده
02-05-2008, 15:40
هلا والله ملاحظ لك وحشه والله

اذكر ان الوليد بن بدر قال كذا في احدى مقابلاته

قال اننا نسعى لتكوين فريقين زي بعض

وقالها بعد فيصل بن تركي

اما اللي اعجبني صدق عمران في مداخلته ... قال يبيلنا 10 لاعبين بارزين

يعني العمل تو عليه.. والله طمني شوي ان في مخ على الاقل زيه

في اللجنه...

بس والله من سمعت عبدالرحمن هوساوي مدري وش اول صفقه لنا

هالموسم وربي مرضت... ياخي الناس تطالب بلعيبه 5 نجوم

وذولي يجيبون لعيبه يحفرون تحت الارض ويطلعونهم

...شي يرفع الضغط

وين اللعيبه اللي في الواجهه ...الله يصبرنا بس

مشكور لطلتك اخوي ملاحظ

دمت بود

هلا بيك اخوي فارس
كلامك سليم ورائع .. بس ان شاء الله ما ترجع العقليات القديمه الي تدور على الشيبان والي ما عندهم سنع ( كديش ).
الاداره الحاليه تحتاج الي دعم نفسي ومعنوي وثقه.. :light:
فارس الورد
02-05-2008, 21:43
زين طلعنا ببطوله ها الموسم
وتزين الامور في الموسم القادم

انا ماني ضد اننا ناخذ بطوله اخوي الغالي شبابي

بس اقصد اننا نحتاج الى عمل كبير حتى نقارع الفرق الكبيره

وحنا جمهور عاطفي حيل... فلذلك ماتمنيت البطوله

ولا جيتها اكيد شي طيب .. ورب عيون بكت من الفرح..

وبلاعبين اجانب مميزين مع الابقاء على التون
ولاعبين محليين
واول القادمين الطريدي صفقه ناجحه با اذن الله

ويعطيك العافيه على موضوعك وما خطته يداك

الله يسمع منك الطريدي انتقل للنصر؟؟

كيف عرفت..

ليته يجي.. مع خيبري بعد .......المحور له سنين وهو في مطب

يعني الزهراني قام بشغل كبير بس يبيله واحد صدقي معه

اما موضوع التون... انا اتفق معاك التون لو لقا لاعب كبير يشيل

النص بيرتاح هو كثير وبيتفرغ للابداع

لكن الان هو لحاله يحوس في النص.. ومافي مساعده له..

يسلملي مرورك

ودامت افراحنا بالنصر ان شالله
فارس الورد
02-05-2008, 21:46
والله ياخوفي انها موجده هالعقليات ياالغالي ملاحظ


يقولون انهم تعاقدوا مع عبدالرحمن انس هوساوي

وش يطلع ذا بعد

مااحب احكم مسبقا... لكن ليش مايجيبون لعيبة الواجهه

يقولون انه محور ليش مايجيبون الخيبري ولا عبده حكمي على الاقل

ياخي بديت امل منه الادراه

بس يالله باقي سنه

وان شوف هم على الوعد ولا .. الله لاقولها طبعا

مشكور اخوي ملاحظ لمرورك الغالي