المساعد الشخصي الرقمي

مشاهدة النسخة كاملة : الرجل ينسى .. والمرأة تسامح

Sonaa
12-04-2006, 23:06
علاقة الرجل بالمرأه والله نشوف فيها العجايب ...
اليوم حابه ألفتلكم أنظاركم على شيء مهم في علاقة
الرجل بالمرأه ...
لمن تسير مشكله مثلاً بين الوحده وجوزها أو خلينا نقول
نقاش حاد أو سوء تفاهم بين الرجل والمرأه ...
تجي بعد شهر أو اكتر تفكّري الرجل بالمشكلة تلاقي
ناسيها لكن يفتكر انو إنت زعلتيه بس مو فاكر السبب
لكن تعالي للبنت يا سلام تحكيكي القصة من طقطق
لسلام عليكم ...
وبعض الرجال يتهم البنت بأنها حقودة وماتنسى بس
الشيء دا مالو علاقة في الحقد الرجل بعد أي مشكله
أو قاش حاد ينسى لاكن ما يسامح ...
والمرأه بعد أي مشكله أو نقاش حاد تلاقيها تسامح حبيبها
لاكن ما تنسى تفاصيل المشكلة .. ( هو ايش قال وأنا ايش قلت ومين بدأ أول) ...:eek:

وأخيراً ... على الرجل والمراه بعد كل مشكله
تسير بينهم – الله لايجيب مشاكل- لاكن هادي حلاوة
الحياة أهم حاجه هو النقاش حول المشكله و معرفة أسبابها
علشان ما تسير مره تانيه ... "سويت فيها دكتوره";)
والناس اللي تقول – حياتنا دايما مشاكل – السبب الرئيسي
لدوامها هو عدم النقاش حول المشكله بعد ما يتصافو الطرفين
كده حيجي يوم وينفجر كل طرف يبغى يطلع القديم ..
وأكبر غلط إنو الواحد إكابر على حبيبو وما يراضيه أو انو
ما يعترف بغلطو ...
ترا ياناس الفضفضه أول بأول تصفي القلوب وتديم الحب .
حورية الجنة
12-04-2006, 23:28
مسآء الخير Sonaa

والله انا معاكي بكل الكلام 100% ;)

بس لإن المرأة ما تنسى تكون حقودة؟:eek: لااااااا .. قولي للي يقول كذا .. ما عندك حق :confused:

يمكن لإن المرأة مو سهل تنسى أي شي سواء حلو او مو حلو .. يبقى ببالها .. لإن كل الكلام يأثر فيها .. :confused:

مادري عن الرجال :conf:

بس على كل حال .. كلامك صح يا دكتورة ;) ههههههههههه

الف شكر حبيبتي عالمواضيع الحلوة هذي :rose: :p :rose:
Sonaa
13-04-2006, 04:24
العفو حوريه ...

وشكراً على رأيك اللي يهمني اكيد ..
رمادي
16-04-2006, 14:04
مسكين الرجل

يلاقيها منين ولاّمنين


ايتها القوارير

رفقاً بالرجاجيل
BMW_745Li
17-04-2006, 02:58
وأكبر غلط إنو الواحد إكابر على حبيبو وما يراضيه أو انو
ما يعترف بغلطو ...
ترا ياناس الفضفضه أول بأول تصفي القلوب وتديم الحب


لو الناس تفكر زيك ,, كانت الدنيا بخير :) صدقيني
Sonaa
17-04-2006, 03:10
and 745Li رمادي
مشكــــــــــــــــــوره على ارائكم ...
ام عمر
19-04-2006, 09:42
السلام عليكم
حبيبتي ماادري اذا كنتي متزوجه ام لا بس من خبرتي مع زوجي احب ان اقول :eek: ان الرجل ماينسا انك زعلتيه ويفتكر المشكله وماينسا اي غلطه:mad:
ويفتكر حتي اول غلطه في الزواج
لاكن المراءة ممكن تنسا وتسامح ليس هذا انحياز للمراءة لا ولاكن المراءة بتنسا من الضغط عليها في البيت وتربية الاطفال واذا كانت بتشتغل برة البيت ذاد هذا من مسؤليتها وما تدري تراضي مين علي حساب مين واي مشكله تحصل في البيت بتكون يه السبب فيها حتي :cry: ولو مالها يد فيها
هذا راي واتمنا مااكون ضايقت احد براي
Sonaa
14-05-2006, 08:49
على كل حال الناس اجناس .. ومو كل رجال زي التاني (اصابعك مي وحده )

انا على عكس كلامك ام عمر تماما .. لانو الرجل عندو الكتيييير والكتييييير اللي يشغلو .. عندو عالم اخر برة البيت ..
العمل .. الشارع .. اصحابو ومعارفو .. البيت كلها اشياء تنسي الرجل التفاصيل البسيطه اللي المراه ماتنساها ..
بـــــحـــــر
14-05-2006, 13:58
الله يعيناا عليكم وعلى مشااكلكم ووجع الرااس حناا مااننسى ترااكم على الباال بس تعرفين المسؤلياات الي بعصمه الرجاال اما النوع الثااني اذاا حقدت احقدت ( انا كيدهن عظيم)
Sonaa
15-05-2006, 08:51
خخخخخخخخخخخخخخخ ..
حيلك يا عمي ..

ومن جهت كيدهن عظيم .. انا معاك فيها ...
aishwarya25
15-05-2006, 12:23
يووووو على الرجال كلمتهم الوحيده اتي مو ربت بيت مثاليه:eek: :roll:
Sonaa
16-05-2006, 04:39
خخخخخخخخخخخ اشويريا ..
خرجت برة الموضوع 180 درجه وكأن عنوان الموضوع ..
- هل يراك زوجك ربة بيت مثاليه - الله يهديك ..

تيب خليني اقولك رائي في كلامك عن هدي المراه ..
لازم تقنع زوجها انو الانتقادات على الطالعه والنازله يحطم قلب المراه ..
وتقولو ازا انا مو ربت بيت مثاليه خد بيدي وطول بالك الين ما اسير مثاليه ..
وفي النهايه مافي انسان كامل ..
aishwarya25
16-05-2006, 12:31
خخخخخخخخخخخ اشويريا ..
خرجت برة الموضوع 180 درجه وكأن عنوان الموضوع ..
- هل يراك زوجك ربة بيت مثاليه - الله يهديك ..
تيب خليني اقولك رائي في كلامك عن هدي المراه ..
لازم تقنع زوجها انو الانتقادات على الطالعه والنازله يحطم قلب المراه ..
وتقولو ازا انا مو ربت بيت مثاليه خد بيدي وطول بالك الين ما اسير مثاليه ..
وفي النهايه مافي انسان كامل ..

وتشوفين هل كلام يفيد وأسفه اذا خرجت عن الموضوع
Sonaa
08-12-2006, 23:40
مشكوره اشويريا قلبي ..

بس انت حلوه زي اشويريا :-)