سؤال للنصراويين...!!

[**ميدو**]

السلام عليكم....

الحقيقة انا لاحظت بكم منتدى وحتى بهذا المنتدى

أن لما نكتب حنا الهلاليين موضوع عن سامي ينقهرون

ويدخلون يتمشكلون.....بس ابي اعرف ليـــــه:)

[ريال مدريد]

لأ لأ هنا الشباب مسالمين
لا تخاف أكتب موضوع
عن سامي
وما يصير خاطرك إلا طيب


:)

[مسز زايد خان]

لا بالعكس حنا يالنصراوين نحب سامي لانه اسطوره السعوديه مو بس الهلال

[دالي الرياض]

من قاااال

اصلآ النصرااااووين دائمآ مسااالمين وماايحبون المشاااكل


وبعدين ليه ننقهر من ساااامي احنااا عندنااا ماااااجد عبداللـه

[**ندوووووووش**]

انا على فكررره هلاليه
بس
صرااااحه انا ملاحظه هالشي 00دايم موبس
في المنتدياااااااااااااااااات000
في الحيااااااااااااه اليوميه000
دايم اذا جابوووو سيره الهلال او سامي وياسر

يقعدوووون يسبووون سب فيهم0000
انا اتوقع انه عشاااان زي
ماانتو عااارفين 000كيف الوضع بين
النصر والهلال 00وجمهورهم000

واحب اقولهم انه ساااامي الجابر 00وياااسر القحطاني

من اللاعبين الكبااااااار اللي في بلدنااا000
زي ماااااااااااكاااااااااااان في من الايااام
ماجد عبدالله لاعب كبير 00ولازاااااااالت الكووره
والملاعب السعوديه تشهد له على ذللك00

[برنس المشاعر]

سامى بن عبد الله الجابر
الذيب *السفير*الاسطوره*سام 6*
سيد منطقه الجزاء
سامى انت الحقيقه الذى سطعت من بين كل النجوم
لا احد ينكر قدره الجابر على فن التعامل مع المستديره
وخاصه بمنطقه الجزاء
سامى فعلا انت الاسطوره انت افضل لا عب انجبته الملاعب العربيه
وعلى قوله المعلق الكبير رووف خليف
سامى الجابر حامل لواء الكره العربيه


الله يوفق زعيم نصف الارض

[عشقي العالمي]

هههههههههههههههههه بصراحه كلامك مدري كيف أي منتدى هذا اللي إذا ذكرت سامي يسبونه او يتكلمون عليه ...
ياخي منهو سامي عشان يسبونه .. كل واحد وله نظرته في أي لاعب كان وفي أي نااادي كان ...
سامي لاعب ممتاز في قديم الزمان أم الأن ولا بريال وسامي هو بنفسه أعترف في إحدى لقائته بإنه لايستطيع أن يكمل مشواره الكروي بسبب كبر السن وأنه قدم الكثير للكوره السعودية وبصراحه ماقصر في مشوراه مع الهلال والمنتخب ...
لكـــــــــــــن السؤال الذي يطرح نفســـــــــــــــــــــــــــ ــه ؟؟؟
هل نقارن سامي الجابر بأسطورة الملاعب العربيه ... جلاد الحارس ... السهم الملتهب ... السحابه 9 ... الرعب ... الكابتن مــــــــاجد أحمــــد عبدالله ؟؟؟
هذا هو السؤال الذي أتوقع إنه يوجد عليكم صعوبة في البحث عن الإجابة ...

[الرومنسي]

لازم تحط في بالك ياخوي ميدو بأن هناك أعداء للنجاح ، فإذا كان سامي ناجح فهو محارب مثل ماإن ماجد ناجح وهو محارب وهذي سنة الحياه ، وأنا شخصيا مافي قلبي شي على سامي أو أي لاعب هلالي ولكن في ملاحظات كثيره ظهرت هالسنه ضد الهلال وهي المسانده التحكيميه إلي جعلت الكل ضد الهلال بل إن في كثيرين من مشجعي الأنديه الأخرى كرهوا الهلال ، أعتقد بأن مافي هلالي أو حتى رياضي سعودي عجبه موقف بعض الجماهير الأهلاوية في حرق الأعلام الهلالية بالرغم من التحالف الهلالي الأهلاوي ، هناك عدة أنديه في هذا الموسم بالتحديد تضررت من بعض القرارات التحكيمية التي يكون الهلال طرفا فيها ، على العموم أنا ماودي أتشعب في الموضوع وإذا شفتوا أحد من الجماهير ضد سامي فأرجو إنكم ماتعمموا هالشيء على كل جماهير النصر

[برنس المشاعر]

مااحد ينكر ان ماجد احمد عبد الله لا عب كبير وممتاز
بس اذا تبى تقارنه بسامى شى مختلف تماما
ماجد ظهر فى الملاعب او فى زمن لم يكن هناك لاعبييين وماجد على ايام طقها ولاحقها
اما سامى الذيب سيد منطقه الجزاء سطع نجمه من بين النجوم وحقق البطولات وأهل النتخب اكثر من مره لكأس العالم* ممداك تنسي 2006*

سامى انت حامل لواء الكوره العربيه

[الرومنسي]

مااحد ينكر ان ماجد احمد عبد الله لا عب كبير وممتاز

بس اذا تبى تقارنه بسامى شى مختلف تماما
ماجد ظهر فى الملاعب او فى زمن لم يكن هناك لاعبييين وماجد على ايام طقها ولاحقها
اما سامى الذيب سيد منطقه الجزاء سطع نجمه من بين النجوم وحقق البطولات وأهل النتخب اكثر من مره لكأس العالم* ممداك تنسي 2006*


سامى انت حامل لواء الكوره العربيه


إسمح لي ياخوي مع إحترامي لك الظاهر إنت من جيل مشجعي الشلهوب والتمياط ومالحقت على الزمن الذهبي للكره السعوديه ، ممكن تعدد لي نجوم الهلال في الثمانينات أو تبيني أنا النصراوي أسردهم لك ؟؟

رجاء إذا بغيت ترد لاتنسى تآخذ المعلومات الأكيده عن أسماء اللاعبين من شبكة الزعيم !!

[توم جيري]

انا بما اني هلالي
مافي وجه مقارنة بين ماجد ولا سامي
ولا بين ياسر وسعد الحارثي

حتى انا يا هلاليين اذا تكلمو النصروايين عن ماجد نحسدهم

يعني علاقة عكسية

[توم جيري]

مااحد ينكر ان ماجد احمد عبد الله لا عب كبير وممتاز
بس اذا تبى تقارنه بسامى شى مختلف تماما
ماجد ظهر فى الملاعب او فى زمن لم يكن هناك لاعبييين وماجد على ايام طقها ولاحقها
اما سامى الذيب سيد منطقه الجزاء سطع نجمه من بين النجوم وحقق البطولات وأهل النتخب اكثر من مره لكأس العالم* ممداك تنسي 2006*

سامى انت حامل لواء الكوره العربيه

اجل بليه ومارودنا وين اظهر فيه في اي زمان

طيب قارن بين ماجد وسامي

[colorzQueen]

ياربي ذا السامي بالغصب الا تبون تطلعونه ناجح وحنا نحارب نجاحه هوصح
ناجح لاكن أعلامياً فقط
للمعلوميه مر على النصر نجوم لو تجمع كل لاعبين الهلال ماجو ربع واحد منهم
ومنهو سامي حتى نفكر فيه اصلاً

[توم جيري]

ياربي ذا السامي بالغصب الا تبون تطلعونه ناجح وحنا نحارب نجاحه هوصح
ناجح لاكن أعلامياً فقط
للمعلوميه مر على النصر نجوم لو تجمع كل لاعبين الهلال ماجو ربع واحد منهم
ومنهو سامي حتى نفكر فيه اصلاً

هههههههههه

ضحكتيني من جد


تدرين وش مشكلة سامي

انا الفرق الثانية تبي واحد مثله

قائد داخل وخارج الملعب

يصنع غير المتوقع في الملعب

اكثر واحد محارب ومع ذلك يظل نجم من نجوم الكرة السعودية

[مرسدس بنت بورش]

بما إني هلاليه مافيه وجه مقارنه أأأأأبد بين ياسر وسعد
ولا بين سامي وماجد وأحس أن سامي وياسر متقدمين بمراحل
وبعدين يعتيبيه عيب عليك الواحد يدخل ويتكلم بأدب ولا لايدخل
الحمد لله والشكر :(
مشكور أخوي ميدو على طرح الموظوع
:)

[سكــ الليل ــون]

:happy:

الله يرجكم

ماعندي شي بس ماقدرت امسك نفسي من الضحك على ردودكم

وسلآمتكم كلكم ..,

[**ميدو**]

ريال مدريد

امحق مسالمين ماشفتي الفضايح اللي طلعت

مسز زايد خان

وهذا اللي نبغاه هلالي يحب ماجد ونصراوي يحب سامي:)



دالي الرياض

هع...حتى التكريم ماشافه..

**ندوووووووش**

كلامك ماعليه غبااااار :D

برنس المشاعر

مابعد كلامك كلام..

توم جيري

وش احسدهم عليــــه..؟؟!!

