تراني كشخه واحب الماركات

[(عافك الخاطر)]

هلا بكم والله

اول بقولكم السلاااام عليكم

شلونكم ياوخياتي ... شخباركم بعد رمضان وبعد العيد

عيدكـــم مبااااااااارك الله يعيده علينا وعليكم بالخير والعز والنصر للأســـلام .

مدري وشلون ابدأ معكم >> سني خايفة <<

شفتوا وشلون الوحدة بقاعة الإمتحان كنها أنــا والله << مدري وراني <<

عاد موضوعي مشغلني من فترة وقعدت لي كم يوم اراقب واتحرى الدقة فيه

>> كوجاك << على غفلة والا >> كونن << هههههههههه

اخش بالموضوع على طوووووول لايمين ولا يسار

لي فترة ومن الزيارات من قبل رمضان وبعده وبالعيد خاصة اشوف هالحريم

وخاصة >> البنات << اللي تحت الــ 25 __ كل همهم شراء الماركات من شنط

وجزم وملابس كن الواحد صاير إذا مالبس شي ماركة راحت عليه

يعني صار هم العالم عندنا الحين .. وش آخر شي شريتيه ماركة وشو

وتعالي شوفي عاد إذا اجتمعوا في المجلس واسمعي هالهرج الفاضي ...توني شاريه

من (( ديور .... كوتش .... جفنشي .... اترو ..... فيرجامو.... فندي .... جوتشي ))

ويالله كل وحدة تبز بعمرها وتعلمس وش شرت وبكم ...ياعالم استحوا على وجيهكم

فيه ناس ماتلقى شي تاكله وانتم تتجاكرون بالكلام عند الناس ...طيب يمكن فيه

ناس ماتقدر تشتري ..على الأقل احترموا مشاعر الآخرين ....... والا ماتصيرون ناس

وذوق وكشخة إلا إذا شريتوا من هالماركات اللي ذابحتكــــــم

لا والمصيبة الكبرى بنت في ثالث متوسط (( ووالله العظيم اني صادقة واعرفها زين <<

توها شارية شنطة ماركة ديور للمدرسة وعشانها لونها ابيض وتوسخت شوي معاد تبيها

>> نعنبوا بليسس << سعرها تقول امها (( اربعة الآف )) إيه فتحوا عيونكم

>> 4000 << بالتمام والكمال ...... بس البنت ملت منها ومعاد تبيها !!!!!!!!!!!!!!!!

وش هالجيل اللي يبي يتعود على هالشراء بالهبل .........على الصرف من غير حسيب ولا

رقيب ..... الحين حتى الجوالات ... عيال اختي بنت بثاني ابتدائي ومعها جوال

ليش ؟؟ بنت فلان مو احسن منها ...وش ناقص بنتي مايصير معها جوال بعد

منطق غريب

يوم العيد كنا في بيت خالي والكل مجتمع ويااااااااكثرنا ماشاء الله بس تعالوا شوفوا

مظاهر العيد ....... كل لبسهم وحكيهم عن ماركة (( بيربيري )) من اللي عمره 6 أشهر

لابس نفس الماركة إلا اللي عمرها 40 سنه ......... انا ما أقول ما نلبس بس ياناس بالعقل

عودوا عيالكم وبناتكم على شكرا النعمة ...عودوهم على ان الحياة ليست لبس فقط

ومظاهر كاذبة ...عودوا بناتكم على ان الحياة ليست سهلة ستدوم لهم بهذا النعيم

علموهم ان الدنيا زائلة وان هذه المظاهر لاتبني جيــلا رائعــا قويا ملتزما بمبادىء

الأخــلاق ...... هل تصدقون لو اقول لكم انني اعرف امرأة تبحث عن زوجة لأبنهــا

ومن شروط ((الأم والأبنــة >عمر البنت 16 )) ان تكون فتاة تعرف الماااااراكات وتلبسهــا

قلت لكم وسأكرر كــلامي

البسوا ماتحبون ولكن من غير بذخ ومن غير اسراف ولا تعودوا اطفالكم على ان الحياة

كلهــا لبس ماركات في ماركات والا اللي مايلبسها ماله قيمة بيننـــــــــــا .

[m999n-82]

كلامك عين الصواب :yes: :yes: :yes: صادقه الواحد اذا مالبس ماركه ينجن كانه همه الوحيد في العالم لبس الماركات ما يدري ان جسمه في يوم بيغطيه التراب

[zotplanet]

الف شكر علي الموضوع

فعلا اصبحت المظاهر هم الكثيرين

الله يرحمنا برحمته

[عبله]

من جد وانا ملاحظه بيربري هالسنه بزيااااااده حامت كبدي منه :S ... هع هع هع

والله شوفي يعني الماركات حلوو ان الواحد يلبسها اذا عنده امكانات ماديه ليه لأ !! .. يعني الناس لو مو مرتاحين ماديا ماكانو فكروا بهالأشياء .. وبالأخير كل واحد يعرف ظروفه يعرف ايش يناسبه !!

