حكمة الاقدار ( قصه سعوديه) جديده **ادخل واكتب رايك**

[غروب الشروق]

السلام عليكم ورحمة الله وبركاته
هذي اول مشاركه لي واول قصه لي
انا عمري ما كتبت قصه ولا حتى فكرت بس عندي خيال الواسع قلت بجرب وبشوووف مووهووبه ولا لأ
انا اتقبل كل ملاحظه وكل نقد سواء ايجابي او سلبي لاني مثل ماقلت لكم ماعندي ماعند جدتي بس حبيت اجرب واخذ ارائكم حتى خواتي مايدرون عني انا بزل جزء واحد واذا شفت ردوركم وكانت بدايه طيبه راح انزل الجزء اللي بعده
ولا تحرمووونا ملاحظاتكم ونصااايحكم اخليكم مع القصه اللي اتمنى انها تعجبكم
(( الجــــــــــــــــــزء الاول))
صحت منى(23) سنه من نومها الساعه 10 الصبح وقامت من سريرها بتكاسل وثقل لانها ما نامت الا متأخر من كثر التفكير راحت لدورة المياه غسلت وجهها وفرشت اسنانها وسرحت شعرها
( منى متوسطة الجمال بيضا طولها 166 وزنها54 شعرها ناعم بني يوصل لحد اكتافها وعيونها كبيره وعسليه** منى مخلصه جامعه وتخصصها تاريخ. عندها اختين وجدان (20 سنه) تدرس بالجامعه تخصص رياضيات واحلام (14 سنه) تدرس في ثاني متوسط وعندها اخوين محمد( 27 سنه) ويشتغل في بنك الرياض واحمد( 16سنه)يدرس باول ثانوي وهو اشطر واحد ودافووووره)
نزلت للدور التحتي اخذت الجريده من على الطاوله واول ملحق فتحته ملحق الرياضه منى تعشق شي اسمه كرة قدم وتموت في فريق الاتحاد خلصت من قراءة الجريده راحت للمطبخ
منى: حكيمه ....
حكيمه ( الشغاله) : نعم
منى : سوي لي 3 بيضات سويه بيض عيوون مو تخلطينه وووو وش بعد حطي لي جبنتين من جبن البقره الضاحه اللي تشبهك ( حكيمه ما عندها الا انها تبتسم ) وزيتووون اخضر وسويلي عصير برتقال طازج اوكي
حكيمه : زين
منى : ولا تنسين غسلي ايدينك قبل لا تعصرين البرتقال وارفعي اكمام ثوبك
حكيمه تبتسم : زين خلاص كل يوم منى قول سيم سيم كلام
منى : وياليتك تسمعين بعد اهم شي خلي عنك البربره ويالله عجلي علي
( راحت منى للصاله قعدت شوي بعدها طلعت للحديقه وجلست على الكرسي تتنتظر الفطور وسرحت وراحت تفكر وصحت من اللي هي فيه على جيت حكيمه. حكيمه حطت لها الفطور ومن غير شعور قالت منى: ياربي متى افتك من هالتفكير
حكيمه : هااا؟؟
منى : وش دخلك انتي احد كلمك ؟؟
حكيمه ضحكت وراحت داخل : مدري
( اكلت منى كل الفطور اللي قدامها لانها البارح ماتعشت ورجعت تفكر)
(( يا ترى فهد شلون شكله؟؟ خبري فيه يوم كنت باابتدائي وماشفته الا هذيك السنه يوم يمر باص الجامعه عند بيتهم وهو كان واقف وماشفته زين !! هو يبيني ؟؟ شكله مايبيني ومغصوب علي لو يبيني كان خطبني!! الحين صار لي سنتين وانا على هالحال من كلمتني خالتي وقالت لي يامرت ولدي!! طيب يمكن قالتها تمزح وانا ماصدقت خبر؟؟ لا لو تمزح كان مو كل مره تلمح وتتكلم عن فهد !! والله مدري اصلا انا غبيه متعبه عمري كل هالسنين وقاعده افكر باللي مايتسمى ))
قامت منى ودخلت داخل شافت اخوها احمد
منى : واخيرا لقيت لي واحد صاحي بهالبيت ..
احمد (( يبتسم بصمت)) : ........
منى : وش فيك خيوووو شكلك طفشان
احمد : يعني تو صاحي من النوم وش تبيني اسوووي اناقز؟؟
منى : يمه بسم الله علي لا بعد تكفى قوووم وطقني ؟؟
احمد :.......
منى : تبي تفطر ؟
احمد : لا مشكووووره
منى : تبي تلعب بلاي ستيشن تراي طفشااانه
احمد : يالله على الاقل اصحصح شووي
(( منى تموت بالبلاستيشن وتحب تلعب شريط الكوره . قام احمد وشغله واخذ له منتخب فرنسا وهي اخذت منتخب البرازيل وبدأو يلعبوون))
منى : اقوول خيووو مستعد تلعب مو اذا هزمتك وكسرت راسك قلت لي اصلا انا تو قاعد من النوم ( قالتها وهي تقلده)
احمد : اسمعي وانا صاحي وانا نايم بفوز عليك وراح اهزئك بعد
منى : ههههههههااااي ( باستهزاء)) ضحكتني يا زيدان
احمد : كم هدف تبين 10؟؟
منى ( تتريق) : ابي واحد بس
(( في هاللحظه جات هجمه لمنى وسجلت اول هدف )
منى : قووووووول يا سلااام عليك يا رونالدو رونالدوووو رونالدووو يسويها .. شعللوها شعللوها والشباك مزقووها
احمد : لا تفرحين تونا بداية الطريق
(( بعد دقيقتين منى تسجل الثاني))
منى : يا ولد ياولد ادريانو عملها
ام محمد : وجع يابنت قص يقص لسانك وش هالأزعاج
( التفتوا منى واحمد على امهم اللي تو صاحيه ورايحه للمطبخ وكملوا اللعب )
احمد يرد على منى ( طايح وجهه) : اصلا هذا القير اللي عندي خربااان وتدرين تو صااحي من النوم
منى : العب غيرها خيووووو
(( انتهت المباراه بفوز منى 4\1. اذن الظهر قام احمد يتوظأ راحت منى غرفتها عشان تصلي))
( خلصت منى صلاه ورجعت تفكر في فهد اللي ماخذ كل تفكيرها كانت تبي تعرف عنه أي شي مثل وين يشتغل ؟؟ وكم راتبه ؟؟ لدرجه انها طلبت من صديقتها هيفاء تسأل خالتها ام فهد عن فهد لانهم جيران ومن نفس الطينه وهذا الحوار اللي دار بينهم قبل سنه )
هيفاء : هلا وغلا بام فهد الله حيها
(( هيفا اصغر من منى بسنه بس صديقتها الروح بالروح مع اختلاف التخصصات تعرفوا على بعض بالجامعه كان عندهم مادة متطلبه لجميع التخصصات.. هيفاء جميله ولون بشرتها حطني وشعرها كيرلي اسوود وطويل وطولها 160 ووزنها 55 يعني دبدوبه شووي ويسمونها الجزيره لانها ام الاخبار وتموت بالمسلسلات والفنانين والفنانات.. هيفاء هي اكبر اخوانها وعندها اخت ماجده عمرها (18 سنه ) تدرس ثانويه عامه . وخالد عمره (4 سنين وابو هيفاء متوفي من 3 سنين بسب مرضه بسرطان في الراس))
ام فهد : هلا فيك يا بنتي
(( ام فهد خالة منى وماشاءالله عليها تحب الاخبار والعلوووم ويسمونها في الحي سي ان ان وماعندها الا فهد وحيدها))
هيفاء : وينك من زمان ماشفناك تصدقيني صرنا ماندري عن الحي وش صار فيه ؟؟
ام فهد : والله كنت تعبانه ... وين امك ؟
هيفاء : ماتشوووفين شر يا خاله .. امي فوووق الحين بتنزل خلينا نسووولف
ام فهد : هي بتتأخر يعني ؟؟
هيفاء : لا شووي وتنزل .. الا قولي لي متى راح تزوجين فهد ؟
ام فهد : تو الناس
هيفاء : ليش ؟؟
ام فهد : تدرين هو ما كمل دراسته وماعنده الا الثانويه يعني صعبه يلاقي شغل زي الناس!
هيفاء : يعني هو ماعنده وظيفه؟
ام فهد : الا عنده بس سكرتي في شركه و راتبه مايساعد انه يتزوج الحين؟
هيفاء : ليش كم راتبه ؟
ام فهد : يعني 1500
هيفاء : اهاااا اجل الله يعينه
ام فهد : ماعندكم واسطه نبي وظيفه احسن من كذا ؟؟ اخاف اموت ولا شفت عرسه تدرين هو وحيدي وعمره الحين 25 سنه
هيفاء : ضحكت بطوول صووتها : ههههههههههههههه لو عندي واسطه كان ماشفتيني قاعده وهذا انا تخصصي انجليزي
( انزلت ام خالد ومعاها خلووودي)
ام خالد: حي الله ام فهد القاطعه شلونك ؟؟
( قامت ام فهد تسلم على ام خالد )
ام فهد : انا القاطعه ؟؟ انتي اللي وينك ؟؟
ام خالد : والله فقدناك . شخبارك وشلوون فهد ؟
ام فهد : بخير وفهد بعد بخير
( انتبهت ام خالد ان مافي لا شاي ولا قهوه ولا شي )
ام خالد ( معصبه) : هيفوووه ووجع ماقهويتي خالتك
هيفاء مندمجه مع ام فهد : هاااااا؟ يووووه نسيت يمى سا محيني يا خاله
ام خالد : اكيد تنسين همك العلوووم والاخبار يالله طسي وروحي جيبي الشاي والقهوه
( قامت هيفا مبرطمه ) : انشاء الله يمى
( رجعت وجابت لهم الشاي والقهوه واستأذنت وراحت تدق على منى)
هيفاء : الوووو
منى : هلا وغلا
هيفاء : فيني احكي مع منى زكي ؟
منى : اهلا انا منى زكي مين معايا ؟
هيفاء : انا هيفاء وهبي لك ماعرفتيني اههههههه<< تقلد ضحكة هيفاء
منى : بقد اهلا وسهلا بالواوا عااايزه ايه ؟؟
هيفاء : انا واواو لك انتي مابتستحي على وشك وكمان جايبه لك اخبار كتير حلووه عن فهد
منى ( رجعت سعووديه) : صدق ؟؟ تكفين قولي لي؟؟
هيفاء : لا مابدي
منى : ياشينها من فمك اقولك قوليها ولا راح تندمين !!
هيفاء : على شو بدي اندم
منى : عندي مجلات جديده وفيها صووور روووعه
هيفاء ( قلبت سعودي) : قوووووولي والله
منى : وش مصلحتي اكذب ؟؟
هيفاء : اممممممم اوكي صدقتك بقولك السالفه واول مااسكر السماعه ترسلين محمد او احمد يجيبها لي لاذبحك
منى : ايه خلاص والله اجيبها لك بس علميني تكفين هو يبيني ولا مغصوووب علي؟؟
هيفاء : بصراحه مدري بس اللي اعرفه انه يدور وظيفه ومو مستعد للزواج الحين
منى : يا سلام دام الموضوع كذا عجووز النار خالتي ليش تقولي من سنتين وانا قااعده افكر
هيفاء : اكيد انها تتمناك لولدها اليوم قبل بكره بس ولدها راتبه 1500 ما يقدر يفتح بيت
منى ( معصبه) : نعم نعم ؟؟ 1500 ؟؟ انا اتزوج واحد راتبه 1500 ؟؟
هيفاء : مو قلت لك انه مو مستعد ويحاول يلاقي وظيفه ثانيه
منى : طيب ماعرفتي امه غاصبته علي ولا هو راضي فيني ؟
هيفاء : بالله عليك انتي ووجهك تبيني اسال خالتك هالسؤال؟
منى : لا ياقلبي بطريقتك الخاصه
هيفاء : لا خاصه ولا عاامه ماابي اقولها اخاف تحسبني حاطه عيني على ولدها من كثر ما سالت عنه
منى : لا حبيبتي انت لخوووي محمد وبس
هيفاء ( استحت ) : انطمي بس
منى : احلى يا حيوووووي انت .. والله انك تستاهلين اخوووي حموود وهو يستاهلك بعد
هيفاء : .......
منى : يالواوا وين رحتي ؟؟
هيفاء : اذا غيرتي الموضوع بتكلم !!
منى : على امرك كم ام عبدالله عندي انا
(( بعدها كملوا سوالفهم))
****************************** ******************** ****************************** **********

[غروب الشروق]

((الجـــــــــــــــزء الثالث))

بوسعد : حيا الله اخوووي بو محمد تفضل يالغالي
بومحمد حب راس اخوه لانه الكبير : هلا والله بااخووي زاد فضلك
سعد قام وحب راس عمه: هلا والله بهالنور كله وينكم من زمان ماشفناكم
بو محمد : والله انت عارف امور الدنيا
( دخلوا المجلس واجلسوا صب سعد القهوه لعمه وابوه )
بو محمد : يا خوي انا جايك وما ابيك تردني
بو سعد : امر وش بغيت قاصرك شي؟؟ تراني مستعد واطلب من الريال للمليون ..
بو محمد : ما قصرت الحمدلله عندنا وعندكم خير .. انا جايك بموضوع ثاني
بو سعد : امر يا اخوووي تفضل
بو محمد : والله انا جااي اخطب بنتك ياسمين لولدي محمد
بو سعد : هذي الساعه المباركه ما طلبت شي لو تبيها الحين اخذها
بو محمد: الله يخليك لي يا بو سعد
بو سعد : خلاص يا خوي عطنا اسبوع ونرد عليك
بو محمد : الله اسبوع مره وحده؟؟
بو سعد : ايه يا خوي عشان البنت تفكر على راحتها
( سعد قاعد يتابع اشوووي وقاام .. وبو محمد واخوه كملوا سوالف)
( راح سعد صاااااروووخ على غرفة ياسمين ويطق الباب بقووووه)
سعد : يااااااااااااااااااسمييييييييي ييين ياااااااااااااااسمين افتحي
ياسمين :....................
( حاول سعد يفتح الباب لكنه مقفل )
سعد : ياااااسمين وووصمخ افتحي الباب
( بعد دقيقتين افتحت ياسمين الباب و عليها جلال الصلاه وعيونها حمرا)
سعد : وش فيك سنه على ما تفتحين ؟؟وش في عيونك حمرا؟؟
ياسمين:هاااااا؟
سعد : وش فيك فيكي شي ؟؟
ياسمين : لا مافيني شي بس قاعده ادعي ربي ينجحني
سعد : خليني ادخل بقووولك خبر
( وخرت ياسمين عن الباب ودخل سعد)
سعد : جاك عريس
ياسمين : ................ (ساكته لكنها مبسوووطه من داخلها)
سعد : اشوووفك ساااكته ولا سألتيني مين؟؟
ياسمين : مين؟؟
سعد : محمد ولد عمك .. خلاص اكملت انتي تاخذين محمد وانا اخذ بعد عمري منى
ياسمين : اييييييش محمد؟؟
سعد انصدم : ايه محمد وش فيه؟؟
( كانت ياسمين مبسوووطه لما قالها سعد ان جاها عريس بس لما عرفت ان محمد رفضت وبشده)
ياسمين وهي تصرخ : ماابيه محمد ماابيه يالله اطلع برى
سعد : هييي انتي وش فيك وليش ماتبينه انشاءالله ؟؟
يااسمين بتوتر : مـ ـ ـالك دخل و انـ ـ ـ ا مو ررررافضه محمد بس انـ ـ ا رافضه الزواج ابي اكمل دراستي
سعد على نياته صدق عذرها : والله هذا الكلام قوليه لبوووي مو لي وانتي كيفك
( طلع سعد من الغرفه وياسمين قفلت عليها غرفتها ورمت نفسها على سجادتها وقعدت تبكي وتستغفر وتدعي ربها )
****************************** ****************************** ******
بو سعد : يا ام سعد ام سعد
شهد ورغد ركضوا على ابوهم يحضنونه : بابا بابا بابا
بوسعد : هلا با احلى قمررررين وين الماما
شهد : ماما بالمطبخ
رغد : بابا شيلني ؟؟
بو سعد : يابنتي انتي كبيره وين اشيلك
زعلت رغد وقالت شهد : والله لقول لابله فاطمه انك قلتي لبوي يشيلك
رغد قامت تبكي : خلاص والله اخر مره خلاص
شهد تتوعد فيها وتسوي الحركه بيديها : اصبري والله لعلمها والله لقول لها
بو سعد : شهوووده حبيبتي خلاص توووبه ماتقووول مره مر ثانيه.. صح رغوودي؟؟
رغد وهي تبكي : ايه صح
شهد : خلاص سا محتك بس ياويلك اذا قلتي له مره ثانيه
(هزت راسها رغد وقعدت تمسح دموعها.. بو سعد باس بناته وراح لام سعد بالمطبخ)
بوسعد : غزالي وش يسوي بالمطبخ؟
ام سعد : استح على وجهك ولدك طولك وتقول هالكلام؟؟
بو سعد : يعني شلووون مااتكلم انتي ام عيالي
ام سعد :................. ( مشغوووله بالمطبخ)
بو سعد : المهم اخوي بو محمد خطب ياسمين لولده محمد
( ام سعد تركت اللي بيدها وابتسمت :صدق هذي الساعه المباركه متى الملكه؟؟
بو سعد : حشاااااا !!! كلمي البنت با الاول يمكن مو موافقه!!
ام سعد : ما عليك منها اكيد بتوافق ما راح تلقى مثل محمد
بو سعد : حتى ولو لازم تكون موافقه ولو انها بترفض انا راح ارفض
ام سعد : تتكلم جد ؟؟؟ واخوك بو محمد اكيد بيزعل!! كفايه انكم بعاد عن بعض
بو سعد : كيفه يزعل اخرتها بيرضى بس اهم شي مااغصب بنتي
ام سعد : لا اكيد ياسمين موافقه انا متاكده والحين بروح واتأكد لك
( طلعت ام سعد فوق لغرفة ياسمين طقت عليها الباب ياسمين ماردت افتحت ام سعد الباب لقت ياسمين نااايمه سكرت الباب وراحت تكمل شغلها بالمطبخ وهي رايحه شافت بو سعد طالع )
بو سعد : مسرع ما كلمتيها شكلها موافقه
ام سعد : لا البنت نايمه
بو سعد خلاص كلميها بعدين
ام سعد : انشاءالله
****************************
( منى ماسكه جوالها تدق على هيفاء وتقفل )
منى: ادق ولا ماادق؟ يالله بدق واللي يصير يصير
هيفاء بصوت عالي : الووووووووووووو
منى : وووجع فقعتي اذاني
هيفاء : هههههههههههه خير وش تبين؟؟
منى : ابي اسلم عليك شخبارك؟
هيفاء : الحمدلله مبسووووطه وواصله حدي من الفرح
( منى في نفسها : لا ماابي انكد عليها واخرب فرحتها)
منى : دووووم انشاء الله ياا...... (( كانت بتقول ام عبدالله لانها متعوده بس اسكتت))
هيفاء وهي معصبه : ام وشووووو تكلمي
منى : ام ...ام.... ام شووووووووشه هههههههههههه ( تحاول ترقع)
هيفاء : انتي وش فيك ناويه على هواااااش؟؟
منى : لا لا لا هوااش ولا غيره انا بس حبيت اسلم عليك .. شخباااار خلوووودي خطيبي
هيفاء : بخير يسلم عليك اليوم راح اوديه الحديقه اللي بجنب بيتنا تدرين هو يحبها ولازم يروح
منى : بتروحين لحالك؟
هيفاء : لا طبعا برووح انا وامي وماااجده
منى : شخبااااار ماجده طلعوا نتايجهم؟؟
هيفاء : لا يقووولون يمكن الاربعاء تدرين ثانويه عامه
منى : الله يوفقها
هيفاء : امين
منى : يالله حبيبتي حبيت اسلم عليك سلمي على الاهل
هيفاء : الله يسلمك وانتي بعد سلمي على الاهل الا وش اخبار ......
منى : مين اخبار مين؟
هيفاء مستحيه : محمد (( اول مره تسأل عن اخباره))
منى : بخير بس غريبه اول مره تسألين عنه
هيفاء : مدري بس حسيت اني ابي اسأل
منى : لا محمد بخير ويسلم عليك
هيفا ( مو مصدقه) : صدق قوووولي والله
منى : يمى منك امزح معك اصلا اخوووي ما عنده هالحركات يالله خسرتيني
هيفاء : يالله يالبخيله مع السلامه
منى : مع السلامه
( مسكينه يا هيفاء كانك حاااسه ان في شي)
( نزلت منى للصاله وشافت امها تتقهوى وحبت راسها وقعدت)
منى : يمى
ام محمد : نعم يمى
منى : وش صار على خطوبة محمد؟
ام محمد : الى الحين ماصارشي قبل شوي ابوك راح لعمك وكلمه بالموضوع وقال له بنرد عليكم
منى بصوت خفيف : انشاء الله مايوافقوون
ام محمد : وش تقولين ماسمعتك؟؟
منى : اقول الله يكتب اللي فيه الخير
دخل احمد عليهم بالصاله سلم عليهم وقعد
منى : قم حب راس امك حبك جني اخضر
ام محمد : وجع لا تقولين كذا على وليدي
منى : افااااا هذا وانا ادافع عنك
ام محمد : مالك دخل
احمد : اسمعي الكلام ياام ناصر
منى تتلفت يمين ويسااار : من هي ام ناااصر؟
احمد : الحمد لله والشكر يعني تسوين نفسك ماتدرين؟
ام محمد مشغوله بترامس الشاي والقهوه قاعده تمسحهم : وش فيكم؟
احمد : تدرين اني اذا رحت لبيت عمي وقعدت مع فارس يجي سعد ويزعجنا فيك ويسولف عنك ؟؟
منى : مين ؟ سعيد هالبزرررر وووووووووووع
ام محمد : انتي ليش ملسووونه؟
منى : ووووع يمى من جدك انا اخذ هالبزرررر سعيدوووه؟ اولا: قزززم... ثانيا: مرجوج ومهبوول... وفوق هذا اصغر مني بسنه تبيني اربيه؟؟
احمد : يسميك زوجة المستقبل ههههههههههههههه
منى : عساااه مايشوووف مستقبله
احمد : ههههههههههههههههه استغفر الله . الا من كبر عقلك الحين؟؟ بالله كم عمرك ؟؟24 وقاعده تلعبين بلاستيشن وتشجعين الاتي على فكره ترا سعد اتحادي مثلك
منى : اولا: انا 23لو سمحت لاتزيد من عندك... ثانيا: لولا الله ثم انا ولا انت الحين طفشااان مافي احد معطيك وجه ويلعب معك ويكسر راسك الا انا وثالثا:ا انا ماابيه لانه اتحادي ابي اللي اخذه يكون هلالي
احمد : شلوون تبينه هلالي وانتي اتحاديه صدق انك خبله
منى : انت وش يفهمك هذي سياسه
( دخلت وجدان وهي موصله حدها)
وجدان : سلام عليكم شباب
الجميع : وعليكم السلام
منى : لحقي وجدان احمد وامي متفقين عليك يبون يزوجوونك سعيدوووه المرجوج هههههههههه
وجدان: واللي يرحم والدينك مالي خلق وكبدي لايعه انت تبين تغثيني ؟؟ هذا في احد يتزوجه؟ عيال عمك ما يصلحون للزواج بتاتا مدري ليه شايفين نفسهم على العالم؟؟
احمد: اقوول عااد انطمي انتي وياها عطيتكم وجه هذا ولد عمي مااسمح لكم تتكلمون عنه بهالطريقه
منى : مالت عليك انت وولد عمك وعمك فووقك
ام محمد : منووووه وووجع وهذا انتي اكبرهم
وجدان : يمى منى معاها حق تدرين ان هذي ياسمين مااعرف كيف شكلها خبرنا فيهم من زمان
منى : ايه والله لا يزورونا ولا نزورهم عيال عم بالأسم
.. دخلت عليهم احلام وانسدحت على الكنبه
احمد : الناس تسلم
احلام : السلام عليكم
الجميع : وعليكم السلام
ام محمد : قلوا الاماكن ما كنه عندك سرير بغرفتك؟؟
احلام : الا بس تو جايه من فووق ماابي اطلع مره ثانيه
احمد : والله انك غبيه دامك فيك النوم وتعبانه ليش نزلتي
احلام : قلت اسلم عليكم قبل لا انام
احمد : هذا انتي دخلتي ونمتي لا سلمتي ولا شي
احلام : ايه لاني تعبت من نزلت الدرج قلت ارتاح واسلم
منى : والله انك زووووله خلاص سلمتي يالله يا ماما روحي غرفتك مو فاضيه انا اخر الليل اشيلك واوديك فووق
احلام: وهي ميته من النوم : زين زين الحين بقوووم
( قامت وجدان وقومت اختها وودتها فووووق )
**********************
(في نفس الوقت بيت ام فهد)
فهد ينادي امه : يمى ...... يمى جهزتي شنطتي
ام فهد : ايه يمى تلقاها عند باب المجلس
(دخل فهد في غرفة ابوه حب راسه وابوه مسكين مخررف مايدري وين الله قاطه وحب راس امه)
فهد : يالله يمى تامريني علي شي انا رايح الحين
ام فهد تبكي : لا يا يمى بس انتبه لنفسك ولو انك منتظر للصبح كان احسن لك
فهد: يمى الليل ابرد
ام فهد : يمى انتبه لطريقك ولا تسرع واذا وصلت دق علي طمني
فهد وهو طالع : انشاءالله يمى واذا بغيتي شي دقي علي ولا على محمد تو كنت اوصيه عليكم
ام فهد : الله يحفظك وويوصلك بالسلامه ...

