المساعد الشخصي الرقمي

مشاهدة النسخة كاملة : اخس ياسوق الرياض

صوره
17-09-2001, 15:57
ماقول الا اخس وستين اخس على الاسواق بمدينه الرياض
ذاك اليوم طالع لهارفى نيكلز اللى غثونا فيه وطبعا اناعارفه هارفى نيكلز بلندن ومدى روعته وجماله وتألقه وبضايعه اللى تفتح النفس ...
رحت للفيصليه ..ودخلت هارفى نيكلز وش اشوف ..مستودع يحوم الكبد ..
تخيلو شنطه فالنتينو شريتها من عام 1999 من لندن اجى القيها عارضينها على اساس انها بضاعه جديده بتاريخ 14 سبتمر 2001 ..
مو عيب ..استخفاف بالمشترى ..
واطلع من هالمستودع واروح اتجول على البوتيكات بالفيصليه ..ادخل محل اسمه وندزسمور ..ماركه انجليزيه ..لقيت الجاكيت اللى شريته من دبى بمهرجان تسوق 2000 وكان عليه تخفيضات ..معروض على اساس انه جديد وبسعر اغلى من سعره الاصلى ..
اللى بقوله اخس والف اخس على التجار الجشعين اللى يجيبون لنا ..البضايع اللى بالمخازن باوربا وضاحكين علينا ..ويسرقونا ..على كذا انا وش ضمنى بالمكياجات اللى بهارفى نيكلز انها ما تكون قديمه ولا مغشوشه ..
مو يقولون ان كالونيات قزاز مغشوشه وتصنع بالشرق الاقصى ..

صــــــــــ كفايه غش ياغشاشين ــــوره
الفرعونه سارونه
17-09-2001, 16:55
؟؟؟




؟؟؟؟؟؟؟


والله مدررررررررري
زهريه
17-09-2001, 17:45
فعلا غشاشين تقولين لي :mad: والله اني شاكه من زمااان



بس شرهتك على الي يشتري منهم:mad:
CNN
17-09-2001, 18:01
نصب واحتيال وبضايع خايسه .... جت الحزينه تفرح مالقت لها مطرح :(
صوره
17-09-2001, 23:27
اللى بقوله ..فعلا ما يستحون ..
وبصراحه معد ينسكت عليهم ..بس مستغلين جهل الناس وقله اطلاعهم ..
وعدم درايتهم ..اللى غشونا بأكلنا وشربنا ..
معد بقى شى ..
شكرا زهريه وسى ان ان على ردودكم ..

بس يختى سى ان ان مو كن اسمك ثقيل دم وانا وخيتك ..

صـــــــ انتى لطيفه جدا يازهريه ـــــــــوره
spy
17-09-2001, 23:35
أين المشكلة مادام ربعنا في حماية المستهلك في خلاف مع المواصفات والمقايس .
المصيبه ان تجد جهاز كمبيوتر محمول بمبلغ وقدره1500 ريال في دولة شرق اسياء وعندنا 14000ريال لا حظ فرق قيمة تذكره وشحن وووووووو ....
زهريه
21-09-2001, 01:35
شكرا لكي ياصوره انتي الطف:D :D :D
:D :D
:D
شرشبيل000غير
22-09-2001, 14:06
بصراحه اعجبني عنوان الموضوع:)





شرشبيل
مملكة السنافر
MoshakeS
22-09-2001, 16:36
بدررررررررررررررري.....

تووووووووك تدررررررررررررين...........:D :D :D
صعفق
29-09-2001, 01:14
هلا صوره
اثاريك مقطعه البلدان سفريات
وتعرفين الماركات
وبعدين وش لون الشنطه الي انتي اشريتها
لايكون لونها بعد مزيف ويروح مع الوقت

وبعدين هذا شيء مو غريب عليهم
كل شيء نصب وحتيال

بس يالله وش نقول
ياوزراة التجاره وينك

<================= اقول الضاهر انا قلبة الموضوع جد
هـHadeelــديل
29-09-2001, 03:13
صوووورة ماقول الا وحسبي الله فيهم... يدرون عن حريمنا علىطول مايصدقووون
يشترون منهم اي شي...
تصدقين اخوي يقولي بعد ان خويه كان له محل اقمشه .... وجنبه محل ثاني يبيع نفس الاقمشه..ونفس البضاعه اللي يبيعها يبيعه بس الناس مايشترون من صديق اخوي ومايدري ليه الناس مايشترون الا من الرجال مع ان هو ارخص منه
المهم سافر الرجال وعطا المحل لصديق اخوي لما يرجع
وقعد في امحل وفكر ان يدبل بسعر الاقمشة فوق قيمة اللي يبيعهن في المحل يبي يشوف النتيجه
وكلللللهم يجووون للمحل ويشترووون الغالي مررررة فوق السعر الاصلي
والله العظيم من جد:(
بجد شي يقهررررر صراحه:(
^برمودا^
29-09-2001, 18:08
اتحدا يقولون لهم شي:cool: