سواد وجه .... [الأرشيف]

مشاهدة النسخة كاملة : سواد وجه ....

ناقه

04-07-2002, 06:27

مسيكم بالخير يالشيخات والشيوخ .....

بحكيلكم سالفة من كثر ما تحزن صارت تضحك .....

مرة من المرارير ...كان فيه عجيز تقرب لي وأحبها ( من ربعي :p ) ....رايحة عزا ناس تعرفهم ....المهم أذن المغرب قامت الحرمه تتوضا عشان تصلي .....هي قامت وإلا ماقامت ....قالت لها وحده يعرفونها برضو واسمها أم سعد : ماشالله عليك يا أم محمد ....نشيطة وتقومين تغسلين وتشوفين وتدلين دربك .....مهب مثل عميمتي الله يرحم حالها ضيعت ولعد تقوى تقوم إلا لين جاها من يمسكها .....

المهم أن الحرمه ماأذن العشا إلا وهي طايحة عليهم ....ياأم محمد وش فيك وش بلاك ....ما ترد ولا توحي ....غششششيانه ...شقلوها للمستشفى ....وحالتها تصعب على الكافر ....تقطع القلب ...قال الدكتور اللي هي تراجع عنده : وش صار لها ...كانت كويسة ....قالوا : ما ندري ...فجأة تعبت .
المهم الحرمة ترقدت في الصحية وحتى صارت ما تعرف عيالها ....ولا أحد ..

انتشر الخبر بعد كم يوم ....أن ام محمد في المستشفى ....ولا يدرون وش فيها ...المهم أن بنت أم محمد تلقت مكالمة من وحده تعرفها تسأل عن أحوال والدتها وتقول لها : علم يا صلكم ....تراني سامعه أم سعد تتنحتها وتقول كذا وكذا ....

طبعا بنت ام محمد حرمه مب صغيره .....مسكت بنتها وبنت أخوها ( بنت محمد ) وقالت لهم : انططططلللللقوا لبيت أم سعد(<< معروفة أنها قشرا ) وخذوا معكم ماعون مويه وخلوها تغسل وجهها من مويته ...وإن قالت لكم شي ...قولوا لها ترانا ماخذين من كل اللي في العزا ....المهم البنيات راحوا لام سعد يدربون ذا الماعون معهم كنه حق السيرك اللي يطافشون فيه ...

المهم ...يوم طقوا الباب على الحرمه وطلعت لهم وعطتهم اللي يبون وراحوا ( وهو ما صدقوا انهم طلعوا سالمين ) ....وارفعي السماعة ياام سعد على اللي كانوا معها في العزا ....وسالتهم إذا كانوا البنات جوهم ....وطبع قالوا لا ....الظاهر انهم جوك لحالك ....

على اللي سوووووووته في أمهات البنات .....سوت ولا عدلت ....
أول شي كلمت بنت ام محمد ولا عطتها وجه ونزرتها ....
بعدها اتجهت بشرورها وصواريخها لمرت محمد ( ام البنت اللي جتها ) : وذيك مسكينه قامت تتعذر ....ضعيفة الله ....

ومسحوا العجيز المريضة بالمويه .....يحلفون بالله أن اللي صار كما المعجزة ....فتحت الحرمه وسألت عن ولدها محمد ....
لا والحفيدات يختبرونها ويقولون : هذا هو ( ويأشرون على الدكتور )
قالت : لا بالله ...هذا التختور
وطابت الحمدلله...ونزورها وبألف خير :D
وتوته توته خلصت الحدوته ....
بس لو تدرون عن سواد الوجه اللي طلعوا فيه الحفيدات اللي فزعوا .....كحلت بهم ام سعد وحشتهم عند خلق الله وطلعوا بسواد الوجه ...بس يكركرون ولا همهم....;)
وما يستفاد منه مثل دروس الحديث تذكرونها ....( تدرون أن بنت نت لين كم سنه فاتوا كانت ما تعرف معنى كلمة ما يستفاد منه وكانت تتردها وهي ما تدري وش القصة ) وطبعا يوم شرحت لها هذي المعلومة القيمة ( شخت عليها ههههههه ) قالت لي طول عمرك شاطرة وتفهمينها وهي طايره ( يعني باختصار خفت بي وأنا صدقت وهذا اللي مضيعني ) ..:D
نرجع للفائدة اللي ملموسة في كل سالفة أقولها ( لين الحين خافة معليش ) ...أن كل واحد لازم يذكر الله على الكبيرة والصغيرة ويقول ماشاء الله ولا قوة إلا بالله ...وسلامتكم وتمسوا على خير ...

هلا

04-07-2002, 19:38

هههههههههههههههههههههههههههههه ههه

هههههههههههههههههههههههههههههه ههه

الله يوسع صدرك ياشيخه على ذا السواليف السنعه

ياناس أحد يحاكيني في ناقه وهي حاطه ما يستفاد منه

اللي ما كنت اعرف وش معناه.....

هذا بدال ما تسترين على ... تقومين تخليني مضرب للمثل ههههههه

وانا بقولك وش ما يستفاد منه في سالفتك

استفدنا ان لا يأس مع الحياه ولا حياه مع اليأس

صدز ان قريباتك طلعو بسواد وجه لكن جاب نتيجه....

يعني اللي استفدته لا تدورون دايم على بياض الوجه

لان بيجي يون بتسود وجيهكم بتسود ههههههه

فيكم فيكم سواد الوجه هههههههه :)

الله ياهي كمن مره اسودة وجيها وتفشلنا ههههههههه :)

تسلمين على السالفه ونحتريك في سواليفن ثانيه وثالثه ورابعه .... الخ :)

شرشبيل000غير

06-07-2002, 08:23

بدري!:clock:

على فكرة عليك دين قصتك مع جدتك(الله يخليها لك):)

:D :D :D :D :D :D :D :D :D :D :D :D :D :D :D :D :D :D :D

ما أدري شاك أنا بالسالفه؟؟؟

أنتي وش دورك بالقصه؟

ام سعد:eek: ؟

والا؟

ام محمد:roll: ؟

والا؟

وحده من ذا اللي يدربون ماعونهم:p ؟

وآقعي

07-07-2002, 04:05

هههههههههههههه الله يقطع سواليفك يام سعد قصدي ياناقه اجل سوتها ام سعد في العجيز بحل عندك عابر القارات يام سعد ..

الفائدة اللي ملموسة في كل سالفة أقولها ( لين الحين خافة معليش ) ...أن كل واحد لازم يذكر الله على الكبيرة والصغيرة ويقول ماشاء الله ولا قوة إلا بالله احلىىىىىى وحاطه خلاصة للموضوع .. لا لا ومايستفاد بعد مابقى إلا القاعدة .. اقول تدرين وش ناقص موضوعك .. ولا عنك بكمل مانقصه .. اي نعم هي اللي في بالي بالك ..
معاني الكلمات :
شقلوها للمستشفى : حملوها للمستشفى .
ترقدت في الصحية : نومت في المستشفى .
التختور : درجة علمية اعلى من الدكتور واقل من البرافسور .

ههههههههه :D :D ههههههههه الله يوسع صدرك بالعافيه ويازين سواليفك ياناقه وخاصة لاصارت متعلقة بالعجيز الله يخليهم لنا .. بس لو بهرتي السالفه بكم دعوه من ام محمد على ام سعد .. كان ولا اروع .
وترى مثل هالسالفه حصلت وتحصل كثير .. فيه ناس الله يكفينا شر عيونهم .. وخاصة قوم تبيها فيك ولا في اقرب شيء عندك . فيهم شفاحة مهيب على احد ..

الا بقولكم حكمة واقعية تخص هالسالفه .. لا تقهويتوا عند احد حتى وان كان في احدكم السكري بعيد الشر عنكم ولا اسنانكم تعوركم المهم ان شفتوهم عزموا عليكم تاكلون التمر مع القهوه .. فكلوا وامركم لله .. لأنهم ماعزموا عليكم حب فيكم إلا راسمين على غسال الفصم ههههه سقى الله ايام غسال الفناجيل .. العالم تشافى من العين وتوجعهم كلاهم من الغسيل ..

الله يهداك ياشرشبيل .. لاتحرج البنيه ..
ابيك في كلمة راس ..
تراها ام سعد ام سعد بس لاحد يدري حفاظاً على بقاء الجميع في هذا النادي ..
ماناب ناقصين نتسمر في الكيبورد وينقلونا للصحية بالكيبورد والماوس معنا ..

الغريب

07-07-2002, 13:40

سلااام بشكة . أوووووه سوري . اقصد يسعد أيامك ناقة

حقيقة كنت مار من عندكم او جنبكم على ضربان من الجمل المترادفة .
وعلى قول القايل مد لحافك على على على :o .. معليش خلوها ..

ولفت نظري موضوع نااقه عن العجيز ... هههههههههههههههه

لكن على فكرة واقعي انت صاج في اللي قلته لشرشبيل ولاانها دعاية الصيف
بعدين بتكون ناااقه غيـــ:D ــــر ههههههههههههههههههههه

الله يوسع صدرك نااقه مثل ماوسعتي صدورنا :)

الغريــــــــب :rose:

لمحة حب

07-07-2002, 15:59

هههههههههههههههه الله يقطع شيطانك يالناقه
ضحكت الين تعبت مسكينه هالعجيز جاتها عين من ام سعد ماصلت على النبي والثانيه العجيز المفروض قبل تطلع تحصن نفسها وتقرأ على نفسها من خوف تجيها عين مره ثانيه من ام فلان مايعرفوا انها طقتها بالعين ..
تدري ناقه انا فرحانه لأول مره افهم كل كلامك من غير احتاج قاموس لترجمة كلماتك للغه العربيه الي بعرفها هههههههههه

لا وبعد حاطه مايستفاد من الموضوع لكن نسيتي تكملي المايستفاد ان الواحد قبل يطلع لازم يحصن نفسه عاد تصدقي مره كنت في الحديقه انا احب كل يوم امشي رياضه وقريب مني حديقه مره كبيره جالسه امشي فيها اخذها لفه كامله بدقائق المهم كانو في عائله جالسين وانا كل شوي وانا امشي قدامهم مافي دقائق الا ارجع امشي من قدامهم واسمع بنت من بناتهم تقول اوف البنت هذه زي الصاروخ شوف كم مره لفت الحديقه باقل من 10 دقايق الا وانا ما امشي خطوتين الا و أوقع على الأرض من غير سبب البنت ساعتها اخواتها ضربوا قالوا ماسميتي البنت راحت فيها وانا ساعتها مسكت باب السياره وقلت اعوذ بالله ايش العالم ذي بس كسفه شوفي العالم وانتي طايحه قدامهم الي جلس يضحك والي جلس ينكت ..

سلطان القمر

07-07-2002, 23:22

والله قصة مره حلوه ياناقة تسلم ايدينك

وموضوع من جد رائع

بس انا ابغا اعرف هذولا الناس الي زي كذا ليش يحسدون بعض يعني الخير ولا العافية اذا راحت من غيره ماراح ترجع ليه

بس الصراحة الي زي كذا أخاف امشي معاهم لايصكوني عين وأروح فيها

واقعي :

شقلوها للمستشفى : حملوها للمستشفى .
ترقدت في الصحية : نومت في المستشفى .
التختور : درجة علمية اعلى من الدكتور واقل من البرافسور

حلو مره تعليقك :D :D :D :D :D :D :D :D :D :D :D

مممممممممممممممممت على نفسي من الضحك

يعطيكم ألف عافية

عاشقـة سـراب

08-07-2002, 04:14

مسيكم بالخير <=== توها تتفرغ تجي هالمزيونة ...

ناقة انتي رهيبة مع عجوزتكم والله ..

تدرين انا صارت لي نفس السالفة لامي ..

لمن كنا بعيد الفطر اول يوم .. رحنا لبيت جدتي .. وهناك الصباح كلن متجمع والحريم اللي نعرفهم واللي مانعرفهم موجودين المهم سلمنا وقعدنا .. وكلهم عجايز وش كبرهم الا امي ياربي تخليها احلى وحدة مزيونة فيهم وكانت امي وقتها لابسة ساعة كارتير اللي فيهم فصوص المــــــأس وهذيك الجالبية الغالية .. اكيد بتكون امي الملكة مابينهم .. وبعد ماشربوا قهاويهم وطلعوا وطلعنا .. ومشينا للبيت الا وامي تحس انه بدنها مرة منهد ومهي قادرة تقوم ولا تتحرك .. وبدنها كله يعورها وحالتها حالة ذاك اليوم وتصيح كان الله بعونها .. وقلنا اكيد عين ماصلت على النبي .. ورحنا لبيت جدتي وكنسنا التراب والغبار اللي عند باب المقلط .. المهم عطيناه امي وتسبحت فيه وشطفت بالماي .. ورجعت بعدها سالمة .. مافيها شي لااله الالله .. ذكروا ربي لايصير لامي شي مرة ثانية ..

اميمتي يارب تخليها لي ..

ناقه

08-07-2002, 12:42

هلااااااااااااا والله بشرشبيل ....غير
وشلونك ياخي ...
ياناس يذهلني ذكاء هالولد ...
صح أنا لي دور فعال في القصة ...
انا التختور ...ههههههههههههههههه:p
شرشبيل ...اي قصة اللي تحكي عنها ....ذكرني ؟!

هلاوين والله بواقعي ....
هههههههههههههههههههههههههههههه ههههه
أموت أنا في معاني الكلمات .....أنت تفسير وأنا حديث عز الله خارت المناهج هههههههه
أجل يمرضون من الغسال ..والله إني دايم أقوله...
بينقلونكم بالكيبورد والماوس والكرسي ....لو سمحت لا تنسى الكرسي ...ويمكن تنقشع قطعة من الموكيت معه....حيث ان ذا القطيعة بتصير ماريتي عشان اعرفكم في المستشفى (حوطية ...معليش :p )

هلا والله بالغريب حياك يالغالي ....
يا كثر سوالف العجز اللي عندي ....خلها على الله بس ...
بغرقكم بس اصبروا علي ....;)

هلا والله وغلا ومرحبا بدمعة حايرة .....حياك الله اسفرت وانورت واستهلت وامطرت ...يختي نور الموضوع ....
عسى تسفهلين ويستاسع صدرك دوم مب يوم ....
اسكتي اسكتي مش الوليه كانت حتروح في شربة ميه يا ولداه .....
المشكلة انها مره تخقق ....تعرفين العجز الحبيبين ....اللي طول الوقت تدعي لك وشوي وتصيح ....يعني مش وش زالك ....
وان استعصى عليك شي من كلامي يادمعه .....لا تتردي في السؤال يا اخيّه ....( خطر ما احدث بعد شوي ههههههه:p )
وألف الف سلامة لك .....
وإن سمعتي أحد يقول لك وش ذا الركض والا وش ذا السرعة ...
قولي علاج طبيعي .... غصب اسويه ....وافتكي منهم ...;)

هلا والله بسلطان القمر ......:star:
والله ذا العالم يروعون .....يحسدون الأعمى على كبر عيونه .....
يعني السالفة نكد فنكد ....:roll:

هلا والله بعاشقة ....
إنشالله ما تشوف شر والدتك ......
هو مب منها من بزة العيد الله يكفيك شرها هههههههههههههههههه;) :p

تركي

09-07-2002, 14:13

يعطيك العافيه نااااقه

بس طلب كانك تعرفين ام سعد تخلين وجهتها لاسرائيل كودها تعطيهم عين واولهم شارررون

هذي ما تمززززح ... وقولي لها تراك تصيرين مجاهده " جهاد العين " !!!

09-07-2002, 17:50

مساكم الله بالخير جميعا :)

من جد سواد وجيه .... و من جد موقف شيء :)

والمفردات اللغويه شيء ثاني ... ايه الحتسي ده ياناقه :)

والسالفه كوم والدرر والفائده الموسه كوم ... الله يقطع سوالفك :):):).. قوة عين ... والعجز لهم سوالف ..

;) ;)

Lonely Girl

09-07-2002, 23:57

خخخخخخخخخخخخخخخخخخخخخخخخخخخخخ

وناااااااااااااسه ياناقه والله حللللللللووووووووووه

بس شوفي انا مافهمت السالفه قريتها اكتر من 3 مرات باوقات مختلفه هههههههههههههههه وللاسف كنت احتاج معجم عشان اطله المعاني..,,

بس اشوى فهمتها اخير من الاخوان ومن واقعي المترجم حقك خخخخخخخخخخخخخخخخخخخخخ

بليز يااهل الرياض اهرجوا عربي خخخخخخخخخخخخخ

ومشكووووووووووره عيوني ناقه..,,

بس سؤال زغير..ليش ماتغيرين اسمك خخخخخخخخخخخخخخخخ
تراه من جد مولايق خخخخخخخخخخخ انا شكلي بخبصها لالا زين خلاص بس لاتزعلين ههههههههههههه

بايو ياهوووووووو:)

ونة قلب

11-07-2002, 03:07

ههههههههههههههههههههههههههها
الله ياخذ شيطانك يا ناقه
كنت مارة وقلت خليني اشوف ايش عندهم مجتمعين واشوف عجيزك
وضحكت لما خلالالالالالالالالاص تعبت

لكن فعلا كثير من الناس ما تعرف فعلا تذكر الله بكل شيء
احكي لكم قصه صارت لي.. حقيقه وقريبه جدا بالاختبارات
كنت خارجة من الكلية مستاذنه عندي مراجعه للطبيب عشان عيوني
كنت متعافيه بس هي مراجعه وكمان ابي اخرج بدري يوم من نفسي........

المهم
قالت لي وحده مثل ام سعد وين رايحه؟؟
قلت لها.. عندي موعد للطبيب
قالت ( اشوفك احسن واقوى مني..
والله انا ما اخذت فيها ولا فكرت فيها ضحكت ومشيت
رحت للطبيب وما لقيته موجود حمدت ربي ويالله بسرررررعه على البيت
وما اوصل البيت.
الا ما قدرت اتحرك سخونه.. ووجهي نصفه منتفخ ودموع عيني ما تقف
يوم خبرت زميلتي قالت لي هذه اكيد من عين ام السعد.. لازم اجيب فصم التمر وتوضي فيه.
طبعا انا ما رضيت ولا حبيت اجرحها بس جلست اقرا قرىن على نفسي وبعض السور لما فك عني الشر...

يعني هي الخلاصه مثل ما قلتيها يا ناقه..

ذكرتني بأشياء.. روحي ياشيخه الله يذكرك بالشهاده...

تحياتي للجميع
ردودكم ما شالله روعه بكل كلمه..اسعدتني جدا

تنهيدة حب

14-07-2002, 10:57

ههههههههههههههههههههههههههههه

الله يقطع بليسك يا ناقه مووووووووووووتيني من الضحك بصراحه

كنت ماره بالصدفه ولله كنت متوقعه اني بلاقي سالووووووووووفه

تهبل ..............

اسلوبك في سرد القصه خرااااااااااااااااااااافي او عفواً يخققققققققققققق :p

والظاهر ام سعد تحرم تروح او تعطي احد غسول مسيكينه

تعقدت بقوووووووووووه ........

<<<<<<<<<<<شايله هم ام سعد :roll: نذله خخخخخخخخخ :p

لا ولله بسم لله علينا كلنا من العين ويكفينا شر اهل العيون الحاره

اعوذ بالله منهم .......

بس من جد القصه مره حلوه مشكوره ياناقه

ولله يوسع صدرك بالعافيه يا عيوني .........:rose:

اقول ما ودكم تتقهوووووون عندنا في البيت ....:D :D

<<<<<<<<<<وحده خايفه من العين :cool: :p

هههههههههههه

:h: تنهـــــــــــــــ حب ــــــــــــــــــيدة :h:

أمبراطورة

25-03-2005, 16:38

يعطيك العافيه نااااقه

بس طلب كانك تعرفين ام سعد تخلين وجهتها لاسرائيل كودها تعطيهم عين واولهم شارررون

هذي ما تمززززح ... وقولي لها تراك تصيرين مجاهده " جهاد العين " !!!
:yes: :yes: :yes: :yes: :yes: :yes: :yes: :yes: :yes: :yes: :yes: :) :) :) :) :) :) :) :)

diamond

17-04-2005, 20:46

ههههههههههههاااااااااااااي
حلوه
بس انا داخله اسال وشلون غيرتي الصوره حقتك ناقه؟

يورو تريب

14-08-2005, 10:39

هب عليها نضولة عمى في عين العدو :roll:
بس كلمة تنقال ومحد ينكرها (العين حق) :happy:

لحن الاصيل

01-12-2005, 18:10

شكراً يا ناقه على السالوفه ..

عاد الزبده لازم نحرص على الورد في الصباح و المساء ..

ودائماً اي شئ نشوفه و يعجبنا نذكر الله و نقول ( ماشاء الله تبارك الله )

في كل شئ مع الناس او مع اهلنا او حتى مع انفسنا ..

وسالفة ام سعد تصير مع ناس كثير ..

وسلامتكم ..

ياسميـنــــــا

10-12-2005, 23:53

الله يهديك جيت اشوف سواد الوجه الي مسويته قالولي ان ناقه مسويه سواد وجه
قلت اجي اشوف الله يقطع سوالفك

romantic girl

12-12-2005, 11:07

ههههههه
حلوه
من جد عليك سوالف فله

تسلمين ياناقه

جنيفر لوبـــــز

17-12-2005, 17:56

هههههههههههههههاااااااااااييي حلووووووووووووه شكل ام سعد ذي كثيييير منه بالذات عند العجز يحبيله عمتك مادري جدتك تنرحم...:(

مشكوره ناقه على القصه الفلوليييه...:)

الهنوف خان

25-12-2005, 20:47

خخخخخخخخخخخخخخخخخخخخخخ

تجنن القصه بس العبره في النهايه<<<ياعمري البنات راحوا فيها

abdul

30-12-2005, 22:30

المهم البنيات راحوا لام سعد يدربون ذا الماعون معهم كنه حق السيرك اللي يطافشون فيه ...

عجبتني هذي :d

كيران

31-12-2005, 11:31

حلوووه هالقصة والعبرة احلى

يسسسلمووووو

:p :yes: :cool: :)

ملقوفهـ

23-05-2007, 08:32

هههههههههههههههههه حلوه مره
:happy:

cute.girl

24-05-2007, 14:59

هلا واللهـ !

هع هع هع هع هع هع حلوهـ

من جد مت من الضحكـ يالناقهـ !!

واناآ رايي من راي تركيـ !!

مااليكـ الا امـ سعد !

:)

احلى نجديه

24-05-2007, 20:27

:) :d من جد انا اكثر شي يحمسني للمنتدى سوالف نتت نت وناقه واتمنى اكون صديقه لكم وتفتقدوني لاغبت

Mrs.Stamos

29-05-2007, 12:57

ههههههههههاااي مرررررررررررررره حلووووووووووه

الهنوف خان

19-08-2007, 10:31

خخخخخخخخخ

هم يضحك هم يبكي

حلوه

وحداني الشرقيه

12-12-2007, 12:10

والله قصة مره حلوه ياناقة تسلم ايدينك

وموضوع من جد رائع

بس انا ابغا اعرف هذولا الناس الي زي كذا ليش يحسدون بعض يعني الخير ولا العافية اذا راحت من غيره ماراح ترجع ليه

بس الصراحة الي زي كذا أخاف امشي معاههم بصراحه ويعطيك الف عافيه على موضوعك الرئع

واتمنامنك الكثير من الموضيع الرئعه ......

ولكي خالص تحياتي..................

اخوك......وحـــدانـــي الــــشرقــيه:)

أثـير الصمـت

13-12-2007, 10:09

انفجعت عالعجوز المسكينة
الحمدلله على سلامتهاا

وفعلا حكاية يستفاد منها

وجزاهم الله خير البنات اللي ساعدوا الحرمة وجابوا لها غسول وجه ام سعد الحسودة

robert de nero

03-09-2008, 20:41

هههههههههههههههههههههههههههههه ههههه
هههههههههههههههههههه
مسكينة:p