*************
( طلعوا المصلين من جماعه صلاة الجمعه ورجع بو محمد وولده احمد للبيت واول ما دخلوا حطت ام محمد لهم الغداء)
بو محمد : اجل وين محمد ليش ما يجي يتغدى
منى : في بيت خالتي ام فهد
بو محمد : وش عنده هناك
ام محمد : ما عنده شي بس فهد مسافر
( منى تدري ان محمد عند خالتها بس ماتدري ان فهد مسافر وودها تسأل امها ليش مسافر؟ بس ما تقدر )
وجدان : وين مسافر وليش؟؟
ام محمد : لقى له وظيفه بالشرقيه
( منى الله الشرقيه مره وحده ؟؟ تبي تسأل عن التفاصيل بس ماتقدر)
( بعد الغداء طارت منى عشان تدق على هيفاء طبعا متأكده ميه بالميه ان الاخبار عند هيفاء وصحيح دقت عليها وعلمتها هيفاء بكل شي بعد ما قفلت من هيفاء قعدت تفكر ؟؟ هذا وظيفه ولقى له وراتبه ماشا الله مقبووول وش ينتظر ؟؟؟ اااااااااه يا انا بمووت اذا ما اخذت فهد))


****************
طلعت ام سعد لبنتها .. دخلت عليها لقتها منسدحه على السرير .. يا سمين يوم شا فت امها عدلت جلستها
ام سعد : وش فيك ما نزلتي تتغدين؟؟
ياسمين مرتبكه : هاااا؟ ما فيني شي بس مالي نفس
ام سعد : طيب بكلمك في موضوع
ياسمين : امري يمى
ام سعد : يايمى انتي الحين كبرتي وانا وابوك ماراح نقعد لك طول العمر واخوانك بيتزوجون وينشغلون مع حريمهم
ياسمين ...................... (تقول في نفسها اعرف وش تبين قولي الزبده بس )
ام سعد : يمى ياسمين محمد ولد عمك خطبك امس وش رايك؟؟
ياسمين : هااااااااااا ؟؟( وقالت منغير شعور) لا يمى محمد ماابيه
ام سعد : وش فيه محمد رجال وعنده وظيفه وماشاءالله عليه
ياسمين :لااااااااا قصدي ماابي اتزوج الحين ابي اكمل دراستي
ام سعد : وش فيها اذا تزوجتي ودرستي ؟؟ شوفي عندك مهله ليووم الاربعاء لازم نرد عليهم انتي فكري زين واستخيري
ياسمين : يمى تكفين لا تغصبوووني ماابي اتزووج ( وقعدت تبيكي)( هي ودها تتزوج وترتاح بس ماتبي محمد...)
ام سعد : يمى انتي فكري في الموضوع
طلعت ام سعد وراحت للمجلس لزوجها ,, دخلت المجلس تتنتظر بو سعد .. بو سعد كان يغسل ايديه .... دخل بو سعد
بو سعد : هاااا وش صار مع ياسمين
ام سعد : تو جايه من عندها
بو سعد : وش قالت؟
ام سعد : تقوول ماتبي تعرس وتبي تكمل دراستها
قعد بو سعد : خلاص على كيفها ما راح نجبرها هي حررره
ام سعد : وشو هي حره خليها تفكر هي بس يمكن خاايفه من الزواج احنا وين نلاقي واحد احسن من محمد ..اخلاق وظيفه وراتب زين وولد عمها يعني بتطمن عليها!!
بوسعد : يصير خير
*********************
ام فهد : انشاء الله عجبك الغداء وانا خالتك ؟
محمد : ماشاءالله يهبل سلمت ايدك ياخالتي
ام فهد : من وين يهبل هذا جنبك ماتحرك ما اكلت شي
محمد : الحمدلله اكلت وشبعت بعد
ام فهد : ايه باااين اصلا انت شكلك مو طبيعي فيك شي؟؟
محمد : لا يا خالتي بس متضااايق
ام فهد : وش فيك قووولي محتاج فلووس ؟؟ قولي وانا اساعدك
محمد : بالعكس خالتي الحمدلله مرتاح ماديا بس .. مدري وش اقولك... اهلي بيخطبون لي ياسمين بنت عمي
ام فهد : والله هذي الساعه المباركه الف مبروك ما بغيت تعرس؟؟
محمد : خالتي بس انا ............ ( وسكت عشان خالته ما تسأله ليش مايبي ياسمين واذا سألته خالته ماراح يطلع الا وهو قايل لها وش فيه وليش رافض ياسمين)
ام فهد : بس انت وشو؟
محمد : بس انا خاايف من العرس
ام فهد : لا تخاف ولا شي خلك طبيعي
**********************
سعد : يمى ..... يمى ....
ام سعد : نعم يمى
سعد : يمى الجوو اليوم رووعه وش رايك نطلعكم للبر ؟؟
ام سعد : لا انا مو رايحه انا ابي اسيير على ام بدر هي تنتظرني خذ معك فارس وخواتك
سعد : زين بروح اقول لياسمين
( طق الباب على ياسمين ودخل )
سعد : قومي البسي عباتك ...
ياسمين خاايفه : وين بتودوني؟؟
سعد : وش فيك بسم الله عليك؟ بوديك معي البر.... يا اختي وش فيك متضايقه قومي معي وسعي صدرك
( ياسمين متردده بس شافت اخوها مصر قامت ولبست عباتها وسعد راح ينادي فارس وشهود ورغودي واطلعوا للبر وانبسطوا والجووو كان مرررره روووعه ورجعوا قبل صلاة العشاء بشوي لان سعد مشاهم بالرياض شوي ... دخلوا البيت وسعد شايل شهد وفارس شايل رغد وداهم غرفتهم لانهم نايمين
اما ياسمين طلعت غرفتها وصلت المغرب لانهم تأخروا عنها وقعدت على سجادتها تبكي وتستغفر الين مااذن العشاء وصلتها ونامت على السجاده من كثر البكي ووضيقة الصدر)
****************************** ****************************** ***********************
( قعدت وجدان واحلام بدري عشان يرحون يا خذون النتايج ومروا على الصاله و كانت منى قاعده بالصاله كالعاده تقرا الجرايد وامها تقرا قرآن)
منى : هيييييييييي انتي وياها وين انشاء الله
( سكرت ام محمد القران )
وجدان : بنروح ناخذ النتايج...
ام محمد : مين راح يوديكم؟
وجدان : محمد .. مافي غيره
منى : محمد؟؟!! وينه الحين ؟
وجدان : مدري دقيت عليه قال خمس دقايق وراح يجي
منى : طيب بجي معكم لا تروحين عني
( وراحت منى تركض لغرفتها عشان تلبس عباتها)
ام محمد : احلام متاكده ان نتايجك اليوم ولا كالعاده تروحين وهم موزعين الشهادات من زمان!!
احلام : لا يمى هالمره اكيد
( نزلت منى وطلعوا من البيت وام محمد كملت تقرا قرآن وكان داخل بو محمد)
بو محمد : وين رايحين البنات ؟
سكرت ام محمد القران مره ثانيه : يا خذون نتايجهم
بو محمد : ومنى وش عندها؟
ام محمد خلها توسع صدرها ( وفتحت القران مره ثانيه وقعدت تقرا وبو محمد فتح التلفزيون يراقب الاسهم)
****************************** **
( ركبوا البنات السياره طبعا منى قدام ووجدان واحلام ورى )
البنات : السلام عليكم
محمد : وعليكم السلام .. خير منى وش فيك؟
منى : بس طفشت من قعدت البيت قلت اطلع معك اونسك
محمد : زين سويتي
وصلوا للجامعه ركن محمد السياره وانزلت ووجدان وقال لها : احنا هنا خلاص
وجدان : انشاء الله
احلام : وانا محمد نسيتني
محمد : اووووووووه اعذريني ماحسيت فيك
منى : ههههههههههه تلقاها نايمه
( وراح مدرسة احلام وركن السياره وانزلت احلام عشان تاخذ نتيجتها)
منى : محمد شخبارك؟
محمد : اكذب عليك اذا قلت لك بخير
منى : محمد قولي ليش متضايق.. انت ليش رافض ياسمين ؟
محمد : مو انتي تبين هيفاء لي ؟خلاص عشان كذا انا رافضها !!
منى : اوكي انا يا ما قلت لهيفاء انك لها وهي لك بس هذا مو عذرك اخوي انا اعرفك زين وافهمك واحس فيك
محمد : ما عندي الا هالكلام هذا
منى : محمد وش الكلام اللي مااعرفه انا بليز قول الصدق ولا تكذب
التفت لها محمد وقال : منى لا تضغطين علي خليني سااااكت
منى : انت لا تضغط على نفسك وريح بالك وقولي صدقني سرك في بير
محمد بعد تردد وبعد ماحس براحه وهو يثق بمنى: خلاص رااح اقووولك.. يا طويلت العمر هذي ياسمين ...........
احلام افتحت باب السياااااااره ولا قالت ولا كلمه
منى و محمد التفتوا ورى هاااا احلام بشري
احلام : وش ابشركم فيه
منى : يعني كالعاده ساقطه ؟؟ كم ماااده؟؟
احلام وهي زعلانه : وحده
محمد :اووووووو الف الف الف مبروك العاده خمس او اربع ههههههههههههههه
منى : هههههههههههههههههههههههههه
احلام : ايه والله صدقت انا اعتبر هذا نجااح 
محمد : يالله بنروح لوجدان شكلها عفنت من الشمس
التفتت منى لمحمد وهو طالعها وهز راسه يعني راح اقوولك بعدين
****************************** ****************************** ****************************** ***

[غروب الشروق]

( الجـــــــــــــــــزء الرابع )
( بعد مارجع فهد من الدوام قعد يفكر بنفسه ... والله امي صادقه ماينفع اكون لحالي .. اناطفشت وينك يا يمى دق عليها..)
فهد: هلا يالغاليه وش اخبارك
ام فهد : هلا وغلا بالعزيز الغالي شخبارك يمى ؟؟ وشلون شغلك؟؟
فهد : الحمدلله بخير ماشي تمام التمام...شخباركم يمى وحشتوووني وحشتني قعدتي معاك انتي وابوي ... ابوي شخباره؟
ام فهد : والله بخير كالعاده ماتغير شي
فهد : تكفين يمى انتبهوا لنفسكم ..الا محمد يمركم؟؟
ام فهد : ايه والله مااقصر معانا ابد
فهد : وش صار على خطبته من بنت عمه هو بس قال لي السالفه ولا قال لي وش صار؟
ام فهد : والله ماادري ماسمعنا شي بس يقولون بيردون عليهم يوم الاربعاء
فهد : الله يوفقه انشاءالله
ام فهد :امين وعقبالك انشاءالله
فهد : يمى وش اتفقنا عليه ترى اذا طريتي السالفه لي من جديد بهوون ماراح اعرس
ام فهد : لا لالا لا حرااام عليك يمى فهد انت ولدي الوحيد وابي اشووف عيالك قبل لاموت ( وقعدت تبكي)
فهد : يمى فديتك لا تبكين وجعل يومي قبل يومك بس الوقت مو مناسب الحين واوعدك اول ما اقرر بقوولك
ام فهد :الله يهديك انشاءالله
****************************** *****
(( في بيت ام خالد))
هيفاء : خلوووودي ........ خلووووووووووودي ...... يمى شفتي خلووودي ؟؟
ام خالد : لا.... يمكن برى في الحوش يلعب ولا يمكن عند ماجده
( طلعت هيفاء للحوش قاعده تدور مالقت احد طلعت فوووق لغرفة ماجده لقت ماجده نايمه خافت هيفاء على اخوها خالد ونزلت تحت للخدامه)
هيفاء ( خايفه ) : امينه وين خلووودي
امينه بثقه : مع ماما
هيفاء: لا مو مع ماما
امينه خافت : اجل وين رووح؟؟
( راحت هيفاء تركض لأ مها وهي تبكي )
هيفاء : يمى يمى لحقي علي خلووود مو في البيت
ام خالد رمت اللي بيدها : شلووون خالد مو بالبيت وينكم عنه
هيفاء وهي تبكي : مدري يا يمى مدري وووينه؟؟
قامت تصارخ ام خالد وتبكي : اااااه يا قلبي عليك يا وليدي وينك فيه يا بعد قلبي
هيفاء : يمى قومي ندور عليه تلقينه هنا ولا هنالك ولا عند احد الجيران قومي يمى
( قامت هيفاء وامها ولبسوا عبايتهم وطلعوا يدورون خالد )

***********************
وجدان دقت على امها : هلا يمى ابشررك
ام محمد : الف مبرررروك نجحتي يا يمى؟
وجدان : ايه يمى ومعدلي جيد جدا مرتفع
ام محمد : الف مبروووك وعقبال التخرج يا حبيبتي ... واختك احلام انجحت؟؟
وجدان : ايه يمى ابشرك سقطت في ماده وحده
ام محمد : الله يقلعها هالبنت من عليه صايره غبيه
وجدان :ههههههههههههههههههه مدري والله ....يمى محمد عازمنا على الغداء بمناسبة نجاحي (( قربت احلام من السماعه : ولاني سقطت في ماده )) كملت وجدان : تجهزي انتي وحمود الحين بنمر عليكم
ام محمد : لا انا مو رايحه معاكم بس تعالوا مروا على اخوكم
وجدان : انشاء الله يمى ... وقفلت الخط ... تقوول امي هي مو رايحه بس مروا على احمد
منى : محمد قبل لا ترجع للبيت ابيك توديني لهيفاء ابي اسلم عليها من زمان ماشفتها
محمد : لازم الحين ؟؟
منى : ايه لازم الحين صدقني مو مطوله بس بسلم عليها من عند الباب
محمد : خلاص انشاءالله
( اخذت منى جوالها تدق على هيفاء لكن هيفاء ماردت على الجوال)
هيفاء : لا يكون نايمه بس
محمد : وش تقولين ؟
منى : غريبه هيفاء ماترد علي
محمد : يمكن مو عند الجوال !!
( مروا على الحديقه اللي قريبه من بيت هيفاء)
منى : محمد وقف شوووي
محمد : وش فيك خير
منى : وجدان هذاك الصغير مو كانه خالد اخو هيفاء :
قامت تطل وجدان من النافذه وقالت : الا هوو اجل هيفاء هنا خلينا ننزل
منى : معليش محمد ممكن توقف
( وقف محمد السياره نزلت منى ووجدان وراحوا لخالد وهو قاعد يلعب بالمراجيح وطبعا احلام نايمه كل مشووار بالسياره سواء قصير ولا طويل لازم تنام كسووووله جدا)
منى :خلووودي حبيبي وش قاعد تسوي هنا
خالد :..........
وجدان : وين هوووفي ( خالد يسمي هيفاء هوفي)
خالد : ...............( يلعب ولا يرد عليهم)
منى : شكلهم هنا قريب
( تلفتت منى ووجدان يدورون هيفاء او ماجده او حتى ام خالد بس ما في احد)
منى : غررريبه وين راحوا وليش مخلين خلوودي هنا
وجدان : لا يكون بس ضايع ولا شي
منى : لا لاتقولين... اجل يالله خلينا نروح لبيتهم
وجدان : طيب اذا جاوا ولا شافووه؟؟
منى : اجل وش نسوووي؟؟
وجدان : ننتظرهم بالسياره
( وهم رايحين للسياره الا يشووفون حرمتين يمشوون بسرعه )
منى : وجدان شكل هذي هيفاء وخالتي ام خالد
( قربوا الحرمتين من السياره واخذت هيفاء خالد وضمنته وقعدت تبكي )
منى :هيفاء وش السالفه؟
ام خالد : ولدي حبيبي عطيني اياه حسبي الله ونعم الوكيل وين لقيتووه
وجدان : هنا بالحديقه
هيفاء تصارخ على خالد: خلووودي ليش جيت لحالك انت قلت لي تبي ترووح قلت لك خلاص العصر ليش ما تسمع الكلام
( محمد قاعد يراقبهم وهو بالسياره)
خالد قام يصيح يوم صرخت عليه هيفاء ومنى قامت تهدي بهيفاء
منى : هيفاء .. خالتي اركبوا نوصلكم للبيت
( ركبوا الجميع السياره )
هيفاء وام خالد : السلام عليكم
محمد : رد السلام وعينه على المرايه الا جات عيونه بعيون هيفاء ونزل عيونه بسرعه وحرك السياره
(قعدت احلام على هالازعاج والصياح ونامت مره ثانيه ولا يهمها احد ... وصلوا عند بيت ام خالد وطلبت منهم انهم ينزلون ويتغدون عندهم لكن منى قالت انهم تأخروا على البيت.... وتوكلوا على الله وارجعوا بيتهم ياخذون احمد )
مع ان هيفاء كان ضايق صدرها على اللي صار لكنها حست براحه يوم شافت محمد وتذكرت يوم تلتقي عيونهم مع بعض.. دخلوا البيت وهيفاء هاوشت الشغاله لين ما قالت بس .. من حقهم خالد ولدهم الوحيد وهم يموتوووون فيه وغير كذا جاي بعد بنتين
(وفي نفس الوقت لكن في بيت بو سعد)
ام سعد : فارس روح ناد اختك واخوك خلهم ينزلون يتغدوون
فارس : انشاءالله يمى
طلع فارس فووق ينادي سعد وياسمين راح غرفة سعد وكان سعد يطالع التلفزيون ونزل سعد تحت ... راح فارس لغرفة ياسمين طق عليها الباب
ياسمين : ادخل
فارس : قوومي انزلي تغدي
ياسمين : مالي نفس
فارس : كيفك
طلع وسكر الباب وراه نزل تحت للصاله
فارس : يمى يا سمين ماتبي تتغدى
ام سعد : ليش؟
فارس : مدري عنها
سعد : مدري وش فيها صار لها فتره وهي كذا ودايم اشووف عيونها حمرا وكل ما سألتها يا تقوول ما حليت زين بالاختبار او متهااوشه مع صديقتها ولا ادعي ربي اخاف اسقط
ام سعد : الله يستر وش فيها ليكون تعبانه بس؟؟
بو سعد: لا تلقينه دلع بنات
****************************** *************
( في سيارة محمد)
وجدان : ايه محمد وقف هذا المطعم انا ابيه
احلام : لا مووو حلوووو نبي مطعم ثاني
وجدان : انتي وش دخلك هذي هديتي مو هديتك ... اقوول نامي احسن لك يالبطه
احلام وهي تصيح : محمد ما نبي هالمطعم
محمد : بنااات خلاص بلا هواااش احلام هذا وانتي ساقطه تتكلمين اذا نجحتي الدور الثاني وديتك المطعم اللي تبينه خلاص ؟؟
احلام وهي زعلانه : طيب خلاص
احمد : يالله بلا بربره خلونا ننزل انا جووعان حدي
( نزل الكل من السياره ودخلوا المطعم وطلبوا لهم هذاك الغداء وقعدوا يسالفون ويضحكون الا منى ما هي معاهم قلقانه على محمد وقصة ياسمين وعلى هيفاء وسالفة خالد ... رجعوا للبيت مع صلاة العصر راحوا العيال المسجد يصلوون والبنات لغرفهم .. بعد ما خلصت منى الصلاه دقت على صديقتها تتطمن عليها...)
منى : الوو
هيفاء وهي تعبانه : هلا منى هلا والله
منى :سلامات وش فيكم اليوم؟؟
قالت هيفاء السالفه لمنى
منى : طيب انتوا وينكم عنه ؟؟ حراام عليكم لو انه صاير له شي؟
هيفاء : كان ذبحت نفسي ... مجنونه انتي والله كان مااعيش هذا مو اخوي هذا ولدي
منى : ادري انكم تحبووونه بس انتبهوا له الله يخليكم
هيفاء : انشاءالله
( قعدوا يسالفون شوي .. منى تذكرت محمد وسالفة ياسمين واعتذرت من هيفاء وقفلت وراحت تركض لغرفة محمد ... محمد مو بغرفته .. قعدت تتنظره )

[L'ISA]

شو رايك تكملين القصة!

عشان نعطيكي مالملاحظات بالنهاية!

بداية مشجعة!