العتيبيه

خخخخخخخخخخخخخخخخخخخخخ

قووووووووووووووووووووووووييييي يييييييييييية :happy:

فريق مدري وشلون ماهبط تقولين لعيبت الهلال المتصدر مايجون ربع اللي مدري وشلون ماهبط:conf:

قال منهو سامي قال..سامي القائد لأربع مونديالات

وبجانب بيليه وماردونا وقائد الهلال لعشرين عاما..

فضيحة اذا ماتدرين :eek:

مرسدس بنت بورش

لاداعي للشـــكر

سكــ الليل ــون

حياك معنا..

[ملقوفهـ]

انت شعندك اللحين؟

الهلال والنصر .. ترا فيه مليوون فريق غيرهم

قديميين اللي يتكلمون عن الهلا والنصر مع بعض

هذاك اول ايام عز النصر اللحين

لاااا النصر مووستحيل يوصل ربع اللي وصل له الهلال

[كاتم السر]

طبيعي كل لاعب نجم يلاقي اللي يكره نجاحه بالتحديد من أقوى منافس.
و يحاول يقلل من انجازاته لكن التعميم على كل الجمهور فيه ظلم أكيد.
لأن اللاعب في مناسبات كثيره يمثل المنتخب و يرفع رايه بلاده و لابد جات أوقات هتفت جماهير النصر باسم سامي لا شعورياً يوم صنع انتصار للمنتخب >>> و يا كثرها

نفس الشي ماجد عبدالله، ارجعوا للتاريخ و شوفوا انجازاته محلياً و خليجياً و عربياً مؤكد يوم كان يمثل المنتخب و صنع انتصارات هتفت الجماهير الهلاليه باسمه بدون وعي من الفرحه لأنها فرحة للسعوديه كلها.

لو المقارنه على انجازاتهم مع المنتخب فراح نظلم ماجد عبدالله لأن الكوره السعوديه و الخليجيه تطورت ككل خلال آخر 15 عام و صعدت لكاس العالم عدة مرات بفضل سامي و غير سامي لأن التجهيزات و الاستعدادات اختلفت عن أول. و لولا انجازات ماجد عبدالله و رفاقه من جيل السبعينات و الثمانينات اللي بدأوا بحفر اسم المنتخب السعودي في الصخر ما وصلت الرايه لسامي و رفاقه و اكتسبوا الثقه من اسم منتخب كان أحد لبناته الأولى ماجد فاستطاعوا الوصول للعالميه و لولا سامي و رفاقه ما وصلت الرايه للحارثي و ياسر و معاذ و المنتشري، و القافلة تسير.

الخلاصه: الحزازيات و المقارنات موجوده و تعطي نكهه لحوار الجماهير لكن الواعي ما ينكر ان مثل ما فيه الشين فيه الزين و ما حد يقول عن طحينه مسوس.

تحياتي

[mafe esem]

وعليكم السلام ،،

حلو كلام كاتم ..!

بس برضو للي يقولون لامجال للمقارنة بين سامي وماجد أو شي زي كذا // ترى أكيد لأنه لكل واحد فيهم فنيات مختلفه = ]

سلملم

[كاتم السر]

وعليكم السلام ،،


حلو كلام كاتم ..!

بس برضو للي يقولون لامجال للمقارنة بين سامي وماجد أو شي زي كذا // ترى أكيد لأنه لكل واحد فيهم فنيات مختلفه = ]


سلملم

^^^
و رحمة الله و بركاته

الله يحلي أيامك.

ممكن نقارنهم ببعض بدون اغفال مكانتهم في قلوب
محبينهم و محبين الكوره السعوديه
لأن الاثنين عينين في راس و اثنينهم
من أشهر نجوم الكوره السعوديه بدون منازع بدون ما ننسى
الجوهره الثنيان و العازف الجمعان لكن لو تكلمنا عن أكثر واحد
له بصمه في الهلال أو النصر فأكيد نتكلم عن سامي و ماجد.

في رأيي يختلفوا في الفنيات فقط في ان سامي ثعلب أمام المرمى
و ماهر في المحاوره و المناولات القصيره و يسجل بقدمه من انصاف الفرص
بينما ماجد مهارته كانت في المناولات الطويله و الون تو مع الجمعان
و ملك الجو في ألعاب الهواء و لو وصلت الكره راسه فهي هدف
لا شك لأن تسديدة الراس عنده تطلع محكمه و قويه كانها من قدمه.

من غير المنطقي نهائياً مهاجمة سامي أو ماجد بأي حجه
لأن انجازاتهم أكبر من أي انتقاد أو كره.

[F.TOTTI]

طيب انا نصراوي واحب اضحك على سامي خخخخ شف قلت اضحك مهوب اكره
لأنه مهوب كفو انك تكرهه(وجهه واحد وده ينرفز)

اهه ياشهيل: D خخخخ (سامحني يادللي)

[mafe esem]

المره الجايه خلي صوتك وانت تضحك على قدك = )