<< على فكرره etro مدري ليه طايرين فيه ماقد شفت فيه شي عجبني :S

[بنت جيرانكم]

فعلاً عزيزتي كلامك صحيح:)

الله يعطيك العافيه

[مون فلور]

فعلا والله عندك حق كأنه اللي ما يلبس ماركه

جاي من كوكب تاني:roll: انا بالكليه و الاحظ هده الموضوع

البنت النظيفه هي اللي تلبس ماركه و البنت اللي ما تفهم تروح لاي مكان غيرها

والشي دا بأيثر على نفسيت الي ما تقدر تشتري من الماركه لانها راح تضغط على نفسها و اهلها في سبيل انها تشتري

وانا اعرف بنت اتعرفت على شاب و هي اصلا متزوجه كله عشان تقابله و يشتريلها لبس غالي..........تخيلوا:conf:

[% دلوعة أمها %]

ياقلبي انا كلاااامك عين العقل ((((( ماادري كلمتي صح ولا انا غلطانه

المهم ثنكيوووو عيوني:cool:

[NanOoOosH 999]

بصراحة الشي دا مرة انتشر مو بس بين البنات كمان بين الاولاد

تخيلو واحد عندي بالماسنجر ايش يقول
قال ايش يبغى يفصل ثوب وعليه علامة جوتشي :roll: :roll: نعم؟؟؟
ابو الغباء وام الهبالة
واسخف شي العبايات اللي حاطين عليها ارماني ولا ايف سان لوران
ايش السخافة دي
يعني هما من متى بيطلعو عبايات
تحسي الناس دي عندها فجعة مو طبيعية
يعني اذا انتو عندكم ترى فيه اللي احسن منكم

سلام

[LOVE-ANGLE]

موضووع مررهـ حلوو ..


يسلموو حبيبة قلبي ..


=)

[باتشيه]

جبتيهاااااا وربي .. يعطيك العافيه كلامك درر ..

اما بنت المتوسط هذي ملت من الشنطه ماتبيها :eek: :conf: << يبيلها كف بزران ماينعطون وجه .. بس الشرهه على امهااا والله :roll: ..

اما ظاهرة الجوالات خطر ابو سبع شهور معه in 70 :rolleyes: ...


ولا بالنسبه للماركات الكل طايح فيها العدل والماايل .. لاتقولين يحترمون مشااعر النااس اللي ماايقدرون .. والله حتى اللي مايقدرون صاارو يخففون من الأكل والشرب علشان يجمعون فلوس للشنطه الماركه ولا للجزمه ..
واللي مرره مايقدر بيشتريها لو تقليييييد <<<< وياااكثرهم هذوولي حتى عندهم القدره الماديه يساافرون مصر ولا مااليزيا ولا تاايلند وتشتري لك بالتقليد درزن شنط بربري ودرزن ديور ودرزن شانيل .. الخ وتوزعه على اخوااتها وبناات خالاتها << وياامحلا اشكاالهم بالعيد <<<<< تحففففف مطقمين عاللآلآلآخر :roll: :roll: :roll: :eek: :eek: :eek:

حلوووو نشتري مااركات ليه لا بس لاتصيررر اهم شي نفكر فيه ومانرتاح الا الين نرص الدولالاب منها .. بالنهاايه الذووق لصااحب الذوق في نوعية اختيااره للبس اللي ينااسبه مو المااركه اللي بتخليه ذووق ولو ماتلبق عليه :eek:

تحيااتي للكاتبه .. ولكلام الحلوو
تحياتي ...

[كلي فخر]

مصيبة مجتمعاتنا انهاه مريضه ....
يعتقدون ان الماركه في كل شي تميز وبصراحة الناس الي زين كذا
يعني ماركات في كل شي عندهم نقص مره كبير في حياتهم يعني لو تدورين في حياتهم ولا شخصياتهم تشوفين العجب العجاب

عن نفسي احب الماركات بس مو كلها لأن الماركات العالميه تميل للستاييل الجدي شوي ولله الحمد ربي ناعم على والي تطيح عنيني عليه رخيص ولا غالي ماركه عاديه ولا عالميه اشتريه ما حب اقيد نفسي بشي اسمه ماركه
في الأخر كله قماش ومرده لبسله لبسيت الزباله ولا التبرعات
صحيح في شي شغل يد وفي شي شغل مكاين وفي شي مميز ومصنع خصيصا وفي شي للعامه
بس في الأخر والله ماخلي شي في خاطري لجل لأنه مو من ماركه كذا ولا كذا

أعذروني طولت

[لولو الحسناء]

هل تصدقون لو اقول لكم انني اعرف امرأة تبحث عن زوجة لأبنهــا ومن شروط ((الأم والأبنــة >عمر البنت 16 )) ان تكون فتاة تعرف الماااااراكات وتلبسهــا

<<-:conf: :conf: :conf:


تحياتي
:cool:

[ام فصفص]

امممممممم مو كأن الموضوووع ملطوش:confused: من الاقلاع:confused:
بس غريبه ما كتبتي منقوووووووول:confused: لابراء الذمه يعني:confused:


:confused: :confused: :confused: :confused:

[مس ديووري]

هلا بنووتات
يعني الي يشتري ماركات غلط :roll: ؟
انا احب اشتري ماركات
مثلاَ انا أحس روبرتو كفالي و دولتشي اند جابانا و بربري ستااايلي
ما اشتري منهم لأني اغل فلوس ورا شي ما يسوى ؟
فالصيف شريت شنطة فندي النيوو بـ 26 ألف بس انا ما سويته بس جيه
الشنطة كانت سووو اتراكتييف و خذتها
I hope اذا فهمت الموضوع غلط حد يقوللي


Pleaaase don't misunderstand it

[جنيفر لوبـــــز]

انا ارحمهم صراحه عشان كذا دايم ابي اعيش برى مالي خلق العقليات التعبانه هذي الموبايلات الي تنعطى للبزران والماركات قولوا اهون شوي بس بالهبل الي نشوفه سخافه صراحه وتخلف مع بعض مجتمعين...

الله يشفيهم..

[mafe esem]

وعليكم السلاام ورحمة الله وبركاته ...

صدق الواحد يحب يكشخ ومايحس نفسه ناقص عن الناس .. بس بحدود !

حمدللَّــه ! .. للحين ماوصلت حد اللي امتنع عشان أي شيء عشان أشتري بداله ماركه:conf: :roll: !

من جد قاموا يبالغوون !

الله يستر من الجااي !

ويعطيكِ ألف عاافيه عاافك2 !

:rose: :rose: :cool:

[][الدلوووعة][]

آمـ فصفص ،، آنآ ويآكـ
الموضوع منقول حرفيآ من الآقلآع ،، عيب و ربي عيب .. ع الآقل آكتبي آنه منقول ! :eek:

..

بالنسبه للمآركآت
من جد آنآ ملآحظه هالشي و بزيآدهـ هالسنه ،، آوكي آشتري مآركه ،، بس مو لهآلدرجه ،، مدرستنآ و ربي مآ آكذب عليكمـ آن قلت لكمـ آنهآ كلهآ بيربري ،، البنآت مآ صدقوآ يجي البرد و المطر علشآن يجيبون مظلآت و شآلآت < حآلتهمـ صعبه من جد :roll:

..

الحمد لله و الشكر

[رزوانا]

يا حياتي الماركة عبارة عن شركة تقوم بتصميم الموديل ثم خياطة بشكل متقن وممتازه واختياري الخام الجيدة
وفي النهاية كتابة اسم الماركة على قطعة صغيرة تثبت في داخل الملبس أو الجاكيت وبعد ذلك يرتفع سعرها ونحن يا العرب نجهل مصطلح هذه الماركات العالمية التي انتشرت في اسواقنا العربية والاسلامية بشكل فظيع ........

[T5ToO5a]

مدرستنآ و ربي مآ آكذب عليكمـ آن قلت لكمـ آنهآ كلهآ بيربري ،، البنآت مآ صدقوآ يجي البرد و المطر علشآن يجيبون مظلآت و شآلآت < حآلتهمـ صعبه من جد


بربري مو بيربري ;)
وع شكلهم قرويات

بربري مايصلح نبالغ فيه يعني موحلو يصير اللبس زحمه

البسي بلوزه سودا وطلعي القبه حقت البلوزه البربريه من فوق يطلع حلوو

اما كله بربري شالات وقبعات ومظلات ... يع وش هالقراوه :confused:

.
.




مظاهر العيد ....... كل لبسهم وحكيهم عن ماركة (( بيربيري )) من اللي عمره 6 أشهر

لابس نفس الماركة إلا اللي عمرها 40 سنه ......... انا ما أقول ما نلبس بس ياناس بالعقل

ليش بالعكس مررره حلووو عليهم اوكي بالعقل بس شي حلو وهذا سعره مانلبس يعني ؟؟:eek:

ماشوف فيها شي

سلام

[][الدلوووعة][]

^
مآ فرقت ،، شوفي اللي قبلي شلون كآتبين آسآمي المآركآت :confused:

[T5ToO5a]

مافي أحد كاتبه غلط إلا إنتي وإللي ناقله الموضوع :confused:

اوكي بس حبيت أعلمك النطق الصح

[][الدلوووعة][]

نفس الشي مآ فرقت ،، الكتآبه تختلف عن النطق ،، خلآص تعودت عليهآ جذي ! :confused:

..

ع العمومـ حصل خير ،، السآلفه كلهآ مآركه :confused:
:)