[red flower]

بدايه موفقه بس يا ريت تكملينها بسررررعه

[اخت نايف]

غروب الشروق
بدايتك حلوه
وسردك للقصه رائع
وراينا راح نقوله باخر القصه
بس ياريت ماتتاخرين عشان ماننسى الاحداث
ترا انا من النوع اللي ينسى يعني تكفين لاتتاخرين

[غروب الشروق]

بم اني شفت تفاعل وردود


راح اسردها من جديد لاني نسيت الجزء الثاني


راح انزلها كلها ما عادا الاخير لاني ما خلصته

[غروب الشروق]

(( الجــــــــــــــــــزء الاول))

صحت منى(23) سنه من نومها الساعه 10 الصبح وقامت من سريرها بتكاسل وثقل لانها ما نامت الا متأخر من كثر التفكير راحت لدورة المياه غسلت وجهها وفرشت اسنانها وسرحت شعرها
( منى متوسطة الجمال بيضا طولها 166 وزنها54 شعرها ناعم بني يوصل لحد اكتافها وعيونها كبيره وعسليه** منى مخلصه جامعه وتخصصها تاريخ. عندها اختين وجدان (20 سنه) تدرس بالجامعه تخصص رياضيات واحلام (14 سنه) تدرس في ثاني متوسط وعندها اخوين محمد( 27 سنه) ويشتغل في بنك الرياض واحمد( 16سنه)يدرس باول ثانوي وهو اشطر واحد ودافووووره)
نزلت للدور التحتي اخذت الجريده من على الطاوله واول ملحق فتحته ملحق الرياضه منى تعشق شي اسمه كرة قدم وتموت في فريق الاتحاد خلصت من قراءة الجريده راحت للمطبخ
منى: حكيمه ....
حكيمه ( الشغاله) : نعم
منى : سوي لي 3 بيضات سويه بيض عيوون مو تخلطينه وووو وش بعد حطي لي جبنتين من جبن البقره الضاحه اللي تشبهك ( حكيمه ما عندها الا انها تبتسم ) وزيتووون اخضر وسويلي عصير برتقال طازج اوكي
حكيمه : زين
منى : ولا تنسين غسلي ايدينك قبل لا تعصرين البرتقال وارفعي اكمام ثوبك
حكيمه تبتسم : زين خلاص كل يوم منى قول سيم سيم كلام
منى : وياليتك تسمعين بعد اهم شي خلي عنك البربره ويالله عجلي علي
( راحت منى للصاله قعدت شوي بعدها طلعت للحديقه وجلست على الكرسي تتنتظر الفطور وسرحت وراحت تفكر وصحت من اللي هي فيه على جيت حكيمه. حكيمه حطت لها الفطور ومن غير شعور قالت منى: ياربي متى افتك من هالتفكير
حكيمه : هااا؟؟
منى : وش دخلك انتي احد كلمك ؟؟
حكيمه ضحكت وراحت داخل : مدري
( اكلت منى كل الفطور اللي قدامها لانها البارح ماتعشت ورجعت تفكر)
(( يا ترى فهد شلون شكله؟؟ خبري فيه يوم كنت باابتدائي وماشفته الا هذيك السنه يوم يمر باص الجامعه عند بيتهم وهو كان واقف وماشفته زين !! هو يبيني ؟؟ شكله مايبيني ومغصوب علي لو يبيني كان خطبني!! الحين صار لي سنتين وانا على هالحال من كلمتني خالتي وقالت لي يامرت ولدي!! طيب يمكن قالتها تمزح وانا ماصدقت خبر؟؟ لا لو تمزح كان مو كل مره تلمح وتتكلم عن فهد !! والله مدري اصلا انا غبيه متعبه عمري كل هالسنين وقاعده افكر باللي مايتسمى ))
قامت منى ودخلت داخل شافت اخوها احمد
منى : واخيرا لقيت لي واحد صاحي بهالبيت ..
احمد (( يبتسم بصمت)) : ........
منى : وش فيك خيوووو شكلك طفشان
احمد : يعني تو صاحي من النوم وش تبيني اسوووي اناقز؟؟
منى : يمه بسم الله علي لا بعد تكفى قوووم وطقني ؟؟
احمد :.......
منى : تبي تفطر ؟
احمد : لا مشكووووره
منى : تبي تلعب بلاي ستيشن تراي طفشااانه
احمد : يالله على الاقل اصحصح شووي
(( منى تموت بالبلاستيشن وتحب تلعب شريط الكوره . قام احمد وشغله واخذ له منتخب فرنسا وهي اخذت منتخب البرازيل وبدأو يلعبوون))
منى : اقوول خيووو مستعد تلعب مو اذا هزمتك وكسرت راسك قلت لي اصلا انا تو قاعد من النوم ( قالتها وهي تقلده)
احمد : اسمعي وانا صاحي وانا نايم بفوز عليك وراح اهزئك بعد
منى : ههههههههااااي ( باستهزاء)) ضحكتني يا زيدان
احمد : كم هدف تبين 10؟؟
منى ( تتريق) : ابي واحد بس
(( في هاللحظه جات هجمه لمنى وسجلت اول هدف )
منى : قووووووول يا سلااام عليك يا رونالدو رونالدوووو رونالدووو يسويها .. شعللوها شعللوها والشباك مزقووها
احمد : لا تفرحين تونا بداية الطريق
(( بعد دقيقتين منى تسجل الثاني))
منى : يا ولد ياولد ادريانو عملها
ام محمد : وجع يابنت قص يقص لسانك وش هالأزعاج
( التفتوا منى واحمد على امهم اللي تو صاحيه ورايحه للمطبخ وكملوا اللعب )
احمد يرد على منى ( طايح وجهه) : اصلا هذا القير اللي عندي خربااان وتدرين تو صااحي من النوم
منى : العب غيرها خيووووو
(( انتهت المباراه بفوز منى 4\1. اذن الظهر قام احمد يتوظأ راحت منى غرفتها عشان تصلي))

( خلصت منى صلاه ورجعت تفكر في فهد اللي ماخذ كل تفكيرها كانت تبي تعرف عنه أي شي مثل وين يشتغل ؟؟ وكم راتبه ؟؟ لدرجه انها طلبت من صديقتها هيفاء تسأل خالتها ام فهد عن فهد لانهم جيران ومن نفس الطينه وهذا الحوار اللي دار بينهم قبل سنه )
هيفاء : هلا وغلا بام فهد الله حيها
(( هيفا اصغر من منى بسنه بس صديقتها الروح بالروح مع اختلاف التخصصات تعرفوا على بعض بالجامعه كان عندهم مادة متطلبه لجميع التخصصات.. هيفاء جميله ولون بشرتها حطني وشعرها كيرلي اسوود وطويل وطولها 160 ووزنها 55 يعني دبدوبه شووي ويسمونها الجزيره لانها ام الاخبار وتموت بالمسلسلات والفنانين والفنانات.. هيفاء هي اكبر اخوانها وعندها اخت ماجده عمرها (18 سنه ) تدرس ثانويه عامه . وخالد عمره (4 سنين وابو هيفاء متوفي من 3 سنين بسب مرضه بسرطان في الراس))
ام فهد : هلا فيك يا بنتي
(( ام فهد خالة منى وماشاءالله عليها تحب الاخبار والعلوووم ويسمونها في الحي سي ان ان وماعندها الا فهد وحيدها))
هيفاء : وينك من زمان ماشفناك تصدقيني صرنا ماندري عن الحي وش صار فيه ؟؟
ام فهد : والله كنت تعبانه ... وين امك ؟
هيفاء : ماتشوووفين شر يا خاله .. امي فوووق الحين بتنزل خلينا نسووولف
ام فهد : هي بتتأخر يعني ؟؟
هيفاء : لا شووي وتنزل .. الا قولي لي متى راح تزوجين فهد ؟
ام فهد : تو الناس
هيفاء : ليش ؟؟
ام فهد : تدرين هو ما كمل دراسته وماعنده الا الثانويه يعني صعبه يلاقي شغل زي الناس!
هيفاء : يعني هو ماعنده وظيفه؟
ام فهد : الا عنده بس سكرتي في شركه و راتبه مايساعد انه يتزوج الحين؟
هيفاء : ليش كم راتبه ؟
ام فهد : يعني 1500
هيفاء : اهاااا اجل الله يعينه
ام فهد : ماعندكم واسطه نبي وظيفه احسن من كذا ؟؟ اخاف اموت ولا شفت عرسه تدرين هو وحيدي وعمره الحين 25 سنه
هيفاء : ضحكت بطوول صووتها : ههههههههههههههه لو عندي واسطه كان ماشفتيني قاعده وهذا انا تخصصي انجليزي
( انزلت ام خالد ومعاها خلووودي)
ام خالد: حي الله ام فهد القاطعه شلونك ؟؟
( قامت ام فهد تسلم على ام خالد )
ام فهد : انا القاطعه ؟؟ انتي اللي وينك ؟؟
ام خالد : والله فقدناك . شخبارك وشلوون فهد ؟
ام فهد : بخير وفهد بعد بخير
( انتبهت ام خالد ان مافي لا شاي ولا قهوه ولا شي )
ام خالد ( معصبه) : هيفوووه ووجع ماقهويتي خالتك
هيفاء مندمجه مع ام فهد : هاااااا؟ يووووه نسيت يمى سا محيني يا خاله
ام خالد : اكيد تنسين همك العلوووم والاخبار يالله طسي وروحي جيبي الشاي والقهوه
( قامت هيفا مبرطمه ) : انشاء الله يمى
( رجعت وجابت لهم الشاي والقهوه واستأذنت وراحت تدق على منى)
هيفاء : الوووو
منى : هلا وغلا
هيفاء : فيني احكي مع منى زكي ؟
منى : اهلا انا منى زكي مين معايا ؟
هيفاء : انا هيفاء وهبي لك ماعرفتيني اههههههه<< تقلد ضحكة هيفاء
منى : بقد اهلا وسهلا بالواوا عااايزه ايه ؟؟
هيفاء : انا واواو لك انتي مابتستحي على وشك وكمان جايبه لك اخبار كتير حلووه عن فهد
منى ( رجعت سعووديه) : صدق ؟؟ تكفين قولي لي؟؟
هيفاء : لا مابدي
منى : ياشينها من فمك اقولك قوليها ولا راح تندمين !!
هيفاء : على شو بدي اندم
منى : عندي مجلات جديده وفيها صووور روووعه
هيفاء ( قلبت سعودي) : قوووووولي والله
منى : وش مصلحتي اكذب ؟؟
هيفاء : اممممممم اوكي صدقتك بقولك السالفه واول مااسكر السماعه ترسلين محمد او احمد يجيبها لي لاذبحك
منى : ايه خلاص والله اجيبها لك بس علميني تكفين هو يبيني ولا مغصوووب علي؟؟
هيفاء : بصراحه مدري بس اللي اعرفه انه يدور وظيفه ومو مستعد للزواج الحين
منى : يا سلام دام الموضوع كذا عجووز النار خالتي ليش تقولي من سنتين وانا قااعده افكر
هيفاء : اكيد انها تتمناك لولدها اليوم قبل بكره بس ولدها راتبه 1500 ما يقدر يفتح بيت
منى ( معصبه) : نعم نعم ؟؟ 1500 ؟؟ انا اتزوج واحد راتبه 1500 ؟؟
هيفاء : مو قلت لك انه مو مستعد ويحاول يلاقي وظيفه ثانيه
منى : طيب ماعرفتي امه غاصبته علي ولا هو راضي فيني ؟
هيفاء : بالله عليك انتي ووجهك تبيني اسال خالتك هالسؤال؟
منى : لا ياقلبي بطريقتك الخاصه
هيفاء : لا خاصه ولا عاامه ماابي اقولها اخاف تحسبني حاطه عيني على ولدها من كثر ما سالت عنه
منى : لا حبيبتي انت لخوووي محمد وبس
هيفاء ( استحت ) : انطمي بس
منى : احلى يا حيوووووي انت .. والله انك تستاهلين اخوووي حموود وهو يستاهلك بعد
هيفاء : .......
منى : يالواوا وين رحتي ؟؟
هيفاء : اذا غيرتي الموضوع بتكلم !!
منى : على امرك كم ام عبدالله عندي انا
(( بعدها كملوا سوالفهم))
****************************** ****************

[غروب الشروق]

(( الجزء الثاني ))
نرجع الحين لمنى ولحد أيش وصل تفكيرها
( معقوله صار له سنه وهو على هالشغله ومالقى غيرها ؟؟ ابقول لهيفاء تسال خالتي.. لا لا اخاف احرج هيفاء طيب وش اسووي ... شوي يطق باب الغرفه ..
منى : مييييييين
.......: افتحي انا
منى : هلا بو عبدالله حياك خيووو الباب مفتووح
( دخل محمد غرفتها )
محمد : ماتبين تتغدين ؟؟
منى : لا شبعااانه
محمد : شبعانه وش ماكله ؟؟
منى : تو فاطره
محمد : توك الحين ؟؟
منى : لا من الساعه عشر
محمد : والحين الساعه 2
منى : ادري باقي ماجعت
محمد : مدري احس انك مو على طبيعتك فيكي شي
منى : لا ... انت فيك شي ؟؟
محمد : لا
منى : علينا حط عينك بعيني ..
محمد : احم احم بصراحه فيه
منى : قول خيووو وسرك في بير
محمد : كم عمري الحين ؟؟
منى وهي تبتسم : اهاااااا فهمت عليك واللي تبيه عندي
محمد : وش فهمتي
منى : اممممممم فهمت انك خلاص استقريت ماديا وتبي تستقر اجتماعيا
محمد : ماشاءالله عليك تفهمينها وهي طايره .. ابيك تدورين لي احلى بنت بهالعالم
منى : البنت عندي من زمان بس كنت انتظر منك تقول انك تبي تعرس .. طيب قلت لامي وابوي
محمد : لا .. قلت اقولك انتي لانك فاهمتني وراح تعرفين تختارين لي البنت اللي تناسبني والظاهر اني ماغلطت
منى مبسووطه : اكيد
محمد : طيب مين البنت
منى : هيووووفه صديقتي
محمد : صدق !! والله اني مرتاح لها البنت
منى : لايكون حاط عينك على خويتي يا قليل الادب
خاف محمد : لا لا لا وش عينه لا حطيت لا عيني ولا خشمي بس اللي اعرفه انها خويتك من زمااان
منى : ايه بعد على بالي
محمد : اجل تم خلاص افتحي الموضوع لامي
منى : ليش انا اللي بعرس ؟؟
محمد ( نزل راسه وشبك ايدينه ببعض ويتمايل ) : انتي قولي لها استحي
منى تطالع فيه مستغربه واخذت المخده وطقته على راسه : قم بس قال يستحي
وضحكوا وطلع محمد من الغرفه وقال وهو طالع : لا تنسين
منى خلاص انشاء الله بكره اكلمهم..
****************************** ***************
فهد : يمى يمى .........يمى
ام فهد : نعم يمى انا بالمطبخ
( دخل فهد وحب راس امه وهي قاعده تصلح الشاي والقهوه )
فهد : وش اخبارك يالغاليه ؟
ام فهد : بخير انت شلونك؟
فهد : يمى بارك لي لقيت لي وظيفه احلى من اللي انا فيها ! ولا راتب 3500 ويزيد كل سنه 100 ريال
ام فهد : الف مبروك يا لغالي والله انك تستاهل كل خير
فهد : يمى ابوي صاحي ابي اقوله ابي افرحه
ام فهد: ابوك مسكين ماهو حاس بشي حتى لو قلت له بيرجع ويقولك انت مين ؟؟الله يعينه
فهد : يمى ياليت ابوي صاحي كان فرحته من جاته هذي الحاله والبيت ماله حس ولا له طعم
ام فهد : الله يشفيه
فهد : امين وجميع المسلمين .. يمى ؟
ام فهد : نعم
فهد : في شي مو حلوو.؟
التفتت عليه : خير يمى وش صاير
فهد : الشركه الجديده اللي بشتغل فيها مو هنا بالشرقيه يعني تبعد عنا350 كيلو تقريبا
ام فهد تركت اللي بيدها : وشوووو يعني راح تأجر لك شقه هناك؟
فهد : ايه يمى لازم لان شغلي شفتات 3 ايام زام ليل بعدين اوف و3 ايام زام نهار صعبه اروح واجي كل يوم ولا وش رايك؟
ام فهد تضايقت من هالموضوع : فهد شلون بعيش من غيرك مين اللي يصحيك مين يطبخ لك؟؟مين بيغسل ملابسك ؟؟
فهد : يمى لا انا اول ولا اخر عزابي عاايش لحالي
ام فهد : لا تروح لحالك
فهد : وش قصدك يمى؟
ام فهد : وش رايك اخطب لك منى بنت خالتك فوزيه؟
فهد : يمى يمى تو الناس فديتك حتى تو ما استلمت الوظيفه ولا كونت نفسي اصبري علي شوي..
ام فهد : يا يمى انت لازم .....
فهد : تكفين يمى اصبري علي ... على فكره انا بعد يومين يعني يوم الخميس بطلع وادور لي شقه عشان يوم السبت راح استلم شغلي
ام فهد : الله يوفقك يا يمى
(( في غرفة فارس : احمد وفارس يلعبون بلاي ستيشن))
احمد : فارس ؟؟
فارس :نعم
احمد : اذا جبت نسبه زينه بثالث أي كليه ودك تدخل؟
فارس : اذا جا ذاك اليوم يصير خير .... ليش انت وش مفكر تدخل
احمد : باّذن الله كلية الضباط
فارس : اخسسسسسسسسسسسسس يالضابط والله شي شكلي بدخل معاك بس انا ودي اصير طيار ولا شرايك؟
احمد : لا بالله ماتوا كل الركاب اللي معك
فارس : اعوذ بالله منك ... اسمع انا يا طيار او ضابط
احمد : تصدق وش اللي خلاني افكر بكلية الضباط؟؟
فارس : وشو ؟؟
احمد : الحاله اللي احنا فيها .. ارهاااب .. وسرقات ... وجرايم قتل .... واختطافات حتى الواحد صار يخاف يوقف جنب باب بيتهم!!
فارس : بهذي صدقت فيها
احمد : جد والله ما كنا ببلد اسلامي ماكنا في بلد الحرمين ... ودي اصير ضابط واحارب هالفسااد كله كل شي ولا هالبلد فديته والله
فارس : الله يوفقك انشاءالله وانشووووفك ضاااابط كبيييييييييييير
احمد : امين الله يسمع منك
( في اليوم التالي وبعد صلاة العصر انزلت منى تحت الصاله لانها عارفه بهالوقت امها وابوها يجتمعون ويتقهوون سلمت عليهم وحبت راس امها وابوها)
منى : السلام عليكم شبااااب .... قصدي شيبان
ام محمد وابو محمد : وعليكم السلام يا ملسوونه
منى : افا انا ملسووونه بس مقبوووله منك يا احلى ابوي بهالدنيا
لحظه سكوووت............
منى : يمى يبى عندي لكم خبر بس وش بشاااارتي؟؟
بو محمد : مني 5 ريال ومن امك ريالين
منى : لا والله وش اسوي بسبعه ريال خيشة بصل ماتجيب ( مدت بوزها) خلاص ماني قايله
بومحمد : ههههههههههه على حسب الخبر
منى : والله خبر يسوووى
ام محمد : يالله قولي ولك البشاره
منى : محمد قرر يتزوج
ام محمد وبو محمد : صددددق؟؟
منى : ايه امس قال لي ... وقال لي اقولكم
بو محمد : اجل خلاص راح اكلم اخوي بو سعد بكره بعد صلاة العشاء
منى : ............
ام محمد : ايه والله لا تروح علينا يا سمين ماشاء الله عليها جميله واخلاق ومتربيه
منى : .......
( منى مو عاارفه وش تقول)
( بو سعد عم منى وعنده ولدين و3 بنات . سعد 22سنه وبيتخرج هالسنه وتخصصه هندسه . ياسمين 19 سنه سنه اولى تدرس بمعهد التمريض . فارس16سنه يدرس مع احمد وهم اصدقاء.ورغد وشهد توأم 7 سنين يدرسون باول ابتدائي)
منى اخيرا انطقت : يمى يبى محمد ما يبي من العايله
بو محمد : مو على كيفه

( بعد وش تقول منى خلاص اذا ابوها قال كلمه مايثنيها .. بس هي وش تقول لهيفاء وهي دايم تسميها ام عبدالله وزوجة اخوي.. اكيد البنت مسكينه ضامنه ان راح نخطبها للمحمد ... كله مني ليش اتلقف واقول لها؟؟ انا اصلا حماااره )
قامت منى
بو محمد : خذي هذي 500 بشارتك
منى وهي زعلانه : ماابيها خلاص
وطلعت من الصاله
( راحت منى فوووق لخواتها احلام ووجدان طقت عليهم الباب)
وجدان : الباب مفتووح
( دخلت منى وكانت احلام نايمه ووجدان تقرا كتاب)
منى : وجدان وش تسوين ؟؟
وجدان : اطبخ ؟؟ يعني وش تشوووفين؟
منى : اقدر اتكلم معاك
وجدان : ايه قولي وش عندك
منى : انا في ورطه
وجدان : سلامات وش فيه
منى : حنا كنا ناووين نخطب مين للمحمد؟؟
وجدان : اكيد مايبي لها تفكير هيووووفه العسوووله .. ليش محمد تكلم قال يبي يتزوج؟
منى : ايه وهو موافق على هيفا ......
وجدان قطعت منى : لولولولولولولولوولولويش واخيرا
قامت احلام من نومها : وش صار يالخبله انتي بشري بس سقطتي ؟؟
وجدان ( مبسوووطه) : قووومي واخيرا صار عندنا عرررس زي العالم واخيرا محمد يبي يتزوووج قووووومي
احلام من الفرحه قامت ترقص ووجدان تغني : مباركين عريس الاثنين ليلة ربيع ....
منى قطعتها : هيييييييييييي انتي يالخبله انتي وياااها اسمعوا انا ماكملت كلامي
اسكتوا احلام ووجدان
منى : ابوي وامي يبون ياسمين لمحمد
ووجدان واحلام : وشوووووووووووووو؟؟
احلام : المغروره هذي تصير مرت اخوووووي لأ والف لا
وجدان : والله لو اخر بنت احنا مو موافقين
منى : مين انتي عشااان توافقي؟؟
البنات اسكتوا شوووي
منى : وش اقول لهيفاء الحين ؟؟ تهقون راح تزعل علي؟؟
احلام : وليش تزعل هذا نصيبها
وجدان : انتوا تتوقعون محمد راح يوافق؟؟
منى : على ياسمين ؟؟ مااتوقع
( محمد شاف غرفة وجدان مفتووحه دخل راسه وشاف منى)
محمد: انتي هنا وانا ادور عليك
( البنات مخيم عليهم الحزن وغارقين بالافكار)
منى : خلاص روح الغرفه انا جايتك
وجدان : وليش ماتقعدون هنا خلونا نفكر كلنا
محمد : وش تفكرون فيه ؟؟ خلاص انا اتفقت مع ابوي على كل شي على القصر اللي بنسوي فيه العرس والمهر والجهاز وكل شي
احلام: ليش انت موااافق
محمد مبسوووط : اييييه الا ميت من الفرح خلاص بكمل نص ديني
منى : وهيفاء؟؟
محمد: وش فيها ؟؟ هيفاء عليك ومااظن انها بترفض
وجدان : اجل على ايش انت وابوي اتفقتوا؟؟
محمد : على العرس وش فيكم بنات استخفيتوا؟؟
احلام : يعني انت موافق على ياسمين؟؟
محمد انصدم : ياسمين ؟؟ مين ياسمين
احلام : المغروره اللي شااايفه حالها بنت عمي سعد
وقف محمد : ومن قال اني باخذها انا اقصد هيفاء!!
منى : بس ابوي كان يقصد بنت اخوه
محمد قالها وهو معصب : لو تنطبق الارض على السماء مااخذها
(طلع محمد من الغرفه وصفق الباب وراه
البنات استغربوا على سبب رفضه الشديد)
منى : محمد تعال لحظه
( لكن محمد صار برى الغرفه)
احلام مستغربه: شفتوا كيف كان معصب
وجدان : من حقه اجل هذي احد يبيها
منى في نفسها ( وش اللي يخليه معصب لهالدرجه )
منى : يالله عن اذنكم
( طلعت منى وراحت لغرفة محمد طقت الباب اكثر من مره )
منى بصوت خفيف : شكله مو هنا
كانت منى بترجع بس سمعت محمد
محمد: مين على الباب؟
منى : انا منى ممكن ادخل؟؟
محمد : تعالي ادخلي
( دخلت منى وسكرت الباب وراها)
منى: لا تزعل يااخوي
محمد : وش يبي مني غصب اخذ بنت اخوه والله مااخذها
منى: كل شي يجي بالتفاهم خلنا ننزل ونتفاهم معاه
محمد: ابوك ماينفع معه التفاهم بس هالبنت مااخذها مااخذها
منى: محمد وش فيك ليش انت رافضها لهدرجه يعني حتى لو ابوي غصبك راح تاخذها
محمد: انتي ماتدرين يامنى خليني ساكت احسن...
منى : وش فيك قولي؟؟
محمد:.....................
( محمد جالس على السرير وضام ارجوله ويهز.. حست منى بتوترها)
منى : محمد؟؟
محمد: .................
منى: طيب بخليك على راحتك متى ماحسيت انك تبي تفضفض قولي اوكي ؟؟
محمد :............
( طلعت منى وراحت غرفتها)
****************************** ***************

[غروب الشروق]

((الجـــــــــــــــزء الثالث))

بوسعد : حيا الله اخوووي بو محمد تفضل يالغالي
بومحمد حب راس اخوه لانه الكبير : هلا والله بااخووي زاد فضلك
سعد قام وحب راس عمه: هلا والله بهالنور كله وينكم من زمان ماشفناكم
بو محمد : والله انت عارف امور الدنيا
( دخلوا المجلس واجلسوا صب سعد القهوه لعمه وابوه )
بو محمد : يا خوي انا جايك وما ابيك تردني
بو سعد : امر وش بغيت قاصرك شي؟؟ تراني مستعد واطلب من الريال للمليون ..
بو محمد : ما قصرت الحمدلله عندنا وعندكم خير .. انا جايك بموضوع ثاني
بو سعد : امر يا اخوووي تفضل
بو محمد : والله انا جااي اخطب بنتك ياسمين لولدي محمد
بو سعد : هذي الساعه المباركه ما طلبت شي لو تبيها الحين اخذها
بو محمد: الله يخليك لي يا بو سعد
بو سعد : خلاص يا خوي عطنا اسبوع ونرد عليك
بو محمد : الله اسبوع مره وحده؟؟
بو سعد : ايه يا خوي عشان البنت تفكر على راحتها
( سعد قاعد يتابع اشوووي وقاام .. وبو محمد واخوه كملوا سوالف)
( راح سعد صاااااروووخ على غرفة ياسمين ويطق الباب بقووووه)
سعد : يااااااااااااااااااسمييييييييي ييين ياااااااااااااااسمين افتحي
ياسمين :....................
( حاول سعد يفتح الباب لكنه مقفل )
سعد : ياااااسمين وووصمخ افتحي الباب
( بعد دقيقتين افتحت ياسمين الباب و عليها جلال الصلاه وعيونها حمرا)
سعد : وش فيك سنه على ما تفتحين ؟؟وش في عيونك حمرا؟؟
ياسمين:هاااااا؟
سعد : وش فيك فيكي شي ؟؟
ياسمين : لا مافيني شي بس قاعده ادعي ربي ينجحني
سعد : خليني ادخل بقووولك خبر
( وخرت ياسمين عن الباب ودخل سعد)
سعد : جاك عريس
ياسمين : ................ (ساكته لكنها مبسوووطه من داخلها)
سعد : اشوووفك ساااكته ولا سألتيني مين؟؟
ياسمين : مين؟؟
سعد : محمد ولد عمك .. خلاص اكملت انتي تاخذين محمد وانا اخذ بعد عمري منى
ياسمين : اييييييش محمد؟؟
سعد انصدم : ايه محمد وش فيه؟؟
( كانت ياسمين مبسوووطه لما قالها سعد ان جاها عريس بس لما عرفت ان محمد رفضت وبشده)
ياسمين وهي تصرخ : ماابيه محمد ماابيه يالله اطلع برى
سعد : هييي انتي وش فيك وليش ماتبينه انشاءالله ؟؟
يااسمين بتوتر : مـ ـ ـالك دخل و انـ ـ ـ ا مو ررررافضه محمد بس انـ ـ ا رافضه الزواج ابي اكمل دراستي
سعد على نياته صدق عذرها : والله هذا الكلام قوليه لبوووي مو لي وانتي كيفك
( طلع سعد من الغرفه وياسمين قفلت عليها غرفتها ورمت نفسها على سجادتها وقعدت تبكي وتستغفر وتدعي ربها )
****************************** ******************** ****************
بو سعد : يا ام سعد ام سعد
شهد ورغد ركضوا على ابوهم يحضنونه : بابا بابا بابا
بوسعد : هلا با احلى قمررررين وين الماما
شهد : ماما بالمطبخ
رغد : بابا شيلني ؟؟
بو سعد : يابنتي انتي كبيره وين اشيلك
زعلت رغد وقالت شهد : والله لقول لابله فاطمه انك قلتي لبوي يشيلك
رغد قامت تبكي : خلاص والله اخر مره خلاص
شهد تتوعد فيها وتسوي الحركه بيديها : اصبري والله لعلمها والله لقول لها
بو سعد : شهوووده حبيبتي خلاص توووبه ماتقووول مره مر ثانيه.. صح رغوودي؟؟
رغد وهي تبكي : ايه صح
شهد : خلاص سا محتك بس ياويلك اذا قلتي له مره ثانيه
(هزت راسها رغد وقعدت تمسح دموعها.. بو سعد باس بناته وراح لام سعد بالمطبخ)
بوسعد : غزالي وش يسوي بالمطبخ؟
ام سعد : استح على وجهك ولدك طولك وتقول هالكلام؟؟
بو سعد : يعني شلووون مااتكلم انتي ام عيالي
ام سعد :................. ( مشغوووله بالمطبخ)
بو سعد : المهم اخوي بو محمد خطب ياسمين لولده محمد
( ام سعد تركت اللي بيدها وابتسمت :صدق هذي الساعه المباركه متى الملكه؟؟
بو سعد : حشاااااا !!! كلمي البنت با الاول يمكن مو موافقه!!
ام سعد : ما عليك منها اكيد بتوافق ما راح تلقى مثل محمد
بو سعد : حتى ولو لازم تكون موافقه ولو انها بترفض انا راح ارفض
ام سعد : تتكلم جد ؟؟؟ واخوك بو محمد اكيد بيزعل!! كفايه انكم بعاد عن بعض
بو سعد : كيفه يزعل اخرتها بيرضى بس اهم شي مااغصب بنتي
ام سعد : لا اكيد ياسمين موافقه انا متاكده والحين بروح واتأكد لك
( طلعت ام سعد فوق لغرفة ياسمين طقت عليها الباب ياسمين ماردت افتحت ام سعد الباب لقت ياسمين نااايمه سكرت الباب وراحت تكمل شغلها بالمطبخ وهي رايحه شافت بو سعد طالع )
بو سعد : مسرع ما كلمتيها شكلها موافقه
ام سعد : لا البنت نايمه
بو سعد خلاص كلميها بعدين
ام سعد : انشاءالله
****************************
( منى ماسكه جوالها تدق على هيفاء وتقفل )
منى: ادق ولا ماادق؟ يالله بدق واللي يصير يصير
هيفاء بصوت عالي : الووووووووووووو
منى : وووجع فقعتي اذاني
هيفاء : هههههههههههه خير وش تبين؟؟
منى : ابي اسلم عليك شخبارك؟
هيفاء : الحمدلله مبسووووطه وواصله حدي من الفرح
( منى في نفسها : لا ماابي انكد عليها واخرب فرحتها)
منى : دووووم انشاء الله ياا...... (( كانت بتقول ام عبدالله لانها متعوده بس اسكتت))
هيفاء وهي معصبه : ام وشووووو تكلمي
منى : ام ...ام.... ام شووووووووشه هههههههههههه ( تحاول ترقع)
هيفاء : انتي وش فيك ناويه على هواااااش؟؟
منى : لا لا لا هوااش ولا غيره انا بس حبيت اسلم عليك .. شخباااار خلوووودي خطيبي
هيفاء : بخير يسلم عليك اليوم راح اوديه الحديقه اللي بجنب بيتنا تدرين هو يحبها ولازم يروح
منى : بتروحين لحالك؟
هيفاء : لا طبعا برووح انا وامي وماااجده
منى : شخبااااار ماجده طلعوا نتايجهم؟؟
هيفاء : لا يقووولون يمكن الاربعاء تدرين ثانويه عامه
منى : الله يوفقها
هيفاء : امين
منى : يالله حبيبتي حبيت اسلم عليك سلمي على الاهل
هيفاء : الله يسلمك وانتي بعد سلمي على الاهل الا وش اخبار ......
منى : مين اخبار مين؟
هيفاء مستحيه : محمد (( اول مره تسأل عن اخباره))
منى : بخير بس غريبه اول مره تسألين عنه
هيفاء : مدري بس حسيت اني ابي اسأل
منى : لا محمد بخير ويسلم عليك
هيفا ( مو مصدقه) : صدق قوووولي والله
منى : يمى منك امزح معك اصلا اخوووي ما عنده هالحركات يالله خسرتيني
هيفاء : يالله يالبخيله مع السلامه
منى : مع السلامه
( مسكينه يا هيفاء كانك حاااسه ان في شي)
( نزلت منى للصاله وشافت امها تتقهوى وحبت راسها وقعدت)
منى : يمى
ام محمد : نعم يمى
منى : وش صار على خطوبة محمد؟
ام محمد : الى الحين ماصارشي قبل شوي ابوك راح لعمك وكلمه بالموضوع وقال له بنرد عليكم
منى بصوت خفيف : انشاء الله مايوافقوون
ام محمد : وش تقولين ماسمعتك؟؟
منى : اقول الله يكتب اللي فيه الخير
دخل احمد عليهم بالصاله سلم عليهم وقعد
منى : قم حب راس امك حبك جني اخضر
ام محمد : وجع لا تقولين كذا على وليدي
منى : افااااا هذا وانا ادافع عنك
ام محمد : مالك دخل
احمد : اسمعي الكلام ياام ناصر
منى تتلفت يمين ويسااار : من هي ام ناااصر؟
احمد : الحمد لله والشكر يعني تسوين نفسك ماتدرين؟
ام محمد مشغوله بترامس الشاي والقهوه قاعده تمسحهم : وش فيكم؟
احمد : تدرين اني اذا رحت لبيت عمي وقعدت مع فارس يجي سعد ويزعجنا فيك ويسولف عنك ؟؟
منى : مين ؟ سعيد هالبزرررر وووووووووووع
ام محمد : انتي ليش ملسووونه؟
منى : ووووع يمى من جدك انا اخذ هالبزرررر سعيدوووه؟ اولا: قزززم... ثانيا: مرجوج ومهبوول... وفوق هذا اصغر مني بسنه تبيني اربيه؟؟
احمد : يسميك زوجة المستقبل ههههههههههههههه
منى : عساااه مايشوووف مستقبله
احمد : ههههههههههههههههه استغفر الله . الا من كبر عقلك الحين؟؟ بالله كم عمرك ؟؟24 وقاعده تلعبين بلاستيشن وتشجعين الاتي على فكره ترا سعد اتحادي مثلك
منى : اولا: انا 23لو سمحت لاتزيد من عندك... ثانيا: لولا الله ثم انا ولا انت الحين طفشااان مافي احد معطيك وجه ويلعب معك ويكسر راسك الا انا وثالثا:ا انا ماابيه لانه اتحادي ابي اللي اخذه يكون هلالي
احمد : شلوون تبينه هلالي وانتي اتحاديه صدق انك خبله
منى : انت وش يفهمك هذي سياسه
( دخلت وجدان وهي موصله حدها)
وجدان : سلام عليكم شباب
الجميع : وعليكم السلام
منى : لحقي وجدان احمد وامي متفقين عليك يبون يزوجوونك سعيدوووه المرجوج هههههههههه
وجدان: واللي يرحم والدينك مالي خلق وكبدي لايعه انت تبين تغثيني ؟؟ هذا في احد يتزوجه؟ عيال عمك ما يصلحون للزواج بتاتا مدري ليه شايفين نفسهم على العالم؟؟
احمد: اقوول عااد انطمي انتي وياها عطيتكم وجه هذا ولد عمي مااسمح لكم تتكلمون عنه بهالطريقه
منى : مالت عليك انت وولد عمك وعمك فووقك
ام محمد : منووووه وووجع وهذا انتي اكبرهم
وجدان : يمى منى معاها حق تدرين ان هذي ياسمين مااعرف كيف شكلها خبرنا فيهم من زمان
منى : ايه والله لا يزورونا ولا نزورهم عيال عم بالأسم
.. دخلت عليهم احلام وانسدحت على الكنبه
احمد : الناس تسلم
احلام : السلام عليكم
الجميع : وعليكم السلام
ام محمد : قلوا الاماكن ما كنه عندك سرير بغرفتك؟؟
احلام : الا بس تو جايه من فووق ماابي اطلع مره ثانيه
احمد : والله انك غبيه دامك فيك النوم وتعبانه ليش نزلتي
احلام : قلت اسلم عليكم قبل لا انام
احمد : هذا انتي دخلتي ونمتي لا سلمتي ولا شي
احلام : ايه لاني تعبت من نزلت الدرج قلت ارتاح واسلم
منى : والله انك زووووله خلاص سلمتي يالله يا ماما روحي غرفتك مو فاضيه انا اخر الليل اشيلك واوديك فووق
احلام: وهي ميته من النوم : زين زين الحين بقوووم
( قامت وجدان وقومت اختها وودتها فووووق )
**********************
(في نفس الوقت بيت ام فهد)
فهد ينادي امه : يمى ...... يمى جهزتي شنطتي
ام فهد : ايه يمى تلقاها عند باب المجلس
(دخل فهد في غرفة ابوه حب راسه وابوه مسكين مخررف مايدري وين الله قاطه وحب راس امه)
فهد : يالله يمى تامريني علي شي انا رايح الحين
ام فهد تبكي : لا يا يمى بس انتبه لنفسك ولو انك منتظر للصبح كان احسن لك
فهد: يمى الليل ابرد
ام فهد : يمى انتبه لطريقك ولا تسرع واذا وصلت دق علي طمني
فهد وهو طالع : انشاءالله يمى واذا بغيتي شي دقي علي ولا على محمد تو كنت اوصيه عليكم
ام فهد : الله يحفظك وويوصلك بالسلامه ...

*************
( طلعوا المصلين من جماعه صلاة الجمعه ورجع بو محمد وولده احمد للبيت واول ما دخلوا حطت ام محمد لهم الغداء)
بو محمد : اجل وين محمد ليش ما يجي يتغدى
منى : في بيت خالتي ام فهد
بو محمد : وش عنده هناك
ام محمد : ما عنده شي بس فهد مسافر
( منى تدري ان محمد عند خالتها بس ماتدري ان فهد مسافر وودها تسأل امها ليش مسافر؟ بس ما تقدر )
وجدان : وين مسافر وليش؟؟
ام محمد : لقى له وظيفه بالشرقيه
( منى الله الشرقيه مره وحده ؟؟ تبي تسأل عن التفاصيل بس ماتقدر)
( بعد الغداء طارت منى عشان تدق على هيفاء طبعا متأكده ميه بالميه ان الاخبار عند هيفاء وصحيح دقت عليها وعلمتها هيفاء بكل شي بعد ما قفلت من هيفاء قعدت تفكر ؟؟ هذا وظيفه ولقى له وراتبه ماشا الله مقبووول وش ينتظر ؟؟؟ اااااااااه يا انا بمووت اذا ما اخذت فهد))


****************
طلعت ام سعد لبنتها .. دخلت عليها لقتها منسدحه على السرير .. يا سمين يوم شا فت امها عدلت جلستها
ام سعد : وش فيك ما نزلتي تتغدين؟؟
ياسمين مرتبكه : هاااا؟ ما فيني شي بس مالي نفس
ام سعد : طيب بكلمك في موضوع
ياسمين : امري يمى
ام سعد : يايمى انتي الحين كبرتي وانا وابوك ماراح نقعد لك طول العمر واخوانك بيتزوجون وينشغلون مع حريمهم
ياسمين ...................... (تقول في نفسها اعرف وش تبين قولي الزبده بس )
ام سعد : يمى ياسمين محمد ولد عمك خطبك امس وش رايك؟؟
ياسمين : هااااااااااا ؟؟( وقالت منغير شعور) لا يمى محمد ماابيه
ام سعد : وش فيه محمد رجال وعنده وظيفه وماشاءالله عليه
ياسمين :لااااااااا قصدي ماابي اتزوج الحين ابي اكمل دراستي
ام سعد : وش فيها اذا تزوجتي ودرستي ؟؟ شوفي عندك مهله ليووم الاربعاء لازم نرد عليهم انتي فكري زين واستخيري
ياسمين : يمى تكفين لا تغصبوووني ماابي اتزووج ( وقعدت تبيكي)( هي ودها تتزوج وترتاح بس ماتبي محمد...)
ام سعد : يمى انتي فكري في الموضوع
طلعت ام سعد وراحت للمجلس لزوجها ,, دخلت المجلس تتنتظر بو سعد .. بو سعد كان يغسل ايديه .... دخل بو سعد
بو سعد : هاااا وش صار مع ياسمين
ام سعد : تو جايه من عندها
بو سعد : وش قالت؟
ام سعد : تقوول ماتبي تعرس وتبي تكمل دراستها
قعد بو سعد : خلاص على كيفها ما راح نجبرها هي حررره
ام سعد : وشو هي حره خليها تفكر هي بس يمكن خاايفه من الزواج احنا وين نلاقي واحد احسن من محمد ..اخلاق وظيفه وراتب زين وولد عمها يعني بتطمن عليها!!
بوسعد : يصير خير
*********************
ام فهد : انشاء الله عجبك الغداء وانا خالتك ؟
محمد : ماشاءالله يهبل سلمت ايدك ياخالتي
ام فهد : من وين يهبل هذا جنبك ماتحرك ما اكلت شي
محمد : الحمدلله اكلت وشبعت بعد
ام فهد : ايه باااين اصلا انت شكلك مو طبيعي فيك شي؟؟
محمد : لا يا خالتي بس متضااايق
ام فهد : وش فيك قووولي محتاج فلووس ؟؟ قولي وانا اساعدك
محمد : بالعكس خالتي الحمدلله مرتاح ماديا بس .. مدري وش اقولك... اهلي بيخطبون لي ياسمين بنت عمي
ام فهد : والله هذي الساعه المباركه الف مبروك ما بغيت تعرس؟؟
محمد : خالتي بس انا ............ ( وسكت عشان خالته ما تسأله ليش مايبي ياسمين واذا سألته خالته ماراح يطلع الا وهو قايل لها وش فيه وليش رافض ياسمين)
ام فهد : بس انت وشو؟
محمد : بس انا خاايف من العرس
ام فهد : لا تخاف ولا شي خلك طبيعي
**********************
سعد : يمى ..... يمى ....
ام سعد : نعم يمى
سعد : يمى الجوو اليوم رووعه وش رايك نطلعكم للبر ؟؟
ام سعد : لا انا مو رايحه انا ابي اسيير على ام بدر هي تنتظرني خذ معك فارس وخواتك
سعد : زين بروح اقول لياسمين
( طق الباب على ياسمين ودخل )
سعد : قومي البسي عباتك ...
ياسمين خاايفه : وين بتودوني؟؟
سعد : وش فيك بسم الله عليك؟ بوديك معي البر.... يا اختي وش فيك متضايقه قومي معي وسعي صدرك
( ياسمين متردده بس شافت اخوها مصر قامت ولبست عباتها وسعد راح ينادي فارس وشهود ورغودي واطلعوا للبر وانبسطوا والجووو كان مرررره روووعه ورجعوا قبل صلاة العشاء بشوي لان سعد مشاهم بالرياض شوي ... دخلوا البيت وسعد شايل شهد وفارس شايل رغد وداهم غرفتهم لانهم نايمين
اما ياسمين طلعت غرفتها وصلت المغرب لانهم تأخروا عنها وقعدت على سجادتها تبكي وتستغفر الين مااذن العشاء وصلتها ونامت على السجاده من كثر البكي ووضيقة الصدر)
****************************** ******************** ****************************** ***
( قعدت وجدان واحلام بدري عشان يرحون يا خذون النتايج ومروا على الصاله و كانت منى قاعده بالصاله كالعاده تقرا الجرايد وامها تقرا قرآن)
منى : هيييييييييي انتي وياها وين انشاء الله
( سكرت ام محمد القران )
وجدان : بنروح ناخذ النتايج...
ام محمد : مين راح يوديكم؟
وجدان : محمد .. مافي غيره
منى : محمد؟؟!! وينه الحين ؟
وجدان : مدري دقيت عليه قال خمس دقايق وراح يجي
منى : طيب بجي معكم لا تروحين عني
( وراحت منى تركض لغرفتها عشان تلبس عباتها)
ام محمد : احلام متاكده ان نتايجك اليوم ولا كالعاده تروحين وهم موزعين الشهادات من زمان!!
احلام : لا يمى هالمره اكيد
( نزلت منى وطلعوا من البيت وام محمد كملت تقرا قرآن وكان داخل بو محمد)
بو محمد : وين رايحين البنات ؟
سكرت ام محمد القران مره ثانيه : يا خذون نتايجهم
بو محمد : ومنى وش عندها؟
ام محمد خلها توسع صدرها ( وفتحت القران مره ثانيه وقعدت تقرا وبو محمد فتح التلفزيون يراقب الاسهم)
****************************** **
( ركبوا البنات السياره طبعا منى قدام ووجدان واحلام ورى )
البنات : السلام عليكم
محمد : وعليكم السلام .. خير منى وش فيك؟
منى : بس طفشت من قعدت البيت قلت اطلع معك اونسك
محمد : زين سويتي
وصلوا للجامعه ركن محمد السياره وانزلت ووجدان وقال لها : احنا هنا خلاص
وجدان : انشاء الله
احلام : وانا محمد نسيتني
محمد : اووووووووه اعذريني ماحسيت فيك
منى : ههههههههههه تلقاها نايمه
( وراح مدرسة احلام وركن السياره وانزلت احلام عشان تاخذ نتيجتها)
منى : محمد شخبارك؟
محمد : اكذب عليك اذا قلت لك بخير
منى : محمد قولي ليش متضايق.. انت ليش رافض ياسمين ؟
محمد : مو انتي تبين هيفاء لي ؟خلاص عشان كذا انا رافضها !!
منى : اوكي انا يا ما قلت لهيفاء انك لها وهي لك بس هذا مو عذرك اخوي انا اعرفك زين وافهمك واحس فيك
محمد : ما عندي الا هالكلام هذا
منى : محمد وش الكلام اللي مااعرفه انا بليز قول الصدق ولا تكذب
التفت لها محمد وقال : منى لا تضغطين علي خليني سااااكت
منى : انت لا تضغط على نفسك وريح بالك وقولي صدقني سرك في بير
محمد بعد تردد وبعد ماحس براحه وهو يثق بمنى: خلاص رااح اقووولك.. يا طويلت العمر هذي ياسمين ...........
احلام افتحت باب السياااااااره ولا قالت ولا كلمه
منى و محمد التفتوا ورى هاااا احلام بشري
احلام : وش ابشركم فيه
منى : يعني كالعاده ساقطه ؟؟ كم ماااده؟؟
احلام وهي زعلانه : وحده
محمد :اووووووو الف الف الف مبروك العاده خمس او اربع ههههههههههههههه
منى : هههههههههههههههههههههههههه
احلام : ايه والله صدقت انا اعتبر هذا نجااح 
محمد : يالله بنروح لوجدان شكلها عفنت من الشمس
التفتت منى لمحمد وهو طالعها وهز راسه يعني راح اقوولك بعدين
****************************** ******************** ****************************** **

[غروب الشروق]

( الجـــــــــــــــــزء الرابع )
( بعد مارجع فهد من الدوام قعد يفكر بنفسه ... والله امي صادقه ماينفع اكون لحالي .. اناطفشت وينك يا يمى دق عليها..)
فهد: هلا يالغاليه وش اخبارك
ام فهد : هلا وغلا بالعزيز الغالي شخبارك يمى ؟؟ وشلون شغلك؟؟
فهد : الحمدلله بخير ماشي تمام التمام...شخباركم يمى وحشتوووني وحشتني قعدتي معاك انتي وابوي ... ابوي شخباره؟
ام فهد : والله بخير كالعاده ماتغير شي
فهد : تكفين يمى انتبهوا لنفسكم ..الا محمد يمركم؟؟
ام فهد : ايه والله مااقصر معانا ابد
فهد : وش صار على خطبته من بنت عمه هو بس قال لي السالفه ولا قال لي وش صار؟
ام فهد : والله ماادري ماسمعنا شي بس يقولون بيردون عليهم يوم الاربعاء
فهد : الله يوفقه انشاءالله
ام فهد :امين وعقبالك انشاءالله
فهد : يمى وش اتفقنا عليه ترى اذا طريتي السالفه لي من جديد بهوون ماراح اعرس
ام فهد : لا لالا لا حرااام عليك يمى فهد انت ولدي الوحيد وابي اشووف عيالك قبل لاموت ( وقعدت تبكي)
فهد : يمى فديتك لا تبكين وجعل يومي قبل يومك بس الوقت مو مناسب الحين واوعدك اول ما اقرر بقوولك
ام فهد :الله يهديك انشاءالله
****************************** *****
(( في بيت ام خالد))
هيفاء : خلوووودي ........ خلووووووووووودي ...... يمى شفتي خلووودي ؟؟
ام خالد : لا.... يمكن برى في الحوش يلعب ولا يمكن عند ماجده
( طلعت هيفاء للحوش قاعده تدور مالقت احد طلعت فوووق لغرفة ماجده لقت ماجده نايمه خافت هيفاء على اخوها خالد ونزلت تحت للخدامه)
هيفاء ( خايفه ) : امينه وين خلووودي
امينه بثقه : مع ماما
هيفاء: لا مو مع ماما
امينه خافت : اجل وين رووح؟؟
( راحت هيفاء تركض لأ مها وهي تبكي )
هيفاء : يمى يمى لحقي علي خلووود مو في البيت
ام خالد رمت اللي بيدها : شلووون خالد مو بالبيت وينكم عنه
هيفاء وهي تبكي : مدري يا يمى مدري وووينه؟؟
قامت تصارخ ام خالد وتبكي : اااااه يا قلبي عليك يا وليدي وينك فيه يا بعد قلبي
هيفاء : يمى قومي ندور عليه تلقينه هنا ولا هنالك ولا عند احد الجيران قومي يمى
( قامت هيفاء وامها ولبسوا عبايتهم وطلعوا يدورون خالد )

***********************
وجدان دقت على امها : هلا يمى ابشررك
ام محمد : الف مبرررروك نجحتي يا يمى؟
وجدان : ايه يمى ومعدلي جيد جدا مرتفع
ام محمد : الف مبروووك وعقبال التخرج يا حبيبتي ... واختك احلام انجحت؟؟
وجدان : ايه يمى ابشرك سقطت في ماده وحده
ام محمد : الله يقلعها هالبنت من عليه صايره غبيه
وجدان :ههههههههههههههههههه مدري والله ....يمى محمد عازمنا على الغداء بمناسبة نجاحي (( قربت احلام من السماعه : ولاني سقطت في ماده )) كملت وجدان : تجهزي انتي وحمود الحين بنمر عليكم
ام محمد : لا انا مو رايحه معاكم بس تعالوا مروا على اخوكم
وجدان : انشاء الله يمى ... وقفلت الخط ... تقوول امي هي مو رايحه بس مروا على احمد
منى : محمد قبل لا ترجع للبيت ابيك توديني لهيفاء ابي اسلم عليها من زمان ماشفتها
محمد : لازم الحين ؟؟
منى : ايه لازم الحين صدقني مو مطوله بس بسلم عليها من عند الباب
محمد : خلاص انشاءالله
( اخذت منى جوالها تدق على هيفاء لكن هيفاء ماردت على الجوال)
هيفاء : لا يكون نايمه بس
محمد : وش تقولين ؟
منى : غريبه هيفاء ماترد علي
محمد : يمكن مو عند الجوال !!
( مروا على الحديقه اللي قريبه من بيت هيفاء)
منى : محمد وقف شوووي
محمد : وش فيك خير
منى : وجدان هذاك الصغير مو كانه خالد اخو هيفاء :
قامت تطل وجدان من النافذه وقالت : الا هوو اجل هيفاء هنا خلينا ننزل
منى : معليش محمد ممكن توقف
( وقف محمد السياره نزلت منى ووجدان وراحوا لخالد وهو قاعد يلعب بالمراجيح وطبعا احلام نايمه كل مشووار بالسياره سواء قصير ولا طويل لازم تنام كسووووله جدا)
منى :خلووودي حبيبي وش قاعد تسوي هنا
خالد :..........
وجدان : وين هوووفي ( خالد يسمي هيفاء هوفي)
خالد : ...............( يلعب ولا يرد عليهم)
منى : شكلهم هنا قريب
( تلفتت منى ووجدان يدورون هيفاء او ماجده او حتى ام خالد بس ما في احد)
منى : غررريبه وين راحوا وليش مخلين خلوودي هنا
وجدان : لا يكون بس ضايع ولا شي
منى : لا لاتقولين... اجل يالله خلينا نروح لبيتهم
وجدان : طيب اذا جاوا ولا شافووه؟؟
منى : اجل وش نسوووي؟؟
وجدان : ننتظرهم بالسياره
( وهم رايحين للسياره الا يشووفون حرمتين يمشوون بسرعه )
منى : وجدان شكل هذي هيفاء وخالتي ام خالد
( قربوا الحرمتين من السياره واخذت هيفاء خالد وضمنته وقعدت تبكي )
منى :هيفاء وش السالفه؟
ام خالد : ولدي حبيبي عطيني اياه حسبي الله ونعم الوكيل وين لقيتووه
وجدان : هنا بالحديقه
هيفاء تصارخ على خالد: خلووودي ليش جيت لحالك انت قلت لي تبي ترووح قلت لك خلاص العصر ليش ما تسمع الكلام
( محمد قاعد يراقبهم وهو بالسياره)
خالد قام يصيح يوم صرخت عليه هيفاء ومنى قامت تهدي بهيفاء
منى : هيفاء .. خالتي اركبوا نوصلكم للبيت
( ركبوا الجميع السياره )
هيفاء وام خالد : السلام عليكم
محمد : رد السلام وعينه على المرايه الا جات عيونه بعيون هيفاء ونزل عيونه بسرعه وحرك السياره
(قعدت احلام على هالازعاج والصياح ونامت مره ثانيه ولا يهمها احد ... وصلوا عند بيت ام خالد وطلبت منهم انهم ينزلون ويتغدون عندهم لكن منى قالت انهم تأخروا على البيت.... وتوكلوا على الله وارجعوا بيتهم ياخذون احمد )
مع ان هيفاء كان ضايق صدرها على اللي صار لكنها حست براحه يوم شافت محمد وتذكرت يوم تلتقي عيونهم مع بعض.. دخلوا البيت وهيفاء هاوشت الشغاله لين ما قالت بس .. من حقهم خالد ولدهم الوحيد وهم يموتوووون فيه وغير كذا جاي بعد بنتين
(وفي نفس الوقت لكن في بيت بو سعد)
ام سعد : فارس روح ناد اختك واخوك خلهم ينزلون يتغدوون
فارس : انشاءالله يمى
طلع فارس فووق ينادي سعد وياسمين راح غرفة سعد وكان سعد يطالع التلفزيون ونزل سعد تحت ... راح فارس لغرفة ياسمين طق عليها الباب
ياسمين : ادخل
فارس : قوومي انزلي تغدي
ياسمين : مالي نفس
فارس : كيفك
طلع وسكر الباب وراه نزل تحت للصاله
فارس : يمى يا سمين ماتبي تتغدى
ام سعد : ليش؟
فارس : مدري عنها
سعد : مدري وش فيها صار لها فتره وهي كذا ودايم اشووف عيونها حمرا وكل ما سألتها يا تقوول ما حليت زين بالاختبار او متهااوشه مع صديقتها ولا ادعي ربي اخاف اسقط
ام سعد : الله يستر وش فيها ليكون تعبانه بس؟؟
بو سعد: لا تلقينه دلع بنات
****************************** *************
( في سيارة محمد)
وجدان : ايه محمد وقف هذا المطعم انا ابيه
احلام : لا مووو حلوووو نبي مطعم ثاني
وجدان : انتي وش دخلك هذي هديتي مو هديتك ... اقوول نامي احسن لك يالبطه
احلام وهي تصيح : محمد ما نبي هالمطعم
محمد : بنااات خلاص بلا هواااش احلام هذا وانتي ساقطه تتكلمين اذا نجحتي الدور الثاني وديتك المطعم اللي تبينه خلاص ؟؟
احلام وهي زعلانه : طيب خلاص
احمد : يالله بلا بربره خلونا ننزل انا جووعان حدي
( نزل الكل من السياره ودخلوا المطعم وطلبوا لهم هذاك الغداء وقعدوا يسالفون ويضحكون الا منى ما هي معاهم قلقانه على محمد وقصة ياسمين وعلى هيفاء وسالفة خالد ... رجعوا للبيت مع صلاة العصر راحوا العيال المسجد يصلوون والبنات لغرفهم .. بعد ما خلصت منى الصلاه دقت على صديقتها تتطمن عليها...)
منى : الوو
هيفاء وهي تعبانه : هلا منى هلا والله
منى :سلامات وش فيكم اليوم؟؟
قالت هيفاء السالفه لمنى
منى : طيب انتوا وينكم عنه ؟؟ حراام عليكم لو انه صاير له شي؟
هيفاء : كان ذبحت نفسي ... مجنونه انتي والله كان مااعيش هذا مو اخوي هذا ولدي
منى : ادري انكم تحبووونه بس انتبهوا له الله يخليكم
هيفاء : انشاءالله
( قعدوا يسالفون شوي .. منى تذكرت محمد وسالفة ياسمين واعتذرت من هيفاء وقفلت وراحت تركض لغرفة محمد ... محمد مو بغرفته .. قعدت تتنظره )
(( ترقبوا الجزء الخامس : اهم الاحداث .. ما سبب رفض محمد لياسمين وما هي حقيقتها؟؟ ,, ذهاب عائلة بو محمد في رحله لكن الى اين ؟؟..والمزيد المزيد .. تابعونا))

[غروب الشروق]

( الجــــــــــــــــــــــزء الخامس )
دخل محمد غرفته واستغرب من وجود منى على مكتبه
محمد : مانسيتي السالفه؟
التفتت منى : وقالت لا ولا راح ارتاح الا لمى تقول لي
محمد : طيب بس خليني افسخ ثوبي
فسخ ثوبه وقعد على السرير ومنزل راسه
منى : يالله قولي وش قصة ياسمين
محمد رفع راسه : تعرفين صديقي علي بأيام الجامعه؟
منى : ايه بس انقطعت علاقتك فيه من زمان
محمد : ايه بسبب ياسمين
منى اندهشت : شلوووون ؟؟ سبب ياسمين وش دخلك انت في ياسمين وش دخل علي اصلا؟
محمد : انتي تدرين اني كنت انا وعلي دايم مع بعض نروح لاستراحتهم ونسهر ونسوولف..
منى : ايه
محمد : مره كنت رايح مع علي كالعاده الاستراحه وشباب وسوالف قبل لأدخل سمعت صوووت المسجل لحده واول مره تصير
منى : طيب
محمد : ولا كنت ادري وش صاير داخل قلت لعلي وش صاير قال لي الشباب مسوووين حفله تخرجنا من الجامعه ..وانا على نياتي قلت والله شي طيب
منى تسمع بصمت
دخلنا الاستراحه و دخلنا الصاله وكان فيه اثنين من الشباب اول مادخلت زي اللي خافوا وادخلوا داخل لحقهم علي وقعدوا خمس دقايق الا شوي يطلع لي واحد وخويته وانا انصدمت وشوي يدخلون اثنين وكل واحد مع خويته وانا قااعد مااعرف وش اسوووي وش هالخراابيط هذي تو كنت بقوووم الا دخل علي ومعاه وحده صغيره يمكن عمرها 16 او 17 وكانت متوتره وخاايفه
قال لي : وين يا بوالشباب الحفله في بدايتها
قعدت اطالعه من فوووق لتحت
قلت له: انا طالع
قال وهو يبتسم : لحظه اشووي اعرفك على خويتي واذا عجبتك اخذها
كنت بمد يدي عليه بس مسكت اعاصبي
قال لي : اعرفك على ياسمين ناصر الراشد
( انفجعت منى )
انا انفجعت قلت هذا اسم عمي ونفس لقبنا وعمي عنده بنت اسمها ياسمين بهالعمر بس مااتوقع انها هي وكمل علي وهو يقول لياسمين: اعرفك على محمد عبدالله الراشد
قامت تصرخ ياسمين ( محمد ولد عمي )
انا شكيت مو معقوله تشابه باسم العايله وانا عندي بنت عم اسمها ياسمين وهي عندها ولد عم اسمه محمد ولا حسيت بنفسي الا وانا شادها من شعرها وقلت لها: البسي عباتك
قال لي علي : وش فيك وش صااير ؟؟
قلت له: يالخسيس يالنذل اللي معاك بنت عمي يا حقير ..
منى : حسبي الله ونعم الوكيل
علي ما قدر يقوول ولا كلمه اصلا هو ماانتبه لتشابه الاسماء و انتي تدرين علاقتنا بعيال عمي ضعيفه ولا احد يشوووفهم الا احمد حتى فارس مايجي عندنا احمد اللي يروح له واخذها واسحبها واركبها معي السياره
قلت لها: وش هذا وش اللي قاعد يصير ؟؟
هي قاعده تبكي وقالت لي : تكفى يا ولد عمي لا تقول لحد واقسم لك بالله انها اول مره واخر مره وربي ارسلك لي قبل لا يصير شي اصلا انا ماكنت ادري لكن وحده من صديقاتي قالت انها مسويه حفلة نجاحها باستراحه وعازمه كل صديقاتها ولو اني ادري كان ما جيت ..
قلت لها: طيب يوم انك دريتي ليش قعدتي ..
ردت علي : محمد شلوون اطلع انت شايف كم واحد هنا ما كنت عاارفه وش اسوي حاولت اهرب بس ما قدرت الحمدلله انك جيت بالوقت المناسب وربي ما كنت ادري وقاعده تبكي ..
منى : طيب سوا لها شي؟
محمد : ايه انا سألتها سوا لك شي حصل شي ..؟؟
سكتت ياسمين قلت لا اكيد اذوها ولعبوا على عقلها ..
صارخت عليها :تكلمي صار شي؟؟
قامت تبكي وتقول لي لا وربي لا..
قلت لها : صديقتك من بنته قالت لي فلانه بنت فلان وهي سمعتها زفت بالمدرسه بس انا ما كنت اصدق احد كنت احسبها انسانه محترمه..
محمد: واهلك يدرون عنك؟؟
قالت لي : امي كانت تدري اني معزومه عند وحده من صديقاتي ..
محمد: ومين اللي جابك هنا ؟؟ قالت : سواق صديقتي ... وبعدها وديتها لبيتهم ولا ادري عنها وش صار لها..
منى : انت متأكد انها بنت عمي ؟؟
محمد : ايه يعني انا مااعرف بيتهم؟؟
منى : بس ياسمين مو باين عليها هالحركات شفتها مره جايه الجامعه عشان تسجل صحيح مغروره وشايفه حالها بس مااتوقع تسوي كذا ...عشاان كذا انت رافض؟
محمد : اكيد يعني بالله عليك تبيني اتزوج وحده عندها علاقات؟؟!!
منى : بس هي تقول ان اول مره يعني احتمال انها ما طلعت مره ثانيه
محمد : منى هذا الكلام صار له سنتين او 3 سنين حنا وش درانا ان ماصار شي
منى :............ طيب وش راح تسوووي؟
محمد : مدري واذا اخذتها بخليها زوووجه بالأسم وبس
( الله اكبر ...الله اكبر ....... اذن لصلاة المغرب استأذن محمد عشان يتوضأ وراحت منى غرفتها تصلي)
****************************** *******
ياسمين : الو ...
...........: هلا وغلا بروحي
ياسمين : هلا والله سالم وشخبارك
( سالم زميل ياسمين يدرس بمعهد التمريض وتعرفت عليه في المستشفى لما كان عندهم تطبيق)
سالم :بخير انتي شلونك؟؟
ياسمين : ماني بخير اهلي يبون يزوجوني؟؟
سالم ( معصب) : لا لا لا تقولين ... وشلووون ؟؟ قلت لك اجي اخطبك انتي ترفضين وتقولين لا بعدين؟؟
ياسمين : اول امس.. بعدين شلون تخطبني وانت ماعندك وظيفه؟؟
سالم :طيب.. ومين اللي خطبك؟؟
ياسمين : ولد عمي محمد
سالم : اهااااااا اللي شافك بالاستراحه مع خووويه؟؟
ياسمين : ايه
سالم : وانتي وش رايك؟؟
ياسمين : من غير ماارفضه هو رافضني اصلا
سالم : وش دراك يمكن يبيك؟؟
ياسمين : من جدك انت ما اظن انه بياخذ وحده مثلي لها علاقات
سالم : هو مايدري الا عن هذيك المره
ياسمين : ايه بس اكيد بيفكر اني عدتها مره ثانيه وثالثه (( وهذا اللي يصير ... ياسمين تغلط وتستغفر ربها وتدعي ان الله يهديها ويفكها من اللي فيه وهي ما ودها تسوي هالخرابيط بس ايمانها بالله ضعيف وصديقات السوووء وراها وراها )
سالم : احسن انشاءالله ما ياخذك ( وقال بصوت ناعم : لانك لي وبس)
ياسمين :................... ( وتقول في نفسها : والله انك غير... مع انك تعرف عني كل شي بس راضي فيني وتحبني وتموت فيني وتبي تتزوجني)
سالم : اجل احد يرفض هالغزال ؟؟ جمال ودلع ؟؟
يا سمين : خلاص عاد خجلتني
سالم : اااااااااااااه متى اخلص بس واستلم الوظيفه بجيك طيرااان واخطبك من اهلك
ياسمين : هانت ما بقى الا هالسنه
سالم : انشاء الله تمر على خير
ياسمين : انشاء الله
****************************** *
( يوم الاحد )
احمد يركض وطاير من الفرحه وقاعد ينادي : يمىىىىىىىىىىىىىىى يمىىىىىىىىىىىىى
ام محمد : خيررر يا ولدي وش فيك يمى
احمد : يمى يمى نجحت
ام محمد مبسوووطه : ادري انك ناااجح بس اهم شي النسبه
احمد : النسبه 99.5
ام محمد : الف الف مبرووك ابيك تستمر على هالتفووق وابيك في ثالث تاخذ 100 % وتصير ضابط كبير
احمد : انشاء الله يمى دعواتك انتي بس
ام محمد : الله يوفقك وفارس ولد عمك ؟
احمد : بعد نجح ونسبته 95%
ام محمد : الله يوفقكم انشاءالله
( دخل عليهم محمد )
محمد : هااا اشوووفكم مبسوووطين؟؟
ام محمد : حمودي جاب نسبه 99.5
محمد : ماشاءالله هذا واول ثانوي اصعب مرحله .. اجل وش راح تسوي بثالث شكلك بتصكها 100%
ام محمد: قول ماشاء الله انشاء الله يجيبها ويدخل كلية الضباط واشوووفه ضابط كبير
احمد: انشاء الله يمى انتي بس لا تنسيني من الدعاء
محمد : اجل وش تبي هديتك ؟
احمد : انا ماابي مطعم ابي اطلع برا الرياض طفشت
محمد: وين تبي ترووح باااريس؟؟
احمد وهو مبتسم : لا يا اخوي ماابي اكلف عليك ابي داخل المملكه ياجده ولا الشرقيه
ام محمد : خلاص روحوا الشرقيه مره وحده تشووفون فهد ولد خالتكم هناك
محمد : ايه والله يمى صدقتي اجل بدق على خالتي يمكن تبي تروح معنا تشووف ولدها
ام محمد : لا ماراح تروح معكم وزوجها مع مين يقعد
محمد : ايه والله صح
احمد : متى بنروح؟؟
محمد : امممممممممم انشاءالله بعد صلاة العصر
ام محمد : اجل انا بقووم اجهز لكم الاغراض
محمد: يعطيك العافيه يمى ياليت تروحين معنا توسعين صدرك
ام محمد : لا يا وليدي انا مااحب السفر ولا انا طالعه من الرياض ( وقامت تجهز الاغراض)
احمد : وانا بروح ابشر البنات
محمد : قولهم يحطون اغراض لخمس ايام
( طلع احمد فووق لخواته لقاهم مجتمعين بالصاله اللي فووق واحلام قاعده تلعب بلاي ستيشن (كراش))
احمد : عندي لكم خبر سعيد
منى: ماشاء الله هالايام كله اخبار سعيده الله يديمها انشاء الله
وجدان : اكيد نجحت وجبت 100 % اعرررفك
احمد : هو كلامك صحيح بس مو 100% 99.5
وجدان : ايه ما فرقت وين ناقصك النص
احمد يطالع منى : في التاريخ
منى : اجل احد ينقص في التاريخ؟؟
احمد : فكونا من هذرتكم الحين تبون تسمعون ولا لأ؟؟
احلام : انت الى الحين ما قلت خبرك السعيد يالله خلص علينا
احمد : راح تطلعون من البيت؟
احلام : قووول والله وين بنروح المملكه ولا الفيصليه؟
منى : مسكينه يا اختي قولي باريس قولي لندن !!
احلام : ياشيخه عساه هنا جنب الباب اهم شي نطلع
وجدان : ايه والله صدقتي تدرون اني ماادل بيتنا
منى : ههههههههههههههههههه هذا وانتي تروحين الجامعه اجل انا وش اقوول من تخرجت وابعد مسافه طلعت لها بيت هيفاء اللي هو بالحي الثاني
احلام : هااا احمد وين بنروح ومع مين؟
احمد : محمد بيودينا الشرقيه
احلام تصرررخ : هييييييييييييييييييي يعني برا الريااااض؟
وجدان : يا سلام والله البيت طفش منا شكله مبسوووط الحين
منى : ومتى بنروح؟
احمد : جهزوا حالكم بعد العصر... احلام اذا خلصتي لا تنسين حطي البلاي ستيشن بالشنطه ولا تنسين شريط الكوره عشااان اكسر راس فهد
منى توترت : ااااا ليش احنا بنروح عند فهد؟
احمد : ايه اكيد بنمر عليه وبنعزمه في شقتنا واكسر راسه
منى : يالله اجل قوموا ما بقى شي على العصر
احمد : حطوا اغراض لخمس ايام
وجدان : بس؟؟
احلام : احمدي ربك مو يومين
وجدان وهو تقوم : ايه والله الحمدلله
( دخلت منى غرفتها وشافت جوالها )
منى : غريبه هيووف مادقت علي ولا ارسلت حتى مسج !!! شكلها والله العالم انها درت عن خطبت محمد... اكيد خالتي قالت لها ولا بعد هي ماشاءالله عليها تجيها الاخبار وهي في البيت)
( منى منحرجه من صديقتها هيفاء وهي حااسه انها عرفت عن خطبة محمد وارسلت لها رساله)
(هلا هيووفه حبيبتي عسى ماشر لا دقيتي ولا ارسلتي؟؟ عموما احنا اليوم طالعين للشرقيه وبنقعد خمس ايام صدقيني يالغاليه ان اللي سمعتيه صار غصبا عنا انا عارفه انك دريتي وبصراحه منحرجه منك ..انتظر منك اتصال) ... جاري ارسال الرساله ... تم ارسال الرساله
( هيفاء قرت الرساله وهي قاعده تبكي ... ليش يا منى تأمليني في محمد هذا هو خطب بنت عمه وهو مرتاح (ماتدري ان محمد بعد متعذب... مايبي ياسمين) وانا اللي اتعذب انتي السبب..خلاص يامنى الصداقه اللي بينا انتهت ... لا لا مايصير هذي صديقتي الوحيده ... بس هي السبب في اللي انا فيه وقعدت تبكي)
( طلع احمد الاغراض وحطهم بسيارة محمد ودخل داخل )
احمد : محمد يالله كل الاغراض بالسياره
محمد قاعد يسولف مع امه وابوه قام سلم عليهم : يالله عن اذنكم ولا اوصيكم على بعض
بو محمد : انتبه لخواتك ولا تقصر عليهم ( ومد له 3000ريال ) : خذ لا تقصر على خواتك وعلى احمد باي شي واذا نقصكم أي شي كلمني وانا احول لكم
محمد رجع ايد ابوه : الله يخليك لنا يا يبى ولا توصي بس انت انتبه للنفسك وللوالده
انزلوا البنات وسلمو على ابوهم وامهم وطلعوا ... جا احمد بيركب قدام دفته منى : لو سمحت روح ورى انا اكبر منك
احمد : بس انا اطول منك وتخليني ورى؟؟
منى : روح ورى ونام على كيفك ( وركبت وسكرت الباب)
(ركبوا الباقي السياره ومحمد قراء عليهم دعاء السفر وحركوا )
بعد ربع ساعه وهم بالطريق
منى : الله من زمان ماشفت هالطريق
احلام : شوفي شوفي هالبيت رووعه
وجدان : صدق انك يا احلام بزر... اقوول الحين بنشوووف امبيع شووفي البل والغنم شفتيهم قولي لهم امبيييييع
احمد : ههههههههههههههههههههه والله مسخرتك يا احلام لا وانتي ساكته لها (يبي يفتن)
احلام : خلها تولي ماارد عليها
وجدان : مسكينه اول مره تشووفين هالمناظر الخلابه ههههههههههه
محمد : اجل اذا شفتي الشرقيه وشفتي البحر والكورنيش وش تقولين ؟؟ الله عليك يالخبر
منى : من يوم كان عمري 16 وانا ماشفت بحر
احمد : الحين بتشوفينه وتشبعين منه وبتسبحين فيه بعد
محمد : ايه بأجر لكم شاليه هناك
احلام : الله ونااااسه
****************************** *****88
ياسمين لابسه عباتها طبعا عباتها محتشمه وعلى الراس وتلبس برقع واذ بتطلع تغطي عيونها وفي يدها كيسه: يمى ىى يمىى
ام سعد : نعم وش بغيتي
ياسمين : رشا صديقتي بتمر علي مع سواقهم بروح معها السووق طفشت من قعدت البيت
ام سعد : انتي الحين قبل لاتروحين تغيرين جو فكرتي في موضوع محمد؟؟
ياسمين : اجل ليش انا طالعه عشان استانس وارجع البيت وافكر على راحتي
ام سعد : قايلين لك عني بزر يالله رووحي فووق مافي طلعه
ياسمين تصيح : يمىىىى تكفين
( دخل عليهم بو سعد)
بو سعد : وش فيك يا قمرهم تصيحين
ياسمين : ابي اروح السوق امي ماهي براضيه
بو سعد : مع مين بتروحين ؟
ياسمين : مع صديقاتي ... وش تبيهم يقولون ان بنت ناصر معقده وكل قاعده في البيت؟؟!!
بو سعد : خلاص روحي ووسعي صدرك تبين فلووس؟
ام سعد معصبه : بدل ماتخليها تنقلع غرفتها تعطيها فلوووس؟؟
بو سعد : وش فيها اذا راحت تتمشى وبعدين احنا باجازه واخوها مو فاضي لها..( وطلع لها 1000 ريال) : توكلي على الله
ياسمين حبت راس ابوها وتعمدت تطلع وماتسلم على امها يعني انها زعلانه الحين ... المشكله بو سعد مغتر في بنته ومدلعها اخر دلع لكنه نااااااايم في العسل
( ركبت ياسمين السياره وسلمت على رشا وعلى طول ما صدقت خبر طلعت اللي بالكيسه ( عباية كتف مخصرررررره مرررره وماشاء الله هي جسمها روووعه وشالت البرقع ولا همها حتى السووواق ليش؟؟ لانه هندي .. والهندي مو رجال ؟؟ المهم شالت البرقع وتلبس اللثمه وتكحل هالعيووون طبعا هم رايحين لبرج المملكه يتسوقون
****************************8
( نزلت هيفاء وقعدت بالصاله مع امها وماجده قاعده تلعب خلوودي)
هيفاء : السلام عليكم
ام خالد وماجده : وعليكم السلام
هيفاء طفشانه قالت بتسولف مع اختها ماجده تغير جو مع ان ماجده ما كانت تقعد مع امها واختها كانت دايم بغرفتها وخاصه هالسنه لانها ثانويه عامه وضاغطه على نفسها بالمذاكره
هيفاء : ماجده
ماجده : هلا
هيفاء : كم تتوقعين تكون نسبتك
ماجده : لا تذكريني والله اني خايفه
ام خالد : اذا انتي كنت تذاكرين وشاده حيلك ليش خايفه؟
ماجده : يمىى انتي عاارفه وش حلمي انا ابي اصير دكتوره ابي على الاقل 96% عشان اضمن القبول
هيفاء: واذا جبتي اقل بتتخلين عن حلمك؟
ماجده : فال الله ولا فالك انشاء الله نسبتي عاليه ( خافت ماجده من جملة هيفاء وسألت نفسها : صدق اذا نسبتي اقل من المطلوب اتخلى عن الطب ؟؟ لا لا انا ابي اصير دكتوره كفايه اني شفت ابوي يموت من هالمرض .. لا لا ابي اصير دكتوره وبسوي المستحيل عشان ادخل الجامعه)
ام خالد : الله يوفقك انشاء الله .. وانتي يا هيفاء ما قدمتي علي شي؟؟ ترى حالتنا كل مالها وتسوء واحنا مالنا الا معاش ابوك التقاعدي
( ام خالد ماعندها لا خوات ولا اخوان وعمام بناتها عايشين برى الرياض ولا يدرون عنهم وابو خالد كان تارك لهم ارض وهذا هو ميراثهم الوحيد)
هيفاء : بعد شهر راح اقدم على الديوان
ام خالد : يمى انتي تخصصك انجليزي يعني لو تقدمين على أي مستشفى او بنك راح يقبلونك على طول
هيفاء : تدرين يا يمى هالاماكن انا مااحبها وبعدين الشغل راح يكون مختلط ترضين مديري يكون رجال؟؟ ولا اقعد عند الاستقبال وواحد على يميني وقاعد معي ومن غير محرم ؟؟لو شيصير ماارضى بهالوضع
( هيفاء متحفظه اكثر من ماجده وسبق هيفاء قالت لماجده انها تختار غير هالتخصص لانه مختلط ومجبوره تقعد مع الرجال لكن ماجده مصره على رايها ودايم تقول لاختها : اللي يمشي بالطريق الصحيح ومحترم نفسه محد يعترض له .. حاولت هيفاء تقنع امها لكن ام خالد ما تقدر تزعل ماجده وماجده ماذاكرت وتعبت نفسها الا عشان تدرس طب)
ام خالد : ايه والله صدقتي..الا وش اخبار منى مالها حس؟؟
هيفاء : مدري عنها
ام خالد : غريبه العاده عشر مكالمات في اليوم ماتكفيكم؟؟
هيفاء : يمى منى ما عادت صديقتي
*********************
(بعد صلاة المغرب وصل محمد واهله للشرقيه ودق على ولد خالته فهد : هلا فهد
فهد: هلا والله بالغالي شخبارك؟؟
محمد :مشتاقين لك وينك انت؟
فهد :انا بالشرقيه تسوي نفسك ماتدري ؟
محمد :ادري انك بالشرقيه بس وين انا بالشرقيه بعد..
فهد : لا والله ... وينك انت انا الحين بجيك
محمد : تو ندخل الخبر
فهد : ندخل ؟؟ اجل مو لحالك معاك احد؟؟
محمد :ايه معاي اهلي
فهد : والله نورتوا الشرقيه حالف علييكم العشاء عندي الليله
محمد : لا مايصير ما نبي نكلف عليك
فهد : وش تكلف علي ... اقولك انا الحين جايك..
) بعد ربع ساعه جاهم فهد بنفس المكان ركن السياره ونزل يسلم على محمد ....نزل احمد ومحمد من السياره عشان يسلمون عليه)
فهد : هلا والله نورتوا الشرقيه
محمد وهو يحب خشم فهد: النور نورك
احمد سلم على فهد : هااا مااوصيك ابي تفرنا بالشرقيه خابرنا ماطلعنا من زمان
فهد : هههههههههههههههه انشاء الله بس حتى انا ماعرف شي هنا
محمد : لا ما عليك انا سبق وجيت هنا وبصير لكم مرشد سياحي
( قعدوا العيال يسالفون ... ومنى اول مره تشووف فهد من زمان عنه.. فهد ماشاء الله طويل اطول من محمد يعني طوله 180 وعريض ومسووي سكسوكه وطالعه تجنن عليه واسمراني ) قالت في نفسها : الله وش هالطوول وش بصير انا بجنبه؟؟ وينك يا هيفاء لا دقيتي ولاحتى سألتي .. )
محمد : اقول يالله ترا تأخرنا على البنات
فهد : يالله تعال وراي
احمد : محمد يالله نبي شقه سنعه تراي تعبان وابي انام
فهد : وش شقته ؟؟ والله حلفت عليك تجوون عندي ولا ابي أي عذر انا عندي شقه وعيال خالتي يجون يسكنون برا ؟؟ مايصير هالكلام
محمد : انت عارف البنات معي مايصير
فهد : افاااااااااا لا تزعلني منك خواتك هم خواتي .. وبعدين الشقه صدق انها مو لهناك بس تكفينا
احمد : خلاص محمد تراي وصلت حدي
محمد : يالله الشكوى لله ما ابي ارد لك أي طلب
( فهد راح سيارته واحمد ومحمد راحوا سيارتهم وحركوا)
محمد: الله يهديك بس يا فهد
منى : وش فيه؟
محمد : يبينا نقعد عنده
منى : لا مايصير نضيق عليه حتى احنا مو ماخذين راحتنا
محمد : انا قلت له بس هو رافض وحلف علي
وجدان: ايه عاادي وش فيها اذا ما تحملنا ولد خالتنا مين يتحملنا؟؟
منى : عااد مو لهدرجه
محمد : خلاص اللي صار صار وما نقدر نسوي شي واذا مارحنا راح يزعل علينا
احمد ( وهو دايخ) :عاد كل شي ولا زعل فهد ماعندنا ولد خاله الا هو
( منى تفكر: يالله بكون معاه بنفس المكان ؟؟ ليتني اقدر اقوله وش تنتظر ماتخطبني ))
*****************
( هيفاء متردده تدق على منى ولا لأ ... اشتااقت لها تبي تعرف اخبارها.. لكنها اخذت جوالها ورمته بالارض لا نها طفشت من التفكير)
**************
( وصلوا لشقة فهد واول مادخلو الشقه لقوا على يمينهم مجلس كبير وعلى اليساار (تكرمون) حمام بعدها يجي ممر طويل وعلى يمين الممر مطبخ لا كبير ولا صغير يعني وسط وعلى يسار لممر بس بعيد شوي عن المطبخ غرفه صغيره هي مستودع بس فهد مخليها مكتب له وفي نهاية الممر جناح فيه غرفة نوم ومقابلها ( تكرمون) حمام)
احلام : الله على هالشقه صدق مو كبيره بس وناااسه غير عن البيت
وجدان : اول مره انام برى البيت
منى : ماشاء الله على هالمطبخ بشووف الثلاجه فيها شي؟؟
احمد : ول عليكم انتم يالحريم كل شي تشووفوونه!!
احلام : انا بروح غرفة النوم بروح ارقد
وجدان : احلام من عرفتك وانتي كله نوووم بس ماشبعتي
منى : استحي على وجهك تروحين غرفة الرجال حنا بنروح المجلس وخليه هو بغرفته
احمد : هذا الناس اللي تفهم
( محمد كان برى مع فهد )
محمد : احممممممممممممد احمممممممممد
احمد : نعم جايك جايك
( راح احمد يشيل الاغراض والبنات راحو للمجلس وسكروا الباب طبعا احلام انسدحت تحت المكيف ووجدان تقلب بالتلفزيون)
منى : وجدان وش تسوين
وجدان وهي تضحك: بشووف تلفزيونهم مثل تلفزيونا
منى : الحمد لله والشكر
( دخل احمد ومحمد وبايدينهم الاغراض)
محمد : وش مقعدكم هنا يالله روحوا داخل
منى : وين نرووح من كبر الشقه الحين .... محمد تكفى دور لنا شقه غير مايصير كذا احس انها ضيقه
محمد : والله عجزت وانا اقوله ماهو براضي بس انتوا ادخلوا لغرفة النوم وحنا العيال هنا
منى : والله عيب ندخل غرفته
محمد : يابنت الحلال وسعي صدرك بعدين هو الحين شال اغراضه كلهم وحطهم بالمكتب
وجدان : من جد فشله
احلام : محمد جيعاااااانه ابي اكل
احمد : انتي يا نووم ياااكل بس تربين في هالشحووم ماتشووفين نفسك صااايره درام ديزل
محمد : خلا ص بعد صلاة العشاء اروح انا وفهد ونجيب عشاء بس انتوا قوموا الحين دخلوا داخل
( قاموا البنات داخل وطلعوا العيال يصلون صلاة العشاء)
****************************** **********
(( في برج المملكه))
( يا سمين ورشا فالينها بالسوق كل وحده تمشي وتمايل هالجسم بدلع والشباب ماشاء الله انواع الترقيم والغزل وراحوا قعدوا بكافيه )
ياسمين بهمس : رشاا رشااا
رشا : نعم
يا سمين : شوفي هذاك اللي قاعد على اليمين يهبببببببل صح
رشا : ايه والله يجنن بس مسوي ثقيل ما يعطي وجه
ياسمين : تتحديني مااسحبه على وجه
رشا : اتحداك
( راحت ياسمين عنده وطلعت له مية ريال)
ياسمين : لو سمحت يا اخ
التفت عليها وانسحر بعيونها : نعم تكلميني
ياسمين : اجل اكلم الجدار ... عندك فكه
............: لحظه اشوف ( قعد يدور بجيوبه) للأسف ماعندي
ياسمين : وراز وجهك وكاشخ وانت ريال ماعندك صدق مسخره ههههههههههههه
(( انقهر الرجال واغلب الشباب ضحكوا عليه))
.......... : هين مردوده
( رجعت ياسمين لكرسيها وقاعده تناظر فيه وهو يناظر فيها وهي تشرب القهوه اكيد انها بتشيل الطرحه لانها متلثمه ابها انهبل الرجال بجمالها وقال وراها وراها...رن جوال ياسمين .... سوسو يتصل بك
ياسمين : هلا وغلا
سالم : هلا حبيبتي وينك فيه
ياسمين : انت وينك ؟؟
سالم : عند البوابه الرئيسيه
ياسمين : خلاص الحين اجيك
سالم : طيب انتظرك
( قفلت السماعه وعدلت لثمتها وقامت هي ورشا ...لحقهم الرجال)
ياسمين : شفتي كيف سحبته على وجهه ههههاههه
رشا : والله انك خطيره
( ياسمين في خاطرها والله خبرة سنين... التفتت ياسمين عليه وحاطه ايديها على خصرها)
ياسمين : خيررررر وش عندك (( لازم تصرفه سالم تحت)
............ بصووت طوويل وماسك ورقه بايده : استحي على وجهك ترقميني مو عيب عليك هالحركات ... ولا تعطيني الرقم بعد,,, ويشق الورقه ويرميها بوجهها,,, ومسميه نفسك غزال ومايصيدونه وانتي اللي تتصيدين في الشباب(( هو يبي يحرجها مثل ماحرجته وجمع عليها العالم والناس))
( ياسمين انحرجت ومش عارفه وش تقوول اسحبت يد صديقتها رشا وطلعوا برى)
ياسمين : الكلب الحقير فشلني قدام العالم ... اجل انا رقمته؟؟ والله ما اخليه
رشا : هيييي تكفين ما نبي مشاااكل كفايه الفضيحه اللي صارت
ياسمين : والله لاجرجره وراي مثل الكلب الحقير
رشا : خلاص اسكتي هذا سالم جاي
ياسمين بصوت قصيرومعصبه : وش يبي هالنشبه بعد
سالم : يا لله حبيبتي مشينا
رشا : اوكي انا بروح المطعم بخلي السواق يوديني اذا خلصتي دقي علي
ياسمين : اوووكي ماراح اطول
( سالم مسك يدها وراحوا للسياره يتمشون ويتعشون بمطعم رومنسي)
(( ترقبوا الجزء السادس: اهم الاحداث,, تفاصيل سفر عائلة بو محمد الى الشرقيه ,,ماذا حدث بين منى وفهد وما مصير علاقة سالم وياسمين؟وهل ستتم خطوبة محمد من ياسمين ؟؟,, تابعونا))

[غروب الشروق]

الــــــــــــــــــجزء الســـــــــادس)
( الساعه 7 الصبح محمد طق الباب على البنات وكانت منى هي اللي صاحيه بس )
منى قاعده على كرسي التسريحه: مين ؟؟
محمد : انا محمد
منى : ادخل محمد
دخل محمد وسكر الباب وراه : هااا صحيتوا؟؟
منى : لا بس انا... وتو اللي صليت الفجر
محمد : وخواتك ماصلوا؟؟
منى : الحين بقعدهم ........... هيييييييي بنات.. احلام وجدان يالله قووموا الصلاه يالله تاخرتوا الساعه سبع الحين
محمد : الله عليك يالناعمه الناس تصحي كذا
( وقرب محمد فمه عند اذن وجدان وصرخ : وجدااااااااااااااااااااااااااا ااااااااااااااااان قومي صلي ..
انقزت وجداااااااان : يمىىىىىىىى فقعت اذني خلاص بقووم ..
اشر ت منى على احلام
محمد : لا هذي ولا صواريخ تصحيها
طلع محمد وجى وبيده قدر وغرافه وقربهم من اذان احلام وقعد يطق
محمد : الصلاه يا عباد الله الصلاه يا عباد الله
احلام : اوووووووووووووه يا مزعجين الحين بقووم
منى مبتسمه: برافووووو عليك
محمد :يالله اذا خلصتوا البسوا عباياتكم بوديكم على الكورنيش ونشتري فطور ونفطر هناك
( قاموا البنات يصلون وراح محمد للمجلس طبعا العيال صاحين ومصلين بالمسجد )
محمد : ها فهد تروح معنا
فهد : لا وش يوديني معكم وبعدين انا عندي دوام اليوم
محمد : ايه الله يوفقك ان شاء الله
احمد : اجل متى اكسر راسك ؟؟
فهد : قصدك ينكسر راسك انت .. انتظرني بكره عندي اوووف بفضالك
احمد : ليش مو العصر ولا الليله خااايف مني؟؟
محمد : لا بعد ما نفطر ونقعد شوي على الكورنيش بنروح الجبيل
فهد : ايه والله لا يفوتكم مهرجان الزهوور هناك
محمد: ايه اكيد راح ننبسط ... يالله اجل احمد قووم الحين تلقى البنات خلصوا الترتيبات
فهد : موفقين..محمد لا تسرع
احمد : لو شيصير محمد مايسرع حده 120
محمد : يالله بس عن البربره ... مع السلامه فهد
( الساعه 8 تقريبا ركب محمد واهله السياره وراحوا المطعم وجاب لهم فطور خفيف ( شكشوكه..كبده .. كروسان.. فلافل
.. لحم بالطماط..فول..خبز تميس .. عدس .. ولا ننسى ترمس الشاي اللي سوته منى ...)( راحوا للكورنيش لمكان فيه ناس شوي .. هادي وافرشوا الحصير وقعدوا قبال البحر وراحت احلام تلعب بالبحر)
منى اخذت الاكياس من محمد : عنك يا محمد انا برتبهم..وجدان افرشي السفره
فرشت وجدان السفره ومنى رتبت الاطباق
وجدان: احلام تعالي افطري
احلام : ول عليكم ماامدانا نقعد على طول فطوور!!!!
احمد : غرررريبه يادبه العاده انتي اول الناس على السفره
احلام ملتفته عليهم : حرررام عليك حمووود البحر قدامي وتبيني افطر؟انا اول مره اشووف بحر
محمد: طيب تعالي افطري بعدين سوي اللي تبين
( جاتهم احلام وقعدت على السفره وسموا بالله وافطروا)
احلام : الله يا احمد كل يوم انجح عشان نطلع للبحر
احمد : انا اصلا دايم انجح بس مو كل يوم يالخبله
محمد : انتي لو تنجحين حتى برى المملكه اوديك بس انجحي
وجدان : هاهاهاهاي لو تحفر ما تنجح هالانسانه غبيه مدري من عليه طالعه
احلام : الغبيه انتي اصلا انا مااحب المذاكره ولو ودي فصلت وقعدت بالبيت
منى : ابد ماعندك طمووح؟؟
احمد : طمووحها انها تكون اسمن امرأه عربيه هههههههههه
وجدان : ولا تبي تحطم الرقم القياسي في عدد ساعات النوم ههههههههه وتصير اول امرأه سعوديه تنام اسبوع كامل من غير ماتصحى ههههههه
احلام : محمد قول لهم يسكتون ولا ترى بزعل وبطب البحر
احمد: ههههههههههه اول ما تدخلين البحر يصير طوفان بالشرقيه هههههههه
منى : خلاص انت وياها بلا هوااش خلونا ناكل ونتمتع بمشاهد البحر
( دق محمد على امه)
محمد : هلا يمى شخبارك؟؟
ام محمد : هلا محمدانا بخير انت شخبارك وشخبار خواتك واحمد؟؟
محمد : بخير يمى (( دخلت احلام خط وقالت بصوت عالي : ليتك معنا يالغاليه ))
محمد : شخبار ابوي؟
ام محمد : بخير هذا هو جنبي (( بو محمد : عطيني بسلم عليه |))
بو محمد : هلا محمد شلونك وشلون خواتك؟؟
محمد : بخير يبى انت شخبارك؟
بو محمد : مشتاقين لكم البيت من غيركم مايسوى
(( احمد خذ الجوال من محمد : هلا يبى فاتتك الشرقيه تجنن ))
بو محمد : هاا اجل تمشيتوا؟؟
احمد : لا يبى تو طالعين وبنروح الجبيل
(( اخذت منى الجوال من احمد : قوة يبى شلونك عساك طيب ؟؟))
بو محمد : هلا بمنى بخير يا مال الخير انتبهي
لخواتك ولا تقصرين عليهم لا انتي ولا محمد
منى : لا توصي يبى ...يبى عطني امي... هلا بالغاليه هلا بامي الحنون
ام محمد : هلا منى شلونك
منى : مشتاااقه موووت يمى ..شخبارك وشخبار الرياض ,, خالتي ام فهد شخبارها؟
ام محمد : كلنا بخير .. هااا سكنتوا سكن حلووو ولا معفن؟؟
منى: لا يمى فهد حلف علينا الا نقعد عنده وقعدنا
ام محمد : لا يكون ضيقتوا عليه بس ؟؟ قولي لمحمد يدور لكم سكن مايصير تنقصون على الولد
منى : يمى محمد ماقصر بس فهد الله يهديه مو راضي
ام محمد : الله يهديه بس ... الا احلام شخبارها لا يكون نايمه بس؟؟
منى :هههههههههه لا احلام مبسوووطه على الاخر
ام محمد : ايييه وسعوا صدوركم ولا تضيقوا على نفسكم واذا نقصكم شي كلموا ابوكم يحول لكم
منى : محمد ما يقصر... يالله يمى طولنا على جوال محمد...سلمي على خالتي
وجدان : منى سلمي على امي وابوي
منى : يمى يسلمون عليك احلام ووجدان,,
ام محمد : الله يسلمك.. مع السلامه
(بعد نص ساعه خلصوا قعدتهم وشالوا السفره راحت احلام واحمد يرشون على بعضهم بالماي ووجدان قاعده تكتب وترسم على الرمل ومنى ومحمد يسولفون)
محمد : منى
منى: نعم
محمد : شخبار هيفاء بعد سالفة اخوها؟؟
منى : الحمدلله بخير بس صار لها فتره متغيره علي!!
محمد : عسى ماشر ..
منى مدت البياله لمحمد : ما شر بس هي زعلانه علي
محمد : غريبه اول مره اسمع انكم متزاعلين
منى : ايه والله هي صديقتي واختي وحبيبتي وفقدتها كثير... ماعلينا وش بتسوي اذا وافقت ياسمين؟؟
محمد : تصدقين... انا حاس انها ماراح توافق
منى : وش اللي يخليك تحس بهالاحساس
محمد : مو معقوله بعد كل اللي صار بيكون لها عين وتوافق علي!!
منى : محمد لاتظلمها يمكن اعقلت
محمد :حتى لو اعقلت انا ماابيها.... اصلا انا ماابي من العايله
منى: انت عارف ابوي اذا قال كلمه مايرجع فيها
محمد : والله عااد كيفه واذا اخذتها بيصير حالها من حال أي اثاث بالبيت
وقعدوا يسولفون
( جات احلام وانسدحت من تعب الركض والمطارد من احمد .. واحمد جاي وراها)
احمد : قومي ماتستحين تنسدحين قدام العالم؟؟
احلام وهي تلهث من التعب : مالي شغل انا تعبانه
محمد : يالله قووموا صار لنا ساعتين وحنا هنا يالله بنروح الجبيل
منى : وجداااان يا رومنسي انت .. يالله بنمشي
( جاتهم وجدان وساعدتهم وركبوا السياره رايحين للجبيل)
******************************
( بعد مافطرت هيفاء وفطرت اخوها خالد راحت غرفتها قعدت تفكر ليش اسلوبها تغير على صديقة عمرها منى ؟؟ يالله احس ان صار لي سنه ماسمعت صوتها .. ادق عليها ولا لأ.. يووووه خلاص هذا نصيب ولازم ارضى فيه .. ويعني محمد تزوج وش صار انتهت الدنيا؟؟ .. اخذت جوالها ودقت على منووووو)
هيفاء ( مبسوطه ) لانها اتخذت القرار الصحيح: هلا منوووو حبيبتي
منى استغربت بس كأن ماصار شي اهم شي هيفاء دقت عليها : هلا بالغلا كله شخبارك
هيفاء : بخير شلونكم انتوا شخبار الشرقيه ؟؟
منى : والله رووووعه .. والبحر يا عيني على البحر
هيفاء : ماعندكم رطوبه؟؟
منى : بالعكس في النهارالجو يجنن بس في الليل تجي الرطووبه
هيفاء : الله يعينكم ..
منى : يا شيخه الرطوبه مفيده للبشره هههههههههه
هيفاء : ايه هيييييين يازين الرياض وجوها
منى : ايه هذا كلام المقهور اللي مايطلع من البيت
هيفاء : ههههههههههههه صدقتي الله يسعدكم انشاءالله
منى : امين
هيفاء : يالله حبيبتي حبيت اتطمن عليك
منى : مشكووره يالغاليه بهالاتصال اللي عن جد اسعدني
هيفاء :حتى انا انبسطت يوم سمعت صوتك ..يالله مع السلامه حبيبتي
منى : حياك الله
(( منى متشققه من الفرح حتى هيفاء ومعهم حق حرام تنتهي هالصداقه عشان موضوع عاادي))
( ارسلت منى رساله لهيفاء : في عندي لك اخباااااااااار فررررش ما قدر اقولها لك الحين تدرين انا بالسياره وعندي اهلي)
ردت عليها هيفاء : شكل السالفه خطيره علميني بالرسايل تكفين
ارسلت منى : ماينفع بعدين اقولك
ردت هيفاء : طيب رؤوس اقلام؟!!
ارسلت منى : يمى منك ماتصبرين بس بحمسك شوووي تراها عن فهد : )
ردت هيفاء : قولي والله؟؟ تكفين قولي وش صار خطبك؟؟
ارسلت منى : خلاص بعدين اقولك .. مع السلامه
*********************
( بعد صلاة الظهر تقريبا وصلوا للجبيل قاموا يفرفرون من هنا وهنا ماشاءالله الجبيل مدينه مررررتبه ونظيفه وشبه هااديه راحوا للكورنيش وشافوا مسااااحه كبيررررررررره كلها زهووور وروود ومرسوومه على اشكال والوووان وعطت الكورنيش منظر يهبل)
احلام : الله احس اني في فيلم هندي
وجدان : ياربي بصراااحه روووووووووعه
منى : محمد خلينا نقعد هنا
محمد : لا ابي اقعدكم عند مسجد قريب نبي نصلي الظهر
( لف محمد كم لفه وركن سيارته )
محمد : يالله انزلوا صلوا
منى : وين؟
محمد يطالع قدام كانه يدور شي :هنا بعد وين
منى قاعده تطالع في المسجد : بس شكله مافي مصلى للنساء بس حمامات!!
احمد : عااادي افرشوا الحصير وصلوا برى مافيها شي
(( نزلوا من السياره محمد سأل عن القبله عشان يصلون خواته برى وهو واحمد صلوا بالمسجد)
(( طلع احمد ومحمد وشاف خواته قاعدين يسولفون وقعدوا معاهم بعدين قاموا عشان يتغدون وراحوا مطعم راقي .. وبعد صلاة العصر نزلهم محمد لمجمع الجبيل مول عشان يتسوقوون)
*****************
سالم : هلا حبيبتي
ياسمين ( متضايقه ) : هلا والله
سالم : شخبارك ؟
ياسمين : الحمدلله
سالم : افااااا كأن الحلووين زعلانين؟؟
ياسمين : ................
سالم : حبيبتي ما كنت اقصد أي شي صدقيني
ياسمين : لا والله كل هذا وماتقصد اجل لو تقصد وش بتسوي؟؟
سالم : يالغاليه انا ماقلت لك تعالي معي الشقه الا عشاان تشوفين حبيبك كيف عااايش
ياسمين : مو علي هالحركات..
سالم : افاااااا تشكين فيني وفي حبي لك .؟؟ ياسمين انا غير عن هالشباب كلهم.. انا والله احبك واموت عليك وش فيك افهميني الله يخليك
ياسمين : مو قصدي اشك فيك بس والله مدري وش اقولك ...
سالم ( بصوت ناعم ) : قولي انك تحبيني ..
ياسمين( بخجل) : انا ما احبك انا امووووت فيك ( في هاللحظه ام سعد كانت بالغرفه )
ياسمين ( بخوف ) : يا لله رشا اكلمك بعدين ( وقفلت الجوال)
ام سعد تهاوش : مين كنتي تكلمين؟؟
يا سمين: يمــ ــــى هذي رشا صديقتي
ام سعد : رشا صديقتك وتقولين لها احبك مووت ؟؟
ياسمين : يمى هذي حركات البنات الحين كل وحده تحب لها وحده.. ولا حتى بالمدرسه المعلمه تحب الطالبه ومكالمات باخر الليل
ام سعد : زين اشووف عطيني الجوال
ياسمين : وش تبين فيه ؟؟
ام سعد ارفعت صوتها اكثر : اقولك عطيني اياه.. ( قالت باستهزاء) ابي اسلم على رشا صديقتك
ياسمين : يمى رشا مشغوله وقفلت الجوال اخليك تكلمينها بعدين
(( اسحبت ام سعد الجوال وراحت للمكالمات الصادره شافت اسم سوسو والمكالمات المستلمه بعد اسم سوسو واتصلت على الرقم من غير تردد)
سالم : هلا حبيبتي وش فيك امك جاتك ؟؟
ام سعد تصارخ : يا قليل الادب ياللي ماتستحي ...( وقبل ماتكمل سالم قفل الخط)
( راحت ام سعد وامسكت ياسمين من شعرها : منهو هذا؟؟
ياسمين : ...............
ام سعد معصبه وتشد على شعر ياسمين: شوووفي طلعه من البيت ماافي .. جووال وتليفوون مااافي .. وزواج من محمد غصب عليك بتوافقين واذا رفضتي والله لاحبسك هنا طول عمرك فاهمه ولا لأ)
ياسمين ( خايفه وتبكي ) : خلاص يمى اللي تبينه بس تكفين لا تقولين لبوي ولا لسعد ارجوك يمى
ام سعد : انا ماراح اقول لبوك مو عشانك لا .. لأن المسكين منغش فيك على باله انك مؤدبه ومحترمه واخاف اذا قلت له تجيه سكته ويموت بسببك
ياسمين ( ماسكه ايد امها تبي تبعدها عن شعرها لان امها تشده بقوه) : لا يمى تكفين الا ابوي الله يخليك وصحيح اني ماابي محمد بس بوافق عشانك (( وتبكي ))
ام سعد ( تركت شعر بنتها ) : محمد اللي انتي رافضته يسواك وبتاخذينه غصب عنك
( طلعت ام سعد من الغرفه وهي تبكي بنتها الكبيره تسوي هالعمايل وراحت غرفتها الا شافت بو سعد )
بو سعد ( مسك ام سعد قبل لاتدخل الغرفه) : وشفيك يا ام سعد عسى مااشر
ام سعد : لا يابو سعد مافي شي
بو سعد : كل هالدمووع وماصار شي ؟؟
ام سعد بتردد : ياسمين يابو سعد ( وتبكي)
بو سعد ( خايف على بنته) : وش فيها ياسمين ...( كان بيروح لغرفة ياسمين بس امسكته ام سعد)
ام سعد : تعال مافيها شي ( قعدت تمسح دموعها وتهدي نفسها ) .. انا ابكي لان ياسمين خلاص بتروح عنا
بو سعد : شلون وين بتروح؟؟
ام سعد : ياسمين وافقت على محمد
بو سعد : يا مره خوفتيني .. بس هذا اللي مخليك تبكين؟؟
( ام سعد في نفسها .. والله ماتدري وش اللي مخليني ابكي)
بو سعد : خلاص اجل اكلم بو محمد واقوله ؟
ام سعد : ايه قوله عشان نسوي التحاليل وبعد النتايج على طوول نكتب الكتاب ونسوي حفله صغيره
بو سعد :ايه خلاص تم بكره بعد صلاة الظهر اقوله
***********************
( رجع محمد واهله للشقة فهد بالخبر تقريبا 1بالليل بعد ماتمشوا في الجبيل وقعدوا عند الكورنيش وستانسوا... دخلوا الشقه .. محمد فتح باب المجلس وطل بعدها طلع)
محمد : اوووووش بشويش فهد نايم
منى بصوت خفيف : طيب طيب خلاص حنا بنروح ننام
محمد : ايه روحوا ناموا لان بكره بعد بنطلع مشووار
( البنات راحوا الغرفه وناموا واحمد ومحمد ناموا بالمجلس .. الساعه 3 وربع بالفجر قامت منى من النووم وربطت طرحتها على راسها لانها تحس بصدااع فضيع وقامت بتروح المطبخ بتجيب لها بندول وكاس ماي )
(قبل لاتطلع منى من الغرفه بنص ساعه فهد كان في مكتبه تذكر ان عنده اوراق يبي يخلصها عشان بكره عنده (اووف) ولا يبي يكون مشغول عشان كذا قام من النوم وراح مكتبه على طول)
( منى كانت بالمطبخ فتحت الثلاجه قامت تدور بندول )
منى حاطه ايدها على راسها : يوووه وين البندول؟؟
(قامت تدور وشاافته على باب الثلاجه واخذت لها ماي وقعدت على الطاوله واكلت الحبه واشربت الماء وراه وسندت راسها على وراى وناامت)
( فهد خلص الاوراق اللي عنده)
فهد : واخيرا خلصت الحين اعرف اتمشى مع عيال خالتي ( ابتسم) واكسر راس حميد
( رتب اوراقه على المكتب وطفى النور وسكر الباب تفاجأ بنور المطبخ مفتوح وهو لما جى المكتب كانت مطفيه!! دخل المطبخ وشاف منى نايمه على الكرسي وراسها طايح ورى.. ورابطه راسها وبعض من خصل شعرها نازل على وجهها صايره كانها ملاك ناايم قعد يناظر فيها بأعجاب وقال بنفسه : يوووه كيف نايمه كذا ودي اعدل راسها او حتى اصحيها عشان تنام داخل )
( منى فتحت عيونها وحطت ايدها على رقبتها : اااه يارقبتي وش فيني نايمه كذا ( ورفعت الخصل اللي نازله على وجهها )
فهد ارتبك وتكلم حتى هي ماانتبهت له الا لما تكلم : آسف بس انا شفت نور المطبخ وجيت اطفيه
(منى طالعت ناحية الباب وانفجعت يوم شافت فهد واخذت طرف طرحتها تبي تغطي وجهها بس فهد طلع من المطبخ قبل لاتغطي)
منى في نفسها : يوووووووه فشله من متى وهو هنا ... ياربي شلووون مااحسيت بنفسي ونمت ( فتحت الطرحه ولفتها على راسها وتلثمت خايفه تشووف فهد وهي طالعه وراحت غرفتها تنام)
( انسدح فهد على فرااشه وقعد يفكر: ماشاءالله تبارك الرحمن خالتي عندها مثل هالبنت وانا مدري عنها ... بس هي أي وحده فيهم اتوقع منى ...لا منى كبيره واللي شفتها ماشاءالله ملاك ما كنها 23 سنه اجل هذي وجدان ..بس شكلها تعباانه لانها رابطه رااسها..بس تجنن هالبنت ابي اعرف هي مين,, ليتها منى لان امي تبي تخطبها لي .. ونام فهد وهو يفكر)
********************
( في سيارة محمد( رايحين لقرية العزيزيه بالدمام) .. فهد قدام واحمد ورى فهد وبنجبه وجدان واحلام ومنى ورى كرسي محمد .. احلام طبعا نايمه ومنى و وجدان يسمعون سوالف الشباب)
فهد : احمد الليله ان شاء الله بكسر راسك
احمد : ههههههههه والله انك ماتعرفني انا زيدان منت بقدي
فهد : اخسسسسس يا فرنسا غير ايطاليا مافي
منى ( في نفسها ) : اهااااا اجل يحب ايطاليا ... ليتني العب معاك واكسر رااسك
احمد : انت ايطاليا ومنوووه البرازيل وش هالمنتخبات هذي
منى ( في نفسها ) : حسبي الله عليك يا حميد فشلتني والله مخليك هييين
محمد :احمد ترى فهد عدووك تراه نصرااوي هههههههههههه
احمد : وووووووووووع نصرااااوي ؟؟ خلصت الانديه مابغيت الا النصر.. غير الهلال مافي زعيم
منى ( في نفسها ) : يووووه نصراوي النصراوين حبايبنا تمنيته هلالي عشاان اهزئه
فهد : هههههههههه النصر تاج راسك وراس الهلالين كلهم حدك عاااد كل شي ولا العالمي
منى ( في نفسها ) : ول عليه نصررراوي متعصب
احمد: حبيبي الهلال زعيم نصف الكره الارضيه
فهد : هههههههههههههه تضحكوني يوم تقولون هالجمله .. بالله عليك الكره الارضيه ثلاث ارباعها وزياده بشوي ماي والباقي يااابسه انتو زعماااااء وشوو؟؟ زعماء السمك والدلافين هههههههههه
منى ( في نفسها ) : هههههههههههههه ايه يا حميد هزئك
احمد ( تهزء وش يقوول ) : ايه فكنا بس قالوا عالمي وانتوا صار لكم اكثر من 8 سنين ما اخذتوا بطوووله
فهد : يقال انك سكتني الحين حبيبي بسألك سؤال في الثمانينات كم سنه الهلال مااخذت بطوووله؟؟
احمد : مدرري يمكن سنه
فهد : والله انك مسكيين 15 سنه.. يا الحبيب تعرف كيف 15 سنه؟
محمد : هههههههههههه سكتك يالله رد عليه
احمد : طيب طيب انت ليش الى الحين تشجع النصر ليش ماتصير هلالي الهلال مشطب على ست بطولات الموسم اللي راح وان شاء الله الموسم الجاي بعد بنشطب عليك لا النصر ولا الاتحاد بياخذووهاا
فهد : وش جاب طاري الاتحاد الحين .. ايه رعبكم الاتحااد
احمد : لا رعبا نهزمه وبالرااحه بس منووووه اتحاديه هذي مثلك ما عندها نظر
منى ( في نفسها ) : هيييييين يا حميد والله ما خليك فشلتني الله يفشلك
فهد : والله انت اللي ما عندك نظر .. وبعدين لو يلعب النصر حوااري ماراح اتخلى عنه
منى ( في نفسها) : هذا انتوا يا لنصرااوين اوفياء لفريقكم ليت كل الجماهير مثلكم
احمد : ايه لا تستعجل راح يلعب حواري
فهد : واول فريق نقابله الهلال
فهد ومحمد : هههههههههههههههههههههههههههههه ههههه
( منى انبسطت على سوالف الشباب بس وجدان كل شووي وتتأفف)
محمد : منى
منى بصوت خفيف : نعم
محمد : منى نااااايمه؟؟
( قربت منى من كرسي محمد على جهة الباب وقالت بصوت خفيف) : لا مو نايمه وش فيك؟؟
محمد : وش فيك تتكلمين كذا الى الحين مااخف الصداع اللي فيك؟؟
( فهد عرف ان اللي شافها البارح هي منى وتطمن وصار اكثر رااحه)
منى بنفس الطريقه السابقه : لا الحمدلله بس شلوون اتكلم وفهد هنا!!
محمد : عااادي يا شيخه هذا ولد خالتك
منى : والله انك فضيحه وش تبي يقول يتكلمون عني اسكت بس ..( ورجعت اسندت ظهرها)
**************************
( بعد صلاة الظهر دق بو سعد على بو محمد )
بوسعد : السلام عليكم بو محمد
بو محمد: وعليكم السلام هلا والله اخووي

بوسعد: هلا فيك ,, شخبارك وشخبار العيال؟؟
بو محمد : والله الحمدلله والعيال بالشرقيه يتمشوون
بو سعد : لا والله .. اجل يبي لك تخرب عليهم
بو محمد : عسى ماشر
بو سعد : ماشر بس لازم يجون عشاان محمد يسوي التحاليل
بو محمد ( خايف ) : وش تحاليله بو سعد وش صاير
بو سعد : هههههههه وش فيك يا بو محمد .. ياسمين وافقت على محمد واليوم العصر بنوديها تسوي تحاليل وبعد نتيجه التحاليل نكتب الكتاب ونسوي حفله صغيره
بو محمد( مبسوووط) : الله يبشرررك بالخير الحين ادق عليهم واخليهم يرجعوون ماصدقت يجي هاليوم
بو سعد : ههههههه الله يوفقهم ويسعدهم ان شاء الله
بو محمد : الله يسلمك وعقبال سعد وفارس
بو سعد : امين.. مع السلامه اخوي
بو محمد : الله يسلمك
(( راح بو محمد لغرفته يدور ام محمد مالقاها شاف غرفة احمد مفتوحه دخل شاف زوجته ترتب اغراض احمد)
بو محمد : الف مبروووك يا ام محمد
ام محمد ( مشغووله ) : الله يبارك فيك .. هااا شكل الاسهم مرتفعه اليووم
بو محمد : أي اسهم واللي يرحم والديك .. ياسمين وافقت
ام محمد ( تركت اللي بيدها ) : صدق متى كلمك اخوك
بو محمد : تو الحين مسكر منه بدق على محمد ابخليه يجي عشان التحاليل
ام محمد : ايه دق عليه مع انهم مساكين ما فرحوا بطلعتهم
بو محمد : ما عليه بينبسطون في زواج اخوهم
****************
( رن جوال محمد .. الوالد يتصل بك )
محمد : هلا ابووي كيف حالك؟؟
بو محمد : هلا بالمعرس انا بخير انتوا شخباركم؟؟
محمد في نفسه : امحق معرس..
محمد : بخير يبى ..امي شلونها ؟
بو محمد : بخير ومبسوووطه .. يالله لازم تجوون اليوم
محمد : وشو نرجع اليوم؟؟ .. مايصير يبى ما امدانا تمشينا ..
( منى واحمد ووجدان تضايقوا .. وش يرجعون تو ماصار لهم يومين)

بو محمد : لازم ترجع عشان تسوي تحاليل ياسمين واافقت
محمد في نفسه : ( ان شاء ما تتطابق النتايج) >> طبعا نادر تصير ان النتايج ما تتطابق
محمد : طيب لازم اليوم خلوها بكره ماراح اطير انا
بو محمد : يا ولدي مو على انك تطير ولا ما تطير بس نبي نفرح فيك بسرعه
محمد : طيب بس بكره الظهر ان شاء الله احنا عندكم
بو محمد ( متردد) : خلاص اجل اللي تشووفه يالله سلم على اخوانك
محمد : الله يسلمك ( واول ما قفل)
احمد : ليش يبنا نرجع؟
محمد : ياسمين وافقت ويبيني اسوي تحاليل ان شاء الله ما تتطابق
فهد : وش فيك متضايق ؟ انت ماتبي تعرس؟
محمد : ماابي من العايله
فهد : احسن لك من العايله وشلك باللي برى على الاقل القريب انت تعرفه (وقالها من غير شعور) هذا انا با خذ من العايله
( منى انقبض قلبها يوم سمعت فهد يقول كذا .. لا يكون يقصدني ؟؟ لا يمكن يقصد وحده من بنات عمه !! يووه ما ابي اتفائل وانصدم مثل هيفاء محد يدري وش بيصير بكره)
(بعد ربع ساعه وصلوا لقرية العزيزيه وانبسطوا كثير هناك وارجعوا الساعه 11 عشان
الصباح يرجعون الرياض
*******************
(الساعه 11 بالليل في بيت ام خالد)
ام خالد ( عند الدرج تنادي) : هيفااااااااااااااااااااااااااء ..... هيفاااااااااااااااااء
( محد رد عليها)
ام خالد : مااااااااااجده يااا ماااااااااااجده
ماجده سمعت صوت امها : نعم يمى
ام خالد : وين هيفاااء ناديها خليها تجي الصاله
جات هيفاء لامها : هلا يمى امرري
ام خالد : خالد وينه ؟؟
هيفاء : نايم عند مااجده .. اخذته بحطه بغرفتك بس قعد يبكي يبي مااجده
ام خالد : ايه ترى هالفتره هذي هو متعلق بماااجده حيل
هيفاء : ايه لانها من خلصت الاختبارات فضت لنا وصارت تقعد معنا وتلعب خالد وهو صار دااايم يرووح معها
ام خالد : طيب ما علينا ... يمى ام جاسم جاتني اليوم..
هيفاء ما تخلي عادتها اقطعت امها: ايه وش فيها ؟؟
ام خالد : وانتي تخلين احد يقوول .. ابد ماتصبرين .. ولا يهمك بتجيك العلووم
هيفاء : هههههههههه يالله يمى سولفي
ام خالد : جات اليوم وخطبتك لولدها جاااسم
هيفاء تغير لون وجهها : وش رديتي عليها؟؟
ام خالد : قلت لها بشووف راي البنت ونرد عليك بعد يومين
هيفاء : ليش يوومين يمى ليش مستعجله ؟
ام خالد : مو انا مستعجله ولدها مستعجل لان بعد شهر ونص بيروح كندا يدرس دكتوراه هناك
هيفاء : كندااا مره وحده وبعد شهر ونص لا يمى مو مواافقه
ام خالد : وليش ؟؟ ماشاء الله جاسم اخلاق ودكتوور احد يرفض واحد مثل كذا .. انتي فكري واستخيري وانا معك بأي راي تقولينه
هيفاء : بس يمىىى ....
ام خالد : لا بس ولا شي يمى ابي افرح فيك
( قامت هيفاء لغرفتها وتفكر ... محمد وخطب له وحده ثانيه .. يعني مالي الا اوافق على جاسم وامري الله ... وبعدين بررروح كندا وانا البطحاء مارحتها..)
( قبل لاتنام منى جاتها رساله على جوالها)

( من : هيوووفه
مساء الخير منووو شخباركم ؟؟ ابي اقولك شي :انا انخطبت وانا محتاره اوافق ولا لأ الرجال ماشاء الله دكتور وبيروح كندا .. لو انتي مكاني وش بتسووين ؟)
(دقت عليها منى وهي حزينه : مساء النوور هيووفه
هيفاء : صاحيه ؟؟ على بالي انك نااايمه
منى : كنت بنام بس جات رسالتك
هيفاء : شخباركم ؟
منى : بخير وبكره بنرجع الرياض
هيفاء : يوووه مو تقولين 5 ايام وانتوا يومين مااخذتوا!
منى : ابوي اليوم دق وقالوا ارجعوا ( ترددت منى ) : لان ياسمين وافقت
هيفاء : ايه الله يوفقهم .. ما قلتي لي وش رايك في موضوعي؟؟ (( تبي تغير الموضوع))
منى : انتي استخيري وشووفي والاحسن انك توافقين(( حااسه بتأنيب الضمير))
هيفاء : مدري والله محتاره
:::::: كملوا سوالفهم وقالت منى لهيفاء كل اللي صار بينها وبين فهد ولا سكروا الا الساعه 1:::::::::
***************
( طلعت نتايج الثانويه العامه وماجده قاعده بالصاله تطلع اسمها من الجريده..ادخلت عليها امها)
ام خالد : هااا يمي بشري
مااجده : دقيقه يمى هذا انا ادورر ......... يهووووووووووووووووووو نجحت يمى نجحت وتقدير ممتاز( وراحت احضنت امها وهيفاء كانت نازله من فووق وراحت مااجده واحضنت اختها)
ماجده : هيفاااء باركي لي نجحت واخذت ممتاز يهوووووووووووووو ( وقعدت تطامر وتناقز)
هيفاء : الف مبروك تستاهلين كم نسبتك؟؟
مااجده : مدري بس اكيد انها فوق 90 لانها ممتاز
هيفاء : وممكن اقل من 95
مااجده خاافت : هاااا لا ان شاء الله اعلى بس الجريده مو كاتبين النسبه كيف اعرفها؟؟
هيفاء : دقي على رقم الجريده وهم يقولون لك
( دورت رقم الجريده ولقته تحت باخر هامش في الجريده وراحت تركض للتليفون ودقت )
ماجده : الو السلام عليكم
............: .................
ماجده : لو سمحت اخوي ابي قسم نتايج ثالث ثانوي..
............ : .................
ماجده : السلام عليكم
........... :................
ماجده : ابي اعرف نسبتي لو سمحت
................... :...................
ماجده : ماجده سلطان علي
.............:...............
ماجده : رقم الجلووس ؟؟ اممممم ست الاف وخمسميه وسبعين
............ :............
ماجده : طيب يعطيك العافيه اخوي
هيفاء : هاا بشري كم؟
ماجده ( حزينه ) : 95%
ام خالد : ايه الحمدلله الف مبرووك حبيبتي
ماجده : الله يبارك فيك..
( الجزء السابع : اهم الاحداث : تفاصيل خطوبة ياسمين ومحمد .. هل ستوافق هيفاء على الدكتور جاسم؟؟ واحداث اخرى مثيره.. ترقبونا ...))
****************************** **

[غروب الشروق]

(( الجزء الســـــــــــــــــــــــابع ))
(( بعد مرور اسبوع))
منى قاعده بالصاله تطالع التلفزيون شوي تسمع جرس الباب
منى : حكيمـــــــــــــــــه .... حكيموووووووووه وووجع
ام محمد من المطبخ : وش تبين فيها؟؟ شوفي شغلك بنفسك حكيمه مشغووله معي..
منى (( تتحلطم)) : اوووه يعني ما في الا انا افتح الباب .. ومين الفاضي اللي جاي الظهر ...(( وصلت عند الباب)): مين ؟؟
......... : انا ولد عمك سعد
منى بصوت خفيف : والكوووبه ... ( ارفعت صوتها شوي) : وش بغيت؟؟
سعد : انا جايب نتيجة تحاليل ياسمين قولي لمحمد يروح المستشفى ويطابقها مع تحاليله ويخبرنا اذا صار أي شي..
منى (( فتحت الباب ومد سعد لها الورقه واخذتها )) :طيب خلاص الحين اقوله
سعد : مع السلامه وسلمي علىىى (( قبل لا يكمل منى سكرت الباب))
( راحت منى للمطبخ )
منى : يمى هذا سعيدووه جايب نتايج اخته ويقول لازم محمد يروح ويشوف يتطابقون ولا لأ
ام محمد : خلاص روحي لمحمد فووق وقولي له
منى : طيب بعد الغداء اروح له
ام محمد معصبه : انتي وش فيك ماتسمعين الكلام قلت لك روحي له الحين
منى زعلانه : طيب خلاص لا تصارخين
( طلعت منى لمحمد طقت عليه الباب)
محمد : مين ؟؟
منى : انا منى
محمد : ادخلي
منى مدت له الورقه : خذ تقولك امي روح الحين المستشفى وطابقها مع تحاليلك
محمد تضاايق : اووووف ان شاء الله ما تتطابق... ولازم الحين؟؟
منى : ايه لازم امي تو عصبت علي يوم قلت لها العصر
(( قام محمد لبس ثوبه وشماغه وطلع هو ومنى من الغرفه وراحت تكمل المسلسل))
*****************
( بعد الغداء دخل محمد على اهله وكلهم مجتمعين بالصاله والحزن باين على وجهه)
بو محمد : هااا بشر ؟؟
محمد: التحاليل تطابقت
ام محمد : كلللللللللللللللللللللللللللوو ووووووووووويش
( احلام ووجدان صحيح ما يحبون ياسمين لكنهم انبسطوا بالخبر..احمد وبو محمد وام محمد كانوا بعد مبسووطين .. اما منى فهي متضايقه لان حياة محمد من هاليوم راح تعتفس..محمد راح ناحية الدرج يبي يروح لغرفته)
بو محمد : تعال وين رايح؟؟
محمد : بروح انام تعبان
ام محمد : ماتبي تتغدا ؟؟
محمد : مالي نفس
بو محمد : زين بعد صلاة العصر تكشخ وجيب المليك بيت عمك بو سعد وانا واحمد بكون هناك قبلك)
رد محمد على ابوه وهو طالع الدرج ومن غير ما يلتفت : يصير خير
*********************
( وصل محمد هو والمليك بيت عمه بو سعد وشاف سعد كاشخ وواقف عند الباب)
سعد : هلا والله بالمعرس ( وسلم على محمد ) .. سلام عليكم ياشيخ ( وسلم على الشيخ) ...تفضلوا تفضلوا للمجلس
( دخلوا المجلس سلم محمد على عمه وفارس والبقيه سلموا على الشيخ )
بو سعد : يالله تفضلوا خلونا نبدأ
الشيخ : بسم الله وعلى بركة الله .. اين بطاقة العريس؟؟
(( مد محمد البطاقه وكملوا باقي الاجرات من شاهدين وغيره ))
الشيخ : باقي موافقه العروس .. اين العرووس؟؟
سعد : داخل عطني الكتاب انا اودي لها واخليها توقع!!
الشيخ : يجب علي ان اسمع موافقتها .. لو سمحت اذهب ونادي على اختك .. بسرعه جزاك الله خير
سعد : طيب ... طيب
( دخلت ياسمين وهي محتشمه وقعدت بجنب ابوها)
الشيخ : هل انتي موافقه يا ابنتي؟؟
( ياسمين محتاره شافت محمد ونظراته باين انه مايبيها وامها قالت لها ان ارفضت راح تحبسها بالبيت واكيد بتقول لبوي .. لا ماراح تقول له بس بتحبسني في البيت..انحبس في البيت ولا اعيش مع واحد ما يبيني)
يا سمين : لا يا شيخ انا مو موافقه
( استغرب الجميع من رد ياسمين الا محمد حس ان الدنيا ما
ماهي شايتله من الفرحه)
بو سعد : طيب ادخلي داخل خلاص
(( بو سعد في نفسه : وش اللي قاعد يصير شلون ام سعد تقول انها موافقه ليش ياسمين غيرت رايها)
بو محمد : يالله احمد خلينا نمشي .. محمد خذ الشيخ معاك
محمد مبسووط : ان شاء الله يبى
********************
( دخل احمد وبو محمد البيت وكانت ام محمد رايحه جايه على باب الصاله الى ان شافتهم وهم داخلين)
ام محمد : كلللللللللللللللللللوووووووووو ووويش الف مبروك يا بو محمد وين محمد ابي ...
بو محمد ( قطع كلامها ومعصب ) : وش تباركين عليه يا مره ما في لا ملكه ولا زواج
( دخل بو محمد المجلس .. ام محمد انفجعت وش اللي قاعد يصيروالبنات اسمعوا صراخ ابوهم وطلعوا برى يشوفون وش اللي صاير )
ام محمد : يمى احمد فهمني وش صاير
احمد : ابد يمى ماصار شي (( وقال لامه السالفه, وخواته يسمعون.. واول ما خلص احمد دخل هو وامه وخواته الصاله .. الا محمد داخل البيت والابتساامه شااقه الوجه شافته منى))
و من غير شعوور راحت منى تركض لمحمد وقالت له بصووت صغير: الف الف مبروك
محمد رد عليها بعد بصوت صغير : الله يبارك فيك والله اني ميت من الفرحه .. من بكره تخطبين لي هيفاء
تغير وجه منى وتغيرت ملامح الفرح الى حزن : بس هيفااء انخطبت وملكتها بعد ثلاث او اربع ايام
محمد زعلان : اييه يالله ماهي بمكتوبه لي الله يوفقها ويستر عليها
منى : امين وجميع المسلمين .. سبحان الله الواحد يرسم ويخطط ويتفاجأ بالمستقبل
(( دخلوا داخل وراحت منى تكلم هيفاء))
منى : الووو هلا هيفاء
هيفاء : هلا وغلا منى هااا بشري كتبوا الكتاب؟؟
منى : لا طلعت ياسمين مو موافقه((منى مسويه زعلانه ان الملكه ماتمت بس عشان هيفاء ماتحس فيها))
هيفاء : شلوون مو هي كانت موافقه؟؟
منى : والله مدري يمكن غيرت رايها باخر لحظه يمكن استخارت وما ارتاحت!!
هيفاء : اممممم يمكن ؟؟ ومحمد شلونه؟؟
منى : والله متضايق
هيفاء : الله يعينه ويوفقه ويلقى له بنت الحلال اللي تسعده
منى : امين يارب ويسعدك انتي بعد ويوفقك يارررررب
********************
بو سعد معصب : ام سسسسعد ... ام سععد
ام سعد جايه من غرفة الجلوس : هااا يابو سعد خلاص ملكتوا؟
بو سعد : شلوون تقولين ان ياسمين مووافقه ؟ ولما سألها الشيخ قالت عكس الكلام؟؟
ام سعد : وشوو ؟؟ ياسمين ما وافقت ؟؟(( تلخبطت)) يمكن مارتاحت بآخر لحظه بروح الحين وشوف وش السالفه
راحت ام سعد لغرفة ياسمين وتتحلطم : حسبي الله عليك من بنت .. فشلتينا الله ياخذك وارتاح منك..(( دخلت غرفة ياسمين لقتها فاااضيه راحت تشووف الحمام بس الحمام مافي احد طلعت تدور في البيت كله مالقتها انزلت تحت الصاله وكان سعد وفارس وابوهم موجودين))
ام سعد تصااارخ وتبكي : اااااااااااااااه لحقوا علي ياااسمين مو في البيت
قاموا مرعووووبين
سعد : هااا وش تقولين يمى ..
ام سعد : اقولك اختك مو في البيت .. حسبي الله عليها .. الله ياخذها ويريحني منها (( وقاعده تبكي وتهول وتصيح))
بو سعد : شلوون يعني مو في البيت دورتيها زين؟؟
ام سعد وهي تبكي : دورتها في كل البيت مالقيتها حسبي الله عليها وش باقي مااسووته
سعد : فاارس رووح شووفها يمكن بالحووش وانا بدورها مره ثانيه فووق
(( رجعوا العيال الصاله))
بو سعد : هااا لقيتوها
فارس وسعد : لا
ام سعد (( وهي تبكي )) : اكيد راحت له هي اصلا مارفضت محمد الا عشاانه الله ياخذك يا ياسمين
بو سعد يصارخ : منهو اللي راحت له ؟؟ يا مره وش قاعده تخربطين؟؟
(( ام سعد ما قدرت تكتم السالفه عن زوجها وعيالها لازم يساعدونها ويتصرفوون قبل لا تصير فضيحتهم في الرياض كلها... بو سعد من سمع ام سعد والكلام اللي تقوله مو مصدق ان هذي هي بنته الكبيره بنته اللي دلعها ويعطيها فلووس بالهبل بنته اللي كل ماقالت ابي اطلع قال لها وسعي صدرك بنته اللي مخليها على راحتها بنته اللي أي شي تأشر عليه قال لها اخذيه هذي اخرتها؟؟ تسوي فيك كيذا يابوسعد !! بو سعد من الصدمه طاح من طوله ولا تحرك تجمعوا عليه عياله ام سعد قامت تبكي بزياده وش اللي قاعد يصير فيها وفي بيتها؟؟؟
*****************
ياسمين ما تدري وين تروح من بعد ما طلعت من بيتهم وهي راكبه بالتاكسي.. وفرفر فيها وهي مو عارفه وين تروح .. شافت كابينة اتصالات قالت لسواق التاكسي : وقف هنا لو سمحت بس لا تروح بسوي مكالمه وارجع اوكي
السواق : اوكي بس ما في تاخير
نزلت ياسمين وادخلت الكابينه ودقت على سالم
ياسمين : الووو هلا سالم حياتي
سالم مستغرب : مين معي؟؟
ياسمين : انا ياسمين مسرع ما نسيت اسمي !!
سالم : اهاااااا يا سمين هلا وغلا
ياسمين ( فرحت لانه تذكرها) : شخبارك والله مشتاقه لك مووت
سالم : صدق ؟؟ مشكووره
ياسمين : سالم وش فيك ؟؟ ليش تكلمني كذا؟؟
سالم : ياسمين وش بغيتي تراني مشغول مو فاضي لك
ياسمين : مو فاضي لي (( وين اللي بيترك العالم عشاانك ؟؟))
كملت ياسمين : سالم انا رفضت محمد وهربت من البيت وانا الحين با....
طوط طوط طوط طوط طوط طوط
سالم قفل الخط بوجهها .. ياسمين مستغربه معقوله سالم اللي يموت فيها وضل يراكض وراها يقفل السماعه لا لا لا اكيد جاه احد ولا البطاريه خلصت بدق عليه مره ثانيه... دقت وسالم عطاها مشغول .. قالت : يمكن عنده احد... انتظرت دقيقتين ودقت
سالم معصب : خيييير وش تبين؟؟
ياسمين منصدمه : سالم تكفى تعال اخطبني انا مالي الا انت الحين
سالم : هههههههههههههه
وقال باستهزاء وذل لياسمين : انااااااا اخذ وحده مثلك لو تكونين اخر بنت في هالدنيا ما اخذتك
ياسمين في هاللحظه ودها تموت وترتاح : سالم وش قاعد تقول؟؟
سالم : انا قلت اللي عندي ورجااااء لعاد تدقين مره ثانيه
سكر السماعه وقفل جواله ويمكن يفكر انه يغيره
ياسمين منصدمه وش قاعد يصير فيها.. انا ياسمين اذا بغيت شي اخذه .. انا اللي كل الشباب يتمنوني ويتمنون وحده بجمالي وسالم هالحقير يرفضني ؟؟ والله هذا من غبائي انا استاهل ذليت نفسي له كثير وفرقااه عيد...تذكرت رشا صديقتها مافي الا هي اكيد انها بتوقف معاها وبتشووف لها حل لأن ياسمين كانت متأكده ان امها قالت لبوها واخوانها..
ياسمين : هلا رشاا انا ياسمين شخبارك
رشاا : هلا وغلا بالقاطعه وينك من زمان وادق على جوالك كل مقفل؟
ياسمين ( انبسطت من نبرة صوت رشا وعرفت انها بتساعدها) : بعدين اقولك وش صار بس انتي الحين مري علي
رشا : خلاص 5 دقايق وانا عند بيتكم
يا سمين : لا لالالالالا انا مو في البيت اني في الحي (( الفلاني)) وعند الكابينه (( الفلانيه))
رشا : وش عندك رايحه كابينه وش فيك؟؟
يا سمين : رشاا تكفين انتي مري علي ونروح بيتكم واقولك كل شي انا بقعد عندك تقريبا يومين او 3 ايام
رشا مستغربه : نعم ؟؟ تقعدين بيتنا ؟؟!! ليش وش فيه بيتكم؟
يا سمين : رشا حبيبتي انا عندي مشكله