وكان الجواب : ( شهقه )؟!؟ [الأرشيف]

مشاهدة النسخة كاملة : وكان الجواب : ( شهقه )؟!؟

هلا

16-09-2001, 17:13

هذا موضوع احس انه شوي شائك.... اللي هو كالآتي:

قاعدين نتناقش أنا والبنات عن الوظايف والشغل والخريجات اللي مولاقين يتوظفون وقعدة البيت اللي تقصر العمر .... وقل الفلوس والإعتماد على الأهل في كل وارده وشارده....

المهم وصلت لنتيجة من المناقشات كلها اني تفلسفت وقلت الشغل مو عيب العيب ان الواحد يكون عاله على غيره او عاله على المجتمع

قالولي هذا انتي قاعده في البيت وعاله على اهلك

قلت لهم يالله على يدينكم اذا فيه وظيفه انا بشتغل والشغل زي ماقلت لكم مو عيب

وحده من البنات نطت في حلتزي :) وقالت فيه اعلان طالبين بياعات لمحلات مارك اند سبنسر يالله قدمي اوراقك وانتي مؤهلة انك تاخذينها لأن الشروط اللي كاتبينها كلها تنطبق عليك.....

انا طبعا اخذتني الحميه اني مارجع في كلمتي ولا أثنيها وقلت ايه مافيها شي بشتغل بياعه :mad: قامت وحده من البنات وقالت بس منظرك قدام الناس وانتي تشتغلين بياعه عند محل ( بختصار يعني البرستيج اللي طايحين فيه ذال العال) قلت لها لااااااا الشغل مو عيب انشالله اشتغل فراشه ولا اني انحوج المهم الحميه مره ثانيه الله يهديها ذا الحميه ....اخذت مني مأخذ ... قالو خلاص لا تتعبين نفسك ولا تتعبيننا نشوفك في مار اند سبنسر يااا بنت نت

المهم رحت لمي قلت لها : (يمه ابي اشتغل )
قالت : ( زين والله اللي تحركتي .... مين مانعك )
قلت لها : ( قلت لها خلاص ... انا بشتغل بياعه في مارك اند سبنسر )
الرد كان ........شهقه ؟؟؟؟؟؟؟؟؟؟؟؟؟؟؟؟؟

ابي منكم التعليق على هذي الواقعه اللي صارت
وهل اني لو اشتغلت بياعه في مارك اند سبنسر بيقل من قدري
ولو كان بيقلل من قدري ليه هذي النظره المتعاليه على الوظايف ؟؟؟؟؟؟

وووووو أسئلة كثيره وودي ان كل واحد يوضح وجهة نظره بالتفصيل اذا كان نعم أو لا

ماني فيه

16-09-2001, 19:49

موضوع بقدر ماهو شائك فهو رائع

فعلا يتلمس هموم المجتمع باسر ليس فقط البنات .

ولكن باختصار : انا لو اني محلك كان اقدمت على هذا العمل طالما انه شريف اولاً ولاخيار غيره ثانياً ...... كفتره مؤقته الى اجد العمل المناسب لقدراتي وشهادتي .

هلا

16-09-2001, 20:08

هلا ماني فيه :)

شاكره لك ردك على الموضوع

بس ممكن توضحلي نظرتك للي تشتغل مثل هالشغلات

وهل لو كان عندك ولد كبير على وجه زواج

ولقيت بنت العيله المناسبه له بس المشكله اللي تواجهها انها تشتغل وظيفه ماهي على تخصصها ولو انها مؤقته الين ماتحصل الوظيفة المناسبة

هل بتتغير نظرتك للموضوع او لا ولو تغيرت ليه ولو ماتغيرت برضو ليه

ماني فيه

16-09-2001, 20:39

بكل تاكيد لن يغير ذلك من الامر شيء بالنسبة لي ......

طالما انني ارى ان هذا العمل شريف ......

بل بالعكس لعلني اتمسك بها لربما اكون قد وجدت لأبني الزوجه المكافحة ......

التي ابت كرامتها ان تمد يدها لأي شخص ... فهاهي تصرف على نفسها من عرق جبينها ....

اضافة الى انها ستكون زوجة مدبره ........ولكن لايعني هذا ان كل من اشتغلت بائعه هي مكافحة ....

أنا اقصد عندما تعمل البنت من منطلق قانعه تامه ان هذا هو الخيار الوحيد الذي تستطيع ان تعمل فيه في وقتها الراهن .

أبو ريناد

16-09-2001, 22:22

مرحبا أختي بنت نت ومشكورة على الموضوع والي صار من شهقه مو غريبه على مجتمعنا السعودي أبد وماأتوقع الكثير من الشعب يوافق على نوعيه معينه من الأعمال أنه يشتغل فيها ولدة أو قريب له بعكس الثلاثين سنه الماضيه تقريباً يوم كان أبائنا وأجدادنا يشتغلون في وظائف هم أنفسهم يرفضون تماماً لأبنائهم الإنخراط فيها الآن وهذي أسبابها واضحه طبعاً لأنه أكيد ولا واحد منهم يبي أولاده يشوفون التعب والشقى الي شافه هو في مثل هالأعمال ولكن كثيراً سمعنا مثل ومن الحب ماقتل ونتيجه لرفض أغلب الشعب العمل في مثل هالوظائف سبب فجوة في الإقتصاد السعودي وزيادة كبيرة لنسبه البطاله بين الشباب ويعني أتذكر قبل شهر أو يقل تقريباً وأنا متجه للعمل في الصباح كان يوافق هذاك اليوم أول يوم للتسجيل في المعهد الفني يعني بيتوظف الطالب عسكري ويتخرج براتب لا يتعدى الثلاثه وإن زادت والله أعلم الأربعه آلاف ومع هذا كانت النسبه غير متوقعه من أعداد للطلبه أو نقدر نقول العاطلين عن العمل بشكل خيالي وحصلت مضاربات وتكسير لمكان التسجيل بسبب إكتفاء المعهد للحد المطلوب من اليوم الأول فقط علماً بأن التسجيل كان مفتوحاً لمدة أسبوع ,, من هذا نستنبط أن معدلات البحث عن نوعيه العمل في السعوديه للشباب لاتزال محدودة يعني ياأشتغل هالشعله يابلاش .....!!
وماصار قدام الحكومه إلا إرغام أصحاب محلات بيع الفواكه والبقالات الآن بالسعودة الإجباريه ومع هذا الشباب في البيوت رفضاً منه أو من أهله طبيعه عمله ومن وجهة نظري أتوقع أن الإستعمار للدول الأخري ومنها دول الهند وبنغلادش وماإلى من الدول المصدرة للعماله لنا كان للإستعمار دور كبير في تسخير الشعب لسد إي وظيفه سواء كانت تتطلب الزي الرسمي أو لا...... لأنه سمعت أنه في شاب سعودي أشتغل في محل وكان لازم عليه أنه يلبس لبس المحل أو هذي الشركه ولكنه فضل الفصل عن لبسه لبس الخاص بالمحل وقال ياأجي مشخص ومرسم ياأقعد في بيت أبوي......!!!

العادات والتقاليد ذبحتنا في أكثر من شغله ومن أهمها مايهدف له موضوعك بنت وأقرب مثال أنا لي أولاد خاله راحوا لأمريكا من زمان وأتذكر مرة قعدنا من زوج خالتي وبالصدفه شفنا ألبوم خاص بأولادة الي في أمريكا وفيه صور لهم وهم يشتغلون في مطعم بالإضافه لدراستهم يوم سألنهاة تغير وجهه وأنحرج ؟؟؟!! ليش ماأدري ... لو كانوا هنا ويشتغلون في مطعم ماأتوقع أنه يشهق وبس الظاهر بيتبرى منهم للأبد..................!!

مشكورة على الموضوع أختي وآسف على الإطاله وأتمنى أني وفقت بالإجابه على سؤالك من مضمون كلامي أعلاة وتقبلوا تحياتي.

لمحة حب

17-09-2001, 09:49

مرحبا بنت نت

برأي الشغل مو عيب مادام انه شريف ومايضر شرف ولا كرامه البنت

بالعكس هذا بيحافظ على كرامتها انها تقدر تصرف على نفسها وماتحتاج احد يصرف عليها ويساعدها تبني شخصيه مستقله لها رأيها وتفكيرها وانها ماتنتظر احد يصرف عليها وتجيب كل الي نفسها فيه من غير حاجه اي احد حتى لو كان والدها لان العمل مو شرط يكون السبب فيه الحاجه للماده لا في كثير اشياء نستفيد منها
اول شي نشغل فراغنا ومايكون عندنا وقت فراغ بيشغل تفكيرنا ويخليه عقلنا يشتغل احسن من جلستنا من غير هدف
بيحملنا المسؤوليه واننا مسؤولين عن شغلنا وعن نتاجه
وبالنسبه للبياعه بالعكس بتستفيد الوحده انها بتختلط مع ناس كثير وتشوف طريقه تفكير البنات واهتماماتهم والاخطاء الي بيعملوها في حياتهم فهي تتجنبها وبتتعامل مع طبقات كثير من المجتمع وبتنمي علاقاتها الاجتماعيه وتكون صداقات مع البنات

بالاضافه لكل هذا اهم شي انه احسن من جلست البيت والطفش على الاقل في شي مفيد بتعمله الوحده

ومني منك اروح اقدم ومايهمني كلام احد الناس تتكلم على كل شي ومايعجبهم العجب ولا صيام في رجب اذا قلنا جالسه في البيت مالقت شغل يقولوا اي والله كسوله ومالقت شغل لانها ماتدور مظبوط وهلها يصرفون عليها وطول الوقت نوم وخرجات عند صحباتها تنم وتستغيب في فلانه وفلان
ولو قلنا تشتغل في وظيفه يقولو وي ايش هذا الشغل الي تشتغليه الله يعينك تتحمل الوظيفه وقرفها ومواعيد العمل ورواتب مو تمام
واذا قلنا على قولتك بياعه قالوا وي البرستيج حقك تضيعيه
يعني في كل الحلالت بيتكلموا فاعملي الشي الي تكوني مقتنعه فيه من داخلك وانك تشعري براحه نفسيه وانتي بتعملي والشي الي يقلقك ارتاحي منه وابعدي عنه باختصار اسمعي كلام نفسك في عملك .
هذا من وجهه نظري واسفه على الاطاله وانشالله راي يكون خفيف على قلوبكم

صوره

17-09-2001, 15:58

اختى العزيزه بنت نت
عمر الشغل ما كان فيه اى مشاكل
وبالعكس هو مصدر رزق وحفظ للكرامه من السؤال او ان الانسان يكون عاله
بس خن نحكى بصراحه ..كونك سعوديه..ونجديه ما ارح يخلى المتسوقات ينفرون من التعامل معاك ..
وفيه قصه وانتى يابنت انت او انسانه تعرفينها ..قصه ( فلانه ) الله يذكرها بالخير ..
هذى قصتها فتحت محل بمدينه الرياض ..وكان المحل راقى وبضائعه وخدماته ممتازه ..اللى لاحظته صاحبه المحل ان اذا هى موجوده من تدخل زبونه تقعد تطل بالمنتجات وتطلع ولا تتكلم كلمه واذا تكلمت فهى تتكلم مع صاحبه المحل بمنتهى التعالى وكيف انك سعوديه وتشتغلين بياعه( لاحظو انها هى صاحبه الحلال) وكانو ا قله اللى يترددون على المحل للشراء ..
فعملت خطه ..جابت بياعه من جنسيه عربيه وخلتها توقف بالمحل وهى جلست بمكتبها للمراقبه ايش حيحصل والمكتب جنب المعرض بسهوله تسمع اللى ينقال ..اكتشفت ان اغلب المترددات على المحل يوصلها شخص ويجى ياخذها شخص اخر ( الكاميرا اللى عند الباب تبين مين يرن الجرس وعندها بمكتب الاداره ..تدخل الحرمه ويجى واحد مشخص ويقول ممكن فلانه تطلع )
طلبت من سواقها يراقب السيارات قالها ( السياره اللى توصل الحرمه غالبا ما تكون هى اللى تاخذها وغالبا اللى يوصلها تاكسى ويجى ياخذها سعودى )
لاحظت كمان ..ان الحرمه تدخل وتنقى من المحل بضائع بمباغ خياليه وتقول بيمر عليكم السواق ومعاه الفلوس ؟؟ يمر السواق وغالبا ما يكون شاب سعودى بسياره فخمه ومشخص ويحط الفوس بظرف ويقول بيمرون الاهل يستلمون..بعدها بيوم تمر الحرمه وتستلم الاغراض ؟؟؟ هنا نستغرب الاسلوب اللصوصى..
لاحظت ان اغلب المترددات يمرون على البياعه العربيه للتعرف عليها ولتسهيل مهمات لهم ..( اذا اتصلو اهلى قولى لهم انا اصلى وانا بطلع نص ساعه وبرجع ) وغير كذا ..
صاحبه المحل ..صارت متواجده طول الوقت خصوصا بعد ماصارت مصيبه فى محلها من احد اولياء الامور اللى وصل زوجته ورجع ولقاها طالعه والبياعه تحلف انها طلعت وقال (لا بالله هى عندكم واللحين ببلغ الهيئه) ..
اذن الفكره هى عدم تقبل بعض افراد المجتمع عندنا للبياعه السعوديه ..ورفضهم التعامل معاهم .. لسلوكهم سلوكيات خاطئه ..
فهذول الفئه ينشرون اشاعات ان الموظف السعودى غير امين وممكن يطلع الاسرار ( اى اسرار ؟؟؟؟) مو المستشفيات مليانه موظفين سعودين ممكن يطلعون على اسرار اعمق مثل اصابه المريض ( بمرض الايدز ولا الهيربس ) ومع ذلك كانو حافظين للامانه ..

صــــــــــ هذا رائ وياريت اسمع ارائكم ــــــــــوره

متيم

17-09-2001, 22:53

عادي ترا علشاننا شعب سعودي
<----------- دايم يخلي أهله يشاهقون:cool:

bader_15

18-09-2001, 01:05

السلام عليكم ياأخت بنت نت ...
أنا بودي لو تسمحين إني أبدي رأي في موضوع وظايفكم أنتم يالبنات يعني ماأتوقع على ماأعتقد أن البنت إذا ما توظفت راح تموت من الجوع بالعكس المرأة في الإسلام معززة مكرمة تجاب لها طلباتها الين بابها من دون تعب أو تكليف لكن اختلف الوضع في السنوات الأخيرة يعني البنت إذا مالقت لها وظيفة تقول إنها عالة " أي عالة أي خرابيط " يعني زبدة يارئيستنا انه البنت لقت وظيفة نور على نور ما لقت تنطق بالبيت معززة مكرمة ومصروفها يجيها على زي المليم ؛؛ هاذي النقطة الأولى ؛؛
أما سالفة إنك تشتغلين بياعة فالشئ هذا انت ومقدرتك وانت من خلال ردك على ماني فيه وكان ودك تأخذين رأيه بخصوص إذا كان عنده ولد بيرضى إنه يزوجه بنت تشتغل هالشغلة وإلا لأ . اسمح لي أنا أسألك أنا نفس السؤال وموجه لك شخصيا سواء كنت متزوجة الله يسعدك ويهنيك ولا يتزوج عليك قولي (آآآآمين ) هههه أو لا والسؤال هو كالتالي :
سين سؤال / هل أنك ترضين إنك تتزوجين سباك أو كهربائي أو بائع في محل تموينات أو سواق ليموزين أو حتى عامل في محطة ؟؟؟!!!!!!!
وكذلك الغالبية من الشباب ماأتوقع أنه راح يرضى أنه يتزوج واحده بياعة في محل أو في مكان آخر ما هو عشان أنها تشتغل بياعة ( لأ ) لإن الشغل بياعة راح تشتغل فيه من الصباح إلى الليل وطيب هو وين يروح ومن ينتبه للعيال ويقعد معهم أكيد أمهم الثانية الشغالة ..
وثاني شئ أنتم يالبنات لعلمكم بس تراكم مضايقينا حتى بالوظايف يعني لازم تأخذون حتى الوظايف هههههه .. يعني أرى أن الشباب أحوج للوظيفة من البنات أكيد بتقولين لي ليه ؟؟ يا طويلة العمر ما أتوقع أن البنت هي اللي راح تفتح بيت وتصرف عليه لان الشئ هذا من اختصاص الرجل وواجب عليه وعلى اعتقادي أن الشاب هو اللي يدفع المهر ما هي البنت وإلا أنا غلطان ؛؛ يعني انتم يالبنات توظفتوا وإلا ما توظفتوا ماهي مشكلة بالنسبة لكم لإنه الأبو أو الزوج أو بالأحرى ولي الأمر يكفي ويوفي .. ولعلمك أعتقد ( ويا كثر ما أعتقد ) وتعقدت من كلمة أعتقد ههههههههه إن 60% من البنات اللي يرغبن بالوظيفة للوجاهة فقط لا غير ... وآآآآآآآآسفين جدا على الإطالة وسلامتكم

وآقعي

18-09-2001, 09:34

هلا وغلا ببنت نت ..
انا مع بعض ماقاله اخوي بدر 15 من متى وصارت جلسة البنت في البيت عالة على اهلها .. ومع الجميع والجميع يتفق ان الشغل اياً كان مدام شريف لا عيب فيه ..
وبما ان الجميع قالوا وكفو ووفو .. ولهالشي بتكلم معك في نقطة اخرى ..
انتي ليه ترغبين او تفكرين تشتغلين في مكاناً اقل من قدراتك وما اقول مستواك لاحظي القدرات .. يعني انتي عندك قدرات تقدرين تفتحين بها حتى مشروع خاص ولو كان صغيراً تجين تحطين هالوقت اللي اعتبره مكسب لك في عمل .. نفسياً يبدو لي عدم تقبلك له .. ومادياً غير مجدي قياساً للمعاناة التي لن تتقبليها .. لانه بصراحة وعلى بلاطة يابنت نت انتي ماتنفعين تكونين بياعة .. بكره ولا بعده لا رفعت عليك وحده ساذجه صوتها ولا رمت بكل قلة الادب عليك الفلوس .. ما اعتقد انك بتتمشين مع سياسة المحل ان الزبون على حق مهما فعل .. واعتقد انه بيكون لك تصرف اخر ..
لذلك اقول لك او لك فتاة او رجل .. لا تعمل في مكاناً لاتحس انك تحبه وتجد نفسك فيه .. ولا في مكاناً تحسه اقل من قدراتك .. ولا في مكاناً ستتهرب من الوجوه فيه .. لانك بهذا الشي ستظلم نفسك وستظلم من وظفك لأنك لن تعطي في مكاناً غير مرتاح فيه .. بتقولون وحنا لقينا وظيفتاً على كيفنا بقولكم ذيك الساعة مجبراً اخاك لا بطل ..
خلاصة القول لا تكابر وانت غير معترف من داخل نفسك بان العمل في هذا المكان او ذاك لا عيب فيه .. نعم لا عيب فيه وااكد على هذه الكلمة كثيراً وااكد على ان الناس لن تقرضك ريالاً واحداً ولن يسألو فيك فكيف تسأل فيهم او تحسب لهم حساب .. ولكن مافائده ان نقول انه لا عيب فيه ونحن مكسورين من الداخل ونحس ان الناس تنظر بان هذا المكان لايليق فينا .
ووش هالحمية اللي ماطلعت إلا في التوهيقه بالنسبة لك .

هلا

18-09-2001, 14:20

شكرا للتوضيح ماني فيه .... واحترم رأيك اللي كله تحضر بصراحه وبعيد عن العنجهية .... لأن بعض الناس ينظرون لهذي الأمور بمنتهى شوفة النفس :) وتعرف طبعا وش يقولون تجاه هذي الأشياء ونظرات التعالي اللي يمارسونها

أهلين فهد كيف الحال عاش من شافك :)

والله يافهد أهالينا ما جنبونا الشغل اللي اشتغلوه لأنهم لقو الهنود والفلبينين يقومون فيه وأحسن من شغلهم هم بكبر عم كيف عاد لو جو عيالهم ... أكيد بيلوقسون :)

وزياده على بعض الناس اللي هم محدثين نعمه وجتهم فلوس بعد الطفره وكان ماضيهم ان ما عندهم .... جتهم العنطزه وشوفة النفس ورفعو نفسهم عن الباقين حتى عن اللي كانو معهم بالماضي ..... وطبعا هذي اول فئه لازم تتحارب لأنهم شاهدين على حقبه زمنيه متفشلين منها لازم يتنكرون لها

التفاحة

18-09-2001, 19:17

لا والله يابنت نت ماني مشتغله وبقعد في البيت :) لاحقين على التعب في بيوت أزواجنا :)
ملاحظه هامه جدا : في بيت عمي مو بس البنات اللي مو موظفات كمان عيالهم قاعدين في البيت :) بس اللي يقهر ان بكيفهم مو عشان مو لاقين وظايف:) فسروها هذي :)

يورو تريب

15-08-2005, 12:16

انتي عزمي ومالك الا اللي يسويلك ذيك الدعاية اللي تخلي الزباين طقاق على الفرع اللي انتي فيه

ماردتس الا لسانك :confused:

*قطعة بسبوسه*

01-09-2005, 03:49

هههههههاي :cry:

ياااااه يابنت ياكثر ماتشهق أمي :conf: بوجهي..

>>>حتى من كثر ما يشاهقووون صرت مثلهم أشاهق.. :conf:

الموهم هاذا المجتمع وهاذا هو الواقع وش تبوننا نسوي .... :cry:

ما فيه ألا مدرسه أو موظفة بنك والباقي >>يستغربونه :conf: ولا عييييب.... :confused:

جنيفر لوبـــــز

03-09-2005, 17:22

انا ما احسه عيب ولا حراام لو اشتغل بمحل وبسوق حلو مثل مملكة المرأه طبعا لانه مافيه غيرها بالعكس فله بالنسبه لي لاكن؟؟
المجتــــــــــــــــــمع والاهل اول بعد بس احسه شي عادي الحين ولا؟؟ بالنسبه للمجتمع مو للأهل الأن الاهل كل شي عيب عندهم..

بس وش نقول ماهنا إلا على قولة بسبوسه بنك ولا مدرسه بس اقعد بالبيت ولا اشتغل مدرسه...

alsan3ah

06-09-2005, 22:57

اهلين بنوتااااات ,,
يمممم ,, انا اقول الشغله مو عيب دامها شريفه و دامك تحصلين منها الماده ,, وبعدين يقضي على وقت الفراغ اللي ذابحنا ... مو ؟؟
تشاااو

šenōritâ

29-05-2007, 14:17

من جد الشغله مو عيب !!

miss`jojo

13-06-2007, 22:30

السلام عليكم اختي بنت نت احنا بحكم تعلمنا وتطور تفكيرنا ممكن نشوف انه الشغل في هالوظايف عادي وهذا التفكير الصحيح لأنه الشغل مو عيب العيب مدة الايد انه يتحججون ما في وظايف والواحد يوصل عمره ما ادري كم وللحين ياخذ مصروف من امه وابوه

لكن رد فعل امج هو حاله من كم حاله عندنا بالمجتمع ممكن تكون ردة فعل لعمل احنا نشوفه بسيط وعادي لكن بوجهة نظرهم هو مسأله كبيره

يا جماعه فكروا قبل لا تتصرفون وفتحوا عقولهم وافهموا انه الزمن تطور

الصااااSRKاااعق

21-06-2007, 17:11

**شوكولا**

27-06-2007, 02:21

هلا بنت نت.. اقول ما تحطيني مشرفة!!:)
يسلمو على طرح هذاا الموضوع..
انا اعتقد ان الشغل مو عيب بسسسس
هي كلمة بس اللي ضيعتنا
انا ممكن اشتغل بمحل ميك اب أو بمحل ملابس لكن بشرط ببلد مالي احد فييييه مرررررره
يعني مالي معارف لا اهل ولا اصحاب....
((انا بقوللك على موقف صارلي....))
قبل فترة ماهي بعيدة رحت لأحدى المحلات اللي يبيعو فيها حريم ورحت وقت صباح
وكان المحل فاضي مافي الا انا وبياعه وحده
وانا امشي وال بين المعروضات جات تعرض علي خدماتها
يوم طالعت فيها مضبووط حسيت وجهها مو غريب علي الا سلمت علي واتذكرتها وقتها
كانت زميلتي ايام المدرسة الابتدائية والمتوسطة..
كنت سعيدة بشوفتها بس ما ادري ليش حسيت بالإحراج اني شفتها بهذا الموقف!!
ما ادري ليش جا ببالي انها لو ماكانت محتااااجة مررررررررره ماكان اشتغلت هنا!!
اتكلمت معاها كثير وسألتها عن احوالها على فكرة البنت هذي معها بكالوريوس تمريض
ومن كثر ما انحرجت منها وانحرجت من وضعها حتى ماقدرت اشتري ولاااا شي مع اني عجبتني حاجات كثيرة..:conf:
ماكنت ابغاها تخدمني وانا اللي يوم من الايام كنت اجلس معاها على مقعد دراسي واحد..:cry:
استأذنت منها وخرجت من المحل ولااا دخلته مره ثانية ابداً..

أنات

27-06-2007, 19:31

بصراحه يابنت نت انا ما اشوف هالشغله عيب ومثل ماقالو الشباب والشابات دام انها شغله شريفه عادي بس لازم بعد تحطين فبالج انه مو كل الناس راح يتقبلون هالفكرة وانه في ناس وااااااااااااايد يعتبرون هالنوع من هالشغل عيب
:yes: بس اقولج اسعي لها وخلونا نغير نظرة المجتمع ونسكت الشهقات

vista

24-09-2007, 02:04

اولا شكلك قلتي ياليت اتاطع----->انقطع لساني
ولا اووولت--->قلت العمله السودااء الي عملتها صح؟

اسمحولي بسبب اللغه المصريه بس عشان اعطي الرد اكشن

ثانيا انتي اولتييها من البيك--->قلبك:h: ولا زلت لسان وما كنتي قاصدتها؟
اذا كان نعم
فجعل لسانك القطع ههههههههههه :)اسمله عليك فعدوينك انشاءالله

واذا كان لا
فهذي وجهت نظر واحترمها واقدرها واحييها ايضا
وبصراحه باين انه مو ذاك الشغل الي يفشل
وبعدين شئ احسن من لا شئ

ومشكوووووووووره كثير:hi: على مواضيعك الاكتف الي تشد الواحد
وتخليه غصب يرد مو بمزاجه
واسلوبك الاكثر من رائع العفوي والبسيط
واظن ان الي في قلبك على طووووول عال كيبورد

تحياتي لك بنت نت فديتك

شـريـخـان

05-10-2007, 16:15

لا مايصير تشتغلين الا لو كنت محتاجه لان فيه فرص وظيفيه احسن وافضل

والعمل للبنت اللي ماتزوجت افضل من جلوسها بالبيت

لان نص البنات في الوقت هذا فيهن انواع العقد النفسيه والوسوسه . اقل شي تحصل شي يشغلها ويغير عليها جو البيت الممل

نــواف

07-10-2007, 06:44

انا اعتقد ان الشغل ليس عيبا..
واكتساب الخبرة والمهارة.. أولا شيء مهم
وهذي هي مشكلتنا بالفعل.. مع الشباب
أن الوظائف موجودة... لكن التشرط فيها هو اللي يؤخرها..!!!

رأيي ان الشاب يقبل بالموجود
ومن خلالها يستطيع الحصول على فرصة أفضل

ثم ان العمل لم يكن يوما ما سببا في إهانة أحد
وعني - كرجل - احترم من يعمل... حتى لو خباز..!!

بس مجتمع النساء والبنات... يمكن شيء ثاني
بس مهما يكن.. لايعيب ولايضر

نور بيتهم

19-10-2007, 21:03

السلام عليكم...

اسمح لي اختي بنت نت بطرح رأيي ..

والله انتي قلتي بعظمة لسانك ((الشغل مو عيب))..

وانتي راح تشتغلي شغله حلاااااال مش حرام ...

واذا امك رافضه الموضوع حاولي انك تفهمي منها الاسباب واذا قالت لك ايش تبغي الناس يقولو عن بنتي وانا متأكده انها راح تقوله لان كل الحريم كذا ما يهمهم الا الناااااااااااس واذا شفتيها رافضه الموضوع كلمي ابوك واذا كان موافق خليه يقنع امك وان شا الله انها توافق...

واذا انتي كنتي مش متقبله الفكره هذي ((انك تشتغلي بياعه)) انا اقولك حاجه مو شرط انه اللي يبيعوو في المحلات يكونوو محتاجين فلووس ...

اعطيك مثال وحده من قرايبي تدرس في مدرسه تقريبا كلللها اميرات ويسوون عندهم بازارات كثيييره والله والله انه البنات كلللللللهم ومن بينهم اميرات من بنات اّل سعووود
يبيعو في البازار...

وهذا اكبر دليل ان البيع مش شغله البيع هواااااااااايه...

وانا عن نفسي احب ابيع ...

اذا سوو بازار عندنا بالمدرسه تلاقووون انا اووووول وحده حجزت طاوله عشان ابيع...

واعيد وازيد الشغل موووووو عييييب وبعدين مارك اند سبنسر محل مررره حلوو ..

مو تقولين مثلا محل مو معروف لا بالعكس مرررررره حلو ومعروف ..

باييييوووو واتمنى انك تحاولي مع امك عشان توافق وبدعيلك قلبوووو...

•¨*•LaMeAa•*¨•

23-10-2007, 03:19

( شهقه )

محل يهودي >--- تسمع بأن مارك أند سبنسر يهودي ..

----

الشغل وأنا أختس مهوب عيب ..

العيب في هالبرستيج الي حنا متمسكين فيه ولاحنا شايفين منه لا فايدة ولا عايده ..

إلا قل مصروف وحوبه ..

يوخيتس مير دوري لك محل إسلامي >--- بنك مهوب محل ..

-----

تصدقين عاد ..

الحقي على الوضيفه لا يصير فيك مثل هذاك السعودي الي في ماكدونالدز ..

داخلين هذاك اليوم للمطعم وطلبنا ..

وبنت خالتي الصغيره تبي تروح للحمام الله يكرمكم ..

ويوم فتحنا الباب إلا والله شاب سعودي جالس ينظف الحمام :(

أنا ما أقول حرام الشغل أو عيب ..

بس والله ثم والله قهررررر الشباب السعودي وصلت فيه البطاله أنه ينظف حماماااااااااات ..

الله يكرمنا ويعز من قدرنا ولا يحوجنا ...

قولي آمين ..

بي بي الحلوة

06-11-2007, 11:15

والله لوانا مكاانك اقبل فيهاا:)
ماعلي من كلام الناس ولامن شئ
اهم شئ اني انبسط واغير جو وكمان يصير معاي راتب اشتري الي ابغا
:)

والله يووفقك يوفقنا ياارب

missy355

03-02-2008, 13:05

والله انتي انسانه اسلوبها رائع في الطرح ,جيد, ظريف واستلم كل حواسي
راي ممكن الوحده تشتغل بياعه بسسسسس في حلالها فقط
يعني اذا المحل محلك ملكك اوقفي فيه ليش لا وايضا اذا كان تعاملك محصور فقط بسيدات
وحتى ان كانت هاذي الشروط متوفرة في مكان عملك
العمل بهاذي الطريقه مخاطرة كبيره لانك بتكونين مسئوله عن فلوس في محل ما عليه امن يعني
شغله يبي لها رجال الا اذا بتحطين كميرات مراقبة .
باختصار والله صعععععععععععععبه شيليها من بالك :)

نوراني الهنديه

11-02-2008, 20:45

صراحه في قمه الروعههههه

oh man yes man

22-06-2008, 03:11

انا اشوفه عادي جدا

oh man yes man

22-06-2008, 03:12

انا اشوفه عادي جدا..احسن خليك عند كلمتك..

robert de nero

03-09-2008, 21:31

ان شاء اللة بعد عشر سنوات المجتمع راح يتقبل هذا الموضوع:d
لأن الحين كل وحدة تقول انا بنت عز مو محتاجة بس بعدين:cry:
اللة يستر علينا:forefinger: