نحن يالشباب مشكلتنا مشكلة وإلا أنا غلطان

[bader_15]

أولا سلام عليكم ..
أتمنى أنكم تشاركون بآرائكم جميعكم سواء الشباب أو البنات مع إني أتكلم عن بني جنسي اللي هم الشباب فوالله إنا مساكين تقولين ليه ؟؟؟!!!!! أنا أقولكم ليه لأنه ياأخواني الأعزاء إن جلسنا في البيت قالوا ليه جالسين كسالى ونوم وفرغه وقلة صنعه وإن طلعنا نجلس في المقاهي قالوا ذولي دشير وماتربوا وإن فروا في هالشوارع قالوا ضايعين ويصرفون البنزين على شئ ماله داعي ويعرضون أنفسهم وغيرهم للخطر وإن رحنا للأسواق قالوا يغازلون ويؤذون بنات خلق الله وإن سافروا للخارج قالوا راحوا يسكرون ويفعلون المنكر ... فعلا ياناس حيرة ما بعدها حيرة و لا أزيدكم من الشعر بيت إن شافوا الواحد جالس على الإنترنت قال هذا ما جلس على الإنترنت إلا إنه يبي يدخل على مواقع نص كم ويشوف أشياء ما لها داعي ... ممكن تعطوني الجواب ياأخوان وياأخوات حل لها المشكلة اللي بصراحة عقدتني وعز الله ما كذب اللي قال الشر يعم والخير يخص ... وآآآآسفين على الإزعاج وسلامتكم .

[**قطرة_ندى**]

:) هلا اخوي بدر

اولا هلا بك يالغالي وحياك بينا لاني اول مره اشوف اسمك معليش اخوي العتب على النظر
اما بالنسبه للموضوع بقولك شي
ترىمافيه دخان من غيرنارترىانتوجبتوالنفسكم هالسمعه

لاكن ايضانظرةالمجتمع لهادورهابحكم ان مجتمعنامنغلق ومايحتك

في المجتمعات الاخرىفهويرىكل فعل من شبابه ياتي بقصور

لاكن صدقني في النهايه مايصح الاالصحيح

يعني اللي ماشي صح ماراح ياثرفيه شي واللي عارف نفسه هواللي يهزه هالكلام وياثرفيه تسلم عزيز

هذا مجرد راي:)

[متأمل]

السلام عليكم


سبب رئيسي واحد الذي اراه يجعل الغير يصفون الشاب بماتفضلت به وهو سبب نابع من الشباب انفسهم.

الا وهو ( المداومة والتردد على فعل تلك الاعمال) . فمااقصده هو انه ان كان الشاب دائم الجلوس في المنزل فطبيعي ان يوصف بالكسل , وان كان دائم التردد على المقاهي فهو كما وصفت ( دشير ) , وان كان دائم التردد والذهاب للمجمعات التجارية من دون حاجة فهو بلاشك يذهب للامور التي ذكرتها.

فلااظن بل لن يجروء اي شخص ان يصف شاب بأنه معاكس مثلا او داشر لمجرد رؤيته لمرة واحدة في هذا المكان ولكن اذا كان كلما اتى الى هذا المكان وجد هذا الشاب فطبيعي سيصفه بتلك الصفات.

وهذا لايلغي بأن هناك فعلا عقليات مغلقة أول مايتبادر في ذهنها الجوانب السيئة. لكنها نادره ويجب ان نتعامل معها بالثقة في النفس وادراك مانفعل اينما نذهب .

وشكرا

[MoshakeS]

..

[صوره]

والله مدرى وش اقولك
بس هالصوره خطاء ميه بالميه من حق الشاب انه يروح قهاوى ومن حقه يدخل النت ومن حقه يرتاح بالبيت ..ومن حقه يتمشى هذى اشياء كلها اشوف انها من حقه ميه بالميه ..
بس مو يقعد بالبيت على حساب الشغل مثلا ..
او يتعمد يروح السوق لايذاء الناس ..
لكن اذا احد قال شي فهذه وجهه نظره.. بصراحه ان اشوف ان الشباب تصرفاتهم كثير تحسنت عن السابق وكثير اذا ما نقول اغلبيه محترمين ..ولا احد يحارش زى زمان ..
بس الله يفكهم من الملاخص وتطير العيون ..

صـــ االلى يضايقنى صدق الملاخص ــــــــــــوره

[*بنت_القبايل*]

هلا فيك اخوي بدر ....

بالنسبه لموضوعك اذا كان الشاب واثق من نفسه ومحترم نفسه ومايسوي

اي افعال تسيء له وتجيب له الكلام صدقني مافي احد راح يتكلم عليه او

ينتقده هذا غير ان مجتمعنا منغلق مثل ماقالوا اخواتي اللي ردوا لكن الشاب

يقدر يثبت العكس بأنه يقسم وقته مابين جد وتسليه يعني مو كل الوقت

تسليه ووناسه والله يهدي كل شباب المسلمين....

واعذرني اذا قلت شيء غلط وهذا مجرد رأي....

ومشكووووور اخوي.....:)

[bader_15]

سلام عليكم ..
في البداية حبيت أشكركم على تفاعلكم الكريم والله أثرتونا بآرائكم الحلوة سواء قطرة ندى أو متأمل أو مشاكس اللي بصراحة رده يعني موافقني على الموضوع أو معارض أو مختار الوسط وهو الأسلم .. بس على كل حال يعطيك العافية أنت والأخوان وكذلك الأخت صوره مشرفتنا وموجهتنا في المنتدى الجميل وكذلك القائمات على الصفحة وألف وألف شكر خاص للأميرة بنت القبايل وفي النهاية وعلى مايقولون زبدة الكلام ومربط الفرس ( الإختلاف في الرأي لا يفسد للود قضية ) وسلامتكم

[*بنت_القبايل*]

حياك اخوي bader_15
وهذا من طيب اصلك اخوي وتسلم على ذوقك اللي احرجتني فيه...:)

بـــــــــــــــــاي...

[العفريتة]

كل هالاشياء ماجت في بالي تصدق بس والله احس انه معك حق

[FtOoOoOo]

;) ;) اش عليك من الكلام كللللللللله كلام;) ;)

:p ياخي طنش تعش تنتعش:p

يلا بـــــــــــــــــــــــــــــ اي:)

[مستحيل]

السلام عليكم
انا من المئيدين لكلام اختي بنت القبايل ولكن عندي اضافه عليه....
اول شي ياخوي بدر حنا نمر بجميع ما ذكرته ولكن يجب ان نتلاشي الوقوع في تلك الاشياء واحب اقولك شي مهم يا خوي ما عليك من كلام الناس والله وان فيه ناس بس جالسه تدور الكلام على فلان وعلان وترى الي بيطاوع كلامهم بيضيع ويصير متشائم ومتغطرس ....
ياخوي والله ماعليك منهم ومدام الانسان عارف نفسه ترى مايهمه قول الناس فيه.
( ارجو المعذره لاني انحرفت عن صلب الموضوع )

[الرومنسي]

شوف ياخوي بدر مادام إني شاب راح أقولك وجهة نظري وأرجو إنها تقنعك :
الشاب الي يجيه كلام مثل كذا معنى هذا إنه له سوابق ومعروف بهذا الشيء ، وعلى كذا الأعل ماينلامون إذا قالوا عنه هالكلام ، ولكن إذا كان معروف بالأخلاق الحسنه والسمعه الطيبه إنشاء الله لو يروح يوميا للسوق أهم شيء إنه مايلفت النظر لتصرفات مشينة له ويحسن النية ، فأنا مثلا أهلي واثقين فيني كل الثقة وأنا بصراحة أكره ماعندي السوق ، زحمة .. وتعب .. وكلها شغلات حريم .. وأنا إذا أهلي قالوا ودنا السوق أحس إنهم صابين علي ماي بارد ، أو مثلا إذا بروح مجمع تجاري معين ووده يتمشى مع ربعه مايمنع إذا كان قصده إنه يتمشى أو ياخذ له غرض ، بس مثل ماقلت لك ياخوي بدر إذا كان معروف عن الشخص مثل هذي التصرفات أو لوحظت عليه من قبل فلهم حق الي يتكلمون عليه ، وإحنا مانقول إقعد في البيت على طول ، ولا نقول إسهر بره إلى الفجر ، لكن خل طلعتك بره البيت معقولة ، بحيث إنك خلصت من مشاوير أهلك وودك تطلع مع الشباب وتقعد معاهم ساعتين أو ثلاثة بالكثير أو إنك تقعد في بيت واحد من الشباب سوالف وصكة بلوت وبعدين ترجع البيت ، أنا أعتقد إنه ماحد يقدر يشك فيك ، ولو حصل وشك فيك أحد وإنت واثق من نفسك خله يشك لما يشبع ، وأحب أوضح نقطه مهمه وهو إني ماأبي أحد ياخذ فكره إن الشباب معروفين في كل مكان بالمغازل وقلة الأدب ، ولا أقول إنه مافي من هالنوعية ، بس مثل ماإن في شباب تعبانين أيضا في بنات يسببون شر ، وماأقول كلهم ومستحيل تلقون مجتمع من المجتمعات كلهم صالحين ، مهما كان الله خلق وفرق والزين والشين والصالح والطالح موجودين في كل مكان ، وهذا الكلام موجه للبنات:rolleyes: بأن لايخذون فكرة إن الشباب كلهم فاسقين ، وآسف على الإطالة وأشكرك ياخوي بدر على مشاعرك الطيبة تجاه الشباب :)

[Lonely Girl]

هلا البدر..:)
مشكور على الموضوع الحلو..,,:)
وفعلا هالشي مو عام على كل الشباب..,,
لكن للاسف عندنا يحكمون على الواحد من نظرة شخص واحد..,,
وبالشكل بعد:(
ليتهم يحكمون عليه من اخلاقه وتعامله معهم كان قلنا زين سووا:)
وبيني وبينك الشباب بعض تصرفاتهم مالها داعي..,,
يعني عندهم مظهره زايد تجيبلهم الشبهه شوي..,,,
لكن فعلا حرام التعميم:)

ياحلو التنبيش:)

[black_tt_140]

فعلا بدر الشباب السعودي مظلوووووم:(

وازيدك من الشعر بيت

الاسواق كلها عوائل:(

ياكثر الكافي اللي فاتحينه مايدرون ان مو كل الشباب يحبونها:(

حلوة يا بدر اخيرا لقينا حد حاس فينا:cool:

تسلم يا بدر على هالموضوع مع انك مبطي علينا مانشوفلك موضوع:cool:

[bader_15]

يا مرحبا :)


مشكور على رايك اخوي الرومنسي .. وانتي بعد يالمنبشه لونلي الف شكر ...:)

بلاك اولا مشكور وثانيا ترى الموضوع قديم في بداية عضويتي ببنت نت ... اي موضوع خلاص فيه لونلي ودريم والحسام والخالد وصوره وتبينا ننزل مواضيع ... :)


تشكراااتي :cool: بدر15:cool:

[black_tt_140]

هههههههههه يا معود عارفين بس حبينا نعيش الموقف:cool:

ذي لونلي قيرل يبيلها تكفيخ هي ووجها والا التوقيع اللي ماله داااعي:roll:

[preez911]

ايه هين

اجل فكرة خاطئة يالتماسيح

يعني لو موب عايشين معكم نقول ممكن

لو كنا في المريخ نهضمها

بس يا تمساح انت وياه مسوين فيها ملائكة

ماحنا في درس احصاء عشان نناقش هم كلهم ولا بعضهم وكم نسبتهم

وقف عند اي اشارة وناضر السيارات

سبعين الف تمساح ماغير بحلقة في العالم

كم مرة يا تمساح شفت بعينك موكب (الموكب حركة قديمة مدري هم بطلوها ولا لا)

كم مرة يا تمساح شفت تمساح زيك شايل لوحة حاط عليها رقمه البايخ ورازها بوجه البنات في السيارة اللي جمبه (ويقولون وش علاقتكم فينا نتلثم ولا نفتش؟ مهو يا شطورة التماسيح ما كبو عليك زي الذبانة على صندوق الزبالة اللي قدام بيتنا الا بسبتك)

وبعدين يا حلوين( ما قلت تماسيح لان السؤال موجه للبنات ايضا)

بصراحة وبدون كذب

كم تعرف واحد من اصدقائك طايح مكالمات مع بنات العالم وتماسيحه

اما يكون هذا هو الواقع

او يكون المجتمع ملائكي وانا لحالي اللي عايش وسط دشير

[bader_15]

مرحبا ...:)

والله انك صادق يا بلاك ... نور الموضوع بطلتك يا بلاك ...:)

والشي الثاني يا أخ preez911 ههههههههههه الظاهر انك اطلقت تسمية تماسيح علينا ونسيت نفسك هههههههههههه ...

بس لا يكون انت لا ذكر ولا أنثى هههههههههههههه يا خوفي والله ...:p


هدئ من روعك يا اخي

<<<<<<<<<< حلوة هدئ :D


ومع ذلك نحترم رأيك ونقدره ... بس عليك بالعصير الليمون لإنه ماشاء الله عليك اشوف لك كذا رد داخل وانت كذا :mad: ...

طيب انت تقول /

وقف عند اي اشارة وناضر السيارات

سبعين الف تمساح ماغير بحلقة في العالم

ولا تنكر بعد انك لست من ضمن التماسيح الكرام الذين يبحلقون بالعالم ... ;)

الف شكر اخوي على مداخلتك القيمة :eek: ...

تشكراااتي :cool: بدر 15 :cool:

[preez911]

تمسوحي بدر تعدينا مرحلة التمسحة

صرنا ثقل قلبنا ضبان

ولا عمرك تدق هالدقات لا العن ابو جد شيطانك

[bader_15]

أيوه يا شديييييييييييييييييييد ... :D

ههههههههههههههههههههه والله انك ضحكتني بسالفة القلبه ... على ما أذكر

الواحد يقلب من صغير لكبير مو العكس يا فالح زمانك..:eek:

ولعلمك ترى التمساح يآآكل الضب يا بابا ... ( معلومه بسيطه ) ..:D

قال ايش قال ثقل ...:roll: ... امحق من ثقل انت تعرفه .. :D


لا أدق والعن سلسبيلك السلسبيل ... :D ... وش بتسوي ... :D


تشكراااتي :cool: عمك بدر 15 :cool:

[preez911]

اجل انا اللي يحتاج عصير ليمون

وراك معصب يابو الشباب

اسفين اذا جرحنا شعورك يا تمسوح

وبعدين بالنسبة للقلبة خبرك قديم

التحول في هالحياة من الكبير للصغير في النهاية

انت اكبر مثال

شكلك ماشاء الله ما تخش مع الباب

بس الوعد بعد 40 سنة

لا تصفطت و حدودب ظهرك وصرت تمشي على ثلاث

وهذي حبة على راسك يا تمساح ولا تزعل

اقول تراكم اقلقتونا كل شوي واحد يزعل وما غير طايحين حب على روسكم المزيتة

خلاص وسعو صدوركم

[black_tt_140]

:cool: :cool: :cool: :cool: :cool:

[bader_15]

الحين كل ذا الضحك وتقول لي معصب ... اوكيه معصب معصب يا ضب هههههههههههههههههه ...

اوكيه قفل الموضوع ...

<<<<<<<<<< والله خاف من طلت بلاك هههههههههههه


تشكراااتي :cool: بدر 15 :cool:

[مايا الحلوة]

وجه نظري و ما بعرف اذا صح او خطأ بس اللي بالمدرسة لسة يروح المدرسة و بيرجع يحل واجباتة و اخر الاسبوع ما عليهم حجة هذا اخر الاسبوع و بدي اعمل اللي بدي اياة ...... و اللي بالجامعة نفس الاشي ............. و اذا خلص في الشغل و اخر الاسبوع يعمل اللي بدوا اياة او باجازتة و بعدين يتزوج و ما احد بيتحكم فية و بيكون هو وشريكة حياتة متفاهمين على الطلعات و النزلات و حابة اضيف اشي ما في اهل راح يعملوا هيك الا اذا كان ما في ثقة ........... بااااااااااي :rose: :rose:

[bader_15]

مشكوره مايا على تفاعلك مع الموضوع ... الف شكر :eek: